2008/06/30

" أعلان هام "أو " الى من يهمه الأمر

الى اصدقائى وجميع المدوونين كلاً بأسمه
ستبدأ فترة غيابى الفعلى من اليوم واعتزر عن أنى مردتش على التعليقات في البوست الاخير
بس أوعدكم بأذن الله بأنى لما ارجع ارد عليهم واود ان اوجه اعتزارين
واحد ل zozo لأنى رديت عليها بعصبيه مبالغ فيها بسبب زعلى
والتانى لصديقه ليا ردت علي البوست الاخير بغير معروف
وعامة انا البوست دا او الكنفرنس دا كان قديم شوية بس لما نزلت موضوع احلام في مهب الرياح
محبتش اسيب المدونه لفتره وانا تاركه انطباع الحزن على المدونين والاصدقاء وحتى الغرباء او الزوار
وبالنسبه للجزء اللى زعلها وانا عرفاه منغير ذكره يا ريت لو انتظرتنى وانا افهمها
ومش هبرر لأنى مش هكدب فى شيء والحمدلله
رسالة لأى حد مزعل صديق حاول تصالحه الأصدقاء غاليين قوى ولا يمكن تعويضهم
ورسالة لصديقتى : أنا مش وحشه قوى وبرضوا مش ملاك "
وتكملة رسالة صديقتى أن كنتى تحبى تتكلمى في حاجات شخصيه فأعرضى الصوره كامله
مش معنى أنى اكون مكسوره واضحك يبقى انا مكنتش مجروحه او نسيت بسرعة الصاروخ
بس لازم نسيب بسمه على وشوش اللى حوالينا حتى لو مش قادرين نبتسم من القلب الناس ملهاش ذنب وكذلك الأصدقاء
لو وقفوا جنبنا فعلا , لازم منحسسهمش باليأس بأننا نفضل متضايقين , ممكن التظاهر يقلب في النهايه بصدق فعلا
وبوجود الأصدقاء جمبنا ننسى أى هم وأى حزن .
تقبلوا تحياتى واحترامى لجميع الأصدقاء والمدونين وهتوحشونى طبعا ويا ريت اكون قدرت اسبلكم بسمه بعد الأحلام اللي كسرتها
نور شاهين

هناك 49 تعليقًا:

Blue Nile يقول...

ياريت ميكونش غيابك بسبب زعل
بصراحة مقدرتش اقرا موضوعك اللي فات لانه طويل اوي.
وياريت صديقتك اللي زعلت تستناكي لحد ما تفهميها وتتصالحو ان شاء الله
ربنا معاكي يا نور ومتضايقيش نفسك

spower يقول...

ربنا ما يجبشي زعل ان شاء الله

ارجو قراة البوست الجديد لانه غايه في الاهميه

تحياتي

أسير الجراح يقول...

نور


مفيش زعل ان شاء الله


وان شاء الله ترجعى بالف سلامة


يارب غيابك يكون خير


تحياتى


اسير الجراح

rovy يقول...

ترجعى بخير ان شاء الله و الف سلامه

ان شاء الله مفيش زعل لانك انسانه جميله صعب حد يزعل منك ..

تقبلى مرورى و تحياتى وان شاءالله الغيبه ما تطولش ..

دمتى بخير فى حفظ الله

rovy

موناليزا يقول...

تيجى بالسلامة يانور ويارب تكونى بخير
وفعلا نصيحتك جديرة بالاهتمام والتنفيذ

نـــــور يقول...

الله الله...ليه كده ياحبيبى يعنى اجر عندك مرتين تسيبينى وتمشى؟؟
وده برضه كلام؟؟ لالالالالالالا مش هسمحلك بجد
ارجعى لمدونتك يانور وصدقينى الدنيا مش هتفضل وردى على طول لازم يكون فيها الحلو والوحش .الحزن والفرح ولولا ادحهم ما عرفتى للاخر طعم...نور ياجميلهع بلاش تختفى وارجعى حتى لو حزينه..صحابك لازم يشيلوكى فى حزنك زى مابيكونوا فى فرحك والا مايبقوش يستاهلوا صداقتك...مش كده ولا ايه؟
ازاح الله عنك همك وادامك فى رعايته وامنه

arsenalwy يقول...

فى رعاية الله يانور

بس متغبيش علينا

جميل اوى اعتذارك المهذب

طمنينى عليكى اول ما ترجعى

شهرزاد يقول...

نور الجميلة هتوحشينا جدا انتي فتاة رقيقة وطيبة
ومحدش هيزعل منك

تحياتي للقمر

drpharma يقول...

مستنينك ترجعي بالسلامه

RaRa يقول...

نــــــور

حبيبة قلبى اتمنى سبب غيابك يكون خير

متغيبيش عننا كتير

لأن بجد بحب اقرى بوستاتك اوى


وربنا يكرمك يارب

ghoneem يقول...

السلام عليكم

أهلاً بيكي ويارب تكون فترة الغياب دي لأسباب سعيدة وترجعي بالسلامة ان شاء الله

جميل بجد كتابتك وتعليقاتك عندي زي ما قولت قبل كدة بالرغم من حداثتها الا انها مؤثرة بالفعل

تحياتي ليكي ولمدونتك

بالتوفيق.......................

غير معرف يقول...

انا مش عارفه اصلا فيه ايه مش ممكن تكونى كنتى بتحولى تكلمينى علشان فى الاخر تقولى انى بسهر اكلم ...ده انا لما طلبتى مره نتكلم وانا مفكره انك نور يعنى هكلم بنت زى زيها رفضت وضحكت وقولت للك بتسهرى تعملى ايه فى وقت متاخر لا مش ممكن انا خفت منك بجد وايه اللى يع وايه الهندسه والكلام الملخبط ده وايه الطوب تكونى فاكره ان الكلام اللى بكتبه موجه ليكى لا والله مش كل حاجه ليكى انا اسفه بجد

أمل فتحى عزت يقول...

حملة لرد الاعتبار
........................
حيوا معى العين الساهرة للحفاظ على المقدسات وعودة الحق لأصحابه عندما أعاد الدكتور/أسامة السعداوى صياغة التاريخ المصرى القديم لقد نصر العالم الجليل تراث الاجداد وقدمه للآحفاد لينهلوا العلم من أوسع أبوابه تعالوا يا أبناء مصر

نطرق باب النابغةالدكتور /أسامة السعداوى لنعرف منه الحقيقة


قودوا معى حملة الشرف والكرامة فى رفع الظلم عن أجدادكم وانتم أصحاب كلمة فلتكن فى موضعها فلا استقامة للمستقبل الا بتصحيح مسار تاريخنا واحياء علومنا وحضارتنا


ادخلوا الموقع الخاص بالعالم من على صفحة مدونتى الرئيسية
ولكم منى جزيل الشكر

yoyo يقول...

مش عارفة اقولك ايه يا نوارة قلبى بس والله هتوحشينى جدا جدا جدا وهافتقدك على المدونة وكمان على الايميل يارب تروحى وترجعى لنا بالف سلامة ان شاء الله ومش تغيبى علينا يا قمر احنا مش نقدر على بعدك ثانية
صديقتــــــ(يويو)ـك

Unknown يقول...

تروحى وترجعى بالسلامة
ان شاء الله
وميكونيش فى لازعل ولا سوء فهم
ولا اى شئ الباقى هو الحب فى الله
والاحترام وبس
لا تغيبى

نهر الحب
وانا كمان مدينة لك بأعتذار انى لم اقوم بعمل الواجب اللى مررتيه على
بعتذر بس فعلا لا املك ما استطيع التحدث عنه بالذات فى عالم الاحلام

كل الود فى الله

شهرزاد يقول...

نور
كل ده غيااااااااااب
وحشتيني بجد اوي أوي
للدرجة دي مشغولة
لدرجة أنك مش قادرة تخطفي ثوان من وقتك وتطلي على المدونة
ربنا معاك يا رب
وترجعيلنا بالسلامة
أحبك في الله
تحياتي

RaRa يقول...

نــــــــــور
وحشتينى اوووووووووووى
انتى فين غيتك طولت
اتمنى اشوف جديدك قريب
وليكى عندى واجب تعالى خديه

ذو الوجه المبتسم يقول...

السلام عليكم
بصراحة انا مبتدأ لدخول المدونات
لكن بجد لقيت اللى انا باعشقه
وهو التلقائية فى التعبير
والانسيابية والارتجالية
بحد كده قووووووووى
تعليقى ان ربنا يوفقك
واشوف لك كتابات اكتر
اتمنى انك تفضلى على نفس خط السير
التلقائية ؟؟؟
الصداقة صدق

ذو الوجه المبتسم يقول...

تمنياتى لك بالمزيد من التلقائية
باعشق بجد اسلوب التلقائية ده

*الطالبة عفو الله *زوزو يقول...

حبيبتي انا مش عارفة انتي بتعتذؤي على ايه و الله انا مش زعلانة منك و لا اقدر على زعل
و بعدين انا لي لازم اعتزر اني طول الفترة دي معملتش تعليق في مدونتك بس انتي عارفة اكيد ليه مين غير ما افضح نفسي المهم يا ستي مفيش زعل و لا حاجة و خلاص ارجعي طولتي الغيبة وحشتيني اوي يا نور حياتي
جوتاموووووووو

*الطالبة عفو الله *زوزو يقول...

انا zozo

Unknown يقول...

نور
فينك يارب تكونى بخير
حاولى تطمنينى عليكى لو سمحتى

كل الشوق لك والقلق عليك

Maha Shahen يقول...

blue nile
لالا ربنا ميجبش زعل ابدا يا رب
انا مكنتش بقدر ادخل بس اخويا في مصر ومفيش وقت خالص ادخل للنت انا اسفه
وولا يهمك علي الموضوع اللي فات انا عارفه انه طويل كتير معلش
كنت اتمنى صحبتى تستنانى بس شكلها مستعجله ههههههههه وراحت
ربنا يحفظك يا قمر ونورتى المدونه ونورتى البوست بتعليقك

Maha Shahen يقول...

spower
اهلا اهلا زعيم الثوره عندنا يا مرحبا يا مرحيا
حاضر هقرا البوست بأذن الله في اقرب وقت
وبعتزر عن التأخير لظروف خارجه عن ارادتى
ونورت المدونه بمرورك

Maha Shahen يقول...

أسير الجراح
ولا زعل ولا حاجه مين جاب سيرة الزعل
راح الزعل ورجع الفرح ربنا يجعل ايمامكم كلها فرح يا رب
وادينى رجعت والحمدلله ومتشكره جدا لمرورك وتعليقك الجميل
ودايما منور المدونه

Maha Shahen يقول...

rovy
الله يسلمك يا قمر يا رب من كل شر
انتى انسانه جميله ورقيقه ربنا يبارك فيكى يا رب
ونورتى المدونه وبيسعدنى دايما مرورك وتعليقك

Maha Shahen يقول...

موناليزا
الله يسلمك حبيبتى يا رب
ونورتى المدونه يا قمر

Maha Shahen يقول...

حبيبه الحبوبه
انا اقدر اسيبك وامشى بس ولا اقدر هى بس شوية ظروف وراحت لحالها وادينى هنا اهو
طبعا لازم يكون في الحلو والوحش علشان نعرف طعم الحلو بس انا عندى شوية كتره في الوحش هههههههههه محدش ياخد شوية يا جماعه ولا بلاش ربنا يجعل ايامكم كلها سعاده وفرحه يا رب
ربنا يبارك فيكى يا حبيبه يا رب ويحفظك من كل شر يا قمر
دايما منوره المدونه بتعليقاتك الجميله

Maha Shahen يقول...

arsenalwy
ربنا يكرمك يا arsenalwy
انا بخير اهو وفي احسن حال والحمدلله
وادينى رجعت والحمدلله
ونورت المدونه بتعليقك المهذب واللطيف

Maha Shahen يقول...

شهرذاد الغاليه
وحشتينى جدا وادينى بحاول اتواجد اهو وهكون هنا كمان اسبوع بالظبط هكون دوام متواصل بقى بأذن الله علي قلبكم هههههههه بس محدش يشتكى منى بقى
والله وحشتينى ووحشتونى كلكم وكلامكم وتعليقاتكم ومواضيعكم وافكاركم كل شيء وحشنى قوى قوى
كنت بدخل والله تخاطيف اقا كاتبين ايه كلكم بس مكنتش بقدر اعلق وكنت بمر مرور الكرام لكن هزهقكم تعليقات دلوقتى
منوره دايما يا ارق زهور الربيع وحياتى

Maha Shahen يقول...

drpharma
الله يسلمك يا رب من كل شر
وادينى رجعت والحمدلله
اسعدنى مرورك وتعليقك

Maha Shahen يقول...

rara
العزيزه والرقيقه
خلاص راح الغياب والحمدلله وعودنا اليكم
ووحشتونى جدا جدا
ويا رارا متبقيش بخيله علينا اكتبي كتير بدخل كتير ومش بلاقي حاجات جديده شكلك انشغلتى عنا انتى كمان
ربنا يسعدك يا قمر ونورتى واسعدنى مرورك

Maha Shahen يقول...

ghoneem
وعليكم السلام ورحمة الله وبركاته
لا غياب بعد اليوم والحمدلله
وانا اتمنى يكون التعليق مش ازعجك هو رأى مش اكتر ويا رب اكون قولته بطريقة لطيفه
نورت المدونه وميرسى لتشجيعك وتعليقك اللطيف والمهذب

Maha Shahen يقول...

غير معروف
لو انتى مش عارفه انا اللي هعرف
بالله جننتونى فعلا بتتكلمى عن ايه
وجميل قوى مفكره انك نور دى .. لا انا بنت الجيران مش نور ههههههههه
وقلتيلى لا ليه انا طلبت ايه بالظبط هتشككينى في نفسى هههههههه .. انا بسهر لوقت متأخر اعد النجوم في السما الصافيه مصر كلها بتسهر هتيجى عليا وتبقى عيب وعامة مش دايما بسهر يا ستى ساعات بشرب اللبن وانام بدرى ومش تخافى منى انا مش عووو دنا حتى لطيفه اهو وبحب الاطفال ههههههههههه
ولما افهم فى ايه هبقى ارد بكلام جد لأنه دا كله كلام تهريج وخلاص
تحياتى واعتزراتى وسلاماتى

Maha Shahen يقول...

امل فتحى عزت
الموضوع شكله كبير ومحتاج تركيز هدخل واقرأ واشوف ثم اعلق لما افهم بأذن الله
في القريب العاجل
نورتى المدونه بمرورك

Maha Shahen يقول...

yoyo
يا حبيبت قلبي متقوليش شيء ادينى رجعت اهو وعدنا اليكم سمعينى بقى عود احمد
او ولكم باك صغيره حتى انتى بكاشه يا بنوته لو وحشتك كنتى اتصلتى يا بخلو هههههههه
وعامة نورتى يا قلبي والغياب لم يطول
وحشانى انتى كمان مووت وهنتكلم قريب خالص
صديقـت نورــــــــــــك

Maha Shahen يقول...

نهر الحب
طول فترة غيابى وانا بفكر كل اللي مرر البوست ليا وانا كتبته ومررته لغيرى وكل الاصدقاء كتبوا الا انتى دايما تقولى مش هكتب بستغرب واقول يمكن بتأجل وعايزه تكتب بوست تاني دلوقتى لكنك بتقولى مش هتكتبيه خالص
مش ممكن اسمك بس بيعبر عن كتير من المشاعر الجميله الي اتوصفت في كلمتين ازاي تقولى مبتملكيش احلام وهو مين فينا بيقدر يعيش بلا احلام
دعبثى كدا في دولايب الزكريات عن حلم جميل ولسه الاحلام جايه الحياه كل يوم احداثها ولا الاحلام عمر الاحلام ما كانت كلها مستحيله في احلام ممكنه والله بس دورى
مش هقبل الرفض وهفضل منتظره منك البوست بأجمل الاحلام يا رب ميطولش انتظارى
نورتى المدونه واسعدنى مرورك

Maha Shahen يقول...

شهرذاد الغاليه
مهما كنت مشغوله مقدرش اغيب عنكم وقلتلك والله كنت بدخل من وقت لأخر اقرا كاتبين ايه واشوف احوالكم من بعيد لبعيد لكنى مكنتش بقدر اعلق
وادينى رجعت وهعلق بقى واعلق لحد ما تقوليلى يلا غيبى شوية كمان زهقتينا
انتى كمان وحشانى جدا وساعات بحسك مصريه ليه مش عارفه وبعدين اقول لا شهرذاد من دوله عربيه بس مش مصريه جاوبينى بقى من حيرتى احسن ما افضل افكر ينوبك فيا ثواب
نورتى المدونه بمرورك يا ارق زهور الربيع

Maha Shahen يقول...

rara
انتهت الغيبه علي ما اظن قولى يا رب ههههههههههه
المهم انا قريت الواجب واجاباتك الجميله وهاخده واكتب قريب خالص
نورتى يا قمرتى واسعدنى مرورك

Maha Shahen يقول...

ذو الوجع المبتسم
وفعلا ليك حق مع الصوره تحط الاسم دا
اهلا بيك بين المدونين وانا قريت الخواطر بتاعت حضرتك جميله فعلا بالذات اتكلمى عجبتنى بجد مش مجامله
ربنا يوفقك انت كمان يا رب
ودايما تمتعنا بالاجدد والاجمل من كتاباتك
اسعدنى مرورك وتعليقك جدا ونورت المدونه

Maha Shahen يقول...

الطالبه عفو الله
زوزو يا قمرتى الاعتزار مش ليكى حياتى انا قدمت اعتزاري ليكى عملى الاعتزار دا لزوزو بنوته من المدونين انا اتعصبت في الرد عليها بلا وجه حق ولازم كنت اعتزر ليها
نورتى يا قمرتى ويسعدنى دايما تواجدك

Maha Shahen يقول...

نهر الحب
انا بخير والحمدلله يا قلبي وفي احسن حال بس اخويا في مصر علشان كدا مكنتش بدخل للمدونه اعزرينى
بس من هنا ورايح هتوشفينى كتير جدا بأذن الله
انتي كمان وحشانى جدا ومش تقلقى
ربنا يخليكى ليا ويحفظك من كل شر ويكرمك يا قمرتى

yoyo يقول...

يا ميت مليون ولكم باك وعليهم ميت مليون عود أحمد بس مين احمد دى يا بت اخويا ولا فى حاجة من ورايا اعترفى ههههههههههههههههههههه يارب دايما منورة كدا على طول وزى ما قولت لك على الايميل
عوددددددددددددددددى للمدونتك يا هاميس قصدى يا نور هههههههه
وبعدين انت عارفة انى مزنوقة الايام دى وبالم تبرعات عشان اكمل موضوع الفستان بقى هههههههههههههه
ربنا مش يحرمنى منك ابدا يا قلبى
يويو

شهرزاد يقول...

نور الجميلة
عودا احمدا معطرا بورد الياسمين
عندي لكي تاج يا ريت تجاوبيه وتاخديه من عندي
تشرفيني

تحياتي وحبي واشواقي

zOzO يقول...

تروحي وترجعي بالسلامه
ان شاء الله
ويارب يكون خير


انا والله مش زعلانه ولا حاجه
انا كنت نسيت
انا مقدره موقفك
بجد مش زعلانه
اوكي
المهم ابقي طمينا عليكي
في رعايه الله

*الطالبة عفو الله *زوزو يقول...

يا حياتي فينك انتي مش عاوزة تطل علينا و لا ايه يا قلبي
و الله وحشااااني موووت و عاوزين جديد بقى يلا يا قلبي

Maha Shahen يقول...

نورتونى جميعاً

yoyo ,العزيزه شهرزاد , zozo , zizi

بيسعدنى فعلا مروركم وتواجدكم دايما منورين حياتى كلها بأجمل تعليقاتكم وروحكم الجميله الي بتفرح قلبى كل ما اشوفكم منورين المدونه

انسان وبس ! يقول...
أزال المؤلف هذا التعليق.
جريدة الريماس للأخبار الحصرية يقول...

شركة تنظيف فلل بخميس مشيط
شركة تنظيف كنب بخميس مشيط
شركة رش الدفان بخميس مشيط
شركة مكافحة النمل الابيض بخميس مشيط
شركة مكافحة بق الفراش بخميس مشيط
شركة مكافحة الصراصير بخميس مشيط
شركة مكافحة الناموس بخميس مشيط
شركة مكافحة الباعوض بخميس مشيط