2008/06/18

تلك هى الأقدار يوم يطول الليل ويوم يطلع نهار


وصلنى تاج من صديقتى الرقيقه شهرزاد
وكأنه تاج من القمر أتى يزين جبهتى ويدخل السرور على قلبى ويزيد من سعادتى
فقبل ان ابدأ بالكتابه تقبلى تحياتى يا أرق زهور الربيع

أذكر أحلاما تخص ماضيك كنت هتتخلى عن إيه فيها و هتتمسك بإيه لحد دلوقتى
سأروى لكم وكأننى أعتصر عقلى لأذكر العصور الوسطى ههههههههه فقد ولى عهد الطفوله
سأفتح باب ذكرياتى على مصرعيه وأقص عليكم ما كان واحاول ان ابتعد عن الألام وأسرد لكم الاحلام
منذ زمن اغلقت باب ذكرياتى واقسمت الا اعود حتى اننى كنت قد نسيت او تناسيت كل احلامى
كنت اعشق السفر واقضى معظم اجازاتى المدرسيه فى بلده صغيره بالمنوفيه , كان حلمى كلما ذهبت هناك
أن احلق كطائر في السما الصافيه أو أدفن في الارض كتلك الأعشاب الخضراء , عشقت الطبيعه وتمنيت
أن اصبح جزاً منها , فعندما علمت أننا بشر لا نستيطع ذلك , بدأت ارسمها ولكنى لم أتقن يوما اللألوان
كان أهم أحلامى أن اكبر بين يوم وليله فحين كنت في الخامسه من عمرى
كنت كلما سئلنى أحد كم عمرك أقول 10 سنوات , كنت أتلهف لأعرف ماذا سيحدث غدا وبعد غد
كيف سيصبح شكلى وأين سأكون وكنت آرا ان للكبار حقوق كثيره تمنيت الحصول عليها
( يجب ان نحذر من حلم نتمناه فعسى أن لا يسعدنا ما يحدث حين نلقاه )
أذكر أحلاما تخص مستقبلك و ما تتمناه منه
حين كبرت تمنيت أن أعود كما كنت طفله لأنى تعلمت أن للصغار حقوق أكثر وليس عليهم واجبات
تمنيت ان اعود الى عالمى الوردى ولكن هيهات
ومن عشقى للسفر أتمنى أن آرا كل العالم وأقضى حياتى في الترحال ومازال يراودنى حلم الطفوله
بأن أصبح طائر محلق في السما بلا رقيب ولا حسيب سوا الله
وكنت أتمنى أن يكون لى أخت اصغر منى فأنا اصغر اخوتى ولكنى أجد هذا الحلم بين صديقاتى
أحلم أيضا أن أصبح زوجه وأم وعندى طفلاً أعطيه كل خبراتى في الحياة
وأحذره من أن يتمنى أن يكبر قبل أوانه
أذكر شخصين - على الأقل - متواجدين فى حياتك كنت تتمنى وجودهم
من قبلهم أذكر شخصين - على الأقل –
كل صديقاتى بلا ذكر أسماء حتى لا أنسى أحداهن فهم من يعطين لحياتى بريقها الخلاب
اللهم كما جمعتنا بهم في دنيا فانيه فأنت القادر على ان تجمعنا ثانيا في جنه قطوفها دانيه
غير متواجدين فى حياتك و تتمنى وجودهم مستقبلا فى حياتك
و حياة أولادك
أمى وأبى رحمهم الله
أمرر التاج إلى
ساره البحر
فارس بلا جواد
sondos
نهر الحب
rara
مع خالص حبى لجميع الأصدقاء والمدونين وحتى الغرباء
نــــــــــــــــــــــور

هناك 14 تعليقًا:

sondos يقول...

أذكر أحلاما تخص ماضيا وكونت هتخلى عن ايه فيها انا كونت هتخلى على كل شىء سيىء حثلى فى حياتى هتخلى عن الظلم والغدر والطمع واللى انا هتمسك فيه الصداقه الجميله والحياه السعيده والاستقرار وكل ذكرا جوايا سعيده .
احلام تخص مستقبلى انى انجح فى درستى واحقق حلمى او امنتى اللى هي اكون مدرسه.
الاشخاص المتوجدين فى حياتى الحمدلله كل اصدقائى متوجدين ولا داعى لذكر الاسماء .

الغير متواجدين فى حياتى واتمنا وجودهم
اكيد ماما وبابا واخواتى
ونور
وملك وحشتانى قووووى
تيمور
نادر
محسن

ميرسى يا نور على الاسئله دى بجد مفيده جدا

rara يقول...

ميرسى اوى يانور واكيد هتكلم عن التاج فى البوست الجاى أن شاء الله

فارس بلا جواد يقول...

في البداية أحيكي علي اجاباتك العفوية
وباشكرك جدا علي الإهداء
ده أول تاج ليا
بس أستاذنك أنه هاجاوبة بعد البوست الجاي
ويارب تكون اجاباتي حلوة كده زيك
بالتوفيق دايما

نهر الحب يقول...

السلام عليكم ورحمة الله وبركاتة
تاج جميل
واحلامك يارب كلها تتحقق
الممكن منها طبعا
بس حاسة فيها بشئ من الحزن مش عارفة ليه وتظهر شخصية طيبة ورمانسية وحنونة
الله يرحم والديك ووالدى يارب
شكرا لتمرير التاج لى

كل الود

شهرزاد يقول...

نور
احييكي على هذه الإجابات الجميلة
الرائعة والصادقة..
لقد زادك هذا التاج نورا وبهاء..
أنتي جميلة وروحك جميلة أيضا
شكرا لإجابتك على التاج
سعدت جدا بذلك..
أنتي أجمل وأرق صديقة..
لقد حملتني كلماتك إلى عهد الطفولة..
و لقد أرجعتني سنوات كثيرة إلى الوراء
إلى الذكريات إلى الاحلام
نكون أطفالا صغارا ونقول متى سنكبر
لأننا كنا نرى سلطة الكبار علينا
فنتمنى أن نكبر مثلهم..
وعندما نكبر ونجد المسؤولية والواجبات
الكبيرة الملقاة علينا
..
نقول يا ليتنا بقينا اطفالا..

ربنا يحققلك كل احلامك..
وامنياتي لكي بالسعادة
وربنا يرحم والديك
ويرحم موتانا وأحياءنا

تحياتي لك يا فمر

nour shahen يقول...

نورتى المدونه يا سندس حبيبتى
بس المفروض الاسئله تكتبيها عندك في بوست جديد يشارك فيها كل اصحابك
وعامة أهم ما في الامر انك تشاركينا احلامك وامنياتك
يا رب تحققى كل اللي تتمنيه من كل الخير يا رب

رارا منتظره البوست بفارغ الصبر علشان نعرف احلام الجميل شكلها ازاى ونورتى حبيبتى

فارس
أسعدنى مرورك جدا وبالتأكيد منتظره البوست الجاى وبفكر يا ترى هيكون ايه هل هتعرض علينا صديقك كتب ايه ولا هتسبنى للفضول وبصراحه انا قصدت اهديك التاج لتمتعنا بأسلوبك المبدع وتخطف خيالنا فى دنيا احلامك وامنياتك أكيد نورت المدونه

نهر الحب
وعليكم السلام ورحمة الله وبركاته
ميرسى ليكى حبيبتى ومظنش حياة حد فينا تخلى من بعض الشجن والآحزان ولكن القوى منا اللى يقدر يتغلب عليها ويكمل حياته مهما كانت بتمنالك حياة سعيده خاليه من الاحزان ومليئه بكل الافراح يا رب
وربنا يرحم والدك حبيبتى وموتى المسلمين جميعا يا رب ويجعل قبورهم روضة من رياض الجنه
اسعدنى مرورك ونورتى المدونه

شهرزاد
عزيزتى وصديقتى الحبيبه
كل اللى كتبته بصراحه استمديته من اسلوبك الرائع في الكتابه بسهوله وجمال
وبيسعدنى دايما الاقى تعليق منك فعلا بيفرح قلبى ويسعد يومى كله
يعنى تعليق واحد يوازى يوم كامل فما بالك لما الاقى تعليقين بقى أو اكثر افضل اسبوع عليهم هههههههههه
اتمنالك السعاده في حياتك حبيبتى انتى كمان ويا رب تتحقق ليكى كل احلامك
أسعدنى مروك يا أرق زهور الربيع

Teef@ يقول...

نور.. انتى ازاى كدة؟
انتى بجد خلتينى اسرح ف ايام طفولتى و انط بتاع 52 سنة لورا .. حقيقى كلام اكتر من روعة و ف الصميم
ربنا يرحم اباءنا و موتانا
و بجد انا عايز اختم كلامى بدعوة حلوة اوى انتى كاتباها
"اللهم كما جمعتنا بهم في دنيا فانيه فأنت القادر على ان تجمعنا ثانيا في جنه قطوفها دانيه" الله آمين
__________
teefa

nour shahen يقول...

اهلا اهلا تيفا نورت المدونه وميرسى على زوقك ويا رب تكون ايامنا كلها سعيده بس تقولى رجعت 52 سنه لورا ههههههه ازاى بس هو كل عمرك قد ايه بس
ربنا يديلك طولة العمر بالخير يا رب واجمل ايام هى فعلا ايام الطفوله الرقيقه والبريئه

أمل فتحى عزت يقول...

السلام عليكم يانور
سعدت جداً بتعليقاتك بمدونتى وشكراً لك على تلبية الدعوة وزيارة مدونتى
كما سعدت أكثر بقرأة مدونتك التى تظهر صفاء قلبك ورقة إحساسك وميولك لحب الخير وشكراً للمدونات التى أظهرت أمثال برأتك ونقاء سريرتك لتقول للعالم ان الخير مازال فينا وفى أمتنا والحمدلله
انا مثلك تقريباً فى طفولتى يانور كنت احب الطيران الى عوالم كثيرة ولكن وجه الاختلاف بينى وبينك اننى كنت من النوع المغامر والمكتشف وكنت أشثهر بالشقاوة وفى طفولتى حكايات كثيرة قد يعجب منها البعض وسوف تقرأينها فى مدونتى الجديدة عما قريب (ذكريات) وانا نفسى الان أتعجب من هذه الطفولة التى علمتنى الكثير وجعلت من عمرى أعماراً كثيرة باستمرار ورغم ذلك انى اعتز بجزء هام فيها وهو البحث عن الله فى كل شىء كان حولى والنظرة الحالمة فى عالم الرحمات وعدم اكتشاف اللؤم فى نفوس البشر وكأن كل شىء مثل طفولتى
سأواصل معك هذه المدونة الجميلة وسأعلق على باقى الموضوعات
تحياتى لك ولقلبك البرىء

love River يقول...

نور اللهم امين
اللهم ارحمنا جميعا يارحمن يا رحيم

بصى نور بصراحة انا فى حالة مزاجية ونفسية غاية فى السوء وله الحمد
فاسمحى لى التقصير فى الواجب
لانى مش عارفة اعمله
كمان انا بطلت احلم خلاص
الظاهر على كبرت ومعدش عندى احلام
كل الود ويارب متزعليش
بجد والله حاولت لاقيت نفسى هنكد على الناس
كل الود

nour shahen يقول...

عزيزتى أمل
نورتى المدونه بقدومك ويسعدنى دايما تواجدك ومدونتك رائعه وممتعه وفيها روح الأصاله واتمنى من الجميع المرور عليها فعلا واتمنالك تفضلى فاكره اجمل ذكريات الطفوله لأنه الشيء البديل اللي بيفضل محافظ على سعادة القلب

عزيزتى نهر الحب
تفائلى ودائما ابحثى عن السعاده ولا تتخلى يوماً عن الاحلام
طول حبيبتى ما لينا عمر لازم يكون عندنا امل , دايما لسه فى وقت نبحث عن السعاده مهما طال العمر
وبعدين لو كتبتى عن اللي جواكى هيختلف الشعور دا على الاقل هيشاركك فيه ناس بيحبوكى او بيهتموا لأمرك
ربنا يقويكى ويسعد قلبك يا رب

غير معرف يقول...

اين مرام من اطراء اصدقائك ياعسولة

nour shahen يقول...

مرام
انتي مش محتاجه اطراء يا قلبي انتى عارفه اللي في القلب ثم انتى معلقتيش هنا والا كنت رديت عليكى
وعامة نورتى يا قلبي حتى لو معلقتيش على البوست كفايا انك مريتى بس عليه

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘