2008/05/28

تصويرى 1





المنوفيه





جنينة الحيوانات



شرم الشيخ

ألم اسنان المريض يطير عقل الدكتور


تبدأ الحكاية لما ضرسى اتكسر جزء منه وقررت اروح لدكتور اسنان علشان يعالجه , منكرش انى ندمت فيما بعد لأنى عندى خوف رهيب من الدكاتره لكن مكنش دا سبب ندمى , أتحملت خوفى وتوكلت على الله وبالفعل روحت لدكتورة اسنان لكنها قالتلى ان الضرس مش نافع ولازم يتشال لائما هيتسبب في دمار الجزء اللى هو فيه كله, في الاول قولت اكيد عندها حق هى أدرى بشغلها عنى , لكنى قعدت افكر يا ترى مفيش اى طريقه تانيه بصراحه مكنتش مستعده أتخلى عن ضرسى بسهوله وبدأ مشوار عذاب بقى اولا الدكتوره معجبتهاش اللثه قالت انها ضعيفه ولازم تتعالج ونصحتنى أنى لما اتجوز ويكون عندى اطفال اهتم بأسنانهم لأن في شيء وراثى هيتسبب فى انهم يطلعوا بنفس حالى بصراحه مفهمتش قوى بس علشان أريح نفسى من الجدال معاها قولت وماله اوكى , مهو كله في الاخر لمصلحتى مكنتش متوقعه انها هى اللي بتعمل مصلحه على حسابى
لكنى قولت ادينى بهتم بكل شيء بقى وأبقى لأول مره بهتم بصحتى منغير ما اكون مريضه بالفعل , أنا اصل عادتى مروحش لدكتور وانا فى كامل صحتى أبدا ومين مجنون يروح لدكتور وهو سليم اصلا ,وفضلت تكلم كل الناس اللي رايحيين وجايين وتبصلهم وهى بتعمل تنضيف للآسنان وحسيت انى مبقتش فى غرفة دكتوره ابدا بقت سويقه ومن انشغالها وعدم تركيزها اتعورت انا في اللثه وقالتلى معلش معلش وشويه قالتلى كدا خلاص خلصنا ( أظن انها نسيت أن رسول الله صلى الله عليه وسلم قال : "إن الله يحب إذا عمل أحدكم عملا أن يتقنه" ) , قومت من على الكرسى المريح بتاعى وسألتها طيب والضرس اللى جيت في الاصل علشانه , قالتلى أى ضرس اتذهلت فعلا منا كنت من ثوانى قدامها على كرسى التعذيب, سكتت لحظه وهى بتقولى طيب وريهولى تانى كدا , وبدأت اوريهولها لقتها بتشاور على ضرس تانى وتقول اللى تحت دا , بقيت مش مصدقه نفسى وهصرخ فيها فعلا وانا بقولها الضرس فوق يا دكتوره , وخرجت من عندها وانا مقرره مرجعش ابدا تانى , وهسيب الضرس ومش هشيله وبعدها شوفت دكتور تانى وأمرى لله ( مضطر اخاك لا بطل )
والمفجأه ان الدكتور قالى مين بس قال انه يتخلع احنا نعمل اشاعه وأن شاء الله هنحشيه وخلاص وقد كان
يا رب الناس تراعى ضميرها وتراقب الله عز وجل في اعمالها , منغير ما يكون عليها رقيب فاليوم عمل ولا حساب وغدأ حساب ولا عمل

2008/05/26

تصميماتى




أهداء لقلبى


علمته رمى السهام أول ما صاب صابنى
كسرلى قلبى وجرحنى خنى وبعد سبنى
مسبش ذكرى حلوه ولا كلمة وداع
بأيديه جنى عليا سبنى بعد الخداع
حبيته ليه يخون ليه يجرح ما يصون
ويفوتنى للظنون يفوتنى للضياع
مسحتله دموعه فرشت طريقه ورد
كنت بخاف عليه من جرح أى حد
كنت بفرح لفرحه يواسيه قلبى في جرحه
يتمناله السعاده حتى لو هو جرحه
في قسوه بالشكل دا والحب يهون كدا
أتمناله الحياه ويسبنى اموت كدا

____________

خلاص بعتى وودعتى وفارقتى رافضه الرجوع
راح فين حبنا وفين سهر الليالى مش كنا لبعضنا مش كان في حب غالى
طب راحت فين وعودك وعملت إيه أنا , طب ليه اتخليتى عنى ورضيتى ببعدنا
طب اشكى ولا ابكى ولا اصرخ وانوح , لما يكسرلى حلمى ميسبش غير جروح
مش كنتى اغلى عندى من الدهب والماس كدا برخيص تبيعى وتنسينى خلاص
مش كان قلبى في ايديكى ووعدتينى تصونيه , ازاى يطوعك قلبك بأيديكى تموتيه
متحزنش يا قلبى دمعك غالى عليه , طلع غدار وباعك خساره دمعك فيه
والله خساره فيه
والله خساره فيه

بتبكى ليه يا عين


بتبكى ليه يا عين ماهو عالم بينا بتبكى ليه يا عين دا قدر مكتوب علينا
مكتوب علينا نسير نزاحم في الدروب مكتوب علينا نحب دا قدرنا دا مكتوب
مكتوب نشوف الشمس في شروقها وفي الغروب
وأن غاب كل دا يبقى اكيد مكتوب
هتشكى لمين يا قلب مهو رب العباد كتب علينا نحب ونفارق في معاد
هو اللى عالم بينا وفورقنا مكتوب لينا قدر ونافذ فينا متقولش غير يا رب
يا رب صبرنى وارحم قلبى الضعيف يا رب قدرنى يصبح همى خفيف
يا رب انصرنى دا انت سندى الوحيد لو حزنى يغمرنى برضاك اصبح سعيد
الدنيا تكسرنى واحبابى تخدعنى والأهل يفوتونى واصحاب تودعنى وانت بس يا رب حبك يرجعنى
وارجع اعيش تانى واحس بكيانى وارجع سعيد تانى حاسس بوجدانى
الحمد ليك يا رب والشكر ليك يا رب

لما يعدى النهار


لما يعدى النهار نتبادل الأسرار وأفضل اسمع قلوب تايهه بعد الغروب تايهه في ليل مخيف وزحام وسط الدروب
جرب تسمع لقلب حب ويا ريت ما حب أخلص سهر الليالى فجأه اتقابل بكدب
فكر هتقوله أيه ؟؟
هتقوله قول يا رب
طيب اسمع لعاشق بيحب حبيب مفارق عايش علي ذكريات فاكر حبه اللى مات
خايف ليحب تانى ينسى حبه اللى فات
فكر هتقوله إيه ؟؟
هتقوله عيش ساعات حب في الذكريات لازم في لحظه تفوق تعرف حبيبك مات
وفي مره قبلت قلب يكدب ويقول بحب تسمعله تقول دا عاشق , عاشق وفي حبه غارق
ويوم والتانى عدى واسئل حبيبه فين هيقولك حب إيه دي تسالى ليوم يومين
فكر هتقوله إيه ؟؟
هتقوله الباب منين
والله ضحكت ضحك وعشت في الحياه ولا عمري عرفت قلب مخلص ولا قالش آه
في قلوب عايشه كدا حاسه آه بالرضا سوا مجروح او خاينه او حتى م.العشاق
عايشه في الدنيا فى الزحمه بتقول نصيب وارزاق
هنتقابل هنتفارق دي تدابير الحياه , وأوعاك تقول دا حرام دي حكمه م.الإله
سبحانه جل وعلى وتبارك فهو الله

الأقصى


مـلأ الحـزن أعماقه صال وجال فـى الميـــدان
لمـلم كل أوراقـه ما حـدث ما كان فى الحسبان
عـدت إليـك يا بيتـى وأنـا اتحسـس الجــدران
أتسـائل إلـى إيـــن سأمضــى بهـذه الأحـزان
آيا قدرى سترحمنى ستتركنى إلــى النسيـــان
آآه يا قلــب آزرنى تحلى ببعـــض م.الأيـمــان
وأنت يا عين أحتفظى بأخر صوره من أنسان
هــز الحــزن أعـماقه فثــار ثـورة البركـــــان
فــأقسـم ألا ينهـزم ولـن يخضع إلـى الأحـزان
فـأى شىء قـد سلـب سيسترجعـه بالأيــمـــان
وبـعـزيمـه كـما السيــف بقوه ترجف الأبــدان
فلن يقوى على العيـش مالـم يتصدى للأحزان
وحتـى الأن لـم يصرخ يقول لا بوجـه جبــــان
هلم هيا أسمعنى صرخه تـدوى فـى الأركــــان
تزلزل قـلــب أعـدائك وتمنــعهم من النسيـــان
أن الأرض مغتصبـه ستعــود إلينا مهمـا كـــان
___________

2008/05/14

أرضاء الناس


ارضاء الناس غايه صعب الوصول ليها ان مكنتش مستحيله
موقف واتحطيت في النهارده ومن فتره كنت قررت اغير شيء في شخصيتي وهو العصبيه وبيني وبينكم شوية من طولة اللسان
اول رد علي اي شيء بيحصل بيكون رد الشخصيه الطبيعيه بتاعت الانسانه العصبيه اللي لما حد يستفزها تقول كلام تحاسب عليه فيما بعد يألم اللي بيسمعه لدرجة انه يكره نفسه او يتمنى لو مكنش غلط فيها اصلا
مش كلام خارج عن حدود الادب ابدا بس كلام يوجع فعلا كلام عارف طريقه بيسبب الم لكن ميموتش
زي الضرب اللي بيسبب الم لكن ميعلمش
لكن الحمدلله قبل ما اقوله لحد بيكون في فرصه اتراجع فيه وافكر لحظه الشصيه الجديده ممكن تقول ايه
بالفعل اكتر من مره طلعت من ورطات بسبب التفكير القليل وتغيير اللي هيتقال لشيء كويس لابعد الحدود مهما كان اللي قدامك استفزك او غلط فيك
زي ما ربنا قال " وادفع بالتي هي احسن فاذا الذي بينك وبينه عداوه كأنه ولي حميم "
يا سبحانك يا الله حاولت التزم شوية بنفس المنهج وفعلا بحمد الله يتغير الحال من حال الي حال وبدل ما كان الشخص بيهاجم وانا بدافع يتغير الاسلوب ويتحول لحوار بسيط سهل وهادى
وساعتها اللي بيحاول يهاجمك يرجع يعتزر ليك لان عصبيته هو كمان طغت علي تفكيره فغلط فيك
واظن هي دي لو صبر القاتل علي المقتول كان مات لوحدوا " صبرت واتأنيت وهو غلط واعتزر وهيفضل يعتزر لحد ما تقبل اعتزاره برغم انه كان جاي يتخانق ويعنفك بالتاكيد مش من فراغ يمكن غلطت في حقه منغير ما تلاحظ يمكن قسيت عليه بالكلام .. بس الاهم انك صبرت وسمعتله ورديت عليه بكل كلمه طيبه
وساعات اتعصب واقول اذا اكرمت الكريم ملكته واذا اكرمت اللئيم تمرد " لازم ارد علي كل كلمه بتتقال في حقي , والشيطان يوسوسلي لازم تهينه زي ما هانك وغلط فيك لازم تاخد حقك منه هو انت ضعيف ولا خايف منه دا زيه زيك يمكن انت حتي احسن منه
وارجع اقول هو انا فرصتي في الرد هتروح استني يا لسانى شوية سيب لعقلي فرصه يفكر وفي كل الاحوال منا هرد لكن الاجمل اني ارد بكلمه طيبه واعتزار هتمسح كل غلطه غلطتها في حق غيري هترجع عليا بالمحبه من الناس وهتحفظلي حقي وترفع قدري واحترام الناس ليا بالتأكيد
فالقوي من ملك نفسه عند الغضب
ومن تواضع لله رفعه , مبقاش غلطان في حق الناس ولما يحسبوني ازيد الغلط بغلط بعصبيتي واقول كلام يخسرني اللي حوليا او يخسرني ناس كنت بحبهم او حتي مفيش بينا غير كل معروف الدنيا جميله وبسيطه خلينا نتسامح نقدم الخير بالكلمه الطيبه ولما نزعل نستنى ونفكر السكوت ابلغ من الكلام وقت العصبيه والاعتزار لو غلطت في حق غيرك مهما سمعته وعاتبك اتحمل علشان تتعلم ,

لو مبتتقبلش اللوم والعتاب حاول متغلطش في حق حد
تحيــــــــ نور ــــــــــاتــى