2010/01/23

كلمه واحده


مهانش عليك تقولى كلمه واحده تطمنى عليك
مهانش عليك تريح قلبى مره دا انا قلبى دايب فيك
منايا اطمن بكلمه واحده حتى لو هتغيب سنين
ويوم ما ترجع هتلاقى قلبى زى ما هو دايب حنين
وبعتلك ولا ميت جواب ولا مره جالى رد السؤال
وازاى راح اكدب على قلبى تانى واقوله احلم بالمحال
طيب جاوبنى رد عليا خلاص مبقتش بتحبنى
طب حتى رد بكلمه واحده هقبل تقول كرهتنى
بس لا بلاش السكات إياك تسبنى للآهات
تجرحنى مره تقتلنى مره ومعاها أندم على فات
دا اللي فات من عمرنا أجمل سنين مرت بنا
ازاى نسلم نقبل تضيع ومعاها يدبل حلمنا