2008/07/24

اعتبره عوو وراح اعتبره قصر اشباح وانهد ع.اللى فيه


أوقات بنحب ونخلص قوى ونعيش فى قصة حب جميله , اوقات تكمل ونفرح وأوقات تسبب لينا احزان طويله

في وقت من الاوقات كنت بحب اسمع اغنية صابر رباعى بتاعت ضاقت بيك , وكان بيعجبنى الجزء اللى بيقول

قالوا ان اللي يحب بجد لو فاض بيه ملى يحبه ميحبش بس ميكرهش وانا فاض بيا تعبت بجد قد ما بتعب لكرهتك

ولا عارف حتى محبكش

ضاقت بيك تبقى عايزنى اكون حواليك ضحكت ليك اخلاصى يكون حمل عليك فى الحالتين ساكت لا بنساك ولا عايز انساك

بس في حكايتى هخلى الحبيب ينسى ويعتبرها قصه وانتهت وعوضه على الله بقى ههههههههههههه

وتعالو نقرأ سوا كتبت إيه وبعدين افجعونى برأيكم وكل واحد يقول اللى يجى على باله ( نرحب بالرأى والرأى الاخر )

وبعتزر لأن في ناس بعتالى تاج وواجب وانا بأذن الله هجاوب واكتب الاتنين لكن شوية بس

__________

علي ايدي كان في طير بديع وقلبه اخضر
علمته ازاى يطير كان جمبى يتمخطر
وكان بيخاف يغيب أنساه او اتغير
حاول يعلي ويعلي رفرف فرد جناحيه
خد السما في احضانه بعد ما قالى ليه
قولت اكيد هيعود دا بس بيجرب
فضل يغيب ويغيب بقي منى يتهرب
عليت صوتى وناديت من بعده ما سمعنى
وتفوت ايام كتتير وقولت قاطعنى
صحيح بكيت عليه وحزنت لفراقه
قولت اكيد دا نصيب لحباب بيتلاقوا
فضلت استنى يوم يعود يطمنى
فاتت سنين وسنين والحلم تاه منى
فجأه رجع مغلوب بجراحه متأثر
رمي نفسه بين احضانى وجناحه متكسر
صعب عليا حاله واخدته داويته
معرفش في ايه وماله وفي حضني ضميته
صحيح حنيت عليه وداويت بأيدى جراحه
لكن ولا يوم يعود تانى زي اللى راحوا
استنيتك كتير يا طير يا متغرب
متقولش انك راجعلى ولقلبى تتقرب
وادينى داويت جراحك عود تانى وطير بعيد

رفرف افرد جناحك خليك عايش وحيد
وهنا تكون انتهت قصتى الصغيره يارب تكون عجبتكم
والسلام اجمل ختام

هناك 43 تعليقًا:

zOzO يقول...

وااااااااااااااااو

انا اول تعليق

هييييييييييييييييييه

هقرا برحتي وهرجع

عشان تعرفي بس اني مش زعلانه والله

ربنا يكرمك

يلا بقي هروح اقراو واجي تاني

حجزت اول تعليق بس

بطوط حبوب يقول...

انا برضه بقول
وااااااااااااو
الكلام جامد بجد
بس دى سنه الحياه
انا بدأت اقتنع بكده

zOzO يقول...

الله عليكي
بجد حلوه اوي اوووووي
عجبتني تسلم ايديكي
احساسك حلو ما شاء الله
خالص تحياتي

فارس بلا جواد يقول...

نور حمدالله ع السلامة
بجد البوست كان مفاجأة بالنسبة لي .. أول مرة أقرا شعر ليكي
بس برافو بجد .. كلامك جميل وبتكتبي شعر حلو والله من غير مجاملة .. الأوزان عندك ماشاء الله مظبوطة .. ومعني الكلام كمان جميل
حاولي تنمي الموضوع ده عندك عشان انتي عندك الموهبة .. وانا باشوف ان موضوع الحفاظ علي الوزن ده بيبقي بالاحساس مش لازم دراسة يعني .. وانتي بجد الاحساس ده عندك عشان كده الاوزان طلعت حلوة
ربنا يوفقك
تحياتي

المبرمج المحترف يقول...

هههههههه


اول حاجه بسجل اعجابى بالمدونه دى بجد جامده موووووووت

ودى اول زياره بس حتتكرر كتير ان شاء الله

تحياتى

miada ref3at يقول...

السلام عليكم ورحمة الله وبركاته..

ازيك يا نور ..؟
اتمنى انشاء الله تكونى بألف خير..

كلامك جميل جداً وعجبتنى قوى..وزى ماقال فارس ماشاء الله إحساسك عالى..
وننتظر مزيدك من الأشعار..

بالحق يانور..مدونتى فيها تغيير صغير..أتمنى لو زورتيها سريعاً للعلم بما فيها..

تقبلى تحياتى..

نونو يقول...

القصة حلوة اوى بس خلاص مأظنش ان غية قصة
بتنتهى بشكل غير دة
كل اصحابى اتبهدلوة
وانا مش عايزة انزل البحر تحسن اغرق
خلينى على الشاطئ احسن

غير معرف يقول...

الله يسامحك ياحبيبتى..معلش مش بعرف اتكلم ولااعبر غير كده اسلوب اطفال مش بعرف ازوء الكلام...بس كده كفايه عليا يانور ياحبيبتى كده اهانه ولا بتقولى عوو علشان الاطفال اللى زى انا يفهموا على قد عقلهم

yoyo يقول...

صباحك سكر يا نور
اخبارك ايه ؟؟
والله كويس انك اعتبرته عو وبس هههههههههه حلو اوى فى حاجة غير عو دى بس بلاش انت عارف بقى ربنا امر بالستر

بجد بقى يا قلبى الكلام فى منتهى الجمال والروعة مش جديد عليكى يعنى كلها مشاعر واحاسيس

تحياتى
( يويو )

بنت مصريه يقول...

بوست جميل جدا وكلماتك رائعه احييك
اتمنى تنورنى

nour shahen يقول...

zozo
اهلا اهلا يا زوزو
لا كدا اطمنت انك مش زعلانه ربنا ما يجيب زعل ابدا يا رب
وانا سعيده انك اول تعليق يا قمر

nour shahen يقول...

بطوط الحبوب
نورت المدونه بتعليقك لكن انا
معتقدش ان سنة الحياة انك دايما تفارق الناس اللي بتحبهم وبيحبوك
ولو كان يكون بالموت شيء مصيرى ومكتوب على كل البشر غير كدا يبقى قدر مش سنة الحياة
ربنا رحمن رحيم مش ممكن يكتب على قلوبنا العذاب واللألم دايما
اسعدنى مرورك وتعليقك

nour shahen يقول...

zozo
الحمدلله انها عجبتك يا زوزو
وربنا يكرمك حبيبتى
شرفتينى بتعليقك مرتين واسعدنى مرورك

nour shahen يقول...

فارس بلا جواد
الله يسلمك يا فارس
مش تتفاجىء ولا حاجه , انا بكتب كتير بعدين دى خواطر مش شعر
يعنى كلام وخلاص
اتمنى تكون عجبتك بجد مش مجاملات ورفع من روحى المعنويه علشان انا اتعقدت من كتاباتك لا انا كنت بهزر والله
بس انت بتكتب فعلا بأسلوب رائع
وانا من قرائتى ليكم اكيد لو في موهبه هههههههه هتتنمى لوحدها منا بتعلم من افضل الاساتذه
ربنا يكرمك يا فارس
واسعدنى مرورك وتعليق ونورتنى

nour shahen يقول...

المبرمج المحترف
انا برضوا اول حاجه برحب بيك جدا في المدونه دى نورتها بجد
اتمنى طبعا تتكرر وتكون من زباينا الدائمين اقصد قرائنا ههههههه
وزورونا تجدوا ما يسركم
اسعدنى مرورك وتعليقك

nour shahen يقول...

miada ref3at
وعليكم السلام ورحمة الله وبركاته
الله يسلمك يا مياده انا بخير والحمدلله وفي احسن حال , انتى ازيك حبيبتى
ربنا يكرمك حبيبتى
عيونى حاضر يا عزيزتى هكون في المدونه بتاعتك في اقرب فرصه واعتزر عن التقصير لكنى كنت مشغوله شوية فسامحينى
اسعدنى مرورك وتعليقك ودايما منورانى

nour shahen يقول...

نونو
يا نهار ابيض يا نونو شكل اصحابك عقدوكى خالص مالص
يا بنتى مش دايما البحر بيكون ثائر وبيغرق اللى ينزل فيه
بس هى بتتوقف على الشخص بيعرف يعوم ولا لا
عامة يا قلبي لو عايزه تنزلي البحر هاتى ليكى عوامه بس اوعى تكون مخرومه تممى عليها قبل ما تنزلى
حبيبتى الدنيا كدا ساعه قصة تكمل واوقات تفشل ولازم نعتبر كله قدر كل واحد بياخد نصيبه
نورتينى واسعدنى مرورك وتعليقك

nour shahen يقول...

غير معروف
بغض النظر مين صاحبة التعليق ,اقولك علي شيء كويس قوى
اولا انا كاتبه الكلام دا من حوالى سنتين فاتوا يعنى لا يمكن يكون ليكى
مش كل كلمه هكتبها لازم تكون لحد , ثم انا كاتبه انها قصه وانتهت وحد كان حبيب قوى واختفى ورجع ولكن لما رجع مكنش باقى في قلب اللي بيحبه شيء ليه ولا مكان
هل دا ينطبق عليكى معتقدش
عامة نورتى بتعليقك واتمنى لو علقتى تانى تقولى اسمك

nour shahen يقول...

yoyo
صباحك سكر يا قلبي
بس انا اخر النهار دلوقتى بس علشان خاطرك نمشيها صباح
الله يسلمك يا حياتى انا بخير والحمدلله في احسن حال
والله كلمة عو مرتبطه بالتريقه اللي بتكلم عليها ان حد تحبيه قوى ويختفى ويرجع بعد فوات الاوان
واعتبره عوو وراح بقى خلى باقى التعريف في سرك يا قلبي ههههههههه
نورتينى يا قمرتى ومش هقولك اسعدنى مرورك لأنى بشوفك كل يوم مش رخامه بقى هى هههههههههه

nour shahen يقول...

بنت مصريه
تحياتى لأجمل بنوته نورتى المدونه واسعدنى مرورك

أسير الجراح يقول...

نور



اسف جدا على تقصيرى


بس والله غظب عنى


اتمنى ما تكونيش زعلانة



كلامك جميل جدا



واحساسك عالى




اتمنى المزيد منك


ان شاء الله



واتمنى ما تزعليش منى



اسير الجراح

انى احبكم فى الله يقول...

المدونه جميله بجد وشكرا على زيارتك على مدونتى

nour shahen يقول...

اسير الجراح
منورنى يا اسير ولا تعتزر ولا شيء مش انت اللي مقصر انا اللي مقصره في حقك والله
اسعدنى مرورك وتعليقك

nour shahen يقول...

انى احبكم في الله
نورتى المدونه واسعدنى مرورك وانتى كمان مدونتك جميله جدا

انى احبكم فى الله يقول...

اشكرك يا نور وامنى ان تتكرر زيارتك

طارق الغنام يقول...

ماشاء الله عليكى
بوست رائع
سعيد جدا بقرائتى بوسنك الرائع
تقبلى تحياتى
ودمتى بحفظ الله

nour shahen يقول...

انى احبكم في الله
بتشكرينى علي ايه بس لا شكر على واجب
وطبعا انا هكون من المداومين علي قرائة مدونتك بأذن الله
نورتينى للمره التانيه ودايما يا رب تكونى منورانى

nour shahen يقول...

طارق الغنام
اتمنى يكون عجبك فعلا ومش مجامله
اسعدتنى بتعليقك ومرورك الكريم

(green eyes) يقول...

كلماتك جميلة اوي :)
بس انا لو منك كان هيبقى حاجه من الاتنين... اسيبه زي .... ومداويهوش.
يا اما اداوية علشان لسه بحبة ومسيبهوش يطير تاني وافرط فيه.
تقبلي مروري

nour shahen يقول...

green eyes
صعب يرجع انسان كنتى بتحبيه وتشوفيه مجروح وتسبيه
وانك تبعدى وتنسى وانه ملهوش مكان في قلبك دا شيء وانك تساعديه دا شيء تانى
وانا وضحت انه مينفعش الرجوع
لكن ممكن نعتبره انسان مجروح لو بنحب نساعد اى حد هنساعده زيه زي اي حد
اسعدنى مرورك كثيرا ونورتى المدونه

انسان بلا عنوان يقول...

حلوه وبس

انسان بلا عنوان يقول...

بس طالما بنفكر سوى ...
ازاى داويتيه وضمتيه يعنى ؟
انا عارف انها الفاظ مجازيه ، بس انا بسأل عن الناحيه الفعليه
يعنى ازاى داويتى جراحه فعلا ؟

zizi يقول...

ااااااااااااااسفة على التاخير يا حبيبتي لم انتبه على هاذا البوست
رااااااااااااااااااااائع ما شاء الله
احساسك عالي ما شاء الله عليكي يا قلبي
و احب اقول كلمتين عجبوني اوي اوي كنت سمعتهم زمان مش عارفة من مين ممكن اكون سمعتهم منك المهم قيل
الي باعك بعيد و الي اشتراكي اشتريه
و دمتي في قلب من يحبك بصدق

شهرزاد يقول...

الله
مبدعة بجد .. نور بجد القصيدة اكثر من رائعة وكلامك يلمس القلب فعلا وإحساسك يهز المشاعر فعلا..

استنيتك كتير يا طير يا متغرب
متقولش انك راجعلى ولقلبى تتقرب
وادينى داويت جراحك عود تانى وطير بعيد
رفرف افرد جناحك خليك عايش وحيد
......

أثار إعجابي هذا المقطع بالذات
أتاريكي شاعرة وإحنا مش عارفين؟؟
بجد ما شاء الله رائعة
أرجو ان تداومي على هذا النوع من الكتابة جميل جدا

تحياتي للرقيقة الغالية على قلبي دائما

ولك مني ألف تحية

nour shahen يقول...

انسان بلا عنوان
ببساطه اقولك بعد ما بعد وغاب وساب حبيبته واعتبرت القصه انتهت هى بهروبه
رجع بعد ما حب حبيبه تانيه وجرحته
رجع للحبيبه الأولى يدور عليها
صحيح لقاها وبالفعل كانت لسه بتحبه
علشان كدا قبلته وسمعت ليه وحاولت تخفف همه من غدر حبيبه تانيه
وبعد ما استقر الحال وحست انه يقدر يكمل لواحده فهمته ان رجوعه مكنش ليه معنى وقالت ان مبقاش ليه مكان جواها خلاص
ومعنى كلمة ضميته بتفسر أنها كانت لسه بتحبه ومكنتش تقدر ترفض مساعدته او انها تسمع ليه
وداويته لأنها سمعت ليه برغم كل اللي جواها هونت عليه الامه
لكن لما سمعت وعرفت ان هو مجروح من حبيبه تانيه هنا قوى قلبها وقالت برغم الحب اللي جواها ان ملهوش مكان فى قلبها
اتمنى اكون قدرت اوصلك المعنى

nour shahen يقول...

zizi
مش عارفه يا قلبي فعلا بس انا فاكره اغنيه كانت بتقول اللي يهواك اهواه واللي ينساك انساه
اللى يهواك اهواه وافضل مراعيه واللي ينساك انساه ولا تسئل فيه
يلا اهى كلها قصص حب محدش عارف فعلا قصته الحقيقه هترسى علي ايه
ولو كان يعرف مكنش بدأها
نورتى يا قلبى

nour shahen يقول...

شهرزاد
زى ما بيقولوا وختامه مسك وعنبر وفل
نورتى يا قلبى من جديد
هههههههههه اه يا قلبي انا شاعره بوعكه صحيه فى قلبى
دى مجرد خواطر يا رتنى كنت اقدر اكتب شعر فعلا
لو على دا يا قلبى فى منه كتير الاحسن والاوحش محدش يقدر يحكم بنفسه على شيء هو كتبه دى تترك للقراء بقى هما يحكموا
لكنى انا بتابع وبتعلم منكم وباخد افكار علشان اكتب حاجات جديده
وانتم خير المعلمين
نورتى المكان وعطرتيه بنسيم طلتك
يا أرق زهور الربيع

نونو يقول...

سلام يا احلى نورا
انا مسافرة ادعيلى بقى هجبلك شوية رمل معايا

nour shahen يقول...

نونو
تروحى وترجعلنا بألف سلامه يا قمر
ولكنى مش عايزه رمله انا قولتلك انا عايزه ام الخلول بقى مليش دعوه
لو رجعتى منغيرها هزعل قوى قوى
وعامة مقدرش ارفض هديتك اهى الرمله الصفرا تنفع في الحر برضوا
متغبيش كتير بقى علشان هتوحشينا
ربنا يحفظك ويحميكى حبيبتى

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

Jojo Ayman يقول...

شركة رش مبيدات بالخرج


https://en.gravatar.com
http://www.ar-wp.com
https://www.w3.org
http://www.gamedev.net
http://www.3shq-sh.com
http://www.3shq-sh.com

http://wizaz.pl
http://www.bdoutdoors.com/forums
http://www.flyingway.com/vb

Jojo Ayman يقول...

شركة تنظيف ستائر بنجران
شركة مكافحة حشرات بنجران
شركة رش مبيدات بنجران
شركة عزل اسطح بنجران
شركة تنظيف فلل بنجران
شركة رش الدفان بنجران
شركة مكافحة النمل الابيض بنجران
شركة مكافحة بق الفراش بنجران
شركة مكافحة الصراصير بنجران
شركة مكافحة الناموس بنجران
شركة مكافحة الباعوض بنجران
شركة تسليك مجارى بنجران
شركة تنظيف خزانات بنجران

Jojo Ayman يقول...

شركة صيانة خزانات بنجران
شركة غسيل خزانات بنجران
شركة صيانة مسابح بنجران
شركة تنظيف الاثاث بنجران
شركة جلي بلاط بنجران
شركة تنظيف شقق بنجران
شركة نقل عفش بنجران
شركة تنظيف موكيت بنجران
شركة تنظيف مجالس بنجران
شركة تنظيف مسابح بنجران
شركة تنظيف منازل بنجران