2008/06/26

احلام في مهب الرياح


احلام ورا احلام عايشين عليها عمرنا يمكن هيجى اليوم , نقدر نقول حلمنا

عارفين اسوء حلم بيجلنا ايه لما نكون منتظرين مكالمه حد بنحبه قوى وفجاءه يجيلنا اتصال ونقعد نتكلم واحنا فرحانين قوى وفجاءه نعرف ان اللي معانا علي التليفون مش هو نفس الشخص اللي بنحلم بيه مجرد تشابه في الأصوات
ونبقي مش عارفين هو الحلم طغى علي التفكير فحصلت اللغبطه دى ولا زيادة الحنين للشخص اللي بنحبه
_______________________

فى يوم كنت سهرانه مع صديقه ليا في مكان جميل بيطل علي السما وشايفيين الأرض تحت رجلينا مكان رائع خلانى افكر في حلم لو عندى طياره يا ترى احب ازور اى البلاد وسئلت صحبتى لو عندك طياره هتروحى لفين بيها لقتها قالتلى ومين هيدفع تمن الرحله وكام يوم وأزاى تيجي ووو الخ , الحلم بسيط ليه نعقده صحبتى شكلها مبتقدرش تحلم
______________________

يا ستار لما الضحكه تقف بينك وبين حد بتحبه وتبقي بخيل وتستخسرها فيه
وانت عارف ان بأبتسامتك هيفكر انك سعيد علي الاقل يطمن عليك ويسيبك وهو مش قلقان ولما يفتكرك يدعى ليك ويبتسم كل ما يفتكر كل كلامكم سوا وازاي ضحكتوا وعلي ايه يااه لحظات جميله لو اتمنينا الزمن يرجع مش هنطلب اكتر من اننا نمر بيها تانى لكن الزمن مبيرجعش للأسف بس نقدر نصنع غيرها وغيرها طول ما احنا عايشين
______________________

وأوقات بيكون نفسك تقول كلمة وحشتنى او بحبك لصديق او حبيب لكنه بيحاول بكل الطرق يتهرب علشان ميسمعهاش ويسكتك علشان متقولهاش وكأنها شيء وحش , بتأزيه بيه , تبقى مش فاهم هو بيسكتك ليه , هو فعلا خلاص مبقاش حبيب ولا صديق ولا زهق من الحب ولا بحبك خنقته مش بيقولوا ومن الحب ما قتل
______________________

اكبر احلامى لو يرجع عصر عمر بن الخطاب لو يمشى فى الشوارع بليل امير المؤمنين ( الرئيس او الملك ) , يشوف مين محتاج ومين نايم مستريح بيدعيله او بيدعى عليه , وان قضى كل عمره يلف الشوارع علي الاقل لو خلص عمره وقابل وجه كريم يقوله لو طولت في عمري مكنش هيكون في شكوى من مظلوم , يقوله بكل يوم في عمرى يا ربى كنت بطوف بين الناس اعطى المحتاج وانصر المظلوم واعاقب الظالم , يا رب دخلنى جنتك بدعاء الناس ليا علي الخير اللي عملته حباً فيك يا ربى .
______________________

حلمى الناس اللى بنحبهم يبطلوا كدب ,احساس مرير اللي بيصبنا وقت ما نعرف ان انسان غالى بنثق فيه وبنحبه وبنقتنع بكل كلامه ونمشى وراه واحنا مغمضين ولو في ايده خنجر هنرتمى بين احضانه واحنا مطمنين انه لا يمكن يطعنا بيه , ولكنه بيطعنا في قلبنا مره واتنين ومليون لو قدر , ااااااااه ( فعلا مش قادره اكمل أحلام عجز قلمى امام الحزن والألم المقيم بالقلب , والصوره اهتزت بالدموع السايله على الخد , مالنا الا الله , نثق فى مين بس واقرب الناس بيخدعونا , لازم نكون منافقين لو عايزين نشفى الناس من جراحهم واحنا جراحنا لسه بتنزف , قبل ما نعالجهم هنكون نذفنا كل دمنا لا قدرنا نساعدهم ولا ننجى نفسنا )
.........
حتى في الاحلام يا قلبي يا رب انطق ولا اخبى
ما ياما قولت كلام يا قلبى ولا عمره اثر وادى النهايه
قولت هنسى قولت هبعد قولت كانت قصه فشلت
حتى في الاحلام ورايا , معقول يا قلبى اخر الحكايه
تبقى ذل في النهايه , برغم كل الحب دا يبقى جرحى مش كفايه
على اوتار قلبى يا ليل غنى واحكيلى مواويل
ولو هتغنى ع.اللى بيا يبقى دا اقوى دليل
والله مظلوم يا ليل والحب ما كان قليل
ليه ينجد بس قلبه ويسيب قلبى عليل

@.,.,.,.,.,.,.,.,. @

دايما أقول محدش يقدر يسلبنا الأحلام ابدا الا لو سلمنا لليأس وقفلنا باب الأمل
هحاول اوارب الباب يمكن تيجى اطلالة امل

هناك 39 تعليقًا:

miada ref3at.. يقول...

ما شاء الله ولا حول ولا قوه الا بالله..
تسمحيلى انا زرت مدونتك وقريت اخر بوست ليكى..
ربنا معاكى ويقويكى..
البوست جميل وحسيت بكل كلمه قلتيها فعلاً..
الخوف يانور ان الاحلام تضيع والأمل يضيع..
ونصبح مجردين من كل شئ..

تحياتى ليكى..
مياده رفعت..

غير معرف يقول...

لا يانور ياحبيبتى ساعات الاحلام مستحيله مش يمكن الى بيبعد خايف عليكى وعلى مصلحتك

sendrlla يقول...

عزيزتى نور
مبدئيا ميرسيه على زيارتك لمدونة بتاعتى واتمنى انك تكررى الزيارة طبعا
...............
الهم احلام حلوة اوى بس انتى قلتى انها فى مهب الريح
تفتكرى تقدرى تواجهى الريح ؟؟!!!!!!
من الاحلام الصعبة برده انك تحبى حد وتضحى بعمرك كله علشانه
او تنتظرى فى يوم يحقق حلم كان صغير بس بالنسبة ليكو ليه معنى كبير
بس فجاة كله ما يجيش او ما يقدرش يحققلك حلم سنين او او او .. او يكون حلمكوا فى مهب الريح

تحياتى
..............
سندريلا

مصطفى الطيب يقول...

السلام عليكم ورحمه الله وبركاته
بجد احساس صعب جدا اللى جواكى مش عارف هو احساس بالخوف ولا بالانكسار ولا خليط بينهم
واحيكى على رقه كلماتك وبساطه تعبيرك
واتمنى من الله ان يرزقك الخير كله عاجله واجله والزوج الصالح ومنه الذريه الصالحه
وان يرزقك نعمه النسيان
وان يحقق اجمل احلامك
واتمنى ليكى احلام سعيدة
قلا تبكى على اللبن المسكوب
والله الموفق

فارس بلا جواد يقول...

أزيك يا نور
حمدالله ع السلامة بعد غياب
حلوة قوي الأحلام اللي قولتيها دي .. وفيها أحاسيس ومشاعر جميلة .. ربنا يوفقك وتحققي كل اللي بتتمنيه .. وماتزعليش علي اي حلم فاتك لان ممكن يكون عدم تحقيقه كان فيه خير ليكي
وطول ما انتي عايشة لازم تحلمي وتحاولي تحققي أحلامك
بالتوفيق دايما

love River يقول...

احلامك رائعه
ياريتها تتحقق
ساعتها كل احلامنا هتتحقق وياهاا
دمت جميلة بقلم رائع واحلام نبيلة

ghoneem يقول...

اهلاً بيكي

أحلامك جميلة وطريقة كتابتك متميزة

يارب أحلامك تصمد في وجه الريح
وتجديها أمامك بناء يكبر ويعلو ويرتفع
ان شاء الله

أحب أعبر لحضرتك عن اعجابي بصدق مدونتك وكلماتك

تحياتي

بالتوفيق...................

princess 0f alex يقول...

نور حببتى البوست عجبنى جداا خصوصا في الجزء لما قولتى انك تكونى عايزة تقولى بحبك او وحشتنى لصديق او حبيب وهو يعمل كل الطرق انو يخليكى متقوليش بجد احساس صعب والاصعب انك متعرفيش السبب اية ... اتمنى ليكى السعادة يااجمل اخت وصديقة بالعالم

شهرزاد يقول...

نور الغالية
أن عارفة أني وحشة لأنني جيت متأخرة
على كل أن تصل متأخرا خير من أن لا تصل أبدا..

حبيبتي..
لقد أثر في البوست جدا
خاصة عندما تحدثتي عن الجرح الذي يأتينا ممن يحبوننا ونحبهم

ّّ(هنرتمى بين احضانه واحنا مطمنين انه لا يمكن يطعنا بيه , ولكنه بيطعنا في قلبنا مره واتنين ومليون لو قدر , ااااااااه )

كم اوجعتني تلك العبارة.. فمن الصعب يا صديقتي لمن يحملون القلوب الملائكية ان يعيشوا وسط البشر..

نور.. لا تيأسي.. أنا عارفة أن الأحلام الجميلة من الصعب أن تعيش على أرض ملوثة بالحقد والغدر.. بس لازم نتحدى الرياح ونكون كالقلعة التي لا تهزها الرياح ولا الازمات.. وللأسف عصرنا بعيد جدا عن عصر عمر بن الخطاب..

نور كلماتك الجميلة لمست قلوبنا..
وأثرت في جدا
وعايزة تطمنينا عنك يا قمر
وأخيرا اتركك في رعاية الله
وربنا يحققلك كل أحلامك

مع حبي
شهرزاد

كاتب مصري يقول...

يشرفني أن أدعوكي سيدتي لزيارة مدونتي المتواضعة ووضع لمساتك عليها..
وأعدك أن تكون مدونتي صديقة وفية لمدونتك..فقط شرفيني بالزيارة والتعليق.
أتمنى أن تلبي الدعوة المعطرة وتجدي أنسك هناك
أنتظر الزيارة
تحيتي لك
مدونتي هنا
http://kanyatklam.blogspot.com/

arsenalwy يقول...

نور

فعلا محدش يقدر يسلبنا احلامنا ففى ناس مبيبقاش ليهم غير الأحلام

وأحلمى من غير ما تحطى حسابات لأحلامك فأى حلم بالأرادة وبتوفيق من الله نقدر بعون الله أن نحققه

zOzO يقول...

الموضوع عجبني اوي يانور

بجد كل نقطه فيه كانت حلوه
وحسيت بيها اوي

بس يمكن اللي بيبعد عنك ده عشان سبب معين
عشان يصونك مثلا

وان شاء الله ربنا هيحقق كل احلامك
قولي بس يارب
تحياتي لتالقك

Blue Nile يقول...

حلمى الناس اللى بنحبهم يبطلوا كدب ,احساس مرير اللي بيصبنا وقت ما نعرف ان انسان غالى بنثق فيه وبنحبه وبنقتنع بكل كلامه ونمشى وراه واحنا مغمضين ولو في ايده خنجر هنرتمى بين احضانه واحنا مطمنين انه لا يمكن يطعنا بيه , ولكنه بيطعنا في قلبنا مره واتنين ومليون لو قدر

الجزء ده صعب اوي يا نور
بس فعلا بيحصل اننا نفقد ثقتنا في ناس كتير

بوست جميل ومميز
حمدالله عالسلامة

spower يقول...

يا سلام علي الاحساس.
احساس جميل
واكتر جملة عجبتني
"دايما أقول محدش يقدر يسلبنا الأحلام ابدا الا لو سلمنا لليأس وقفلنا باب الأمل
هحاول اوارب الباب يمكن تيجى اطلالة امل"

تحياتي

habiba يقول...

aنور حبيبتى....
يمكن فى اول قرايتى مكنتش اعرف الهدف من البوست ايه بالظبط بس كنت حاسه ان جواكى هم كبير ولما وصلت للاخر عرفت بجد انك موجوعة قوى ...حبيبتى مش نهاية الكون ان حلم يضيع ..ومش نهاية الكون ان غالى يبيع انما ممكن قوى تبقى نهاية الكون ان حزنك يفقدك الامل وثقتك فى نفسك....الجأى لربنا هو خير جزاء عن الكل وربنا يحققلك الباقى ليكى فى احلامك يارب ....

حبيبتى فى الله دمت فى رعايته وامنه

nour shahen يقول...

عزيزتى مياده
نورتى المدونه وبأذن الله طول ما فى أمل وايمان وثقه بالله والدعوه الجميله الصادقه عمر ما احلامك هتضيع ابدا
حاولتى تتمسكى بأحلامك بكل ما لديك من قوه وعزيمه
زلزلت قلبى كلمة لا حول ولا قوة الا بالله
فمش هقول غير حسبى الله ونعم الوكيل
مش دعوه علي حد ابدا بس مجرد انى فوضت امرى لله فليفعل ما يشاء فهو ربى سبحانه وتعالى

nour shahen يقول...

غير معروف
الاحلام عمرها ما كانت مستحيلة لأنها في الاخر مجرد احلام بتدينا أمل علشان نواصل انتظار غد مشرق
اما بالنسبه لأن اللي بيبعد هو اللي خايف علي مصلحتى , فمظنش حد يقدر يقيم الحكايه دى الا صاحبها, وان كان الجرح والالم والعذاب هو المصلحه المنشوده فهقبل بيها فى صمت وانذهال مما يحدث
لله الامر من قبل ومن بعد
واعتقد بما انك خاطبتينى بأسلوب بسيط فدا معناه اننا اصحاب , فبالتأكيد عارفه فيا ايه فمتقوليش انه لمصلحتى
وان كنت غلطانه فأعزينى بسبب اجابتى الرديئه

nour shahen يقول...

عزيتى سندريلا
اتمنى الاحلام تصمد المره دى بوجه تلك العاصفه , وطول ما فى اصدقاء جمال جدا حواليكى اكيد هتمر الفتره دى بسلام
اسعدنى مرورك وتعليقك

nour shahen يقول...

مصطفى الطيب
وعليكم السلام ورحمة الله وبركاته
أسعدنى مرورك وبجد تعليقك من اشد الآراء اللى اثرت فيا وقوتنى واتمنالك متمرش بفتره زى كدا
ربنا يكرمك ويبارك فيك
وتمتلأ احلامك بكل الخير والسعاده

nour shahen يقول...

فارس بلا جواد
الله يسلمك من كل شر يا فارس
للأسف تلك ليست عوده ولكنها بداية الغياب الفعلى
أسعدنى تعليقك ومرورك كالعاده
صدقنى نفسى ابطل احلام يمكن الحال يتغير ويصبح الجرح شيء غير وارد ولكنى لا استطيع , واما ان احققها واما ان تخزلنى احلامى فأسقط ثم اعاود مواصلة السعى خلف احلامى من جديد
فبلا احلام اصبح بلا هويه

nour shahen يقول...

نهر الحب
دمتى زائرة عزيزه على قلبى ورقيقة التعبير
بتمنالك كل احلامك تحقق يا رب سواء تحققت احلامى او لا
اسعدنى مرورك وتعليقك

nour shahen يقول...

غنيم
يارب أحلامك تصمد في وجه الريح
وتجديها أمامك بناء يكبر ويعلو ويرتفع
ان شاء الله
بضم صوتى لصوتك وبقول يا رب
أسعدنى مرورك وتعليقك

nour shahen يقول...

صديقتى العزيزه او صديقتى الصدوقه كما تحبى ان تقوليها ( أجمل بنات اسكندريه )
أسعدنى مرورك حبيبتى ولولا تواجدك جمبى فعلا انتى ويويو كان زمانى اتجننت
شكلك حسدتينى .. اديها قلبت غم اهى بقى
كان فعلا يكفينى اشوفك جمبى والبسمه ترجعلى من تانى
انا كمان اتمنى ليكى السعاده يا صديقة عمرى الرقيقه
واعتذر عما سببته لك في الفتره الاخيره

nour shahen يقول...

صديقتى الجميله شهرذاد
لم تصلى متأخره ابدا يا عزيزتى فدعى القلق جانبا
أعتذر ان كانت تلك الكلمات تركت بقلبك الرقيق احساساً بالحزن
فلم اقصد ان اترك الاحزان بقلب الاحباب
ولكنى كنت احاول ان اجد ما يقوينى على مواجة الرياح , بتلك الاحلام الورقيه
ولكن سرعان ما امطرت السماء فأغرقت ورقاتى , وتلاشت كل كتاباتى وظلت بعض رتوش من الأحبار تخبر الناظرين بأنه كانت هنا بعضً من تلك الأحلام والعبارات
مع خالص تقديرى لأرق زهور الربيع

nour shahen يقول...

كاتب مصرى
أعدك بان امر بمدونتك يوما ما
واكون من الزائرين الدائمين
اشكر لك مرورك وتعليقك

nour shahen يقول...

arsenalwy
شرفنى مرورك واسعدنى تعليقك
وانتظر منى أطلالة أمل فى القريب العاجل
بأذن الله

nour shahen يقول...

zozo
متشكره جدا لمروك وتعليقك واعتقد ان الجميع يواسينى اعتقاد منكم بأنى تركنى حبيب
ولكن هذا لم يحدث فلم يكن لى حبيباً من قبل
ليس بحياتى سواء عائلتى واصدقائى ثم من بعد ذلك كل الناس بلا تحديد
أعتزر ان كان تعليقى سيزعجك ولكنى ارفض ان يبرر احد هجر الاحباب والابتعاد بكلمات مثل المصلحه تقتضى ,او بأنه الاصلح لك أو أو
فليس لمعنى البعاد والهجر الا القسوه بالقلب
مع خالص أسفى واعتذارى وتقديرى للتعليق

nour shahen يقول...

blue nile
عزيزتى

أن الاسوء من اننا نفقد الثقه في ناس بنحبهم اننا نصبح فيما بعد عاجزين عن ان نمنح الثقه لأى شخص
مهما حاول واثبت جدارته وحبه
سيملأنا الشك في كل من حولنا
اسعدنى مرورك وتعليقك

nour shahen يقول...

spower
فعلا محدش يقدر يسلبنا الأحلام ابدا الا لو سلمنا لليأس وقفلنا باب الأمل
هحاول اوارب الباب يمكن تيجى اطلالة امل"
واعدك في القريب العاجل بوجود اطلالة امل
أسعدنى تعليقك ومرورك

nour shahen يقول...

حبيبه
حبيبتى
مش يمكن انتى صح فعلا مفيش اى هدف من البوست دا الا انه كلام ملغبط كان جوايا وصيغته في صورة احلام تتصدى للرياح
طبعا هى كانت في مهب الرياح واصبحت تتصدى للرياح بعد اجمل تعليقات وجدتها من اصدق المدونين
وعجبنى جدا تعليقك بالذات الجزء دا
مش نهاية الكون ان حلم يضيع ..ومش نهاية الكون ان غالى يبيع
فعلا مش النهايه لكنها بتألم قوى
اعتذر ان كنت محوت الابتسامه عن وجهك وتركت باب احزانى مفتوح امامك
سأغلقه وأبدا بكتابة اطلالة امل اعدك
أبهرنى تعليقك وادخل السرور بقلبى مرورك

موناليزا يقول...

وانا كمان هحاول معاكى اوارب باب الاحلام لعل وعسى الاحلام تصبح واقع
===============
ممكن تشيلى تاكيد الكلمة حين ارسال التعليق

nour shahen يقول...

موناليزا
طلباتك اوامر قبل ما اكتب رد لشكرك علي التعليق وزيارتك العزيزه كنت غيرت تأكيد الكلمه
انا يهنى راحة الزبون اقصد الزوار ههههههههههه
بتمنالك تحققى كل احلامك يا رب وتبقى كلها واقع وليست مجرد احلام
وتمسكى بالأمل والايمان عزيزتى فهذا هو الطريق لتحقيق الاحلام
نورتى المدونه واسعدنى تعليقك واتمنى اشوفك دايما

zOzO يقول...

انا فاهمه تقصدي ايه
بس مش معني كلامي ان انتي اللي حصل معاكي ده
اقصد عامة ده قصدي والله
عموما اسفه

rara يقول...

نور
ازيك وحشتينى اوى
انا بعتذر عن تأخيرى لكن والله مكنتش اعرف انك كتبتى كل البوستات دى
ان شاء الله ربنا يكرمك وتحققى كل احلامك

أختك
rara

nour shahen يقول...

zozo
مقدرش اقولك اكتر من انى اسفه فعلا
مقصدتش اضايقك واعتزر ان كان ردى رديء
أرجو ان تقبلى اعتزارى فالعفو من شيم الكرام

nour shahen يقول...

rara
ازيك يا قمر انتى كمان وحشانى جدا
نورتى البوست بكتابتك وبطلتك
ولا تعتزرى ولا شيء حبيبتى بيكفينى مرورك ولو كل شهر مره

قطرة الندى.. يقول...

السلام عليك يا نور احلام فى مهب الريح بجد لمست احساسى جدا لانى بعانى نفس المشكله مع بعض اصدفائى لدرجه انى فكرت اتكلم عن موضوع النكد بين الاصدقاء فى مدونتى الى هم اصلا وسيله الترفيه عن بعضهم ممكن يكونوا اكبر حزن يصيب الانسان وساعات بحس ان هم بيخلقوا النكد ويخافوا ان حد يلاحظ عليهم السعاده صحيح ان الصديق لازم يتحمل صديقه فى الشده بس تعمل ايه لو حسيت انه بيمثل النكد فى الوقت الى انت بتحاول تكون سعيد عشانه مع انك ممكن تكون شايل هموم ؟بشكرك يا نور على الموضوع الى القاء

nour shahen يقول...

قطرة الندى
وعليكم السلام ورحمة الله وبركاته
والله يا عزيزتى ليكى حق
اوقات كتيره بيكون الصديق هو مصدر التعاسه مش الفرحه والجرح منه بيكون مميت فعلا
لكن برغم ذلك تعتبر الصداقه من اسمى العلاقات اللي بتجمع البشر بالحب فى الله
فى اصدقاء بيتحملونا وبنتحملهم واهى ماشيه بنساعد بعض ونكمل الطريق
وفى اصدقاء بيكونوا سبب التعاسه والحزن وبيتركوا جرح ويرحلوا لازم نتحملهم برضوا يمكن يعرفوا طريقهم رايح لفين ويرجعوا ويمكن نتعلم منهم ازاي منعتبرش اى شخص صديق ونديله مكانه في قلبنا بسهوله
نورتى المدونه بتعليقك الرائع
وربنا يرزقك بأصدقاء طيبيين وتجمعكم المحبه فى الله

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘