2009/08/29

زهره فى مهب الريح


جلست أمام أحد الشرفات لتطلق لبصرها العنان وبين يديها كوب القهوه ولم تبدأ ترشف قطرة منه حتى علمت أنه أصبح بارد كليالى الشتاء التى جمعتها وأياه , فلاح بوجهها ابتسامه ساخره ووضعت الكوب بأستهتار علي المنضده المجاوره فسقط مسكوب فنظرت إليه وكأنها غير مباليه بما حدث وشردت لحظه وهى تنظر إليه قبل أن تنهض لتصلح ما افسدت ولم تكد تشرع فى التنظيف حتى دق جرس الهاتف فسارت إليه بخطى متثاقله ككهل فى الثمانين من عمره وما رأت اسم المتصل حتى وثبت فى الهواء من فرط السعاده , ولم يثنيها عن سؤالها التى أسرعت تردده " أحقاً أنت " حتى قاطعها صوته الحنون " لقد أشتقت إليك كثيراً " فتلعثمت محاوله ان تهدىء لهفتها دون جدوى لتقول له " أحقا أشتقت إلى " فشرع فى الضحك ليعيد كلمتها " نعم أشتقت إليك " فتهلل وجهها بعد أن كاد يفارقه رونق الشباب وشعرت ان الحياه بدأت تسرى بعروقها لتحييها من جديد بنور الأمل , وحين طال الحديث بينهم بدأ الأمل يتبدد شىء فشىء حتى تلاشى وأصبح يتردد بداخلها نفس التساؤل الذى لطالما عهدته مع كثرة مفاجأته لها " من انا بالنسبة إليه "
فكم من مرة ردد علي مسامعها كثيراً من كلمات الحب والاشتياق والحنين ثم يعود ويختفى , كأنها لم تكن إلا شىء يلهو به ثم يتركه حين يصيبه السأم , وما يلبث ان يعود إليه حتى يعاود الكره من جديد.
لقد تعلقت كثيراً بالأوهام منذ أن تعرفت إليه علي شبكة الأنترنت وظلت متعلقه به حتى بعد ان اكتشفت انه متزوج ولكن كيف تتركه وقلبها معلق بأوهامه حتى أصبحت أغلى امانيها
لقت استمعت لخبر زواجه من اخرى وكأن صاعقه اصابتها وما لبثت ان تفيق منها حتى علمت انها ليست بواحده ولكنهن أثنتين وكلاً منهن ببلد مختلفه , تزوج بأحداهن لمصالحه الماديه وتزوج بالأخرى لأنها حب عمره علي حد قوله , فمن هى بالنسبة إليه حقاً ؟!!
لا أدرى كيف تصدق اكاذيبه للنهايه كيف تضحى بكل شىء فى سبيل أرضائه وهو يستمر فى بناء صرح هائل من الأوهام يستطيع الأعمى ان يستشعره لمجرد النظر بأحواله وكلماته الغير مترابطه وهى لا ..
هل رأت فيه فارس الأحلام الذى اتى لينقذها من الامها بحبه , ام تتمسك به لتشعر ان بتلك الحياه من تريد ان تقاوم لتحيا من أجله .
لقد ادمانى خبر مرضها حتى أفقدنى توازنى , فصرت أبكى كما لم افعل من قبل , لم تكن معرفتنا وثيقه لتجتاحنى كل تلك المشاعر تجاهها , وهل تستحق اللعبه بنظره أن يخدع زهره فى مهب الريح , لقد عهدتها رقيقه صادقة المشاعر مرحه , لقد حباها القدر بكل الكنوز الرائعه التى يحتويها قلب بشر ووصمها بتلك العلامه لتحيا وتتذكر دائما ان الكمال لله الواحد الأحد .
لا اعرف كيف استقبلت خبر مرضها بنفس راضيه ولسان حالها يقول " قدر الله وما شاء فعل " حتى انها رددتها علي مسامعى كثيرا " مش ناقص من الدنيا إلا قلبه " فهل تحيا متعلقه بسراب وعووده ...
عقلى دائما يخبرنى بنهايات القصص حتى قبل ان اصل إليها يقيناً ولكنى اخشى عليها من أقتراب تلك النهايه المؤلمه .. والله المستعان

هناك 21 تعليقًا:

محمد عبدالرحمن شحاته يقول...

جزاك الله خير على ما خطت يداكِ
ادام الله عزك وقلمك
لكل امرء هفوه ولك كل الابداع
تقبلوا مروري

غير معرف يقول...

لا أدرى كيف تصدق اكاذيبه للنهايه كيف تضحى بكل شىء فى سبيل أرضائه وهو يستمر فى بناء صرح هائل من الأوهام يستطيع الأعمى ان يستشعره لمجرد النظر بأحواله وكلماته الغير مترابطه وهى لا ..
لالالالالالالالالالالالالالالالالالالالالالالالالالالا مش ممكن كنت بتضحك عليها حسبى الله ونعم الوكيل كنت عارفة طب ليةتعرفها منبن دة انتة لاتعرف اسمها ولا شكلها ولا اى حاجة خالص لية لية لية كدة

الازهرى يقول...

الانتظار بغير أمل
والأمل الكاذب
هم أسوأ ما يتعامل الإنسان فى حياته معه
ولكن لم الركون إليهما وفى مقدرتنا أن نحيا الحياة بحلوها ومرها وأن نعيش ونحاول من جديد

تحياتى للأمل الجميل المبدع

رمضان كريم يقول...
أزال المؤلف هذا التعليق.
رمضان كريم يقول...

السلام عليكم . بجد وحقيقى الكلام اكتر من رائع . وفكرة بجد جميلة ان الكلام اللى بنحس بيه وبنكتبه يبقى فى صورة حكاية او قصة .
دى بجد فكرة جميلة اوى وخصوصا لما يتبعها كلام جميل اوى زى دة
كل سنة وانتى طيبة ( عشان ما تزعليش بس والله )
و رمضان كريم

عاشقة الأحزان يقول...

الله عليكى اختى الحبيبه

جميله قووى ربنا يوفقك يارب ويكرمك خير

تقبلى مرورى

رمضان كريم
كل سنه وانتى طيبه
مودتى
ايناس

نـــــــــــــور يقول...

ياعينى:(

لو كانت القصه دى حقيقيه يبقى دى لا هى اول ولا اخر ضحيه من ضحايا تعارف النت اللى اغلبه ان لم يكن كله اوهام واكاذيب وحب مزيف
بقى عندى قناعه بتقول يانور جايز بنت تحب بجد او ولد يحب بجد من النت بس دول قله قليله والاغلب ممكن تبقى البنت واهمه انها بتحب الولد او العكس لكن الحقيقه بتبقى مشاعر مكبوته جوه وتأبى ان تخرج خصوصا مع الفئات المحترمه وبتلاقى ان اللى يستحى يعمل حاجه فى الحقيقه يقوم مخرجها عالنت حيث لا رقيب من اعين البشر !!

اما عن الخديعه فمش هتكلم جايز يكون الراجل ده بيلجالها لانه بيشوف فيها الصدر الحنين اللى يخرجه من ازماته ويسمعه كلمه حلوة تخفف عنه همومه وما ان زالت الهموم استغنى هو عن المأوى ده

لو كانت القصه حقيقيه يبقى دعواتى ليها بالشفاء من مرضها او ثم افاقه من غيوبه الحب اللى هى واقعه فيه
كل سنه وانتى طيبه يانور
ورمضانك كريييييييييم:)

أبو كريم يقول...

الحمد لله أولا وأخرا

يا سيدتى قال الله ( مَا جَعَلَ اللَّهُ لِرَجُلٍ مِنْ قَلْبَيْنِ فِي جَوْفِهِ ) لرجل لان المرأة قد تحمل ويكون بداخلها قلب وليدها أما الرجل فيستحيل


هاؤلاء ممن يتفننون فى اللعب بعقول النساء معروفون وكذلك أساليبهم
لان من يحب يملء قلبه بحب من أحب ولا يوجد مكان لغيره.. من خلال ما قرأت أأوكد لك أنها صغيره سنا وهذه أول مره تتعلق بأحد وكلماته كانت اول كلمات تقع على مسامعها لذلك فهى رافضه كل الرفض ان تكون أوهام


صدقينى هذا حصل معى وبرده على النت بس من زمان سبع سنين ولا حاجه كنت أتعرفت على بنت مغربيه وكانت بتتصل بيه برده كل فين وفين وببقى مبسوط قوى وقول دى بتحبنى بس ربنا كرمنى اول ما اشتغلت بزميل ليه راح الدار البيضاء فكتبتله عنوانها عشان يتأكد لاقيت انها مطلقه وكل الى كان بيعجبها قصائدى الى كنت بكتبها
قوليلها حرام عليكى فى نفسك

مطلقه وسكرتيره وليست بالجامعه
ولا تدرس الهندسة أو بالسنة الرابعه
سبعة فوق العشرين ولكن الفاجعه
بعد أن أدت دورها وأزالت الأقنعه
مازالت تدعى أنها فى حبى واقعه
شكرا لهذا الدرس ممثلة رائعه
غدا ألقاك بيوم حر فالسماء السابعه
يوم توفى كل نفس بما كسبت
وليس لها من دون الله مانعه

أسئل مجرب ولا تسأل طبيب

والسلام عليكم

Lyssandra يقول...

احذر لايمنع القدر

كان الله في عونها

وربنا يجازي كل حد عليقد نيّته
بس اللي لازم تكون منه أكيدة
ان الجزاء من جنس العمل
وداين تدان

أكيد ربنا في يوم هايرد لها حقها
ويعوضها بأحسن منه ألف مرة

وأكيد هاتنسي
لأن اللي زي ده
مايسحقش غير انه يتنسي


...

تحياتي

Lyssa

”*°•.˜”*°•..سونه..•°*”˜.•°*”˜ يقول...

السلام عليكم
يااااااا متعرفيش القصه عملة ايه فيه
دخلت فى حاله غريبه وفكرتنى بكل حاجه سمعتها على النت من اصدقائى
بجد النت ده نافزه لوهم كبير
كل من يريد الاوهام يعيش على النت
الحزر ثم الحزر
تحياتى ليكى ياعسل وربنا يوفقك فى كل اعمالك يارب
سلام اختك سونه .

mohamed ghalia يقول...

كل سنة وانتى طيبة
صياغتك للقصة رائعة
ربنا يكرمك دايما

شمس النهار يقول...

القصه مكتوبه حلو اوي
وتحزير لكل بنت سواء عرفته من النت او غير النت اللي تتأكد ان حبيبها او خطبها كده لازم فورا تنقذ نفسها وبسرعه
بس هي المشكله فعلا ان في الحاله دي بتكون زي اللي بيمضي حكم علي نفسه بس لماتمر الايام وتبعد عن الموضوع وربنا يكتب لها النسيان بتعنف نفسها علي انها طولت المده
وعاشت في الوهم

الملاك يقول...

السلام عيكم ورحمة الله وبركاته

أختى وحبيبتى فى الله نور أدعو الله أن تكونى بخير حال تحيي فى ظل رضاه وعفوه وقربه

أولا أدعو الله لها بالشفاء العاجل مما أصابها من أمرض بدنية أو نفسية وإيقظها الله وأنار بصيرتها لتر ذاك الشخص كما يجب أن تراه فتنجى بدينها و نفسها من غيه هاده الله هو الأخر ليكفر عن ذنبه وأشغله وأرضاه بما وهبه أو كفى شره عنها .


ثانيا أن كنت تعرفينها جيدا وعلى أتصال بها فيجب عليك أن ا تدخرى جهدا فى نصيحتها والأخذ بيدها حتى يمكنك الله من إخراجها مما تعانى منه و والتخلص من وهمها و لا تنسى أن تحتسبى أجر ذلك عند اله سبحانه وتعالى .


أما هو فنرجوا له النصيحه ايضا وأن يتبعها ويتقى الله فى عرض رسول الله حتى يعفو الله عنه ويرحمه ولا يعاقبه بما يفعل فمهما طال الأمد وغرتنا حياتنا وأستسلامنا لنزواتنا يأتى القدر .


جزاك الله خيرا أختى العزيزة

دمت برعاية الله

نور الدين يقول...

اهلا نوره
................
ارجو أن تكونى بكل الخير
كعادتى دائما منذ اخر مرة مر من هاهنا قلمى المح لديك كل بديع ونادر عظيم الفائدة
آلمنى أن اشعر من كلماتك أنها قصة حقيقية فاشتد المى بما نثرته قصتك على روحى لأسباب يعلمها الله
فما اشد الشعور بقسوة الحب ومرارة اليقين بأنه حب مستحيل
غير أن قلوبنا ليست بأيدينا فلا نختار متى ولا كيف نحب
ان كان هذا الشخص فعل ذلك متعمدا فقد أتى جرما عظيما سيدفع ثمنه باهظا لكنه ليس وحده من سيدفع تلك المسكينة ستكون سابقة الى بذل دماها وخيوط روحها شوقا تارة وحسرة تارة اخرى
واذا كان صادقا فى حبها الذى لم يكن بيده هو االآخر غير انه كان يدرك عواقبه ولا شك فقد أتى ظلما لها ولنفسه
..
قصة صعبة وموضوع دام ٍ بحق
لك أعمق تحياتى وتقديرى لذاتك وقلمك
...
نورالدين محمود

mahasen saber يقول...

ومن الحب ما قتل وسطل وسرق العمر وضيعه هباء

حب غلط وعلى اساس غلط ده بيأكدلنا ان مراية الحب عميه فعلا
ودايما بيبقا اليى بيحب شايف انه عمره ما يقدر يعيش من غير الطرف الاخر
بس لو وقفت وقفه حاسمه مع نفسها هتعرف كويس انها تقدر تاخد نهايه لقصه بدايتها واساسها غلط من البدايه وهتشوف ان ربنا دايما بيعوض بالاحسن والافضل

ربنا يريح قلبها ويعافيها بجد
القصه مؤلمه ووجعتنى لان فيه ناس كتير وبنات اعرفهم للاسف بينجرفوا للحب على النت وفى الاخر مأساه طبعا

norahaty يقول...

أدمنت أكاذيبه
ولا حيلة لها
فى ذلك
فهى مدمنة
للأكاذيــبه:(

norahaty يقول...

وهناك رأى أخر
ربما هى تستعذب
الألم !ولا تستغربى
فبعض الناس
يحبون ذلك !!

الازهرى يقول...

كل سنة وانت طيبه وبالف خير

كل سنة وانت اجمل والى الله اقرب

عيد سعيد على كل المسلمين يارب

nour shahen يقول...

محمد عبد الرحمن شحاته:
....................
اكرمك الله علي التشجيع والثناء
نورت المدونه

.................................
غير معروف:
.........
اكيد هنقابل قصص كتيره بالمثل ربنا يرحمنا والمهم اننا ناخد بالنا
أسعدنى مرورك وتعليقك

.................................
الازهرى:
........
تحياتى ليك علي تعليقك البليغ اللي أسعدنى وافادنى بجد بقولها من قلبى والله
دايما منور المدونه

.................................
رمضان كريم:
..........
الله اكرم ربنا يبارك فيك واعذرنى لو متأخره شوية
اهم شىء ان الكلام عجبك ويا رب يكون افاد اى حد علي الاقل حتى بس ناخد بالنا ان زى ما فى النت حسنات الاغلب بيكون سيئات وربنا الحافظ

.................................
عاشقة الاحزان:
.............
بارك الله فيكى اختى العزيزه وادام الله طلتك التى تسعدنى دائما
ونورتى المدونه

nour shahen يقول...

نـــور :
..........
بالفعل القصه حقيقه وللأسف انا اخدت رأى صحبتها قبل ما احطها علي النت ووافقت علشان تكون همسه فى أذن كل بنت بتدخل للنت يمكن مره نفكر نتعلم بدون ما نجرب ونقاسى
وللعلم انا قرتلها كل التعليقات وكتير عجبها التعليق بتاعك وتعليق ابو كريم حست انه شىء قريب لمواستها انها مش اول ولا اخر ضحايا الكدب علي النت
ودايما منوره بتعليقك


.............................

ابو كريم:
........
بجد مش لازم انت اللي تحيينى علي البوست انا اللي بشكر الظروف اللي خلتنى اكتب مثل هذا الكلام علشان الاقى تعليق من اغلى ما قريت من سطور
تعليق بيحمل الحكمه والبسمه والنصيحه والأمل

..................................

Lyssandra:
..........
عندك حق اكيد
بس كتير مش بنقدر ننسى الجراح بسهوله
وحتى لو نسينا بتفضل علامه تخلينا دايما فاكرين ان فى يوم كان فى جرح
ربنا يعينها ويقويها علي حملها
ودايما منوره ومشرفه المدونه بتعليقك العطر

................................

سونه:
.....
وعليكم السلام ورحمة الله وبركاته
اعتقد النت وهم لمن يريد ان يعيشه ليس لكل مرتادى النت
لأننا قبل ما ندخل لازم نكون محددين ومتأكدين احنا عايزين ايه وبنبحث عن ايه علشان منتوهش فى المكان ونلاقى نهايتنا مختلفه وبعيده عما تصورنا او فى يوم حلمنا
اسعدنى تعليقك ومرورك

nour shahen يقول...

mohamed ghalia:
...............
كل سنه وانت بألف خير وسلامه ولو انها متأخره فحقك عليا
الأجمل من صياغة القصه انها جعلتك تدخل تشاركنى بقرائتها
نورت المدونه كعادتك

.................................

شمس النهار:
..........
انفع اكتب يعنى
ربنا يكرمك علي التشجيع والدعم ليا
ربنا يوفقك ويقدرها انها تنسى ومتحسش بندم يخوفها من باقى الحياه
دايما منوره يا اغلى شموسه

.................................

الملاك:
......
وعليكم السلام ورحمة الله وبركاته
انا بخير والحمدلله فى احسن حال
وانتى وحشانى جدا وبيسعدنى جدا انى اشوفك بتكتبى او اقرا تعليقك فى اى مكان فما بالك لو التعليق بمدونتى
دنا هعمل فرح 7 ليالى علي الطله اللى شرحت قلبى دى
والله دعتلها من كل قلبى بصدق وربنا قدرنى ووقفت جمبها لكن تغيير القلوب فى ايده سبحانه وتعالى
وهو بقى ربنا يجازيه علي قد نيته ويهديه وميجربش نفس المأساه مع حد تانى

.................................

نور الدين:
...........
اقول اخى الغائب ام انى من قصرت
لكن مهما كان يعلم الله انى اكن لك كل احترام وتقدير
بشعر بألم شديد حين تسبب سطورى معاناه لقارئها لكنه واقع نحياه لمأساه تتكرر ولا رادع لها الا من رحم ربى
بشكرك علي كلماتك ومرورك ودايما مشرفنى بالمدونه

...............................

mahasen saber :
...............
زائرتى الجميله ومدونتى الرقيقه وفراشة السعاده الماره بمدونتى
برغم الحزن المرتسم بسطورك الا ان كلماتك تعطينى الأمل والثقه ان بكره اجمل من النهارده وبالصبر يتحقق المحال
بشكرك علي الدفعه القويه اللي نقلتها بدورى لصاحبة القصه علشان متبقاش كل الدنيا سودا فى وشها
وبشكرك مره تانيه لتنويرك المدونه

................................

norahaty :
..........
صعب نستعزب ألم القلب ونتحمل شتات النفس والروح
ممكن نحاول لو فى امل ولو ضعيف لكن كدا صعب جدا
يمكن يكون فى بس يا رب يفوقوا بسرعه
منورانى وبيعجبنى جدا تحليلك بيكون أبعد ما توقعت ودا اللى بيزيد اعجابى

.............................

الازهرى:
.......
كل سنه وانت بألف خير
ربنا يكرمك ويسعدك وكل المسلمين يا رب