2009/08/06

شغل عفاريت ( قصه حقيقيه )


عندما تزوجت لم تفكر هل ستستمر الحياه دون حب , لكن ظل الجميع يردد ان زال كل شىء ستبقى العشره الطيبه , فلم تتردد بقبول طلبه لاسيما انها رأت فيه الاخلاق الحميده ولامست بروحه الطيبه الشديده , كل المؤشرات كانت تنبأ بأنهم ستجمعهم حياه سعيده الى الابد , من اتحدث عنها سيده اعرفها معرفه شخصيه , من شدة انبهارى بما رواه وأكده جميع جيرانها واخوتها قررت ان اطلب منكم النصيحه , أري فى بادىء الامر اعطائكم نبذه مصغره عن تكوينها ولكن أن بدأت فى وصف ملامح شخصيتها لن اكتفى لكنها سيده تتمتع بقوه سبحان من صورها . لو كنت بمكانها برغم شدة أيمانى بالله لم أكن لأصمد يوميا بليله واحده ببيتها هذا , هل تسرعت ولم اقص عليكم ان بيتها يسكنه شىء ما , واعذرونى لا استطيع تصوير ما سمعت عنه الا بشىء ما , كم أضحكنى خيالى حين بدأ يصور لى كل ما اسمعه وكأنى كنت معهم لدرجة ان يتملكنى الخوف وانا بمكانى بعيدا عن بيتها , بدأت القصه حين تزوجت بهذا البيت لم ينصحها السكان ولم تكن تعلم ان العماره بالكامل ممتلئه بمثل هذه الاشياء , ما يدهشنى كيف يتعايشيون مع تلك الاحداث دون ان يدق بقلبهم شيء من الخوف , لنبدأ الاحداث وأرجو من الجميع ان يتمسكو جيدا قبل الانطلاق
بوسط أنشغالى الدائم نسيتها ولم اعد اتصل بها فتره كبيره وفى يوم وجدتها تقف ببابى تعاتبنى معاتبة الأحباء فرحبت بها وجلسنا نتجاذب أطراف الحديث حتى وصلنا لقصة شقتها فسألتها ما الجديد ؟؟ فتبسمت دون أن تجيب ... فذهبت لأحضر لها شىء تشربه وانا اتحرك بدأ يدور برأسى كيف بدات معرفتنا فى بلكونة شقتى حين أوقعت ما كانت تأكله على ملابسى فهى أخت الجاره التى تسكن فوقنا وكما يقال( ما محبه الا بعد عداوه ) فبعد فتره توطدت علاقتنا وحينها روت لى قصتها ولم أصدقها وتخيلت انها تتخيل مغامره لتزيد بهاء الحديث ليس اكثر
حين بدأت الخلافات تدب بينها وبين زوجها فى اول سنه للزواج قررت الانفصال وهى تحمل بداخلها طفلها الاول ولكن سرعان ما اجتمع الاهل واصلحوا بينهم وعادوا ولكن ما كان يدفعها للتفكير فى الانفصال من جديد عدم تواجده بالبيت الا من وقت العشاء لوقت الفجر ويقضى هذا الوقت بالنوم العميق فلا يرى ما يحدث بالبيت ولا يصدق ما تقصه عليه ويأكد لها دائما انها مجرد خيالات بعقلها المريض , وجاء للحياه طفلها الاول والثانى وحين أتى التالت تفجرت الكارثه بدأ الجميع برؤية ما كانت تراه وحدها من اطفالها الى اخوتها وكل زوار بيتها وخصيصا من يجلس بغرفة النوم او يدخل للمطبخ , فى اول معرفتى بالقصه كان الحديث يصل بيننا الى عدم التصديق فسألتها هل تصلى فكانت الاجابه انها لا تترك فرض والحمدلله , فقولت فلما لا تجعلين القرأن دائما يأنس وحدتك بهذا البيت فيبعد عنك تلك الأشياء ويحفظك فقالت لولا القرأن لكان ذهب عقلى ,فسألت هل قتل أو أحرق شخص ما بهذا البيت فقالت ان ما يظهر ليس شخص واحد بل عدة أشخاص سيدات ورجال واطفال وعندما فشلت كل محاولاتى فى عدم تصديق ما يقص على قررت ان استمع لباقى القصه دون تدخل , فقالت وبعد فتره هجر زوجى البيت وتركنى واطفالى وكان دائما يسئل علينا من وقت لأخر وذات ليله كنت جالسه مع أبنتى بغرفة النوم أذا بى أرى شخص بدون رقبه او أرجل يأتى ويقترب منا بدأت أقرأ ما احفظه من القرأن الكريم فبدأ يبتعد حتى أختفى بداخل شاشة التلفاز وبدأت تصرخ ابنتى وهى ترا الحائط ترسم عليه دوائر سوداء فسارعت بالاتصال بأخوتى ليأتو بشيخ ليخرج هذه الاشياء فلقد ضاقت نفسى وبالفعل جائو بشيخ فدخل للبيت ولكن سرعان ما خرج الشيخ وهو يقول بسم الله وابتعد وهو يقول سأتى لكم بشيخ أخر
فقرر اخوتها ان يظلوا معها حتى يهدأ الاطفال من الرعب الذى اصابهم
وحين جاء الليل بدأت تلك الاشياء تسطع من جديد فمنهم من يراها شيء أحمر يظلل الأرضيه ومنهم من يسمع اصوات تتهاس بدورة المياه ومنهم من يرا شىء اسود ضخم يقف بعيداً وانتظر الجميع بفارغ الصبر ظهور اول خيوط الصباح ومن ثم انطلقوا جميعا لبيوتهم واشغالهم متعللين انهم لن يفيدوها بشىء وجميعهم قرروا انهم لن يأتو لهذا البيت ابدا مهما حدث ..
لهنا لم تنتهى القصه فلقد سأمت تلك السيده الانتظار مع هذه الاشياء وقررت ان تترك البيت لزوجها وتنفصل عنه نهائيا ولكن الجميع طلبو منها التروى
ولكن عليها ترك هذا البيت فى أقرب وقت .
( كان نفسى ازور بيتها بس انا بخاف من خيالى هههههههه ) ( أريد حلا ) ...

هناك 17 تعليقًا:

nour shahen يقول...

افتكرت الحلقه بتاعت عفاريت حسين لما هانى رمزى قال عرفت ان الشقه كان فيها فرح واتحرق بلى فيه مهو دا اقرب تفسير وصل ليه عقلى .. بس بالفعل القصه دى حقيقيه مش من تأليفى .

ثم انا بعتذر جدا للجميع انى مش قادره ارد علي التعليقات بس والله ظروفى ما يعلم بيها الا ربنا فياريت تسامحونى وبجد والله انا بحترم كل انسان بيدخل يقرأ ويعلق او حتى يمر مرور الكرام

اما عن اخبارى الشخصيه فأنا بخير والحمدلله ودعواتكم وبجد بحبكم ووحشتونى
وحمدالله علي السلامه لبعض المدونين بعد طول غياب وربنا يقدرنى وارجع واتفاعل معاكم زى الأول لأن عالم التدوين والمدونين دا عشقى

موناليزا يقول...

وهى مستنية ايه عشان تسيب البيت ده؟؟؟

محمد عبدالرحمن شحاته يقول...

نور
هذه زيارتي الأولى أرجوا تقبلها
مشكره أيضاً على هذه الكلمات الطيبه
وأدام الله عليكِ قلمك
وإن شاء الله دوام التواصل

فرفشة الوان يقول...

بيجد جميلة اوي القصة دي بس هي مستنية

ايه علشان تمشي من البيت دة الله محفظنا

يس الجيران وحشين علشان منصحهاش ربنا

يحفظنا دنا اقربت اموت من كترالرعب

الملاك يقول...

السلام عليكم ورحمة الله وبركاته
أختى وحبيبتى فى الله نور
حمد لله على عودتك إلينا حقا أفتقدك كثيرا ولا يهمك مش مشكله والله إنك تردى على تعليقاتنا المهم أنك تكونى معانا دايما
-----------
نيجى بقى للقصة
مش هقول قصة غريبة لأنى طبعا مؤمنة بوجود الجن لكن العفاريت لأ طبعا وياريت محدش يستغرب من كلامى أو يقول معقلة فى حد بيؤمن بالخرافات دى
بس أحنا عموما أقوى منهم بكتير بفضل الله علينا ورحمته
أنا طبعا مصدقة أن ممكن تكون السيده الى بتحكى عنها بتشوف حاجات غريبة لأن ممكن المكان ده يكون أصلا كان مهجور من فترة كبيرة فسكن وأعتاد من به أن يبعد كل من يقترب منه لكن حكاية إن يكون حد أتقتل فيه وروحه بتطلع والكلام ده لأ طبعا مستحيل

بصى ده رأيي والله أعلى وأعلم
بس عموما لازم السيده دى تقوى إيمانها شوية وساعتها صدقنى الحاجات دى هتبتعد عنها تمام لازم تكون على ذكر لله دائم وبيقين تتأكد أنها برحمة ربنا وذكره أقوى من أى حاجه
لأن والله المخلوقات دى ضعيفه جدا إذا قورنت بنا لأن ربنا مدينا أسلحه كتير جدا محدش منهم يقدر يقف قصدها والله ده القرأن كفاية
بس للأسف الأسلحه أو بالأصح النعم دى لو أستخدمت بدون يقين وثبات وإيمان لن تفى بغرضها أو تأتى بشئ وأعتقد أن هذا هو سبب ما تعاني منه هذه السيده طوال هذه الفترة وأستخدمها لكل شئ دون فائده

نصحتى ليها أنها تثبت أكتر وتتيقن أنها الأقوى وتستعين حقا بقدرة الله وتتيق أن هذه مخلوقات ضعيفه مثلنا تمام لن تستطيع فعل أى شئ أمام ثباتنا ويقيننا بقدرة الله عز وجل

هذا أيضا رأيى والله أعلى وأعلم

بصى أنا هقولك على حاجه حكهالى إنسان قريب منى جدا فى منزلة والدى أثق به إلى أبعد الحدود

قالى إن زمان من كتر ما الناس كانت مؤمنة ومكنتش الشياطين بتقدر تعمل معاهم حاجه كانوا بيضروا بينزلوا بنفسهم بين الناس فى صور مختلفه وقعدت يحكيلى حكايات كتيرة قوى بلاش أقولهالك علشان متخافيش وماما فعلا أكدت ليه الكلام ده بس قالتلى علشان الناس كانت مؤمنة قوى كانوا فهمين وكانوا متعايشين معاهم عادى وكانوا كل يوم الصبح يقعدوا يحكوا لبعض النوادر الى كانت بتحصل معاهم
متستغربيش هما فعلا كانوا بيعتبروها نوادر ويقعدوا يضحكوا عليها أنا بس بقولك الكلام ده علشان متستغربيش كلام هذه السيده أو جيرانها

ربنا يستر محدش يعتبرنى مجنونة ولا متخلفه
:)

وبلاش أقول أكتر من كده يحسن المدونين يخافوا منى ويهجروا مدونتى الغلبانه وكلماتى الضعيفه

بس تعرفى انا مرة سمعت شيخ عجبنى رأية جدا كان بيحاول ينفى حاجات زى كده وبعد كده قال طبعا احنا مؤمنين بوجود الجن بس انا مش عايز أفضل أقول كده لأن الناس للأسف مش بيكتفوا بالأعتقاد وبس لكن بيعتقدوا أنهم اقوى مننا ويفضلوا يفكروا ويخوفوا نفسهم لحد ما يضعفوا جدا وهو ده الى بيمكنهم منهم وقال كمان إن فى شيوخ بالفعل ربنا وهب لهم القدرة على التعمل مع هذه المخلوقات وأنه علم فى القرأن يفتح الله به على من يشاء من عباده وقال أنه ليس منهم ولكنه يؤمن به


بصى بلغيها بكلامى ده وخليها تحاول تثبت لكن لو مقدرتش فعلا يبقى تبعد أحسن علشان تحافظ على إيمانها فلا يضعف أكثر
على فكره انا أعرف ناس تعرف شيخ كويس جدا يعنى والله مش دجال لو حبيتى انا ممكن اتصل بيهم وأخد منهم العنوان وأبلغك بيه

أتمنى إن كلامى ده يحاول يساعدها ولو بشئ بسيط

بس فى نقطه غريبة قوى فى الموضوع ده خلتنى مشوشرة شويه وهو دور زوجها هل هو مازال ياتى اليها متاخرا كعادته أم أنه انفصل عنها نهائيا وكيف تركهم فى هذا المنزل بمفردهم ألم يخشى عليهم أو على أولاده على الأقل ؟
اللهم أهديه ورقق قلبه على أسرته

تقبلى مرورى ومودتى

دمت ودامت هذه السيده وأسرتها برعاية الله وحفظه

الازهرى يقول...

انا صراحه مش عارف عفاريت حسين ده

انما بخصوص الموضوع الأساسى
أنا محايد جدا
لإن الجن موجود وبأدله من القرآن
لكن الضرر هو الاختلاف
كلنا بنسمع عن حاجات زى كده حوالينا
لكن من غير توثيق كافى
لدرجة اننا اشترينا فى وقت بيت كانوا بيقولوا برضه عليه موضوع العفاريت ده
وفضلنا فيه حوالى 15 سنة بدون أى مشاكل باستثناء بعض الأحلام والكوابيس من وقت للتانى عند والدتى واخت مت اخواتى
انما مش اكتر من كده

وربنا معانا

تحياتى دوما

عاشقة الأحزان يقول...

السلام عليكم

اذيك ياقمر

سعدت قووى بمروك الكريم لمدونتى وان شاء الله يبقا التواصل بينا

وطبعآ
كل سنه وانتى والاسره الكريمه بالف خير وصحه بمناسبه قدوم شهر رمضان

طبعآ القصه وانا بقرئها خفت قوووى لانى انا بطبعتى جبانه

عاااااااااااااااااا

بس المفروض فى الحاله دى تسيب البيت هى مستنيخه ايه

ربنا رحيم بعباده
وانا مؤمنه جدآ انه يوجد اشياء كده
الشر بره وبعيد
سلام قولا من رب رحيم
هههههههههههههههههه

تحياتى ليكى يا قمرى
انوسه

mohamed ghalia يقول...

فعلا قصص الحياة بتكون اشد من قصص خيالية كتير
أدام الله عليك سعادته

سمكه واحده يقول...

ياشيخه خوفتني والله واحنا بليل وكله هيشد الرحال وينام وانا بخاف من خيالي
ايه الرعب ده ربنا يحفظنا
سلام قول من رب رحيم
هي صحيح مستنيه ايه؟
لا طبعا مش تنفصل عن الزوج
بس تسيب البيت وتدور علي سكن تاني بس منصحهاش تبيعه عشان حرام لو حد اشتراه واتعذب العذاب ده
تحاول تقرب من ربنا اكتر وربنا يحفاظهم وتسيب البيت وتدور علي مكان تاني بعيد كل البعد
تحياتي

yoyo يقول...

مسائك سكر يا سكرتى

وحشتنى جدا جدا جدا
وبلاش الكفتة و النبى
هههههههههههه
معليش بقى مش كان بايدى و الله وعامة الرقم و الموبيل اتغير كمان
بلاش قر مش وراثة ولا حاجة
بس هو كله بحاله بماله اختفى فى ظروف غامضة اروق بس واستعين بعمك كرومبو
ههههههههه
يعنى رقم جديد وبلاش فرحة فانا مازالت فودافونية حتى النخاع يعنى 40 قرش و يا خراب بيتك يا ابو سويلم
ههههههههههه

yoyo يقول...

هو لسه فى حد اسمه طلبه فى الزمن دا يا شيخة حرام عليكى
ههههههههههه

لا بجد بقى
الجن مذكور فى القرأن وبصراحة ان مؤمنة بالكلام دا بس دا مش يمنع ان فى ناس بتزود اوى و تبدا تختلق افلام واوهام كدا ولا كانك فى فيلم هندى
ورابطة الفيل بره فى الشجرة
هههههههههه
ربنا يعافينا يارب و يبعد عنا الانس الملعون هو احنا خلصنا من الانس وعمايلهم لما هنتكلم عن الجن و العفاريت
حابس حابس
اشتاتا اشتوت
حى حى حى
ههههههههههههههه
اجرى انا بقى قبل ما العفريت يجرى ورايا

كل سنة وانت طيبة يا قمر
رمضان كريم عليكى وعلى كل اسرتك يارب
تحياتى
يويو

انا ودماغي يقول...

أنا مش مصدقة بجد

هو الكلام ده بيحصل فعلا

و الله العظيم جوزها ده ندل أوى عشان يسبها كدة

ربنا يزيح عنها

بس انا مش فاهمة هى مستنية ليه ده كله عشان تسيب الشقة

YoYoOoOoOo يقول...

استغفر الله العظيم..رعبتينى عالفاضى يا بنوتة والله كنت مستنية حاجة اقوى من كته مع انى اترعبت فعلا بس برده انا مستنية مش بحب النهايات المفتوحة ده؟؟تيب هى عملت ايه دوقتى؟؟؟مش عارفة بصى انا شاكة انه جن لان عادة اللهم احفظنا الجن بتبقى علاماتهم مختلفة عن كته لكن موضوع علامات سودة وحمرة ده فيلم رعب فاشل..عالعموم ربنا معاها ويقويها يارب وانتى ابقى اسالى عليها بئة والله المستعان...بس برده كان نفسى القصة تبقى مشوقة عن كته بس والله مش بتمنى الاذى ولا الرعب لحد...يلا خير وربنا يحفظنا جميعا يارب

غير معرف يقول...

ياماماتى ...عفريت اية دة يا...خالد...لالالايانور لالالالا ياهلال شاهين...لالالا..لالالايايهاب ...لالالا ياى حاجة...البوست هايف وملهوش معنى خالص عقلها مريض والبيت معلهوش رقابة اللة يراقب مش صاحب البيت اما عايزة تروحى وخايفة اول متدخلى المدينة اقرائى اية الكرسى وادخلى وحسبى من السلمة المكسورة والعفريت اللى على الشمال..زممكن نعمل زار ونقول حبرشنى ياحبرشنى هات الحنة ونقرشنى علشان ينصرف وتدخلى بسلام من عفريت الانس مش الجن الله يسامحك على الكلام دة....كل سنة وانتى طيبة..

شمس النهار يقول...

ازيك
انت كمان وحشتيني
القصه دي بجد والا مجرد قصه قصيره
اصل لو جد ده يبقا جنون
لا لا لا مااعتقدش ان ده جد
معقول

صدفة جميلة يقول...

السلام عليكم
يامساء الرعب ههههههههههههه

nona moon يقول...

مساء الفل يا نور
بصي يا سيتي الحاجات دي موجوده فعلا وواضح ان الحجاب مكشوف عنها شويه و مش بخرف علفكره انا بتكلم بجد عشان كده شافت اللي شافته من مده طويله قبل اي حد ...... صحبتك دي طالما ان العيب مش ف جوزها نفسه يبقي مش تطل الطلاق لاء طبعا تطلب تغير البيت و تعزل لمكان تاني اذا لم تستطع ايجاد شيخ جرئ يقدر عليهم باذن الله
و تشغل سوره البقره ليل و نهار و تقرا دايما ايه الكرسي
و كمان تقراها ع جردل ميه لو قدرت و ترشها ف اركان البيت
والله المستعان لو موجودين بفعل المكان يبقي ان شاء الله هيختفوا اما لو موجودين بفعل الانسان اقصد عمل لا قدر الله يبقي كل ما هيمشوا هيجي غيرهم
و ربنا يحفظها و يحفظنا ان شاء الله