2008/08/29

ازواج بعد التعديل


كتبت عن الازواج واحب اقول ان في كل شيء في نوعين حلو ووحش , احنا عملنا تريقه مش اكتر علشان المدونين يلاقوا ابتسامه , وزى ما فى ناس شريره كتبت عن الزوجات ادينى بهديلها بوست عن الازواج
_______تعالو نلقى ظلاً أحمر ( ههههههههههههه)______

قبل الجواز يرسم جنه , يحلف لراح اعيش واتهنا
يخطب ويقعد يتشرط , يطلب ويقعد يتمنا
تقع فى شره الغلبانه , قال ايه وهتعيش سلطانه
واهو كلام ياما سمعتوه واخرها ترجع ندمانه
قبل الجواز حبى حياتى بعد الجواز بس مراتى
وقليل ما قال غلطة عمرى , يا رب عجل بوفاتى
خدها وقال السنيوره , رسم وعنين اجمل صوره
بعد الجواز يشوفها شبح ويقول مراتى كعبوره
برغم من انها هى , نفس العيون العسليه
لبساله اجمل جلابيه , جابها وقال لأم العيال
قبل الجواز كان عضلات ايه , فارس رهيب ولا الخيال
بعد الجواز وساب نفسه ربى فى كرش من الأهمال
قبل الجواز يجرى ويرمح ولا الخيول وسط الادغال
تقوله نخرج نتفسح , يقولها كان ياما كان
تقوله يلا نتمرجح , يقول يا ست بلاها جنان
سنه ومرت من عمره كأن مر عليه زماااااااان

.........................
محبتش اكمل عن كدا لناس تزعل بس اهى صوره بسيطه من اللي بيحصل من بعض الازواج بعد الجواز
وتمنياتى ليكم برمضان سعيد يمر عليكم وكل ذنوبنا مغفوره يا رب
وللى مقبل على الجواز أحب اقوله خلى حياتك جنه ومتتأثرش بكلامنا

هناك 72 تعليقًا:

غير معرف يقول...

im your favorite reader here!

كـــيــــــــارا يقول...

هههههههههههههههههههههههههههه


ايه العسل ده

هو ده الشغل يابنتي
كل شنه وانتي طيبه

تحياتي
كيارا

ahmed_k يقول...

كل سنه وإنتي طيبه يا مها
يووووووه قصدي نور
ورمضان كريم
كلماتك جميله
بس حرام عليكي مش كل الرجاله كدا
في كدا وفي غير كدا
ربنا يكرمك ويوفقك دوما

وبصراحه تعرفت على مدونتك الجميله
من تعليق لكي عند شخص شاذ وملحد
وبصراحه عجبني كلامك أوي لدرجة أني قررت آجي وأتعرف عليكي
وحتى هو لم يستطيع أن يرد عليكي


بارك الله فيكي وأكثر من أمثالك

في أمان الله

blue-wave يقول...

اوبااااااااااااا
اذن بدأت الحرب:))
بقى كدا يا ميهو؟؟؟؟
مااااااااااااااااشى
بس بجد بجد تسلم ايدك
بوست حلو
تحياتى

أسير الجراح يقول...

نور الجميلة


كل سنة وانتى بخير يارب


نورتينى والله


واشكرك على سؤالك الدائم


تحياتى لاغلى نور



اسير الجراح

أكون أو لا أكون يقول...

ههههههههههههههههههههههههه... حلوه ...
اعجبني جدا هذا البوست... صحيح يانور فيه كثير يتشرطون ولاينظرون الى حالهم...
بس هايل...

موناليزا يقول...

والله عسل
تسلم ايدك
اصل فى هجوم كتير اوى اليومين دول على الستات وكان لازم حد مننا يدافع برضه
تسلمى ياقمر
وكل سنة وانتى طيبة

نور الدين (محمد الجيزاوى) يقول...
أزال المؤلف هذا التعليق.
نور الدين (محمد الجيزاوى) يقول...

طبعا مش هاقول غير برافو وصفتى حال الكثيرين فعلا وواقع بتعيشه الستات بعد الجواز
بس متنسيش ان الستات بردو بتتغير
واسمحيلى بقى ارتجلك حاجة ردا عليكى
.
قبل الجواز امورة وبلسم
صوت واطى وقطنة ومرهم
وعيون مرسومة ولا ليدى عجرم
وبعد الجواز
انسى ياقلبى وربك يرحم
تقولها فين حنانك
تقولك عند امه ياأدهم
طب ممكن اكل ياحياتى
عندك جوة اتنيل وافرم

حبيبتى بكرة عيد جوازنا
بحبك مبروك
فاكرة اول مرة شوفتك
وانت بتاكلى الشيش طاووك
ايوة فاكرة
كنت بصصلى فيه وحياة ابوك
...

.............
بس خلاص كفاية كدة
حق الرد مكفول طبعا يا نور ..وانت ديمقراطية قديمة
نلتقى بعد الفاصل
تحياتى
نور الدين محمود

ســـهــــر يقول...

هههههههههههههه

يا نور يا جامدة اية الكلام الكبير دة ؟
ايوة كدة هو دة الكلام

بس بجد بجد بقا فى كتير رجالة غير كدة طبعا متفقين على الكلام دة كلنا
ولازم بردوا الزوجين يغيروا من نفسهم كل فترة عشان الرتابة والممل وميحسوش انها مجرد حياة على وتر واحد بتمشى

واللى بيحس ان زوجته بقت فى عينية واحدة مختلفة غير اللى حبها وارتبط بيها يحاول يكلمها ويفهمها ان بكدة هيحصل بينا نوع من انواع الملل وفجوة هتكبر مع الايام
وكذلك الزوجة هتبقا الحياة بينهم جميلة ومفيهاش اى مشاكل

فى الاخر بوست هايل وضحكتينى كتير اوى
دايما جميلة يا روح قلبى
كل سنه وانتى طيبة يا قمرايتى رمضان كريم عليكى

شهرزاد يقول...

بوست جميل جدا
سلمت يداك
وأكيد الصورة قبل الجواز بتفرق عن الصورة اللي بعده
واظنه شيء طبيعي بسبب الملل والاعتياد
سواء من الزوج أو من الزوجة
ولكل مرحلة من العمر والزواج
لها مميزاتها التي يجب أن نحاول إبرازها والمحافظة عليها لكي لا يسود الملل
وأكيد تسلم ايديكي لانك بتخاديلنا بحقنا.. هههه
الف تحية وسلام لأجمل صديقة
وكل رمضان وأنت بألف خير

انسان وبس ! يقول...

ههههههههه

والله كلامك حلو

وبيحصل ....

ويقول مراتى كعبوره ههههههههههه

لو زى اللى فى الصوره !!

ازاى ميتأثرش ده انتى خوفتيه من الجواز

وكل سنه وانتى طيبه

نـــــور يقول...

هههههههههههههههههه
يخرب عقلك يانور
تكونيش مجربه قبل كده يااختى

والنعمه بتتكلمى فكرتينى باللى كانت بتقول مدوباهم اتنين

ههههههههههههه

بس فى الجون يانور

برافو مكنتش عارفه ارد على اللى كان بيقول تقليه

يخليكى للغلابه اللى زيينا يااختى

كل سنه وانتى طيبه يانور

Mahmoud البطراوى يقول...

محبتش اكمل عن كدا لناس تزعل بس اهى صوره بسيطه من اللي بيحصل من بعض الازواج بعد الجواز


-----------

كده عداكى العيب
:)

yoyo يقول...

صباحك سكر

اممم ايه الجمال دا يا قمر ايوه كدا يا اختى الرجالة شدين حالهم علينا اوى الايام دى على ايه بلا خيبة هههههههههه

وبعدين يعمل فيهها فى الاول فارس السينما المصرية بقى وتسبيل ونحنحة ومش عارف ايه وبعده ولا حياة لمن تنادى يعنى العيب مش عندها هى بس الحياة اللى ممكن تغير منهم الاتنين بس مش يقول هى السبب وهو يعنى ملاك برىء

تحيا العزوبية والله حاجة كدا اخر جمال بلا جواز بلا وجع دماغ يا اختى توكا

يالا بقى يدوب كدا اروح الشغل والله ما انا نافعة يا نور شكلى هاروح انام هناك هههههههههه سلام يا قمر
تحياتى
يويو

sara draz يقول...

هههههههههههههههههههههه
ال جواز ال

ربنا يهدى الناس يا رب

وربنا يعين المتجوزين

موضوع جامد

اشتغالة جامدة

وتحياتى اليكى
وتسلمين

Blue Nile يقول...

ههههههههههههههههه
تحفة يا نور بجد عسل اوييييييييي

انا لو الجواز كده مش عايزة
بجد مش متخيلة ان ده ممكن يحصل

عجبني برضه ارتجالة نورالدين

كل سنة وانتي طيبة يا نور

*الطالبة عفو الله *زوزو يقول...

ايه يا جامد الكلام دة
اااااااااااه يانا من الجواز و سيرة الجواز ههههههههههههه
الي يسمعني اتكلم يقول ام لعشرة عيال
لا بي فعلا موضوع التغيير الي بيحصل بعد الجواز دة مش فهماه ليه يعني
انا عاوزة جوزي من الطراز الخاص يبقى على طول يقلي حبيبتي و روحي و كلام الجميل دة مش بس في الخطوبة و طبعا الكلام يكون من القلب اه امال ايه
يلا ادعولي الاقيه
المهم كل سنة و انتي طيبة يا قلبي
دمتي في حفظ الله

rovy يقول...

كل سنه وانتى طيبه يا نور
كل عام وانتى بخير و صحه و سلام

رمضان كريم

تحياتى

ذو الوجه المبتسم يقول...

مرحبا
ممكن اول شئ اعمله بجد هو انى اضحك
هههههههههههههههههه
هههههههههههههههههه
بجد معالجة جميلة للموضوع
اتمى ان الازواج جميعا يكونو مرتاحين ومبسوطين و كمان الزوجات ههههههههه
كل سنة وانتم طيبين
نسيت اقول حاجة
هى نصيحة لكل زوج وكل زوجة
لو عاوزين تسمعو كلام الحب طول الوقت وبدون انقطاع
عارفيين تعملو ايه ؟؟
؟
؟
كل واحد يسجل للاخر كلامه الحلو من البداية قبل ما يتغيير
ولما يحصل حاجة كده ولا كده
يقعد لوحده ويسمع التسجيل
هههههههههههه
تحياتى لك

لؤلؤة الاسلام يقول...

ههههههههههههههههه
موضوع رااااااااااائع
اختى نور
جزاك الله خيرا
و تحياااااااااتى
رمضان كريم

RaRa يقول...

نور وحشتينى اوى ياقمر

كل سنة وانتى طيبة

ورمضان كريم

maha zein يقول...

▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ kol 3am w antom be5eer ▒▒♥▒▒♥▒▒كـــــــــريــم♥▒▒رمضــــــــان♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒


كل سنة وانتي بخير
وعندك حق وربنا
كلهم بيقلبوا بعد كده
واللى بيفضل عدل بيمثل اكيد
تحياتي

الملاك يقول...

السلام عليكم ورحمة الله وبركاته
اختى ان لم يحافظ الزوجين على الموده والرحمة التى ينزلها الله بينهم فلا تنتظرى لهم النجاح والاستمرار الا من رحم ربى
كل عام وانت بالف خير اختى وحبيبتى فى الله نور بمناسبة حلول شهر رمضان الكريم
دمتى اختى برعاية الله

Unknown يقول...

أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان

فارس بلا جواد يقول...

أسف للتأخير .. وكل عام وانتي بخير وسعادة
الشعر جميل جدا بجد .. دمه خفيف وكمان مكتوب بطريقة فنية وأوزان صحيحة
أنا قريت ليكي اشعار قبل كده وملاحظ أنك موهوبة فعلا في الحفاظ علي الأوزان وده محتاج حس موسيقي
أتمني أنك تعطي فرصة أكبر لهذة الموهبة
وتمنياتي بالتوفيق
ورمضان كريم

ليكوريكا يقول...

ليه كده بس

محنا كنا عاملين هدنه

لا بس خلامك جميل

وفي حاجات كتير منه صح

كل رمضان وانتو طيبين :)

ليكوريكا

Teef@ يقول...

كعبورة !! و بكررش؟
على فكرة بيطلعله كررش عشان مراته بتفضل تزغط فيه وترجع تقول مش عارفة الكرش ده جه منين؟؟
الستات هى السبب فى كل سوء يحصل للراجل
بجد بوست جاامد مووووز عايزين من ده كتير
كل سنة و انتى طيبة
رمضان مصطفاوى .. كريم سابقا

zOzO يقول...

يخرب عقلك
بجد حلوووووووووه
اووووووووووووووووووي

ايوا كدا
ورينا كلامك العثل دا
ههههههههههههه


كل سنه وانتي طيبه
ويكون السنه دي احلي

arsenalwy يقول...

هههههههه

كل سنة وانتى بصحة وسلامة يانور

بس انا ان شاء الله ناوى اغير الصورة دى

انتى ايه رأيك؟؟

arsenalwy يقول...

هههههههه

كل سنة وانتى بصحة وسلامة يانور

بس انا ان شاء الله ناوى اغير الصورة دى

انتى ايه رأيك؟؟

arsenalwy يقول...
أزال المؤلف هذا التعليق.
محبة للحبيب محمد صلى الله عليه وسلم يقول...

عسول اوى يانور وفى رجالة متجيش غير بالهجوم يعنى خدوهم بالصوت ليغلبوكم ههههههههه اه يعنى اديهم على دماغهم بقى بس انا قريت قصة قبل كده الست هى اللى واخدة حقها اوى كانت قصة رهيبة جدا مكنتش مصدقة بس اكتشفت مع الوقت ان الست هى اللى بتعمل لنفسها شخصية وكيان داخل البيت بمعنــــــــــى انها هى اللى تدبحله القطة مش هو .....وكل رمضان وانتى بالف خير ياقمر

oRiGiNaL HeArT يقول...

هههههههههههههههههههههه
بوست جميل جدا
كلامك بجد زى العثل
وكل سنة وانتى طيبة :)

Maha Shahen يقول...

quick legal divorce
أكيد طبعا .. نورت المدونه لكنى مسمعتش رأيك

Maha Shahen يقول...

كيارا
كل سنه وانتى بألف خير يا رب
مهو لازم حد كان يرد بقى بس بصراحه هو الرد مش كان تمام قوى بس يلا بقى خيرها في غيرها نتحسن المره الجايه بس ياك حد يكتب تانى وينتقد المرأه والا فسوف ينتظره الانتقام هههههههههه
نورتى المدونه بتعليقك ومرورك

Maha Shahen يقول...

ahmed_k
كل سنه وانت طيب يا احمد
ومش تتلغبط ولا حاجه نور ومها شخص واحد ههههههههه اعتبره اسم دلع هو بعيد شويه بس عديها بقى

انا عارفه طبعا ان مش كل الرجاله كدا بس هى كانت مجرد كلمات تهريج مش اكتر بس مننكرش ان في ناس كدا فعلا

صاحب المدونه دا ربنا يجازيه بأعماله بقى ... انا اللي شجعنى ارد عليه ردك انت عليه بصراحه
انا قبل ما اعلق قريت كل التعليقات الموجوده وبجد هو انسان لا يستحق اى تعليق بالمره ولكن كان لازم حد يوريله انه منافق ومتدعى , وان كان هو شاذ فدا مش مشكلة الدين

متشكره جدا علي تعليقك واكيد نورت المدونه وربنا يبارك فيك انت كمان ردك من ابلغ الردود في مدونة المذكور
أسعدنى مرورك وبأذن الله لنا تعليقات وحوارات اخرى

Maha Shahen يقول...

blue-wave
اهلا عمرو منور يا رب ميكونش زعلك البوست دا هههه , انا كتبته كدا مشاكسه بس مش اكتر
ما انت اصلك بهدلت المرأه خالص مالص وعامة مش كل الحالات زي بعضها فى الكويس وفى الوحش أكيد
دايما منور بتعليقك يا صاحب اقصر تعليق دايما
بس اكيد خير الكلام ما قل ودل
كل رمضان وانت بخير

Maha Shahen يقول...

أسير الجراح
حمدالله على سلامتك يا اسير
دايما نشوفك بخير يا رب ومنور دايما المدونين والمدونه

Maha Shahen يقول...

أكون او لا اكون
دايما منوره يا مش قولتيلى الاسم لسه
ولا اكتب الاربع اسماء بقى دايما ههههههههه
انا اسفه بقالى كتير مش بدخل ولا بزور مدونتك بس كنت مريضك فحقك عليا علي هذا التقصير
أسعدنى مرورك وتعليقك

Maha Shahen يقول...

موناليزا
انا مش فاهمه مالهم حطين الستات فى حصار ليه كدا في انواع كتيره وكل انسان فيه منه الكويس وفى الوحش ليه بس نشوف الوحش ونقول دا اساس وقاعده ثابته
كل سنه وانتى بألف خير
نورتى المدونه بأجمل تعليق

Maha Shahen يقول...

نور الدين
يا سيدى يا سيدى علي الكلمات انت بتردها ولا ايه ههههههههههه
بس انا مش هقدر ادافع دلوقتى انا لسه قايمه من مرض بقى خليها فرصه تانيه وزي ما قولت حق الرد مكفول مش هيضيع
اكتر جزء كتبته وعجبنى دا هلكت من الضحك عليه
طب ممكن اكل ياحياتى
عندك جوة اتنيل وافرم

ههههههههههههه

متشكره يا محمود بس ارتجلت فعلا بطريقه جميله
نورت المدونه وأسعدنى جدا جدا الرد كالعاده

Maha Shahen يقول...

سهر

ردك بليغ جدا وجميل يا سهوره والله مش مجامله بس عندك حق فى كلامك فعلا

ربنا يسعد قلبك دايما يا حبيبتى
ودايما تبقى علي وشك أجمل ضحكه منوره الدنيا
كل رمضان وانتى بألف خير وسعاده يا اجمل سهوره في الدنيا

Maha Shahen يقول...

شهرزاد

أرق زهور الربيع , واجمل زهره في البستان
ربنا يسعدك حبيبتى ويبارك فيكى
بشكرك لأبداء رأيك واعزرينى عن التأخير
فى الرد كان عندى ظروف صحيه

دايما منوره المدونه
وكل رمضان وانتى بألف خير يا أرق صديقه

Maha Shahen يقول...

أنسان بلا عنوان
اللى في الصوره دى بقت كدا بعد ما جوزها جننها ههههههههههههه
علشان تبقى كعبوره اسم علي مسمى
لا مش تخافى ولا حاجه احنا كنا بنهزر بس
مش كل اللي بيتجوزوا بيكونوا كدا
ربنا يسعدك وتلاقى بنت الحلال وتعيش حياة سعيده دائمه
كل رمضان وانت بخير

كلام على بلاطة يقول...

;g uhl ,hkj fodv
;;كل عام وانت بخير

Maha Shahen يقول...

habiba
انا مدوباهم اتنين يا شريره انتى ههههههههه طيب قولى تلاته اربعه مثلا
لا ولا يهمك يا قمر وراكى رداله اهو وانا رديت بس يا رب مننضربش انا وانتى

يخليكى ليا يا بيبا يا رب ودايما منوره المدونه بطلتك المرحه
وكل رمضان وانتى بألف خير يا رب يا قلبى

Maha Shahen يقول...

بطوط حبوب
اوعى تكون زعلت دا مجرد تهريج يعنى
وانا قولت في الاخر اللي مقبل علي الجواز ميتعقدش
نورت يا بطوط

Maha Shahen يقول...

yoyo

صباحك سكر يا قلبي
اقعدوا بقى قولولى ايوه كدا ولما اقع ولا حد يقف جمبى وكلكم تعملوا عبدو العبيط هههههههههه مش كدا يا اشرار

وطبعا النداله واجب بين الاصدقاء واصحابى بالذات يعنى اعرفهم انا .. اجدع ناس ههههههههههه
انا كنت بهزر انتى شكلك مش مستنيه كلامى متعقده مسبق اصلا ايه يا بت دا بس
يا مس بطلى تطبيق ونامى بدرى واشربى اللبن وراكى جيل هيتعلم ايه بس
أحلام سعيده يا يويو بقى هههههههه

Maha Shahen يقول...

ريحانة الاسلام

يا عاقله يا راسيه انتى ههههههههه
احلى كلام قولتيه والله ندعى للمتجوزين يعيشوا حياة سعيده وكلامنا فعلا تهريج بس

نورتينى يا اسم على مسمى

Maha Shahen يقول...

blue nile

مش تتعقدى يا بنتى وبعدين كلنا لها هههههههههههه

ونور الدين كتب جميل برضوا .. ولو قعدنا نتبارز هفطس كدا انا :D
لما اخف بقى بأذن الله ابقى اكتب واحده كمان بس حرام
هنكره البنات والشباب في الجواز كدا ونتسبب في عقد وكلاكيع والوحيدين اللي هيستفيدوا هما دكاترة الطب النفسى يا بختهم ههههههه مش مستنين حد يعقدهم هما متعقدين جاهز هههههه

Maha Shahen يقول...

ZIZI
حياتى
العيال جننوكى يا زوزو كان بدرى عليكى يا حبيبتى هههههههههه

انتى ربنا هيرزقك يا قلبى بحد كدا ملهوش مثيل زيك بالظبط قولى امين

كل سنه وانتى فى احسن حال واقرب لله يارب
رمضان كريم والله اكرم علينا جميعا

Maha Shahen يقول...

rovy

قمر المدونين
منوره المدونه بمرورك والله
وحشتينى جدا يا رب تكونى بخير
كل سنه وانتى بخير وصحه وسعاده يا رب
الله أكرم .. ربنا يحفظك يا روفى واسعدنى بجد مرورك

Maha Shahen يقول...

ذو الوجه المبتسم

اضحك كرر اوعى تفكر محدش واخد منها حاجه ... اه والله

بضم صوتى لصوتك ونقول أمين يا رب ربنا يسعد الجميع

نصيحه كويسه والله والاجمل لو كل واحد يفتكر للى كان بيحبه في يوم كل خير وبس

كل سنه وانتى بألف خير يا رب
نورت المدونه كالعاده

Maha Shahen يقول...

خديجة محسن " لؤلؤة الاسلام "

اكرمك الله من فضله العظيم
يا رب يكون رسم بسمه علي شفايفك وعجبك بجد

نورتى المدونه يا أكبر عقل واصغر سن

Maha Shahen يقول...

rara

انتى وحشانى اكتر ايه يا بنت الحلال مختفيه فين الفتره دى انتى من قبل رمضان وانتى غايبه , يمكن معظمنا انشغل اول ما رمضان دخل وليه عذره
يا رب تكونى بخير ابقى طمنينى عليكى

الله اكرم , كل رمضان وانتى بخير وسعاده يا رب

Maha Shahen يقول...

maha zein

مش كلهم بيمثلوا فى ناس بتحاول تعوض اللي فقدته يمكن وممكن بتحاول ترجع زى الأول وعامة هى لازم تكون مشاركة من الطرفين لأنجاح العلاقه دايما والاستمرار بحب وموده بينهم

خلينا محايدين لما نجرب ونشوف واكيد كل حد فينا تجربته هتختلف ربنا يسعد الجميع

كل عام وانتى بألف خير والله أكرم

Maha Shahen يقول...

الملاك

وعليكم السلام ورحمة الله وبركاته
خير الكلام ما قل ودل فعلا يا عزيزتى
ربنا يسعد كل زوجين يا رب ويحافظوا علي كل شيء جميل بينهم

كل رمضان وانتى بخير يا ملاك
دمتى صديقه عزيزه ومنوره دايما

Maha Shahen يقول...

نهر الحب

يارب : كلما طرق هذا الوجه بابك افتح له كنوزك وابسط له رحمتك
يا رب : سخر له احبابك ويسر له اسبابك واجزه خير ثوابك
يا رب : كن له حبيب وقريب ولدعائه مجيب
يا رب : ارضى عنه رضا لا يحزن بعده أبدا

اللهم امين

كل عام وانتى بخير

Maha Shahen يقول...

فارس بلا جواد

المره دى انا اللى اسفه للتأخير
كل عام وانت بخير وسعاده يا رب
يا رب يكون عجبك بجد ومتشكره جدا على تشجيعك ليا
وربنا يعمل اللى فيه الخير
كل رمضان وانت بخير وطيب يا رب

Maha Shahen يقول...

ليكوريكا

ما احنا لسه في مرحلة الهدنه برضوا اوعى تتنازل عنها هههههههه

متشكره جدا على المجامله ونورتنى برأيك

كل رمضان وانت بخير

Maha Shahen يقول...

@teef

بحترم رأيك جدا لكن مش كل مشكله سببها الستات , خليك محايد يا تيفا

بلاش من دا كتتير لنزعل من بعض بقى ههههههههه

رمضان كريم والله اكرم وكل عام وانت بخير
منور بعد غياب طويل

Maha Shahen يقول...

zozo

انتى اللى عسل وسكر يا زوزو
ربنا يسعدك ويديم عليكى فرحة قلبك

كل سنه وانتى بألف خير يا رب وكل ايامك تتملى بالخير دايما طول العمر

Maha Shahen يقول...

arsenalwy

كل سنه وانت بألف خير وسعاده يا رب

كل انسان بتميزه الصوره الأولى اللي كان عليها على الاقل في نظرى
لكن خد رأى اصحابك بعد التغيير يمكن الصوره اللي هختارتها التانيه هتكون احسن

Maha Shahen يقول...

فجر الإسلام

شكلنا هنفترى وهيطلع علينا في النهايه هههههههه
تدبحله القطه من اول يوم الله يكرمك ههههههههههه
والله مفيش اجمل من ان الاتنين يعيشوا بسلام مع بعض لا خناق ولا حد يفرض سيطرته على الاخر
اللى هيخلى الحياه سعيده مش تحكم الرأى ونقول رأى الست اللى يمشى ولا رأى الراجل . لازم في تفاهم وموده ورحمه
وكل واحد يجى علي نفسه شوية علشان الطرف الاخر واظن كدا هيعيشوا في سعاده
كل رمضان وانتى بخير يا رب واسعدنى رأيك وتعليقك دايما منوره المدونه

Maha Shahen يقول...

oRiGiNaL HeArT

دايما في تعليقك بحسك طير خفيف الظل يسعد ولكن مش بيطول المكوث فى المكان

كل عام وانتى بخير وسعاده يا رب

دايما منوره المدونه بتعليقك ومرورك

Maha Shahen يقول...

كلام على بلاطه

كل عام وانت بخير ويا رب تكون فى اخر الشهر دا من عتقاء النار

ربنا يرحمنا جميعا ويجرنا من النار ويدخلنا الجنه بلا حساب ولا عذاب

Unknown يقول...

اية رأيك تشرفنا بالتواجد معنا يوم السبت؟ 13/9 هنتقابل فى مستشفى ابو الريش الساعه 3 عصرا للتبرع للاطفال
؟؟؟
وباقى التفاصيل عندى بالمدونة

شمس النهار يقول...

مش ممكن يانور موضيعك جميله
ودمك خفيف
ده اتا عايزه تفرغ كامل عشان اتصفحها كلها
ادعيلي ربنا يقويني واخلصها
ربنا يكرمك

Maha Shahen يقول...

شمس النهار

أسعدنى كثيرا مرورك واطرائك عليا
واكيد هيشرفنى دايما تواجدك واتمنى يكون عجبك ما كتبت ولو فى اى ملاحظات اكيد برضوا هقدرها وهتخلينى اكتب احسن بأذن الله
ربنا يقويكى ويوفقك لما يحبه ويرضاه
نورتى المدونه

جريدة الريماس للأخبار الحصرية يقول...

شركة تنظيف منازل شمال الرياض
شركة تنظيف منازل شرق الرياض
شركة تنظيف منازل غرب الرياض
شركة تنظيف منازل جنوب الرياض
شركة عزل خزانات بالرياض
شركة عزل خزانات شمال الرياض
شركة عزل خزانات شرق الرياض
شركة عزل خزانات جنوب الرياض
شركة عزل خزانات غرب الرياض
شركة عزل اسطح بالرياض
شركة عزل اسطح شمال الرياض
شركة عزل اسطح شرق الرياض
شركة عزل اسطح غرب الرياض
شركة عزل اسطح جنوب الرياض

جريدة الريماس للأخبار الحصرية يقول...

شركة تنظيف كنب بالرياض
شركة تنظيف كنب شمال الرياض
شركة تنظيف كنب شرق الرياض
شركة تنظيف كنب غرب الرياض
شركة تنظيف كنب جنوب الرياض
شركة تنظيف موكيت بالرياض
شركة تنظيف موكيت شمال الرياض
شركة تنظيف موكيت شرق الرياض
شركة تنظيف موكيت غرب الرياض
شركة تنظيف موكيت جنوب الرياض
شركة تنظيف مساجد بالرياض