2008/08/14

أطلالة أمل

حالة اكتئاب وحزن مخيمه على المدونين قولت ابدأ انا بأضفاء أطلالة أمل لعل وعسى .. معلش هتلاحظوا حبه ان الكلام ملخبط بس من فرحتى مبكونش قادره اسيطر على القلم .. ومنغير تفكير وتسائل زي ما قلبى بيزعل لوحدوا برضوا بيفرح لوحدوا والحمدلله
سكوت ونسمع القلب الفرحان بيقول إيه

صعب تفتح باب ذكرياتك ومتدخلش الامل , بالذات لو الذكريات جميله وسعيده , يمكن الامل والابتسامه تضفى روح السعاده علي قلبك
غيرت مكان الكمبيوتر بتاعى ومن هنا الاطلاله اجمل , وبدل ما كانت اللوحات معلقه بجانبى أصبحت امامى , واصبح ظهرى متكئاً على كرسى وخلفى مكان استطيع ان استند برأسى إليه , وقبل ذلك كان خلفى فراغ , على الرغم بأن نفس المكان مازال بيتى , الا ان تغير المكان من الخارج الى الداخل جعلنى اشعر بانى في امان ...
للوصول للسعاده اتبع الأتى

1_ جرب تبتسم فى طريقك لحد متعرفهوش هترسم ابتسامه علي وشه هو كمان هيمشى يسئل نفسه هو انت فعلا تعرفه ولا بس انت حد سعيد هتخطفه من تكشيرته لدنيتك السعيده
2_ طيب بص للشجر شيء بيسعدنى عن نفسى ومين مينبهرش بجمال الطبيعه في ارق تكوين سبحان المبدع المصور شيء باللون الاخضر الجميل
3_ طيب اصحى بدرى وغير حياتك وشوف هتحس بشيء جديد فرحه تدخل قلبك لما تستقبل نسيم الصبح وانت مغمض عنيك , طيب بص من شباكك علي الشارع وهو فاضى لسه مغسول بندى الصباح او يا سلام لو عندك شجره بتطرح ورد بيعطر الشارع ويجعل المنظر خلاب لما يتناثر على الارض وكأنك هتخطى اول خطواتك في الجنه طبعا بلا اي وجه للتشبيه جنة ربنا شيء تانى فيها ما لا عين رأت ولا أذن سمعت , بس الارض هى جزء من الجنه اكيد , كل ما اشوف شيء ويعجبنى قوى اقول سبحان الله اقل شيء بيسعد القلب لو قلبك سليم معافى ومقولتش بأنه خالى من الهموم , اصل الهم جند من جنود الله شيء وصابك فأصبر انا قصدت بقلب معافى قلب علي الفطره طيب ورقيق كريم ووفى لو حب يخلص قوى لو زعل ميكرهش ابدا .. قلب من دهب .. مش مهم اذنب قد ايه يقدر يتوب وربنا غفار الذنوب بس يسارع ويتوب لأن اساسه صحيح .. في تلالأ الالماظ مش انعكاس الصفيح

رتوش بسيطه ممكن تغير حياتنا , نفسى اسئل سؤال للجميع كتتير سئلته لنفسى , امتى غيرت شيء في حياتك , وقت النوم والاستيقاظ مواعيد الخروج , هل عدى عليك وقت ملتزمتش بالقوانين , اصلى كان عندى عاده سيئه قوى انى التزم بالقوانين بالظبط وكأنى روبوت , لكنى لاحظت ان معظم اللى حوليا مبيلتزموش بشيء متهمهمش القوانين , فكرت ليه مجربش وبقى كل فعل قبله سؤال , يحصل ايه لو معملتش كدا , طبعا مكنش قصدى من كدا انى اغير حياتى للاسوء , لا طبعا , بس فى حاجات كتيره بنعملها بتكلف في حياتنا وسهل نستغنى عنها ومنفكرش الناس هتقول علينا إيه , طالما الحاجات دى مش غلط ولا هنجرح بيها حد , مجرد افعال واحنا حطينا أطار لنفسنا علشان منخرجش عنها , يبقى لازم احنا اللي نكسر البرواز الدهبى دا ونخرج نشوف هيحصل ايه بره البرواز يمكن ننجرح في الاول بأشلاء الزجاج اللى اتسببنا في انها تتناثر , لكن جرح طفيف هيزول مع الوقت وممكن نعدى بسلامه , ونبقى استفدنا نظره جديده من خارج البرواز لشيء عمرنا ما كنا هنشوفه . صحيح نور الشمس كان بيتخلل الزجاج ونشوفه لكننا مكناش بنحس بجمال لمسته بره البرواز مع النسيم الهادى , دى دعوه منى علشان نكسر البراويز ونخرج بره لنور الشمس عمر ما الدنيا بتفضل عواصف لو قلبك شديد قوى بالايمان الخوف مش هيدق فيه , ربنا سبحانه وتعالى هو اللي مسير الكون , كل شيء بأمره متخافش واكسر البرواز وشوف الدنيا بعيون طفل منبهر بكل شيء فيها , عمره ما كان هيخاف الطفل من صوت عالى الا لو احنا حطينا في عقله من البدايه ان صوت الرعد مخيف , لو قولنا لأطفالنا متخافوش دا صوت ربانى سبحوا لله لقدرته وجلاله هيرتبط عندهم صوت الرعد المخيف بذكر الله ويصبح القلب مع الصوت العالى وفى وسط ما بعض الناس خايفه , انت معاك اقوى قلب عامر بذكر الله

السعاده ملهاش ناس وناس السعاده حق لكل الناس بس اعرف طريقها واكتشف اسرع طريق ليها من قلبك ورضا ربك , صدقنى حاول وهتوصل للسعاده
افتح قلبك للسعاده تعرف طريقها للدخول
افتح قلبك وشوف دا الحب يلغى الخوف

هناك 77 تعليقًا:

Habiba يقول...

ثوانى بس بحجز اول تعليق وجايالك لما اقرا
سلام

Habiba يقول...

ازيك يانور
ايه الاخبار
تعرفى والله بجد انا كنت ناويه انزل بوست قريب بيتكلم فى موضوع الاكتاب اللى حل على كل المدونين والنيك بيمز بتاعتهم اللى بقت كلها كابه وحزن والجو النفسى التعبان بتاعهم وانا منهم طبعا علشان محدش يزعل
بس كده خلاص انتى قلتى اللى فيها مفيش فرق .
بس عايزة اقولك يانور لازم علشان تقدرى تفرحى بعد الحزن ان الحزن ياخد شويه وقت الاول والشطارة بقى انك تقدرى تخلى الوقت ده مايطولش بقدر الامكان علشان الواحد يستطعم الحلو بس .
وحلوة جدا ااا فكرة تشبيه الطفل الصغير دى فعلا عندك حق بس الطفل برضه عنده شويه غرائز طبيعيه كده انه بيخاف وبيعيط وبيكشر وبيضحك من غير ماحد يعرفه حاجه فيها ..
طولت عليكى معلش بس انتى دايما بتتحملينى
ربنا بزيك هم ويفك كرب اولاد وبنات المسلمين امين

دمت فى رعايه الله

zOzO يقول...

فعلا والله يا نور
حاله اكتئاب فظيعه
علي كلوا المدونين وغير المدونين
اه والله
هههههههههههههههههه


قولي يارب بقي
انها تروح لحالها
احييكي ع موضوعك دا


كل سنه وانتي طيبه عشان رمضان
يلا اول واحده اقولك اهو
افتكري الجمايل دي
هههههههههههههههه

ســـهــــر يقول...

تيرارارارا مبسوطة بالبوست دة انا اوى يا نور
عارفة انا غيرت يومى من حوالى اسبوع كدة كنت الاول بصحا لما النهار يروح والدنيا بتكون ليل متعرفيش احساس الكأبة اللى كان بييجى للواحد

من اسبوع قررت اغير مواعيد نومى خالص وبقيت اصحا بدرى واعمل فنجان قهوتى واشربة فى البلكونة وقدامى البحر كدة يااااااااااه على الفرق تحسى ان الهوا بيدخل قلبك وبيسعدك من غير متعرفى اية السبب

وحاجة كمان
اانااااااا هشتغل شفتى أزاى
اة والله لاقيت شغل كويس وهنزل بعد رمضان الشغل دة عندى نوبة تفائل الحمد لله ويقين ان الحياة هتتغير للاحسن بأذن الله دعواتك انتى بس يا قمر

وحقيقى يا نور بوست كل تفائل من قلب جميل زى قلبك والآجمل انك فعلا حسيتى ان 99% من المدونين كان عندهم حالة كأبة وحزن ربنا يعديهم منها على الف خير

دمتى جميلة ورائعه

سهر

بطوط حبوب يقول...

مره سمعت حد تقريبا د ابراهيم الفقى بيقول انك لما تبقى حزين ابتسم جامد
عضلات وشك على شكل الابتسامه هتخلى مخك يقتنع انك سعيد

اظن انها فكره كويسه

nour shahen يقول...

حبيبه الحبوبه
يسعدنى طبعا تكونى اول تعليق
ولو كنتى ناويه تنزلى بوست عن اكتئاب المدونين لا تترددى يا قلبي خلى كلنا نشجع على التفائل ونبث روح الأمل بنا كدا
للأسف مقدرش ادى للحزن وقته لازم يروح بسرعه , اصلى لما بحزن بحزن بقلب قوى زي ما بفرح قوى برضوا صعب اكون وسط
ولكن اصلا مفيش شيء بيدوم لا حزن ولا فرح فمتفكريش فيها على اساس مين هيغلب مين عيشيها ببساطه وكله بيعدى ويروح يا عزيزتى وخلى بس التفائل في بكره والله المستعان
حتى لو خاف الطفل وطمناه وغيرنا مفهومه للخوف مش هيرجع ليه تانى
ثم قولى كل اللي انتى عيزاه ولا يهمك انتى عارفه انا بشجع الرأى والرأى الاخر والحريه مكفوله على كل سكان المريخ هههههههههه
ربنا يباركلنا فيكى ويسعدك وامين يا رب يفك كرب كل المسلمين
وكل سنه وانتى طيبه يا قمر ونورتنى من جديد بأطلالة أمل

nour shahen يقول...

zozo
مسمعتهاش في شعبان يا زوزو
يبقى انا اقلك كل سنه وانتى طيبه مرتين
مره علي رمضان ومره لشعبان
وجمايلك علي العين والراس
بس انا جمايلى اكتر ههههههههههه شريره انا بقى
كل سنه وانتى بألف خير يا رب حبيبتى
وكل سنه اشوفك اسعد ملى قبلها يا رب
يا رب يجعلها ايام سعيده علينا كلنا
اللهم امين

nour shahen يقول...

سهر
اهلا اهلا اهلا بالعزيزه سهوره
لو على احساس الكأبه دا جربته ربنا ما يوريه لحد ابدا
بس غلطتنا تغيير يومنا كدا لأنه اصلا حرام , بس الحمدلله ادينا ظبطنا بقى تمام التمام , ومبروك ليكى علي تظبيط يومك هو شوية بيكون صعب , بس بعد كدا بتبقى سهله الحكايه
فنجان قهوه وقدام البحر يا سيدى يا سيدى هحسدك انا بقى كدا ههههههههه
قللى من القهوه لتكون سبب انك مش بتقدرى تنامى كويس وبتغيرى يومك
ومتحكليش على القعده على البحر هى كدا كدا بتدخل قلبى اصلا ههههههه انا بتنشق على كوباية بحر ( انا مالى انا عايزه اصيف بقى . وااااااااء )
الف الف مبروك على الشغل مقدماً وربنا يوفقك يا رب يا قمر
يا رب دايما يملأ التفائل حياتك حبيبتى
دمتى صديقه عزيزه ونورتى أطلالة أمل بنسيم البحر اللى جيتى وهل معاكى علينا
ومش تقلقى انا عينى عسلى مبحسدش والحمدلله , او اقولك بخاف على الناس فبقول ما شاء الله ههههههههههه

nour shahen يقول...

بطوط حبوب
طبعا فكره رائعه بجد
نجرب نعملها ونشوف واهى دعوه للمدونين محدش شايفكم جربوا مش هتخسروا كتير
نورت المدونه يا بطوط وبشكرك علي الافاده الجميله دى

Eman يقول...

كلامك جميل أوي يا نور
فعلا السعادة لا تقتصر علي ناس بعينها
لكن كلنا في أيدنا اننا نكون سعداء بأننا نفتح قلوبنا ليها
ونتأمل في الجمال الحوالينا

أسعدني زيارتك
دمتي سعيدة :)

nour shahen يقول...

eman
اكيد بأيدينا نكون سعداء , يا رب كلنا نقدر حتى ولو نحاول
ربنا يسعد الجميع يا رب
نورتى المدونه واسعدنى تعليقك ومرورك

شهرزاد يقول...

نور الجميلة
أنا وصلني طرطشة من كلامك
أنا بقيت مبلولة أهو... هههه

ممممممممم.. طيب غيمة حزن وهتعدي إن شاء الله..

صعب تفتح باب ذكرياتك ومتدخلش الامل
...
آه ما اصعب أن تفتحي باب الذكريات كلمة جاءت على الوجع..

ما أصعب أن تشعري بالعجز وأن تشعري بأنك السجين وبيدك المفتاح ولكنك لا تستطيعين الخروج
..

قرأت الكثير عن طرق السعادة وكيف تكون سعيدا.. ولكن السعادة ليست مسألة حسابية وليست سلما ترتقي عليه..أو طريقا تسلكه.. السعادة هي خليط من المشاعر والظروف والأحوال التي يصعب أن تجتمع مرة واحدة ويصعب أن تبقى على حالها دوما..

علينا أن نقاوم انفسنا دائما وان نسيطر على مشاعرنا ولكننا نعجز عن ذلك أحيانا..


عجبني تشبيهك للبرواز جدا.. أسلوبك في التعبير جميل أيضا وطريقة تفكيرك أيضا إيجابية..

وصورة الطفل أيضا جميلة..ولكن الأطفال أيضا يخافون .. وإن لم يخافوا فذلك بسبب جهلهم للأشياء.. فإن لم تنبهي الطفل بأن النار خطر فهو سيقترب منها وسيحترق فيها..

ربنا يسعد قلبك يا نور دائما
أنت فلبك كبير جدا وناصع البياض
وبتحملي هم الكثير منا ولا تريدين رؤية أحد حزين

أمنياتي لك بالسعادة والتوفيق دائما

تحياتي واحترامي

ShimaaMahdy يقول...

(افتح قلبك للسعاده تعرف طريقها للدخول افتح قلبك وشوف دا الحب يلغى الخوف)

بجد عجبتنى الكلمه دى قوى فعلا الحب بيلغى الخوف و فعلا لو فتحنا قلبنا للسعاده هاتوصل لينا وهاتعرف طريقنا

لكن

فى بعض الاحيان حتى لو حاولنا بيبقى مجرد اننا بنقنع نفسنا اننا فى سعاده لان الحزن اللى بيبقى فى القلب اكبر من قدرتنا

ربنا يسعد ايامك وايامنا يارب

بجد احييك على البوست السعيد دا

تحياتى (:

انسان بلا عنوان يقول...

ازيك نور

بوست جميل

ايوه التغيير عموما كويس وممكن يؤدى للسعاده .

عجبنى حكاية البراويز دى بس اللى مش عجبنى فيها انك شرطتى الجرح ببقايا زجاج البرواز للوصول للسعاده
هل ده فعلا شرط ...الجرح حتى اكون سعيد
ام انها لازمة الخروج من البرواز فربطيها بالسعاده من باب ورودها على ذهنك فقط

من تعليق شهر زياده اتفق معها ان السعاده مش مسأله حسابيه.

واحب ان اقول انه لازم السعاده تكون غير مسوفه !
قريت ان السعاده يجب ان تكون الان
بمعنى ان الانسان بيقول انا هبقى سعيد لما اخلص دراسه وهو الان مش سعيد
ولما يخلص يقول انا هبقى سعيد لما اعمل وهو الان مش سعيد
ولما يعمل يقول لما اتجوز اكيد هعيش سعيد
وبعدين يقول لما اتجوز ويشيل هم الجواز
ولما يتجوز يقول لما انجب اولاد كده ( انا عايز دستة اخيار )ههههه
ولما يخلف يقول لما العيال تكبر ويشيل همهم
وهكذا ...وأبدا لم يعش سعيدا!!

كن سعيدا الان ، فانت الان حى
منذ لحظه مت ، او ماتت هذه اللحظه !
اما القادمه فليست ملكك فهى بعلم الله وقدره

اما الان انت حى فهل انت سعيد ؟

اسف للاطاله

بس مش كتير على نور

..........السعادة الآن............

mohamed ghalia يقول...

فعلا الواحد محتاج يدور على الأمل والتفاؤل والسعادة بس مش عارف ليه بحس إنه الشعب المصرى بيحب النكد ودايما بيدور على المشاكل والهموم
عايزين نتعلم نعيش حياتنا بدون ضغوط نفسية ومشاكل وهموم .
ده إنطباعى عن السعادة ياريت ينول إعجابكم
السعادة هى إحساس داخلى بالراحة النفسية والهدوء والطمأنينة
هى هبة من الله ولا تشترى
السعادة ليست فى أموال قارون ولا كنوز كسرى.
إن قمة السعادة هى أن ترضى بقضاء الله لأن رضاك برضاء الله يمنع الحزن لان رضاك بقضاء الله سيمنعك من السخط على المكروه.
السعادة فى أن تكون دائما مع الله فإذا أصابك مكروه صبرت وحمدت الله وإذا أصابتك نعمة شكرت الله.
السعادة فى أن تقرأ دائما فى كتاب الله لأنه كلام الله وتخيل دائما أنه يخاطبك وأن تستشعر كل أية.
السعادة فى أن تصل رحمك وتشعر كل من حولك بالاهتمام.
السعادة فى أن تعلم بأن الفشل هو أول طريق النجاح وأن تتعلم دائما من أخطائك.
السعادة فى أن تكسب ود الناس حتى ولو كنت ستأتى على نفسك.
السعادة فى صحبة خير يعينوك على طاعة الله.
أن تعلم أن ما أصابك لم يكن ليخطأك وما أخطأ لم يكن ليصيبك.
السعادة فى أن تبتسم دائما للحياة وتردد دائما القادم أحلى بإذن الله .
أن لا تحمل هم الرزق وأن تلقى بهمومك على الله.
إذا أصابك هم فلا تقل يارب عندى هم كبير ولن قل ياهم لي رب كبير.
أعلم أن السعادة لن تكون أبدا في شيء يغضب الله مهما بدت في أولها وشعرت بسعادة فتلك سعادة وهمية
تحياتى
ويارب دايما فى أسعد حال

nour shahen يقول...

الرائعه شهرزاد
معلش يا قلبى لو ابليتى منى هههههههه
مش انا قولتلك اقفى علي جمب طيب
انتى تتفضلى معايا دلوقتى علي السطوح نشرب كاكاو سوا في الشمس والحر دا هننشف احنا الاتنين
يا رب تعدى الغيمه دى واشوفكم كلكم سعداء يا رب
اسعدنى جدا جدا تعليقك ومرورك ودام اللي علي قلبك الضحكه والفرحه

nour shahen يقول...

ShimaaMahdy
لو الحزن في القلب مش بأيدينا نغيره تبقى سهله جدا , لأن قلوبنا بين ايدين الرحمن سبحانه وتعالى بس ندعى وربنا كريم مجيب الدعوات وهو أيضا رحمن رحيم
ربنا يثبت قلوبنا علي الحق ويسعدها يا رب
اسعدنى مرورك وتعليقك ونورتى المدونه

nour shahen يقول...

انسان بلا عنوان
الله يسلمك من كل شر يا رب
قصدت بالجروح كلام الناس اللي هتحاول تردعك متتغيرش , لأن كلامهم ممكن يكون موجع جدا ولكن الهدف اننا بنغير للاحسن مش للاسوء وطبعا بنرضى ربنا ومبنضرش حد قبل اى شيء ولا حتى بنضر نفسنا بس بننظر للكون بعين تانيه فيها تأمل اكتر وحكمه , بدل السرعه الغريبه اللي احنا عايشيين فيها دى وبنجرى ومش عارفين احنا بنجري من ايه ولا ورا ايه
ولو فضل الانسان يقول هبقى سعيد في وقت من الاوقات يبقى عمره ما هيحس بالسعاده لأنه ممكن يكون بالفعل سعيد ولكنه مش مقدر ولا شاعر بيها
نورت المدونه واسعدنى تعليقك

zizi يقول...

ما شاء الله ما شاء الله ايه البوست الهايل دة
جه في وقت و الله يا رب نشوف المدونين كلهم مبسوطين و فرحانين
و فعلا مفيش حاجة تستاهل نحزن عليها في حديث جميل اوي عن رسول الله صلى الله عليه و سلم يقول :{عجبا لأمر المؤمن ان أمره كله له خير ، ان أصابته سراء شكر فكان خيرا له و ان أصابته ضراء صبر فكان خيرا له، و ليس ذلك الا للمؤمن } سبحان الله
و الجميل فيكي يا حبيبتي نور انك مبسوطة و يا رب ديما فبتحاولي تخلي الكل مبسوط ربنا يبارك فيكي و يسعدك ديما يا رب
بارك الله فيكي
بتمنى لكل المدونين السعادة و الفرح و يا رب حل كرب المكروبين
دمتي في حفظ الله يا غالية

nour shahen يقول...

mohamed ghalia
اختلف معاك لو كان الشعب المصرى بيدور علي الغم مكنش اخترع النكته علشان يتريق علي اسوء الاحوال , علشان ان مقدرش يغير علي الاقل تمر الايام ودا ثقه منه فى الله ان بكره اكيد احسن من النهارده
مش كل الناس في ايديها تغير أحوالها وقصدت احوال البلد
لكن سعادتها هى بس تقدر عليها
الايمان هو غذاء الروح اللي هنصتخلص منه السعاده
ودا كلنا بنتفق عليه
بشكرك جدا لآبداء رأيك وطبعا الاختلاف في جزء من الرأى لا يفسد للود قضيه
يا رب كل الناس تحس بالسعاده وتملأ قلوبها
نورت المدونه

nour shahen يقول...

zizi
حياتى انتى والله
ابديتى رأيك فما اروعك
بمساندتنا بالحديث الجميل دا عن رسول الله عليه افضل الصلاة والسلام
ربنا يكرمك حبيبتى ويبارك لينا فيكى ويحفظك من كل شر
ودايما موجوده معانا بقلبك الرائع دا
وبضم صوتى لصوتك يا رب يسعد كل المدونين ويديم بنا المعروف يا رب

mamato2010 يقول...

السلام عليكم
بجد الله ينور عليكى.أنا بجد هحاول اجرب اللى انتى بتقولى عليه ده و أكيد حيبقى فى فرق كبير.أما بالنسبة للابتسامة أنا والحمد لله على طول مبتسم لكل اللى اعرفهم لكن عمرى ما جربت أبتسم لحد م أعرفهوش جايز يقول عليا اهبل ولا عبيط بس صدقينى انا هحاول أجربها والله يقول يقول.يللا سلام

خديجة محسن "لؤلؤة الاسلام" يقول...

ما شاء الله اختى اسلوبك رااااائع و بصراحة شدنى اوى للمدونة و جزاك الله خيرا و تقبلى تحياااااااتى

و دمتى بخير

rovy يقول...

الله عليكى يا نور الله ..
بجد ما شاء الله عليكى .. ربنا يحميكى
تسلم ايديك حبيبتى و جزاكى الرحمن خير عن هذا البوست المنفائل ..

جيت اسلم عليكى لانى ان شاء الله من بكره اجازه ..
كل عام وانتى بخير حبيبتى و اشوفك على خير ان شاء الله

تحياتى

nour shahen يقول...

mamato2010
وعليكم السلام ورحمة الله وبركاته
ربنا يديم عليك الابتسامه وفرحة القلب
ومش تقلق لما تبتسم لحد غريب مش هيقول عبيط ولا حاجه هههههههههههه بس اوعى تغلط وتبتسم لبنوته تفتكرك بتعاكسها
هههههههههههههه والله تبقى وقعه
جيت تعمل خير اتقلب لشيء وحش
وعامة الابتسامه شيء هادى وخفيف
وابتسامه وتفوت ولا حد يموت
نورت المدونه واسعدنى تعليقك

nour shahen يقول...

خديجة محسن "لؤلؤة الاسلام"
دايما منوره المدونه يا عزيزتى
وربنا يبارك فيكى ويحفظك
ومتشكره جدا علي المجامله الرقيقه بتاعتك

nour shahen يقول...

rovy
انتى زهقتى منا ولا ايه يا قلبي
عامله اجازه من النت ولا منا ههههههه
هتوحشينا جدا جدا لحد لما ترجعى تنورى بمكانك تانى
وهفتقدك جدا كل المده اللي هتغبيها دى
بس عزائى الوحيد انك ترجعى بخير وبصحه وسعاده يا رب
ربنا يكرمك ويجازيكى خير حبيبتى
وترجعلنا بألف سلامه
وكل سنه وانتى طيبه وبخير يا رب

blue-wave يقول...

يااااااااااااااااة
انا ازاى اتأخرت اوى فى زيارة المدونه التحفه دى؟؟؟
بجد مدونه تستحق المتابعه
وبوست هايل
كلنا كنا بجد محتاجينه
تسلم ايدك بجد
وسامحينى على التأخير

momken يقول...

جميل اوى البوست ده يا نور

فعلا كلنا محتاجينه
خصوصا فى الصيف الكائيب ده

والى فعلا اضفى على الجميع مسحه من الحزن والكابه والبؤس

تسلم ايدك
تحياتى

نهر الحب يقول...

ازيك يا قمر
يارب تكونى بخير يا نور
بصى انتى معك حق ووصفتى الموضوع وحطيتى خطوات العلاج
ربنا يبارك فيكى
ويبعد الشر عننا
كمان علينا اننا نحاول نقرب من ربنا شوية اكتر عشان يدخل على قلبنا الفرحة

قلب ينبض لله يقول...

أنتي جميله أوي وبأمانه شديدة كلامك فرق معايا

كلامك فيه نور طبيعي ماهي صاحبة البلوج اسمها نور

الملاك يقول...

السلام عليكم ورحمة الله وبركاته
اختى نور من احبها قلبى دون ان اراها
جزاكى الله كل الخير عنا جميعا فاعلمى ان موضوعك هذاكان بمثابه نداء استيقظت به ارواحنا على حقيقه قد اغرقنا فيها انفسنا ونحن لا نشعر فااستولت علينا وعششت داخلنا لفترات طويله فجاء ندائك لينبهنا اننا لا يجب ان نستسلم لهذ الحزن الذى سيطر علينا واصبح السمة التى تميزنا ولا انكر عليكى انى دائما ما احاول جاهده لتخلص منه بشتى الوسائل التى يفتح الله على بها ولكن وجد ان الوسيله الوحيده لتحطيمه هى الرضاء بقضاء الله دائما والبحث عن وجه الرحمة فيه

---------------------------

اصل الهم جند من جنود الله

صدقتى اختى فبارك الله فيكى وفى قلبك

----------------------------

واحنا حطينا أطار لنفسنا علشان منخرجش عنها , يبقى لازم احنا اللي نكسر البرواز الدهبى دا ونخرج نشوف هيحصل ايه بره البرواز يمكن ننجرح في الاول بأشلاء الزجاج اللى اتسببنا في انها تتناثر , لكن جرح طفيف هيزول مع الوقت وممكن نعدى بسلامه , ونبقى استفدنا نظره جديده من خارج البرواز لشيء عمرنا ما كنا هنشوفه


رائع تصورك هنا يا نور جميل قوى بحييكى عليه بجد

-----------------------------
لو قولنا لأطفالنا متخافوش دا صوت ربانى سبحوا لله لقدرته وجلاله هيرتبط عندهم صوت الرعد المخيف بذكر الله

عجزت عن قول اى شئ بعد كلامك هذ فلا اجد ما اقوله افضل من جزاكى الله خيرا وزادك وزرد قلبك نورا ويقينا
---------------------------
اختى تقبلى ارق تحياتى واعذبها
دمتى ودام قلبك وعقلك برعاية الله

Blue Nile يقول...

ازيك يا نور
انا جيت اخد حبة امل من عندك
بجد كلامك جميل اوي وعجبني اسلوبك كالعادة
تحياتي

yoyo يقول...

صباحك سكر يا نوارة قلبى
اخبارك ايه يا قمر وحشتنى جدا جدا جدا يارب تكونى بالف خير

اممممممم بالنوسبة( دلع النسبة انا حرة بقى ) للبوست الامل امممم والله عندك خق اصل فى سحابة كابة كدا بس رخمة مش عارفين نخرج منها والله وحايز احنا اللى مكسلين بقى على اساس اللى نعرفه احسن مش من اللى نعرفه
عارفة والله يا نور احنا بادينا اننا نسعد نفسنا بس جايز الاوضاع او الظروف اللى حوالينا هى اللى مش بتساعدنا بس اهوا ادينا بنحاول

افتح قلبك للسعاده تعرف طريقها للدخولافتح قلبك وشوف دا الحب يلغى الخوف
عجبتى الحملة دى بحد اوى هى اللى فيها كل الكلام اننا نحاول نفتح قلبنا للسعادة زى ما احنا مسلمين المفاتيح كلها للحزن لا يا معلم اسحب اللمفاتيح دى واديها للحب والسعادة
اه لو تعرفى حد بتاع اقفال الله يكرمك يا نور اعملى فى اختك واجب يجى يفقك القفل اللى عندى على القلب دا يالا اعملى فيا ثواب
معليش يا قلبى على التاخير بقى انت عارفة الشغل بقى ومس كدا بقى الله هاقطع لكم نفسى يا اخى توكا
تحياتى
يويو

نور الدين يقول...

السلام عليكم اهلا باختنا الكريمة دايما مواضيعك مميزة وبتحمل معانى رائعة
...
وانا عن نفسى وقفت قدام كلامك وبدات اسالى نفسى هل انا فعلا كتاباتى واخدة طابع الحزن هى بصراحة كانت اجابتى لأ لانى اتبنى فلسفة البحث بعمق فى كل شيء
بس بردو قلت لنفسى طب متريح عقلك شوية من التامل العميق والكتابة اللى فعلا بتستهلك ذهنى
...
وانا دلوقتى متحير بين قرارين الاول وهو الارجح عندى انى اتوقف مؤقتا عن التدوين ودة بفكر فيه بشدة حتى نهاية رمضان وبعدها اعود للتدوين
والاقتراح التانى انى اكتب فى مواضيع خفيفة او مبهجة شوية
لكن لسه موصلتش لاى اختيار من الاتنين
.....
جزاك الله خيرا على اشراقة الامل التى القيتى بها على وجوهنا وزهرة البسمات التى نثرتيها على شفاهنا
...
تحياتى لك
.........
نور الدين محمود

موناليزا يقول...

ربنا يكرمك
فعلا ارادتنا كفيلة بان نحيا سعداء

كلبوزة لكن سمباتيك يقول...

انا اللي سعيدة جدا علشان عرفت مدونتك النهاردة


رمضان كريم
تحياتي

جمعاوي يقول...

السلام عليكم

كلام جميل أوي عن السعادة...كنت قرأت
فى مرة عن كيف تصل للسعادة...فالراجل
قال قاعدة جميلة أوي...وهي خفف آلامك

فمش معقول علشان كباية ميه اتدلقت
على السجادة تقلب الدنيا وتقرف نفسك
وتغير موودك

ده طبعا بالإضافة للسبيل اللي انت قلتى عليه..وربنا يا رب يكرمك

أسير الجراح يقول...

نور ازيك ؟


يارب تكونى بخير


ابقى طمنينا عليكى



اسير الجراح

oRiGiNaL HeArT يقول...

انا جيت اقلك انك ليكى عندى هدية:p:
تعالى استلميها :))

oRiGiNaL HeArT يقول...

البوست دة هايل بجد
الواحد بيعدى الايام ورا بعض من غير مايغير حاجة وبالتالى بيصاب بالملل والاحباط
وبجد التلت حاجات اللى انتى ذكرتيهم حلوين اوى
ان شاء الله هحاول اجربهم
ويارب حياتنا تبقى افضل
:)

نونو يقول...

حلو البوست دة حلو اوى
احييييكى علية وارفعرك القبعة
بس بلاش حزن بلاش

nour shahen يقول...

blue-wave
اهلا بيك د / عمرو منور المدونه
اسعدنى مرورك وتعليقك

nour shahen يقول...

momken
اسعدنى مرورك وتعليقك
وربنا يسعد الجميع يا رب

nour shahen يقول...

نهر الحب
عاش من شافك يا قمر وحشانى
انا بخير والحمدلله في احسن حال
يا رب تكونى بخير انتى كمان
يا رب يحفظك حبيبتى
ويهدينا جميعا ويشرح قلوبنا للأيمان يا رب
اسعدنى مرورك وتعليقك ودايما منوره مدونتك يا رب

nour shahen يقول...

قلب ينبض لله
ربنا يسعد قلبك يا عزيزتى
ويبارك فيكى ومتشكره جدا علي مجاملتك الرقيقه
ونورتى المدونه واسعدنى مرورك وتعليقك

nour shahen يقول...

الملاك
وعليكم السلام ورحمة الله وبركاته
أحبك الذى احببتنى فيه يا رب
انا كمان بحبك في الله
ربنا يحفظك عزيزتى ويبعد عنك الاحزان يا رب
أسعدتنى تفاصيل تعليقك ونورتى المدونه يا قمر

nour shahen يقول...

Blue Nile
الله يسلمك من كل شر يا رب حبيبتى
بخير انا والحمدلله في احسن حال
يا رب تكونى انتى كمان في اتم صحه واحسن حال
وتكونى اجتازتى فترة الامتحانات علي خير
ربنا يطرح الامل والسعاده دايما في طريقك
ومنوره مدونتك دايما

nour shahen يقول...

yoyo
صباحك سكر يا قلب نور
يا شريره كنت تعبانه مسئلتيش بس يلا انتى كمان وحشانى جدا , يا رب اشوفك قريب
لو علي الاقفال اجبلك بتاع كوالين يا قلبي يصلح كل شيء بس الحمدلله القلب مفتاحه بأيد الله سبحانه وتعالى خير حارس
ربنا يبارك لينا فيكى يا قمرتى ويقويكى علي شغلك يا مس
وفكرينى اجبلك في عيد ميلادك كيبورد هديه كتبتى نص التعليق بحروف غريبه هههههههههه
منورانى دايما والبيت بيتك اقصد المدنه مدنتك حبيبتى

nour shahen يقول...

نور الدين
وعليكم السلام ورحمة الله وبركاته
والله انا فكرت زي حضرتك اننا نعتزل الايام الجايه وشهر رمضان كامل
ولكن مش بسبب اننا هنتأمل ونكتب في حزن او سعاده لا
بس فكرت انها تكون فتره لينا مع الله والكتابه مش هيحصل شيء لو نأجلها شهر وشوية ويمكن روفى بدأت بكدا الله يكرمها يا رب
وانا بأيد اقتراحك الاول
نورت المدونه وبيفرق معايا جدا تعليقك
اسعدنى مرورك كالعاده

nour shahen يقول...

موناليزا
الحمدلله على كل شىء وربنا يسعد قلوبنا جميعا وبالأراده القويه نحقق كل شيء
نورتى المدونه عزيزتى واسعدنى تعليقك

nour shahen يقول...

كلبوزة لكن سمباتيك
اسعدنى تعليقك ومرورك وربنا يسعد قلبك دايما يا رب برضاه
الله اكرم
وكل سنه وانتى طيبه عزيزتى
نورتى المدونه

nour shahen يقول...

جمعاوى
وعليكم السلام ورحمة الله وبركاته
اسعدتنى اضافتك وتعليقك
اكرمك الله وبارك فيك

nour shahen يقول...

اسير الجراح
الله يسلمك اسير
بخير انا والحمدلله ف احسن حال
يا رب تكون بخير انت كمان وعلي خير ما يرام
نورت المدونه بمرورك

nour shahen يقول...

oRiGiNaL HeArT
الله يكرمك انا بقيت بخاف من الهدايا كدا هههههههههه
ولكن كل هديه مقبوله والله المستعان
وبشكرك جدا علي تعليقك الجميل
واسعدنى مرورك وبجاوب علي التاج في القريب العاجل بأذن الله
انا اصل كدا بقى عندى مجموعه كبيره من التاجات وشكل كل حد بيدخل مبيلاقيش تاج يقوم ممرره ليا الله يكرمكم

nour shahen يقول...

نونو
حمدالله علي سلامتك يا نونو
نورتى مدونتك من جديد
وبعدين فين الميه اللي جبتيهالى معاكى ولا ام الخلول
شكلك طلعتى بخلو يا نونو بس لما اشوفك

ghoneem يقول...

السلام عليكم

كل عام وانت بخير
رمضان كريم

دعوتك للسعادة جميلة وف وقتها فعلاً ربنا يرزقنا الأمل ويرزقنا حسن العمل

حبيت أشكرك علي تعريفي بمدونتك وحبيت أشكر ليكي مرورك وتعليقك الأكثر من رائع والذي مع حداثته حمل تأثير ودعم وتشجيع كبييييييير جدااااااا

دام تواصلك ودمتي بخير

سأنقطع عن التدوين لما بعد رمضان ان شاء الله ....

ربنا يغفر لنا ولكي ويرحمنا وينظر الينا ويتوب علينا

خالص ودي وتقديري


بالتوفيق....................

سنووايت يقول...

اطلالة أمل ودعوة مفتوحة للسعادة
انا دايما بقول اللي عايز يشوف الحلو هيشوفه واللي مش عايز يعيش غير في النكد مش هيلاقي اكتر منه
في ايدينا نختار نمشي في اي طريق
ومفيش اجمل من انك تمشي في طريق أوله أمل لان اكيد هتقابل فيه السعادة
تحياتي ليكي

nour shahen يقول...

ghoneem
وعليكم السلام ورحمة الله وبركاته
كل عام وانت طيب وبخير
والله اكرم
ترجع لمدونتك وللمدونين بالسلامه يا رب
هنفتقد اشعارك والافكار الجميله
ونتقابل بعد رمضان بأطلالة جديده وقلوب نورها الأيمان يا رب

nour shahen يقول...

سنووايت
أسعدنى تعليقك ومرورك
نورتى المدونه وكل سنه وانتى طيبه

سمر الشافعى يقول...

تعرفى انك فيكى شبه منى لما بحب افرح بحس ان اقل حاجه بتسعدنى وانا فطريقى لشغلى الصبح بشم ريحه الهوا النضيف بفرح ببص للاراضى الخضرا برتاح لو سمعت اغنيه حلوه او قابلت حد عزيز عليا ببقى مبسوطه لكن لما بنزعل ونتخنق بنحس الدنيا ضيقه اوى علينا ومفيهاش منفذ ولا حتى شعاع نور

ربنا دايما يسعدك وكل سنه وانتى طيبه

nour shahen يقول...

سمر الشافعى
دايما لما نفرح نحس بأدق شيء وكل شيء من حولنا وكأن الكون اصبح ذاهى الالوان
واصبحنا نراه بوضوح شديد
وانا معاكى فعلا لما بنفرح ونخرج نشعر بأن الهوا ليه رائحه جميله لم نعهدها من قبل
والعكس تمام لما نحزن وكأن الدنيا تلونت بأبيض واسود
ولكن ضاقت فلما استحكمت حلقاتها فرجت وكنت احسبها لن تفرج
ربنا سبحانه وتعالى بينور طريقنا من جديد
نورتى المدونه واسعدنى تعليقك ومرورك
كل عام وانتى طيبه وكل الأمه يا رب

انى احبكم فى الله يقول...

ما شاء الله ايه الردود الكتيره دى وايه المدونه الجميله دى

وشكرا على زياراتك الجميله لمدونتى والموضوع اكثر من رائع

كلام على بلاطة يقول...

وصفة جميلة
كل عام وانت بخير

كلام على بلاطة يقول...

وصفة جميلة
كل عام وانت بخير

نهر الحب يقول...

انتى فين ؟
مش جيتى لقاء بؤجة الخير لية
مش ابة تشوفينا ولا لاية ؟؟

سلطان الغرام يقول...

حاسس ان انا جيت متأخر

بس برضه قلت لنفسي لازم اسيب تعليق

الموضوع فوق الوصف وبحييكي جدا عليه

وكل عام وانتي بخير

اه انا رديت علي تعليقك عندي ياريت تقرايه عشان تشيلي الفكره اللي جواكي

nour shahen يقول...

انى احبكم فى الله
ميرسى علي مجاملتك الرقيقه
نورتى يا عزيزتى واسعدنى تعليقك

nour shahen يقول...

كلام علي بلاطه
نورت المدونه وكل عام وانت بخير والأمه كلها بألف خير يا رب
ويا رب يغفر لينا كل ذنوبنا في الشهر الكريم الله
ورمضان كريم عليكم والله اكرم

nour shahen يقول...

نهر الحب
انتى افتكرتينى بعد ما روحتى ورجعتى مش قولتلك قوليلى قبلها
ثم يا قلبي انا في القاهره مش فى بورسعيد
وعامة اصلا انا كنت في الشرقيه فمش هعتب عليكى كتير
بس ابقى قوليلى قبلها الله يكرمك وبعدين انا عايزه اعرف ادق التفاصيل بتعرفوا منين . نفسى افهم من البداية للنهايه
كل عام وانتى طيبه يا قلبي

nour shahen يقول...

سلطان الغرام
متشكره جدا على مجاملتك
وحضرتك تنور فى اى وقت مش متأخر ولا حاجه
كل سنه وحضرتك بخير

أكون او لا أكون يقول...

السلام عليكم ورحمة الله وبركاته...
كلام جميل ويعطي شحنه تفائل... كل ماتخلص الشحنه حنجي عندك تاني...
جزاك الله كل خير...
تقبلي مروري

nour shahen يقول...

اكون او لا اكون
وعليكم السلام ورحمة الله وبركاته
ربنا يسعد قلبك والتفائل يكون شيء دايم فى حياتك
اسعدنى مرورك وتعليقك ونورت المدونه

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

Jojo Ayman يقول...

شركة تنظيف رخام بالرياض
شركة تنظيف زجاج الابراج بالرياض
شركة تنظيف سيراميك بالرياض
شركة تنظيف بيوت الشعر بالرياض
شركة تنظيف بيوت الشعر شرق الرياض
شركة تنظيف بيوت الشعر غرب الرياض
شركة تنظيف بيوت الشعر شمال الرياض
شركة تنظيف بيوت الشعر جنوب الرياض
شركة تنظيف الاثاث بالبخار بالرياض
شركة تنظيف السجاد بالبخار بالرياض
شركة تنظيف موكيت بالبخار بالرياض
شركة تنظيف مجالس بالبخار بالرياض
شركة تنظيف منازل بالرياض رخيصه

Jojo Ayman يقول...

شركة تنظيف منازل بالرياض مجربه
شركة تنظيف منازل بالرياض عمالة فلبينية
شركة نقل اثاث بالرياض عماله فلبينية
شركة تنظيف رخيصه بالرياض
شركة تنظيف فلل بالرياض عمالة فلبينية
شركة لرش المنازل من الحشرات
شركة رش الدفان بالرياض
شركة رش الدفان شرق الرياض
شركة رش الدفان شمال الرياض
شركة رش الدفان غرب الرياض
شركة رش الدفان جنوب الرياض
شركة مكافحة الوزغ بالرياض

Jojo Ayman يقول...

شركة تنظيف خيام بالرياض
شركة مكافحة الهاموش بالرياض
شركة مكافحة الناموس بالرياض
شركة ترميمات عامة بالرياض
شركة ترميمات منازل بالرياض
شركة ترميمات فلل بالرياض
شركة ترميمات قصور بالرياض
شركة ترميمات شقق بالرياض