2008/08/06

كلام فى سرك


كنت أسير فى تلك الأيام اتنقل من مكان لمكان

مع حرارة الصيف الشديدة والزحام فى كل مكان

قررت ان استريح واستظل بجانب بيت به حديقه سبحان من ابدع

تطلعت بعينى لأجد شاب متمدد على أرض الحديقه فخشيت ان يكون مغشى عليه فتوجهت نحوه

واقتربت منه وامسكت بيده فقام من مكانه وهو ينظر الى نظرات بدت لى حزينه

وكأنه كان على وشك الأنتحار وانقذته .. فطلبت منه تفسير لما أراه بعينيه

وبدأ يقص على وكأنه كان ينتظر سؤالى وحتى ان كان بدافع الفضول وكأنى صديق يعرفه منذ زمن

وقررت ان اتركه يتحدث ولكنه افصح عما بداخله واحرق قلبى , فلقد أخفى كثيرا حتى بات لا يستطيع الكتمان

فــقــــــــــــــال

كنت بلا هويه حين أتيت والأن ايضا اصبحت بلا هويه

مسافر بلا عنوان في رحلة النسيان

لا تنظر الى هكذا يا سيدى فأنا حطام لما كان

او شبحاً او ظلاً لشيء قد اطلق عليه قديما انسان

اعزرنى لتهكمى بالله احاول ان انتقى عباراتى قدر الأمكان

فلقد أمسى عقلى اقرب للكفر عن الأيمان

لم أشكو يوما ظروفى برغم ذلى والحرمان

نعم قد كنت اقص عليهم مختلف الروايات الا روايتى لأشتت الأذهان

كيف اصرح عما يجتاحنى وكيف اطلب منهم الحنان

بحثت في كل مكان يا سيدى حتى ادميت قلبى وضللت طريقى واضعت العنوان

كل الأبواب غلقت بوجهى حتى ابواى تناسو انى جزء منهم وبمشيئة ربى اصبحت كيان

فلما لم يطبقوا على انفاسى منذ ولادتى ليعيدونى الى الجنان

مع اول صرخة دوت لى يا سيدى في تلك الحياة كانت صرخة استغاثه الى الرحمن

وها انا يا سيدى ضائع شريد وايضا وحيد برغم كل من حولى فما العمل الأن
_________________________________________
( ليس اليتيم من مات والداه ولكن اليتيم حقاً من انشغل عنه امه واباه )
لم تأتوا بهم لتلك الحياة يا ساده ليعذبوا بوجودكم بجوارهم ولا تشعرون بهم وكأنهم غير موجودين
لقد انعم الله عليكم بطفل فأحسنا إليه حتى اذا قابلتم وجه الكريم تجدان ما تقولاه
وتجدوا من يدعوا لكم بالرحمه ويشتاق إليكم حتى تلقياه
وانتم الأن احياء يا ساده فحاولوا ان تستغلوا تلك الفرصه التى لن تعوض وعوضاه
عن انشغالكم عنه وتقصيركم في حقه استغلوا الفرصه قبل ان يضيع الوقت يا ساده
فالمال يزول والصحه تزول والجاه يزول
ولن يبقى لكم غير ابناء قد احسنتم تربيتهم
ولتذكروا جيدا الجمله التى نحفرها بعقول صغارنا" ازرع تحصد "
فأحسنوا الاهتمام بما تزرعون حتى لا تصدموا وقت الحصاد مما ستجدون


هناك 65 تعليقًا:

zizi يقول...

ياااااااااااااااااه انا اول تعليق يا سلام
شوفتيني يا نور و انا اول رد في البوست عشان تعرفي قد ايه انا بحبك طيب اروح اقرا و راجعى
سلام

mamato2010 يقول...

السلام عليكم
بجد حلو أوى أنك شرحتى الموضوع بقصيدة رائعة و بجد أحيكى على أنتقاء الكلمات و التعبير.
أما بالنسبة للأباء و الامهات اللى بينسوا حقوق أبنائهم أنا مش عارف أزاى بيطلبوا حقوقهم و لو خالفوهم يقولوا انهم بيعوقوهم.و بينسوا ان فى عقوق أبناء.ويا ريت يبقى فى لغة حوار ما بين الأباء و الابناء.

نور الدين يقول...

جزاك الله خيرا على موضوعك الرائع
ووالله قد ذكرتنى بوالدى رحمه الله
وكان كريما حد الاسراف فاذا قالت له امى يجب ان تقيم مشروعا او شيئا من قبيل ذلك لتؤمن مستقبلهم
فيقول لها مستقبلهم فى دينهم وعلمهم
رضى الله عنه ما اهملنا دقيقة وكان فى موعد كل صلاة فى اى مكان بعمله او فى الخارج يتصل بالبيت ليتاكد ان الجميع قام للصلاة
..........
اسف طولت عليكى ولكنى اسال الله ان يهب الناس اباء كابى يعلمونهم ان كنزهم فى السماء
..........
تحياتى
................
نور الدين محمود

ســـهــــر يقول...

كل التوهه والوجع دة بسبب الآهل يااااااااه صعب ومؤلم اوى

بوست يوهم ويوجع القلب

صدقينى كان نفسى اسيبلك بسمه او تفائل
لكنى عجزت واتوجعت
حقيقى انتى اتقنتى التعبير

ووصلتى الأحساس بمنتهى الجمال

دمتى رائعه أختى العزيزة

اسمحيلى اقولك اختى حساكى قريبة منى

سهر

بطوط حبوب يقول...

الاهل ضيعوا الولاد
والولاد مبقوش بارين بالاباء
ربنا يحرمنا ياارب

nour shahen يقول...

zizi
مش قولتلك يا زيزى مش هتلحقى ترجعى اديكى علي ما ترجعى مش هتبقى اول تعليق ههههههههههه
احنا بنعمل ولا الاطفال بحجزنا التعليق الاول دا والله
وعامة يا قلبي انا عارفه قد ايه بتحبينى منغير ما تحاولى تلحقى اول تعليق
وشكلك نمتى وانتى بتقرى بقى علي كدا يا قلبى ههههههههههههه
يلا احلام سعيده بقى حبيبتى

nour shahen يقول...

mamato2010
وعليكم السلام ورحمة الله وبركاته
اتمنى والله يكون فعلا في لغة حوار تجمع الأباء والأبناء علشان يكون في تكامل ومنلاقيش اي تقصير
ولا نقابل حد مكسور بالشكل دا بيدور فى كل قلب ويا ترى فين هيلاقى الحب
بحييك على رأيك ومشاركتك

nour shahen يقول...

نور الدين
رحم الله والدك وموتى المسلمين جميعا واسكنهم فسيح جناته وغفر ذنوبهم وجعل قبورهم روضه من رياض الجنه يا رب
لقد احسن والدك التربيه والتأسيس وترك لكم خيراً كثيراً .. نعم الأب هو والله
وانا اتمنى لو كل الأباء كانوا بيتصفوا بحكمة وعقل والدك رحمه الله
وابدا مطولتش علينا ولا شيء انت اهدتنا مثال عظيم علشان نشعر ان الدنيا لسه فيها خير مهما كان
تحياتى لأسم على مسمى وبشكرك على مشاركتنا برأيك

nour shahen يقول...

سهر
أسفه لو اتسببت فى إيلامك ولكنى لم اقصد الا ان اطرح مشكلة بعض الأبناء فى هذا العصر
بيكفينى مرورك وتعليقك ومشاركتك لينا برأيك يكفى يسبلنا بسمه ان في حد قلبه رقيق حاسس بالمعذبين دول
اللى انتظروا الحب الطبيعى اللي فى قلب الأهل ولكنهم لم يجدوه فلقد بدده الأهل
بيسعدنى تكونى اختى والله
بشكرك جدا على مشاركتك برأيك

nour shahen يقول...

بطوط حبوب
الله يكرمك انت جبت من الأخر
فعلا مفيش فى ايدينا الا اننا نلجأ لله سبحانه وتعالى فهو القادر على كل شيء
خالقنا والعالم بحالنا سبحانه وتعالى
وهو اللى عالم فى القلب إيه لأنه اقرب منا إليه
بشكرك على ابداء رأيك

zizi يقول...

معلش يا قلبي اسفة و الله اخويا جا اخذ الجهاز و ملحقتش اكمل بالقرايا اساسا
المهم اديني جيت و قريته و اتمعنت فيه اوي
على فكرة انا دلوفتي فهمت كويس لما ادتيني اقراه اول مرة موصلتش للمعنى الي وصلتله دلوقتي
ما شاء الله عليكي فعلا طريقة ايصال المعنى كانت جميلة اوي
و فعلا وفعلا بقينا بنشوف اباء الله يهديهم مش مهتمين خالص باولادهم مش عارفة هما خلفوهم ليه و لا مش داريين بواجبانهم تجاه اولادهم و كل همهم انهم يسمعوا كلامهم ويطيعهم بس
سبحان الله عالم غريب
ربنا يهدينا لما يحبه و يرضاه
اللهم اصلح حال المسلمين
بارك الله فيكي حبيبتي موضوع فعلا قيم

الملاك يقول...

السلام عليكم ورحمة الله وبركاته
نور على الرغم من الالم الذى اعتصر قلبى اثناء قراتى لهذ البوست وعلامات الحزن المرسومة على كل كلمة به فانى اود ان احييكى عليه وعلى رسالتك التى اردى ان تصل الينا جميعا من خلاله وانا احسست انك لا تخاطيبى الاباء والامهات بل وتخاطبيننا جميعا لاننا سنكون بإن الله يوما ما فى مثل وضعهم
ولا اجد ما اقوله سوى ان ادعو الله ان يفيق كلا منا حتى يشعر بمسئوليته التى حملها الله له ويؤديها على قدر ما يستطيع ويمكن الله له فيها مهما كانت بسيطه فى نظره لانها بالتاكيد ستكون عظيمة عند محاسبة الله لنا

وانا معاكى فى ان ليس اليتيم من مات والداه ولكن اليتيم حقاً من انشغل عنه امه واباه
واصدقك القول اختى انى كلما شاهد كثيرا من الاباء والامهات احمد ربى لانه وهب لى والدين قدروا مهام المسئوليه التى القاها الله على عاتقهم

اللهم اصلح اسر المسلمين جميعا

أختى تقبلى مرورى وارق تحياتى
دمتى اختى برعاية الله

oRiGiNaL HeArT يقول...

يااه
بجد البوست دة رائع بكل مافيه
الكلمات والوصف وطريقة السرد والمضمون
بجد احييكى عليه
:)

أسير الجراح يقول...

البوست مؤلم اوى


والاهل

ووجع القلب


بجد اسلوبك فى التعبير جميل جدا



برافو يا نور


دمتى متفوقة كعادتك



اسير الجراح

nour shahen يقول...

zizi
ولا يهمك يا قلبي اديكى رجعتى ونورتى من تانى
والحمدلله انه اصبح سهل دلوقتى علشان اللى يقراه يوصل للمعنى بسهوله
ربنا يهدى جميع الأباءوالأمهات يا رب
ربنا يباركلكى فيكى يا قلبى وميحرمنيش منك فعلا أسعدتنى مشاركتك
ودايما منوره المدونه وحياتى

nour shahen يقول...

الملاك
وعليكم السلام ورحمة الله وبركاته
بحترم رأيك جدا وطبعا جميل أننا نتعلم من أخطاء غيرنا ونحاول نخليهم مثال قدامنا علشان منقعش في يوم في مثل خطئهم
ربنا يبارك ليكى في والديكى يا عزيزتى
ويحفظك ليهم ولينا يا رب
أشكرك على ابداء رأيك ونورتى المدونه أختى الغاليه

nour shahen يقول...

oRiGiNaL HeArT
الحمدلله انه عجبك ووصل المعنى منه
أسعدنى مرورك وتعليقك

nour shahen يقول...

اسير الجراح
انا اسفه لو البوست مؤلم شوية الموضوع محزن فعلا أن الأهل يتركوا ابنائهم تايهيين كدا في الدنيا
ويضيعوا شيء من حقهم ربنا يهدى الجميع
منور المدونه كعادتك وأسعدنى تعليقك

شهرزاد يقول...

نور الجميلة

لا استغرب ضياع ذلك الابن فعلا
فغيره الكثير الذين ضاعوا في هذه الحياة
بسبب الاهل وقلة مسؤوليتهم

فكم من آباء ظلموا أبناءهم وكانوا سببا في ضياعهم.. وهم يدعون انهم يريدون مصلحتهم..

نور
أسلوبك رائع في كتابة الشعر
وأوصلت الفكرة بطريقة رائعة

حبي وأشواقي

yoyo يقول...

احم احم أنا جيت نورت طبعا ههههههههههه
أسفة يا قلبى على التاخير انت عارفة بقى الظروف
بس ايه الجمال دا يا جامد أسلوب مشاء الله فى الكتابة بحسد بس مش اكتر هههههههه
بوست فى منتهى الجمال يا قلبى والله بالفعل اليتم مش انك تفقدى الابوين وبس الاصعب انهم يكونوا موجدين ومع الاسف بدون اى دور او حتى توجية فى حياتنا ومع الاسف بيخرج جيل كله عقد
تسلمى يا قلبى على البوست
تحياتى وقبلاتى

يويو

انسان بلا عنوان يقول...

السلام عليكم

نصائح غاليه

وعموما ياستى ، بس ادعيلى انتى بالذريه الصالحه ، من زوجة صالحه

وانا ان شاء الله هكون ، من أول من يستجيبون لنصايحك

وهعاملهم كأنهم محمود (انا يعنى )، ماذا كان يريد هو من اهله؟

- اذا قرأتى سورة الكهف فستجدى فيها :

( وأما الجدار فكان لغلامين يتيمين فى المدينه وكان تحته كنز لهما وكان ابوهما صالحا ....)

ولصلاحه فقد نفع اولاده حتى بعد مماته!!

(فأراد ربك ان يبلغا اشدهما ويستخرجا كنزهما رحمة من ربك ...) الايه

ولعل والد نور الدين محمود كذلك الأب

ومن قبلهما الأصلح ، كسيدنا يعقوب

( اذ حضر يعقوب الموت فقال لبنيه ما تعبدون من بعدى....)الايه

-اما الان فعليك الاتصال ب 16000 خط نجدة الطفل على أمل ان ينجدوه!!

وقد يفعلون فلا تتردد بالله عليك ان استطعت

- مدونتك جميله واحييك

nour shahen يقول...

شهرزاد
نورتى المدونه فعلا وانا مفتقداكى الايام دى كتير بس سيبالك وقتك علشان ترجعى تكتبى لينا الاجدد , متخديش وقت كتير حاولى تلملمى الجراح وترجعلنا بسرعه
بشكرك على طرح رأيك في الموضوع دا

nour shahen يقول...

yoyo
يا قلبى متحسديش انا اللي المفروض انق بقى ان جينا للحق يعنى هههههههههه
وطبعا بشكرك على ابداء رأيك في موضوعنا
وبالتأكيد منوره كعادتك يا قلبى

nour shahen يقول...

انسان بلا عنوان
وعليكم السلام ورحمة الله وبركاته
بشكرك على ابداء رأيك في موضوعنا وتدعيمه ببعض الايات القرأنيه
بارك الله فيك واكرمك
واتصل ب16000 ابلغ عن عقلى كدا هههههههههههههه
لأنه كل اللى كتبته من الخيال
لطرح مشكلة موجوده بالفعل فى عصرنا دا
ولكن يمكن غيرى يقدر يستفيد منه او يجى وقت ونقدر نساعد بيه شخص معين
نورت المدونه وبجد افادنى رأيك كتير

نهر الحب يقول...

لا حول ولا قوة الا بالله
فى ناس لا تقدر النعم التى يهبهم اياها الله عزوجل
فيهملوا ابنائهم ولا يعطوهم حقهم فى الرعاية والحنان والاهتمام
رغم انهم صدقاتهم الجارية بعد الموت .!!
اقول اية غير انه قلة ايمان

نهر الحب يقول...

عارفة كلماتك وقصتك مؤثرة جداا
واختيارك للالفاظ كمان جميل
سلمت اناملك

أسير الجراح يقول...

شكرا يا نور على الجميل

اهو انا عملت اللى انتى قولتى علية فى التعليق

بس لما تيجى تعلقى تقوليلى الاخبار


اوكى يا قمر


شكرا على زيارتك يا قمر


اسير الجراح

nour shahen يقول...

نهر الحب
اشكرك على أبداء رأيك ومشاركتنا
وميرسى على المجاملة الرقيقه
نورتى المدونه وأسعدنى مرورك بعد غياب

nour shahen يقول...

اسير الجراح
جميل ايه بس يا اسير انا كنت بهزر معاك
وبالفعل هى اتلغت وبقى التعليق سهل
ربنا يخليك لجمهورك

انسان بلا عنوان يقول...

نور

كلام فى سرك انا ازنقت فى واجب بيقول انى لازم اهى التاج لثلاث مدونين

سامحينى انى كتبت اسمك ضمن التلاته دول

اعمل ايه ، انا عارف ان انتى لسه عامله واجب

وعموما لكى حرية القبول.
تحياتى

Habiba يقول...

نور ازيك
اسفه انى اتاخرت عليكى فى التعليق
بس مشكله غيابى كان ليها دويل كنت بقطعها
عاجبانى الفكرة قوى وان كانت تبدو شويه مكلكعه وعرض المشكلة باسلوب غير تقليدى بس مش عارفه ليه كان عندى احساس انها ممكن تتبسط اكتر من كده
معلش انا بغلس انا عارفه بس انتى حبيبتى وهتستحملينى
دمت بكل خير

rovy يقول...

السلام عليكم

بوست مميز و مفيد يا ريت كل الاباء يقرأوه و يستوعبوه بجد تسلم ايديك ..

كمان لازم احيكى على اسلوبك الرائع
البديع ..

جزاك الله خيرا و وفقكى دائما لما فيه الخير ..

دمتى بخير وسلام فى حفظ الله

تقديرى و تحياتى

mohamed ghalia يقول...

هى الحياة كده يعملوها الكبار ويوقعوا فيها الصغار
اللهم احفظ بيوت المسلمين
تحياتى

موناليزا يقول...

الاسلوب جميل
سبقتينى فى نشر نفس الموضوع

Blue Nile يقول...

نور ازيك وحشتيني
بجد متزعليش مني انا اول ما لقيت فرصة جيت على طول ادعيلي

كلامك جميل اوي عبرتي عن الفكرة باسلوب مختلف
تحياتي

ليكوريكا يقول...

جميل بجد

وموضوع اول مره حد يتكلم عنه

دعوتك اتمني كل الاباء يسمعوها

وفنفس الوقت برضو الاولاد مينسوش فضل والديهم عليهم

تحياتي ليكي

ليكوريكا

(^oo^) bad girl (^oo^) يقول...

Good good good......

nour shahen يقول...

انسان بلا عنوان
كلام فى سرك برضوا مقدرش ارفض تاج وجالى او واجب وفي نفس الوقت مقدرش اجاوب عليه دلوقتى وبصراحه حرام اخنق الناس بكلام عنى تانى وهما لسه خارجين من صدمة البوست اللي فات ههههههههه
قبلت التاج مهو اللي يدخل جيب الاسد ميطلعش تانى ابدا
ولكنى هتأخر في الرد عليه شوية
فأعزرنى

nour shahen يقول...

habiba
حبيبه الحبوبه منورانى بعد غياب
الله يسلمك يا قمرتى
لالا ولا يهمك ولا اتاخرتى ولا حاجه
حمدالله على سلامتك الأهم
والله يا قلبى ان جينا للحق فعلا انا بعتبر كل الخواطر اللي بكتبها مكلكعه مش دى بس ههههههههههههههه
وعامة يكفينى شرف المحاوله مهو لو كنت اعرف ابسطها كنت بسطتها يا قلبي هههههههه ادينى بواسى نفسى اهو
والله انتى سكره ثم مقدرش ازعل منك حتى لو قولتى وحشه ( بس اياكى تعمليها ههههههه ) نورتى يا قلبي واسفه لو كان البوست تقيل ومكلكع هحاول ابسط المره الجايه اكتر والله الموفق

nour shahen يقول...

rovy
وعليكم السلام ورحمة الله وبركاته
بشكرك على تعليقك وبيسعدنى جدا الاقى تعليق منك ولو مر موضوع بلا تعليقك عليه احس ان في شيء ناقص
آرائك جميله وموضوعاتك ومدونتك اجمل واى مكان بتشاركى فيه اكيد بينور بيكى
ربنا يكرمك حبيبتى ويباركلنا فيكى

nour shahen يقول...

mohamed ghalia
بضم صوتى لصوتك ونقول كلنا امين يا رب
شرفنى مرورك وتعليقك

nour shahen يقول...

موناليزا
اولا ازيك ومنورانى
ثانيا لو ان كنتى ناويه تكتبى عن نفس الفكره حبيبتى هى ليها اكتر من جانب
وكل واحد فينا بيكتب بأسلوبه
متتراجعيش واكتبى بالتأكيد هيطلع بأسلوبك اجمل واجمل
وبعدين كتير منا بيشارك بنفس الموضوع ولكن بأختلاف الكلمات واكيد كل واحد فينا مهتم بنقطه معينه وموضحها
اكتبى بس وسبيها علي الله
بتمنالك التوفيق

nour shahen يقول...

Blue Nile
اهلا اهلا بصديقتنا الغايبه
انا بخير والحمدلله في احسن حال
يا رب تكونى انتى كمان بخير والامتحانات ماشيه على ما يرام وجميع احوالك يا رب
ولا يهمك حبيبتى الاهم انك نورتينى انا عارفه الفتره دى والمشاغل بقى الله يعينك ويوفقك يا رب
وانا عايزه حاجه حلوه لما تنجحى بقى ويا ريت لو شيكولاته

nour shahen يقول...

ليكوريكا
اكيد طبعا لا الاباء ينسوا حقوق ابنائهم ولا الأبناء ينسوا الواجبات اللي عليهم نحو اهلهم
ونعيش في الدنيا كما قدر الله ان يكون وفي سعاده دائمه يا رب
لا في عقوق والدين ولا فى عقوق ابناء
نورت المدونه بمرورك وتعليقك

nour shahen يقول...

bad girl
بتمنى يكون الموضوع عجبك فعلا
نورتى المدونه

انسان بلا عنوان يقول...

لو كان ليا اتكلم باسم الناس
فهقول لك ان الناس اتبسطت جدا من كلام عن نفسك
ولو اصدموا من البوست اللى فات فمن روعته

عموما اتفقنا

ديل

وبشكرك

ذو الوجه المبتسم يقول...

" ازرع تحصد "
فأحسنوا الاهتمام بما تزرعون حتى لا تصدموا وقت الحصاد مما ستجدون
اعجبتنى هذه الكلمات جدا
بوست رائع وهدفه واضح
تحياتى

طارق الغنام يقول...

ولتذكروا جيدا الجمله التى نحفرها بعقول صغارنا" ازرع تحصد "
فأحسنوا الاهتمام بما تزرعون حتى لا تصدموا وقت الحصاد مما ستجدون

نور
ماشاء الله عليكى
بوست رائع ربنا يجعله فى صحيفه حسناتك
وانا اقول بروا اولادكم فى الصغر يبروكم فى الكبر
تقبلى تحياتى
واتمنى دوام التواصل
ودمتى بود

انى احبكم فى الله يقول...

صديقتى العزيزه نور انا اسفه على بعدى الشديد عن مدونتك وذلك بسبب سفرى ولكن عندما رجعت لا قيتها احسن واخسن واحب اذكرك انا جيت اخد التاج اللى انتى كنتى عاوزانى اجى علشان اخده على العموم ياريت تزورونى ولا نسيتينى اكيد لا وشكرا على الموضوع

انى احبكم فى الله يقول...

ياريت تقوليلى اذاى اخد التاج؟

nour shahen يقول...

انسان بلا عنوان
بشكرك لكلامك اللي حسسنى انى شبه الملك فاروق هههههههههههه
ونورت المدونه وربنا يوفقك

nour shahen يقول...

ذو الوجه المبتسم
بشكرك على تعليقك ونورت المدونه بقدومك واسعدنى مرورك

nour shahen يقول...

طارق الغنام
رأيك في جزء جديد جميل بنضمه لموضوعنا وربنا يبارك فيك ويجعلك خير الأب لأبنائك يا رب
بتمنالك التوفيق وربنا يكرمك
نورت المدونه واسعدنى جدا تعليقك

nour shahen يقول...

انى احبكم فى الله
انا بمجرد ما بشوف اسمك بيفرح قلبى
وحمدالله على سلامتك
ونورتى مدونتك من جديد
وطبعا مقدرش اتاخر عن زيارتك فأحنا جيران ههههههههه
انتى بس اكتبى وسيبى الباقى علي الله وعليا
وبالنسبه للواجب انا كتبتلك في مدونتك وربنا يوفقك فى اجابته

رائد عبد السلام يقول...

مدونتك واحة للنفوس المتعبة ..وفيها هواء نقي بعيد عن تلوث النفوس ...وكمان فيها إحساس جميل وصادق وضمير نقي ..بجد تحياتي ...بس ياريت يبقي فيها بسمة صغيرة ( روحوا القلوب ساعة )..
تحياتي

nour shahen يقول...

رائد عبد السلام
متشكره جدا على كلامك الرقيق دا
اكرمك الله وبارك فيك
وبالتأكيد القلب محتاج من وقت لأخر الابتسامه
نورت المدونه واسعدنى مرورك

غير معرف يقول...

مدونة جميلة وممتعة وقويه ارجوا ان نكون اصدقلء والاطلاع على مدونتلى moalemhi.jeeran.com

nour shahen يقول...

غير معروف
في القريب العاجل بأذن الله
ونورت المدونه واسعدنى مرورك وتعليقك

المحرر الصحفي والشاعر : عمــاد الدين يوســـف يقول...

بجد فكرتيني بحجات مش نسيتها بس كنت بتناساها
تعرفو ايه اصعب حاجه في الدنيا
اصعب حاجه انك تكون وسط اسره سعيده يضرب بيها المثل في الاستقرار وبين ليله وضحاها كل حياتك الحلوه تكون ذكري مجبر تنساها . لا وكمان تتباع وتترمي للنسيان
متهيألي ديه اصعب حاجه في الدنيا
تحياتي وتقبلي دعوتي لزيارة مدونتي المتواضعه

nour shahen يقول...

المحرر الصحفي والشاعر : عمــاد الدين يوســـف

بعتزر لو الكلام اللي كتبته فكرك بذكرى كنت بتحاول تنساها

بتمنالك السعاده في حياتك ودايما تمتلىء حياتك بذكريات سعيده فقط

وفقك الله لما يحبه ويرضاه ونورت المدونه

رحاب صالح يقول...

اليتيم حقا من وجد اباه وامه في اليحاة ولكن لا يعرفان عنه شيء ...

Fatema Al3ubaydy يقول...

وجهة نظر جميلة جدا
فاليتم ليس فقط فقدان الأم والأب وإنما هناك أنواع أخرى من اليتم ربما تكون أكثر إيلاما من الأولى .. تحياتي يا نور على هذه الرؤية المبدعة للموضوع :)

Jojo Ayman يقول...

شركة تنظيف واجهات زجاج بالرياض
شركة مكافحة الخنافس بالرياض
شركة مكافحة السحالي بالرياض
شركة مكافحة الجنادب بالرياض
شركة مكافحة المن بالرياض
شركة مكافحة الديدان بالرياض
شركة مكافحة الباعوض بالرياض
شركة مكافحة الحيات بالرياض
شركة مكافحة اليراسيع بالرياض
شركة مكافحة الجراد بالرياض
شركة مكافحة العنكبوت بالرياض
شركة مكافحة الدبور بالرياض
شركة مكافحة السناجب بالرياض

Jojo Ayman يقول...

شركة مكافحة النمل الاسود بالرياض
شركة تنظيف مكاتب بالرياض
شركة تنظيف مطابخ بالرياض
شركة تنظيف بيارات بالرياض
شركة تنظيف بيارات شرق الرياض
شركة تنظيف بيارات شمال الرياض
شركة تنظيف بيارات غرب الرياض
شركة تنظيف بيارات جنوب الرياض
شركة شفط بيارات بالرياض
شركة شفط بيارات شرق الرياض
شركة شفط بيارات شمال الرياض

Jojo Ayman يقول...

شركة شفط بيارات غرب الرياض
شركة شفط بيارات جنوب الرياض
شركة تنظيف قصور بالرياض
شركة تنظيف قصور شرق الرياض
شركة تنظيف قصور شمال الرياض
شركة تنظيف قصور غرب الرياض