2008/06/06

يا بلادنا يا عظيمه فيكى حاجه محيرانى نزرع القمح في سنين تطلع الكوسا في ثوانى


تحيا الحكومه تحيا ونموت احنا وتحيا
وتعيش بلادنا حره في كل بيت وناحيه
ويزيد الدعم لينا وتعيش يا ريس يحيى
قصدت اقول مبارك أعزرنى لسه صاحيه
مبارك ليك ولينا والخير يعم علينا
في عهدك ما قسينا وفى خيرك بنحيا
سنه خضرا عليك يا ريس دا انت راجل كويس
على رأى الحج عادل ريسنا احلى ريس
شد الحزام تمام خلاه قد القوام
وأروح اقبض معاشى من كتر الفكر اهيس
طبعا كفى وفاض لفيت بيه البلاد
وأكلت احلى أكل ونمت احلم يا ريس

هناك 6 تعليقات:

غير معرف يقول...

بحبك بحبك بحبك بحبك بحبك بحبك بحبك

Maha Shahen يقول...

أحبك الذى أحببتنى فيه
وسعيده بالتعليق بس هكون اسعد لو اعرف مين كتبها وليه

فارس بلا جواد يقول...

أول زيارة لمدونتك .. بس بصراحة مش هتكون الأخيرة إن شاء الله ..
كنت محتار أعلق علي أنهي موضوع بس أخترت الموضوع ده عشان حسيت فعلا أنك أبدعتي فيه
بجد عندك موهبة شعرية جميلة .. واضح تأثرك بالشاعر الكبير أحمد فؤاد نجم
أنا كمان من أشد المعجبين بشعره
سعيد بالمرور بمدونتك .. وأنتظر جديدك

Maha Shahen يقول...

لا فارس الله يكرمك على المجاملات الكتيره قوى دى انا اعتقدت انك هتدور عليا تقتلنى بعد تعليقى اللي سبته هههههه
بس فعلا مش مجامله لو قارنا اللي كتباه دا بلى انت بتكتبه فمفيش اى وجه للمقارنه على الاطلاق انت متميز وطبعا يسعدنى أنك الوحيد اللي مخافش وعلق على البوست دا.. ويسعدنى مرورك مره اخرى واتمنالك دوام الصحه والعافيه والابداع في الشعر

غير معرف يقول...

ايه الجمال ده ياحبيبتى

Maha Shahen يقول...

ميرسى يا مرام ونورتى المدونه حبيبتى
وأتمنى اشوفك دايما