2008/06/29

كرسى الأعتراف في حوار صريح جدا جدا


بعد استأزانهم قررنا نذيع ... قعدة تهييس غير معتاده
قررت انا واصحابى نلعب لعبة جميله كلنا بنعرفها واحنا بنلعبها من وقت لأخر كل ما بيكون في نفوسنا شيء من بعض , مبنقصدش شر طبعا لا , بس مجرد رتوش بنخاف تسيب جرح في القلب وبنعترف بيها ما بين ضحكتنا وعتابنا لبعض بتدوب الرتوش اللى ذادت على الصوره الجميله وترجع الصوره لأبهى ما تكون لامعه مضيئه براقه بها من كل تعبيرات الجمال كل الحروف وكل المعانى
بدأت اعدل قواعد اللعبه وقولت هيكون لكل منا سؤالين , كنا تلات افراد( بوبا وشهرتها في وسط الحديث عبده المعقد, يويو وشهرتها حريقه.. اصلها عسوله بس المره دى كانت بتهدى النفوس بزياده ) , بحيث لو جه الدور على حد مش هو اللي يتسئل لا هو اللي يسئل الطرفين التانيين سؤالين وهكذا
وبدأت انا وفي وسط سيل من الضحك والتهريج جه الاحوار الاتى

نور : قوليلي بقي يا يويو دعينى اقتبس السؤال المعتاد
طبعا اكيد عرفاه بس مجوبتيش عليه قبل كدا وهو

يويو : متقوليش انتى حبيتى قبل كده ؟

سؤالى هو : ايه بيضايقك فيا او منى
( بصراحه كنت بسعى من اللعبه للوصول لحد بوبا وابطلها تعمل برب وتبقى قاعده قدام الكمبيوتر ومتعبرش )

يويو : انتى بترديلى اسئلة امبارح؟
نور : جاوبى يا قلبي

يويو : ممممممممممممم
بسم الله الرحمن الرحيم

بوبا : هههههههههههههههههه
( قضتها ضحك بس استنوا لما الاسئله توصل عندها .. هتشوفوا اللى بتضحك دى هتعمل ايه )

نور : يلا يا يويو هتقرى القرأن كله

يويو : بأختصار
أما بعد

بوبا : هههههههههههههههههههههههه

يويو : اللى بيضايقنى من الاخت نور
انها دايما ............
وساعات ببتبقى ............
واخيرا

نور : يا مصبرنى يا رب

يويو : ههههههههههههههه

نور : يعنى انا حياتى كلها نقط
كدا ينفع

بوبا : هههههههههههههههه

نور : طيب ركبيلى جلده
علشان ابطل انقط

يويو : يا حبيبتى
هو الأنسان ايه غير شوية نقط فوق الحروف

نور : اه يا انااااااااااااااااا
هتتكلمى جد ولا اسبكم وامشى

بوبا : هههههههههههههههههه

يويو : ههههههههههههههههه
لالا خلاص , اوكى
مقدرش على بعدك ثوانى

بوبا : يويو اتكلمى بجد عيب بقى
( اخيرا بطلت ضحك ونطقت كلمتين )

يويو : طيب اقول ايه

نور : انا مالى
يويو : انا مفيش حاجة فيكى مبتضايقنى

نور : شوفى بتتضايقى من ايه وقوليه
( يا رتنى ما بدات هتيجى علي راسى حالا )

يويو : غير انك بتتكسفى منى لما بتكلمينى فى التليفون
ولما قابلتك

نور : لا انا قولت قولى مش تحدفى طوب
هههههههههههههههه

يويو : بحس انك بتكلمينى غصب عنك ومستنية المكالمة تخلص بفارغ الصبر
مش عارفه

بوبا : هههههههههههههههه

يويو : علما انى اقصد تليفون البيت
الموبيل بتكلمينى فيه عادى

نور : لا عيب يا قلبي ازاي تقولى كدا
طيب وهل هناك فرق
الاتنين تليفونات
اكيد احساس مشوش دا اللي بتحسيه

بوبا : يمكن عشان الموبيل ملكية خاصة
و تليفون البيت ملكية عامة

يويو : انا قلت اللى بحسه وخلاص

نور : والتليفون بتاع البيت في ميدان عام يعني ولا ايه
ههههههههههههههههه

يويو : ويا بوبا مكانتش بتبص فى وشى يوم ما اتقابلنا
حسستنى ان فيه حاجة غلط؟

نور : خلاص بقى
( أصله موضوع قديم وكنا اتكلمنا فيه وربنا ستار حليم بقى هههههههه )

بوبا : مفكراكى عريس يمكن

نور : اتريقى يا ام سحلول انتي راخره بقى

يويو : دا لو عريس هتبص فى وشه

بوبا : ههههههههههههههههههههه
( شغلتها في الحياه بتضحك , زي اسماعيل يس شغلته علي المدفع برروم )

بوبا : لا هتقف جنبو وتفيس الطول
هههههههههههههههههه

يويو : هههههههههههههههه

نور: ماشى ماشى
أهو دا اخرة اللى يحكى لصحابه

وبدأو الاتنين يضحكوا بهستيريا لمدة دقايق بلا انقطاع , وبصراحه انا اتنرفزت قوى بقى

نور : يا سلام عجبتكم قوى
بتتسلوا عليا يعنى , أوكى

يويو : هفطس من الضحك مش قادره
أصلى متخيله الموقف
لو سمحت قوم اقف

بوبا : هههههههههههههههه

نور: لو سمحتى هو كان خارج أصلا

يويو : لا متنفعش
بطنى وجعتنى خلاص

بوبا : مسخره وربنا

نور : انكد بقى شوية
خلاص اسئل بوبا بقى بقى

بوبا : اسئلى يا اختى

نور : مش بتفكري في اصحابك ليه لما بتعملي برب مش يمكن يزلعوا منك ومن كتر زعلهم تخسريهم وانتى مش حاسه

بوبا : يابنتى لما بعمل برب اكيد مش بكون موجودة او مشغولة وبعدين سعات بكون مش قادرة اتكلم مع كل الجمهور الاون لاين فابتكلم مع حد او حدين والباقي يبقي المرة الجاية بقي يعنى اقطع نفسي

يويو : ايوه ايوه
وعامة بيبقوا المزز

نور : عذر اقبح من ذنب

بوبا : وبعدين السنة دة انا كونت بقعد اشتغل علي الثري دى مكس والاتو كاد وبفتح اميلي فمابشوفش الناس الي موجودة اية

يويو : البت مشهورة يا عينى
والناس هتموت وتكلمها مثلا
امشى امشى

بوبا : طبعا يا بنتى
دا الطبيعى بتاعى
وبعدين مفيش مزز
المزز عندك كلهم اكوام اكوام
خلينى ساكته

يويو : مكنتيش لقتينى معاكى
ههههههههههههههه

بوبا : ما انتى طفشتيهم

يويو : كان زمانى متجوزه ومعايا 2 نونو
طب الحمدلله
يعنى مفيش

نور : اوكى كملوا كملوا

بوبا : يويو انتى اخرك تجيبى اتنين كيمو كونو

يويو : والله احسن من اتنين لوليتا

نور: انا كدا هسقع منكم
يلا يا يويو معاكى سؤالين بقى

يويو : نور
انتى ايه اللى مبعجبكيش فى بوبا

نور : ايه التوريطه دى هههههههههه
حد يسئل كدا في الدنيا

بوبا : جاوبى يا اختى

نور : مهو مفيناش من زعل

بوبا : عكى عكى

نور : دا حوار صريح جدا جدا

يويو : عك عك ربك يفك

بوبا : صرحى صرحى
اخرتها اية هجيلك بيتك اتغدى معاكم وتمام التمام واشدك من شعرك وامشي

وبدأت اقول تانى موضوع برب ( brb ) في الياهو والهوتميل
وبدأت تتعصب وتزعل قوى .. اقرب تشبيه ليها زي الطفل الصغير لما يقف يخبط برجله في الارض ويقول لا

وبرغم ان الكلام دا انا قلتلها قبل كدا ولا مليون مره يعنى بقت حفظاه عن ظهر قلب الا انه زعلها
حتى انى سئلتها قالتلى برغم انى عرفاه زعلت ليه مش عارفه ( ان كانت هى مش عارفه هعرف انا ههههههه )
ومن زعلها بدأت اوضح ليها ان السؤال كان ايه اللي بيزعلنى منها وبس ودا مش معناه انى مش بحبها
ويويو تقولها انها لعبه وكلامنا صريح اه بس هزار يعنى متستاهلش تزعل قوى كدا
وبدأت تقول قد ايه بتحبنا وبتتكلم علينا ازاى في غيابنا ( بصراحه قلبها مفيش منه وفعلا بتحبنا بس عليها حركات اطفال تغيظ )
وبعد ما خلصت عتاب لينا قامت مسيحه انى بمعرفش اطبخ , وردت عليها يويو بكل فخر كلنا عارفين ان نور فاشله في الطبيخ , وانا فاشله في الطبيخ , وبوبا اعترضت انا مش فاشله ( شكلها نسيت الكنافه امو موز , اللي طعمها كان يععععع , بس يلا ربنا حليم ستار )
وجه الدور علي بوبا تقول ايه مضايقها منى

وسئلتها يويو وكالعاده جريت
وتفوت دقايق وبوبا مردتش , وعمالين ننادى فينك.. روحتى فين ..بتكتبى ايه , وقامت حدفالى الكلام كله مره واحده

بوبا : الي مدايقنى في نور انها بتفهمنى غلط معرفش لية مع انها سعات بتبقي فهمانى اكتر من نفسي ونفسي العبيطة دى تعرف انى بحبها موت بس طز فيها طبعا يااامى بس بجد نور كلها علي بعضها شخص مميز بالنسبالي جداا وحد بحب اخد رأية وبثق في كلامة بغض النظر انى كتير مكونتش بسمع كلامها هبل بعيد عنك بس برجع اندم بقي بس مش شايفة ان فيها عيوب بتضايقنى بس الي بيزعلنى سعات لما بتكون مضايقة ومقوقعا مع نفسها بخاف لتجن ولا حاجة ووقتها مبتسمعش كلامى ولا حتى بتففضفض ليا بسهولة عايزة ضرب الدزمة راسها صعيدى

وحاولت اعترض على الكلام لكن يويو قيدتها للأسف , وبدأت تعمل شغل عبدو حريقه وتقولها وبكده احنا منحكلهاش اللي مضايقنا احنا كمان

نور : مين قال انى مبفضفضش هنكدب بقى
بوبا : ايون انتى مش بيفبفضف
وللو فضفض
بيكون بطلوع الروح
بعد تحايل شهر ولا حاجة
واياك تنطقي بقي
( طبعا ملاحظين ان حتى نطقها للكلام زي الاطفال مكدبتش انا اهو هههههههه )

نور : قولت بضحك ... ايون لازم تعزمى بقلب

يويو : ايون مش بتفضفض
انسانه كتومه

نور : بس مش تسخنيها يا حريقه

بوبا : هسئل انا بقى نور
ايه اللي بيضايقك في يويو

نور : الحساسيه الزياده والرقه الشديده اللي هتخليها تنكسر قدام كتتير من المشاكل
بوبا : اه هى روهيفة كدة , تحسيها غوريبة وبتيفور

نور : وكنت بقولها مبتسامحيش بسرعه علي ما اعتقد لكنى مش متأكده من دى
بس اللي اكتشتفه امبارح بقى انها مش متفائله

بوبا : يا نهار ودا علاجه ايه
اقراص ولا شرب

نور: تاخد حبتين احلام من بتوعى ههههههه
( وفي وسط كلامنا وضحكى انا وبوبا كانت يويو اختفت خالص مالص , وقلنا كالعاده مصدومه من الكلام , اصل دى عادتها تسكت خالص لفتره لو قولنا شيء وصدمها ) ثم ظهرت وقالت

يويو : نو كومنت ( لا تعليق , مهى قعدة تهييس بقى عك )
وفجاءه ضحكت وقالت لبوبا يا بنتى
ده عندها بلكونه وانا شباكى فاتح علي المنور
( بوبا استغربت وبدأت تدينا في كلام عن فنون العماره والهندسه , انا فاهمه يويو بتقول ايه لأنه تشبيه قولناه امبارح عن التفائل والاحلام , بما انى احلامى كتتير وكنت متفائله قوى فقالتلى انتى على البلكونه وانا شباكى علي المنور )
وللأسف بالعافيه على ما سكتنا بوبا وبطلت كلام في الهندسه المعماريه , وقالت انا غلطانه انى عايزه افهمكم بس انتم اللي فتحتوا السيره . خليكم جهله .
نور : الجهل نعمه يا بنتى وكل واحد حلو في مجاله

وبدات بوبا تسئل اخر سؤال ليويو
ايه اللي بيضايقها منها وقالت نفس كلام نور بس مش بنفس الدرجه
وبدات تحدف طوب بقى
يويو : على الاقل البنوته ( بوبا ) لما بتتضايق بتيجي تحكيلى وتشكيلى مش زى واحده صحبتنا ( الكلام ليكى يا جاره وانا منفضه ههههههههه )
نور : طبعا الاختلاف في الأراء لا يفسد للود مشروعيه او قضية
وبصراحه بوبا فرحت فيا قوى وقعدت تضحك
وبما انهم كانوا مطبقين ومش نايمين بدأنا ننسى حروف واحنا بنكتب والكلام بقى غريب الشكل ( انا شخصيا كنت قاعده في الضلمه ومش شايفه الكيبورد )
وقعدوا الاتنين يغنوا اصلهم كانوا بيكلموا مزز ( شباب ) قبل ما ادخل وبما انى مهيسه ( لسه صاحيه من النوم ) فمكنتش مركزه بيقولوا ايه , وكل ما بوبا تحاول تقولى يويو تسكتها , وفجاءه قومت وسبتهم ودنى تعبتنى ( مش من رغيهم ههههههه دى لظروف صحيه عاديه جدا )
ولما روحت ورجعت قعدت يويو تقولى اعمل ايه في ودنى ( دكتوره شطوره ) والحجه بوبا تفتى ( اسئل مجرب ولا تسئلش طبيب )
وبعدين قولتلهم الحلقه دى اتسجلت لو تحبوا تتذاع قولولى ذيعى , في الاول بوبا اعترضت لكنها عرفانى كنت هعرضها برضوا ههههههههه , فقبلت برضاها احسن برضوا ولكنها طلبت حذف بعض المقاطع وقد قمت بحذف بعض الاجزاء ( اصلها كانت هتبقى فضايح قوى ) ودى فايدة كرسى الاعتراف يدوب الخلافات ونفضل حبايب واصحاب
وسلمنا على بعض وروحنا ننام كلنا وتصبحوا على خير جميعا


" كلامنا كله حتى لو كان صريح وصحيح فهو من القلب للحب مش للتجريح "

هناك 21 تعليقًا:

شهرزاد يقول...

أسجل مروري وراجعة راجعة
بوست طويل بحاجة إلى تركيز
بس قلت أحجز أول تعليق
هههههههههه

تحياتي للقمر

غير معرف يقول...

ياخسارة يانور النهارده بس عرفتك النهارده مسحتى كل حاجه عمرى ماوثقت فى حد ادك انا مليش حد اتكلم معاه لانى مابثقش فى حد اصلا كنت خايفه عليكى فاكراكى كنتى بتحبيها بجد وعموما الاطفال فيهم براءه يارتنى زيهم بجد اوعدك حراجع نفسى تانى الف مره ...ياخسارة قتلتينى اقسم بالله العظيم

فارس بلا جواد يقول...

نور
بجد كلامك جميل ودمك خفيف جدا .. واصحابك كمان عسل
مش دي برده تبقي لعبة الأزازة؟
حلو موضوع انكو تصارحو بعض بعيوبكم .. كنت باعمل كده مع اصحابي بس دايما تقلب بغم
ههههههههههههههههههه
وبعدين لو صاحبتك عملتلك (برب ) تاني ابقي اعمليلها (بيزي) .. هو انتي شوية يعني
هو صحيح البوست طويل ومتعب بس بجد كان ممتع ودمه خفيف
بالتوفيق دايما

ليكوريكا يقول...

ههههههههه


بوست جميل اوي

وانتو صحاب ربنا يخليكم لبعض

ربنا يسعدكم دايما يارب

نـــــور يقول...

نور ايه ياعم ده ...انابرضه اللى دمى خفيف امال انتى ايه؟ بجد عسل وحلوة خالص فكرة كرسى الاعتراف ده مع انى عمرى ماجربت اعمله ..وبعدين دى مهزلة -هعملك عبده حريقه اهه- ماتسكتيش على حقك بس اوعى تعملى زيها انتى خليكى اون لاين وماترديش عليها كده تتغاظ اكتر -معلش بقى اختك جواها غل كتيير-
عسوله يانور وعقد المهندسين مش غريبه .
دمت بخير

شهرزاد يقول...

نور الجميلة
أنا رجعت بس متاخرة شوية..
كلماتك تقطر عسلا ورقة وطيبة وجمال..
خفة دمك تطغى على البوست..
وكرسي الاعتراف جميل بس الاعتراف أحيانا يحدث بعض الشروخ في العلاقة.. لكن ما دامت الصداقة متينة وصادقة فلا أظن انها ستترك أثرا..
الصداقة هي من أجمل العلاقات الإنسانية فعلا.. دمتي صديقتي وغالية على قلبي..

تحياتي لقلمك الجميل

غير معرف يقول...

احم احم اية ياجماعة انتو بتسخنو نور عليا ولا اية هههههههه وبعدين انا اعمل برب ماشي بس نور متقدرش تعملي بيزى ابداا لانها بنت محترمة واحسن منى في الحاجات دى الصراحة هههههههههه فارس بلا جواد وحبيبية بيولعها واوعى تسمعى كلامهم يانور هههههههه نور حببتى انا بحبك اوى وبحب يويو اوى ومبسوطة اوى ان احنا الثلاثة اخوات واصحاب ويارب نفضل كدة ديما وبجد مبسوطة اوى بالبوست دة بغض النظر انو اتسيحلي جامد ههههههههه والناس هتعرف حكاية البرب كدة تؤتؤ هههههههه ربنا يخليكى ليا ياقلبي ويجعل ايامك كلها سعادة .....::.من اختك مهندسة المستقبل بوبااااااا

Unknown يقول...

السلام عليكم ورحمة الله وبركاته
نور**
حلوة قعدة التصالح والتصارح دى
لكن مش اى اصحاب ممكن يعملوها
لازم اصحاب بجد
وفاهمين بعض بجد
وقلبهم على بعض بجد
والا القعدة ممكن تقلب
وتنتهى بنهاية غير سعيدة.
وهذا مالا نريده طبعآ
تشكراتى
وربنا يديم الحب والصداقة بينك وبين اصحابك.
norahaty.

yoyo يقول...

صباحك سكر يا نوراة قلبى هو مش جديد عليك خفة الدم دى يا شربات مكرر وبعدين أنت موضوع البرب دا معروف عندنا بقى وانتى عارفة ههههههههههههه يبقى صباحه عط يا كبير ومش نظلم حد بقى أنت عارفة ربنا مش بيحب الظلم بقى هههههههههه مع تمنيياتى بالمزيد يا قمر

*الطالبة عفو الله *زوزو يقول...

القعدة دي عملتوها امتى و كدة من غيري يا خونة اه منكم و متقولوليش يلا عديها المهم كانت جميلة اوي و يا رتني كنت معاكم يا ترى كنتو حتقولو عليا ايه المهم انا بحبكم كلكم و غليين عليا اوي
نور جوتاموووووووووو

Maha Shahen يقول...

شهرذاد الجميله
طيب اكمل تعليقى في مكان تاني بقى علي ما تروحى وترجعى
هههههههههههههه
هكتبلك رد للتعليق في اللفه الجايه
عسوله يا شهرذاد دايما

Maha Shahen يقول...

غير معروف
مش فاهمه اصلا الكلام علي ايه علشان اكتب تعليق علي الكلام
بعدين انا قولت لصحابى اللي عايز يحكى عن شيء يتكلم عادي بس يقول هو مين ولا يقول بيتكلم عن ايه بالنحديد علشان افهم وارد
مش مخبيه شيء انا ولا عندي سر شويبس
يلا احنا في حوار صريح جدا جدا
اللي عايز يقول شيء يقول وانا هرد عليه والجماهير تشهد عليا
وعامة اللي اتكسر يتلزق من جديد هههههههههههه

Maha Shahen يقول...

فارس بلا جواد
بدعيلك تلاقي الجواد اللي عمالين ندور عليه كلنا دا,, علشان تبقى فارس فوق الجواد
ميرسى علي الكلام الجميل
ووالله انا معرفش احنا سمناها كرسى الاعتراف وكل شوية نغير في القواعد
وربنا يبعد عنا الغم يا رب , بس عارف لو اتغلف كلامكم بالضحك والتهريج الحقيقه مش هتألم قوى وقتها وبعدين دا بيعتمد علي الصداقه القويه فعلا
وللاسف مقدرش اعمل مشغول الا لو مشغوله فعلا بس احيانا بتكون تمويه علشان الحكومه ههههههههه واصحابى فاهمين
نورت بتعليقك ومعلش علي التعب وقراية البوست كامل

Maha Shahen يقول...

ليكوريكا
نورت المدونه بقدومك وتعليقك وضحكتك ربنا يديم عليك السعاده يا رب

Maha Shahen يقول...

حبيبه
الحبوبه العسوله
انتى اللي سكره يا حبيبه يا قمر
انتي بس جربى تعلبيها مع اصحابك ولو لقتيها هتقلب غم قفلى اللعبه وريحى نفسك ههههههههههه
وبعدين حتي لو عامله مشغول مقدرش حد يكتبلى ومردش عليه
نورتى بمرورك وتعليقك يا قمرتى
وفي مهندسين تمام مش معقدين بس فين هما ههههههههههههههه

Maha Shahen يقول...

شهرذاد الغاليه
نورتى يا قلبي للمره التانيه وحمدالله علي سلامتك وربنا يصبرك واسفه علي طول البوست بس اعمل ايه بقي
نردهالك في الافراح يا رب يا قلبي
الصداقه علاقه جميله جدا ولما تكون قويه ولا شيء يأثر فيها الا ما شاء الله
ربنا يباركلكم في اصحابكم يا رب
دايما بيسعدنى مرورك وتعليقك يا ارق زهور الربيع

Maha Shahen يقول...

princess_of_alex
اجمل واعز بنات اسكندريه وحياتى اللمضه
يا قلبي مينفعش حد يوقع بنا ابدا بغض النظر عن النداله اللي بتحصل ساعات بس عامة الندالة واجب بين الاصدقاء ههههههههه كما نقول
وانا كمان سعيده جدا والله بصداقتنا واتمنى تدوم للأبد بنفس المحبه والوفاء
ربنا يباركلكى فيكم يا رب
ويوفقك يا مهندسة المستقبل
نورتى بتعليقك يا قلبى واذهلنى مرورك بعد التسييح دا ههههههههه بس احنا اخوات برضوا واصحاب

Maha Shahen يقول...

norahaty
وعليكم السلام ورحمة الله وبركاته
اكيد متقدريش تصارحى غير صديق فعلا علشان ميحصلش اي شروخ بينكم لازم الصراحه تدوم بنكم والا متبقوش اصحاب فعلا وعامة لو مش صديق قوي وبجد يبقى كل كلامنا مش ليه اي لزوم لأن المعرفه مهما طالت بتنتهى مع الوقت لكن الصداقه هي اللي بتدوم
علشان منخسرش صديق لازم نوضح ليه امتى بنحس بيه بيبعد عنا علشان لو في غلط عند حد فينا نقومه ونبقي اصحاب دايما ويفضل بنا الحب والاخوه متتغيرش وبنفس الدرجه في المحبه والوفاء
نورتى واسعدنى تعليقك
واتمنالك تلاقي احسن الاصدقاء وتدوم بينكم المحبه في الله يا رب

Maha Shahen يقول...

yoyo
اهلا اهلا
ايوه كدا يا قمرتى نورتى المدونه والمدونين ومبروك علي المدونه الجديده والجميله
صباحك سكر يا قلبي وجننتونى بالبرب دا وشكلى هسمع كلام فارس وحبيبه وابدا نداله بنداله بقى ههههههههههه
ربنا يتوب عليكم من العط يا بنتى وتبقوا زيي من البيت للمدونه ومن المدونه للبيت هههههههههههههه
نورتى المدونه يا قلبي ومبروك علي المدونه بتاعتك وشيلى الصوره خليكى جدعه بقى اسمعى الكلام

Maha Shahen يقول...

الطالبه عفو الله
زوزو المسكره حمدالله علي السلامه يا قلبي
والله يا قلبي القعده كانت نقصاكى بس نعملك ايه ما انتى في كل بلد شوية . يلا ادى اسبانيا نورت بيكى وحمدالله علي سلامتك للمره التانيه ومبروك علي المدونه وشكلكم كلكم داخلين علي منافسه بس عادى نرحب بكل المتسابقين
احنا كمان كلنا بنحبك مووووووت
دايما منوره حياتى يا قمرتى
وجوتااااامووووو

جريدة الريماس للأخبار الحصرية يقول...

شركة تسليك مجارى بخميس مشيط
شركة تنظيف خزانات بخميس مشيط

شركة مكافحة النمل الابيض بجازان
شركة رش مبيدات بجازان
شركة مكافحة حشرات بجازان
شركة تنظيف خزانات بجازان
شركة مكافحة حشرات بابها
شركة مكافحة حشرات بخميس مشيط
شركة رش مبيدات بجازان
شركة مكافحة حشرات بجازان