2008/06/06

نهارك رصاصى


نهارك رصاصى يا واجعلى راسي خانقنى وتعبنى بكتر الكلام
بترغى وتشكى ما حالك بيحكى وليا عيونى وارحم حرام
وقولت وعدت وفعلا زهقت وفكرت اسرح لطنش وانام
واقول دلوقتى يسكت وانصح وارشد تقولى فهمت ومره كمان
وترجع تعيد دماغك حديد وهبقى هعيط وانت مركز واخر تمام
اقول بس ايه وبتعدلى ليه يا صاحبى فهمت كفايا حرام
ونفسى اقولك دا كتر كلامك هيرجع يزلك وخليك عزيز قليل الكلام
يارب اكون قدرت افهم كلامى لصحبى وميكونش طنش ورايح ينام
( احكى لحد يهمه يسمعلك . وكتر الشكوى بتخلى اللي حوالينا يزهقوا

منا فعلا, يمكن بتخفف عن اللي جوانا . لكن الشكوى لغير الله مزله )

هناك 4 تعليقات:

شهرزاد يقول...

نور
نورتي الدنيا كلها
سعيدة جدا بزيارتك عندي
وسعيدة ايضا لاني اول تعليق عندك
مدونة جميلة ما شاء الله
وفيها ذكر الله

وتحدثتي عن موضوع جميل في البوست
كلام جميل وصائب
فكتر الشكوى تجعل من هم قريبين منا
ينفرون منا ويضيقون بكثرة شكوانا
ليس معنى ذلك ان لا نشكو من الحزن والألم
ولكن بشكل متوازن وتكون على شكل فضفضة مش أكتر.. ونشكو عندما يكون الموضوع يستحق الشكوى
وهاديكي مثال عندي صديقة جميلة جدا
وبحبها قلبها طيب
بس مشكلتها انها كثيرة الشكوى
أي مشكلة صغيرة كانت ام كبيرة
تلاقيها تمسك التلفون وتفضل تحكي وتشكى
وانا لماذا حظي سيء
لماذا كل الدنيا مقفلة بوجهي
وعلى هذا الحال
بصراحة انا تعبت من شكواها
مع اني بحبها
وتقولي أنتي لماذا لا تحكين عن نفسك
كما احكي انا؟

وفعلا الشكوى لغير الله مذلة

تقبلي تحياتي

Maha Shahen يقول...

شهرزاد حبيبتى انتى اللى نورتى المدونه والدنيا كلها
ويسعدنى دايما يكون اول تعليق ليكى
يمكن الاصحاب بتكثر من الشكوى لأن ساعات في مشاكل ملهاش حل
يمكن بيصبروا نفسهم بالكلام عن المشكله بس اوقات تانيه بتكون المشكله ليها حل لكنهم مش قادرين ياخدوا الخطوه دى وهنا بيجى الملل من كتر الشكوى لأنه بيفضلوا بس الكلام عن الفعل والتغيير
ربنا يعينك علي صحبتك ودايما منورانى يا رب

غير معرف يقول...

بحبك بحبك بحبك بحبك بحبك بحبك بحبك بحبك لى النهايه

Maha Shahen يقول...

أحبك الذى أحببتنى فيه يا رب
وبكرر امنيتى لو اعرف مين كتبها وليه
برغم ان الحب في الله جميل الا لو كان شيء تانى فأكيد مش هقبله لأن دا مكنش غرضى من المدونه