2011/04/20

تحت التراب


بتتألم ليه يا قلبي

اعتبره حد مات

أخفى الاحزان ودمعك

وادفنها بالسكات

امبارح كان معانا

والنهارده اديه نسيك

انسى الأحزان ودمعك

اوعى يبان فى عنيك

حاسس ألمك وحزنك

بس هنعمل إيه ما راح

أفتح بابك للحياه

مش هتقتلنا الجراح

هو الخسران يا قلبي

خسر حد حبه كتير

اوعى تزعل يوم عليه

والله حد مفهش خير

واهو راح بخير وشره

لا هيضرك ولا تضره

زى ميت راح بسره

واندفن تحت التراب

هناك 13 تعليقًا:

غير معرف يقول...

السلام عليكم ورحمه الله وبركاته
كلفنى الاستاذ بيرم المصرى بارسال هذه التحيه لجميع الاصدقاء وذلك لتعذر قيامه بها بشخصه
(اجمل التهانى واطيب الامانى للجميع بمناسبه عيد القيامه المجيد وشم النسيم)

ورد الغصون...

نيابه عن بيرم المصرىبمدونه كرباج سودانى

غير معرف يقول...

ازيك يا نور عاملة اية يارب تكوني بخير دايما وبصحة وسعادة بوست جميل جدا طبعا بس ياترا الكلام دة بتهدية لمين هههههه ؟ سؤال يطرح ذات نفسة يارب تكوني عارفاني وعموما حغششك انا هبة هههههه معلش الفترة دية كنت بعيدة شوية بس لما تفتحي لما اشوفك حقولك علطول لية بس مش حعدي البوست دة بالساهل دة تاني بوست حزين تعملية ؟ هاة في اية وخصوصا الفترة دية بالذات ههههههههه ؟

غير معرف يقول...

ازيك يا صاحب المدونة (استاذة نور) انا حقيقي اول مرة اسيب كومنت بس انا متابع حضرتك من 2008 تحديدا من ساعت محضرتك عملتي المدونة من اول بوست لحضرتك كان في شهر 5 انا اسف اني مردتش طول السنين دي كلها بس هههههههه مش عارف لية مردتش بجد ومستغرب اكتر من نفسي اني برد دلوقت علي دة عموما انا حبيت بس اقول لحضرتك ياريت متحرمناش من مواضيع لاني من اكثر المعجبين بكتاباتك ومواضيعك اتمني لكي الاستمرار دائما واغفري لي طول هذة السنين !  

nour shahen يقول...

غير معروف 1 :
.............
وعليكم السلام ورحمة الله وبركاته
جزيل شكرى للاستاذ بيرم المصرى لأعتبارى من اصدقاءه وخالص شكرى وتقديرى لمجهودك ووصولك لحد مدونتى وحللتى اهلا وسهلا
ونورتى المدونه

nour shahen يقول...

هبه أحمد :
...........
انا بخير والحمدلله فى احسن حال ولا ينقصنى غير رؤياكى , اخبارك ايه وعامله ايه ملناش ايميل يلمنا سايبه التعليق هنا هههههههه
لا عديه وامسكى فلى بعديه وبلاش شر يا بوبا البوست ملهوش اى سر دا مجرد كلام فى كلام , وعيب تعرفينى كل دا وتبقى مش عارفه انى مبعرفش اكتب الا عن النكد يا بنتى تخصصى , وانتى سألتى وجاوبتى علي نفسك ازاى ابقى زعلانه فى الفتره دى بالذات ؟!!

nour shahen يقول...

غير معروف 3:
............
الله يسلمك يا صاحب التعليق العجيب مش الغريب لا
دايما مدونتى العزيزه بتحمل ليا مفجاءت مذهله
يشرفنى انك متابعنى من 2008 من شهر 5 زى ما قولت انا شخصيا لا اذكر بدأت شهر ايه تحديدا هههههههه الا لو راجعت الارشيف
ويشرفنى اكتر انك اخيرا ابديت رأيك فلى بكتبه ويسعدنى ان كان عجبك وان شاء الله ربنا يرزقنى بأفكار جديده اقدمها او حاجه مفيده او حتى حاجه كويسه تعجب حد فى يوم من الايام
خالص تقديرى وامتنانى لزيارتك ومرورك الكريم
ملحوظه /
........ كتبت التعليق للمذكر لأن صاحب التعليق كتب انا متابع حضرتك .. علشان محدش يرجع يقول بتفهمى غلط .. متاخدش فى بالك دا اعلان عام مش خاص

*الطالبة عفو الله *زوزو يقول...

يعني انا اعمل ايه انا بجد عموتك لما حشوفك يعني جاية عندي و عملالي درس طويل عريض في التفاؤل و الحياة حلوة و مش عارفة ايه عشان اجي عندك القى بوست حزين ايه الخيبة دي
يعني انا مكنتش زعلانة و لا مضايقة بس الي هي على الحافة يعني اي حاجة تلقيها اثرت فيا
الله المستعااااااااان
اعمل فيك ايييييييه
انا عايزة اكلمك دلوقتي حاااااااالا
قوليلي اعمل ايه
وحشااااااااني

غير معرف يقول...

السلام عليكم

نعم يا ابه نور ايه الكلام الجامد ده هو انتى تقوليلى حاجه وتكتبى حاجه للاسف انتى كتبتى كل الى عايزه تعرفيه من غير مقوله شفتى بقا التواصل بينا وصل لايه
ربنا يسعد اوقاتك كلها ويفرح قلبى بيكى ياروح قلبى
ملحوظه
مش عارفه ادخل عى مدونتى حلم وانتى لازم نعرفينى يا ستى الكل

وفاء بركات يقول...

ايه ده بقي بقه بقه ده
حزن ودموع وجراح طبعا هو الخسران
وميستلهش دمعة من عينيك ياجميل
إديني عنوانه وانا أديله واحده كسر رقبة تجيبو لمس أكتاف
بص بقي ياعم الحلويين أمي الله يرحمها
كانت تقول
من حبنا حبناه وصار متعنا متاعه ومن كرهنا كرهناه حرم علينا إجتماعه
ربنا يروق بالك ويفرح قلبك

nour shahen يقول...

الطالبه عفو الله . زوزو :
.....................
ايه يا عيونى بس زعلانه من اللي كتبته ليه مهو دا قمة التفاءل اهو إنك تدفنى كل شىءحزين وتفتحى صفحه جديده
بعدين انتى بكاشه مين فينا اللي مشغول دايما
كمان لما تحبى تقرى ليا حضرى فيلم كوميدى بعدها هههههههه
هقولك ايه طيب
انتى كمان وحشانى ومش لقياكى

nour shahen يقول...

دودو:
.....
انا غيرت ايه فى كلامى بس قوليلى
بعدين انا الفضول واخدنى بقى اعرف مين السبب مش إيه السبب تفرق كتير
يا عيونى ربنا يخليكى ليا واشوفك دايما سعيده ومبسوطه ومفيش حاجه مضيقاكى ابدا ربنا يرضى عنك ويرضيكى
ومتخليش اى كلام سلبى يأثر فيكى
وهقولهالك تانى برغم ان زوزو هتضربنى بس ولو تفاءل يا أخى ههههههه

nour shahen يقول...

وفاء بركات:
...........
والله يا فوفا اولا انك نورتى المدونه وثانيا عجبنى جدا الحكمه بتاعت اخر عدد ليكى والاهم انى اخدتها عنوان لمعرفة الناس
وعجبنى كمان الحكمه اللي سبتهالى وبتفكرنى بحكمه جميله معرفش مين قالها بتقول اقسى علي حبيبك وارميه فى بلاعه يطلعلك مستحمى وفى بوقة نعناعه ههههههههههههه
اللي بيحب حد بيتحمل منه اى شىء واللي ميحبناش منحبوش واحنا الكسبانين

غير معرف يقول...

السلام عليكم
بصراحة كلام معقول ..ليه احنابنتالم والجرح يفضل علي قلبنا.. كلنا دايما مهما كنت الحياةبنفتح صفحه جديد وكلام رائع وجزيل الشكر