2011/03/25

أقرب تبعدى


اقرب تبعدى وابعد بتقربى
طب عايزه منى ايه ليه منى بتهربى
واداوى جراحى وامشى وتعودى تفتحيها
طب اعمل ايه يا قلبي وازاى بهون عليها
واقرب تبعدى وابعد وتقربى
واقول خلاص نسيتنا الاقيكي تستغربى
وتقولي كلام لقلبى من شوقه اشفق عليه
واسيبه يفضل جنبك وفي لحظه تهجريه
واقول كنت فى حلم لازم اصحى من الخيال
والاقيكي في الحقيقه بتحنى ودا محال
نتواعد ع. السفر يجي وقت المعاد
واجى ارحل وتبكى تبقي رافضه البعاد
طب قولى انت يا قلبي عقلى خلاص احتار
بتحبك ولا نسيت متسبنيش في انهيار
واقرب تبعدى وابعد بتقربى
شريانى ولا بيعه ولا بتجربى
واقرب تبعدى وابعد بتقربى
شريانى ولا بيعه ولا انتى بتلعبى

هناك 21 تعليقًا:

الملاك يقول...

السلام عليكم ورحمة الله وبركاته
ازيك يا نور يارب تكونى بخير حال
وحشانى جدا والله يا نور
إفتقدك وأفتقد مدونتك والحديث معك كثير
ويعلم الله وحده كم اعتز بك

جميل قوى قوى قوى موضوعك ده ومسنى جامد جدا لذلك سيكون لى عودة للتعليق عليه بإذن الله
والان ساكتفى بأن أقول لك وحشانى جدا جدا وأتمنى أن تقباينى لديك مرة أخرى

أتركك فى رعاية الله وحفظه

*الطالبة عفو الله *زوزو يقول...

انا فاكرة الكلام دة كويس اوي يا نور
بس مش عارفة ايه لي فكرك بيه دلوقتي
نور انتي وحشاااني اوي ومن فترة و انا بستناك تدخلي و نتكلم و ندردش بس مش عارفة مواعيد دخولنا مبتظبطش و لا انتي مش بتدخلي
وحشاااااااااني
بحبببببببببببك

nour shahen يقول...

الملاك:
.....
وعليكم السلام ورحمة الله وبركاته
الله يسلمك ازيك انتى يا قمرتى انا بخير والحمدلله فى احسن حال
انا كمان مفتقداكى جدا فينك يا بنتى , اخاف اقولك مش بتظهرى الا وقت الشده تفهمينى غلط يعنى اخر بوست كان من ازمة الكوره مع الجزائر ثم ازمة مصر كلها فينك يا بنت الحلال , بتختفى كتير ليه , اتمنى يكون خير
اسعدنى اكيد مرورك وهيسعدنى اكيد دايما مرورك ولو للسلام
فى امان الله ورعايته يا ملاكى

nour shahen يقول...

الطالبه عفو الله :
................
مهو الواحد لما بيضيق بيه بيقلب فى دفاترة القديمه على كلمه على غنوه على اى ذكرى تفكره بلى كان يمكن تسعده ويمكن لا بس كويس من وقت للتانى نقلب فى اوراقنا القديمه وننشر شىء منها
انتى كمان وحشانى يا بنتى بس انتى عارفه حالة طوارىء جيم بتاعت كل سنه , شهر بحاله هعتزل فيه الكون كله واسعد شهر فى السنه كلها , وانا فعلا بدخل بالعافيه والله يا قلبي مفيش وقت بس اكيد هشوفك قريب ونتكلم ونرغى واحلى جوتامو يا زوزو

WhItE HeArT يقول...

جاااامده بجد

amazing

تحياتي

نور الدين يقول...

نور ازيك
ممممممم شوفى سموك انا جاى انهاردة فى مصلحة خاصة
بوصفك كاتبة قصة قصيرة فانا ليا عمل روائى بجمع الأراء حوله قبل النشر
ويهمنى استفيد بنظرتك وتقييمك للعمل دة لانه اهم ماكتبت فى حياتى
إذا كان عندك وقت يسمح بدة سبيلى فى مدونتى الوسيلة اللى اقدر ابعتلك بيها الرواية
لو وقتك مايسمحش او اى شيء هكون متفهم
ولو سمح هكون شاكر واكيد هستفيد
شريطة ان يكون تقييمك للعمل مكتوب عشان احدد نقاط الضعف والقوة
...
وانت أخبارك ايه يا افندم
معلش بقى لازم نستفيد من الاخوة الاعزاء
..
تحياتى نور
نورالدين محمود

nour shahen يقول...

whItE HeArT :
.............
الحمدلله انها عجبتك ومتشكره جدا لمرورك وتعليقك .. شرفت مدونتى

nour shahen يقول...

نور الدين :
............
الله يسلمك يا نور يا رب تكون بخير وصحه وعافيه
حاسه فى كلامك بنبرة تريقه كدا بس ولو هقراها ان شاء الله واطلع فيها القطط الفاطسه هههههههههه اقصد انى هنتبه جدا للنقد واكتب صفحات مش تقلق وبعدين انت قلقان ازاى بس انت بتكتب بطريقه روعه ما شاء الله عليك , ثم يكون ليا عظيم الشرف انى اكون من الناس القليله اللي هتحدد علي ضوء رأيهم هتنشرها ولا هتنشرها مهو مفيش حل تانى
ومتشكره لثقتك يا اطيب أخ
وعلى الصعيد العام انا بخير يا فندم ولله ألف حمد وشكر

نور الدين يقول...

نور بشكرك ويارب يكرمك
لكن والله مفيش اى تريقة بعتذر لو القلم خانى فى تعبير خلاكى تفهمى كدة
انا فعلا اخترت اصلا والله اقل من خمس افراد بثق فى امانتهم اولا وقدراتهم الادبية ثانيا كنت انت على رأسهم
يبقى ازاى اتريق
بعتذر حتى لو دة حصل بالخطأ
اتمنى تكونى بكل الخير اختى الكريمة

نور الدين يقول...

اعتقد ان الباخرة وصلت إلى مرفأ كيليوبترا
فتفقدى المرفأ للتأكد من سلامة الوصول
....
على جنب: حمداً لله على سلامة اخيك

مركز قياس الرأي العام يقول...

http://www.facebook.com/alr2yal3am

نور الدين يقول...

ازاى يانور..؟؟
انا بعتهالك على الاتنين وجالى تقرير وصول ...يبقى ازاى موصلتش
من فضلك تأكدى لأن لو اتبعتت غلط دة شيء هيزعجنى جدا .. الله المستعان

نور الدين يقول...
أزال المؤلف هذا التعليق.
elsha3er يقول...

ندعوكم للمشاركة معنا فى جروب للمدونين على الفيس
http://www.facebook.com/home.php?sk=group_150308615029590#!/home.php?sk=group_150308615029590&ap=1

ميدان التحرير اليوم يقول...

أول مرة أزور مدونتك القيمة .. تهنئتي لك على المجهود المبذول والرائع..
ميدان التحرير الان
اخبار مصر
ثورة 25 يناير

وفاء بركات يقول...

إزبك ياقمر
وحشاني شقوتك وتعليقاتك
فجأتني هبة الله بنتي بصفحة الفيس بوك
انا آخر حاجة اعرفها الكيس بوك اللي بحطه في شنطتي لكن هي بقه قالت لازم تتعاملي والله المستعان.
وبعدين آيه الكلام الجامد ده المحير بالجامد أحلي حاجة النقط ع الحروف نختار برونرسي عليه إحنا مش فاضيين
للدلع المرئ ده ..
نقرب وتبعد ونهجر وتبكي ياختي بلاهم
انا عايزه أطمن عليك في بيت العدل أنتي وبناتي وكل البنويت صحباتي
ربنا يرزقكم بالعدل الصالح اللي يتقي ربنا فيكم اللهم أمين

أفوتك بصحة وعافية

(green eyes) يقول...

اكيد هي لسه مش عارفه تاخد قرار
عادي بتحصلنا كتير
:D

nour shahen يقول...

نور الدين :
...........
اخى الكريم اللي دوخته علي ما عرفت هى فين وقرتها وقدمت رأيى فيها اللي متأكده انه دون المستوى ودا مش تواضع لكنها الحقيقه .. بتمنالك التوفيق يا رب ودايما متفوق بأبداعك المستمر
وان شاء الله نشوفها منشوره عن قريب ونفتخر بأننا عرفنا الأديب العظيم فى بداياته

nour shahen يقول...

ميدان التحرير اليوم :
.....................
نورت المدونه واتمنى يكون نال استحسانك ما قرأت فى مدونتى الصغيره

nour shahen يقول...

وفاء بركات:
...........
حمدالله علي السلامه يا فوفا ولو انها متأخره شوية
ايون يا فوفا لازم تسمعى كلامها عايزينك تبقى عالميه وتفهمى فى كل شىء يا رب اصحى الصبح الاقيهم بيتكلمو عنك فى التليفزيون عن ابداعاتك طبعا مش حاجه تانيه هههههههههه
ايون علي رأيك دلع اخر الزمن دا هنفضل نتبهدل قرب وبعاد لازم نقطع عرق ونسيح دم مهى خناقه بقى ههههههههه
ربنا يكرمك يا فوفا يا رب ويديم عليكى الصحه والعافيه والستر يا حبيبتى وميحرمنا من طلتك اللي بتسعد قلبى والله
بس لسه مصممه انى شوفتك قبل كدا بس لسه مش فاكره فين ههههههههههه

nour shahen يقول...

green eyes:
...........
صعب ان الانسان يكون مطلوب منه الحسم ويكون دا نفس الوقت اللي صعب فيه اى اختيار
اكيد لازم نحتار لأنه صعب الاختيار