2008/12/16

قرار تقسيم الأنترنت


أعلنت العقول الجباره لمدمنى الانترنت بالذات اللى معندهمش غير كمبيوتر واحد
او اللى الكمبيوتر التانى خرب فمضطرين لأستخدام كمبيوتر واحد أنهم لابد وان يقوموا بتقسيم الأوقات
مما أدى الى نشوب خلافات عميقه بين الاخوات وبين الأمهات والأباء والكل كليله
فأعلنوا تقسيم الانترنت لفترات تتراوح بين ساعات و أيام علي حسب المخطط المجنون
وأصبح الكل سريعوا الحركه في تأدية كافة الاعمال الوظيفيه والمنزليه , للتفرغ بالوقت المتبقى لعدد الساعات

التى تقررت لجلوسهم علي الانترنت او للالعاب
وأدى هذا الانشغال الى أهمال الصحه العامه للفرد والأسره ,
هذا وبخلاف الأحقاد عندما ينقطع التيار الكهربائى عن المنزل
اوالنكد عندما يضطرون أسفين للذهاب الى الرحلات بخارج المنزل ولمدة أقصاها أسبوع ( زى المصيف )
ولتلاشى بعض الكوارث التى تنتج عن الأبتعاد عن الكمبيوتر , أخترعوا طبعا اللابتوب ( علشان ميبقاش لحد حجه )

مما أدى الى تداعى الأمور أكثر حتى وصل الأمر ببعض الأسر الى اللجوء للطلاق أحيانا والعلاج النفسى أحيانا أخرى

والأن اجتاز الأختبار لتعرف ان كنت من مدمنين الانترنت ام لا ( من الأخر علشان تلحق نفسك )

الاختبار يتكون من 10 أسئلة ، و الإجابة عنها إما ب (نعم) أو (لا) ، كالتالي :


1- حينما تكون خارج النت ، هل تشعر برغبة شديده لدخول الإنترنت ؟؟
( ) نعم ( ) لا
2- هل يتملكك شعور بالنشاط و النشوه حينما تبحر فى الإنترنت ؟؟
( ) نعم ( ) لا
3-تشعر بالآلام أسفل الظهر و في مفاصل أصابع اليدين ، أو بإجهاد فى النظر بعد تركك لجهاز الحاسوب أو أثناء جلوسك عليه؟؟
( ) نعم ( ) لا
4-إذا انتهى اشتراكك في الإنترنت ، هل تشعر بالضيق و العصبية لذلك وهل مستعد للاستدانة وقتها لإعادة النت؟؟
( ) نعم ( ) لا

5-هل تفكر بما جرى معك داخل الإنترنت من أحداث أو حوارات أو دردشات على الرغم من أنك تجلس خارجها ؟؟
( ) نعم ( )لا

6-هل يحدث منك إهمال لألتزامات أخرى كواجبات الدراسة أو العمل أو حدث تضرر لعلاقتك بمحيطك
كأفراد أسرتك أو أصدقائك بسبب النت؟؟
( ) نعم ( ) لا

7-هل تشعر بالميل للعزله و الابتعاد عن مخالطة اللآخرين؟؟
( ) نعم ( ) لا

8-هل تشعر بنوع من الاكتئاب بسبب منعك من الجلوس على الإنترنت؟؟
( ) نعم ( ) لا

9-هل تشعر بأنك تعيش أحلام اليقظه ، وبأنك غير واقعى فى بعض تفكيرك؟؟
( ) نعم ( ) لا

10-هل تأكل بشكل غير منتظم بسبب الإنترنت ، أو وجدت نفسك يوماً تأكل أمام الكيبورد؟؟
( ) نعم ( ) لا

وبعد أن تجيب عن هذه الأسئلة ، اجمع مجموع الإجابات بنعم ، و اضربهم بعشرة ، لتظهر لديك النسبة المئوية
لإدمانك على الإنترنت .
وبلغنى بيها ولنلحقك لمنلحئكش هههههههههههه ... وهتعلق يعنى هتقولنا النسبه لا مفر
واى شىء تانى تحب تضيفه ... وشكراً .

هناك 44 تعليقًا:

nour shahen يقول...

احم احم
لعدم الاحراج يعنى اعملوا زيى بالظبط هههههههههههه
عادى يعنى بكل حيويه انا بقول ان نسبتى طلعت 50% يعنى على باب الخطر
يلا كل واحد يقولى بقى نسبته كام
سهله اهى مفيهاش اى احراج
بس زمان كانت اكبر من كدا بكتير بس الحمدلله اتعالجت وخفيت وربنا يوفقنا لحد ما نشفى خالص من أدمان الانترنت

الرومـيصاء يقول...

لولولولللليييييييييييييييى


اول تعليق

وحشانى يابنت
كتير والله


احم احم
انا بالنسبالى
من غير ما اعمل الاختبار
عارفه انى مدمنه ومحتاجه اروح مصحه
علشان اتعالج من الكارثه دى

ولاكن نسبه الاختبار طمنتنى شويه
50% يعنى على مشارف الهوس

ونفسى بجد ابطل موضوع الجنان ده

يلا كل سنه وانتى طيبه
ولو انها متاخره

saragebaly يقول...

هههههههههههههههه

نوووووووور

موضوع جميل اوي والمقدمة تحفة

انا والحمدلله وبلا فخر عارفة اني على مرتبة الادمان في موضوع الانترنت

بس الحمدلله الموضوع بقى يخف شوية عن الاول
لا الصراحة شويتين

وبعد الخف والحسد اللي لاقيته من كل اعضاء البيت هنا

لاقيت ان نتيجتي 60%

متتخضيش كدة دة انجاز كبير طبعا

انا كنت معدية الـ 105 %

بس اهم حاجة اننا نستخدمه بطريقة صح واستخدام يدينا افادة

والأهم بقى انك وحشتيني خالص خالص جدا خالص
والموضع جميل جميل جميل

تحياتي لاجمل نور

دمتِ بكل الحب

سارة

nour shahen يقول...

الروميصاء
..........
لا متبقيش اول تعليق لأنى خطفته لنفسى هههههههههههههه
ازيك يا مختفيه ايه يا بنتى فينك محدش بيشوفك ليه
انتى كمان وحشانى جدا جدا
كل سنه وانتى بألف خير وسعاده يا رب
عامة شوية شوية هتبطلى .. كل الحكايه انك بس تنظمى وقتك وتخلصى اللي عليكى قبل الانترنت وخليكى عارفه انتى بتدخلى للانترنت ليه اصلا
دايما منورانى يا قمرتى
@@@@@@@@@@@@@@@@@@@@@@@@@
ساره الجبالى
..........
لا ولا مصحه ولا حاجه تعالى وانا هعالجك بس متبلغيش عنى هههههههههههه
أكيد النت بيشدك للناس اللي بتحبيهم ولو الشيء اللي بتحبيه مكنش طريقة الوصول ليه الانترنت مش هتدخلى ليه
وعامة 50 في الميه شيء مش وحش بعد شدة الادمان كدا انتى فى طريق الشفا يا قلبي
بس كملى وزي ما قولتى خدى الشيء اللي ينفعك ومتضريش بيه نفسك
وانتى كمان وحشانى خالص مالص واكيد بالص ههههههههههه
دايما منورانى يا قلبى

”*°•.˜”*°•..سونه..•°*”˜.•°*”˜ يقول...

السلام عليكم يادكتوره نور
انا عندى 5 نعم 4 لا اعمل ايه الحقينى
وانت عرفه انا لسه مكملتش سنه على النت .
بس بجد لو فى اختيار تانى مع نعم ولا زاى احيانا او فى بعض الاوقات كان ممكن النتيجه تكون احسن من كده .
ممكن تقولى على العلاج بسرعه من فضلك .
بحب دماغك وبموت فيكى (كوكى).
(سونه )

حـــــ الــجــنــة ـــــور يقول...

السلام عليكم
إيه البوست الجميل ده بجد دايما بحلة جميلة ياقلبي

وحشاااني ووحشني صوتك وقعداتك الحلوة ربنا يلم الشمل ويسعد أوقاتك ياقمر

أهو الحمد لله النتيجة 30 بالمية يعني سلامات بس أنا بعرف إزاي أتحكم في نفسي من الناحية دي خدي بالك إنتي بس من نفسك

دمتي بكل ود

nour shahen يقول...

سونه
....... وعليكم السلام ورحمة الله وبركاته يا صحفية المستقبل
وااااااااااااو حالتك خطيره يا بنتى هههههههههههه وساكته علي نفسك لحد دلوقتى ينفع كدا
بتتريقى يا كوكى ماشى ماشى
عامة كدا تبقى نسبتك 50% اعتقد هتعيشى بس يا ترا هتحافظى عليها ولا هتزيد
مهو نسبة خمسين في الميه في خلال سنه دا مؤشر بالخطر
لازم اعرف الاعراض كويس علشان اقدر اعالجك بس اعالجك ازاى وانحرم منك لالا خليكى مريضه واشوفك كتير احلى ههههههههههههههههههه
@@@@@@@@@@@@@@@@@@@@@@@@@@
حور الجنه
......... وعليكم السلام ورحمة الله وبركاته
ازيك يا قمرتى
ليكى حق تقولى ان معندكيش خطر مهو مش بتحبينا ومختفيه مننا شغل ودراسه والله يكون في عونك
بس نسبتك معقوله وتكاد تكون طبيعيه والحمدلله مفيش خطر عليكى من اى نوع
ربنا يوفقك حبيبتى يا رب وتفضلى بعيده عن الخطر

oRiGiNaL HeArT يقول...

هههههههههههه
موضوع فى الجون والله
انا كنت مدمنة بغبااااااااااء
بس الحمد لله دلوقتى بطلت الادمان دة بنسبة كبيييييييرة
يمكن عشان ظروف الصحة وانى تعبت شوية
بس بجد كدة الحمد لله اوى
احسن من الاول كت بقعد طول النهار ادام الجهاز مبتحركش ولو جيه حد ورخم عليا على الجهاز بتاعى كنت بكمل من على الموبايل
وياسلاااام بقى لو النت اتفصل كنت بقعد اقطع شعرى هههههه
دلوقتى بدخل بسيييط وممكن يعدى عليا يوم او اتنين مدخلش اصلا
بجد النت مفيييييييييد اوى بس احنا بنستعبط اكتر وبنخليه يضرنا بكترة الاستخدااام
موضوعك لذيذ اوى يا جمييل
ربنا يوفقك ويوفقنا جميعا :)

مسعدة يقول...

1-نعم
2-نعم
3-نعم
3د نعم
4-نعم
5- نعم
6- نعم 7- نعم 8- نعم
تحياتى لكى

norahaty يقول...

السلام عليكم ورحمة
الله تعالى وبركاته
اقولك انا جبت كام؟؟
اممممممممممممممممم
امممممممممممممممم
اممممممممممممممم
لأ مش حاقولك! !
ايه رأيك
بقى!!
حبيبتى انا بحبك
ليه انتى لأ؟
ايوة لما
تفكرينى
بالموضوع ده
انا بهرب من السؤال
يبقى عايزانى اجاوب عليه
علنااااااااادام الناس كلها
والله ماكنش العشم يانوررررررررر

موناليزا يقول...

ايه ده احنا ذى بعض على فكرة:)
تفتكرى فى أمل :)

nour shahen يقول...

oRiGiNaL HeArT
..............
اولا ربنا يديكى الصحه ويشفيكى ويعافيكى دايما يا رب
بس جميل انك دلوقتى قدرتى تتحكمى في الموضوع والله رأيك فعلا صح
والحمدلله كدا ضمنا العريس ياخدك بشعر هههههههههههههه يمكن حاليا بعد التقطيع بقى خفيف شوية بس شغال
دايما منورانى برأيك ومرورك
@@@@@@@@@@@@@@@@@@@@@@@@@@

مسعدة
.....
انتى حالتك خطيره يا قلبي لازم تاخدى بالك انتى نسبتك دلوقتى 80% ودى كارثه يعنى انتى مدمنه للنت
وكل شيء بيزيد عن حده بينقلب ضده حبيبتى
حاولى تحددى انتى عايزه ايه من الأنترنت علشان تعرفى انتى بتدخليه ليه مش يبقى الدخول لمجرد الدخول وخلاص
كتير هيفيدك لو تحاولى تبعدى شوية عن الكمبيوتر وتشغلى نفس بحاجات بتحبيها خلاف الكمبيوتر وجربى ونشوف

nour shahen يقول...

norahaty
......... وعليكم السلام ورحمة الله وبركاته

اولا ازيك يا قمرتى وعامله ايه
يا رب تكونى بخير
ثانيا بلاش شغل اطفال وقوليلى طلعتى كام عندي فضول اعرف ههههههههههههه
قولى وهما هيعملوا نفسهم مش عارفين
بس نعرف فى امل نلحقك ولا حالتك بقت مستعصيه ومفيش أمل ولا عمر ههههههههه
ويا رب دايما منورانى في المدونه
واحبك الذى احببتنى فيه يا رب

@@@@@@@@@@@@@@@@@@@@@@@@@@@

موناليزا
........
لو نسبتك زى نسبتى بالظبط اكيد فى امل
لأنى انا شخصيا كنت اكتر من كدا وظبطت الامور مع نفسى بوقفه كدا اعرف انا رايحه علي فين وعرفت
فبسهوله اى حد يقدر يعمل نفس الوقفه مع نفسه ويعرف هو عايز ايه من الانترنت بالظبط علشان ميبقاش ضيع وقته علي الفاضى ولا ضر نفسه
يعنى نحدد اهدافنا وننطلق

من غير عنـــوان يقول...

بالنسبه لي
النت وسيله

الايميل أولا
ثم التصوير الفوتوغرافي
ثم البلوجات

امنياتي

فارس القمر يقول...

الحمد لله النسبه وصلت الى 30% وان شاء الله فى تنازل مستمر


بصراحه فى الاول كانت النسبه ممكن توصل الى 98% ودا ادمان

كنت حوالى 10 الى 15 ساعه نت فى اليوم

كنت بستفيد ايه ولا حاجه

دلوقتى فى شغل ومشروع جواز لازم الالتزام

والحمد لله انى وصلت للنتيجه دى

جايز لو الاسئله دى كانت قابلتنا زمان


كانت النتيجه بقت 200% بدرجه امتياز كمان

الحمد لله والشكر لله

تقبلى مرورى ياترى هاخد 10من 10

ولا النتيجه كام

تقبلى مرورى

nour shahen يقول...

من غير عنوان
............
اكيد لازم يكون النت بحياتنا مجرد وسيله للوصل لشيء ما ولازم نكون محددين اهدافنا زيك بالظبط
تعرف انا كمان بحب التصوير بس مش بصور فوتغرافى معلش مواردى متسمحليش ههههههههههههه
انا مش بنق عليك الله يكرمك ويزيدك بس هواية التصوير بجد شيء رائع

@@@@@@@@@@@@@@@@@@@@@@@@@@@@

فارس القمر
...........
الله يوفقك في حياتك انت كدا نسبتك تمام جدا يعنى في أمان والحمدلله
وبالفعل تغيير نمط الحياه لو قدرنا هيشفينا من مليون أدمان بس نحاول مش نستسلم وكل شيء بالصبر يتحقق
يا رب تحقق كل احلامك وتعيش سعيد
ودايما منورنى بمرورك ووتعليقك

جنّي يقول...

السلام عليكم

بجد انا حسبت النسبة لقيتها 20% وممكن توصل 30% .. يعني لسة بدري شوية على الادمان ..

سلام

انسانةعادية فى عالم مش عادى يقول...

ههههههههه انا اعترف انى مدمنة ومش عايزة اتعالج بتاتا
بس انا ادركت ده فعلا والايام دى بنظم وقتى على النت علشان اعدل حياتى اللى اتقلبت
مرسيى على البوست الجيل ده

mohamed ghalia يقول...

أنا برده تقريبا بنسبة 50 % وحاليا بما إنى الإمتحنات قربت النسبة دى قلت كتير ولسه هتقل كمان مع بداية شهر يناير
ليه بس الأسئلة المحرجة دى
دمتى بكل الود يا نور
فى حفظ الله

yoyo يقول...

توء توء توء
ايه الحقد دا بقى انتى كدا هتقرى على الناس اللى عندهم جهازين
والله يا أختى فى اتنين ومش عارفة اخد حقى يعنى نجيب كمبيوتر تالت ووصلة نت تالتة عشان اعرف اخد حقى اهىء اهىء ربنا مش بيحب الظلم بقى هههههههههههه يعنى يرضيكى كدا الكبيرة ومش عارفة اخد حقى

شوفى يا دكتور نور ( حكيم روحانى حضرتك بقى ههههههه)
انا كدا مش بقيت نافعة خلاص والحمد لله يعنى مدمنة رسمى
بعترف ان عالم النت و الكمبيوتر أخدنى أوى جايز عشان ان اتعلمت الكمبيوتر و النت كشىء من الفضول فى أول الامر وتحدى لنفسى انى أعرف كل حاجة واحاول اتعلمها بنفسى احم احم و دا طبعا أدى لخسائر فادحة هههههههههه بس الحمد لله عديت على خير مش حد بياكلها بالساهل بقى

أحب اعترف كمان ان عالم التدوين شدنى اكتر و أصبحت مدونتى هى طفلى الصغير اللى بشتاق له و بخاف عليه حاجة منك صعب انك تنفصلى عنها

بس انت عارفة الشغل بقى واالصحة يا بنتى خلاص هههههههه هى اللى احيانا بتمنع الواحد انه يتواصل اكتر واكتر بس دا مش يمنع انك مش تقدرى تمنعى نفسك عن النت لو الوقت اتوجد امامك لان النت ببساطة سارق محترف للوقت

و حشتنى أوى يا نوارة يارب تكونى بالف خير يارب

على فكرة بالاضافة انى معجبة بالبوست كله الا ان الصور كمان خطيرة
خصوصا الصورة التانية هههههههه شريرة صح ههههههههه

دمتى بكل خير
تحياتى
يويو

rovy يقول...

واضح ان كل الزوار حيكون النسبه عندهم 50 % بيتهيألى كده و لا ايه ؟؟

على كل حال كويس انك حتخلينا نفكر يمكن حد فينا محتاج يلحق نفسه ..

ربنا يكرمك يا قمر

تحياتى

البت المشمشية حلوة بس شقية يقول...

ااااااااااااااااااااااااااة منك ومن كلامك ده اللى بيجى على الجرح
الحمد لله النت بلنسبالى مش ادمان ولا حاجة
كل مافى الامر
ان كل حياتى عليه
يعنى مماما مستوليه على التلفزيون
فنا بلجاء للنت عشاناسلى بيه وقتى وبتعلم من خلالو على حاجات جديدة
ومنكرش ان اليوم اللىالنت بيبقى فيه فاصل ده ببقه مدايقه على الاخر
سلام بقه عشان انا نازلة الكليه الساعه دلوقتى 9 الاخمسة صباحا
اوعى كدة منوشى اخرتينى

ABOALI يقول...

الحقووووووووووووووووونى
وعالجووووووووووووووووووونى
من الادمااااااااااااااااااان
خلالالالالالالالالالالالالاص
الجنازة من عمر مكرم ولا عزاء للياهو الهوت وبائعى الاوهام
واوصيكم بقراءة جميع مواقع صوت الاسلام

ان لله وان اليه راجعوان

~*§¦§ Appy §¦§*~ يقول...

على فكره بقى الصور تموت من الضحك يا نور
بس انا مش مدمنه نت انا تخطيت المراحل دى من بدرى ههههههههه لان بطبيعه شغلى 8 ساعات الكمبيوتر قدامى والنت
وفى البيت حوالى خمس ساعات تكمله الشغل طيب ده يبقى ايه بقى

hasona يقول...

موضوع جميل
ان جيتي للحق- خطير
ادمان النت أصبح واقع خطير
وفي ساعات كتيرة ممكن يفصلك عن الواقع
وبالنسبة للجميع - لازم يضع حد (حدود) لكل حاجة
يعني النت وسيلة - مش معقول نخليه يبقي غاية ووسيلة ويبقي كل حاجة في حياتنا
،،،
بس بصراحة أكيد ممكن تزودي الاسئلة الي مائة سؤال / لتكون نسبة صحيحة وشفافة
،،،
فكرتيني بموضوع الحصر ( أو نسبة ) اللي مستريحين في مصر
بيقولوا انهم كانوا بيسئلوك ( أنت بتحب مصر ؟؟؟) ومعظم الاجابات كانت نعم طبعا
بعدين قالوا ان نسبة الرضا داخل مصر تعدت 80% من نسبة الشعب كله؟؟
تعرفي ليه لأنه لما تقللي عدد الاسئلة وعدد الأختيارات المتاحة- أعتقد انها بتكون ( عملية حصر) مش مظبوطة قوي
،،،

أنا عايز أسئل - هل ممكن الانسان يتحكم في أي حاجة بيدمنها؟
هل تقدري تبطلي دخول علي النت ؟؟أو الكلام في التليفون المحمول؟؟ أو استخدام التكنولوجيا عموما ؟؟
شكرا لك
تقبلي تحياتي

موجة فى بحر الحياة يقول...

ازيك يا نور يا جميلة

و الله بصى بقى انا قلت احترم نفسى و بلاش احراج

النتيجة طبعا معروفه
ادمااااااااااااااااااان

هاااا هنعمل ايه

afew good men يقول...

40%

بس قابل للزيادة وقابل للنفص

لدرجة اني احيانا مش بستخدمو واحيانا اخري بستخدمو طول الوقت

نبض الروح يقول...

ههههههههههههههههه
يعني ثلاثة أرباع إدمان تقريبا امممممممممم بوست جميل جدا :)

أكون أو لا أكون يقول...

يانور حجيبهاك على بلاطه....ههههههه من غير مااحسب... انا يومي كله قدام الكمبيوتر... لان مجال دراستي يعتمد عليه... فتلاقيني بشتغل شويه واروح النت شويه هههههههههههه

ahmed_k يقول...

حلو الإختبار ده فكرته جميله
أنا حليته بكل امانه وجاوبت على
4 منهم بنعم وهم أرقام
3و4و8و10
والباقي بلا
كده أنا نسبتي 40% إدمان
ياترى حالتي خطيره اوي
ولا ممكن اتلحق هههههه

فارس بلا جواد يقول...

ربما منذ 3 او 4 أشهر كنت سأحصل علي نسبة 100% في هذا الاختبار لأنني كنت مدمن نت بشراهة
لكن الحمد لله اتعالجت والنسبة ممكن تكون نزلت ل40 او 50 % .. وده بفضل اني محجوز في مصحة للعلاج وهي الشغل .. غير اني باحاول ان يكون ليا هوايات تانية غير النت
لكن انا شايف ان المشكلة مش في اضاعة الوقت علي النت لكن المشكلة هل يضيع في شيئ يستحق .. من الممكن ان يكون النت وسيلة مهمة جدا للقراءة والثقافة اذا احسن الفرد استخدامه ولكن ايضا يمكن ان يستخدمه الفرد في مجرد حوارات جوفاء من خلال الشات

موضوع مميز يا نور
تحياتي

حلم الطيور يقول...

fبجد موضوع روعة يا نور والمشكلة ان كل كل اجباتى جت نعم ف نعم انى مدمنة انترنت وربنا يشفى الجميع

habiba يقول...

يالهوتى
نور
انا كده مش هتلحقونى
انا حوالى 80% يعنى خلاص مرحله خطر بالتلاته :((
بس صدقينى مش كل القعاد عالنت تضييع وقت
اوقات بيبقى قرف يااختشى :)

الطالبة عفو الله يقول...

يا لهوي 60 بالمية دة مع بعض التجاوزات
ربنا يشفيني و اياكم
دة كان بالنسبة للبوست

نور حبيبة قلبي وحشااااني جدا اوي خالص ربا يخليكي ليا و لا يحرمنيش منك

انسان وبس ! يقول...

اولا ازيك

ثانيا الاجابات :

1 - احيانا يعنى نعم
2 - مش على طول بس يعنى نعم برضو
3 - كنت اول ما النت دخل عندى عشان كنت باعد ع النت كتير ...يعنى لا
4 - مش للدرجه دى .. وان راودتنى الفكره ....بس لا لأ
5 - طبعا نعم
6 - متهيالى لا
7 - انا كائن اجتماعى بس مش عارف امتنع عن الاجابه بالنسبه للعزله مع النت ؟؟؟؟؟
8 - احيانا بتضايق ..بس لا
9 - السؤال بيقول فى ( بعض تفكيرك ) ... الاجابه نعم
10 - انا طبيعى باكل بشكل غير منتظم ...بس للاسف اه ساعات كنت باكل امام الكيبورد ...نعم كبيره

وفاء بركات يقول...

أنا حفيدى أحمد أهم عندى من الإنترنيت
لكن لما ميكنش عندى أحب التعامل معاه
وإنسي النسبه راح أحسبها وأقولك المره الجايه المدونه بتاعتك حتتقلب لجنة إمتحان ولا آيه كل شويه أسئله أسئله... مفيش أجوبه..
إعفيني ياأبله بلاش إحراج العيال ولادى يمسكوها زله عليه ويقولو لي يامدمنه
وانتي مترضهليش الله يسترك

فتاه حالمه يقول...

عااااااااااااااااااا
انا طلعت 70%ينفع كدا
طلعتيني مدمنه يا نور
ماشي ماشي
بجد دي مشكله كبيرة فعلا لازم تتحل باذن الله
بس تعرفي بجد النت مفيد جدا مش بس انك تكلمي اصحاب بعاد عنك
لا في دراستك
وفي حياتك كلها
بس هو للاسف محتل جزء كبير من حياتنا
حلو موضوعك يا نور يا قمر
مش ناويه تنوري عندي
متخفيش علي الفاتورة
جيب السبع ميخلاش وعلي المشاريب

WhItE HeArT يقول...

صراحة انا حاولت مرة وحاولت تاني

بس مفيش فايدة 30% مش راضية تتغير

بس بصراحه ده في الاونة الاخيره لإن قبل كده كنت مدمن بمعنى الكلمة بس الموضوع هدي معاية مرة واحده بس كل الموضوع اني بتضايق لما النت يقطع بس مش اكتر وده لإني بحس ان لو في حاجة لازم اعملها على النت جت مش هقدر اعملها

بس خدي بالك انتي بأه من نفسك

تحياتي

كيكى يقول...

وش بيلطم من الكسوف*****
هههههههههههههههههههههه
والله احنا بأيديناازاى نعرف نستفيد بالحاجة!!!
تسلمى ياسكر انتى
عوووووووووووووو

(green eyes) يقول...

مممممممممممم
انا خدت 70% في الاختبار دا
وحصلي من فترة موضوع الساعات دا للأسف

nour shahen يقول...

الرد جماعى فى البوست القادم
شرفتونى بأرائكم وساعدتونى كتير

الطالبة عفو الله يقول...

يعني ايه الرد جماعي في البوست القادم

مش فاهمة

و عايزة افهم

عاااا

nour shahen يقول...

زوزو حبيبتى
اقرى البوست الجديد وانتى تفهمى ازاى الرد كان جماعى

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘