2008/12/05

الدنيا ربيع فى عز الشتا


أنا سعيده جدا جدا والسبب فى تاج السعاده من أستاذ محمد سكر زياده

انا مش بعاكسه عيب لا هههههههههه انا بس مبسوطه شويه أكتر من العاده

هذا التاج وصلنى من أستاذ محمد صاحب مدونة ( هل تبحث عن السعاده )

أكيد كلكم بتقولوا زيى كل ما تدخلوا عنده ردا عن سؤاله بكلمة طبعا وبسم الله نفتتح التاج

وللعلم بالشيء اللي مش هيقدر يكمل يتفضل يشرب شاى وقهوه وكركاديه علشان اللي ضغطه يرتفع ههههههههههههه

مهو مش أرغى انا وانتم تتعبوا لا برضوا انتم أخواتى واحبابى ولا يمكن أرضى بتعبكم

وأخيرا وليس أخرا أحب اشكره علي تاج السعاده وتعالو نرغى سوا بقى ونشوف ما هى السعاده من وجهة نظر الفلفسوفه نور

السؤال الاول : ما هى السعاده من وجهة نظرك ؟
السعاده هى أنى احس بالرضا أشعر انى مبسوطه منغير سبب , ووقتها أكون لا بفكر فى شيء ولا عايزه شيء من الدنيا بس راضيه وسعيده
السؤال الثانى : كيف تصل الى السعاده؟
صعب السؤال دا أصلى معرفش هى اللي بتصل ليا مش انا اللي بسعى ليها
يمكن لما ربنا بيكرمنا بحبه ورضاه وقتها نقدر نوصل للسعاده

السؤال الثالث : هل السعاده وهم ام انها حلم صعب ؟
بالنسبه ليا السعاده شيء قريب جدا أقدر اوصله بسهوله , لأن مليون شيء بيسعدنى وهى حاجات بسيطه بس لو نرضى بيها يعنى مهياش وهم ولا حلم صعب
السؤال الرابع : هل السعاده طريق للنجاح ؟ وضح ؟
بالتأكيد هى الطريق للنجاح لأنها هتخلينا نتقن أعمالنا وبسرعه أكتر ما كنا نتوقع
لما القلوب بتشعر بالسعاده بتزيد طاقتها وتقبل على الحياه بقوه

السؤال الخامس : ما هى اكثر اللحظات التى شعرت فيها بالسعاده ؟
كتيره اللحظات دى فصعب أتذكر موقف بعينه , لكن دايما اكتر شىء بيسعدنى اول ما عينى تلمح بحر أسكندريه وقدمى ترسى على أرضها
السؤال السادس : هل ممكن ان تحقق كل شيء ؟
اذا السؤال دا خاص بحياتى فأنا مش عارفه مفيش حد عامة بيقدر يحقق كل شىء بيتمناه , لأنه دايما بيكون طموح لأمل أبعد من كل اللي حققه .. وعامة مفيش شيء بعيد عن الله سبحانه وتعالى
السؤال السابع : السعاده تجعلك تقبل على الحياة أم لا ؟
طبعا .. تجعلك تقبل على كل شيء فى الحياه
السؤال الثامن : هل أحسست يوما انك وصلت لقمة السعاده ؟
كل لحظة سعاده بتمر بيا هى بالنسبالى قمة السعاده , كفايه انى أشعر بيها بوقتها او بعدها علشان اعرف انى كنت فى قمة السعاده
السؤال التاسع : لماذا تمر اوقات السعاده بسرعه ؟
لأن كل شيء جميل وقته قليل ودا سر جماله .. ودا اللى بيجعل الروح دايما متعلقه بيه لأنها بتخاف يمر وقته القليل دون ان تتشبع منه
السؤال العاشر : هل ترا السعاده فى التدين ؟
بالتأكيد كل السعاده فى التدين والا عمرك ما هتحس بالرضا ولا تشعر بلحظة سعاده حقيقيه .. لأن السعاده بجد فى رضا ربنا سبحانه وتعالى
السؤال الحادى عشر : هل انت متفائل وعندك أمل ؟ وضح ؟
بالنسبه لمتفائل فأنا متفائله جدا ومعنديش اكتر من الأمل لأنى مؤمنه بالله ومتأكده ان بكره أحسن .. أكتر شيء يخليك مطمئن ان بكره افضل أنك متوكل على الله وعارف انه خير من يرعاك
السؤال الثانى عشر : أذا شعرت بالحزن ماذا تفعل ؟
أكتب اى شيء يخلينى اخرج كل شىء جوايا وأبكى وأشكى لله فى مكان لا يرانى فيه الا الله
السؤال الثالث عشر : هل يستمر معك الحزن فتره أم ينقضى فى الحال ؟
أكتر حزن مر عليا فى عز كوارث حياتى كان أيام لكن الأحزان العاديه مبتاخدش وقت كتير يمكن سعات او دقايق او حتى لحظات وتنقضى بس فى أحزان بتخلف جرح فى القلب ألمه عمره ما بيختفى الا برحمة ربنا
السؤال الرابع عشر : ما رأيك في الافراد المتشائمين ؟
بجد مش عارفه أزاى نتشائم وفى ربنا سبحانه وتعالى مالك زمام الأمور , لو أحنا مؤمنين كان لازم نعرف ان ربنا سبحانه وتعالى مش ظالم ولا يكلف الله نفسا الا وسعها , يعنى مبيحملش حد اكتر من طاقته لأنه هو الوحيد الذى يعلم خبايا الصدور .. مينفعش أبدا نتشائم
لما تقابل أنسان متشائم بس فكره بأوقات السعاده علمه طريق الوصول إليها وهو طريق الرجوع لله

هناك 35 تعليقًا:

~*§¦§ Appy §¦§*~ يقول...

نور اولا حمد لله على السلامه ثانيا ربنا يجعل ايامك كلها سعاده يا رب كل سنه وانتى طيبه يا رب

مولان يقول...

اجاباتك جميله اوي يانور

حبيبتي وحشاني اووووووووي

كل سنه وانتي طيبه

mohamed ghalia يقول...

هههههههههههههه
نور
أولا متشكرين على الكلمتين الحلوين دول يا أحلى أخت فى الدنيا
ربنا يحفظك ويخليكى ليا يارب
وبعدين بلاش كلمة استاذ دى ربنا يكرمك إنتى عايزة تكبرينى ليه بس سنى 20سنة والله
الشكر ليكى على قبولك التاج وغنك جاوبتى عليه
راضيه وسعيده
وهو ده فعلا المفتاح

ل لحظة سعاده بتمر بيا هى بالنسبالى قمة السعاده , كفايه انى أشعر بيها بوقتها او بعدها علشان اعرف انى كنت فى قمة السعاده
جميل قوى
حقيقى إجاباتك كلها فى منتهى الروعة
ربنا يحفظ يا أختى الغالية
سعيد قوى بإجاباتك
أدخلتى عليا السعادة بجد
كل سنة وانتى طيبة
انتى الكبيرة أنا عايز المصروف
دمتى فى حفظ الرحمن

.."لؤلؤة الرحمن".."هويتى اسلاميه".. يقول...

السلام عليكم ورحمه الله وبركاته
-----------------------------
يعنى بصى
اهم ما فى الموضوع انك مبسوطه
اما بالنسبه لمحمد
ليه هديه على انه بسطك اوى كده
مصروف العيد عندى يامحمد
----------------------------
كل سنه وانتى طيبه ياقلبى

بنوتة يقول...

كل سنة وانت طيبة وانت فى صحة وسعادة اجباتك جميلة جدا
تقبلى مرورى

فارس بلا جواد يقول...

اكيد كان لازم السؤال العاشر تعمليه بلون مختلف وحتي لو كان مش موجود كنتي انتي هتجاوبيه وسط كلامك لان التدين يعطي ثقة واطمئنان للنفس وهذا ما اجده دوما علي مدونتك
يا رب دايما تكون كل ايامك سعادة
مش عارف ليه حاسس اني كنت غايب كتير عن مدونتك بس معلش بقي ظروف الشغل
كل سنه وانتي طيبة وعيد سعيد ليكي وللاسرة

أكون أو لا أكون يقول...

كل عام وانتم بخير... كل عام وامتنا الاسلاميه عزيزه كريمه ومنصوره...

ربنا يسعد ايامك كلها اختي الحبيبه نور... اجابات تشرح القلب... ماشاء الله كلها تفائل.

انا كمان جاني التاج ده هديه من الاخ محمد... بس ربنا رحم البشريه مني وماجاوبتوش ههههههههههههه...

طوبة ذهب وطوبة فضة يقول...

جميله اوى اجاباتك ويارب ديما سعيده وعيد سعيد عليكى وعلى الامه الاسلاميه كلها اللهم امين

ghoneem يقول...

السلام عليكم

كل عام وانت بخير وصحة وسعادة عيد سعيد

يارب دايما بخير ونسمع عنك ومنك اخبار حلوة ان شاء الله

تحياتي ليكي

بالتوفيق ...................

انسانةعادية فى عالم مش عادى يقول...

اجابات جميلة جدا
ربنا يوفقك يارب فى حياتك
ويحققك كل اللى بتتمنيه
مرسيى جدا للمرورك على المدونة
وكل سنة وانتى بالصحة والسلامة يارب
بس بئا انا مش هطلع بخيلة انا هجى اهنئ فى كل مناسبة :)

fashkool يقول...

السلام عليكم يا نور .. ازيك
السعاده يا بنتى بتختلف من انسان لانسان فما يسعدك ليس بالضروره ما يسعدنى وما يسعدنى ليس بالضروره ما يسعده .. ولماذا نحاول فلسفة السعاده .. انها حاله شعوريه وحياتيه فاذا اقبلت نعيشها بكل لحظاتها واذا لم تقبل نبحث عيها .. كل سنه وانت طيبه

momken يقول...

يااااه
اخيراً رجعتى

داحنا كنا هنزل اعلان فى الجرنال نقول فيه ارجعى يانور محدش هيعملك حاجه

بس الحمد لله اطمنا عليكى

اما بالنسبه لببوست

ماشاء الله
اجاباتك مليانه امل وتدين وثقافه وحب

ربنا يديم عليكى السعاده
البوست رائع عالعاده

متغبيش كتير لحسن ننزل الاعلان

تحياتى

جنّي يقول...

السلام عليكم ورحمة الله وبركاته

ملأ الله حياتك كلها بالسعادة

وكل عام وانتم بخير بحلول عيد الأضحى المبارك

كل عام وانتم على صعيد عرفات
كل عام وانتم من الحجيج
كل عام وانتم من الملبين
كل عام وانتم من المكبرين
كل عام وانتم من المهللين
كل عام وانتم مغفور لكم
كل عام وأنتي حرة يا أمتي

أخوكم سعيد

قلم رصاص يقول...

أختنا الكريمة نور

كل سنة وانتي طيبة

بجد اجاباتك جميلة جدا
وربنا يديم عليكي السعادىة نعمه

انا بس متفق جدا مع رأي عمي فشكول لما قال لك :

السعاده يا بنتى بتختلف من انسان لانسان فما يسعدك ليس بالضروره ما يسعدنى وما يسعدنى ليس بالضروره ما يسعده .. ولماذا نحاول فلسفة السعاده .. انها حاله شعوريه وحياتيه فاذا اقبلت نعيشها بكل لحظاتها واذا لم تقبل نبحث عيها .


بجد رأيه عبر عن الفكرة اللي انا عاوز اقولها .. ربنا يبارك فيه يارب

وكل سنة وانتي طيبة
وعيد سعيد عليكي

من غير عنـــوان يقول...

إجابات رائعة

كل سنة وانت طيبة


تحياتي

!!! عارفة ... مش عارف ليه يقول...

ربنا يديم عليكي إحساس السعادة

وكل سنة وانت طيبة

وإن شاء الله السنة الجاية تحققي كتير من اللي كان نفسك تحققيه السنة دي


تحياتي
وليد

رئـــــيسـة حزب الأحلام يقول...

كل سنه وانتى طيبة
وجميل اوى فكرة التاج
وفعلا الرضا هو اساس السعادة
اللهم ارزقنا الرضا يارب
تحياتى لكى

نور الدين يقول...

ازيك يانور
طبعا اجاباتك كالعادة جميلة ودمها خفيف

جيت عشان ااقولك كل سنة وانت طيبة والعيلة الكريمة بخير
مفتقدين حضرتك جدا ويارب تكونى بكل خير دائما والمانع يكون خير
تحياتى لك وتقبل الله منا ومنكم
نور الدين

كلام وخلاص يقول...

كل سنة وانت طيبةوعيد سعيد عليكي

جعلوني مريض نفسيا يقول...

كل عام وأنت والأسرة والأمة الأسلامية بخير

hager za3bal يقول...

اجاباتك جميله اوي يا نور

كوووووووووووووووووووول سنه وانتي طيبه ياجميل


.•*´¨`*•.¸¸.•*´¨`*•.¸¸.•*´¨`*•.¸¸.•*´¨`*•.¸¸.•
::: (\_(\ ...*...*...*...*...*...*...*...*...*...*...*...*
*: (=' :') :::::::: Happy Ad7a :::::::::::
•.. (,('')('')¤...*...*...*...*...*...*...*...*...*...*...*
¸.•*´¨`*•.¸¸.•*´¨`*•.¸¸.•*´¨`*•.¸¸.•*´¨`*•.¸¸.•

نبض الروح يقول...

كلام جميل جدا وإجابات رائعة جدا
امممممممممم أسأل الله أن يمتعك بالصحة والسعادة الأبدية :)

مسعدة يقول...

كل سنة وانتىطيبة




وربنا يسعد ايامك




مسعدة مسعود أبو داود

حـــــ الــجــنــة ـــــور يقول...

السلام عليكم
إجابات جميلة حلوة من قلب طيب ينبض حب في الله
وحشااااااني ياغاليتي ووحشاني لمتنا قوي قوي بس في سؤال ما تسألش إيه رأيك في الافراد المكتئبين؟؟ ههههههه عارفاهم طبعااا مع إن الإكتئاب كان مؤقت بس الناس دي أنا بحبهم جداااااااا هههههههه
عرفتيهم صح ... ربنا يبعد عنك التشائم والإكتئاب ياقلبي وينور دربك وطريقك ويحبب فيك خلقوووو
كل سنة وإنتي وكل أهلك بصحة وخيييير
بقووول قولي لبابا يبعتلي حقك من الخروف إنت عاملة رجيييم بلاش كيلوات زايده كفاية الشكولاتة والمصاصات لي هريتينا بيهم
على سيرت المصاصة وحشتني مصاصتنا المغربية الجميلة بقصد زوزا ربنا يرجعهلنا بالسلامة
أمااانة توصليلها سلامي
رغي رغي رغي ومنكم نستفيد شفتي يانور أهو بقيت أكتب زيك بيقلك عاند ولا تحسد هههههههه
يالله سلاام وعيد مبارك يا غالية إبقي طلي
في أمان الله وحفظه

RaRa يقول...

اجابتك جميلة اوى
ربنا يوفقك
♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒
▒♥▒▒♥kol Sana w antom Tayebeeeeeen♥▒▒♥▒▒♥▒▒♥▒▒
♥▒▒♥▒▒♥عـــــيــــد سـعـــيــــد ♥▒▒♥▒▒♥▒▒♥▒▒♥▒▒♥
▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥

ahmed_k يقول...

رفع الحجيج أكفهم
يرجون رحمة ربهم
ورفعت كفي أدعوه
يجعل ثوابك مثلهم
وكل عام وأنتم بخير

حبيبة الروح يقول...

▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒
▒♥▒▒♥kol Sana w antom Tayebeeeeeen♥▒▒♥▒▒♥▒▒♥▒▒
♥▒▒♥▒▒♥عـــــيــــد سـعـــيــــد ♥▒▒♥▒▒♥▒▒♥▒▒♥▒▒♥
▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥

yoyo يقول...

كل سنة وانت طيبة يا حبيبة قلبى

يارب عيد سعيد عليكى وعلى كل اسرتك يارب

ربنا يديم عليكى السعادة يارب و يبعد عنك الاحزان اللهم آآآمين

اه صحيح مش ليا دعوة فين العيدية بتاعتى بقى ؟؟؟ مش ليا فيه عاوزة عيدية انشالله حتى عود قصب ههههههههههه انت عارفنى مش طماعة بس مش بتنازل عن حقى

وبما انى مؤسسة جميعة (أنا والقصب وهواك)
هههههههههههههه ماشى هامشيهم عود قصب عيدية شفتى بقى اكتر من كدا طيبة و أدب الله باتكسف يا نور ههههههههه

كل سنة وانت طيبة يا قلبى مرة تانية

تحياتى
يويو

romansy يقول...

يا سلام يا سلام
على احلى تاجات
رايحه لنور
حكايه الحكايات
كل ما تدخل جنه
تلاقى
جنات
كل سنه وانتى طيبه يا نور

عيد سعيد

Beram ElMasry يقول...

nour shahen
السلام عليكم ورحمة الله وبركاته اجمل التهانى بمناسبة عيد الاضحى المبارك اعاده الله عليكم وجميع الاهل بالخير والبركة ، وجعلنا واياكم من الملبين فى العام القادم
والسلام عليكم ورحمة الله

هى فوضى يقول...

ماااااااااااااء مااااااااااااااء
مااااااااااااء مااااااااااااااااااااااء ماااااااااااااااااااااااااء


عيد سعيد
وكل عيد اضحى وانت بخير
وان شاء الله العام القادم على عرفات متجمعين

nour shahen يقول...

طبعا مش هقدر اجاوب فى وسط معركة العيد دي علي كل حد علي حدا بس والله ربنا يكرمكم جميعا علي المرور اللي زاد قلبى من السعاده
آبى : ربنا يخليكى لينا
مولان : وحشانى يا مختفيه
محمد : اخويا المسكر الصغير ولا تزعل
لؤلؤه : منورانى يا قلبي
بنوته : منوره المدونه
فارس : انا كمان مقصره حقك عليا
أكون او لا : ربنا يديم عليكى السعاده
طوبه دهب : عيد سعيد عليكى يا عزيزتى
غنيم : عود محمود يا اجمل اخ
أنسانه عاديه :لا مرسى علي واجب ودايما تكونى أكرم حبيبتى
فشكول : بشكرك لرأيك بس مازلت مقتنعه ان السعاده شيء قريب مش مهم نبحث عنه لأنه هيلاقينا, كل واحد ونيته بقى ههههههههه
ممكن : لا مش ممكن منور المدونه من جديد
جنى : عيد طيب وسعيد
قلم رصاص: الاتفاق فى الرأى لا يفسد لرغيى قضيه أسعدنى مرورك
من غير عنوان : عيد سعيد عليك
عارفه مش : بيعجبنى جدا أسمك ويسعدنى كل ما امر بمدونتى والاقيه
رئيسة حزب : لحد النهارده مقولتليش قبلونى في الحزب ولا منوره
نور الدين :مفتقدين أبتسامتك يا نور متبخلش بيها علينا
كلام وخلاص: عيد سعيد
جعلونى مريض: أسمك حيرنى ومنور المدونه
هاجر : عيونى حاضر هاكل كويس هههههه
نبض الروح: اممممم حيرانه في ايه بس
مسعدة: دايما سعيده وعيد سعيد
حور الجنه: المكتئبين مش موضوعنا هههههه سبيهم في حالهم بحبك جدا وسلامك يوصل بأذن الله
رارا: عود أحمد وحشانى جدا
أحمد: أكرمك الله على دعائك الجميل
حبيبة الروح:منوره المدونه وعيد سعيد
مش عارفه اذا كنتى ميمى ولا لا فلو انتى تبقى وحشانى ولو لا عديها ههههههههه
يويو:القصب بالنص انا بقولك اهو. بحبك جدا جدا ووحشانى جدا
رومانسى:يا سلام على احلى كلام
بيرم : كل سنه وانت طيب وبخير
هى فوضى: امسكى الخروف اللي بيجرى دا ههههههههه منوره الدنيا مش بس المدونه

أما بعد

بالنسبه للعيديه انا بطلت اديها الا لمن لا يتعدى عمرهم عن 3 سنين ههههههههههه علشان ميعرفوش هتبقى كام اصلا فهمنى طبعا

دايما يا رب منورنى ومفرحنى ومكترنى وعيد سعيد عليكم

انسان وبس ! يقول...

كل سنه وانتى طيبه

nour shahen يقول...

انسان وبس
..........
كل سنه وانت بألف خير وسعاده يا رب عيد سعيد عليك وتكون قضيته في سعاده وهنا وراحة بال

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘