2008/12/07

خروف العيد بين القيل والقال

كلنا سمعنا طبعا عن انفلونزا الطيور بس أبدا انا بحب الفراخ عن اللحمه أذا هقضى العيد بالفراخ وليس باللحمه
وصلنى تاج من الجميله سالى صاحبة مدونه ( حاجات جوايا ) وبعتذر جدا لأنى هنزله في التوقيت دا بس أعمل ايه مشاغل قدوم العيد بقى فياريت تعذرنى
نقول بسم الله ونبدا التاج ..
ماذا يمثل لك العيد ؟ وما أكثر شئ يبهجك في مظاهر العيد ؟
العيد فرحه ماااء بيمثل ليا أجازه برغم ان كل أيامى اجازه اصلا ههههههه
أكتر شىء يسعدنى وقتها انى اسمع صلاة العيد واشوف الناس بتزور بعضها
اوصف لنا طقوسك في العيد .. من ليلة العيد لآخر يوم ؟
أحب انام بعد صلاة العيد واصحى الاقى البيت مش عايز يتروق ياااه فرحه كبيره ههههههههههه
احكي لنا أطرف موقف حصلك في العيد ؟
فى يوم قعدنا نشوى واللحمه طلعت مستويه من بره بس واتاكلت يعنى هتتساب انسو دا العيد
والموقف التانى لما سافرت اقضى العيد فى البلد ورجعت رجلى مجبسه بس دا كان موقف هباب
بتحرص على تهنئة الأهل والأقارب والأصدقاء بالعيد .. ولا مش بتهتم ؟؟
طبعا دا واجب وطنى بس فى الأونه الأخيره بقيت بستندل وابعت للى يبعتلى وبس
( الكلام طبعا على اصحابى فقط لا غير هههههههههه )
مين أول حد تزوره أو تكلمه في التليفون /الموبايل عشان تهنيه بالعيد ؟
أخواتى وبعديها أصحابى والأقرب فالأقرب وهكذا ولو خرجت يبقى جيرانى
إيه الفرق بين العيد الحالي .. وعيد (أيام الطفولة )؟
لا طبعا الفرق كبير حتى فى فرحة القلب
العيد الحالى بتدفع اما في الطفوله بتاخد ههههههه
طبعا العطاء ليه رونق جميل بس لما كنت باخد كان الرونق أجمل
كلمنا عن ذكرياتك في العيد ؟
كنت لازم وانا صغيره اول شيء اصحى عليه هو الأيس كريم والبمب وكان دا بيجبلى التهزيق طبعا
تفتكر الحياة من غير عيد .. هتفرق كتير ؟؟؟
يااه هيبقى الفرق زي بين السما والأرض العيد نبض قلب وفرحه بتضم الأمه العربيه
إيه أجمل رسالة تهنئة بالعيد وصلتك .. قلنا طبعااا بتقول إيه ؟؟ ومن مين ؟؟
أجمل رساله وصلتنى من لوله حبيبت قلبى ومرات أخويا
( مش بجاملها اصلا هى مبتدخلش للمدونه نداله بقى ههههههههه )
وانا بعتها لمعظمكم لأنى فرحانه بيها قوى اصلها مسخره بس بتظر للواقع الحالى
وكانت بتقول : كل عام وأنتم بخير .. نظرا للظروف الأقتصاديه وارتفاع الأسعار
هذه التهنئه صالحه لمدة سنه وتشمل: عيد أضحى _ تعيين _ ترقيه _ نجاح
_ سنه جديده _ مولود _ نقل _ زواج ... الخ
احم احم .. لسه بتاخد عيدية ؟؟ من مين ؟؟ وبتديها لمين ؟
والله الوحيد الذى مازال بيدينى عيديه هو أخويا وطبعا مبدهاش لحد لأنها بتكون محترمه
فبستأثر بيها لنفسى والفكه تطلع لأطفال العيله بقى هههههههههه
إيه رأيك في التاج ؟
جميل جدا بجد بس هيضيعنى ويبين جوانبى الشريره بس يلا كله بثوابه
تحب تمرره لمين من المدونين ؟ اذكر على الأقل 10
للأسف كنت هحب أمرره لناس كتيره بس مفيش وقت
نظرا لأن العيد بكره خخخخخخخخخخخخ .. كل سنه وأنتم طيبين

هناك 39 تعليقًا:

mohamed ghalia يقول...

كل سنة وانتى طيبة
عيد سعيد عليكى وعلى كل أحبابك
دمتى فى حفظ الله
كل سنة وانتى طيبة يا أحلى أخت فى الدنيا
بإذن الله السنة الجاية تكونى من الحجيج

mohamed ghalia يقول...

أنا عايز نصيبى من العيدية مش إنتى الكبيرة ولا ايه؟
وبعدين انتى مبعتليش الرسالة دى ليه ههههههههههههههه
مش بتقولى بعتيها لمعظمنا
كل سنة وانتى طيبة

romansy يقول...

كل سنه وانتى طيبه يا نور
اجابات فيها فرحه العيد
عيد سعيد عليكى
والليله ليلادى عيد
ع الدنيا سعيد
ويا ليله العيد انستينا
وجدت الامل فينا ياليله العيد

كل سنه وانتى طيبه
مش تنسينا بالعيديه
ورك فرخه بقى
مش مشكله

جنّي يقول...

اجابات موفقة

جعل الله ايامك كلها اعياد

تحيتي

ahmed_k يقول...

كل سنه وأنتي طيبه يا نور
وبعوده عليكي الأيام بخير

ABOALI يقول...

عيد سعيد باللحمة بالتاكيد
وهانقطع الخروف حتى يقول يا ناس اعملوا معروف
وهانشويه وناكله هم هم
ونعيش عيشة السعداء يااااااااا عينى
على العيد يا عينى

عيد سعيد وتاج اجمل ومفيد

حـــــ الــجــنــة ـــــور يقول...

كوووووووووول سنة وإنتي وأهلك بصحة وخير ياقلبي
سلامي لأهلك واحد واحد خصوصا أخوكي بتاع العيدية يعني ما تنسيش نصيبي حستناكي بعد العيد ههههههههه
شكراااااا بجد رسالتك حلوة بس حتى لو الظروف الإقتصادية زفت حكون دايما من المهنئين ليكي يا حبيبتي
عساكم من عواده

mahasen saber يقول...

كل عيد وانتى بالف خير
واسرتك وكل من تحبين
بكل صحه وستر

عيد سعيد يا نور وشاكره ليكى تهنئتك الجميله
ربنا يعود الايام المباركه عليكى بالخير ان شاء الله

DR.HAMAS يقول...

اجابات ظريفة بجد

ربنا يكرم حضرتك

و ربنا يجعل أيامك كلها أعياد

كل عام و انتم الى الله اقرب و على طاعته أدوم






د.حماس

habiba يقول...

كل سنه وانت طيب ياجميل
ياشريره وانا اقول هى حاطه المسج اللى عالميل دى منين اتاريها من مرات اخوكى امممممممم
يلا عيدك سعيد وامرى لله :)

اقصوصه يقول...

مببروك التاج

اجابات جميله

وكل عام وانتم بخير :)

semsem يقول...

.•*´¨`*•.¸¸.•*´¨`*•.¸¸.•*´¨`*•.¸¸.•*´¨`*•.¸¸.•
::: (\_(\ ...*...*...*...*...*...*...*...*...*...*...*...*
*: (=' :') :::::::: Happy Ad7a :::::::::::
•.. (,('')('')¤...*...*...*...*...*...*...*...*...*...*...*
¸.•*´¨`*•.¸¸.•*´¨`*•.¸¸.•*´¨`*•.¸¸.•*´¨`*•.¸¸.•

شهرزاد يقول...

نور الجميلة
إجابات جميلة ودمها خفيف

كل سنة وأنت طيبة

وأنت أجمل وردة في عالم المدونات

أجمل باقة ورود أهديها لك وأجمل التهاني
بمناسبة العيد
أتمنى لك كل الخير والسعادة

كل الحب والود

مولان يقول...

زيييييييييييي مش بحب اللحمه وهاكل فراخ

اجاباتك سكر زيك

كل سنه وانتي طيييييييييبه

”*°•.˜”*°•..سونه..•°*”˜.•°*”˜ يقول...

السلام عليكم (كل سنه وانتى طيبه وبخير يارب ) .
دمك الخفيف باين فى كل كلمه كتباها .
وانا كده عرفة هجيب ايه وانا جايه عندك "فراخ " هههههههههههه.ويارب يكون عيد سعيد على جميع افراد الاسره .
(سونه)

نهر الحب يقول...

عيد سعيد
وكل عيد اضحى وانت بخير
وان شاء الله العام القادم على عرفات متجمعين
عيد سعيد يارب العالمين

tarek alghnam يقول...

وامرت بذبحك يا ولدى فانظر فى الامر وعقباه ؟؟؟

ويجيب العبد بلا فزع افعل ما تؤمر ابتاه من يعصى لله امرا من يعصى يوما مولاه

واستن الوالد سكين واستسلم ابنا لقضاه

وتهز الكون ضراعات ودعاء يقبله الله تتوسل للملأ الاعلى ارض وسماء ومياه

ويقول الحق ورحمته سبقت فى خير عطاياه صدقت الرؤيا لاتحزن يا ابراهيم يا ابرهيم فديناه .....كل ثانيه كل دقيقه كل ساعه كل يوم كل اسبوع كل شهر كل سنه وانتم طيبين وعيد سعيد

rovy يقول...

عيد اصضحى سعيد عليكى يا نور و علينا و على كل امتنا ياارب

برافوا عليكى انك لحقتى تعملى التاج

احساسك بالعيد جميل و يارب تكون ايامك كلها اعياد ..

كل سنه وانتى طيبه و بصحة و سلام

yoyo يقول...

كل سنة وانت طيبة يا قمر

كلام فى سرك يعنى هى الفراخ اخف انا اكل اللحمة مشوى وكدا تمام اوى انما بقى لحمة وصلصة و مش عارف ايه اسلم فرار على طول
ههههههههههههههه

هو انت عاوزة تصحى تروقى كمان ما احنا بقى لنا كام يوم شغلين ترويق وتنفيض ايه يا انا اه وسمعنى سلام والله يا زمان لا بادينا زرعنا الشوك هههههههههههههههه هو الترويق بيخلص مفيش فايدة عمك سعد زغلول قالها وخلع ههههههههههه

الندالة علبنا حق ههههههههه اه يا اختى رغم انى مازالت باخد عيدية الا انى بدى عيدية برده
بس والله بتحسى انك مسئولة كدا وعيدية ومش عارف ايه احنا كبرنا ولا ايه يا رجالة ههههههه

نور مش ليا دعوة برده يعنى من الاخر كدا انا عاوزة العيدية بتاعتى اتصرفى بقى مش ليا فيه والله اعمل لك دوشة فى المدونة هنا بقى عاااااااااااوزة العيدية بقى

كل سنة وانت طيبة يا قمر ويارب العيد الجاى تكونى فى بيت عريسك بقى ان شاء الله يا قمر

تحياتى
يويو

طوبة ذهب وطوبة فضة يقول...

ربنا يكرمك وكل سنه وانتى بالف خير وصحه وسعاده حبيبه قلبى

ana.kda3 يقول...

كل سنه وانتى بالف خير وسعادة وعيد سعيد عليكى.يانور عايزه اقول لك حاجه برغم الضحكات الكتير فى البوست ده بس مش حاسه انها من القلب يارب ظنى ميكونش فى محله ...لانى متابعه مدونتك من فترة بقيت عافه اسلوبك عموما اتركك فى رعايه الله

الملاك يقول...

السلام عليكم ورحمة الله وبركاته
أختى وحبيبتى فى الله نور كل عام وانت وكل من تحبين وامتنا الاسلامية بخير حال
بجد يا نور انا مش عارفه اقولك ايه ولا ازاى ممكن اشكرك على سؤالك الدائم عنى فوالله انى لاشعر بالخجل منك ولكنك انت نور زينة المدونين من تعودنا منها ان تقف بجانبنا دائما فى شتى المواقف ولا اريد ان اقول انى اشعر بانك مثل الاب الروحى لنا حتى لا تغضبى وتظنين بانى اريد ان اعطيك سنا اكبر من بكثير من سنك ههههههه
ويعلم الله اختى ان غيابى هذا كان رغما عنى ولكن كلماتك اثرت فى كثيرا فلقد ذكرتى عبارة جعلتنى اتسأل هل هذا حقا هل من الممكن ان يكون لتواجدى بينكم فائده ولو بسيطه لاحد عموما جزاكى الله خيرا عنى وبارك لى فى اخوتك وادام بيننا طيب التواصل
------------

اما بالنسبه للتاج ففعلا هو بين جوانب شريره قوى فيك ههههههههههه
بمب ...بمب يا نور امال بعد كام سنة هتعملى ايه قنابل وصواريخ هههههههه
لا دا احنا المفروض بقى نخاف منك ونعملك الف حساب قبل ما نفكر ونزعلك

اسعد الله اوقاتك اختى دائما بكل خير وجعلك سببا فى سعادة الاخرين وجزاكى عنا جميعا خير الجزاء

دمتى اختى وقلبك برعاية الله

قلمي يقول...

كل سنه وانت بخير

norahaty يقول...

السلام عليكم ورحمة
الله تعالى وبركاته
كل سنه وانتى بصحة وسعادة
ايه التاجات الحلوة دى والاجوبة
الاحلى منها .عجبتنى كلها بس اكتر واحدة ((((إيه الفرق بين العيد الحالي .. وعيد (أيام الطفولة )؟
لا طبعا الفرق كبير حتى فى فرحة القلب
العيد الحالى بتدفع اما في الطفوله بتاخد ههههههه
طبعا العطاء ليه رونق جميل بس لما كنت باخد كان الرونق أجمل))))كده انت صااااااااااااااااااااااااااادقة
العطاء حلو لكن الاخد (لو ممكن يعنى)احلى الف مليون مره واسألينى انا :):)::)ههههههههههه
مرة تانية كل لحظة وانتى بالف خير

وفاء بركات يقول...

نور شاهين
كل سنه وإنت طيبه
وربنا يبارك لك في أخوك وزوجته
ويديم عليكم المحبه..
لك تحياتي.

saragebaly يقول...

الجميلة نور

اجاباتك جميلة اوي وفيها خفة دم وشربات وسكر وعسلية وحاجات مسكرة كتيييييييير

عيد سعيد عليكي يارب يكون مليان بكل الفرحة والحب والسعادة وطبعا طبعا عيديات كتيييييييييييرة
عيدية تاخديها مش تديها طبعا

ربنا يسعد قلبك الجميل المليان حب ويسعدك دايما ياااااارب

كل عام وانتِ الى الله اقرب

كل الحب لاجمل نور

سارة

فارس القمر يقول...

كل سنه وانتى طيبه واللى الله اقرب

عيد سعيد

اجباتك زى العسل وجميله قوى

تقبلى مرورى

موجة فى بحر الحياة يقول...

كل لحظة و كل يوم و انتى بأطيب حال و كل احبابك و المسلمين

نور الدين يقول...

اهلا نور
ربنا يكتبلك السعادة ويحقق لك كل ما تمنيت

وكل عام وانت بكل خير
تحيات لك

نورالدين محمود

م/ الحسيني لزومي يقول...

تقبل الله منا ومنكم
وكل عام وانتم بخير

موناليزا يقول...

كل سنة وانتى طيبة ياحبيبتى

نبض الروح يقول...

كل سنة وإنت طيبة
وفعلا إجابات جميلة :)

ذو الوجه المبتسم يقول...

كل سنة وانتى طيبة
واشكرك على تهنئتك الغالية قوووى التى لا تقدر بثمن يا ست هانم يا منوفية هههههههههه
تقبلى تحياتى

ghoneem يقول...

كل عام وانت بخير

خلاص يا ستي الخرفان ارتاحت متقلقيش عليهم ويارب تكوني قضيتي عيد سعيد

تاج ظريف تسلم ايدك وردودك لذيذة
وأشكر طبعا الاول علي "أجمل أخ " أحرجتني بجد والله وسعدت بكلماتك جدا

واشكر ليكي تهنئتك الرقيقة بالعيد وكل عام وانت بخير

تحياتي ليكي ولمدونتك المتميزة

بالتوفيق......................

وفاء بركات يقول...

كل سنه وانت طيبه نور
هي الفراخ لسه مخلصتش .. كل ده تأخير
انا في إنتظارك مليت إيدى علي خدى وعديت بعادك بالثانيه ولا جيت
مستنياااااااااااكي ...

بنت مصريه يقول...

كل سنه وانتى طيبه وربنا يجعل ايامك كلها عيد يا رب
ان شاء الله
اتمنى تنورينى

miada ref3at.. يقول...

هههههههههههههه..كل سنه وانتى طيبه يا ساره..

التاج بتاعك مسخره خالص ههههههههههه..

كل سنه وانتى طيبه ويجعل ايامك كلها عيد وفرحه يارب..

طبعا اللى عندى ده جنان رسمى انى اعيد على الناس بعد العيد..بس والله العيد عندى مكنش عيد.كلن مذاكره وشغل والله..طبعا بعتذر عن اى تقصير فى التدوين صدر منى وان شاء الله اكون متواجده باستمرار..

على فكره انا بحب الفراخ عن اللحمه برده وقضيتها انفلونزا طيور فى العيد..ههههههههه..

دمتى بخير وسلام..

nour shahen يقول...

نورتونى كلكم وأسعدتوا قلبى وفرحتونى
بحبكم وبالكلمه الطيبه دايما موجودين ولكل قلب قريبين ودايما يا رب أشوفكم بخير وطيبين

محمد غاليه:شكلك مش قريت التعليق لا عيديه لأكبر من 3 سنين انسى هههههههه

رومانسى: عيد سعيد عليك
جنى : عيد سعيد عليك
احمد_ k: عيد سعيد عليك
ابو على : العيد بالفراخ عندي معلش

حور الجنه: مفيناش من تنصيص بقى هههههه ودايما تكونى كريمه يا قمرتى

محاسب صابر : العزيزه الرائعه وفخر المدونين كل عيد وانتى بخير وسعاده

د/حماس: عيد سعيد وعمر بطاعة الله مديد

حبيبه : يخونك الأتصال يا بيبا ههههههه اقولك كام دقيقه حتى ولا بلاش يلا عيد سعيد عليكى يا قلبي

اقصوصه: الله يبارك فيك عيد سعيد وعمر بطاعة الله مديد

سمسم: عيد سعيد عليك

شهرذاد: صديقتى الجميله بشكرك علي الورد ودى اجمل هديه وعيديه يا رب تكونى قضيتى عيد سعيد

مولان : خلاص عرفنا لما نتقابل هناكل ايه, بس فينك مختفيه ليه يا بنتى

سونه: وعليكم السلام انتى مجيتك عندي بمليون فرخه هههههه اقصد بالدنيا

نهر الحب: امين يا رب انا واياكى وكل مسلم مزرش بيت الله ربنا يسعدك

طارق الغنام: رائعه الكلمات متشكره جدا عليها ربنا يباركلنا فيك يا رب

روفى: العزيزه روفى يا رب يكون العيد مر عليكى بسلام وفرحه وكل عيد سعيد بوجودك يا رب

يويو : بطلى تخبيط زلزلتى المدونه ووقعتى الموضوعات فوق بعضها عجبك كدا , حاضر بس هجبلك عيديه حمص متسئلنيش ليه ههههههههه هو كدا رخامه

طوبه دهب: نورتينى ويا رب تكونى قضيتى عيد سعيد

ana.kda3: للاسف بالفعل الظن مش فى محله لأنى كنت بكتب التاج دا وانا مبسوطه وفرحانه وبضحك من قلبى فعلا أسفه لو وصلك التعبير بشيء تانى بس يا رب تكون قضيت عيد سعيد ودايما منورنى

الملاك: حمدالله على السلامه يا ابو اجمل ابتسامه , ايه كل دى غيبه برضوا وحشتينى جدا , بالنسبه للعباره فهى بالفعل كانت مقصوده لأنى محتجالك ترجعى تنورى طريقى بقلمك من جديد, وانا مبزعلش لو حتى حد قالى يا تيتا نور هههههههههههه

قلمى: كل سنه وانت بخير وطيب

norahaty : وعليكم السلام.. خلاص ولا يهمك اللي هيجيلى اقسمه بالنص معاكى ههههههههه برغم ان في ناس كتير عنيهم فيه بس يلا اصلك الوحيده اللي فهمتينى
يا رب تكونى قضيتى عيد سعيد ودايما منورانى

وفاء بركات: ربنا يزيدك بكل خير يا رب ويكرمك يا عزيزتى

ساره الجبالى: ساره السكره اللي بحبها اكتر من نفسى, منوره المدونه , ويا رب يكون مر عليكى العيد انتى كمان بصحه وسعاده , واجمل شيء في العيد ان الواحد يستقبل تهنئه من قلب صادق بيحبه, ربنا يكرمك بكل الخير ويسعدك

فارس القمر: عيدك سعيد وعمر بطاعة الله مديد منور المدونه بقدومك وتعليقك

موجه فى بحر الحياه: كل عيد وانتى اجمل من اللي قبله وبكلمه اعزب من كل عيد تسمعيها وتكون شيء اكيد , عيد سعيد وعمر بطاعة الله مديد

نور الدين : انا وانت وكل المسلمين يا رب , عيد سعيد عليك وعلي احبابك

م/الحسينى: عيد سعيد عليك

موناليزا: عيد سعيد علي القمر ودايما منورنا بمروره اللي اخف واجمل من نسمة الربيع

نبض الروح: عيدك سعيد وبفرحه يا رب

ذو الوجه المبتسم: أستر عليا بقى في موضوع منوفيايه دي ههههههههه كل عيد وانت بصحه وسعاده يا رب

غنيم: طبعا اخ واجمل اخ كمان يا رب تكون قضيت عيد سعيد واتفسحت وانبسطت وبعدت عن اكل اللحمه علشان مضره خليك تبع حزب الفراخ زى هههههههه

وفاء بركات : والله يا فوفا شكل الفراخ كبست علي نفسى . الشعب كله عينه فيها ههههههههه بس انا مقدرش اتاخر عنك ابدا .. وشيلى ايدك من علي خدك

بنت مصريه: منوره يا قمر بس انا نفسى افهم كل مرور في اخره بتكتبى ليه اتمنى تنورينى مهو منغير ما تقولى بتلاقينى ههههههههه

مياده رفعت: واخيرا وختامه مسك وفل وياسمين وحمدالله على سلامتك ودا بالتأكيد اجمل بوست وتهنينا قبل العيد ولا بعده مش هتفرق الاهم انك رجعتى ونورتى من جديد.. الف حمدالله علي السلامه وهضمك لحزب الفراخ هههههههههه

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘