2008/09/24

لحظه ساحره


استوقفتنى الحيره فتأخرت عن اجابة هاتفى حين رأيت أسمه .. وجال بخاطرى عدة اسئلة .. ولكن لما الحيره لأجيب واعرف لماذا يتصل
تظاهرت بالتجاهل برغم انى احفظ نبرة صوته عن ظهر قلب . وسئلت من المتصل .. فأجابنى بنبرت صوته المميزه وبضحكه الا تعرفينى . فقولت اعتذر انى اعانى من اثار برد قاتل يؤثر على اذنى من انت ؟!!
لاحظت بصوته شجن لم اعهده من قبل لا انكر انه اسعدنى ..وللحظه اعتقدت انه عائد الى وان خبر خطبته لأخرى غير صحيح .. فسئلته ان يأتى لزيارتنا مع خطيبته المزعومه .. فأنا لما ارها ولكن خبرونى عنها
فأجاب انه لن يستيطع ان يأتى بها وطلب منى الدعاء لهم .. بصفاء نيه دعوت لهم بالتوفيق فهى لم تختطفه منى ابدا فلم أكن أحبه .. ولكنى حلمت كثيرا ان ارتبط بشخص مثله وما كان يشجعنى على هذا الحلم حبه لى الذى كان يعلم به كل اهلنا ..
ولكن للاسف كلهم كانوا يرون حبه الا انا فقد رأيته متأخرا جدا .. وكنت اظن اننى مثل اى فرد يتعامل معه فهو بطبيعته حنون ودائما تطغو ضحكته على كلماته وحينها لا تفرق بين الواقع والخيال
أنه شخصيه ملتزمه جدا والحديث معه له مذاق خاص , حين يحاول ان يقنعك بسلاسه وبرغم عنادك تتفق معه وكأن كل ما يقوله صحيح
كان يتصل ليطمئن علينا , هذا ما قاله ولكنه عادة يتصل على الهاتف الأرضى , او على هاتف اخر , لماذا اختار هاتفى انا هذه المره
لماذا لم يطلب ان يتحدث مع أخوتى مثلما اعتاد , بل اكتفى بحديثه معى واغلق بعد السلام
اسندت ظهرى للحائط وكأنى اطلب مساندته فى محاوله لصمودى , ويعلو شفتاى ابتسامه وكأنها ابتسامة الأنتصار .. ثم اخفيتها وقررت ان امحوها , فتلك تعد خيانه وهذا ليس طبعى , فأنا لا أخون شخص اعرفه او لا اعرفه حتى فى خيالى .
وظللت اخبر نفسى انى اخطأت الفهم وان اتصاله الأن ليس له غرض الا الاطمئنان علينا بصفته من الأقارب , فهو ابن عمى ومن الطبيعى ان نتبادل الاتصالات .
ولكن عقلى لم يتركنى وظل يعيد كل موقف لنا سويا منذ الطفوله , فى محاولة لتشكيكى فى غرضه .. وتذكرت حين جلسنا وسط الحدائق ولم نكن سوا اطفال وذهب الجميع وظل هو بجابنى يتجازب معى أطراف الحديث فى محاوله لكسر صمتى وأضحاكى بعد ان عنفنى أخى
وحين لعبنا فى صبانا لعبة الاختباء وكان يعلم اين انا ويتظاهر انه لم يرانى
كان دائما يتدخل ويساندنى مهما كلفه الأمر , وحين اغضبه لا يأتى لبيتنا الا ان صالحته من جديد .. كنت فى البدايه آراه الأخ المتواجد بجانبى الذى لطالما حلمت به .
فأخى دائما مشغول , واخر شيء يعرفه هو المشاعر بين الأخوان
لم أنكر انى احببت فيه الأخ والصديق الذى ابوح له بأسرارى فيرشدنى
واتذكر الأن يوم فرح أخته , والافراح عندنا نحن المصريين تاخد طابع خاص من اقامة اكثر من ليله يتجمع فيها معظم الأهل لأعداد المراسم النهائيه لليلة الزفاف , وكان يومها ليلة الحنه . وقد اعددنا للعروسين كرسيين للجلوس وسط بهرجة الأنوار . ولكن العريس لم يأتى وقررت العروس عدم الجلوس فوق كرسيها وصعد أبن عمى ليجلس مكان العريس وكنت اقف بعيدا وظل يدعونى للجلوس بجانبه , حتى لاحظ كل الموجودين , واصبح كل شخص بكلمه يتحدث عن قصة حبه , فتعللت بتعب مفاجىء ودخلت للمنزل .
ويوم الزفاف حين جلس بجانبى فى كل صوره تم التقاطها , وحين صعدنا للعربات وانا احاول ان انادى على أخى وهو الذى نبهه لأنه كان يتابعنى بنظراته .. كنت اعتقد انا ان كل هذا هو ما يحدث بين الأخوان فكنت افسر كل تصرف منه انه شيء طبيعى .. ولكن عندما أيقنت من حبه لا اعرف ماذا حدث لى لم اعد اتعامل معه كالسابق , لم اعد اقص عليه اسرارى او اتواجد بمكان واحد معه كى لا يتحدث عنا الناس , وقد شعر هو بتغيرى المفاجىء معه , كنت اعلم انه يريد ان يحدثنى ليفهم ولكنى دائما اهرب منه بكل الطرق ... حتى استسلمنا للصمت نحن الأثنان
وبرغم صمتى كنت انتظر ان يتقدم لطلبى حين علم انى شعرت بحبه
ولكنه كان ينتظر ان ابادله المشاعر , حاولت جاهده ان احس قلبى على التفكير به كحبيب وزوج ولكنى لم استطع ان ارسم بخيالى حياة نعيشها سويا , وايقنت انى لا استطيع مجاراته فى الخيال فكيف يكون الواقع
وابتعدت عنه بكل قوتى فى حين انتظاره لقربى , لا اعرف لما صدمت حين سمعت خبر خطبته فانا لم اعد اراه او اذهب لبيت عمى , وقد سمعت الخبر من بعض الاقارب , لقد اختار أنسانه لا تليق به , كم حزنت على هذا الأختيار , ليس لأنى احبه ولكن لأنه يستحق من هى احسن من تلك الخطيبه
أدعوا الله الأن من كل قلبى ان تكون خير زوجه له وان يصلح لهما الله الحال
ويكفينى انا ذكرياتى مع الأخ الحبيب وحلمى الذى لن يتحقق
ولكن يظل بقلبى سؤال يحيرنى ... هل عــــــاد ؟!! ولـــمــــــــاذا ؟!!

هناك 78 تعليقًا:

*الطالبة عفو الله *زوزو يقول...

أنا أول تعلييييق يا حليلي
متفرحيش اوي يا قلبي
انا جايا احجز بس
ما احنا في نص الليل و مفيش تركيز و بعدين انتي عارفة لسة متلخبظة مع اللخبظة الي حصلن و لخبطتني
فمش حعرف اركز في الكلام
المهم اديني حجزت
ههههههههههه
لو دة كله بس الحجز امال التعليق حيبقى ايه
الله المستعان

*الطالبة عفو الله *زوزو يقول...

على فكرة مبررروك يا نور انتي اول وحدة اعلق لها بعد تغيير اسم الوضع من زيزي للطالبة عفو الله
فلازم اقول للناس اني انا zizi

حـــــ الــجــنــة ـــــور يقول...

ماشاء الله على الأخلاق النبيله يا حببتي بوست هايل يأكد إننا لم نحب مش شرط نكون مع لنحبهم المهم نتمنلهم السعاده والهناء ياقلبي بعدين الله يهنيه بزوجتو
وإنتي حتلاقي أحسن منو لأنك قمر وتستاهلي الخير ياغاليه هههههههههههههه
بقصد بطلة البوست أناسعيده بمروري بمدونتك المتميزه مزيد من التألق إن شاء الله
كل سنه وإنتي طيبه يا ملهمتي
حفظكي الرحمان

أكون أو لا أكون يقول...

لو كان متأكد من مشاعره لما ابتعد!

صدقيني... مستحيل رجل يبتعد عن بنت يحبها بسهوله...
كان حاول! ... حتى لو رفضتيه! ... كان حاول أكثر من مره قبل الاستسلام...

ربنا يوفقه! ...

ويعوضك بشخص يحارب من أجلك... ومن أن يحصل على قلبك...

Empress appy يقول...

بصى هو ممكن يكون فعلا بيتصل عادى او علشان يخفف حده موقف انتم فيه بس يا حبيبتى متقعديش تفكرى لان ده نصيب ربنا اللى بيكتبه لينا
غير كده لو له نصيب فيكى او فيها هيكون
كونك محستيش بيه هو غلطان ليه من البدايه لو انتى جواه اوى ميقولش لكى ايه اللى مانعه
حتى لما حس ليه متقدمش ليكى اساله كتير مش عاوزه اسالها علشان مضايقكيش بس انسى وادعيله وادعى لنفسك
كل سنه وانتى بخير يا قمر

ذو الوجه المبتسم يقول...

احييكى على البوست الجميل
ما فعلتيه صحيح 100 %
لان الارتباط المبنى على حب من الطرفين بيكون ناجح
اما الارتباط المبنى على حب من طرف واحد ؟ صعب جدا ؟ مثله مثل الارتباط التقليدى .. وتوابعه خطيرة بجد

ملحوظة : الانسان منا ممكن يتحكم فى اى شئ الا المشاعر والاحاسيس ؟!

ربنا يوفقه ويوفقك
تحياتى

*الطالبة عفو الله *زوزو يقول...

ما شاء الله عليكي يا حبيبتي
قصة جميلة فعلا لكنها مبهمة شويا
و الله تساؤلات كتيرة خلفتها القصة في بالي
هو معبرلهاش عن شعوره مباشرة ليه و لا حاول يستفسر عن بعدها لما حست بحبه
لماذا تخلى عنها بهذه السهولة
و لماذا هي صدمت لما علمت بخطبته
و سؤال الاخير ما سر اتصاله
و هل فعلا عاد ام هي اوهام
يعني كدة حنفظل معلقين يا نور مين يا ختي الي حيجاوب لنا على كل الاسئلة دي
ههههههههههه
بس فعلا قصة جميلة و مشوقة
و حتة انها مبهمة زادتها رونقا و تشويقا
الي الامام يا حياتي
و اشد على يدك و اؤكد انك تنفعي تكتبي و بلاش تحرمينا من ابداعاتك
بارك الله فيكي
دمتي في حفظ الله يا غالية

كـــيــــــــارا يقول...

ممممممممممم

هو اسلوبك جميل وسلس

بس تعالي ننقاش الموضوع هو بيحبها يبقي مش يتقدم ليه علطول ويروح يخطب حد تاني

عامه جميل انك اتمنيتي له الخير

تحياتي

فارس بلا جواد يقول...

تعجبت من موقفك
موقفك هذا يذكرني بالمثل القائل ( لا باحبه ولا أقدر علي بعده )
أعتقد ان هذة المشكلة تعاني منها العديد من الفتيات وهي ان تري شخص مناسب بعقلها فقط وربما تقنع نفسها بالارتباط به رغم انها تدرك بعدم وجود حب داخلها
ولكن رأيي أن عدم أكتمال هذة القصة هو أنسب شيئ لأنه ربما يتسبب في جروح للطرفين
اروع شيئ ان يكون الحب متبادل
قبل أن تسألي نفسك لماذا قام بالاتصال وهل يرغب بالعودة لك .. اسألي نفسك اولا هل انت تحبيه
طبعا لو لم تكوني تقصدي نفسك فاعتبري ان الاسئلة موجهة لبطلة القصة
دمتي بكل الود

غير معرف يقول...

لا حول ولا قوة الا بالله والله العظيم قربتى تجننينى انتى مين بالظبط هههههههههه

نـــــور يقول...

ازيك ياحجه نور
وحشانى يابنتى

ندخل للجد بقى
اولا انا شايفه انها يمكن مش عارفه عايزة ايه ؟.
يعنى مثلا سرحانا وكلامها ده ليه احتمالين
اما انها فرحت زى اى بنت تحس ان ليها حد بيحبها وبيهتم بيها
او انها بجد بتحبه لكنا ماتعرفش
او حاسه لكنها بتكابر

وعندى سؤال
لو هى مش بتحبه فعلا ومش فارق معاها
ليه عندها الفضول انها تسأل
هل عاد؟ ولماذا؟
لانه بيتهيالى مش هيفرق معاها عودته لو كان عاد

الاهم فى الموقف انها تحدد هى فين بالظبط؟
ل هو بيمثلها حاج مهمه او لا
علشان لو كان تلحقه قبل مايضيع وترجع تندم

وبعدين تعالى هنا
مواهب مدفونه علينا
وروايات قصص وبطريق لذيذه ومشوقه كمان؟؟؟!!!!!!!!!

تحياتى يانور وواسلوبك بجد والله
حلو جدااااا

دمت بخير

Maha Shahen يقول...

الطالبه عفو الله

انتى اخدتى الأول والتانى يا قلبى
طيب ركزى كدا ربنا يكرمك وتعالى
مبروك على تغيير الأسم ومش تقلقى صورتك مميزه فى عنينا
وبعدين انتى مش محتاجه تعملى اعلان يا قلبي بيكفى طلتك بنعرف منها انتى مين

Maha Shahen يقول...

حور الجنه

الله يكرمك يا قلبى ههههههههههه بس دى مجرد قصه

انا الأسعد بمرورك العطر يا قمرتى

كل سنه وانتى بالف خير وصحه يا رب
نورتى المدونه

Maha Shahen يقول...

اكون او لا اكون

أبتعد لأنها هربت ومقررتش هى عايزه ايه
واكتفت بيبقى الحال على ما هو عليه
وساعتها من حقه يدور على شخص تانى يحبه

يا رتنى الاقى شخص يحارب من أجلى هههههههههههههههه بس دى مجرد قصه اتكتبت مش بتاعتى

Maha Shahen يقول...

appyplanet

أكيد طبعا كل انسان بياخد نصيبه

ساعات الحب بيكون اصعب من مجرد كلمه تتقال , كان مستنيها تحس بيه
ولما حست بيه رفضت حبه لأنها خافت يكون حب أخوى حب تعود يعنى مش اكتر

ليه يا قلبى بس اسئلى اللي يعجبك دى مض قصه خاصه

كل سنه وانتى بألف خير

أسعدنى مرورك وتعليقك ومناقشتك الهايله

Maha Shahen يقول...

ذو الوجه المبتسم

أكيد طبعا شرط الحب او الاعجاب او التفاهم حتى يكون متبادل بين الاتنين علشان تنجح علاقتهم وتكلل بالزواج

عجبتنى جدا الملحوظه بتاعت حضرتك , فعلا محدش يقدر يعمل كنترول علي قلبه

أسعدنى مرورك وتعليقك

Maha Shahen يقول...

الطالبه عفو الله

حمدالله على السلامه يا قلبي

هى فيها اسئله كتيره انا عارفه بس هى حيرة فتاه , لازم تكون فيها شوية علامات استفهام

فى حاجات في الدنيا بتكون نهايتها مجرد صمت منغير اى افعال وبجد دا شيء مؤلم وبيسبب الحيره جدا

صدمت لأنها مكنتش مقرره بالظبط هى عيزاه او لا مقدرتش تفرق دا حب أخوى ولا حب بجد
وعامة انا مسبتش حيره ولا حاجه انا قولت انها مقدرتش تتصوره كزوج وبقى عندها كأخ وخلصت يا قلبى
وبالنسبه لأتصاله فهو سواء عاد او لا هى اتخذت قرارها بالانسحاب حتى لو عاد
اتمنى مكونش سبت اى اسئله مسببه للحيره

متشكره يا قلبي علي التشجيع وبأذن الله احاول اكتب شيء ميكونش مبهم بعد كدا

دمتى اغلى صديقه ونورتى المدونه

Maha Shahen يقول...

كيارا

متقدمش لأنها انسحبت . فكر انها مش عيزاه .ودا يعد تخاذل منه فعلا لأنه مقاومش ولا حاول واكتفى بالصمت
لكن ساعات الحب بيرجع لينا الحنين حتى لو منقدرش نحتفظ بالانسان اللي بنحبه

دا اجمل شيء ان الواحد يتمنى الخير لحد بيعزه او بيحبه حتى لو مش من نصيبه

نورتى ياقمر وأسعدنى مرورك وتعليقك

حبيبة الروح يقول...

جميله اوي يا نور
للاسف ساعات الواحد مش بيحس بقيمه الي في ايده الا بعد ما يضيع منه للاسف
معلش بقي نصيب

تقبلي مروري يا قمر
مي

الملاك يقول...

السلام عليكم ورحمة الله وبركاته
أختى نور لقد أثرتى شجنى حقا وذكرتينى باشياء كثيره
اختى ان اتفهم جيدا مشاعرك فى هذا الموقف
اختى اننا عندما نشعر باهتمام احد بنا وحبه الصادق لنا نعتز به كثيرا وان لم نبادله او نشعر تجاهه بنفس المشاعر لذلك نشعر ببعض الاضطراب والخوف من احتمال فقدنا لهذه المشاعر الصادقه ولكننا فى النهاية نظل نتذكر ذلك الشخص ونتمنى له السعاده دائما لانه لم يخطئ فى حقنا بل نحن من اخطانا عندما لم نقدر مشاعره تلك حق قدرها ولكنى فى النهاية اؤمن بالنصيب وبان الله يعلم ما لا نعلم فعسى ان تحبوا شئ وهو شرا لكم وعسى ان تكرهوا شئ وهو خيرا لكم

اختى اعلمى انك لو علمتى الغيب لرضيتى الواقع فقدر الله وما شاء فعل
ولكن لا تسبقى الاحداث فان الله له فى خلقه شئون فلعل الله شاء بذلك حتى يشعر كلا منكما بقيمة الاخر.

امنياتى لكى بالتوفيق والسعاده الدائمة وان يقرب الله منكى ما فيه خيرا لكى

دمتى اختى برعاية الله

elsha3er يقول...

بصراحة انا بعد اللى قريته كل اللى اقدر اقوله ويملى بى ضميرى

لا تعليق

انا ارى انها كلمة خير من اى كلمة ممكن اقولها

احمد الشاعر

Beram ElMasry يقول...

الفاضلة الكريمة ـ nour shahen
السلام عليكم ورحمة الله وبركاته
شكرا لتفضلك بزيارة مدونتى والتعليق
وكل عام وانت فى سعادة وسرور
شكرا ، وارجو معاودة الزيارن والتعليق ، ليستقين قلمى

blue-wave يقول...

مممممممممممممم
بتردى عليا يعنى يا ست نور؟؟
ماشى ماشى
بس بوست مميز والله
تحياتى

Beram ElMasry يقول...

العزيزة nour shahen
شكرا جزيلا على التعليق
قرات لحظة ساحرة ، وصفك للحيرة جميل ، ولكن تقولين انك سمعت عن خطبتة لاخرى وهذا لا يتماشى مع القرابة
انتبهى لصدق الرواية كى يصدقك الجميع
شكرا لك مع اطيب الامانى والتوفيق
ارجو ان لاتحرمى مدونتى الزيارة والتعليق
عيد سعيد وكل سنة وانت والاهل بخير وسلامة

romansy يقول...

الذكريات دى اجمل حاجه فى الوجود
اوقات كتير الواحد بيكون فى ايديه حاجات ومش واخد باله منها الا لما تبعد عنه

انسان وبس ! يقول...

ده مش تعليق
انا النتى عندى مش شغال
بس كنت فى سايبر ففتحت مدونتك وقريت البوست الجديد .............مبروك ..


مبروك ع البوست طبعا
وبعدين هبقى اعلق بجد ان شاؤ الله

محبة للحبيب محمد صلى الله عليه وسلم يقول...

نور حبيبتى انا كنت كتبت تعليق من كام يوم بس النت فصل وموصلش

بس حقيقى جميلة اوى واسلوبك رائع وجميل ومميز وليكى مستقبل جميل باذن الله وهنتظر منك قصص صغيرة كتير

ربنا يكرمك ياحبيبتى ويسعدك ويسعد ايامك يارب

وكل عام وانتى بالف خير
وعيد فطر سعيد باذن الله

Unknown يقول...

السلام عليكم ورحمة الله وبركاته
سيظل التساؤل
هل عاد؟؟؟؟؟؟
لن تُعرف الاجابة
صدقآ الا الله سبحانه
وتعالى حتى القريب قد لا يستطيع
تعليل او تحليل سبب اتصاله هذا
فربما نعم اراد العودة وربما هو اتصال عادى لقريبه عزيزة .
حيرتنا معاك ...كده برضه؟؟؟
..........................
كل سنه وانتى طيبة
بعد بكرة العيد
جعل الله ايامك كلها اعياد.

Unknown يقول...

اللهم زد هـــــــذا الوجه نورا
واجعله دائـما مأجورا
وبلغه العيد مسرورا
امين يارب العالمين
عيد سعيد

ضــى القمــر يقول...

نور

بجد ماشاء الله عليكى

القصه حلوة اوى اوى .. بتجذبنا لدرجه أن اللى يقرا أول سطورها لازم ميتحركش إلا لما يكملها ..

وكنت لسه هبدأ فى النصائح .. لكن عرفت إن القصه مش خاصه بيكى

لكن مجرد كتابه وتخيل ..

بجد سلمت يداكى اختى ..

رائعه رائعه وربى .

فى انتظار جديدك من الآن ..

متتأخريش بيه كثير :)

أ / أحمد عبد المنعم يقول...

بسم الله الرحمن الرحيم
كل عام وأنت بخير
وكل زائرى مدونتك
وتقبل الله الصيام
والقيام
والزكاة
وجعله عيد يمن وبركة عليكم
وأدعوك لزيارة مدونتى " أمــــى "
مدونتك جميلة جدا

كوارث يقول...

السلام عليكم
قصة جميلة فعلاً
وجذبتني حقًا لقرائتها حتّى آخر سطر ولكنها اثارت في البداية نفس السؤال الذي اثارته في النهاية
توقعت أن يصدمها الواقع مثلا ويأتي بالفعل في زيارة مع خطيبته أو أي نهايةٍ أخرى ولكن القصة تلخص موقفًا واحدًا
أسلوبك ممتاز وكلماتك جميلة وسهلة ولكن أكثر القصص اثارة لغيظ القاريء هي التي تنتهي بذات التساؤل في البداية !

نـــــور يقول...

نور حببتى
كل سنه وانتى بكل خير
عيد سعيد عليكى ياجميله
ويارب كل ايامك حلوة يارب

الملاك يقول...

السلام عليكم ورحمة الله وبركاته
كل عام وانت بالف خير أختى فى الله بمناسبة عيد الفطر المبارك أعاده الله علينا وعلى الأمة الأسلاميه باليمن والبركات

دمتى اختى برعاية الله

ghoneem يقول...

أهلا بيكي

كل عام وانت بخير وعيد سعيد

تقبل الله منا ومنك

مرور للتهنئة

تحياتي

بالتوفيق............

موناليزا يقول...

ياستى المهم انه يكون راجع بجد
ماتسبقيش الاحداث ومحدش عارف بكره هيكون فيه ايه
**********************
كل سنة وانتى طيبة ويارب يكون عيد سعيد علينا جميعا

ليكوريكا يقول...

في البدايه كل سنه وانتي طيبه

اما بالنسبه للقصه

صدق مشاعرك مفيش خلاف عليه

واهتمامك بيه كأخ برضو مفيش خلاف عليه

ممكن يكون من وجهة نظرك ان الانسانه اللي ارتبط بيها دي متستحقهوش

طب مين اللي يستحقه


هل فكرتي فنفسك ؟

هل فكرتي فيه ؟

هل نفسك يرجع ؟

طب لو رجع ممكن تدي لقبك فرصه يفكر فيه تاني ؟


طالما اقصه خلتني اسأل كل الاسئله دي يبقي اكيد

انتي نجحتي في تشويق القاريء ليعرف المزيد

عيدك سعيد

ليكوريكا

mohamed ghalia يقول...

أسلوب رائع بجد ربنا يحفظك
تحياتى وإعجابى الشديد للمدونة

Radwa يقول...


اولا كل سنه وانتى طيبة يا نور
ثانيا البوست
انا طبعا ماعرفش اعلق تعليق تقليدى وامدح مشاعرك النبيلة
انتى فعلا تميزتى بمشاعر نبيلة وكل حاجه ولكن دعينى اوضح لك حقيقة الأمر الشخص دا ممكن يكون حب مدفون فعلا جواكى ولاطمأنانك بعدم رؤيته لغيرك هو ما ابعدك عنده فى النهاية وصدمتك لم تكن لسوء اختياره كونى اكثر صراحة ووضوح مع نفسك فصدمتك الحقيقية هى من خطبته لغيرك وما جعلنى افسر ذاك بذلك هو تفكيرك فى المكالمة الاخيرة وتذكر لكل تلك الذكريات الى تحيا بداخلك وما اكد لى ذلك هو البوست او تحريرك هذا البوست الذى سيظل ذكرى باقيه فالحقيقه هو انك استخسرتى ذلك الحب الذى امتلكتيه وتمكنتى منه مسبقا
......................
تحياتى
سندريلا

Maha Shahen يقول...

فارس بلا جواد

ممكن اتفق معاك ان البنات بتغلب عليهم العاطفه. لكنى مش معاك ابدا انه دايما محتارين ومش متخذين موقف محدد
ثم انا اكدت برغم حيرتها انها اتخذت قرارها لن فعلا زي ما انت قولت القصه مكنتش هتنفع
ومفيش اجمل من الحب او التفاهم المتبادل
السؤال كان رجع ولو رجع يا ترى رجع ليه.. ولأنها مش هتعدل عن قرارها وهو خطب فالحكايه خلصت اكيد

نورت المدونه وبشكرك على أبداء رأيك ويا رب اطلع انفع اكتب واهى تجربه تستحق النظر

Maha Shahen يقول...

غير معروف

فى بوست بعنوان أربع كوارث مع الأعتذار فيه تفاصيل عنى لو حابب تعرف انا مين ولا تتجنن ولا حاجه

نورت المدونه بس يا ريت المره الجايه تكتب اسم

Maha Shahen يقول...

habiba

الله يسلمك من كل شر يا روح قلب نور
انتى اكتر يا قمرتى يا مختفيه دايما

ندخل للجد اتفضلى واقفه على الباب ليه هههههههههههههه

بس هى عارفه هى عايزه ايه
سرحانه اه لكن كلامها فى حيره من امره وليس من امرها لتغير احواله هو
الفرحه كانت لأن حد كانت بتحبه كأخ رجع ليها وشويه فرحة ان حد بيحبها سئل عليها وبتبقى سيئه في البنات دى انها تحس برغم رفضها انها مرغوبه ولكنها مضطره تبعد عنه , اولا لانها مكنش ينفع تعلقه بيها وتفضل جمبه وهى مش عايزه ترتبط بيه ولا ينفع ترجع علاقتهم وكلامهم واسرارهم مع بعض زي زمان.
السؤال بيجى زي ما قولتى من فضول
دايما بنحب ان الحقايق تكون ظاهره قدامنا بدلائل قاطعه ومفيهاش اى غموض

والله يا بيبا هى تجربه ومش عارفه نجحت ولا لا.. هقرر فى النهايه بتجميع الاصوات, لان فى ناس فهمت البوست غلط اصلا هههههههههه بس العيب اكيد عليا . يلا المهم
بس صعب اكتب كدا هى العبقريه بتجيى مره واحده وبس هههههههههههه متتضمنش يعنى بس ربنا يسهل ونشوف
اتمنى يكون عجبك ومتكونش مجاملات ما بين الاصدقاء
نورتى يا قمرتى المدونه

Maha Shahen يقول...

مدينة الملائكه

بوافقك الرأى بتحصل كتير اننا مندركش قيمة اللي نملكه الا حين نفقده

بس الأهم ان كل واحد مبياخدش غير اللي من نصيبه فلا مجال للندم

نورتينى يا ميمى واسعدنى تعليقك

Maha Shahen يقول...

الملاك

وعليكم السلام ورحمة الله وبركاته

اختى العزيزه والحبيبه
كم أسعدنى رأيك جدا وبكلماتك الاكثر من رائعه وبشدة بساطتها وبلاغتها

لكن تلك مجرد قصه كتبتها فقط بقلمى

دمتى فى افضل حال وبأمتلاكك اصفى قلب

Maha Shahen يقول...

elsha3er

بتمنى تكون القصه عجبتك واتمنى اكون اجدت التعبير وبأسلوب جيد

نورت المدونه بمرورك وتعليقك

Maha Shahen يقول...

blue_wave

لا بجد المره دى مش مقصوده يا دكتور هههههههههههههه
هى جات كدا انا بعد ما نشرت القصه لقيتك كاتب شيء مشابه حتى انا قولتلك في التعليق انى كاتبه نفس الكلام لكن بأختلاف الشخصيات

أتمنى تكون عجبتك القصه

نورت المدونه بمرورك العطر

Maha Shahen يقول...

beram elmasry

اتمنى تعيد قرائة القصه من جديد او انى انا من اغفلت عن التوضيح فلم تصل حضرتك للمعنى .. لقد كتبت

لا اعرف لما صدمت حين سمعت خبر خطبته فانا لم اعد اراه او اذهب لبيت عمى , وقد سمعت الخبر من بعض الاقارب

دا توضيح للنقطه اللي حضرتك سئلت عنها
بعد الشرخ الذى حدث بينهم واكتفائها بالصمت كان لابد من الابتعاد
وهل لو كنت حضرتك بتحب بنت حب جنون والأهل كلهم يعلمون بذاك الحب وقررت ترتبط بغيرها هتعزمها هى او اهلها علي خطوبتك

اتمنى اكون قدرت اوضح فكرتى , وبعتذر لو موصلتش من اول مره فتلك القصه بداية تعارفى بكتابة القصص القصيره

(انتبهى لصدق الرواية كى يصدقك الجميع)
لقد ازعجتنى حقا تلك الكلمات ولا أريد اساءة الظن فأرجو التوضيح

ملحوظه : انها مجرد قصه كتبها قلمى

واخيرا وليس اخراً الاختلاف فى الأراء لا يفسد للود قضيه

نورت المدونه واسعدنى تعليقك

Maha Shahen يقول...

romansy

اتفق معاك أن الذكريات تعد من اجمل الاشياء فى الوجود

مش مهم نفقد شيء علشان نعرف قيمته الأهم منندمش لأننا اتعلمنا ولو بدرس صعب . لكن الاهم الانسان يكون عارف هو رايح علي فين ميكتفيش بالحيره أو الصمت

أسعدنى مرورك وتعليقك

Maha Shahen يقول...

أنسان بلا عنوان

يا رب يرجع النت قريب يا محمود
بدل الشحططه في السيبرات وحشنا قلمك

الله يبارك فيك اتمنى تكون القصه عجبتك

انا يكفينى اهتمامك حتى والنت مش شغال
دا كتير قوى عليا

انت تنورنى في اي وقت ودايما منورنى واسعدنى كتير تعليقك

دمت فى حفظ الله ورعايتة

Maha Shahen يقول...

محبة للحبيب محمد صلى الله عليه وسلم

عليه افضل الصلاة والسلام
اختارتى يا بيرو اسم جميل بجد صحيح انا اتلخبطت في الاول بس عارفه جميل اننا كل ما نيجى نرد علي تعليقك نصلى علي رسولنا الحبيب . فبارك الله فيكى

ولا يهمك يا قلبي لو التعليق راح بيكفينى مرورك حتى بدون كتابة ولا حرف

بتشجعينى جدا وفرحانه انا مش هقولك لا فحانه قوى كمان , بس متبقيش متفائله قوى هى كانت مره كدا ههههههههههه صعب تتكرر بس نحاول
فلا حياة مع اليأس زي ما قال عمنا مصطفى كامل

كل عام وانتى بخير وصحه وسلامه
وعيط سعيد وعمر بطاعة الله مديد

Maha Shahen يقول...

norahaty

وعليكم السلام ورحمة الله وبركاته

بعتذر عن تسببى في الحيره دى
بتمنى تكون القصه عجبتك

كل سنه وانتى بالف خير يا رب

نورتى المدونه بتعليقك ومرورك العطر

Maha Shahen يقول...

نهر الحب

الله يهنيك بالعيد كله
وطيب الورد وفله
ويظللك بظل عروشه
يوم لا ظل الا ظله

عيد سعيد عليكى انتى كمان حبيبتى

Maha Shahen يقول...

ضى القمر

نشرتى النور والضياء بمدونتى بتعليقك

لك جزيل الشكر علي تعليقك المشجع الذى أسعدنى كثيرا والله
بكلماتك العزبه الرائعه

بارك الله فيكى وادام قلبك عامر بالخير والحب
وحفظ قلمك وجعلك دائما ذخراً للأبداع

بس للأسف موعدكيش بجديد من النوع دا
لأنها كانت تجربه تحتمل النجاح او الفشل
وأنا لا أجيد كتابة القصص القصيره ولكنى سأحاول

نورتى المدونه بتعليقك الجميل ومرورك الطيب

Maha Shahen يقول...

أحمد

كل عام وحضرتك بخير وصحه وسعاده
ربنا يتقبل منا صالح اعمالنا يا رب
عيد سعيد وعمر بطاعة الله مديد ليك ولكل الامه الاسلاميه
بأذن الله بمر بمدونتك فى اقرب فرصه

نورت المدونه

Maha Shahen يقول...

كوارث

وعليكم السلام ورحمة الله وبركاته

انا بوافقك الرأى لانى لو قرأتها لمدون اخر بيتملكنى الغيظ حين وصولى للنهايه فعلا .. لكنها مجره تجربه
والحمدلله انها عجبت
وهحاول لو كتبت قصه قصيرة من جديد اراعى وجود بدايه ونهايه مش لموقف واحد
ومفيهاش اى حيره لحد

نورت المدونه بتعليقك ومرورك

Maha Shahen يقول...

habiba ... الملاك ... ghoneem

كل سنه وانتم طيبيين

وبالعيد معيدين وفرحانين

وأشوفكم فى الجنه يا رب منورين

قولوا أمين يا رب العالمين

Maha Shahen يقول...

موناليزا

أسعدنى تعليقك ومرورك
نورتى المدونه واتمنى تكون القصه عجبتك

كل سنه وانتى بالف خير وصحه وسعاده

Maha Shahen يقول...

ليكوريكا

أجمل بدايه طيبه من اجمل اخ طيب
وكل سنه وانت بخير وصحه وسعاده
وعيد سعيد عمر بطاعة الله مديد

أسعدنى مرورك وتعليقك جدا ونورت المدونه

Maha Shahen يقول...

mohamed ghalia

يسعدنى جدا ان القصه نالت اعجابك

أتمنى اكون عند حسن ظنك دايما انا ومدونتى البسيطه

نورت المدونه بمرورك وتعليقك

Maha Shahen يقول...

ahmed_k

أسأل من أعاد العيد
وطوى الشهر الفقيد
أن يمدك بعمر مديد
ويجعل حياتك عيد فى عيد

كل عام وانت بخير وصحه وسعاده

Maha Shahen يقول...

sendrlla

أولا كل عام وانتى طيبه وبخير وبصحه وسعاده

ثانيا وحشانى جدا ومفتقده تعليقاتك وأخيرا نورتى بتحليل هايل جدا وكله عجبنى الا الجزء الاخير اللي بتستشهدى فيه بكتابتى للبوست ههههههههههه لأنها مجرد قصه خطها قلمى من الخيال فقط

أتمنى انها تكون نالت اعجابك

نورتينى واسعدنى تعليقك ومرورك العطر

rovy يقول...

كل سنه وانتى طيبه و يا رب يكون عيد سعيد عليكى و على كل احبابك ..

اختى الحبيبه مررت للتهنئه بالعيد و لى عوده للتعليق على البوست ان شاء الرحمن

اطيب امنياتى

انسان وبس ! يقول...

معلش نسيت اعيد عليكى المرعه اللى فاتت
قلت ذوق

ردك على تعليقى احسن منه

وكل سنه وانتى طيبه ...من السايبر برضك
سلام

حنين.. يقول...

كل سنه وانتى طيبه يا نور
واحييكى بجد على اسلوبك
وانا شايفه انه صعب اوى الراجل يتنازل عن حبه كدا
لا يتقدم ولا يقول لاخوها ولا اى حد من قرابيها خالص
يكتفى با الصمت ثم الهروب والا بتعاد
ثم بعد كدا يخطب.
ثم بقى انا شايفه انها مش غلطت فى حاجه خالص
عملت المفرود يتعمل
بس بتهيقلى انها بتحبه او هى لسه حاسه انه هيرجعلها
او عندها فضول وحب استطلاع للراجل اللى كان بيحبها
هههههههههههههههه
والله الحب دا لخبطه
الحمد لله محبتش ولا جربت
بس بحاول احلل المتش معاكى
ههههههههههه
تحياتى ليكى

شهرزاد يقول...

كل سنة وانت طيبة يا نور
وحشتيني إزيك يا قمر؟
عندي لك تاج يا ريت تتفضلي بقبوله
ألف تحية

الســـاحر يقول...

بجد الله على طريقه السرد الرائعه
انتى فعلا انسانه فنانه حقيقى
عيشتينى فى قصه جميله جدا
وكل سنه وانتى طيبه
وفعلا انا تشرفت بزيارتك
وياريت تشرفينى بالزياره

نونو يقول...

يا شيخة بلا وجع دماااااااغ
سيبك مفيش حدفى الدنيا يستهال
انك تندمى علية لو سابك
وكل سنة وانتى طيبة
واكيييييييد ربنا هيديكى حد احسسسسن

أمل فتحى عزت يقول...

الاخت الفاضلةنور
كل عام وانتى بخير مع تمنياتى لك بدوام التألق
لك بمدونتى هدية من أجدادك المصريين أرجو أن تتقبليها
مع خالص تحياتى

Maha Shahen يقول...

rovy

كل سنه وانتى بالف خير يا روفى يا رب

أسعدنى مرورك وتهنئتك الطيبه أكرمك الله

والمدونه مدونتك نورتيها

Maha Shahen يقول...

أنسان بلا عنوان

ولا يهمك يا محمود جل من لا يسهو سبحانه وتعالى
وانا قولتلك بيكفى مرورك اكتر من مليون تهنئه

كل سنه وانت بالف خير يا رب
يا رب يتظبط النت عندك في اقرب وقت
فى امان الله

Maha Shahen يقول...

حنين

كل سنه وانتى بألف خير يا حنين يا رب

ويا رب اكون عند حسن ظنك

ههههههههههههه فعلا الحب لخبطه بس سهل تقررى انتى عايزه ايه ويبقى قرار متندميش بعده وربنا هو العالم بكره هيكون فى ايه
واللي يتخذ قرار لازم يكون قده
والله المستعان
الحب شعور جميل بتمنى تلاقيه لكن فى وقته المظبوط ومع الشخص اللي تكملى معاه طريقك يا رب
أسعدنى تحليلك الجميل وبسمتك الصافيه
نورتينى واسعدتينى بتعليقك

Maha Shahen يقول...

شهرزاد

كل سنه وانتى بالف ير وسعاده يا قلبي يا رب

انتى وحشانى اكتر والله

مريت والله يا قمرتى وشوفت التاج لكنى معلقتش عليه لسه بس هتلاقينى عندك قريب

Maha Shahen يقول...

الساحر

متشكره جدا علي المجامله الرقيقه دى
ويا رب اقدر افضل عند حسن ظنك

كل سنه وانت بخير وسعاده دايمه
يسعدنى امر بمدونة حضرتك فى اقرب وقت بأذن الله

أسعدنى تواجدك ومشاركتك

Maha Shahen يقول...

نونو

اهلا بالحاضره الغائبه حمدالله علي سلامتك اولا
ثانيا نورتى مدونتك من جديد والف مبروك حطيها في خانة ثالثا

كل سنه وانتى بألف خير يا رب
عيد سعيد عليكى وعمر مديد بالخير

بشكرك لمشاركتنا برأيك ونورتى المدونه

Maha Shahen يقول...

أمل فتحى عزت

يااه بقالى كتير مش خلت للمدونه بتاعتك يا أمل وانا مقصره انا عارفه

انتى بتكتبى بجد بأسلوب هايل وبيسعدنى أقرا ليكى بس كان نفسى اعرف ليه مش بتشاركينا برأيك فلى بنكتبه يمكن نستفيد نتحسن في الكتابه ومش تقلقى مش هنافسك هههههههههههه

انا فعلا مريت بمدونتك لكنى ساعات بقرأ ومبعلقش أعزرينى اوقات الحياه بتشغلنا

نورتينى واسعدنى مرورك من جديد

Unknown يقول...

اولا : تلك هى مرتى اولى التى تخط قدماى مدونتك الرقيقة الصادقة جدا

واحييك عليها من كل قلبى

صغيرتى .. لقد قرات قصتك بعناية شديدة وبحذر مع كل حرف

عندما نولد مع احدهم ونتبادل الذكريات وتصل القرابة الى حد الاخوة وحىت البوح بالاسرار فمن الصعب جدا اعتبار هذا الشخص اكثر من ذلك وهذا ما حدث عندما اصطدمتى بحبه .. فكان كل تصويرك له هو الاخ الحنون ولم يخطر ببالك فى الماضى ان المسافات ستتارجح لتعاود المسيرة الى عالم القلب

لكن داخلك كمنت تلك الغيرة المتوقعه تماما وذلك لانك انثى اولا واخيرا على ذلك الحمل الفارس الجميل ان يكون بين احضان اخرى حتى وان كانت تستحقه

ليس الحزن صغيرتى على اختياره .. الحزن انه لم يعد ملكك بعد زيجته من تلك الفتاه او من أخراها فانه صوت الماضى الجميل .. الاسرار الطفولية

ابحثى داخلك .. ستجدين انه فى كل الحالات ستجدين نوعا من الغيرة وتاكدى جميلتى انها ليست غيرة حب بل غيرة امتلاك وانا اتحدث عن ماهية المشكله وليس فرعيات

كثيرا ما نملك ما هو اعز واقرب من الاخ وعندما يغادر هو تغادر معه الذكريات والماضى وينتابنا ذلك الاحساس المصور بانه حب دفين

اما عن اتصاله فتاكدى جميلتى انه عاد فقط ليسمع نبرتك التى اودت به الى عالم من الفشل .. فشل ان يعرف ما بداخلك فكانت قصته .. قصة حب سرية بينه وبين قلبه .. غموضك اهان حبه .. وضاع على الطريق دون عودة وربما ....

انه كالمشتاق .. لما لا تسالى نفسك انه اتصل من اجل ان يشعر بردة فعلك من خطوبته على تلفونك الخاص وليس تحدثك اليه امام الاهل والله اعلم ...:)
ان اطيل حديثى اكثر

اتمنى التوفيق لك بكل المعانى

دمتى بمحبة
لك كامل الاحترام :)

ولك منى :)

من بعيد اوى ..بكبتلك

Maha Shahen يقول...

البحث عن أنا شىء جنونى

اهلا بيك في مدونتى الصغيره
نورتها وزينتها بتعليقك وتحليلك
بشكرك على أبداء رأيك في القصه

جريدة الريماس للأخبار الحصرية يقول...

شركة شفط بيارات بالطائف
شركة تنظيف بيارات بالطائف
شركة عزل اسطح بالطائف
شركة تنظيف قصور بالطائف
شركة تنظيف خزانات بالطائف
شركة مكافحة النمل الابيض بالطائف
شركة رش مبيدات بالطائف
شركة مكافحة حشرات بالطائف



شركة كشف تسربات المياه بجدة
شركة تخزين عفش بجدة

شركة تنظيف فلل بجدة
شركة مكافحة الصراصير بجدة
شركة مكافحة الفئران بجدة
شركة مكافحة بق الفراش بجدة