2008/09/17

سارة البحر وzozo ونور الدين


يا ترى الدور علي مين عليا ولا عليك ولا على ناس تانيين
هو حصل ايه للمدونين ليه بيستسلموا بسهوله وميبقوش صلبين
لو كلنا سبناها مين هيدافع ويقاوم ويطرح البسمه والأمل على وشوش الملايين
خلاص كلكم زعلانين ومحطمين
سارة البحر وzozo و نور الدين
ازاى نسبهم لليأس مستسلمين
دول أعز الحبايب وأغلى المدونين
ازاى يبعدوا ويسيبوا أحبابهم حيرانين
مش قولنا انها بتنا
ومش عملنا منها جنتنا
ازاى تفتوها عطشانه من قلم يرويها ويغتنا
أرجعوا وبلاش هروب
والمصير سبوه لله والمكتوب
هتخسروا ايه
بتخافوا عليه
لو هتتخلوا عن كل حاجه تبقى فايدة اقلامكو ايه
معقول مش حاسين قيمتها
معقول تهدروا افكار حبتها
معقول تتقفل مدونه تبقى عشقتها وفى لحظه نستها
هدتها واهدرت كرامتها
ازاى تتخلى عنها وتفوتها
أرجعولها يا ريت ترجعولها
بالهمه تانى تضيئوا ساحتها
بالكلمه الطيبه
اللي ياما زمان نورتها
______
بعتذر لو كلامى هيذعلهم بس فعلا المدونين محتجينهم
مينفعش نسبهم يقفلوا مدوناتهم لو احنا متفقين ان هنا كلنا اخوات واصحاب واسرة
وكتير منا اتكلم عن اننا لازم نكون كيان واحد
يبقى لازم منتخلاش عنهم نحسسهم بقيمتهم الحقيقيه
هما مش اى حد قفل مدونته ولا اقلام ملهاش قيمه .. لا
ومليون لا
دول ناس رائعه واصحاب أقلام عظيمه
دا غير قلوبهم اللي ملهاش وصف
خلص كلامى لكن باقى في قلبى حديث طويل
وضم صوتك لصوتى وحاليا انا هكتفى بسكوتى

هناك 71 تعليقًا:

خديجة محسن "لؤلؤة الاسلام" يقول...

اختى نور شاهين
شكرا لك على هذا البوست الجميل

و فعلا لو الكل استسلم مين اللى هنشر الامل و البسة على وشوش الملايييييييين

و كل عام و انت بخير
رمضان
كريم
و اقدر اقول انى فخورة ان انا اول تعليييييييييييييييييييييييييييق
ههههههههه

وتحيااااااااااتى

شهرزاد يقول...

نور الجميلة
كل رمضان وانت بالف خير
اعتذر عن تأخيري ولكن مشغولة برمضان جدا جدا
الحقيقة بوست رائع وجميل وعندك حق في اللي قولتيه بس سيبيهم يمكن يكون صمتهم مؤقت في رمضان ويرجعوا بعديها
وحشتيني يا قمر

تحياتي لك

انى احبكم فى الله يقول...

اشكرك على الموضوع الجميل ولكنى ادين لكى باعتذار علشان التاخير فى الرد وفعلا عندك حق فى الحكايه دى ان الامل شىء مهم ايه اللى هيحصل لو سيبناه واستسلمنا لازم يكون عندنا اراده وقوه واشكرك على الموضوع الجميل والبوست الجميل تحياتى ليكى وتقبلى مرورى

بنت مصريه يقول...

,والله يا نور انا مأثره ف حقك قوى ومش حقك انتى بس دا انا مأثره مع المدونين كلهم
بس ياريت تعذرينى انتى عارفه الظروف اللى كنت فيها

وبالنسبه للبوست
فهو اكثر من ابداع
لايمكن الواحد يستسلم للزعل او الاحباط
لازم يسيبها على ربنا والحياه ماشيه
والله والله والله يا نور الدنيا ما تستهلش كل اللى بنعمله ف نفسنا ده

متشكره لسؤالك يا قمر
واحييكى عالبوست الهايل

فارس بلا جواد يقول...

رسالة جميلة منك يا نور .. التدوين اصبح المتنفس الوحيد اللي من خلاله تهدأ براكين المشاعر بداخلنا
رغم اني لم انل شرف معرفة الاسماء اللي ذكرتيها باستثناء سارة البحر .. لكن باضم صوتي لصوتك وباتمني انهم يرجعوا
تحياتي

rovy يقول...

السلام عليكم
اولا اشكرك على تعليقك الكريم عندى يا نور .. و يا رب تكونى بالف خير و ربنا يحفظك و يكرمك ..
لكن انا بجد صدمت لما قرأت البوست لانى فوجئت بان زوزو اغلقت المدونه هى كمان مش كفايه ساره و ايضا نور الدين .. حقيقى ده كثير .. انا فى اجازه من النت فى رمضان و بجد داخله بالصدفه سريعا و لما قرأت تعليقك جيت اسلم عليكى و اشكرك و فوجئت بالبوست بتاعك .. حقيقى انا مش لاقيه كلام اقوله دلوقت .. انا بس عاوزه ادعيلهم ان ربنا يوفقهم و يهديهم للصح و يكون معاهم و ان شاء الله نحاول معاهم واكيد مش حنستسلم لانهم فعلا غالين علينا ..
ربنا يجازيكى كل خير حبيبتى ..
تحياتى

الملاك يقول...

السلام عليكم ورحمة الله وبركاته
أختى نور التى تمتلك قلب رائع واحساس نادر اتمنى من الله ان تكونى فى افضل حال
--------------
حقا لا ادرى ماذا اقول بعد احساسك الرائع هذا بمن حولك فأصدقك القول انى بعد قراتى لتعليقك عندى احسست بان ما كتبته لن يذكر اذا ما قورن بكلماتك التى سطرها قلمك عندى فبارك الله لكى فى قلبك ورزقه الاخلاص الدائم وجعلك ممن يؤثرون فيمن حولهم باخلاقهم وقلوبهم الطيبه واروحهم واقلامهم التى تنثر خيرها فى كل مكان
-------------------
ازاى نسبهم لليأس مستسلمين
دول أعز الحبايب وأغلى المدونين

صدقتى اختى لذلك يجب علينا جميعا ان نقف بجوارهم ولو بكلمه يمكن ان يجعلها الله سببا فى انتزاعهم مما يعانون منه فتعود الينا انوار اقلامهم مرة اخرى تضئ لنا الطرقات
-------------------

ازاى يبعدوا ويسيبوا أحبابهم حيرانين
مش قولنا انها بتنا
ومش عملنا منها جنتنا
ازاى تفتوها عطشانه من قلم يرويها ويغتنا

لا اجد ما اقول بعد كلماتك هذه التى اثرت فى كثيرا
--------------------
والمصير سبوه لله

ونعمه بالله
--------------------
معقول مش حاسين قيمتها

انا نفسى بقول اكيد مش حاسين بقيمتها ولو حاسين وهيكتفوا بالكتابه لانفسهم يبقوا اكيد مش حاسين بتأثيرها داخلنا وما يمكن ان تفعله لنا
لذلك اطالبهم بالعوده دائما ليس من اجلهم ولكن من اجل الاخرين فربما كلمة تخرج من اقلامهم تحيى مائات وربما الاف وربما امة باكملها فمادامت اقلامهم صالحه مفيده لا يجب عليهم حجب ما تجود به عن الاخرين
--------------------
معقول تهدروا افكار حبتها
معقول تتقفل مدونه تبقى عشقتها وفى لحظه نستها
هدتها واهدرت كرامتها
ازاى تتخلى عنها وتفوتها
أرجعولها يا ريت ترجعولها
بالهمه تانى تضيئوا ساحتها
بالكلمه الطيبه
اللي ياما زمان نورتها

اضم صوتى لصوتك وبشده
بارك الله فيكى اختى بارك الله فيكى
---------------------
بعتذر لو كلامى هيذعلهم بس فعلا المدونين
بتعتذرى على ايه يا نور على احساسك الطيب بمن حولك ولا على قلبك الذى يحمل من الخير الكثير ففاض بمشاعر لا تقدر باغلى الكنوز
-----------------

محتجينهم مينفعش نسبهم يقفلوا مدوناتهم لو احنا متفقين ان هنا كلنا اخوات واصحاب واسرةوكتير منا اتكلم عن اننا لازم نكون كيان واحديبقى لازم منتخلاش عنهم نحسسهم بقيمتهم الحقيقيه هما مش اى حد قفل مدونته ولا اقلام ملهاش قيمه .. لاومليون لا دول ناس رائعه واصحاب أقلام عظيمه دا غير قلوبهم اللي ملهاش وصف


صدقتى واصبتى اختى الغاليه
---------------
خلص كلامى لكن باقى في قلبى حديث طويل وضم صوتك لصوتى

اعلمى اختى انى اضم صوتى لصوتك وبشده

احسنت اختى فجزاك الله كل الخير ووفقك الى كل ما فيه خير لكى ولنا

دمتى اختى ودام قلبك برعاية الله

nour shahen يقول...

خديجه
اهلا اختى العزيزه
انا اللي لازم اشكرك علي تعليقك فى هذا البوست
كل عام وانتى بصحه وسلام
ورمضان كريم والله اكرم
ويسعدنى تكونى اول تعليق ودا اكيد من اهتمامك بالمدونين
بارك الله فيكى

nour shahen يقول...

شهرزاد الغاليه
كل رمضان وانتى بصحه وسعاده
لا تعتذرى ولكنك وحشانى جدا
وربنا يقويكى علي الانشغال وكل رمضان وانتى طيبه وبخير
بتمنى والله يا شهروزه ان غيابهم ميطولش ويرجعوا بعد رمضان
ادام الله قلمك وافكارك وتعاونك
وفقك الله

nour shahen يقول...

انى احبكم فى الله

المهم انك وصلتى وعلقتى بكلماتك الرقيقه
وفقك الله لما يحبه ويرضاه
بشكرك جدا على التفاعل والمشاركه بردك

nour shahen يقول...

بنت مصريه

والله يا انجى لنا فيكى خير مثال للصمود والقوه والأيمان والاعتصام بالله
مش مهم المشاكل اللي تقابلنا الاهم نحتمى بالله ونكون اقوى منها

واكتر حد هيقدر يساعدنا فى الازمات فعلا هما الناس اللي بيحبونا ونحبهم

كان الله فى عونك يا عزيزتى , والله انا مقدره ظروفك وبشكرك جدا علي تفاعلك وتعليقك برغم كل ظروفك دى

اكيد الدنيا متستاهلش كل اللي بنعمله دا فعلا عندك حق

بشكرك لتفاعلك وردك واكرمك الله وادام حبك لنا فى الله

nour shahen يقول...

فارس بلا جواد

عندك حق فعلا يا احمد , وانا معرفش ظروفهم ايه بس فعلا كانوا يقدروا يتغلبوا على الظروف دى بقلمهم

zozo ونور الدين من احب المدونين لقلبى ولو شاء الكريم وقرأت لهم ستعلم مدى صدق كلماتى .. لأنك بالتأكيد ستتوصل لنفس شعورى

بشكرك جدا على تفاعلك وتعليقك

nour shahen يقول...

rovy

وعليكم السلام ورحمة الله وبركاته
كان لازم امر واشوف كل احبابى مبقتش عارفه مين تانى ممكن يستسلم ويغلق ابوابه
انا غبت فتره وقصرت فتره بسبب المرض وغصب عنى
لما رجعت لقيت كوارث لا حصر لها
انا دخلت العالم دا وحبيته بسبب كل قلم قريت ليه ومقدرش اتنازل عن اى مدون او مدونه حببونى فى العالم دا

بضم صوتى لصوتك ربنا يوفقهم لما يحبه ويرضاه وميغبوش عنا اكتر من كدا يا رب
وكان الله فى عونك يا عزيزتى وبجد وحشتينا
بارك الله فيكى واكرمك ولكى منى جزيل الشكر والمحبه فى الله

nour shahen يقول...

الملاك

وعليكم السلام ورحمة الله وبركاته
نحمد الله الذى لا يحمد على مكروه سواه
انا بخير والحمدلله فى احسن حال

مش عارفه اقولك ايه علي تعليقك
بدون اى مجاملات انا استمديت كلماتى منك , بجد من حبك للمدونين ساعدتينى كتير اقول بعض من الكلام اللي حساه

ويا ريت لو هما يدونا فرصه نقف جمبهم ونكون سبب فى خروجهم من الأحزان بتوفيق من الله يرجعوا ينوروا بينا من جديد

بشكرك جدا لتفاعلك مع الموضوع لأنه بقى ظاهره تقتل اى قلم محب للخير
بس يا ريت لو يوصلهم صوتنا ويعيدوا التفكير في قرارتهم تانى
وفقك الله لما يحبه ويرضاه , ودمتى خير عون لنا

انسان وبس ! يقول...

بعد السلام

ازيك يا نور

الموضوع ده انا لاحظته وقريت قبل كده عند الملاك فى مدونتها بوست عن نور الدين ....
واستغربت ان لما نور الدين علق على البوست ده واكد فهمها لبوست عنده انه مش هكمل فى مدونته....
بصراحه انا مكنتش فاهم كده ، هو كان عنوان البوست عنده بيقول ( مع الرياح الشماليه اعود) ففهمت انا انه هيرجع تانى بس بعد رمضان مثلا ..
للاسف تعليقه عند الاخت صاحبة مدونة الملاك عكس توقعاتى ...
وهو - ومش هقول كان - صاحب قلم محترم واسلوب جرىء وجميل وخساره هذا القلم ان يتوقف عن البوح بمكنون روح طيبه مثل نفس طيبه مثل نفس نور الدين محمود
واتمنى ان يعود...

- احيانا اشعر بعدم رغبه فى الاستمرار فى الكتابه فى المدونه...
رغم كثره الموضوعات والافكار اللى بتتنطط فوق نفوخى ....بس نفسى مسدوده مش عارف ليه ؟

- العجيب بقى ....حذف المون لمدونته ، مش فقط الامتناع

يعنى امل حذفت مدونتها بعد بوست قالت فيه انا حبيت!
قلت يمكن عشان الانسان اللى ارتبطت بيه طلب كده مثلا !...ممكن
طب الباقى حذف ليه

بس بجد التدوين ليه مزاياه الكتيره اللى استفدت منها...وكان اهمها تبادل الاراء مع ناس مختلفين

وكل سنه وهما كلهم طيبين

أكون او لا أكون يقول...

نور الغاليه... صديقتي الحبيبه... يلامتك ياقلبي من كل شر... وحمداً لله وألف شكر على سلامتك...
أنا بجد زعلت علشان نور قفل مدونته... كنت قبلها بيوم سايباله تعليق... وهو كمان سابلي تعليق على مدونتي... بس اليوم التاني رحت لمدونته ... وكانت الصدمه إنه قفلها وبدون ذكر الأسباب... وزعلت جداً جداً... وحتى ماقدرتش اسيب له اي رساله...
بجد شيئ محزن...
وبقوله لو هو يقرأ اللي بنكتبه ... لازم ترجع... علشان ليك إخوات بيحبوك وبيسألوا عنك...
أنا للأسف ماتعرفتش على سارة البحر و زوزو... بس أكيد كانت مدونات متميزه طالما إنها معارف نور الحبيبه ...

والحمد لله على سلامتك ياغاليه...

nour shahen يقول...

انسان بلا عنوان

وعليكم السلام ورحمة الله وبركاته

الله يسلمك يا محمود انا بخير والحمدلله
يا رب تكون انت كمان بخير وصحه وسلام

صدقنى انا كنت فاكره ان الموضوع بتاعه فعلا بيقول انه هيعود اى لينا مش بعيد عنا.. لكنه كان هيعود للأختفاء
سيعود كما كان قبل ان نعرفه .. ولا افهم لماذا .. بعد كل هذا النجاح والحب

واسمحلى استعير منك كلماتك
صاحب قلم محترم واسلوب جرىء وجميل وخساره هذا القلم ان يتوقف عن البوح بمكنون روح طيبه مثل نفس طيبه مثل نفس نور الدين محمود
واتمنى ان يعود...
واضم صوتى لصوتك ليته يعود عن قراره
وكمثله الباقين من اعز المدونين الغائبين

احيانا يأتى لى نفس الشعور وافصح عنه لأصدقائى وما يكون منهم الا ان يساندونى لأعود فأكتب من جديد . ليست افكارى هائله ولكنى احاول ويجب الا اتوقف ..

انا معاك انه مش بس بيمنعنا من اننا نشوفه ونقراله لا كمان بيحذف كل ما خطته يداه بقلمه من قبل .. فأذا كان لابد من التلاشى بين الظلال فليترك خلفه ذكريات .. عله يعود فيجد مكانه موجود بين قلوب محبيه

وهل ان احب الانسان لا يتكلم ويبتعد .. اذا قد كانت كذبه من الاساس بأنه قد احب هذا المكان وشعر بكل كلمه كتبها له احدا ما فى تعليق

لو كل مدون اتاكد انه بيقدم فكره ممكن تفيد غيره وتوسع مداركه لأشياء اخرى , يمكن وقتها يدرك قيمة قلمه

كل سنه وانت بخير وسعاده
يا رب متكونش السنه دى فيها اى احزان .. فلم يعد القلب ليحتمل

nour shahen يقول...

أكون أو لا أكون

صديقتى الرائعه.. حفظك الله ورزقك كل خير
سلمك الله من كل شر يا عزيزتى

اعلم انه شيئا محزن ومحير ليس لنور فقط ولكن تجاه الجميع

وانقل عنكى هذا

وبقوله لو هو يقرأ اللي بنكتبه ... لازم ترجع... علشان ليك إخوات بيحبوك وبيسألوا عنك...

سارة البحر و zozo هن من المدونات المتميزه بالفعل
اعلنت zozo انه مجرد وقت اتمنى الا يطول ولكن سارة البحر اختفت بلا ذكر اسباب
بشكرك جدا على المشاركه برأيك ومساندتك لينا
أكرمك الله واعزك ووفقك لما يحبه ويرضاه

ذو الوجه المبتسم يقول...

اهلا اخت نور
عرضك للمشكلة جميل
ورايئ ان اليائس بداية طريق الفشل
الموضوع مش موضوع بعد عن التدويين
اتمنى لو التدوين يكون له شكل جديد بحيث يربط بين اكبر عدد من الاصدقاء برباط روحى
تمنياتى للاصدقاء اللى بعدو عن التدوين انهم يرجعو
ويرجعو بقوة
متنسوش لا يأس مع الحياة
ولا حياة مع اليأس

تحياتى

nour shahen يقول...

ذو الوجه المبتسم

انا مع حضرتك جدا بس انا المره دى مش بتكلم بشكل عام .. لا انا بقصد اصدقائى دول اللي عايزين يتخلوا عن مكانهم واحبابهم ويقفلوا ابوابهم

ومن بعده يأتى كل مدون دخل العالم دا وحبه وفكر بعد كدا يتوقف عن الكتابه

طيب ازاى .. انا لما جالى فتره ويأست رجعت تانى يمكن بصوره تانيه وبشكل تانى لكنى متخلتش عن الناس اللي اتعودت تقرالى ابدا وحتى مكنش ليا احباب كدا
كنت مجرد مبتدئه
للمره المليون بقول يا ريتهم يرجعوا
بشكرك لمشاركتك برأيك ومرورك ومساندتك لينا

zizi يقول...

جزاكي الله خيرا حبيبتي نور فعلا نبت علينا كلنا في البوست دة
انا عن نفسي فعلا اناشدهم بالعودة و اشد على ايديهم و بقلهم كل واحد بيمر بمواقف صعبة و محطات قاسية لكن الحياة لا تتوقف عند هذافلا يجد ان نحد لها نهاية بايدينا
ارجعوا عودي نورو عالم التدوين
صراحة اللسان عاجز عن التعبير
الله المستعان

كلمة يقول...

عندك حق انا لاحظت الظاهرة دى
انا حتى فكرت فيها
بس لقيت ان انا هخسر كتير

سعبد بزيارتى للمدونة
تقبلى تحياتى

Beram ElMasry يقول...

ان كنت ممن يتذوقون الشعر العامى والزجل ، ارجو زيارة مدونتى والتفضل بالنقد والتعليق ، فالنقد كالنصح ، والدال على الخير كفاعله
كلنا نقدس مصر ، ولكن اليس من حقنا ان نغضب اذا ما انحرف المسار

وميض ابتسامة يقول...

زى انت ماقلت هى بتبقى شوية زهق وقرف من كل حاجة حوالينا .. والمسألة فى رأى المتواضع انها مش حكاية هروب ..
هى فى الحقيقة محطة للاستراحة والتقاط الانفاس والتأمل..
وصدقينى اللى جرب انه يدون مستحيل ح يعتزل أو يهرب يمكن يختفى شوية للاسباب عاليه ولكنه عائد .. حتما عائد فأطمئنى كلنا مررنا بهذه التجربة
ودعينى اشكرك لتكاتفك مع اصدقائك المدونين ..واهتمامك بهم!!
وربنا يقدرنا جميعا لنكون سندا لاخواننا واصدقائنا المدونين

سعدت بزيارة مدونتك واسمحى لى ان اكون احد الاصدقاء المقربين
كل عام وانت بخير

spower يقول...

السلام عليكم

اولا كل سنة وانت طيبة

فعلا احنا لازم كلنا نبقي ايد واحدة
عشان نتغير
نتغير للاحسن
ونرجع لمكانا الطبيعي بين الامم

yoyo يقول...

العزيزة نور

يارب تكونى بالف خير وبصحة وسلام يارب

وحشتنى جدا والله

تسلم ايدك على طرح الموضوع دا ناس كتير والله استسلمت و انسحبت من عالم التدوين

انا مع الاسف لم يكن ليا الشرف فى التعرف على أصحاب المدونات الافاضل

بس مش لازم نخلى الاحزان تسيطر عليا او حتى الظروف مهما كانت تاثر فينا بالشكل دا ونستسلم لها لا لازم نتحداها ونتحدى نفسنا واحنا هنقدر نتخطى المرحلة دى من حياتنا

عالم التدوين دا أسرتنا الكبيرة اللى احنا عايشين فيها صحيح اغلبنا مش اتقابل على ارض الواقع بس الحمد لله بينا الحب والتواصل
وربنا يديم المحبة والمعروف بينا يارب
مش ينفع أخ ينفصل عن اخواته بالشكل دا
او حتى يبعد عن الناس اللى بتحبه وتقدره

انا برفض انسحاب أصحاب الاقلام المبدعة ونفس بس يرتبوا افكارهم مرة تانية وان شاء الله يكونوا بينا منورين مدونتهم وكل المدونات يارب

نور كعادتك دائما وابدا طيبة القلب ومرهفة المشاعر دمتى دائما وابدا للخير وفى الخير

تــــــــحياتى
أختك
يويو

Habiba يقول...

نور حبيبت ازيك
معلش اتاخرت فى التعليق بس انا بقالى قرن مش بدخل نت ولما دخلت نزلت الفضايح دى
مش جدبد عليك طبعا يانور انك تبقى بدايه للخير
بس الظاهره دى بقت صعبه قوى كل اللى يحصله ازمه يسيب المدونه بدال مايلجالها طيب ليه
انا بحسها هى الملجا اصلا
انا مش عارفه اقول ايه
الناس دى بس صعبان عليا الموقف
مش عارفه اواسيهم ازاى
انا شافه اننا فعلا لازم نفضل ورام لح مايرجعوا
ربنا يعلم الدور على مين؟

لمسه انسانيه اكثر من رائعه ومش جدده عليكى يانور
تحياتى ياقمر

Blue Nile يقول...

انتي طيبة اوي يا نور بجد
انا كنت متابعة مدونة نورالدين وهي مدونة رائعة
وعنده خيال وعمق ما شاء الله
وزعلت جدا لما مشي وافتقدت مواضيعه جدا
اتمنى انه يرجع ويرجع كل اللي ذكرتيهم

blue-wave يقول...

حلو الكلام يا نور
بس ياريت يسمعوة ويرجعوا بقى

ahmed_k يقول...

بادره جميله منك يا نور
وفعلا ياريت تصلهم رسالتك دي
ويعودوا
أنا لم أحظى بالتعرف لهم من قبل
ولكني رأيت كلمات نموذج منهم
وهو أستاذ/نور الدين
في تعليق عند أحد الجانحين
وكان بكلماته يدافع عن الحق

فأتمنى منهم العوده سريعا
والعدول عن قرار الإعتزال
فالمشوار مازال طويلا

تحياتي

حور الجنه يقول...

جزاك الله كل خير يا قمر والله كتابتك هي إلتفاته جميله لكل من دخل عالم التدوين ولم يكمله أن يعود ويخط بكتاباته ويشجينا بعبق عباراته أنا منك يا غاليه حعمل مدونه والله إنتي لي خليتي الفكره دور براسي تسلميلي دوم سعيده بحياتك أختك حور الجنه تقلك بارك الله في دينك ودنياكي وكل لحضه ونحن من الله أقرب

nour shahen يقول...

zizi
ربنا يكرمك يا زيزى حبيبتى يا رب ومفيش شيء اقدر اقوله اكتر من اللى انتى كتبتيه .. لأنه نابع من صدق القلب
فمفيش اى كلمه اخرى هتضاهيه في جماله
بشكرك جدا لمساندتنا برأيك وتعليقك

nour shahen يقول...

كلمة

كلنا اتعرضنا للمواقف دى وفكرنا نقفل مدوناتنا لكننا اتراجعنا لأكتر من سبب ولأهم سبب وهو احنا بدأنا تدوين ليه لو نسينا للحظه احنا بدأنا ليه ساعتها يمكن منقدرش نكمل المشوار فعلا

انا اسعد بزيارة حضرتك
بشكرك جدا للتفاعل معانا وابداء رأيك

nour shahen يقول...

Beram ElMasry
بأذن الله يكون لينا لقاء بمدونتك
نورت المدونه بمرورك برغم انه اعلان ومشاركتناش برأيك

nour shahen يقول...

وميض أبتسامة

خير ما أنجب التدوين وأستاذ المدونين

بتمنى فعلا تكون ليهم مجرد محطه وليعيننا الله على الأنتظار

انا كان نفسى يعرفوا بس ان اى ازمه ممكن تعدى بسهوله لو احتموا بناس بتحبهم فى الله فعلا

اسعدنى اكثر تواجدك معنا وبيننا
ولك جزيل الشكر على مساندتك لينا برأيك الذى اعتد به جدا
كل عام وحضرتك بألف خير وصحه وسعاده

nour shahen يقول...

spower

وعليكم السلام ورحمة الله وبركاته

وانت طيب وبخير يا رب

اجمل ما خطته يداك بجد واسمحلى اعيده

فعلا احنا لازم كلنا نبقي ايد واحدة
عشان نتغير
نتغير للاحسن
ونرجع لمكانا الطبيعي بين الامم

لو فعلا اتكاتفنا واصحاب الافكار الجميله منا مبعدوش وصمدوا هيعينونا ونرجع لمكانه كان عليها اجدادنا زمان

بشكرك جدا علي رأيك دا

رئيس جمهوريه نفسى يقول...

السلام عليكم ورحمة اللة وبركاته
هى الفكرة انى ممكن يكون في سبب عارض وصلهم لكدة وبزوالة اكيد حيرجعوا ان شاء اللة وياريت لو في حد مقرب ليهم يعرف يتصل بيهم ويعرف اية السبب بتاع قفل المدونة وان كان هناك ما يمكن المساعدة فية كمدونين نساعدهم

شمس النهار يقول...

عزيزتي نور
اول مره ادخل مدونتك
هي جميله جدا يس ونبي نوريها هي مش ناقصه ضلمه كفايه اللي البلد فيه
كلامك جميل ومؤثر فعلا انا مااعرفهمش بس تفاعلت معك
لآني مابحبش الاستسلام خالص
ليه نستسلم ليه نفقد الامل
المفروض مانقنطش من رحمة الله
وياريت ندعي كلنا ليهم يرجعوا بالسلامه

nour shahen يقول...

yoyo

صديقتى الحبيبه الغاليه
وحشانى انتى كمان مووت . احنا بطلنا نتكلم وهنقضيها مدونات يا فرحتى هههههههههههه

اكيد يا قلبى كل انسان جواه طاقه بس يقدر يستخدمها ويسيطر عليها ازاى دا المهم
وهو دا التحدى الحقيقى انه يقدر يتحمل ويتحدى ويذهل نفسه بمدى صموده قبل اى حد

ربنا يكرمك حبيبتى ويجازيكى بكل الخير يا رب ويخليكى ليا
ادام الله قلبك العامر بحب الناس بصدق

بنت مصريه يقول...

نور
فيه فطار للمدونين ف ساقيه الصاوى يوم الجمعه 26 وهيحضره خالد الصاوى كلنا رايحيين نتمنى نشوفك هناك
لوعايز تعرف التفاصيل زور مدونه عليا حلييم
http://aliahlim.blogspot.com/

Appyplanet يقول...

مش عارفه ليه الناس ممكن تستسلم
يعنى مش شايفين اللى بيحصل معايا حتى
يا ريت كل الناس الكويسه تفضل

Appyplanet يقول...
أزال المؤلف هذا التعليق.
goodman يقول...

فعلا
لاحظت اختفاء مدونيين كتير
شىء مؤسف

maha zein يقول...

مش فهمة صراحة
هما مين
وهيقفلوا مدوناتهم ليه طالما هما ناس جامدين ذي ما بتقولي
عموما
اكيد هناك سبب كبير
بس علي ما اعتقد من كلامك الرائع ده وكلام ناس غيرك اكيد ربنا هيهديهم ويرجعوا تاني
تحياتي ليكي

Beram ElMasry يقول...

سيدتي سيدى
السلام عليكم ورحمة الله وبركاته
ان شاء الله يوم الثلاثاء القادم 23 - 9 ساقدم عملا جديدا فى مدونتى ، ارجو من الله ان ينال منكم القبول ، فلا تحرموننى الزيارة والنقد والتوجيه
ولكم كل الاحترام والتقدير

كيارا يقول...

ليه بس يستسلموا وفي ناس عاوزاهم وحباهم

ياريت بوستك بكل تعليقاته يكون رساله ليهم

ويرجعوا

تحياتي

nour shahen يقول...

حبيبه الحبوبه

ولا يهمك يا بيبا الاهم انك نورتى
ربنا يقدرك ويقويكى ومتغبيش كتير عنا
بشكرك على مشاركتك ودايما منوره

nour shahen يقول...

blue nile

كلنا افتقدناه بس بصراحه دلوقتى بعد ما كنت واثقه ان صوتنا هيوصلهم بقيت شاكه فى دا وبدا اليأس يطرق ببابى

بشكرك جدا على مشاركتنا النداء

nour shahen يقول...

blue_wave

يا ريت يا عمرو .. انا حاسه انى بنادى فى ربع خالى من البشر دلوقتى برغم كل المدونين الافاضل اللي علقوا ولكن اصبح كل كلمنا بلا فايده لأن مفيش اى نتيجه ولكنى املى بالله كبير
يغير الله من حال الى حال
بشكرك لمشاركتك

nour shahen يقول...

ahmed_k

أتمنى يا احمد بجد وفعلا المشوار مازال طويل .. ويا ريت متكونش دى النهايه

لك جزيل الشكر على مشاركتك لينا

nour shahen يقول...

حور الجنه

صديقتى الحبيبه .. نورتى عالم المدونين
وبشكرك جدا لمشاركتنا .. وبأذن الله تكون بدايه موفقه ليكى

nour shahen يقول...

رئيس جمهوريه نفسى

وعليكم السلام ورحمة الله وبركاته

يا ريت لو فعلا حد مقرب ليهم يكلمهم زي ما قولت حضرتك
او يا ريت يقوللنا حصل ايه يمكن نقدر نقدم أى شيء
ولو لا قدر الله مقدرناش نكون عند حسن ظنهم فليهم القرار فى النهايه
بشكرك علي مشاركتك لينا

nour shahen يقول...

شمس النهار

اول مره الاحظ ان مدونتى نورها خافت
ولكنى بحبها علي كدا يمكن نورها مش شديد ولكنى بحب الهدوء فخليها ضلمه او نورها خافت زي ما سمتها .. لكن مقدرش اغيرها انا اسفه
كنت اتمنى تطلبى شيء تانى يمكن اقدر احققه ليكى
وعامة بمرورك عليها اكيد نورت بوجودك
ربنا يرجعهم لينا بألف خير
بشكرك لمشاركتنا

nour shahen يقول...

بنت مصريه

للاسف مش هينفع يا انجى عندى ضيوف يوم الجمعه
بس بأذن الله ربنا يسهل ونتقابل فى يوم

nour shahen يقول...

appyplanet

يا ريت الناس الكويسيين تفضل ويا ريت لو تقاوم بأستبسال زيك يا رحاب علشان تحافظ علي مدوناتها برغم الظروف

بشكرلك مشاركتنا

nour shahen يقول...

goodman

يا رب يعيدوا تفكيرهم تانى ويعرفوا قيمة قلمهم ويحاولوا يعوضوا اللي فاتهم ويكملوا معانا

بشكرك علي مشاركتنا

nour shahen يقول...

maha zein

هما ناس اصحابى من المدونين دا اولا
والنداء لسائر المدونين اللي بيفكروا يتخلوا عن اقلامهم ويغلقوا مدوناتهم

حب الناس خير دليل على قوة كلمتهم

بشكرك لمشاركتنا

nour shahen يقول...

كيارا

نفس السؤال اللي بيدور فى عقلى يا كيارا

يا ريت كنت اتمنى لو بس يقروه يمكن يحقق اختلاف فى قرارتهم

بشكرك لمشاركتنا

Eman يقول...

للأسف في احباط تدويني يفوح عبقه من كثير من المدونات رغم روعتها

بس مش لازم نستسلم للاحساس ده ، أحنا لما عملنا مدوناتنا ، عملناها علشان يكون لينا مساحة نقول فيها رأينا بصراحة ومن غير خوف وبحرية ونعبر عن أفكارنا

ليه بعد كدة نستسلم
أضم صوتي لصوتك وأناشد كل من ترك مدونته وتخلي عن قلمه بأن يعود من جديد

nour shahen يقول...

eman

يا ريت تكون دى عندهم السقطه التى سيتبعها الوقوف من جديد

ويرجعوا يكتبوا ويشكو ويتكلموا ويعود قلمهم يذهلنا فأجمل الافكار

بشكرك جدا لمشاركتك لينا

tarek alghnam يقول...

الاخت الرائعه نور شاهين
والله عندك حق فى كل كلمه
وعاوز اقول شوفو الرسول فى سبيل دعوته لاقى اد ايه من المتاعب علشان نشر الرساله
كمان التدوين رساله مع الفارق بين الرسالتين
تقبلى تحياتى
وكل عام وانتى بخير

نور الدين يقول...
أزال المؤلف هذا التعليق.
نور الدين يقول...

الاخت العزيزة نور
.........................
لك تحياتى العميقة على اكتراثك بغياب من ذكرتِ وانا منهم
..
اعلمى انى والله اشعر انى بحق وسط اخوة كرام يمنحوننى ما لا استحق فعلا

وانا كما ذكرت للاخت الكريمة ملاك من قبل انى لما توقفت عن التدوين اغلقت باب التعليق ولم اخبر احدا حتى لا ازعج احدا
ولان عقيدتى هى من اراد الرحيل فليرحل فى صمت

...
وانى اقسم لك غير حانث
انى ما منعنى هن التدوين الا امرا كبيرا بحق
لكن قلمى لا يزال بين اناملى وان كانت مرتعشة فهى لم تخون نداء القلم ولا احسبها تفعل

واعلمى ان امرى هذا ليس عن ضعف والله شاهد
لكننى كان لا بد لى من صمت عميق استعيد فى طياته امرا ضاع منى وكنزا فقدته فى حومة الاسطر وميدان الاحرف

غير انى لا اتنفس الا بتردادى بين مدوناتكم بل واحاتكم اذا اقفر عليّ واقعى
واذا ضربتنى الشمس بحرها وقيظها فهاهنا لديك ولدى اخوانى جميا
استظل باغصان حروفكم وارتوى من شرابكم البارد وظلكم الظليل


ولا ادرى هل سيكون لى عودة حقا أم لا ؟!!!
لكن ما اعلمه هو انى ساحسم امرى ربما بعد العيد بعشرة ايام فيتم ميقات الصمت اربعين ليلة عاهدت نفسى ألا أكتب فيها حرفا فى مدونتى
وبعد انقضائها استطيع أن اتخذ قرارى
أما دون ذلك فسيكون قرارى بترك التدوين نهائيا بمثابة طلاق فى وقت الغضب وطلاق الغاضب لا يقع
ولذا لن اتخذ قرارى حتى اشعر بصفاء نفسى وسلام روحى وعودة عقلى الى شطئان رأسى

ولقد اخجلتنى كلماتك وجميل مودتك
لله درك ما اشد وفائك وماأرق حرفك
وانت أخت كريمة وهذا غير بعيد عن حسن خلقك

تحياتى لك ولكل من شارك برأيه العزيز وحرفه الثمين

حفظ الله قلوبكم فى فى دثار سماوى مقدس
وجعل لكم أفئدة طير فردوسى الجناح

تحياتى لكم متواصلات ما تواصلت أنفاس الرياح


...........
نور الدين محمود

nour shahen يقول...

طارق غنام

أستاذى العزيز
هناك فرق هائل بين رسولنا الحبيب عليه افضل الصلاة والسلام وبين المدونين
ولكن كلمة الحق التى نسعى لتوصيلها وافادة غيرنا بشيء مررنا به او نفكر به تعطينا مكانه كريمه ولكن بلا اى تشبيه
أشكرك على تعليقك ومساندتك لينا

nour shahen يقول...

نور الدين

أخى العزيز وصديقى .. بعد الأعتذار أقول
لم أعد اعلم ماذا أقول لقد استنفذت كل كلماتى وأفكارى حقا حتى الأن ولم تعودوا عن قرارتكم بوقف المدونات ولن ابالغ فى وصفها فكل من مر بها او حتى سمع عنها يعلم قدرها
أرجو أن تستمع لأخر كلماتى بصدر رحب فلا أرجو منها الا الخير ويعلم الله

اذا مرة الفتره التى حددتها واتخذت قرار بأنك لن تستطيع الكتابه بقلمك وأن افكارك أصبحت دون المستوى
فأرجو ان تعلم أنك ان غلقت مدونتك ستندم أشد الندم لأنه سوف ستمر الفتره العصيبه ويعود القلم يبحث عن ورقته التى لطالما تحدث اليها وأحبها ولكن لن يجدها .. قلمك الأن صامت ولكنه لن يصمت للأبد .. سيعود للكتابه قريبا
الا تتعجب يا اخى اننا نثق بقلمك وانت لا تثق به حتى الأن
تتجاذبك الأفكار بين هنا وهناك
فلتعلم أن كل منا له اخطائه عن عمد او عن غير قصد فكلنا خطاء .. فأن رأيت ان هناك خطأ قد حدث لا تقف أمامه .. ومن منا لا يخطىء
لكننا نستيطع ان نغير ما حدث او علي الأقل نتعلم الا نكرر اخطائنا ثانياً
فمهما كان ما حدث تخطاه وعاود ثانيا وتناسى ما حدث

nour shahen يقول...

نور الدين
أرجو ان تعذرنى فى حدتى بتعليقى السابق
ولكن يجب ان تعلم اننا نستفيد منك ,نتعلم ونستفيد واخر شيء نحبك فى الله ولولا هذا ما كنا اهتممنا بأنها اغلقت
أرجو ان تفكر جيداً ويوفقك الله لقرار حكيم لا ندم بعده فما أشد لحظات الندم

خالص أحترامى وتقديرى

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

Jojo Ayman يقول...

شركة مكافحة حشرات شمال الرياض

شركة مكافحة حشرات وسط الرياض
شركة مكافحة حشرات غرب الرياض
شركة مكافحة حشرات شرق الرياض
شركة تنظيف خزانات جنوب الرياض
شركة تنظيف خزانات شمال الرياض
شركة تنظيف خزانات وسط الرياض
شركة تنظيف خزانات غرب الرياض
شركة تنظيف خزانات شرق الرياض
شركة تنظيف واجهات حجر بالرياض
شركة تنظيف واجهات حجر شرق الرياض

Jojo Ayman يقول...

شركة مكافحة النمل الابيض بجدة
شركة مكافحة حشرات بجدة



شركة كشف تسربات المياه بالدمام
شركة تخزين عفش بالدمام

شركة تنظيف فلل بالدمام
شركة مكافحة الصراصير بالدمام
شركة مكافحة الفئران بالدمام
شركة مكافحة بق الفراش بالدمام

شركة نقل عفش بالدمام
شركة نقل عفش بالمدينة المنورة
شركة تنظيف واجهات حجر بالدمام
شركة تنظيف كنب بالدمام

Jojo Ayman يقول...

شركة تنظيف اثاث بالدمام
شركة تنظيف شقق بالدمام
شركة تنظيف منازل بالدمام
شركة تنظيف مساجد بالدمام
شركة جلي بلاط بالدمام
شركة تنظيف مسابح بالدمام
شركة صيانة مسابح بالدمام
شركة عزل خزانات بالدمام
شركة تسليك مجارى بالدمام
شركة تنظيف موكيت بالدمام
شركة تنظيف سجاد بالدمام

شركة تنظيف واجهات زجاج بالدمام
شركة تنظيف مجالس بالدمام

Jojo Ayman يقول...

شركة شفط بيارات بالدمام
شركة تنظيف بيارات بالدمام
شركة عزل اسطح بالدمام
شركة مكافحة النمل الابيض بالدمام

شركة تنظيف قصور بالدمام