2008/10/08

وصلك جواب يا قلبى


فى ناس كتير بتسئلنى ليه سميتى مدونتك تعالو نفكر سوا , سؤال جميل لكنه محرج لما مش بيلاقو شيء نفكر فيه سوا كلها افكارى فقط لا غير , بس تعالو نشوف الجانب المشرق للحكايه , انا قولت انى عملت المدونه لغرض ما ولكنى مش وصلت ليه لحد دلوقتى بس بحاول والله المستعان , بس كل فكره بتطرح حتى لو من وجهة نظرى وبس بقبل النقد عليها أو حتى معارضتها خالص ودا بيكون موجود في التعليقات ( ديمقراطيه طول عمرى ) , لذلك بحب جدا اللي بيدخل يتناقش , طبعا انا مش بكتب افكار عظيمه بس اهى بدايه محموده علي الاقل يكفينى شرف انى بفكر ( بجامل نفسى ههههههههه ) المهم مطولش عليكم المره دي انا عايزه بقى أرائكم ومشاركتكم وتعالو نفكر سوا وبجد

عارفين اسعد شيء لو ليك حد بيكتبلك جوابات , والله ليها سحر خاص غير ال sms والكلام في الموبايلات او علي النت , ياه يا قلبي يا فرحان , المشكله بقى في وسط كل الفرحه دى ممكن تصبنى سكته قلبيه
مش علشان فرحتى لا ... لو ليك حد بيوصل الجوابات زي الاخ اللي الله يباركله اللي بيوصلى الجوابات ساعى البريد طبعا
بيسرعنى كل ما يجبلى جواب , ابقي قاعده في امان الله علي الكمبيوتر والاقي شيء بيخروش في باب الشقه اقوم مفزوعه من مكانى الاقيه جواب حبيبتى وحياتى وصديقتى زوزو , صحيح بفرح بس كدا هيموتنى هو كل ما يجبلى جواب يعملى فيلم الرعب دا
احلى موقف بقى يوم ما كان بيحط الجواب فدخله تحت السجاده , جيت امد ايدي اجيبه معرفتش كان لازم افتح الباب , وبفتح الباب والاقى ساعى البريد تقريبا وشى فى وشه قاعد فى نفس مستوايا على الأرض , وقام الراجل رافع راسه ومسلملى الجواب في ايدى , بس بصراحه كان موقف محرج قوى , غير انى اتخضيت أصلا .
نيجى بقى للعالم وسرعته والتكنولوجيا اللي سيطرت ولغت عالم من السحر وصنعت عالم وهمى من اللى بيغر كتير من الناس
منكرش انى بحب النت جدا واستفدت منه كتير لكن منقدرش نغفل عن الناس اللي مقدرتش تستفيد منه او استخدمته غلط
وكل شيء يزيد عن حده بينقلب ضده لازم رقابه شديده على انماط ناس كتيره بتدخل للنت
نرجع لموضعنا من جديد
كانت فكرة صحبتى انها لما تسافر مش هنقدر نتكلم على النت ولا علي التليفون طبعا , هتبقى تكلفه هايله لو نحسبها , يبقى انسب شيء للموقف دا ايه ؟!! وكان الحل هو الجوابات
فى الأول كنت بضحك زى كتير من اصحابنا ونقولها ما فى الموبايلات وفي الsms ومش هننساكى , بس هى كانت فكرتها ان مهما اتكلمنا فى الموبايل مش هنقدر نطول ولا نقول كل شيء ولا حتى في الsms وعلشان تقـنعنا بقت تقول ان الرسايل هتتكون من صفحات الورق الكتيره اللي نقدر نكتب فيها كل اللى بنفكر فيه وكل أخبارنا وسلامتنا واشواقنا ليها وبصراحه محدش اقتنع غيرى وقولت أجرب , فى اول شهر بعت ليها حوالى أربع او خمس جوابات , لقيت ان الكتابه علي الورق سهله جدا وفعلا ليها بريق خلاب بالذات بقى لما حاولت اكتب باللغه العربيه الفصحى مش بالعاميه . اقولكم علي سر صحبتى لسه متعرفوش انا عندي نسخ لأول 3 جوابات بعتهم , اصلى في حياتى كلها مكتبتش شيء جميل بالشكل دا . الجواب كان عباره عن كلام لكن في نطاق الشعر او التنظيم زي الشعر
وبعد فتره بعد ما كنت بفرح بس لما يوصلنى جواب بقيت بنتظر بفارغ الصبر يوصلنى منها جواب , عارفين يعنى ايه يكون ليكم بريد بأسمكم ومن صديق بتتلهفو تعرفوا اخباره بالتفصيل
( انا عندي جوابات بتوصل بأسمى من اماكن معينه مش فرحانه علشان أسمى علي الجواب علشان متتريقوش بس )
أقولكم على موقف طريف كمان بسبب الجوابات , صحبتى بتحب تعطر الجواب ( فنانه بقى ) وفى مره عطرت جواب زياده شوية ولما تقريبا ساعى البريد فتحه لأنه وصلنى كأنه مفتوح , المهم فتحته وفجاءه لقيت البرفان كأنه عطر المكان كله , كان عطر نفاذ فعلا بس جميل , بقيت قاعده أضحك واقول زمان ساعى البريد فهمنى غلط , ولما رجعت صحبتى ورجعنا نتكلم ونسهر نرغى كالعاده , أحتفظت بأخر جواب ومبعتهوش لحد دلوقتى , وقلت هى خلاص رجعت , لكنى بفكر من وقت للتانى ابعتلها الجواب أصل فى كلام مقلتوش ومتستغربوش الكتابه اسهل وأبلغ من الكلام .
ودى قصتى مع الجوابات أنتم بقى أيه رأيكم وهل حد فيكم جرب سحر الجوابات او جرب يتبادل جواب مع أنسان بعيد عنه أو حتى بيحلم بكدا , دلوقتى لما صحبتى تغيب هتوحشنى وهخرج جواباتها اللي محتفظه بيها هقراها من جديد لأنها بقت ذكرى مسجله زى ذكرياتنا اللي على شرايط الفيديو او صورنا مع ناس بنحبهم ... ودلوقتى اللي ليه تجربه يقولهالى واللي معندوش يغمض عنيه ويحلم وتعالو نسمع لبعض أفكارنا
..


تـحـيــــــــــــ نـــــــــور ـــــــــــــــــــاتــى

هناك 81 تعليقًا:

habiba يقول...

عوووووووووووووده لنور وجيت اقولك عود احمد ومحمود ومحمد كمان :)
هقرا واجى

romansy يقول...

صحيح فعلا الجوابات ليها طابع خاص ممكن يكون عشان قدامك مساحه مفتوحه تكتب كل اللى انت عاوزه بحب ومشاعر رقيقه وحزينه
انا عن نفسى كان ليه صديق فى بلد عربى
كنت بفرح قوى بجوابه
والفرحه دى كانت بتمحى خضه ساعى البريد

habiba يقول...

تعرفى يانور
يمكن انا عمرى ماحسيا الاحساس ده لانى ببساطه عمرى مااستقبلت جواب :)

انما طول عمرى بقول انه احساس حلو بس قلت اخليها لماالواد بقى يبقى يبعتلى جواب اه خطيبى او جوزى اوعى تفهمى غلط :)

بس انا بحب احتفظ بالحاجات دى
انا حتى لسه لحد دلوقت معايا كروت اهداءات من صحبتى واحنا فى اعدادى وورده ناشفه كمان :)
وكل شويه اطلع الكروت دى واقعد اقرا فيها بحس براحه عجيبه

بس كده تخلى الراجل ياخد عنك فكريره سيئه؟؟ :)

يلا عود احمد زى ماقلتلك
بتوحشينا ماتغيبيش
سلاااااااااااااام

ســـهــــر يقول...

يا سلام يا سلام على الوحشة اللى وحشتهالى اد كدهون

ندخل بقا فى موضوع البوست انا واحدة من الناس اللى تقريبا قضت سنتين تقرأ فى 12 جواب مبتعملش حاجة غير انها تقراهم وكان الزمن بيقف بيا ياااااااه مع ان لازم فى كل حاجة حلوة تيجى غيمه ف الجوابات دى اخدهم صاحبهم تانى كنوع من انواع قطع جميع الروابط اللى بينا

معاكى جدا ان للجوابات سحر واحساس تانى

حاجة كدة تحسى انها من غير تكليف بتربط بين حبر القلم واحساس القلب

انا نفسى يجيلى جواب
تخيلى بقا نفسى يجيلى جواب يقولى فية اى كلام حتى ولو يتقالى فية انا بكرهك

وحشتينى اوى يانور ووحشتنى بوستاتك
وكل سنه وانتى جميلة وصديقة غالية

وفى الاخر طبعا حمد الله على سلامتى بقا :)

كيارا يقول...

يااااااااااااااااااااااااه

عارفه لما قريت كلامك اول شي عملته رحت فتحت جوابات شاهي ونانسي صحباتي من حوالي 16 سنه ويمكن مش بشوفهم الان

بس لما قريت كلامهم ليا

ياااااااااااااااه رجعت 10 سنين لورا

احلي ايام

الجوابات ليها رونق خاص عمر ماحد يحسه
فكرتيني مع اول كل شهر بستني ساعي البريد وهو بيقول بووووسطي واستني يجي الدور علي عمارتي عشان اشوف بعتولي جوابات ولا لا

رااااااااااااائع

قهوة بالفانيليا - شيماء علي يقول...

اااااااااه
الجوابات بتبقى لذيذة جدا :)
لما كنت في ثانوي ..
كانت بتوصني الجوابات دايما من بنات عمي و من جارتي ..
كنت باستناها و بفرح بيها اوي ..
و برد عليها كلها ..
و ليها بريق غير الايميلات او رسايل الموبايل ..
:)
و الله فكرتيني بأيام لذيذة :)

حـــــ الــجــنــة ـــــور يقول...

السلام عليكم
نورتي المدونه يا قلبي برنق كلماتك العطره وإحساسك النقي بجد بوست هايل وكانت ليا تجربه مع الجوابات لما صديقتي بعثتلي جواب تقلي فيه متأسفه على موقف حصل منها الحاجه الحلوه إن ريحة العطر بتاع صديقتي فاح في الجواب كلو وكمان قطرات من دموعها وهي بتكتب نست نفسها بجد ممكن دول أكتر شي دعموني إني أسامحها يااااه بجد الجوابات توصل الإحساس قبل الكلام
حبيبة قلبي الله يبارك فيكي وحشتيني جدااا سلامي وتحياتي ليكي من بنت ملفقه إسكندرنيه ههههه
كل سنه وإنت طيبه
تقبلي مروري وخالص تحياتي ومحبتي

الطالبة عفو الله يقول...

اااااااااااه يا نور فكرتيني في الجوابات
كان نفسي اكون اول المعلقين عشان نص كلامك بالبوست عليا انا
انا فعلا لما اقترحت موضوع الجوابات كنت عارفة انه حاجة جميلة و ليه بريق
بس بجد مكنتش متخيلة للدرجة الي استشعرتها فعلا لما غبت عليك و بقى التواصل بنا بالجوابات

افتكر لما اقترحت الموضوع البنات كلها بقى اتريقت و قالت ايه الي يرجعني لزمن الجوابات متكنولوجيا سهلت كل حاجةاه هي سهلت فعلا بس معوضتش روعة و رونق حاجات بتاعت زمان منها الجوابات

بجد الجوابات حاجة اروع من الروعة نفسها
و خصوصا لما بيكون الحد الي بتستني جوابه غالي عليكي اوي
تعرفي يا نور احيانا كثيرة بحن للمغرب و ايامي فيه مش عشان حاجة عشان اتوصل بجوابات منك زي زمان
و على فكرة و انتي معايا و بكلمك كل يوم تقريبا و احيانا كثيرة بحن لجواباتك و بطلعها و اقراها و عيدها

حاجات كتيرة بتاعت زمان كانت جميلة و رائعة و جه بقى التقدم و التطور و لغاها للاسف
تعالوا نعيد للحاجات رونقها و جمالها
و اسفة على الاطالة
و لك مني كل الحب و التقدير يا حبيبة قلبي
الله اعلم بجد بحبك قد ايه
ربنا يحفظك و يرعاكي يا غالية

شمس النهار يقول...

زمان كان الوسيله الوحيده للتواصل مع المسافر من الاهل والاحباب
ويليه بعد فتره التليفون
لكن كان الجوابات كانت من افضل الوسائل
حتي ان هناك رسائل في التاريخ مشهوره جدا
وكمان رسائل الحب لبنت الجيران اللي كانت تمرر عبر المشابك والسبته والمكوجي
وخلافه
دلوقتي موبيلات ونت واقمار صناعيه
ولكن تبقي الجوابات ذكريات جميله

yoyo يقول...

سمعنى سلام على طول السلام لنور وكمان سلام عشان خاطر الحبايب ههههههههههههه

ايه يا قلبى الغيبة الطويلة دى

بقى كدا يا معلمى ينفع كدا
والله وحشتنى اوى اوى بلاش الاختفاءات دى

تصدقى عمرى ما بعت جواب لحد او حتى حد بعت ليا جواب اه مش كان اللى جوابات المدرسة والمذكورة تغيبت مش عارفة ايام ايه ونعلمك بذلك ههههههههههههه

لا بجد الجوابات دى لها سحر خاص كدا انتظار الجواب والترقب لمعرفة ايه المضمون بلهفة وفرحة كدا لا بجد احساس حلو والله

ماشى يا ستى يا جواباتك المعطرة اوعدنا يارب

تحياتى وقبلاتى لأغلى أخت وصديقة

يويو

موناليزا يقول...

فكرة جميلة وانا عن نفسى بتمنى ان حد يبعتلى جواب بعيدا عن الوسائل التكنولوجية الحديثة حاسه ان له مذاق مختلف
تجربتى بقى ان فى مرة حصل نقاش جامد بينى وبين اخويا الصغير ومكنتش عارفة اتكلم فكتبت كل اللى عايزة اقوله واديتله الورقة وبعد الهدوء النفسى جه واتكلمنا وحلينا الخلاف

nour shahen يقول...

حبيبه الحبوبه

ليه محسسانى انى راجعه من الكويت حالا يعنى ههههههههههه برغم انى مغبتش كتير

ربنا يباركلى فيكى يا قمر ومتشكره علي الترحيب الحافل دا كله

وخدى كل وقتك

nour shahen يقول...

romansy

انت كمان كان بيخضك ساعى البريد زي حالاتى ههههههههه بس اكيد الجواب مكنش معطر لأنه رجالى بقى فمش هتتفهم غلط

بشكرك علي مشاركتنا بتجربتك ورأيك
وأكيد نورتنى

nour shahen يقول...

حبيبه الحبوبه

عود أحمد يا قمر

ابعتلك انا جواب ونشوف هتحسى بأيه بس انا بالتأكيد لو عايزه اشوفك هوصلك أسرع من الجواب مش انا احلى من الجواب برضوا ههههههههههههه

ولسه معاكى الورده انا ممكن احافظ علي الكروت لكن الورد الطبيعى صعب انا معايا ورده بلاستك ههههههه ومحافظه عليها

انتى بنت حلال والله وبتوفريلى كتير وشكلك هتقولى الجواب احسن منك من وجهة نظر التوفير يعنى مش الصداقه ههههههههه

انتى كمان كنتى وحشانى موووت
بشكرك علي مشاركتك برأيك ونورتى حياتى

nour shahen يقول...

سهر

ياااه يا سهوره والله انتى كمان وحشانى وعمليا من ناحيتى هسبلك الايميل بتاعى لعل وعسى اشوف اضافه منك ونرغى بقى هههههههههههه

clupatra2006@yahoo.com

تجربتك شديده شوية يا سهر والله , وكان الله فى عونك , اصل الحب شيء جميل للى يقدره وبس

يااه علي ابلغ تعبير كتبه قلبك الرائع

( حاجة كدة تحسى انها من غير تكليف بتربط بين حبر القلم واحساس القلب )

مظنش حد يقدر يبعتلك جواب الا لما يقولك مليون بحبك مش اكرهك

والله وانتى وحشانى اكتر واسفه لو انا مقصره
وكل سنه وانتى بألف خير يا رب

وبتقوليلى ليه حمدالله علي سلامتى مكنتش مسافره يا سهوره دي اوشاعه طلعتها حبيبه هههههههههههههههه

nour shahen يقول...

كيارا

كنت سبب كويس فى رجوع الذكريات من تانى اهو يا رب تكون ذكريات سعيده وبس

يا ريت ساعى البريد بتاعنا يقول بوسطى هههههههههههههههه بدل فيلم الرعب اللي بيعمله

ربنا يرجع ليكى اصحابك بالسلامه وتشوفيهم وتعيدى اجمل زكريات ليكى

nour shahen يقول...

قهوة بالفانيليا_شيماء على

والله من ساعة ما قريت التعليق بتاعك وانا بفكر في الكابتشينو ليه معرفش ههههههههههههه هو ربط غريب بين تعليقك وتفكيرى بس اهو اللي جه علي بالى بقى

يمكن علشان الصوره اللي حطاها انتى او الاسم مش عارفه بس عايزه اشرب كابتشينو والوقت متأخر مينفعش اخرج
انا برغى وسبت المهم نرجع مرجوعنا للجوابات

بس انتى مش وضحتى كنتى بتستقبلى منهم الجوابات وهما فى بلد وانتى في بلد تانى
وليه الجوابات اتقطعت ولا لسه بيبعتولك
عندي حب استطلاع اعرف

الرومـيصاء يقول...

عارفه ينور
انا بموت فى حاجه اسمها (جوابات)فعلا والله بعرف اوصل فيها الى مش بعرف اقوله شفوى
وبحس ان الكلام الى بيتكب فى الجواب بيوصل اكتر من الى بيتقال شفوى كده
انا الى الان لما احب اوصل حاجه لحد بحبه
اكتبله جواب
وفعلا ليها سحر خاص ويسلام لو مكتوب باللغه العربيه يبقى تماااااااام
وبما انك طلبتى مننا اننا للاول مره نفكر سوى
فانا بقولك ابعتى الجواب لصديقتك
بس بشرط تقولى لينا رده فعلها ايه
وسلام دلوقتى علشان اروح اكتب جواب
تحياتى........

zOzO يقول...

الجوابات ليها سحر خاص عن ال sms
انا كنت لما بزعل مع واحده صحبتي
كنا بنكتب لبعض
ههههههههههههه

وصحبتي لما كانت مسافره برده كانت بتبعت ليا ع طول

بس مين زوزو دي
انا يعني
ههههههههههههههههه

كل سنه وانتي طيبه
هي متاخره بس معلش
النت بقي

~*§¦§ Appy §¦§*~ يقول...

نوووور
حلو موضوع الجوابات تصدقى فعلا حسيت بقيمتها معاكي والله وحسستينى بحلاوتها طيب انا عندى صحبتى مسافره والله لاصمم انها تعمل كده ههههههههههه

شهرزاد يقول...

الاخت الجميلة نور
بوست جميل وفكرة لطيفة أن نعود لعصر الجوابات من جديد، ليس لأجل الجوابات فقط ولكن قد يكون لأجل الحنين إلى الماضي وإلى أشياء كثيرة فقدناها معه ..
وفي حياتي أرسلت مكتوبا واحدا فقط وتلقيت مكتوبا واحدا أيضا وشعرت فعلا يومها بأنني ذات قيمة وأن هناك صديقة تحب أن تراسلني.. فعلا شيء جميل
ولكنني لو فكرت أبعث جواب لحد هابعته على الميل فبيكون أسرع ومش هاقدر أصبر وقت طويل حتى يصلني الرد..
ولا شك أن لجوابات الورق سحر وجمال خاص

بوست جميل
وكل سنة وانت طيبة
والف تحية

فارس بلا جواد يقول...

رغم ان الكلام اللي حكتيه عن الجوابات كان بينك وبين صاحبتك .. لكن انا دايما الجوابات عندي بترمز للرومانسية .. طريقة قديمة في الحب لكن ليها سحر جميل يفوق الشات ورسايل الموبايل
بصراحة ماليش ذكريات مع الجوابات اوي غير لما جه ساعي البريد جايب جواب مكتب التنسيق هههههههههههه .. وقعد يقول كلية طب لحد ما سمع كل الشارع .. و الكلمة اللي فضلت علي لسانه الحلاوة الحلاوة
ده تقريبا الجواب الوحيد اللي وصلني في حياتي
دمتي بكل خير

مدينه الملائكه يقول...

يااااا نور عيني
هههههههههههه
ازيك والله وحشاني جدا طبعا انا مليش وش اساسا جايه في التعليق ال23 شكلي وحشششششششششششششششششششششش
ههههههههههههههه
بس انتي قلبك طيب وسكر
نيجي للبوست بقي
هو فعلا احساس جميل وانا شخصيا نفسي بجد استقبل جواب بيكون ليه احساس خاص لما يوصلك ويجي باسمك كدا
انا جربته مرة واحده كنا بنبعت جوابات لقريبتنا وجالي مرة واحده بس باسمي
وبجد نفسي في جواب معين يجيلي ادعيلي يجيي
بس للاسف النت والموبيلات بتحل محل الجاوب العادي
انا شخصيا بفرح بي اي حاجه تجيلي مخصوص
رساله تعليق رنه حتي بحس ان الحد ده فاكرني واني علي باله
ربنا يباركلك يا قمري انتي عسوله ويا رب يجيلك جواب زي حبيبه كدا يجيلنا كلنا جوابات ههههههههههههه
نورتي بعد طول غياب
تحياتي

مي

☼♫♪ عمــاد الدين يــوسف ☼♫♪ يقول...

اختي الفاضله نور
هذه اول زياره ليا لمدونتك الجميله والحقيقه انتي فكرتيني بايام مضى عليها سنين وسنين بس كانت اجمل ايام العمر ايام المراهقه والحب العذري الحب الروحي مش المشوه اللي بنعيشه دلوقتي .
اد ايه كانت جوبات حبيبتي اللي كانت بتبعتهالي بتعيد ليا الامل في الدنيا وتبعث فيا روح تخليني اهد جبل دون ادنى تعب
صحيح الجواب ليه سحر خاص ورقه جايه من عند حد انت بتحيه لمسها قبلك وانفاسه فيها واحساسو خارج منها ده غير عطره الي لما يتسلل الى انفك تتذكر وجوده بجوارك
تحياتي

nour shahen يقول...

حور الجنه

وعليكم السلام ورحمة الله وبركاته

اولا نورتى بعد غياب ثانيا الف الف مبروك علي الشغل وعود سعيد من جديد

وصفتى تجربه جميله جدا والاجمل منها التسامح بين الاصدقاء او اى اتنين من الناس بتجمعهم احاسيس الصداقه والأخوه بجد

انتى كمان وحشانى يا اجمل بنات اسكندريه بالتلفيق ههههههههههه

كل سنه وانتى بألف خير يا رب وسعاده
ومتنسيناش

nour shahen يقول...

الطالبه عفو الله

انا قولتلك يا زوزو انتى اللي اتكاسلتى وجيتى متأخره بقى بدل ما تلحقى الرابع لحقتى ال 8
معلش معلش مش مهم انتى رقم كام هنا ماانتى رقم اتنين في قلبى سيبك انتى بس

متزعليش هبقى ابعتلك جوابات تانيه بس مش هيكون فى تشريد زي المغرب ولا الجواب يتقرى في حفله عامه ههههههههههه

لا أطالة ايه يا قلبي كنتى طولى ورجعتى اجمل ذكريات تانى والله ما بزهق من الكلام عليها ابدا
واهو علشان بحبك دى اقولك جوتااامووو
انا مش اقل منك يعنى ولا أيه
ربنا يخليكى ليا يا قمرتى يا رب ولا يحرمنيش منك ولا من قلبك ابدا
ويديم بنا الحب فى الله

nour shahen يقول...

شمس النهار

انا معرفش بصراحه او موعاش علي المراسله بالمكوجى والمشابك والسبت دا بس اتفرج عليها في التليفزيون هههههههههههه
بس جميل ان لينا اصول في التاريخ بتقيد عظمة الجوابات وقيمتها

بشكرك علي مشاركتنا رأيك يا شموسه وانتى أضفتى للبوست جزء جميل من التاريخ

nour shahen يقول...

yoyo

ناقص تقولى سلام طاير حاير هههههههههه
وحشانى يا لمضه موووت والله

مين قال انى مختفيه بس امال انتى نسميكى ايه , مسيرى اعمل عليكى كبسه واجيلك
ونشوف المس مختفيه فين وبتعمل ايه من ساعة الكحك مش شوفتك
شكلك اكلتى الكحك والبسكوت بزمه وضمير هههههههههههههه

انا هلكت من الضحك لما افتكرت جوابات المدرسه اصلى من فرقتك يا قلبي اللي بتاخد نصيبها من فتره الغياب بالكامل
لينا 29 يوم قبل ما نترفد لازم اخدهم وكأنهم اجازات الشغل ههههههههههههه
مسبش حقى انا , والله كانت ايام جميله

بلاش العين العسلى دى تبص في الجواب يا حياتى ولو علي الجوابات انا اوصلك اسرع من مليون جواب دا بياخد اسبوع علي الاقل هههههههههههه

نورتينى ووحشتينى يا أستاذه اللماضه

nour shahen يقول...

موناليزا

اكيد له مذاق مختلف جدا بتمنى انك تجربيه

بس جميل فعلا انا بؤيد فكرتك ان لو الكلام احتد بين اتنين يكتبوا في الورق

والله كنت بقول لواحده متزوجه كدا فى مره ان لو حصل خلاف ومش قادرين تتكلموا وتحلوه اكتبى ورقه فيها كل اللي عيزاه وقدميها هيكون ابلغ واحسن وبطريقة جميله وبالذات انها هتتخير الكلام اللي هتكتبه بكل عنايه وتدعمه بكلامات الحب والذكريات اللى اكيد لما يقراها زوجها بهدوء ينصلح الحال بينهم

تجربتك جميله فعلا ويا رب ميقبلكوش خلاف تانى تقفوا قصاده

nour shahen يقول...

الروميصاء

انتى متضامنه معاها ولا دى فكره خاصه اعترفى الانكار مش هيفيدك ههههههههههه

والله هى بتطالبنى ابعته بس انا عارفه رد فعلها هيكون ايه

بس انا بشوفها كل يوم ابعتلها جواب ليه انا

هنشوف الموضوع دا بعدين وربنا يسهل

ربنا يسعدك يا رب يا قلبي ويوصل جوابك فى اسرع وقت ويوصلك الرد اسرع منه ويجمعك بأحبابك يا رب قريبا

nour shahen يقول...

zozo

كل سنه وانتى طيبه وبخير وسعاده يا زوزو يا رب

كنت اتمنى تبقى انتى الجواب ميغلاش عليكى بس انا بتكلم عن زينب صحبتى اللي هى اسمها علي اسمك وصحبتى زيك لكنها مش انتى للاسف الشديد

يلا صلحى النت بسرعه وارجعى لينا والف حمدالله على سلامتك بجد أسعدنى تعليقك جدا وتواجدك من جديد وكلنا كنا مفتقدينك فعلا

ربنا يديم عليكى ضحتك الجميله اللى بتسعدنا والسعاده الدايمه يا رب

nour shahen يقول...

appy

يا رب صحبتك متزعلش لأن الفكره سيطرت عليكى
اصل فى ناس بتشوف ان الجوابات شيء قديم وليس له اى قيمة جماليه بالمره

بس خليكى شجاعه ورخمى وزنى عليها انها تجرب وصدقينى لو وافقت وجربت هتقدر وتعرف قيمة السحر الدفين فى جمال الجوابات من كتابتها لأنتظارها

nour shahen يقول...

شهرزاد

تعليقك جميل جدا لكن لفت نظرى جزء افتكرته ان من جمال الجواب انه بيغيب وممكن أوقات يتأخر لأننا اهملنا قيمته وكذلك اهملنا فيه فبقى يوصل بعد خمس ايام او أسبوع او ممكن المده تطول اكثر

هل لما نبقى في عصر التكنولوجيا بنتقدم ولا بنتأخر , انا شايفه انها مده طويله علشان يوصل جواب ترسليه لحد او تنتظريه من حد
بس نيجى للنظره المشرقه انها فترة انتظار بتكون بجد رائعه وانتى بتستنى كل يوم يهل عليكى اخبار أو جواب من حبيب او صديق او شيء منتظراه
يمكن الانتظار في اشياء اخرى بيكون مؤلم لكن في الجوابات ما اجمل الانتظار ولحظه حصولك علي الجواب واختلائك بنفسك للقرائه جيدا واعادة القرأه وقيمة الجواب حين نحتفظ به ونستخرجه وقت الحاجه ليعيدنا معه الى الذكرى من جديد
ومظنش دا بيحصل مع الميل بعد ما نقراه بنلغيه للأسف بسهوله مهما كان بيحمل كلام كنا بنتلهف نعرفه او نسمعه

نورتينى برأيك وتعليقك يا أرق زهور الربيع

الطالبة عفو الله يقول...

معلش معلش مش مهم انتى رقم كام هنا ماانتى رقم اتنين في قلبى سيبك انتى بس

اقفش انا نمرة اتنين يعني مين نمرة واحد
ايون ايون اعترفي و بلاش لف و دوران و انا المخدوعة فاكرة نفسي انا واحد و اتنين و تلاتة و كلهم طماعة اه مش انا بحبك اوي لازم اغلس اوي

متزعليش هبقى ابعتلك جوابات تانيه بس مش هيكون فى تشريد زي المغرب ولا الجواب يتقرى في حفله عامه ههههههههههه

طيب يا ستي مفيش تشريد و لا حفلة و لا عزومة ههههههه عزومة جبتها منين دي اهي دخلت معاهم
المهم و من غير لف و دوران ابعتي الجواب انا اموووت و اعرف الجواب الاخير الي كنتي حتبعتيه و مبعتهش فيه ايه و خصوصا لما عرفت انه في حاجة كدة مش عارفة ايه هي المهم ابعتيه و خلاص و متخفيش مش حسيحلك انا بس لما حيوصلني حجي بقى اقلهم وصلني و اقول فيه ايه بس
و كدة تكون سمعت كلام الروميصاء الي هي ام حبيبة هي متعرفش اننا انا هي صحبتك المهم انت تعملي الي قلتلك عليه و تبعتي الجواب و انا بقى بنفسي ابقى احكلهم ردت فعلي


zozo زوزو سالتي من زوزو المقصود في البوست انا انا انا ههههههه و الله انا
انا اتجننت منا مش مصدقة انه الكلام عليا انا يا سلالالالام

بس خلاص
اتكلمت كتير اوي اه يانا بقت لغاية اوي في اخر ايامي الله المستعان
يلا با حبيبتي مرسي ليكي و الله و انا مبسوطة اوي بيكي قبل ما اكون مبسوطة بالبوست و باسمي عليه
سلامي مع حبي ليكي

mohamed ghalia يقول...

بصراحة مجربتش موضوع الجوابات ده دايما بعتمد على رسايل الموبايل والمكالمات حتى مع أقاربى إلى خارج مصر
بس هجرب وهقلك.
كل سنة وحضرتك بخير
تقبلى تحياتى
ومتتخضيش تانى من ساعى البريد

rovy يقول...

كل حاجه اصيله بيفضل لها طعم و مذاق خاص ..صدقينى ساعات رغم احساسى باهمية التكنولوجيا فى حياتنا بأتمنى انها تختفى و انى اعيش فى جزيره هاديه على البحر مافيهاش نت و لا موبايل و لا اى حاجه عصريه و انى ارتاح من كل التكنولوجيا اللى سرعت رتم حياتنا و افقدتنا لذة التمتع بالحياه و الطبيعه .. و اكيد الجوابات لها احساس تانى خصوصا و انتى بتستلميها من ساعى البريد ..
لكن لازم نرجع للواقع و نلاقى برضه ان للتكنولوجيا اللى زهقنا منها دى اجابيات كثيره جدا .. حاجة تحير !!!
ربنا يسعدك و يكرمك حبيبتى

تحياتى

غير معرف يقول...

نور اصبرى هافهمك

rara يقول...

نور
وحشاااااااااااااااانى اوى
عامله ايه ياقمر
يارب تكونى كويسه

أكون أو لا أكون يقول...

نور... كيف حالك صديقتي...
والله موضوع الرسائل... يعني جربته على فترات متقطعه... لكن أكثر فتره كانت فترةالطفوله... كنت أنا وبنت خالتي نرسل الرسائل... ونرسل بطاقات التهنئه... حتى وصلت بنا الامور للطرود... نتبادل اهداء الأدوات المدرسيه... ههههههههههه... كانت فتره حلوه...
وأما الان فقط في المناسبات...

تسلم على الموضوع الحلو... رجعتينا للذكريات...

ســـــــهــــــــــر يقول...
أزال المؤلف هذا التعليق.
مش لاقية اسم يقول...

بصى انا اسفة مش قادرة اقرا التعليق لانى عنيا تعبانى ومش شايفة اعزرينى بس هرجع اقرا عن قريب
انا نزلت بوست وياريت تقراية
وشكرا على اهتمامك بمدونتى وعلى الرد الف شكر
اراك على خير

ahmed_k يقول...

فعلا يا نور الجوابات ليها سحر خاص
أنا كنت مغترب لمدة 7سنوات في إحدى الدول العربيه
وكانت لسه الموبايلات مظهرتش
ولا النت والكلام ده كلله
فكانت الجوابات هي وسيلتي للتحدث إلى أصدقائي
وجالي منهم الكتير
وحتى في الأجازات كان أصدقائي في المدرسه هناك بيبعتولي جوابات
وما زلت محتفظ بكم كبير من الرسائل معي لحد دلوقتي
ليها ذكريات لا تنسي
أشكرك لأنك اعدتيني لتلك الذكريات الجميله
قبل طغيان الحياة الماديه على سلوكياتنا

تقبلي تحياتي

سنووايت يقول...

يا سلام عليكي بجد
علي فكرة كنت لسة بتكلم في الموضوع دا مع أحد أصدقائي
انا جربت الجوابات لما اختي سافرت ولما احدي صديقاتي سافرت برده
كنت باستني الجواب علي احر من الجمر وبابقي في منتهي السعاده وانا بأقرأه علي الرغم من اننا كنا بنتكلم في اتليفون لكن للجوابات سحر خاص وطعه مختلف عن الاس ام اس والموبايل او حتي الايميلات
انا وصلني احساسك اوي لاني بجد مفتقداه جدا

ســـــــهــــــــــر يقول...

من زمان قلت بحب الجوابات و ما بحبش ال اس ام اس المختصره الخاليه من فضفضة الروح
اجمل شىء اما تمسك قلم و تكتب لحد قريب و تلاقى نفسك على الورقه ... ايوه هتبص تلاقى نفسك على الورقه .. احساسك و شعورك و مفرداتك و شخصيتك كمان .. و كمان احساس غريب بانك بتطلع من جواك حاجه ما كنتش عارفها عن نفسك و كلام يمكن ما فكرتش فيه و صحيت احساسك بالشخص المرسل اليه الجواب


نور
سعدت باسمك عندى لان الاسم يشبه لواحده مفتقداها اوى و مفتقده كتابتها و تعليقها فى المنتديات
و جيت ورا الاسم و ورا تعليقك عندى اللى فيه عمق و صراحه ف التعير عن النفس - هقولك بعدين مختلفه مع رايك ف ايه - و جيت هنا عشان الاقيكى ليكى افكار شبهى و ف مدونتك او بالاحرى هسميها مدينتك الخاصه لقيت فيها روح و ريح طيبه فجيت و فضفضت .. شكلى رغيت كتير
بس فعلا انبسطت هنا

Tamer Alhosiny يقول...

عزيزتي نور شاهين

اولا اسمحي لي اعبر عن اعجابي بالمدونة
في اول زيارة لية فيها
اعبر عن اعجابي بالمدونة وبمجهودك فيها
واسلوبك الاي حسيت بيه في بعض الموضوعات القديمة
وكمان تصميماتك

اما بالنسبة لموضوع البوست
انتي طبعا بتفكريني بايام الثانوي
في الفترة دي كنت بقوم بالمراسلة
مع راديو مونت كارلو وبرامج المراسلات الاوربية
وقد ايه السعادة لما بيجي لك ميل
وبتفتحه علشالن تكتشف فيه عالم جديد
وعلاقات جديدة وافكار جديدة

بس طبعا الهواية دي لم تستمر طويلا
لاني انشغلت بعد كدة وقت الجامعة
لكن ليه معاها ذكريات جميلة
وطبعا في النوعية دي من المراسلات
مش بيبقا في كلام عن النفس والذات قد ما بيبقا تعبير عن الفكر
ووجهات النظر
وده الاي بقوم بيه دلوقتي في مدونتي
وشايف ان التدوين نموزج من نمازج
المراسلة
لكن انتي في تجربتك اخد الموضوع عندك جانب حميمي اكتر خاصة ان المرسل اليه صديقة ليكي غايبة عنك

تحياتي ليكي علي البوست الرائع

تامر الحسيني
انسان عاشق حر

مدينه الملائكه يقول...

السلام عليكم ازيك يا نور انا عارفه انك زعلانه مني اوي بس وحياتك عندي وحياتي عندك مش تزعلي مني
وعايزة اطلب منك طلب معلش لو مش هيضيقك
انا عايزة ايميلك ضروري ابعتيهولي علي مدينه الملائكه ومتخفيش مش هنشره بس بجد نفسي اكلمك والله
ومش تزعلي مني ارجوكي
بجد بحبك جدا ربنا يخليكي ليا يا اجمل نور

المرتيلي يقول...

السلام عليكم ورحمة الله
نورتمونا بزيارتكم
وحمستونا لمعرفتكم
فدخلنا مدونتكم
وجدنا نفحات من فكرتكم
فتبين لي مصدر ثقفتكم
دمتم أنوار تنير ديانتكم
ومصابيح ترشد مجتمعتكم
ودعاة تهدي أخواتكم

شهد الكلمات يقول...

ستنتنتنضموا الاذاعة المحلية الي اذاعة البي بي سي

هنا البي بي سي ان ان اااان
هنا البي بي سي ان ان اااااااااان
هنـــــــا البي بي سي
بقي للمدونين جروب ع الفيس بوك يا رجالة

شرفونا و نورونا بالزيارة و المشاركة
جروب خمسة تدوين
http://www.facebook.com/group.php?gid=31035659947

جروب لكل المدونين و محبي التدوين
هانلعب و نناقش و نعمل نشاط اجتماعي
عايزة حماس و نشاط و الاقي ناس بالميات و الالف واقفة علي باب الجروب عايزة تدخل
يالا مش ها كتر مستنياكم هناك

تحياتي

nour shahen يقول...

الطالبه عفو الله

يا حبيبت قلبي قولتلك انتى رقم اتنين لأن في قبلك ربنا سبحانه وتعالى
كل مره تنسى كدا مش ممكن كدا , اخاف تيجى في يوم نسيانى يا زوزو

والله انا بموت فيكى وهبعتلك الجواب قريب يا قمرتى ولو تقريه في مجلة يا خراشى ولا هيهمنى ههههههههههه
انا من منبرى هذا بعترف اهو بحبها وبموت فيها حد قدى يكون القمر صديقه ونور حياته

خليكى بعقلك يا قلبي فى ناس عيزاكى ههههههههههههه
خلاص انا بعمل بوست جديد اقول ان البوست اللي فات كان عليكى ولا تزعلي هو انا ليا كام زوزو
بس عجبك كدا قعدت اكتبلك التعليق وأحب فيكى والبطاطس اتحرقت , اكولها ازاى انا دلوقتى وااااععععععع

بعدين اسمها رغايه يا حياتى مش لغاية

ولو قعدتى ترغى طول العمر مزهقش منك ارغى ولا يهمك

nour shahen يقول...

mohamed ghalia

فاتك نص عمرك يلى ما شوفت مصر
اقصد يلى مش بعت جواب

خلاص وانا مستنيه تجرب وتحكيلى ويا رب تكون خير

كل سنه وانت بالف صحه وسعاده

ما خلاص بقى رجعت صحبتى وبطلت اشوفه هههههههههههه

nour shahen يقول...

mohamed ghalia

فاتك نص عمرك يلى ما شوفت مصر
اقصد يلى مش بعت جواب

خلاص وانا مستنيه تجرب وتحكيلى ويا رب تكون خير

كل سنه وانت بالف صحه وسعاده

ما خلاص بقى رجعت صحبتى وبطلت اشوفه هههههههههههه

nour shahen يقول...

rovy

نا كمان بحلم زيك كدا انى اعيش في جزيرة بس علي البحر
ايه دا مهو لازم تكون علي البحر مش جزيره هههههههههه

بس يكون معايا كل الناس اللي بحبهم ياااه دى كانت تبقى سعاده ما بعدها سعاده واعيش كأنى في جنه علي الارض

بس انا مش بطالب ان التكنولوجيا تختفى من حياتنا لا
انا عايزه يرجع لحياتنا السحر القديم
ونجمع بين الاتنين
منبصش للشيء القديم زي المراسلة بالجوابات انه شيء سخيف
لأنه له قيمه وفي وقته كانت قيمة عظيمه

ربنا يخليكى لينا يا اجمل روفى
نورتينى بتعليقك وبمرورك

nour shahen يقول...

غير معروف

طيب أفهم ايه من التعليق دا
دا ملهوش علاقه بالبوست ولا بيا

مهو لو القصد من التعليق اصبرى هفهمك لأنى مش فاهمه طيب مش فاهمه ايه

ولو القصد منه اصبرى هفهمك .. يبقى لسه مفهمتنيش ؟!! هو انا شخصيه صعبه قوى كدا

مش عارفه ليه الناس معتقده انى بنجم وانى هعرفهم بسهوله من مجرد كلمتين
الله المستعان وادينى صابره ونشوف خير يا رب

nour shahen يقول...

rara

انتى كمان وحشانى موووت يا رارا
انا بخير الحمدلله في احسن حال
يا رب تكونى انتى كمان في اتم صحه واحسن حال

ومتغبيش عنا تانى ابدا نورتينا برجوعك لينا

nour shahen يقول...

أكون او لا اكون

بخير انا يا صديقتى العزيزه والحمدلله

بس جميل علي الاقل انه لسه شيء موجود بحياتك والتكنولوجيا مقضتش عليه

وعايزه اقولك ان الطرد استقباله اجمل من الجواب ههههههههههههه اصل بتقعدى تفكرى يا ترا بيحتوى علي ايه المره دى
وكمان بتكون هديه رائعه
بفكراعمل بوست عن الطرود وكدا مصلحة البريد هتيجى تقاضينى لأن المدونين هيتخنقوا منى
هههههههههههه

الأهم انها ذكريات جميله ربنا يسعدك دايما يا قمرتى

nour shahen يقول...

مش لاقيه أسم

لا ولا تتأسفى ولا حاجه كان الله في عونك ويصبرك بس فى اكتر من طريقه زي ما قولتلك تتواصلوا بيها فمش تضايقى نفسك ولو لحظه وسبيها لله

سلامة عنيكى الف سلامه

nour shahen يقول...

ahmed_k

تعليقك من التعليقات اللي أبهرتنى بجد
في ذكريات هايله في حياة كلاً منا وبترمز للأصاله , هنقدر نحكيها لولادنا وولاد ولادنا
لان يمكن على الألفيه الجايه يكون النت بقى شيء قديم والسفر بالطيران بقى زي الجواب في البريد شيء أقدم
ويبقى كل شيء عشناه مجرد ذكرى جميله لرتم حياه كانت بطيئه وبقت أسرع لدرجة الجنون

nour shahen يقول...

سنووايت

يا سلام عليكى لما تنورينى وتقولى أحلى كلام من القلب فطبعا يوصل للقلب

تقدرى تعيدى كل ذكرياتك ولو اللي مسافرين رجعوا في اكتر منهم مبنقدرش نشوفهم الا كل سنه مره وهما حتى بى نفس مكانا , ابعتلهم هههههههههههه والله انا اتجننت وهجنننكم معايا

nour shahen يقول...

سهر

تعليقك أدهشنى أصلك فكرتينى بنفسى لما امشى ورا شيء بيرمز لذكرى وانتهى عند ذكرى تانيه غير اللي كنت بسعى وراها

أسمى فكرك بشخصيه كنتى بتعرفيها في منتدى ؟!! أكيد مش انا,انا بطلت منتديات من زمان
المنتديات عامله زي المدونات في جمال ترابط الأعضاء . لكنك هنا مش مضطره تنشرى الا افكارك وحاجات حبتيها وبس
والمنافسه بالأفكار مش بكم الموضوعات اللي اضفتيها ولا أنك انشط عضو او حتى بكثرة الواجد

وعامة الأختلاف في الرأى لا يفسد للود قضيه
وبتناقش في الأراء ونشوف مختلفه معايا فى ايه

بشكرك على مشاركتنا برأيك
ونورتى المكان وأسعدنى تعليقك

nour shahen يقول...

tamer alhosiny

أتمنى افضل عند حسن ظنك واقدر احافظ علي المدونه بكل شيء عجبك فيها

تجربتك هايله لأنك خرجت عن النطاق المحدود في المراسله وهى مراسلة الاهل او الاصحاب وحاولت تستفيد بيها في شيء جديد

هى الحياه كدا بس الأهم اننا جربنا ومحتفظين بذكرى جميله للأيام اللي فاتت وتجاربنا فيها
الأهم من اننا نستمر اننا نكون مقدرين قيمة الشيء اللي استخدمناه وحبناه حتى لو انشغلنا ومقدرناش نبقى عليه

بشكرك جدا علي مشاركتنا برأيك وتجربتك اللي أسعدنى جدا اعرفها
بجد نورت المدونه

nour shahen يقول...

مدينة الملائكه

وعليكم السلام ورحمة الله وبركاته
انا مقدرش ازعل منك ابدا
وأسفه لو كان ردى شديد شوية
وبجد انا سعيده جدا بمعرفتك شخصيا
أحبك الذى احببتنى فيه يا رب
ويديم بنا المعروف والمحبه فى الله

nour shahen يقول...

المرتيلى

بشكرك جدا علي الكلمات الجميله دي

لكن كنت أحب اعرف تعليقك علي البوست ورأيك او تجربتك أن امكن

ودايما منور المدونه

nour shahen يقول...

شهد الكلمات

بشكرك علي الدعوه والأهتمام بالمدونين

بأذن الله يكون جروب ناجح

الطالبة عفو الله يقول...

سيطرنا بقى على ساحة التعليقات و خليناها شات بنا
ههههههههههههههه
بس بجد مش حينفع اننا اقرا الكلامك الجميل دة كله و مردش عليه
هو اه فعلا في المواقف دي بسكت خالص مالص بس انا بكتب بعد فترة السكوت يعني

اخاف تيجى في يوم نسيانى يا زوزو

يا بنتي يا حبيبتي ازاي تقولي الكلام دة دنا انسى نفسي و لا انساكي دنتي دنيتي يا نور حياتي

والله انا بموت فيكى وهبعتلك الجواب قريب يا قمرتى ولو تقريه في مجلة يا خراشى ولا هيهمنى

و انا بموووت فيكي اكثر يا روحي و محدش يفهم غلط
دة وعد منك انك تبعتي الجواب يا قلبي اشهدوا يا عالم اديني بستنى على جمر الجواب دة الي مش راضي يتبعث

انا من منبرى هذا بعترف اهو بحبها وبموت فيها حد قدى يكون القمر صديقه ونور حياته

و انا بموووت فيك و ربنا عالم بجد قد ايه انا بحبك
و بجد انتي الي مديه للقمر دة النور
ربنا يخليكي يا حياتي ديما منورة حياتي بوجودك

خليكى بعقلك يا قلبي فى ناس عيزاكى ههههههههههههه

منا كنت بعقلي يا عقلي قصدي يا قلبي لحد اول يوم عرفتك فيه انا عرفتك من هنا و العقل راح من هناك

خلاص انا بعمل بوست جديد اقول ان البوست اللي فات كان عليكى ولا تزعلي هو انا ليا كام زوزو

هههههههههههههههههههههههههههه

بس عجبك كدا قعدت اكتبلك التعليق وأحب فيكى والبطاطس اتحرقت , اكولها ازاى انا دلوقتى وااااععععععع

هههههههههه بيقولو الحاجة المحروقة بيبقى لها مذاق مميز بيختلف عن المذاق العادي اديكي تجرب المذاق دة و تكتسبي خبرة جديدة و بالهنا و الشفا و مش حقلك معزمتنيش ليه ههههههههه

بعدين اسمها رغايه يا حياتى مش لغاية

مهي دي اخرة الي يتكلم بلهجة غير لهجته
و بعدين ماهو تعليمك يا شاطرة
هههههه يعني نص منك نص مني و عديها بقى الناس لبعضيها

ولو قعدتى ترغى طول العمر مزهقش منك ارغى ولا يهمك

استحملي بقى التعليق الطويل دة

من حبي ليكي ببقى مبسوطة و انا بكتب حاجة ليكي
بحبك قد كدة على قولت مجنون
طيكييرو
جوتاموو
و بس خلاص
في امان الله يا قلبي

بنت مصريه يقول...

ايوه يا عم يا بتاع الجوابات انت يا جااامد هههههههههههههههههههههه

طب كويس انك سمتيها تعالوا نفكر سوا
عالاقل كلمه تتفهم
لكن انا بقى اعمل ايه لما الناس تسالنى ليه سميتى مدونتك
مين فين ليه
طب بزمتك اقولهم ايه ههههههههههههه
كنت مهيسه

اتمنى تنورينى

أسير الجراح يقول...

الاخت الغالية نور


ازيك ؟



بجد المدونة محتجاكى اوى


اتمنى زيارتك


كل الود



اسير الجراح

tarek alghnam يقول...

نور حياتى
فعلا للجوابات سعادة كبيرة
الان الايميلات لا تسعد كما كانت الخطابات فى الماضى
انا كنت استقبل الخطابات بسعادة اكبر من الايميلات
بس نقول ايه زمن اليكترونى
تحياتى لك
ولموضوعك الرائع

Tamer Alhosiny يقول...

فين الموضوع الجديد

انا مستني اغوص كمان في عمق فكرك

تحياتي
تامر الحسيني

nour shahen يقول...

الطالبه عفو الله

ربنا ما يحرمنى منك يا زوزو بقلبك اللي ربنا يباركلك فيه يا رب

ربنا أكرمنى بصداقتك بجد
ويا رب يديم بنا الحب فى الله والموده للأبد

ونشوف ولاد ولادنا كدا أصحاب هههههههههههههههه
يدينى ويديكى طولة العمر بالخير بقى

nour shahen يقول...

بنت مصريه

قوليلهم كنت مندهشه علشان كدا بقيت أكتب مين فين ليه هههههههههههههه

عامة انا شايفه ان الأسم بيرمز لعقل بيفكر دايما وبيتأمل كل اللى بيدور حواليه بأستغراب ودهشه

نورتى يا أنجى بس مقولتليش ايه رأيك في موضوع الجوابات

nour shahen يقول...

أسير الجراح

أهلا أسير منور المدونه بعد غياب

انا بدخل أقرا لكنى مش بعلق

ترجع لينا بالسلامه بأذن الله

nour shahen يقول...

طارق الغنام

بشكرك علي أبداء رأيك ومشاركتك في الموضوع

دايما منور المدونه بمرورك وتعليقك

nour shahen يقول...

Tamer Alhosiny

هكتب حالا موضوع وأنشره علشان خاطر تعليقك دا

برغم انى مكنتش افضل اكتب شيء دلوقتى

بشكرك جدا علي المتابعه والمسانده

نورت المدونه

الملاك يقول...

السلام عليكم ورحمة الله وبركاته
تعرفى يا نور انك فكرتينى بايام كانت رائعه جدا مرت عليها اكثر من عشر سنوات لكنها لم تمحى من ذكرتى ابدا حتى الان وان كانت قد انتهت
تعرفى ان يمكن من اكتر الناس الى كانت بتحس بقيمة كل جواب كان يصل اليها لانى عشت خارج مصر عدة سنوات وفى تلك الايام لم يكن قد ظهر النت وانتشر بهذه الدرجة ولم نكن ايضا نمتلك موبايلات
والله لو علم اصدقائى كم كنت اسعد بخطباتهم التى كانت تصل الى وكم كنت اشعر فى لحظات قراتى لها لبعثوا لى كل يوم خطاب
كان دائما ابى يستعجب من فرحتى الشديده باى خطاب يحمله الى ولكنى والله كنت اشعر انى احيا فى بلدى فى لحظات قراتى لما تحتويه تلك الخطابات فلا انكر عليكى انى احب مصر حبا شديد لا يمكن ان يتخيله احد لدرجة اننى كنت استمع للاذاعه باستمرار واعشقها ولا اعير اىا اهتمام بالتليفزيون لانها هى الوحيده التى كانت تربطنى بمصر ايامها وكنت اشعر حين استمعى لقنوات الاذاعه المصريه مثل صوت العرب والقرأن الكريم وغرهم بانى داخل مصر بالفعل وانسى تماما انى خارجهافاقضى معها اسعد اللحظات
لا انكر ان فترة غربتى عنها من اصعب فترات حياتى على الرغم من انها كانت مريحه جدا اذا ما قورنت بما أعانيه الان لانى ايامها كنت طالبه والان انا اعمل واتحمل مسئولية تاجه عملى اخشى التقصير فيها لكنى افضل الحياة فى بلدى على الحياه خارجها مهما كانت الصعوبات ولا اعلم سببا لهذا ولكنه احساس متغلبا على وتفكير يصعب تغيره بالفعل على الرغم من نقد الكثيرين لى فى ذلك

بس بجد انتى فكرتينى بحاجات كانت جميله قوى قوى قوى
تعرفى انى زيك لحد دلوقتى محتفظه بكم هائل جدا جدا من الخطابات ولا استطيع الاستغناء عنهم ابدا

بجد يا نور انا معاكى قوى فى ان الخطابات دى بيبقى ليها سحر خاص خاصة على المغترب

تقبلى اختى خالص حبى وتقديرى

دمتى برعاية الله

nour shahen يقول...

الملاك
صديقتى الحبيبه
الحمدلله انك منوره بلدك دلوقتى وربنا يوفقك ويقويكى علي شغلك يا رب

وبشكرك جدا لمشاركتنا بتجربتك الهايله
لأن بالنسبه لينا في اكتر من وسيله للتواصل زي ما ذكرتى الموبايلات والانترنت و ال sms
لكن على وقتكم كانت لسه الحاجات دي منتشرتش زي الايام دى
وبكدا يكون قدر الجواب هايل
اجمل حاجه انه سحره كان عظيم فى وقته وحتى الأن
دا بالنسبه لأنه جواب غير عادى
جواب من صديق او حبيب او أخ
مش جوابات لشيء تانى زي استدعائات ولا انذارات هههههههههه بيكفينا ربنا الشر
نورتى المدونه واسعدنى تعليقك وبعتذر عن التأخير فى الرد

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

غير معرف يقول...

انا عايزه اخود رايكو فى موضوع انا بحب واحد وعايزه اعرفوا بحبى وعايزه اكتبلو جواب ومش عارفه اقولو ايه فى الجواب ممكن تساعدونى

مجرد إنسان يقول...

كلام جميل وعيشتيني جو وسرحت بخيالي كمان
ياريت عندنا كدا - ساعي بريد وكده
دلواتي زي مابتقولي ايميلات وتكنولوجيا
ليكي وحشه جامده يانور
اديلي العنوان عشان عايزه ابعت لك جوابات :)

Jojo Ayman يقول...

شركة تنظيف شقق جنوب الرياض
شركة تنظيف فلل بالرياض
شركة تنسيق حدائق بالرياض



شركة تنظيف فلل شرق الرياض
شركة تنظيف فلل شمال الرياض
شركة تنظيف فلل غرب الرياض
شركة تنظيف فلل جنوب الرياض

Jojo Ayman يقول...

شركة كشف تسربات المياه بالطائف
شركة تخزين عفش بالطائف
كيفية التخلص من الصراصير
شركة تنظيف فلل بالطائف
شركة مكافحة الصراصير بالطائف
شركة مكافحة الفئران بالطائف
شركة مكافحة بق الفراش بالطائف

شركة نقل عفش بالطائف
شركة تنظيف واجهات حجر بالطائف
شركة تنظيف كنب بالطائف
شركة تنظيف اثاث بالطائف
شركة تنظيف شقق بالطائف

Jojo Ayman يقول...

شركة تنظيف منازل بالطائف
شركة تنظيف مساجد بالطائف
شركة جلي بلاط بالطائف
شركة تنظيف مسابح بالطائف
شركة صيانة مسابح بالطائف
شركة عزل خزانات بالطائف
شركة تسليك مجارى بالطائف
شركة تنظيف موكيت بالطائف
شركة تنظيف سجاد بالطائف

شركة تنظيف واجهات زجاج بالطائف
شركة تنظيف مجالس بالطائف