2008/07/28

دفوار ووصلنى " شفتونى وانا بتكلم لغات "


واجب ووصلنى واتأخرت شوية في عمله لكن ادينى بقدمه اهو فسامحونى
من اجمل زهرتين فى بستان المدونين ( شهرذاد و rara ) حبايب قلبى
الواجب :عبارة عن سؤالين ..
السؤال الاول ؟ أذكر 16 صفة من نفسك !!
والسؤال الثانى ؟ مرر الواجب لمن أحب !!
نقول بسم الله الرحمن الرحيم
واتعدل على الكرسى بتاعى واقولكم بقى على الصفات واستحملوا بقى انتم اللي عايزين تعرفوا
( 1 ) عصبيه جدا لكن لو الشيء او الشخص اللى معصبنى بعد عنى بروق بسرعه جدا
وان مبعدش بسيب انا المكان علشان مبحبش الصفه دى فى شصيتى
وبزعل جدا لما اتعصب على حد وارجع احاول اصالحه
( 2 ) بيقولوا طيبه باين بس انا شكلى شريره علشان تكونوا عارفين
واللى بيشفونى لأول مره بيفكرونى متكبره لكن بينصدمو بالهيافه فيما بعد
( 3 ) بحب الناس جدا واحب اساعد اى حد لو اقدر , بس بزعل قوى لما الاقى حد عايز يستغلنى
ويبقى جنى على نفسه ساعتها ( مش بقولكم شريره )
( 4 ) من طبعى الهدوء والسكوت وكتير من الناس بتضايق منى بسبب كدا , لكن لو مفيش كلام اقوله هخترع يعنى
( 5 ) بهزر كتير وبعمل قفشات بس ساعات بتجلى منى واقع في مطب وحش بسبب التهريج الزياده ,
ولو اقولكم بتصف بالوقار بعد اللى قولته دا مش هتصدقوا ههههههههه
( 6 ) لو حد بيحكى قصه قدامى لازم يكملها والا اقعد ازن عليه لما ازهقه , بموت في الحكاوى
اقصد القصص طبعا ( مش اجيب في سيرة الناس )
( 7 ) بحب النظام وبحترم دورى في اي مكان وعندى صبر والحمدلله استنى ليومين
بس اكون شايفه ان في الاخر هيكون في فايده للشيء اللي بستناه والا ازهق بسرعه وامشى من المكان
( 8 ) بحب ربنا قوى قوى واتمنى يكون راضى عنى ودلوقتى بقيت في كل حركه أو كلمه افكر هل ترضى ربنا
( 9 ) بحب استكشف اى شيء جديد ولكن لما اعرف كل شيء عنه خلاص بيكون زى اي شيء عادى تانى
(10) بزهق بسرعه لو بكلم حد ويفضل يطلب منى اعيد عليه الكلام مره تانيه , واعرف انه مكنش مركز
معايا وساعتها ابقى مش طايقه اكلمه اصلا
(11) مبحبش حد يغير مكان حاجات بتاعتى او يحرك شيء من مكانه علشان بنسى كتير وساعتها افضل ادور لما اغلب
(12) مبحبش حد يعمل ذكى عليا , لأنى شكاكه شوية فأقل غلطه بتكشفه
(13) مبحبش الكدب ومبسامحش بسهوله حد يكدب عليا الا انى بينى وبينكم منغير ما نسيح يعنى بضطر اسفه اكدب احيانا
(شريره بقى )
(14) مش اجتماعيه الى حد كبير ومبحبش الاماكن اللي بيكون فيها صخب وناس كتير وبتوتر كل ما اضطر
احضر فرح ( شكلى مش هحضر فرحى ), لكن اليوم بيعدى عليا عادى بمجرد ما بروح واكون فى وسط الناس
ببدا اتحرك ويزول التوتر وارجع مبسوطه جدا , وبرغم انى مبحبش اكون موجوده في اماكن زي كدا الا
انى بحب الم اصحابى ونخرج يمكن لأن اصحابى عرفاهم كلهم مش عارفه بقى , شكلها حالة جنون يمكن عالجونى بقى
(15) خجوله شوية ومبحبش ابص في عنين حد مباشرة , وممكن يكون حد بيكلمنى وانا عامله مش معاه لكنى بكون منتبهه جدا ليه
(16) بخاف من الملاهى ومبحبش اركب اى لعبه ولو بسيطه بتوقع قلبى , شكلى قلبى ضعيف ( مقدرش اقول جبانه عيب )
لكن لو شوفت حد تانى خايف بحاول اخليه ميخافش برغم انى بكون ميته من الرعب اصلا بس بتظاهر قدامه بالصمود
وجينا للسؤال التانى : امرر الواجب لمين
طيب ممكن ادبس مين يا ربى في الدفوار دا مين مين آآآآآآه
الطالبه عفو الله
yoyo
انى احبكم فى الله
miada ref3at
بطوط حبوب
ولهنا نكون وصلنا لنهاية الدفوار انا حاسه ان دمى تقيل فيها بس هعمل ايه بقى مهو محدش يقعد يقول 16 صفه عن نفسه
ويكون دمه خفيف وبيهزر دا بيسيح لنفسه في كامل قواه العقليه بس علشان انتم غاليين عليا فمش خساره فيكم تعرفوا الفضايح ديا
مع أرق تحياتى وربنا يديكم الصبر وانتم بتقروأ اصلا هههههههههه

هناك 56 تعليقًا:

YaQeeN يقول...

ايه ده..
انا كنت جايه امررلك تاج..
هههههههه طيب هتضطرى تاخدى التاج اللى عندى كمان..وميرسى قوى على التاج التانى..

وعندى خبر كمان..مدونتى الالكترونيه رجعت..

انا سجلت حضور وهقرأ التاج بتاعك وأرجع أعلق عليه..

دمتى سالمه
..

YaQeeN يقول...

ههههههههههه لا يانور مش دمك تقيل ولا حاجه انت زى السكر والله..

وجميل قوى ان صفات لاهدوء والعصبيه فيكى..يعنى شئ نادر..
وماشاء الله واضح من اجاباتك انك ذكيه..هههههههه يللا يا شريره..

ربنا يحققلك كل اللى انتى بتتمنيه..

دمتى سالمه..

zOzO يقول...

لا دمك مش تقيل ولا حاجه
انتي زي الثكر
وعثل كمان
بحرف الثاء مش السين
ههههههههههههههههههه


انا برده عصبيه زيك
تقريبا انا زيك
ربنا يوفقك يارب

ghoneem يقول...

أهلاً بيكي

حمدا لله ع السلامة

صعب أوي اساسا ان الواحد يكتب حاجة عن نفسه لكن حضرتك كتبتي 16 حاجة وده فعلاً حاجة تتحسدي عليها

تشرفنا بحضرتك يافندم ودايماً في انتظار مرورك وارائك ونشكر ليكي جدا جدا تعليقك

تحياتي

بالتوفيق...................

Maha Shahen يقول...

مياده
يا قلبى انا ملحقتش اجاوب وجمعت تاجين مع بعض . كدا انا راسى مش هتشيل كل دا ههههههه
طبعا هو شرف ليا وهاجى اخده مهو اللي يدخل جيب السبع ميرجعش تانى
والف مبروك يا قمر علي رجوع المدونه انتى بنت حلال وتستاهلى كل خير
ربنا مضيعش تعبك اهو ومبروك مره تانيه

Maha Shahen يقول...

مياده
دنا حاسه انى خنقتكم بالصفات مش دمى تقيل بس
بس انتم اخواتى لازم تتحملوا بقى
والله الهدوء والعصبيه ازاى اجتمعوا الله اعلم لكنهم موجودين للاسف الشديد
يمكن علشان كدا انا قربت اتجنن ههههههه
اااه شوفتينى وانا شريره ههههههه
ربنا يكرمك حبيبتى ونورتينى واسعدنى تعليقك

Maha Shahen يقول...

zozo
ثكر وعثل يا زوزو كدا كتير عليا
وكمان بالثاء
انا مش محتاجه انطق كدا لأنى عندى مشكلة في نطق السين اصلا وبنطقها شبيهه بالثاء لكن مش كتير بياخدوا بالهم
منا شريره بقى هههههههههه
ربنا يخليكى ليا يا رافعه من معنوياتى
نورتينى بجد

Maha Shahen يقول...

غنيم
منور المدونه
الله يسلمك من كل شر يا رب
الحمدلله لقيت حد حاسس بالمعاناة في وصف الذات وكمان ب 16 صفه
انا قعدت اكتب البوست فى 3 ساعات اصلا واقوم واكل واشرب واتفرج علي التليفزيون وارجع اكمل هههههه فاضيه بقى
العفو على ايه بس بتشكرنى زيارة مدونتك دا واجب قومى بس خلى بالك على مصر وخف عليها الله يكرمك
اسعدنى تعليقك ومرورك ودايما منورانا

yoyo يقول...

صباحك سكر
بقى هو كدا يعنى بتدبسنى وربنا كنت ناوية اعملها فيكى ههههههههههههههههههههه بس انا تراجعت بقى
ماشى يا نور لن أنسى لكى هذا الموقف أبدا أبدا هههههههههههههه

وبعدين يا ستى انت حتة سكرة وزى المصاصة ( اعذرنى مش قادرة اقول احلى من المصاصة هههههههههه)
اجابتك فة منتهى الجمال يا قلبى
ابقى شوف الفضايح بس عليكى بالستر
تحياتى وقبلاتى
( يويو )

Maha Shahen يقول...

yoyo
صباحك سكر يا قمرتى
مهو انا مليش غيرك ادبسه بعدين تدبيسه تفوت ولا حد يموت
انا لو مكنتش بحبك مكنتش دبستك اصلا
وبعدين انتى عارفه النداله ايه ....
ايون صح برافو عليكى هههههههههه
بقى كدا المصاصه احلى منى طيب مش هجبهالك وانا جايه وهجيب لنفسى ومش هديكى بس هيه بقى بقى
مستنيه بقى الواجب منك اشوف شكله ايه
نورتى يا قمرتى

(green eyes) يقول...

الله حلو اوي الديفوار دا..
حلو اوي ان الواحد يتكلم عن نفسه شوية .
انا قدرت ارسم شخصيتك في خيالي مش عارفة ليه جت في بالي شخصية واحده صحبتي بحبها اوي اسمها هبه (اوعي تكوني هي ) :).

Mahmoud البطراوى يقول...

اسمى مكتووووووووووب؟؟

حرام بجد انا كده هعمل مليون تاج بس الى يصبرنى انهم تاجات مشتركه

طلبك على العين والراس

ههههههههههههههه
البوست حلو اوى ويا ستلا دمك مش تقيل ولا حاجه هههههههههههههه

أسير الجراح يقول...

نور


اجباتك جميلة


وكويس ان التدبيسة



مجتش لناس معينة هههههههههههههة




اتمنالك التوفيق



انا نزلت البوست الجديد


اتمنى تنورينى بتعليقك الجميل


تحياتى



اسير الجراح

رئـــــيسـة حزب الأحلام يقول...

كل دى أسرار
بس العصبيه دى كلنا مشتركين فيها
وبجد متعبه جدا اسألينى أنا انا بموت كل يوم من العصبيه
تحياتى لكى

rovy يقول...

السلام عليكم
تاج جميل لانسانه جميله ودمها خفيف و زى العسل ..

دمتى بخير و سلام فى حفظ الرحمن

تقديرى و تحياتى

انى احبكم فى الله يقول...

شكرا يا نور على زيارتك وطبعا مدونتك لااستطيع الكلام عن جمالها والله انا جيت علشان اخذ التاج ولكن اذاى اخده لانى متشوقه

Maha Shahen يقول...

green eyes
جميل اننا نقدر نتخيل بالكلمات شخصيةانسان معين
ويا رتنى يا عزيزتى كنت صديقتك هبه لكن للأسف لا
بس دا ميمنعش اننا نكون اصدقاء بأذن الله لو تحبى يعنى
ربنا يديم بينك وبين صديقتك الحب في الله
ونورتينى واسعدنى تعليقك

Maha Shahen يقول...

بطوط حبوب
يلا يا بطوط كلنا لها منا مجمعه اتنين برضوا ومن اجمل المدونين
وبعدين دا بيأكد حب المدونين ليك
لو مكناش بنحبك مكناش نبعتلك واجب كتير علشان نتعرف عليك اكتر
والحمدلله ان دمى مكنش تقيل عليكم
نورت المدونه ومستنية البوست الجديد بالواجب منك

Maha Shahen يقول...

اسير الجراح
والله يا اسير حسستونى ان التاج او الواجب اصبح كارثه قوميه
برغم انه في الاول اه منكرش بيكون صدمه بس بمجرد ما بتبدأ تكتب القلم بيكون بيجرى وانت بس بتتبعه وتصبح الحكايه سهله جدا
ومسيرك يجيلك يوم ونقرأ واجب جديد من مدونتك الرائعه
نورت البوست واسعدنى مرورك

Maha Shahen يقول...

رئيسة حزب الاحلام
فعلا انا اكتشفت ان معظمنا بنشترك في صفة العصبيه دى
يمكن من الظروف المحيطه بينا في الفتره دى
يمكن هو دا اسلوب رفضنا او يمكن بتكون العصبيه هى الطريقه الوحيده لخروج الطاقه الزياده
وعامة متخليش العصبيه تسيطر عليكى حاولى تتفاديها لأنها بتسبب امراض اصلا لو مقدرناش نسيطر عليها
ربنا يحفظك من كل شر يا رب
اسعدنى مرورك وتعليقك ونورتى المدونه

Maha Shahen يقول...

rovy
وعليكم السلام ورحمة الله وبركاته
انتى اللي انسانه جميله علشان كدا نورتينى بتعليقك الأجمل
دومتى مبدعه وموجوده في حياتنا دايما علشان نقرأ ليكى اجمل الكلمات والتعليقات
ربنا يبارك فيكى
بيسعدنى دايما مرورك وتعليقك

Maha Shahen يقول...

انى احبكم في الله
عزيزتى مدونتك انتى كمان برغم حداثتها الا انها رائعه
والتاج او الواجب سهل جدا بس كل اللي عليكى تعملى بوست جديد وتكتبى فيه 16 صفه من نفسك
وتانى سؤال تدبسى اقصد تهدى الواجب لبعض الاشخاص اللي تحبيهم
وانا كمان متشوقه اشوف اجاباتك واجمل صفاتك
وربنا يوفقك

لؤلؤة الاسلام يقول...

ايه ده ما شاء الله صفات فيها الحلو و فيها الوحش بس الحلو اكتر طبعا و المدونة جميلة جدا و يا ريت تزورى مدونتى انا مسلمة وتنورينى بتعليقاتك

ســـهــــر يقول...

بيقولوا طيبه باين بس انا شكلى شريره علشان تكونوا عارفين واللى بيشفونى لأول مره بيفكرونى متكبره لكن بينصدمو بالهيافه فيما بعد


ههههههههههههههه

وربنا انك سكرة خالص

وميرسى لاحلى شهروزة لانها بتعرفنا
على ناس جميلة زيك

اجاباتك تجنن وتعرفى انا حبيتك جدا والله

دمتى جميلة

mamato2010 يقول...

السلام عليكم
أنا قريت التاج بتاعك وصراحة أنا مش عارف أعلق على شخصيتك أقول أيه؟
أنتى شخصية مركبة تركيب أنبعاجى متبرتق فى الزوايا الافقية و الرأسية متقاطعة تقاطع أنزوائى.ههههههه معلش دمى خفيف شوية
بجد من اللى أنا قريته أنتى شخصية مركبة تركيب غريب بس اللى واضح من كلامك أنك شريرة أوى وكمان شكاكة جدا مش شوية و لما تتجوزى أن شاء الله ربنا يكرمك حتبقى غيورة جدا
أنا أسف على التحليل النفسانى لشخصيتك بس أنا أحب اكون واضح و صريح
و فى الاخر أحب أقول ليكى أنك والله لذيذة جدا و كتابتك مش مملة يعنى أنا كنت متشوق أعرف ال16 صفة واحدة ورا واحدة.
و يشرفنى أنك تزورى مدونتى الجديدة المتواضعة و نصبح أصدقاء فى التدوين أن شاء الله

كوارث يقول...

جميلة كل الصفات ده
والاجمل
الصراحه الصادمه ده
معاكي واحد وغد برضه !

انسان وبس ! يقول...

سا الخير

انا اول مره ادخل المدونه بتاعت حضرتكم

مقرتش الا موضوع واحد وهو ده طبعا

على فكره انا ولد وبتجمعنى بيكى - عادى يعنى - صفات مشتركه....زى موضوع خجوله ده وانى كمان زيك مبعرفش ابص فى عين حد مباشرة الا عن عمد وبعد جهد كبير
، ...وكمان موضوع تغيير اماكن حاجتى دى ببقى هتجنن...وكممان حكايه الافراح والتجمعات والزحمه والهيصه دى مبحبهاش ...الحل متعمليش فرح !


عموما صفاتك جميلا خصوصا دى:

( 8 ) بحب ربنا قوى قوى واتمنى يكون راضى عنى ودلوقتى بقيت في كل حركه أو كلمه افكر هل ترضى ربنا

وده احلى ما فيكى

الله يبارك لك ويثبتك

YaQeeN يقول...

السلام عليكم..

انتى ناويه نهربى من التاج وللا ايه ههههههههههه لا انا فايقه قوى..

وبعدين كلامك اسعدنى جداً فى التعليق وان شاء الله نكون أصحاب وانا موافقه وليا الشرف والله انى اتعرف على بنت زيك..واكون فى قمة سعادتى كمان..

طيب احنا عاوزين نشوف طريقه نعرض فيها ايميلاتنا..

وتكون مضمونه برده الواحد مش ضامن..

يللا سلامى ليكى..

Maha Shahen يقول...

خديجة محسن " لؤلؤة الاسلام "
الله يكرمك يا قمر وبعدين الحلو اكتر الوحش اكتر هنعمل ايه بس
مقدرش اكدب اهى الشخصية كدا
والله المستعان بقى
ويا رب تكون قضيتى وقت مسلى مع المدونه وفى اقرب فرصه بأذن الله هتلاقينى عندك ومن زوارك الدائمين
اسعدنى مرورك وتعليقك

Maha Shahen يقول...

سهر
أولا انا بموت في اسم سهر لأنه اسم اعز صديقات العمر
وانتى اللي زي السكر والعسل ربنا يكرمك حبيبتى
وانا كمان بضم صوتى لصوتك وبشكر شهروزه اللي وحشتنا على انها بتجمعنا بفئة رائعه من المدونين
احبك الذى احببتنى فيه يا رب
وانا كمان بحبك فى الله
نورتينى بجد

Maha Shahen يقول...

mamato2010
وعليكم السلام ورحمة الله وبركاته
بعد وصفك لشخصيتى اللى سبنى مذبهله بضحك دا , بفكر جديا اروح استشير دكتور نفسى , علشان باقيت الدكاتره مش تيجى تعمل شغل , انا بوضح اهو نفسى يا جماعه
بس مش عارفه انا لما اتجوز هبقى غيوره يمكن الله اعلم
وبعدين ولا تتأسف ولا حاجه لو انت دكتور نفسى ايدى علي كتفك ونحاول نحل المشكلة وعشمنا في الله وفيك تحل المشكلة مش تزودها ههههههههههه
والحمدلله ان البوست كان خفيف على قلبك
وبأذن الله تلاقينى قريب خالص في مدونتك وربنا يديم المعروف
أسعدنى مرورك وتحليلك لشخصيتى

Maha Shahen يقول...

كوارث
ههههههههههههههه
حد يوصف نفسه كدا برضوا
لا انا قولت شريره على نفسى شوية اخف والطف
ويا رب متكونش انصدمت قوى بسبب الصفات
نورت المدونه بمرورك وتعليقك

Maha Shahen يقول...

انسان بلا عنوان
مساء الأنوار والخيرات
حضرتك منور المدونه ويسعدنى مرورك ويا رب متكونش اول واخر مره
ونشوفك دايما منورها بتعليقاتك
جميل جدا ان فينا صفات كتيره من بعض
بس صفة الخجل في الشباب مش صعبه شوية , أظن في فرق بين الخجل والحياء
الخجل مرتبط بصفات المرأه اكتر ويتماشى مع رقتها وطبعا هنا الشباب هتعترض
بس برضوا الشباب بتتمتع بالحياء وهى صفه جميله ربنا يدمها علينا من شعب الايمان
انا كان حلى أنى محضرش الفرح اصلى هنكد على اهلى وزوج المستقبل يعنى مينفعش هههههههه
وانت ادتنى حل اخر يستحق التفكير
انى معملش فرح من اصله ههههههه
الله يكرمك يا اخى العزيز
ربنا يحفظك ويبارك فيك
بتمنالك التوفيق ونورتنى فعلا

Maha Shahen يقول...

miada ref3at
وعليكم السلام ورحمة الله وبركاته
والله كنت بحاول بس انتى قفشتينى ههههههه
وعامة انا مش عارفه انتى تقصدى اي واحد فيهم فعلا
اصلى لما دخلت لقيت المصنع اللى بينتج التاجات كلها عندك ههههههههه
انتى بس شاوريلى اى واحد وتلاقينى اجاوب على طول " انتى بس تطلبى وطلباتك اوامر "
وانا هكون اسعد انسانه فعلا لو بقينا اصدقاء وبالنسبه للتواصل انا فكرت انشر ايميل للتواصل بس اللي هيجى منغير استئذان هقتله هههههههه
ويا رب متجيش اى مضايقات منه ,انا هعمله ايميل جديد علشان لو لا قدر الله حصل حاجه نقفله وكأن شيئا لم يكن
نورتينى يا قمرايه

شهرزاد يقول...

نور الجميلة
اعتذر عن التأخير جدا

ولكني اريد أن أنوه أن التاج الذي وصلك من رارا ليس نفس التاج الذي وصلك مني .. ولكن انت دمجتيهم مع بعض بطريقة جميلة جدا..

أنتي صديقة جميلة جدا ودمها خفيف جدا

مرسي جدا لإجابتك الجريئة والصريحة

وحشتيني جدا

تحياتي وأشواقي

*الطالبة عفو الله *زوزو يقول...

يا حلولو سبقتك يا جميل و جوبت على التاج
صفاتك مش غريبة عليا بس بجد ما شاء الله عليكي امرو و عسولة و كل حاجة فيكي حلوة
وعلى فكرة يا امورة كنت انا برضو جيبالك تاج بس صعبتي عليا
فقلن اجلها شويا
خليكي في لانتي فيه
سلام يا قلبي

نـــــور يقول...

ازيك يانور ياقمر
وحشتينى انا اخيرا رجعت تانى
انا مبسوطه لان رجوعى كان على تاج
والله يانور وبدون مبالغه انا حاسه انك تشبهينى جدااااااا
وانا عندى تاجات كتيرة قوى هنزلها قريب ابقى شوفى كده وقولى لو حسيتى احساسى ولا لا؟
عموما لو كان فاانا يشرفنى انى اشبهك ياقمر
دمت بكل خير ومستنياكى

Maha Shahen يقول...

شهرذاد
حبيبت قلبى حمدالله على السلامه يا قمر
خلاص عدتى الينا بقى ولا انقطاع بعد اليوم الحمدلله يا رب
نورتى المدونه واسعدتينى وفرحتى قلبى برجوعك بجد والله
انا بعتزر طبعا ليكى لأنى مضغوطه شوية من اصحابى بعد رجوعى فمركزتش قوى واعتقدت ان الاتنين زى بعض فأعزرينى بقى العتب على اصحابى هههههههههه
حمدالله على سلامتك يا قمر ونورتى مدونتك ونورتى كل المدونات
وكنتى وحشانى جدا جدا ولكنى هسيبك ترتاحى شوية وبعدين استنى منك اجدد الموضوعات المتميزه بتاعتك بقى
مش عارفه اقولك قد ايه سعيده بعودتك لينا من جديد
نورتى بقلمك الذهبى يا أرق زهور الربيع

Maha Shahen يقول...

zozo
صحبتى وحبيبتى اللي غيرت اسمها وكان جميل.
طبعا كلمة زوزو غاليه علينا كلنا ولكن الاسم فى الاول كان مميز يا قلبي
ربنا يخليكى ليا والله انتى حاسه بيا وعارفه حالى اليومين دول
وبعدين بتقوليلي علي الله يطمر يعنى ولا ايه ههههههههههه
كنتى جيبالى تاج هو انا لحقت دنا حتى مكتبتش شيء من بعد التاجين دول الله يكرمك يا قلبي
اقولك هاتى التاج على الايميل وانا اجوبهولك سريعا ونوفر ورق وحبر من المدونه ههههههههه
بعتزرلك جدا لتقصيرى في حقك وانتى عارفه يا قلبي بس والله مش بأيدى وعامة الايام جايه كتير فأستحملينى شوية
دمتى ليا بخير يا رب وصحبتى وحبيبتى وكل ما ليا
واحلى جوتااااااموووو في الدنيا

Maha Shahen يقول...

habiba
الله يسلمك من كل شر يا قلب القمر
انتى كمان وحشانى موووت وحمدالله على سلامتك
نورتينا وفرحتينا بعد ما غبتى كتير علينا.. ورجعتلنا بألف سلامه فأهلا بيكى ووحشتينا
شوفتى وانا قاعده ألفت ليكى نشيد اهو ههههههه شطوره انا فعلا ماشاء الله عليا
لازم رجوعك يا قمر يكون متلألأ زي التاج دا اكيد اقل واجب انك تنورينا والبيت عامر بتاج من الحبايب
لو انا بشبهك فعلا فدا يكون من حسن حظى وسوء حظك هههههههه ( بهزر طبعا )
يا ريت نكون فعلا نشبه بعض يمكن نطلع اخوات وانا بتلكك بقى بصراحه هههههه
هقولك اختى وحبيبتى ومفيهاش رجوع
دمتى ليا بكل سعادة وطيبة قلب معتاده
والف مليون شمعه منوره تعليقك وحمدالله على السلامه يا قمر

RaRa يقول...

اولا
حمد الله على سلامتك
وثانيا
ميرسى اوى لقبولك التاج
صفاتك فعلا جميلة
بس انا شايفة انك اجتماعية
وثالثا
اسفة على التأخير
لانى كنت مسافرة

الملاك يقول...

السلام عليكم ورحمة الله وبركاته
أختى نور دى اول زيارة لى لمدونتك لانى لسه جديده فى عالم التدوين الجميل ده
واحب أهنيكى على شخصيتك الجميله الو وضحت من مجرد دخولى لمدونتك واضح انك انسانه قريبه من ربنا
ربنا يزيدك بس حاولى تقللى من عصبيتك شويه لانها ساعات بتتسبب فى زعل اقرب الناس لينا
على فكرة يا نور انا بشترك معاكى فى اكتر من صفه
ربنا يبارك فيكى ويزيدك حسن خلق
واتمنى انك تقبلنى زائرة دائمة لكى
تحياتى
أختك فى الله
الملاك

أسير الجراح يقول...

اختى الغالية جدا نور


وحشتينا موت


وبعدين لازم بوست علشان نطمن على بعض


؟؟؟؟؟؟؟؟؟؟؟؟؟



عموما انا نزلت بوست



واتمنى نور تكون موجودة



تحياتى لاجمل نور



اسير الجراح

Maha Shahen يقول...

rara
الرقيقه وصديقتى العزيزه
الله يسلمك يا قمر
واسعدنى انى اجاوب علي تاج اتانى من القمر
ثم انا اجتماعيه الله يكرمك يا قلبى
عامة هو شيء جميل يا رب يكون موجود فعلا
الف حمدالله على سلامتك
ونورتى مدونتك ويا رب متغبيش علينا تانى ابدا

Maha Shahen يقول...

الملاك
وعليكم السلام ورحمة الله وبركاته
بيسعدنى متكونش الاخيره ودايما اشوفك منوره المدونه وربنا يوفقك فى عالم التدوين
الله يكرمك حبيبتى علي المجامله الطيبه دى
وانا بحاول اقلل من العصبيه بتفاداها ولكن الله المستعان بقى تروح خالص من الصفات
انا يسعدنى ان في حد بيشترك معايا في صفاتى وعامة كلنا اخوات لازم يكون في شيء مشترك بنا برغم الاختلاف ولكن هيفضل يربطنا بعض الاشياء اللي بنتميز بيها ومتماثلين فيها وبتجعلنا واحد في النهايه
ربنا يوفقك يا عزيزتى في عالم التدوين ونورتى جميع المدونين
وبالتأكيد يسعدنى تكونى دايما من الاصدقاء الاعزاء اللي بيمروا بالمدونه
نورتي المدونه واسعدنى مرورك وتعليقك

Maha Shahen يقول...

أسير الجراح
لا والله مش محتاجين بوست جديد علشان نطمن علي بعض ولا شيء انا هلاقى حل فى اننا نجمع المدونين سوا ونتعرف اكتر
ويا رب يكون فيها الخير
عيونى حاضر هتلاقينى عندك واشوف الجديد
وانا بمر والله مش بنساك ولكنى بقصر فأعزرنى

أسير الجراح يقول...

نور


اشكرك على مرورك الجميل


تحياتى لاجمل نور



اسير الجراح



واوعى تقصرى تانى ههههههههههههههة

حبيبة الروح يقول...

السلام عليكم يا اجمل نور يا جميل انتي سكر
انا جيت اقولك يا قمر يا ريت بجد لو ليقي ملحوظه تقدري تساعديني بيها في موضوع القصه يا ريت تبقي تكتبيهالي عندي يا جميل علي فكرة صفاتنا متشابه جدا جدا تحياتي ليك

مي

Maha Shahen يقول...

اسير الجراح
خلاص بقى حرمت انا اقصر وهلتزم اهو من هنا ورايح
نورت المدونه بمرورك عليها
ومتشكرنيش علي دخولى لمدونتك لأنها لو مكنتش هايله مكنوش زورها كتروا كدا ما شاء الله
انا مش بحسد ههههههههه انا بنق بس
لا ربنا يكرمك ويبارك ليك

Maha Shahen يقول...

مدينة الملائكه
وعليكم السلام ورحمة الله وبركاته
عارفه يا مى انتى من اول المدونات اللي دخلت وقريت فيها كتير قوى في بداية دخولى لعالم المدونين فعلا مدونه فوق الرائعه وافادتنى جدا, دا شيء انا افخر به ان صفتنا طلعت واحده بس يا ريت الصفات الكويسه بس ههههههههه ومتطلعيش شريره زيى
لا بس انتى باين عليكى بنوته عسوله مش شريره زيى
نورتى المدونه يا قمر واسعدنى مرورك

رئـــــيسـة حزب الأحلام يقول...

تخيلى اسرارك قريبه من صفاتى اوى
والخجل واالتوتر فى الاماكن المزدحمه
بخاف منها اوى
تحياتى لكى

Maha Shahen يقول...

رئيسة حزب الاحلام
الخجل صفه محموده في البنات
ولكن شكل الزحمه بيسبب توتر لمعظم الناس
بس فى فرق كبير بين التوتر بس والخوف
التوتر اخف شوية من الخوف بس عامة لو عملتى زيى ولقيتى شيء يشغلك في الوقت دا هتلاقى نفسك اندمجتى وعادي
انا بعمل المصوراتى بتاع الحفلات اخد الكاميرا بتاعتى والف اصور الناس وكأنى بستخبى وراها
عامة جربى وبأذن الله يزول التوتر والخوف
نورتينى واسعدنى تعليقك

جريدة الريماس للأخبار الحصرية يقول...

شركة مكافحة بق الفراش غرب الرياض
شركة مكافحة بق الفراش جنوب الرياض
شركة جلي بلاط بالرياض
شركة جلي بلاط شرق الرياض
شركة جلي بلاط شمال الرياض
شركة جلي بلاط غرب الرياض
شركة جلي بلاط جنوب الرياض
شركة تنظيف مسابح بالرياض
شركة تنظيف مسابح شرق الرياض
شركة تنظيف مسابح شمال الرياض
شركة تنظيف مسابح غرب الرياض
شركة تنظيف مسابح جنوب الرياض
شركة صيانة مسابح بالرياض

جريدة الريماس للأخبار الحصرية يقول...


شركه مكافحه النمل الابيض بالمدينة المنورة
شركة رش مبيدات جنوب الرياض
شركة رش مبيدات شمال الرياض
شركة رش مبيدات وسط الرياض
شركة رش مبيدات غرب الرياض
شركة رش مبيدات شرق الرياض
شركة مكافحة حشرات جنوب الرياض

جريدة الريماس للأخبار الحصرية يقول...

شركة صيانة مسابح شرق الرياض
شركة صيانة مسابح شمال الرياض
شركة صيانة مسابح غرب الرياض
شركة صيانة مسابح جنوب الرياض
شركة مكافحة النمل الابيض جنوب الرياض
شركة مكافحة النمل الابيض شمال الرياض
شركة مكافحة النمل الابيض وسط الرياض
شركة مكافحة النمل الابيض غرب الرياض
شركة مكافحة النمل الابيض شرق الرياض

جريدة الريماس للأخبار الحصرية يقول...

شركة صيانة مسابح شرق الرياض
شركة صيانة مسابح شمال الرياض
شركة صيانة مسابح غرب الرياض
شركة صيانة مسابح جنوب الرياض
شركة مكافحة النمل الابيض جنوب الرياض
شركة مكافحة النمل الابيض شمال الرياض
شركة مكافحة النمل الابيض وسط الرياض
شركة مكافحة النمل الابيض غرب الرياض
شركة مكافحة النمل الابيض شرق الرياض