2015/02/09

داست علي جراحى


داست علي جراحى وسألتنى سرحتى في مين !!
وضحكت من همــى وقـولتلهـا فـى شـــوق وحنين
كـان لــى حبيب سـافـر وراجــع ليا بعـــد يوميـــن ..
فقالتلى أحكيلـى ،، إيه القصـة ،، وفين بقى راح ؟!!
فضحكــت مــن تانــى عشـان أدارى الألـم وارتاح ..
قولتلهــا أحكيلى ،، عن أخبارك ،، وصلتـى لفين ؟!!
فقالتلى انا عارفــه طريقتـــك دى بقـــى وبعـدين ..
أذا كنتى راح تحكى ،، أنا سامعه ،، وبقولك إيـــه !!
لــو كنتـى هتخبـى ،، راح أعرف قلبك إيه مداريـه ..
بتبص علـي وشى ،، مـا بالبسمه رسمــت أفـــراح
لــو تعـــرف إيــــه بقلبى كانت شافت بعينها جـراح


هناك 5 تعليقات:

المشخصاتية صولا يقول...

على قد ماهي بسيطة على قد ما هي عميقة المعنى وجميلة
منورة يانور

nour shahen يقول...

المشخصاتية صولا :
...............
تسلمى حبيبتى يسعدنى انها عجبتك ويا رب ميكونش وقعها مؤلم علي النفس .. منورانى دايما يا قمر

الملاك يقول...

السلام عليكم ورحمة الله وبركاته

ازيك يا نونو يارب تكونى بخير حال

لا تنزعجى أختى إن داس أحد قريب منك على جراحك فلعله يرغب فى أن يشفيك منها فلا تتهربى وقصى عليه ما بداخلك

أرق تحياتى

دمت بخير وبرعاية الله

nour shahen يقول...

الملاك :
.........
تعرفى لو الدنيا بالنقاء والبساطه اللى جواكى دى كانت بقت جنه علي الارض يا قلبى ..
مع الاسف مينفعش نقول حد بيحبنا وداس علي جراحنا قاصد يشفينا ، لو كان يعلم بوجودها اصلا مكنش عذبنا بيها يكفينا اننا متحملينها وعاملين اننا نسينها
دمتى صديقتى بخير ودام تواصلك

Uouo Uo يقول...


thx

شركه تنظيف