2010/12/05

لا تندم


لا تندم على خطأ ارتكبته واخبرت به شخص قريب لقلبك ثم استغله هو يوماً للسيطره عليك او حتى للتأثير عليك لتغيير قراراتك , لا تندم لأنك اعطيته حق ان يجرحك , اعطيته صلاحيه ليست من حق اي بشر , لقد سترك الله واخفى بعض مما اصابك ليقبلك الناس بدلا من ان ينفرون منك بسبب اخطاء قد تتجاوزها يوما لتصبح شخص اخر جديد ...

أرجوك لا تندم مهما حدث ولا تتسرع او تخاف وتحاول ان تتفادى موقف بشع بالسقوط فى الاسوء منه ...

ولا تندم لأنك ازلت حجاب الغموض عن شخصيتك واختصرت قصتك وصنعت ملخص صغير عن من انت فتضاءلت بنظر المستمع ...

لا تندم ان تحدثت معه بتلقائيه حتى وان ابتعد فأنت لم تخدعه ..

كن صادق القلب ولن تندم , كن كما انت لا كما يريدون , فهم احبوك كما انت بكل مميزاتك وعيوبك لا كما يتصورون ..

لا تترك لهم حرية تغييرك , فتفقد اشراقة نفسك بما كانت تتميز به حين عرفوك , لتصبح مسخ من احلامهم ..

ولا تندم لأن سبب كل هذا الندم انك اقترفت خطيئة الحب فأغمضت عيناك ثم استيقظت من اوهامك علي ضياع حلمك

هناك 53 تعليقًا:

عمرو يسرى يقول...

مش عارف اجيب تعبير يعبر عن ما اريد ان اقول فى تعليق على كلامك
ولكن ممكن اقول ان كلامك مهم جدا الناس تقراءه لانه يحمل معانى مهمه جدا

موناليزا يقول...

عندك حق
أصل هيفيد بإيه الندم
وبعدين محدش بيتعلم ببلاش

غير معرف يقول...

طب والي ندمان من حاجة معلمهاش ورغم كدة عندة احساس بالذنب متفهميش ازاي وشكلوة شكلوة كدة ههههه حيفضل شايل الندم دة طول عمروة جواة ومحدش حيقدر يعرفوة رغم انوة معملش اي حاجة غلط هههههههههههه فزورة هيا هههههه عاملة اية يا جميل يارب تكوني بخير هبة احمد القاهرة يارب تكوني بخير ونايس بوست يا قمر ونفسي بقا اكلمك ومش عارفة

nour shahen يقول...

عمرو يسرى:
..........
اكرمك الله علي المجامله الرقيقه دى بشكرك لأهتمامتك ومرورك
واتمنى افضل عند حسن ظنك ويكون كلامى بيحمل شىء مفيد لشخص تانى

nour shahen يقول...

موناليزا:
........
هو فعلا مش مفيد وبيدمر اللي باقى فليه تستسلم بيه بتكفى الخساره فى حد ذاتها والالم مش نكملها بالندم وربنا يصلح للجميع الاحوال يا رب

nour shahen يقول...

هبه احمد:
.........
انتى فين يا بنتى منا علي الانترنت اهو لو بس تفتحى الياهو هنقدر نتكلم وبعدين اعملك ايه تليفونك مقفول دايما بحاول مره واتنين ومليون مفيش امل شكله كدا الله المستعان

بس تعالى هنا ايه يجيب الندم من حاجه معملتيهاش الا ان يكون حد مسبب ليكى ضغط فمحسسك بالذنب
عايزه قاعده دى واستجوبك علي انفراد

فاروق بن النيل يقول...

نور شاهين الفاضلة..............
من يندم على قول الحقيقة متعففا
عاش بين الناس مأسوفا عليه متأسفا
وأصبح شخصا غريبا لنفسه غير متعرفا
وزادبين الناس غموضه وصار متعجرفا
تراه ينظر إلى كل ماتفعلوه متأففا
وإنى لأظنه أختاه متعالياعنا متكلفا
ودوما يغيظك نقده وهو به متصوفا
وتفاجئين أنه بأمورالشواذصارمتصرفا

على فكره لسه مألفها دلوقتى بلحظات عندك هكذا معظم تعليقاتى شعرا ينزل على فأرسله دوما شكرا لكى

Tears يقول...

اصعب شىء ان نثق باحد و نكتشف فيما بعد انه لا يستحق

الأمل الموعود يقول...

كن كما كنت فلن يغير من الامر بد

كن فانت اسمى من ان ترد

فقلبك للحب حامل وراع

وللامل راسم العمر

لكل صديق

والنفس اقرب من الحبيب

تكن لك الرفيق

فان افشيت يوم سر

لمن كان لك مقر

فاعرف انه ليس بمستقر

فكني كماانت ثابتة القيم

فلن تنالي رضاء الناس طول الزمن

بل كني متيقنة انك مهما فعلت ستذم

لكن قفي بكل عنفوان و اطبعي ابتسامة

فالخير لن يندثر

يامن سكنت القلب بكل حب احبك واعلم

انكي سكنتني في مخيمك لاجئة ولن امل

فطبعك بحلو المعاني قد عرف

وقلمك بحبر المحبة قد عمر

فدمتي لي خير حبيبة طول العمر

ننتظر منك كل مفيد وجديد على احر من

الجمر

اعتذر عن التاخير في ابداء الراي

فانا لازت جديدة وفي تطور التعلم منكي

يا قمر


من تلميذتك التي تعلمت منك معنى

معاليم البشر


هههههه احبك في الله فانت اجمل من كل

الصور

اطلت ولكنني ما عسايا ان افعل

فالكلمات تنهمر مني كالمطر

Beram ElMasry يقول...

ابنتي نور شاهين
مرحبا واهلاوسهلا مع الشكر ةالامتنان لمشاركتك في التعليق والتشبث بالامل يحقق المطلوب وعلي رأي المثل "طول الاجل يبلغ الامل"
اسعدني مرورك ولاتحرميني النقد
سلام ولاسلا مع بني صهيون

Dr/ walaa salah يقول...

الندم فعلاً مش هيفيد بحاجه

مدونتك جميله يا نور

ارجو قبولي كضيفه خفيفه على مدونتك

Yoyo يقول...

فى هذا الزمان اصبحت كل الناس بقناع خارجى لا يزال الا وقت معين بعد ان تكشفى انتى لهم كل اوراقك وهنا تجدى نفسك كالبلهاء وقد كشفتى كل اسرارك ظنا منكى ان هذا هو الصدق وهذه هى الشفافية والصراحة وانه كل ما كنتى انتى صادقة مع الناس كانوا هم صادقين معك ولكن هيهات لا احد اليوم صادق فالصدق كلمة اصبح لا يوجد لها معنى فى قاموس الصفات لذا ان افصحتى عن شئ يخصك لى شخص كان ومهما كنتى تظنين انه قريب منك فهذا خطؤك وان رايتيه بعد ان يزيل عنه القناع فلا تلومى الا نفسك...لا تسلمى مفتاح نفسك لاى شخص كان..فليقولوا غامضة معقدة لا يهم من يسعى لفهمك حقا هو من سيعرف شخصيتك الحقيقية حتى لو لم تفصحى عن مكنونات نفسك...sometimes you put walls up not to keep people away but to see who cares enough to break them down...

غير معرف يقول...

ازيك يانور اية الغيبة دى كنتى فين ...فى الدنيا الواسعة؟؟تفيد باية ياندم وتعمل اية ياعتاب هههههالندم ساعات بيكون حاجة صحية لانك لو مش بتندمى على حاجة خالص القلب حيموت ويتبلد واى حاجة نعملها حتى لو غلط حنتجاهل ان احنا عملنا غلط وبعد شوية الاحساس حيموت مهما تشوفى ادامك اى موقف صعب يبقى عادى زى واحدة تجيب مثلا تشريح ميت وتتباهى ادامى انها قوية وان انا خيبة وبخاف وغمض عينى واصرخ واللة دة حصل وبعدين تقول ادام اللى قاعد ياااه بتدلعى اوى وكانة دة عادى وانا اللى غلط ...عايزة بس اقول لواحدة من خلال مدونتك انها بتتجاهلنى وبتعملنى راجل كل لما اكلمها وبتسخر منى واكتر من كدة الكلمتين اللى على الفيس بوك؟؟

nour shahen يقول...

فاروق ابن النيل:
................
يا رب يبارك فيك يا استاذ فاروق ودايما تخطر ببالك اجمل الخواطر
بشكرك جدا علي سحر الكلمات اللي نشرتها علي صفحتى ومنور المدونه دايما

nour shahen يقول...

tears:
......
اكيد صعب بس مش معناه اننا هنخاف من الناس ونندم علي كل فعل لدرجة نبطل نعمل شىء كويس

nour shahen يقول...

الأمل الموعود:
............
يا سيدى علي الخواطر اللي كتيره عليا والله يا مريومه ربنا يبارك فيكى يا قمرتى
بس ايه الكلام الكبير دا كله وانتى عارفه انى بغش منك فى الخواطر داانتى ملهمتى هههههههه
وبعدين خلاص كنت بهزر فى حكاية المخيم ولميت الخيام ودخلتك جوه فمنوره دايما بقلبى
وبجد كلماتك روعه

nour shahen يقول...

بيرم المصرى:
...........
طول الاجل اللي هو العمر ولا الصبر
هو مثل حلو بس مش فهمته بصراحه
اصل لو طول العمر يا ترا مين يعيش
اما لو علي الصبر فلله الحمد معندناش اكتر منه كمصريين يعنى
بشكرك لمرورك ومشاركتك واكيد علي تواصل دايم بأذن الله

nour shahen يقول...

د.ولاء صلاح:
..........
يا ريت الندم كان بيفيد والله انى متفقه معاكى
وسعيده جدا بمرورك وتعليقك وان شاء الله نبقى علي تواصل دايم

nour shahen يقول...

yoyo :
......
صديقتى العزيزه يويو الندم مبيفدش صدقينى مش ذنبنا اننا كنا صادقين واتخدعنا او ان فى بعض الناس استغلت طيبتنا , لو ندمنا علي فتح قلوبنا ليهم بكل حب يبقى هتتقفل القلوب قدام كل الناس فيما بعد
وان كانت كلمة الصدق لم يصبح لها وجود فأعتقد دا لندرتها الشديده فأن وجدناها فلازم نحافظ عليها لأنها عمله منقرضه اوشكت علي الانتهاء يعنى ببساطه يا عزيزتى بين ايديكى كنز متحاوليش تضيعيه بالندم مهما كان

nour shahen يقول...

غير معروف:
..........
لأول مره يسعدنى تعليقك وادينى بأكد اهو كنتى علي بالى تصدقى هههههههههه متقولليش ازاى اهو كداوخلاص
وبعدين انتى حد طيب ورقيق مينفعش تتفرجى ولا تتابعى تشريح ميت ومتزعليش من أنها مش شاعره بخوفك وبتتكلم عادى . انا دايما بقول علي الدكاتره الجراحين بالذات انهم جزارين للاسف يمكن لغلاظة قلوبهم فى التعامل بالمشارط , بس ليا صديقه قالتلى فى يوم لو مكنش الطبيب كدا شديد وحازم مكنش فى مريض هيعيش مشرط الجراح مهما ضر بيكون قاصد خير .. خليكى فكراها
بعدين عايزه اوضحلك الندم مش اننا نندم علي حاجه غلط عملناها او نتوقف عن الاحساس عامة لا مقصدتش كدا قصدت الندم لما نفتح قلوبنا للناس ونتخدع فنندم علي طيبتنا ويتحول لحذر وخوف من كل الناس ان موصلش لمرحلة رفض طيبتنا دى
اما بالنسبه للفيس بوك فمفهمتش بس بناشد معاكى صحبتك تكلمك كبنوته مش راجل هههههههههههههه
واسعدنى تعليقك برغم انه حيرنى دايما منورانى والله

غير معرف يقول...

الفيس بوك اولها ارادات ان تكون غير نفسها.....الخ

غير معرف يقول...

سلام عليكم ورحمة الله وبركاته كلماتك كلها جميلة بس الي تعليق بسيط اندم على شي قلته او عملته لو الشخص التاني مش بيستاهله او مش محل ثقة اوك اندم لو الشخص التاني طلع كل اللي قاله عن نفسه كدب اندم لو عاملني وحش ومش قدر حبي له اندم لو مش بحيني ده اكبر ندم اكيد انا عن نفسي مش هندم على شي قلته ولا وعدت به الخ لشخص حبني وحبيته مش هندم ابـــــــدا بس عشان الحي ده لو خالص بتمنى ليكي عدم الندم بجد واكيد كلامك افاد الشخص التاني ســـــلام نور

رئـــــيسـة حزب الأحلام يقول...

انا عن نفسى لازم احكى حتى وان كنت مخطئه لانى مااعرفش مااحكيش اللى جوايا
وممكن لو مخنوقة احكى مع اى حد اشوفه اعرفه او ماعرفوش ومايهمنيش ان ان استغل ان حكيت
لانى لو ماحكتش ممكن اجن

حـــــ الــجــنــة ـــــور يقول...

سلام عليكم

اكيد ياقلبي لاتندم وقل قدر الله وماشاء فعل ونحاسب في إختياراتنا

وحشتني كلماتك الراقية


كل سنة وانتي بخير ويااارب تكون بألف هنا


دمتي بود ومحبة

Casper يقول...

ما شاء الله عليكي يا نور
نصائح رائعة وكلمات طيبة وفكر في غاية الرقي بجد أحييكي على هذا الفكر المتزن

========

خالص تقديري واحترامي
Casper

WhItE HeArT يقول...

مش فكرة ندم بس

هي فكرة الصح ايه

الصح اني اكون زي ماانا وله اتغير

بس ممممممممممممم

بس الصح زي مابتقولي فعلا

الواحد يخليه زي مااهو احسن

تحياتي بجد جميل البوست خلاني افكر كتير

ahmed_k يقول...

إنهارده بس قرأت تدوينه بهذا المعنى ولكن بعلاج ذلك
وهو ان لا تضع سرا عند أحد مهما كنت تثق بك وتخشى أن يفشيه يوما ما
فإطلاع الصديق على السر لا يجعله سرا بل هو مقترن بمدى أمانته وبمدى إخلاصه الذي قد تغيره الأيام وتدور عليه النوائب
فحرص ولا تخون

سلم قلمك
تحياتي

حلم يقول...

عندما نحب نكون أغبياء كثيرا ولكن العيب صدقا ليس فينا وانما فيمن لا يقدر قيمة الحب وقيمة أن تأتمنه على سرك
موضوع رائع بالفعل استمتعت بقراءته
أشكرك

مدونة الأمل يقول...

السلام عليكم و رحمة الله و بركاته

ان شاء الله تمام أردة ان أدعو كل أصدقاء مدونتكم المتواضعة لزيرة مدونتي و المشاركة في الموضوع الجديد الدي عرضته

في انتضار زيارتكم تقبلو مني فائق الاحترام و التقدير

سلام

(green eyes) يقول...

والله معاكي حق
لا يفيد البكاء على اللبن المسكوب

تقبلي مروري

سابرينا يقول...

لو لم يحتمل قلبك سرك فان قلب غيرك لن يحتمله أيضا...بالرغم من صعوبة تطبيقها الا انها صح!

حياه بلا عنوان يقول...

السلام عليكم ورحمه الله وبركاته
بجد كلام جميل جدا وحقيقى الواحد سعات كتير بيندم على حاجات حصلت معاه وهو عملها وسعات بيندم على حاجه كان فكرها بالنسبه له حاجه مهمه وتطلع فى الاخر مجرد وقت للاسف
تحياتى

كلمات من نور يقول...

كلمات حقيقية وتصلح كي تكون نصيحة ولكن الكثيرون دوما يحبون خوض التجربة حتى لو ظهرت أمامهم مئات اللافتات المحذرة


جزاكي الله خيرا

على فكرة الصورة فيها خطأ عايز يتصلح

wondering

not wandering

تحياتي

وفاء بركات يقول...

كلام هادى مكتوب برواءه
الموضوع مهم كتير في زمن لايعرف صداقه ولاحب
ومطلوب فيه الحظر وربنا يكفينا شر الأصدقاء أما الأعداء فنحن كافلون بهم وآه من غدر القريب
أعمل فيكي آيه ياشيخه الله يسامحك قلبتي عليه المواجع
ربنا يتولانا برحمته أفوتك بصحة وعافية

وفاء بركات يقول...

نست أقولك
أبقي أ؟خطفي رجلك كده وزروني متأخريش عليه ولو لزم الأمر المواصلات علي حسابي
معلش إن كان هناك أخطاء فيالكتابه بحاول اتفاداها اصل السكر عالي حبتين وبيلعب معايا لعب بايخ لكن علي مين إديها محش ي إديها جاتوه
سلام ياعسل حتي لو بيرفع السكر

نور الدين يقول...

الله يانور
والله هزتنى كلماتك هزاً عميقاً فأعدت قراءتها مرة بعد مرة
بحق هذه ليست تدوينة بل درس شخصياً تعلمته وكمكنت احتاج لتلك الكلمات وفى هذا الوقت تحديداً فإن الندم يحفر اخاديده بعمق ضيرى لأنى كثيراً ما ذرفت دموع السر أمام الكاذبين فحولوا ألمى إلى خناجر تزيد من العناء
لكن حقا لن نندم

قلمك قلم بيد صادقة افخر انى سأخبر أحدهم ذات يوم هذه صديقة واخت اعرفها

Hu-man يقول...

أنا هاندم...ومش معنى عدم ندمي
إن أنا شخصيتي هاتتغير
الموضوع إن هاتعلم أدقق في إختياري المرات القادمة

nour shahen يقول...

غير معروف:
.........
حاولت افهم لكن مش فاهمه برضو فأنا اسفه

nour shahen يقول...

غير معروف:R :
............
وعليكم السلام ورحمة الله وبركاته
اتمنى متقابليش الندم فى حياتك الا لو علي شىء يخص دينك
بتمنالك السعاده من كل قلبى بجد والله

nour shahen يقول...

رئيسة حزب الأحلام:
................
صعب تدى ثقه لأى شخص حتى لو مفيش سابق معرفه بينكم
لأنه لو محترمش الحاجات اللي بتحكيها او مكنش أنسان مؤتمن هتبقى ضريتى نفسك كتير جدا
بس نصيحه منى لو مقدرتيش ولازم تحكى لشخص غريب عنك متحكيش كل اللي بقلبك

nour shahen يقول...

حور الجنه:
........
وعليكم السلام ورحمة الله وبركاته
اهلا بيكى عزيزتى اقول صديقتى القديمه ولا صديقتى العزيزه منورانى دايما مهما كانت التسميه
فعلا قدر الله وما شاء
بس مهما حاسبنا فى اختيارتنا لو ساءت الامور مش لازم نندم كنا قاصدين خير

nour shahen يقول...

كاسبر :
......
بشكرك لزيارتى ونورت المدونه
وميرسى علي المجامله الرقيقه

nour shahen يقول...

WhItE HeArT:
............
والله انا مش بقول ان التغيير للكويس غلط بس التغيير الكلى هو اللي غلط الغلط انى اغير الشىء الجميل اللي كنت بتميز بيه اما الشىء السىء اغيره مفيش مانع ليه لا
زى ما قولتى هى فكرة الصح إيه

دايما منوره المدونه وبيسعدنى تفكيرك معايا

nour shahen يقول...

ahmed_k:
........
عجبنى جدا رأيك وافادنى كتير
فكرنى بالكلام اللي بيقول
احذر عدوك مره وصديقك ألف مره فأن انقلب الصديق فهو اعلم بالمضره
بس حتى لو كان يا استاذ احمد فعذائنا الوحيد ان كان بنا ثقه وامانه تخلينا نشارك بعض بأسرارنا حتى لو الطرف الاخر خان الأمانه
فهنقول ايه بيكفى طيبة قلوبنا والنجاه من عند الله
وعلي رأيك حذر ولا تخون

nour shahen يقول...

حلم:
....
انا استمتعت اكتر برأيك
يمكن الغباء بيكون اكتر فى الثقه الزياده الناتجه عن الارتياح مع الشخص اللي بنحبه
اسعدنى مرورك وتعليقك

nour shahen يقول...

مدونة الأمل :
............
وعليكم السلام ورحمة الله وبركاته
ان شاء الله نفضل علي تواصل دايم واعتقد انى زورت بالفعل مدون حضرتك وهى اكتر من رائعه

nour shahen يقول...

green eyes:
...........
لا دا لو علي اللبن هفضل اعيط كتير دنا بموت فى حاجه اسمها لبن ههههههههه
شكلهم نسيو يفطمونى ولا ايه مش عارفه
انا فاهمه قصدك اكيد ودايما منوره المدونه بزيارتك العطره

nour shahen يقول...

سابرينا:
........
لو لم يحتمل قلبك سرك فان قلب غيرك لن يحتمله أيضا...بالرغم من صعوبة تطبيقها الا انها صح!

فكرت فى عبارتك اكتر من مليون مره

عجبتنى جدا فوق ما ممكن اوصفلك
هى حقيقه بس اوقات نادره بنوصل للى كنا بنتمناه وحتى لو موصلناش بيكفينا اننا حاولنا
مس سهل نفهم الشخصيه اللي قدامنا الا لو بأختبار واوقات بيكون صعب لكنه فى النهايه لابد منه

اسعدنى تعليقك وتفكيرك معايا

nour shahen يقول...

حياه بلا عنوان:
..............
وعليكم السلام ورحمة الله وبركاته
لا مجال للندم لو الحكايه مكنتش تستاهل اصلا لو كان تضييع وقت وبس
ربنا يوفقك ونسمع عنك اخبار حلوه ومتعمليش زعيمة عصابة مع ملوكه تانى ههههههه يا رب افرح بيكم فى يوم واحد بس هيبقى اخر شحططه بس فداكم

nour shahen يقول...

كلمات من نور:
.............
عندك حق اكيد
اما بالنسبه للخطأ فالغلط مردود
بس مش هقدر اصلحه بقى للاسف
بس يكفى انى عرفته ومعذره انا مبجيدش الانجليزى
اسعدنى مرورك وتعليقك

nour shahen يقول...

وفاء بركات:
...........
اللهم يكفينا شر اعدائنا قبل اصدقائنا يا فوفا حبيبتى

فالله هو الحافظ

اسفه لو ضايقتك كلماتى بس حاولى متندميش مهما كان طالما الموضوع بعيد عن الدين فالحمدلله علي كل شىء تانى

اى كارثه اخرى ممكن نتداركها

جيت يا فوفا والله فى تاكسى وبرغم انى منوفيايه مش هقولك الحساب ولا حاجه
بس لقيتك مختفيه من العيد مكتبتيش شكل النونو الجديد شغل كل وقتك ربنا يسعدك ويكرمك يا رب ويفرح قلبك

nour shahen يقول...

نور الدين:
..........
يا هلا يا هلا نور الدين عندنا
حللت اهلا ونزلت سهلا
اه من كلماتك كما السيف ثاقبه
تصيب الهدف فلا تخطىء
اعتمد علي الله يا نور وربنا يكفيك شر الحاسدين والمعتدين والمجاهدين فى التغيير للاسوء

انا اللي ليا جزيل الفخر انك مريت بمدونتى اليوم
بيسعدنى تعليقك علي اى موضوع بيزيد من قيمته وافرح بأنى قدرت اكتب شىء مفيد

nour shahen يقول...

hu_man:
.......
تعليق مختصر برغم جماله
كويس انك بتقدر تفرق بين الشعور بالندم والألم والمحافظه علي جمال ما تتمتع بيه الشخصيه
كتير منا مبيقدرش يعمل كدا والندم بيأثر عليه وينقص من تركيزه وكأنه بيفقد عقله
وبيصب كل غصبه فى الندم ويغلق ابوابه
اسعدنى مرورك وتعليقك