2010/01/23

كلمه واحده


مهانش عليك تقولى كلمه واحده تطمنى عليك
مهانش عليك تريح قلبى مره دا انا قلبى دايب فيك
منايا اطمن بكلمه واحده حتى لو هتغيب سنين
ويوم ما ترجع هتلاقى قلبى زى ما هو دايب حنين
وبعتلك ولا ميت جواب ولا مره جالى رد السؤال
وازاى راح اكدب على قلبى تانى واقوله احلم بالمحال
طيب جاوبنى رد عليا خلاص مبقتش بتحبنى
طب حتى رد بكلمه واحده هقبل تقول كرهتنى
بس لا بلاش السكات إياك تسبنى للآهات
تجرحنى مره تقتلنى مره ومعاها أندم على فات
دا اللي فات من عمرنا أجمل سنين مرت بنا
ازاى نسلم نقبل تضيع ومعاها يدبل حلمنا

هناك 11 تعليقًا:

SHAPE YOUR LIFE (ABOALI) يقول...

ذبول الحلم شيىء صعب جدا
تكاد بعض الانفس تحترق حين يذبل حلمها
خصوصا ان كان مفاجىء وغير متوقع

تعبيرك عن ذبول الحلم مميز
اتمنى ان تعبرى طريق سعادة يوصلك الى كل احلامك

تحياتى

*الطالبة عفو الله *زوزو يقول...

نورتي يا قلبي
بس ايه النكد يعني افضل استناك تكتب حاجة يوم ما تكتب تكتب نكد ليه كدة على العموم تسلم ايدك و لا عاش و لا كان الي يسيبك للاهات
و الف سلامة ليك
نورتي من تاني
و جوتاموووووووووووووووو

شمس النهار يقول...

نور كلماتك جميله

ضياع الحلم
من ابشع الاحاسيس اللي ممكن يحسها الانسان


تسلم ايدك
كلمات حنينه وتوسل قوي

سلامي

نـــــور يقول...

:)
:(

ماانتى لسه بتكتبى حلو اهو ليه مابتكتبيش؟
ولا لسه زى ماانتى
اخبارك ايه دلوقت يارب الف سلامه عليكى

نور الدين (محمد الجيزاوى) يقول...

إحساس راقى فى ألمه .. مؤلم فى رقيه
كم يكون الامر له مذاق الجمرات حين نفقد من نحب والأشد إيلاماً وقهراً للنفوس وسحقاً للارواح حين لا ندرى هل لا زالو على العهد حقا وهل يمنحوننا الشعور ذاته أم أننا واهمون

تحياتى لك أيتها الأخت الكريمة

...
نورالدين محمود

بنت مصريه يقول...

الله يا نور بجد فظيعه
حستها قوى
متألق دائما

Ahmed Fawzy يقول...

اسلوبك رائع واحساسك قوي ، لكنى انصحك عن تجربة شخصية بعدم الاستمرار في هذا الحب ،وعدم الاستسلام للأحزان ، لأن هذا في الغالب لا يكون حب ،بل هو مجرد وهم أو على الاقل حب من طرف واحد ، والله أعلم ، وبالمناسبة :اسلوبك في الكتابة بالعامية أفضل بكثير منه في الفصحة ،لأن اهم ما يميز اسلوبك هو التلقائية والبساطة الشديدة ، تلك البساطة تظهر بشدة عندما تكتبين بالعامية وتختفي بعض الشئ عندما تكتبين بالفصحة ، ربما تختلفين مع رأيي هذا او ربما أكون مخطئا في رأيي هذا ، ولكنه مجرد رأيي وملاحظة احببت ان الفت نظرك اليها .

نور الدين (محمد الجيزاوى) يقول...

كالعادة بتتأخر مواضيعك يا استاذة نور
ارجو يكون المانع خير
كل تحية وتقدير

elsha3er يقول...

السلام عليكم

جميلة ورقيقة اوى كلماتك وعجبتنى اوى

ومعاها يدبل حلمنا


تشبيه رائع

تحياتى

احمد الشاعر

شفـقــة و إحســــان يقول...

ايه يا نور الرقة والرومانسية دى كلها يا بخت اللى هتحبيه
بوست حلو اوى اوى
تحياتى

حيـــــاه يقول...

دايما بقولك راى يا نور كلماتك جميله جدا بس للاسف مؤلمه جدا حمدله على السلامه يا حبيبه قلبى يارب اطمن عليكى على طول