2009/04/24

الشكوى لغير الله مذله

قال جايه أشتكى فكراكى هتسمعى

وبكل قسوه قولتى بلاش تتصنعى

دايما مببرات وكلام ملهوش لزوم

بتقولى أن ظروفك أقوى من المقسوم

وكتير تتأسفى ودايما تختفى

ولما أزعل تقولى حرام بقى أكتفى

ادينى هكتفى وغيبى واختفى

مش هسئل ولا هسمع فبلاش تتأسفى

قالت كلام كتير وخنقتنى الدموع

حسيت انى فى طريق صعب ومفيهوش رجوع

وضاع منا الكلام ونهينا بالسلام

وأكيد هى كمان دموعها علي خدها
بس أعمل إيه يا ربى ظلمتنى جرحتها

_____________________________________

" انا منين .. من دنيا .. دنيا ليا وبس القلب بيها يحس . لكن مفيهاش بشر .. بينورها
القمر .. العمر ضايع فيها ضايع مع السهر .. ملهاش مكان معلوم والحب فيها غيوم .
مفيهاش غير قلب واحد عايش وسط الهموم "

هناك 17 تعليقًا:

”*°•.˜”*°•..سونه..•°*”˜.•°*”˜ يقول...

السلا عليكم .
اوووووووووووووووووول
تععععععععععععععععليق
ياحلاوه ياولاد
نور عشان تعرفى اول وحده جيت عشان المشوار قريب اوى .
اقرء وارجع برحتى بقى الناس نيمين
بالله عليكى مش حرام بينى وبينك ربع ساعه مشى ومش عرفه اشوفك

mahasen saber يقول...

الشكوى للبشر اكبر اكبر مذله ده لو بشر من نوعية الا بشر

اما لو بشر بشر فبتبقى الشكوى ليهم معزه وحاجه بتسند القلب

وحشتينى جدا يا نور وكنا فى سيرتك انا وحبيبه وضد وموجه من يوم كده بس طبعا بكل الخير يا حبيبتى

موناليزا يقول...

يااااه يانور
ايه الغيبة دى كلها

==
الكلمات جميلة جدا وتوقعتها منقولة من احد الشعراء الكبار وانتظرت للاخر لارى اسم كاتبها ولم اجد ووقتها بجد بقيت فرحانة جدا ان ده قلمك وابداعك

موجة يقول...

غيابك ياجميل طول
وحشتينا موووت يانور
وبعدين فعلا الشكوى لغير الله مذلة
بس الفضفضة مع موجة محبة

مالك كدة ياجميل زعلان من ايه بس
طمنينى على احوالك

mohamed ghalia يقول...

قولى يااااااااااااااااااااارب
وربنا هيفرجها

yoyo يقول...

صباحك سكر
وحشتنى جدا جدا جدا جدا جدا يا نوارة قلبى
يارب تكونى بالف خير يارب
انا عارفة بقى ربنا يعينك يا أجمل مس
بس مش تغيب اوى كدا علينا يا قمر

اجى للبوست بقى
اكيد طبعا الشكوى لغير الله مذلة
مهما كان قربنا من الاشخاص اللى بنشتكى لهم مش بيقدروا مدى الالم والوجع فى مثل بيقول :
" النار لـ اللى ماسكها "
الشكوى للبشر بتكون نوع من الفضفضة لما تحس ان الكلام جواكى بقى اقوى من انك تحبيسيه جواكى

طمنينى عليكى يا قمر
وان شاء الله نتكلم قريب
خلى بالك من نفسك
تحياتى
يويو

ليكوريكا يقول...

جميله كلمة يارب

اوعي تقولي يا ...... اي حاجه تانيه

لا تسألن بني آدم حاجة**

وسل الذي أبوابه لا تحجب.

الله يغضب ان تركت سؤاله**

وبني آدم إن سألته يغضب

”*°•.˜”*°•..سونه..•°*”˜.•°*”˜ يقول...

السلام عليكم
رجعت بعد ما تئثير الكلام راح
بس معلافتش ادخل تانى ومقرءش من تانى


اكيد الشعر وكالكلام ده حوار مع النفس ؟؟؟؟
عشان مش معقول حد يعمل كده معاكى
مع القلب الكبير دانا كنت اكلو بسنانى هههههههههههههههههههههه
لا بجد كلام جميل واكثر من روعه
وانا معاكى الشكوه لغير الله مذله
لان الان محدش بيحس بحد
ربنا يعطيكى الى يحس بيكى من غير ما تشتكى تحياتى كوكى ((سونه)) .

nour shahen يقول...

قد ما كان خانقنى البوست دا اللي نكدت عليكم بيه قد ما فرحتنى جدا ردودكم ... طيب منكرش برضوا ان ربنا فرجها من وسع بجد لدرجة انى مش مصدقه
بس مفيش شيء يكتر على الله والحمدلله
نورتونى كلكم وباقى شخص اقدمله اعتذار يا رب يقبله

سونه : حياتى معلش علي المشوار بأذن الله نتقابل قريب وابقى قوليلى مش تعمليها مفجاءه وتقوليلى لما تبعدى

محاسن : أكيد طبعا جبتو سيرتى بالخير لأنكم أجمل جمع لا يمكن تتكلموا عن حد الا بكل خير ويا ريت احضر لقاء ارغى معاكم فيه علشان متبقوش بتجيبوا فى سيرتى

موناليزا : يا رافعه معنوياتى كل الكلام الكبير دا علي الكلمتين الخواطر دول حتى ملعبكين يا قلبي . ربنا يخليكى ليا

موجه : بس الكلام مع موجه ميسماش فضفضه دا يسمى ترويح عن النفس حد يطول يفضفض مع أرق موجه , اما عن احوالى فأنا علي خير ما يرام ربنا علمنى ان ضاقت فلما استحكمت حلقاتها فرجت ولله الحمد علي كل شيء

محمد : اخويا العزيز قولت يا رب وجالى الجواب فى ساعات .. ربك قريب جدا لمن يريده

يويو : حياتى والله وحشانى وفرحنى جدا اتصالك ربنا يكرمك يا قلبي ولا يحرمنيش منك .. انا مخليه بالى من نفسى اهو بس هى يا رب تخلى بالها منى علشان كتير بتخاصمنى وهنتكلم قريب بأذن الله

ليكو : متشكره جدا علي اجمل جمل سطرتها فى مدونتى يا ليكو بجد رائعه وتسعد القلب وتفكرنا دايما منقولش غير يا رب

غير معرف يقول...

نور نورتى مدونتك لكن عايزة اقول لكى الشكوى لغير الله مذلة صحيح لكن لو بتشكى لحد قريب منك وقلبة عليكى اكيد حيخفف عنك كتير والا لو فضلتى كاتمة وشايله الهموم لوحدك دة حيؤدى الى الانهيار..والانفجار والحمد لله عندى اللى بيسمعنى وبيخفف عنى..ولكن صحيح فيه حاجات خاصة اوى مش ممكن تتحكى خالص حتى لو لمين؟بس فى النهايه لازم نحكى ونفضفض..افتكر انتى حتى حكيتى لحد قريب منك ولا ايه عن واحدة صحبتك..عموما اتمنى ليكى السعادة دايما ودة راى فى البوست

MOHAMMED ELBANNA يقول...

فعلاً الشكوى لغير الله مذله ، لكن احياناً بنحب نفضفض للي بيحبونا ويهتموا بينا وبنرتاح لهم .
اشكرك على كلامك الجميل واسلوبك المتميز .
تقبلي مروري .
محمــد
ـــــــــــــ
اتمنى تشرفيني على مدونتي المتواضعه
( طريق النجاح )
http://tareekelnagah.blogspot.com/

نهر الحب يقول...

السلام عليكم ورحمة الله وبركاتة
كيف حالك يا نور
يارب تكونى بخير حال حتى وانتى مضايقة
بصى الشكوى لله فقط ولو قدر لك الله شخص تستطيعى الفضفضة معه فهو نعمة
ما ان لم يرزقك ببشر فلا تحزنى فمعك خالق البشر كلهم

هونى على نفسك
وتفائلى

ربنا يوفقك ويرزقك كل ما تتمنى يا نورالجميلة

كيــــــــــــارا يقول...

دا اكيد

لان مهما شكيتي مش في حد هيقف معاكي ويساندك الا ربنا

شمس النهار يقول...

هو بقا في حد اصلا من البشر بيستحمل يسمع شكوي عشان تبقا مزله والا مش
مابقاش حد بيسمع حد اصلا

انسان وبس ! يقول...

خساره
بقالى كتير مبجيش وبيفوتنى الكلام الجميل ده

حيـــــاه يقول...

كلمات جميله ونابعه من قلبك

هو فعلا الشكوى لغير الله مزله بس ممكن فى بعض الاوقات بتكون راحه بس نختار الى نشتكلهم يكون قريبين مننا مع ان فى كتير بننخدع فيهم بس مش تزعلى من واحده بس ظلمتك تظلمى انتى الباقى
وحشتينى يا بنتى ظبطى دخولك شويه

rovy يقول...

ازيك يا نور
وحشاانى جدا و بأعتذر عن غيابى
اتأثرت جدا بالبوست
يمكن لأنى حسيت انك بتتكلمى بلسانى
حقيقى فيه ناس نتقابلها و بنحسبها اصحابنا لكن مع مرور الوقت بنكتشف اننا ضيعنا وقت كبير قوى مع ناس ما ينفعش يكونوا لينا اصدقاء
و اكيد الشكوى لغير الله مذله ..


دمتى مبدعه

تحياتى