2009/02/07

و عاد للحياه


يتنفض جسده من أثر الصدام وتتدافع دمائه بخطوط متفرقه كشجرة تحزن لفراق أوراقها في فصل الخريف لتلون الأرض من حوله
ومضات تأتى وتذهب بعينه , فتاره يرا تجمع الناس حوله فيتذكر الحادث وتاره تعود به الذاكره لماضيه , والناس يلتفون من حوله يتهامسون , ترى سيعيش ؟!!
مما كان يهرب أم أنه كان متلهف للعوده لشيء ما , فى كلتا الحالتين لقد خاب سعيه وسقط الأن , بين غياهب الحياه والموت , لا تعلم أى مما ترا هى الحقيقه
تيقن فقط أنك كنت تهرول وراء شىء لا يستحق , فما هو الأن الا جسد ملقى على الطريق , ومن حوله هم من سيكملون القصه , أما بمساندته أو بأهماله
تتجرد أمام عينيه الحقيقه دون أى زيف , فيعرف قيمة حياته ومقدار ضئل حجمه أمام ضعفه , أمام من تكبر عليه وأقسم الا يلجأ إليه , ولكن ليس هناك سواه الأن , يطمئنه ويرعاه
كم أنت آثمة ايتها الروح المغروره , ولم تكونى ستعودى لرشدك الا بهذا الدرس القاسى
رحمتك يا من ليس لى سواك , يا الله
هل أنا من سعيت إليك لأجدك أم انك من وجدتنى بعد ان تهت ؟!!!
لا والله أنت من أوجدنى ووجدنى وسترنى رغم عصيانى , وهدانى بعد أن الهانى شيطانى
يا من أقسم بك , تقبلنى من التائبين

هناك 37 تعليقًا:

بنوتة يقول...

السلام عليكم
اللهم امين
للاسف فعلا ناس كتيرة بتعيش حياتها وبتتناسى الموت
ربنا يهدينا ويرحمنا
بوست جميل تحياتى ليكى

غير معرف يقول...

كنت عارفه والله العظيم رد الفعل سلامتك من كل سوء اعذرينى ارجوكى لالالالالالا لالا والله من فضلك ما تعلقيش عليا ولا تردى ارجوكى

*الطالبة عفو الله *زوزو يقول...

ممكن في بداية قراءتي للموضوع ما فهمت المقصود الا بعد انتهائي من القراءة

ناس كثيرة تغتر بهذه الحياة الزائفة و تنسى هادم اللذات

الموت كلمة ممكن تهز الانسان لكن لا بد من ان لا يغفل عنها لانه سيموت لا محالة

اليوم غدا ام بعده سنموت سنموت و سيبقى السؤال هل جمعنا الزاد لاستقبال ما سيقابلنا بعد الموت

لازم نراجع انفسنا و نستحضر ضعفنا و صغرنا امام الموت قبل ان ياتي موقف ممكن يكون لينا عبرة ممكن يكون عبرة لغيرنا و ما نلحق نستفيد منه احنا لان ممكن ما نرجع للحياة


بارك الله فيك حبيبتي

موضوع يستحق انك تشكري عليه فعلا

سلمت يمناك حبيبة قلبي

Unknown يقول...

استغفر الله العظيم واتوب الية
اللهم استجب يارب العالمين

Unknown يقول...

عارفة دايما الانسان فى سباق دائما مع الموت يسبقة او يسبقنا
الله المستعان ربنا بس يحسن خاتميتنا ويعفو عنا ويرحمنا وموتى المسلمين

mohamed ghalia يقول...

أختى العزيزة
مشكلتنا فعلا إننا مش بنعرف ربنا غير وقت الشدة وغير كده بنكون بعيد
عشان كده دايما فى إبتلاء ودايما الإبتلاء بيقربنا من ربنا
ربنا يغفر لينا ويرحمنا
دمتى بكل الود أختى

شمس النهار يقول...

الحياه الدنيا لعب ولهو
وللسف كتير من العباد بيكون لاهي
وفي اللي حظه حلو بينتبه قبل فوات الاوان وفي اللي بيموت من غير ماينتبه
وده تعيس الحظ
البوست جميل جدا المختصر المفيد

موناليزا يقول...

اللهم ردنا اليك ردا جميلا

غير معرف يقول...

نور علشان الموت والحساب والخوف من ربنا ودول اهم حاجه بتخوفنى وبتخلينى اراجع نفسى قبل اى شئ مش رائ الناس وكمان حاجات تانيه كتير مش عارفه افهمك ولا اوصل لك الكلام ده ازاى لكن لو بعدتى اقسم بالله لن اجلس امام تلك الشاشه مرة اخرى والله العظيم صدقينى

mahasen saber يقول...

وهيا دى نهايتنا يا نور

فى الاخر هيتلم الناس حوالينا واحنا لا حول ولاا قوه

سواء اترمينا على الارض فى شارع غريب او على سريرنا وسط حبايبنا

وميض ابتسامة يقول...

هل النسيان نعمة ام نقمة ....؟

اننا ننسى دائما وابدا فى غمار الاحداث ومتاعب الحياه ان الحياة قصيرة كانت ام طويلة فآخرها الحقيقة الوحيدة وهى ..( الموت )!!

اللهم انا نسألك العفو والمغفرة فى الدنيا والآخرة ..آمين

جنّي يقول...

السلام عليكم

احيانا تكون الابتلائات نعمة من الله تبصرنا طريقنا من جديد فنعود الى الله فما احلى الرجوع الى الله .. الى من لايغلق بابه ابدا في وجه العاص ..

yoyo يقول...

اللهم آآآمين يااارب ربنا يتقبلك يا عزيزتى و يتقبلنا من التائبين و يهدينا إلى الطريق الصحيح

رغم أن الموت حقيقة فلا مفر منه الأ اننا قد تجرفنا الدنيا و تنسينا ان الحياة ليست باقية واننا اضعف و احقر من اننا نتكبر على خالقنا
الهانا الشيطان ونسينا اننا فيها مجرد زوار لنا رسالة و حين تنهتى رسالتنا يبدا غيرنا

الحياة كما القطار حينما تأتى محطتك تنزلى تاركة القطار يمضى و لكن أين ومتى وكيف لا نعلم لذلك علينا اننا نستعد لذلك اليوم قبل فوات الاوان يوم لا ينفع فيه مال ولا جاه الدنيا وما فيها

وحشتنى اوى اوى يا نور
ايه الغيبة الطويلة دى كلها ؟؟ طميننى عليك يا قمر يارب تكونى بالف خير

تحياتى
يويو

EveryHasha يقول...

كلام جميل اوي
حزاكي الله خيرا

نـــــور يقول...

اه يانور الموت
اللى بياخد اللى بنحبهم
وبياخدنا من اللى بيحبونا
هو الموت اللى كرهته
وكرهت الدنيا نفسها بسببه
هو الموت
عارفاه

mohamed ghalia يقول...

يانور انتى بس مالك وبتروحى فين
بجد مفتقدين وجودك بينا
دمتى بكل الود أختى

mohamed ghalia يقول...

يانور انتى بس مالك وبتروحى فين
بجد مفتقدين وجودك بينا
دمتى بكل الود أختى

hasona يقول...

السلام عليكم
نعم معظمنا ينسي الموت
وها نحن كل يوم نفاجئ بموت شاب لا نتوقع موته - موت المفاجئ

وقتها لن ينفع أي شئ
ولا تجد الا ما قدمت
و الله
،،،
الله يرحمنا ويتقبلنا
ويحشرنا مع النبي المصطفي

ويهون علينا مصائبنا
ولا يجعل مصيبتنا في ديننا

Maha Shahen يقول...

بنوته
.....
وعليكم السلام ورحمة الله وبركاته

ربنا يغفرلنا ما تقدم من ذنوبنا وما تأخر ويلحقنا بالصالحين

اسعدنى مرورك وتعليقك

@@@@@@@@@@@@@@@@@@@@@@@@@@@@

غير معروف
.........
ان طلبت منى الا اعلق فكما تريدى
مرحب بك دوما للمرور والتعليق

@@@@@@@@@@@@@@@@@@@@@@@@@@@@

الطالبه عفو الله
..............
الحمدلله فى الاول والاخر
ولا يهمك حبيبتى

بالفعل سؤال كتير مهم
يا رب نكون علي يقين من اجابته

اكرمك الله يا قلبي
لا شكر علي واجب
نورتى بمرورك وتعليقك

@@@@@@@@@@@@@@@@@@@@@@@@@@@@

نهر الحب
.......
اللهم امين
اشكرك لمرورك وتعليقك

@@@@@@@@@@@@@@@@@@@@@@@@@@@@@

محمد غاليه
.........
سبحانه وتعالى رحمن رحيم رؤوف وكريم
اللهم امين يا محمد

بشكرك لمرورك وتعليقك

@@@@@@@@@@@@@@@@@@@@@@@@@@@@@

شمس النهار
..........
ربنا يرحمنا برحمته ويقوينا علي نفسنا وعلي الدنيا
اللهم لا تمتنا الا وانت راضً عنا

بشكرك لمرورك وتعليقك ولدعمك

@@@@@@@@@@@@@@@@@@@@@@@@@@@@@

موناليزا
........
اللهم امين
من اجمل الادعيه اللي ذكرت يا عزيزتى
بارك الله فيكى واكرمك

@@@@@@@@@@@@@@@@@@@@@@@@@@@@@@

غيرو معروف
.........
اعتقد كل اللي فهمته هو طلب بعدم الابتعاد وبدون ان تطلبى دا مش هيحصل يا عزيزتى بأذن الله
طول ما فى قلبى نبض يبقى علي لسانى بعض الكلمات ويكتبها قلمى
حزينة ام سعيده ليس هناك فارق كبير
بشكرك علي مرورك وتعليقك ودعمك ليا

@@@@@@@@@@@@@@@@@@@@@@@@@@@@@@@@

محاسن صابر
.........
مؤلم جدا السطر الاخير يا محاسن

سواء اترمينا على الارض فى شارع غريب او على سريرنا وسط حبايبنا

ربنا ميكتبش على حد النهايه دى أقصد طبعا بالبشاعه كدا
لكن الموت علينا حق ربنا يحسن ختامنا جميعا

اشكرك علي تعليقك ومرورك

@@@@@@@@@@@@@@@@@@@@@@@@@@@@@@@

وميض أبتسامه
............

النسيان نعمه لو هننسى شيء بيألمنا ونقمه لو هننسى حقيقه واقعه اعتقد


اللهم امين

بشكرك لمرورك وتعليقك يا أستاذى العزيز

@@@@@@@@@@@@@@@@@@@@@@@@@@@@@@@

جــــنــى
..........
وعليكم السلام ورحمة الله وبركاته
سبحانه تبارك وتعالى
بشكرك لمرورك ولتعليقك الرائع

@@@@@@@@@@@@@@@@@@@@@@@@@@@@@@

يويو
.....

اللهم امين يا عزيزتى

من اجمل ما كتبتى يا قلبى
ونسينا اننا فيها مجرد زوار لنا رسالة و حين تنتهى رسالتنا يبدا غيرنا

انا بخير حبيبتى والحمدلله وانتى كمان وحشانى جدا والله
يا رب تكونى بخير وصحه

@@@@@@@@@@@@@@@@@@@@@@@@@@@@@@@@

gogo
....
اكرمك الله
اشكرك علي مرورك وتعليقك

@@@@@@@@@@@@@@@@@@@@@@@@@@@@@@@

حبيبه
.....
نور حبيبتى اخرجى من حالة الحزن الأرواح أمانه وبتعود لصاحبها ومالكها
سبحانه وتعالى
متزعليش علي رحيل الأمانه بس ادعيلها
محدش فينا بيحب الموت لكنه حق ومفيش منه هروب
أصبرى حبيبتى وربنا يعفو عنك ويرحمنا
ويصبر احباب كل من رحل عن دنيانا يا رب

@@@@@@@@@@@@@@@@@@@@@@@@@@@@@@@@@

محمد غاليه
.........
انا هرجع يمكن رجعت ويمكن هغيب تانى يا محمد صدقنى مش عارفه
بس اللي متأكده منه انى مش بقدر اغيب كتير وبرجع من تانى
بشكرك علي مرورك وسؤالك ودعمك

@@@@@@@@@@@@@@@@@@@@@@@@@@@@@@@@@

hasona
......
وعليكم السلام ورحمة الله وبركاته
الحمدلله علي كل حال
الحمدلله الذى لا يحمد على مكروه سواه
اللهم امين يا رب
اللهم لا تجعل مصيبتنا فى ديننا
اللهم لك الحمد كما ينبغى لجلال وجهك وعظيم سلطانك

موجة يقول...

كلامك حلو اوى بس يخوف مووووت
والصورة اللى انتى حاطاها دى رعبتنى اول ما شوفتها
بس فعلا كلام حقيقى هو البنى ادم كدة مش بيفوق الا بعد فوات الاوان
وبعد كدة يقول ياريتنى
تقبلى مرورى وياريت تضيفى مدونتى عنك وتابعينى دايما
وانا كمان هتابعك
سلامى وتحياتى الى وجهك الكريم

SHAPE YOUR LIFE (ABOALI) يقول...

مش اعارف اعلق تصدقى
بس هاقول ايه
مش متفق معاكى فى البوست
فيه كده حزن دفين وجلد ذات
نعم نتوه ونقع فى الدنيا و تمور انفسنا
احيانا بين الخير واحيانا للشرور
بس من غير الاصرار والبسمة والتنوع فى تربية انفسنا والسعى الى النجاح
ستجدى سلسلة طويلة نطوق بها انفسنا حتى نصبح اذلاء للنفس التى تسىء لنا

قبل ان تقع لنا الحوادث تمر علينا بعض المواقف للعظة والتنبيه
المدرك لحقيقة الحياه يدرك من تلك المواقف ويتفاعل معاه

الكلام عن الموت جدير باءن نتكلم عنه فى صورة بداية للحياه ومقابلة الرحمن
ويمكن كتابة سلسلة من البوستات بعنوان
مقابلة الرحمن

ابتسمى يا نور واملىء حياتك باليقين
ان هناك رب غلبت عليه
الرحمة والتوبه

تحياتى

فتــافيت (رحاب الخضري) يقول...

ربنا يكرمك على التذكرة

اسلوبك مشوق جدا

تحياااتي

rovy يقول...

تسلم ايديك غاليتى ..
اللهم انى استغفرك واتوب اليك .. اللهم نجنا من ضعف انفسنا و من وسوسه الشيطان اللعين .. امين

اللهم احسن ختامنا جميعا .. امين


دمتى بكل ود و خير

تحياتى

غير معرف يقول...

اللهم آمين
البوست بجد أكتر من رائع

و يارب كل حد فينا يفكر فى آخرته زى ما بيفكر فى دنيته

كلام وخلاص يقول...

اللهم امين

الازهرى يقول...

اعتذر عن التأخير لكن يعلم الله اننى دخلت عدة مرات
كلما أقرأ
يهزنى شعور من داخلى بما حدث
فقد رأيت حادثة مماثلة من قبل وشهدتها ومن يومهايرتجف قلبى وادعوا الله ان يتم علينا بالخير

تحياتى دوما

عاشقه الرومانسيه يقول...

البوست رائع
تسلم ايدك
لكن الصوره قاسيه جدااااااا

Mohamed يقول...

كلامك عن الموت ذكرني مقولة عن الحياة قراتها قديما كان نصها
لو اتيح للانسان أن يطلع علي ما تخبئه له الايام لاستخسر أن يبدد الاوقات الخالية من مشاكل الحياة الحقيقية في الشقاء بما لا يستحق الشقاء به‏,‏ ولأحسن الاستمتاع بأوقات السعادة الصافية من كل الأكدار وغبط نفسه عليها‏..‏ ورجا ربه أن يطيل أمدها في رحلته ويحفظها عليه‏..‏ لكن متي اتيح للانسان أن يعرف ما سوف تحمله له امواج الحياة في قادم الايام‏,‏ ليسعد بحياته الحالية ويدرك كم هو سعيد الحظ لخلوها من الآلام الجادة؟
تحياتي

صفــــاء يقول...

.
المشكله هى الكبر

كبر النفس ... البنى أدم متخيل انه مختلف وانه مميز وان له الحق انه يخطئ ويهين ويجرح
وفجأة لما يلاقى نفسه ملقى على الارض زيه زى أى شئ بلا قيمه بيفهم
بس متأخر
أسلوبك جميل
تحياتى
.

EMMY BABY يقول...

بجد الله عليكى يا نوررررررر

بجد فعلا والله ربنا يهدينا

جزاكى الله خيرا كثيرا

ونفعنا بكى

سعدت بدخولى لمدونتك ومش هتكون اخر مرة ان شاء الله

تحياتى

ايمى

همس يقول...

اللهم امين

فكرتينا بشئ بخاف منه جدااااااا

يارب يتقبلنا فعلا من التائبين

تحياتى

موناليزا يقول...

هابى بيرث داى تو يو
سنة حلوة ياجميلة
سنة حلوة يانور
هووووووووف(بطفى الشمع)
كل سنة وانتى طيبة ياحبيبتى وعقبال 110 سنة
ويارب السنة دى تكون سنة سعيدة عليكى وتحققى فيها كل ماتتمنى

حاجات جوايا يقول...

اللهم آمين
ربنا يقبلنا ويجعلنا من التائبين
ويرزقنا حسن الخاتمة
اللهم آمين

هانى زينهم يقول...

شوفى يمكن الحاجة الوحيدة الحقيقية فى الحياة هى الموت ومع ذلك ما حدش بيعمل حساب اليوم ده خالص وكأن كل واحد فينا عارف انه لسة قدامه كتيييييييييير اوى على ما يموت .
{يُنَادُونَهُمْ أَلَمْ نَكُن مَّعَكُمْ قَالُوا بَلَى وَلَكِنَّكُمْ فَتَنتُمْ أَنفُسَكُمْ وَتَرَبَّصْتُمْ وَارْتَبْتُمْ وَغَرَّتْكُمُ الْأَمَانِيُّ حَتَّى جَاء أَمْرُ اللَّهِ وَغَرَّكُم بِاللَّهِ الْغَرُورُ }

{ذَلِكُم بِأَنَّكُمُ اتَّخَذْتُمْ آيَاتِ اللَّهِ هُزُواً وَغَرَّتْكُمُ الْحَيَاةُ الدُّنْيَا فَالْيَوْمَ لَا يُخْرَجُونَ مِنْهَا وَلَا هُمْ يُسْتَعْتَبُونَ }الجاثية35


يعنى القران حذر من الغرور بالامل ومع ذلك كلنا مغرورين . ربنا يحسن ختامنا جميعا ويجعل كلامك فى ميزان حسناتك .

*الطالبة عفو الله *زوزو يقول...

kol sana wa nti tayiba habibti 3o9bal mit sana

bahibik

Unknown يقول...

(........يا الله.......
هل أنا من سعيت إليك لأجدك
أم انك من وجدتنى بعد ان تهت ؟!!!
لا والله أنت من أوجدنى ووجدنى وسترنى رغم عصيانى , وهدانى بعد أن الهانى شيطانى
يا من أقسم بك , تقبلنى من التائبين)
اللهم امين يارب العالمين
اللهم امين يارب العالمين
اللهم استجب اللهم استجب.

Maha Shahen يقول...

موجه
....
انتى الاحلى , ايه يخوف فيه بس
لو الانسان عمل اللي عليه ميقلقش بعد كدا يسلمها لله وخلاص
معلش هى الصوره مرعبه فعلا بس هى اللي تناسب الموضوع
ربنا يرحمنا برحمته وميفوتش الاوان علينا ابدا
نورتينى واسعدنى تعليقك

@@@@@@@@@@@@@@@@@@@@@@@@@@

ابو على
.........
بشكرك جدا على رأيك اللي بعتز بيه دوما
وكون متاكد انى دائمة الحفاظ علي البسمه والأمل لأنى عندى كامل الثقه فى الله سبحانه وتعالى

@@@@@@@@@@@@@@@@@@@@@@@@@@@@

فتافيت
:::::::
منوره المدونه يا فتافيت السكر
ربنا يسعدك ويبارك فيكى


@@@@@@@@@@@@@@@@@@@@@@@@@@@@@@

روفى
....
يسلم قلبك وروحك

اللهم امين يا رب العالمين
اللهم امين يا رب العالمين

ربنا يبارك فيكى ولا يحرمناش من طلتك
ودعواتك
أسعدنى تعليقك ومرورك

@@@@@@@@@@@@@@@@@@@@@@@@@@@@@@

انا ودماغى
...........
يا رب فعلا ننتبه ان الدنيا مش باقيه ولا احنا مخلدين فيها

أسعدنى تواجدك وتعليقك

@@@@@@@@@@@@@@@@@@@@@@@@@@@@@@@

كلام وخلاص
.........
بشكرك لمرورك وتعليقك
دايما منور المدونه

@@@@@@@@@@@@@@@@@@@@@@@@@@@@@@@@

الأزهرى
.......بتعجبنى دايما الجمله اللى بتقول ان تصل متأخرا خيراً من الا تصل

وانت حتى متأخرتش ولا شيء

واعتذر ان تسببت ليك فى اى شعور بالألم
ربنا يرحم كل موتى المسلمين يا رب
ويغفر لينا ويلحقنا بيهم علي خير
فى جنة الخلد
اللهم امين

@@@@@@@@@@@@@@@@@@@@@@@@@@@@@@@@

عاشقة الرومانسيه
.................
انتى الاروع وبشكرك لمرورك وتعليقك
واسفه لو الصوره ازعجتك


@@@@@@@@@@@@@@@@@@@@@@@@@@@@@@@@

غريب
.....
انا مش فاهمه ليه انتم مقتنعين انى كاتبه عن الموت برغم ان عنوان البوست هو وعاد للحياه
اى ان صاحب القصه لم يموت ولكنه عاد للحياه وعاد لله سبحانه وتعالى

انا كمان بتعجبنى جدا المقوله اللي بتقول
لو علمتم ما فى الغيب لأخترتم الواقع

اكيد العيب فى الانسان او فى بعض الشخصيات نفسها
لأنها بمتدركش ان مشاكلها ممكن تزعلها وتضايقها لكنها مش لازم تكسرها او تقف عندها
لأن لا يكلف الله نفسا الا وسعها
فأكيد بيكون عندنا طاقه اكبر ونقدر نكمل حياتنا واحنا راضيين وقانعين

@@@@@@@@@@@@@@@@@@@@@@@@@@@@@@@

صفاء
.....
عندك كل الحق
وبينسى كتير

" ما غرك بربك الكريم "

بجد تعليقك الاجمل
أسعدنى مرورك وتعليقك بالفعل

@@@@@@@@@@@@@@@@@@@@@@@@@@@@@@

أيمى
.....

بارك الله فيكى واسعدنى دايما بطلتك ومرورك الكريم

يا رب نشارك بعض دايما بما ينفعنا

كنت الاسعد بتواجدك بمدونتى الصغيره
دايما منوراها يا رب

@@@@@@@@@@@@@@@@@@@@@@@@@@@@@@@@

همس
...

اغلى ضيفه عندى وجوهره من اغلى الجواهر التى تزين مدونتى الصغيره

اللهم امين يا رب العالمين

ربنا يرضى عنا ويتقبلنا من الصالحين

نورتينى

@@@@@@@@@@@@@@@@@@@@@@@@@@@@@@@@

موناليزا
.........
ربنا يكرمك يا قمر يا رب
كل سنه وانتى بألف خير حبيبتى
بس مش شايفه ان 110 كتير حبتين تلاته اربعه خمسه يعنى ههههههههههه
ربنا يرحمنا برحمته وأموت وانا بصحتى
يا رب تكون سنه سعيده علينا كلنا
دايما منورانى ومزينه مدونتى بعبير كلماتك الصادقه

@@@@@@@@@@@@@@@@@@@@@@@@@@@@@@

حاجات جوايا
............

من اجمل الكلمات التى يخطها القلم هى الدعاء

اللهم امين

أسعدنى تواجدك ونورتينى

@@@@@@@@@@@@@@@@@@@@@@@@@@@@@@@@

هانى زينهم
.........
ربنا يرحمنا برحمته ومنكونش فى غفله وقت الموت
ربنا يحسن ختامنا اللهم امين

بشكرك لمرورك وتعليقك وتزيين التعليق بأيات من كتاب الله الحكيم

@@@@@@@@@@@@@@@@@@@@@@@@@@@@@@@@@

الطالبه عفو الله
...............

كل سنه وانتى فى طاعة الله وفى عز وهنا يا اجمل اصحابى
ربنا يباركلى فيكى والله يا زوزو زى ما قولتلك كنتى من احب الناس لقلبى اللي بجد اسعدتنى كلمة كل سنه وانتى طيبه منها
ودايما من احب واغلى الناس علي قلبى
ربنا يديم بنا المحبه فى الله يا رب
وانا كمان بحبك فى الله

@@@@@@@@@@@@@@@@@@@@@@@@@@@@@@@@@

norahaty
.........
أسعدنى مرورك بعد غيبه
يا رب تكونى بخير وصحه وعافيه وفى احسن حال

اللهم تقبلنا من التائبين
اللهم امين

نورتى المدونه بقدومك وتعليقك