2009/02/22

البحث عن فضيحه

أسهل شيء لما تطلعى اتوبيس ويكون فاضى فتعملى شهمه وتقعدى حد مكانك وتقفى انتى , أكبر مفجاءه لما الاتوبيس يتملى وتلاقى نفسك واقفه بتسبى وتلعنى فى فكرة انك اتخليتى عن مكانك لحد لأنك بقيتى واقفه ولا كأنك فى علبة سردين وتقولى اكيد مفيش شيء هيحصل اسوء من كدا , وأرخم شيء لما تلاقى كل ملابسك اتكسرت من كتر ازدحام الناس فوق بعضها , والأرخم منه لو لابسه بنطلون ابيض طويل .....
ويدور الحوار التالى
حينما تحاولى الالتفاف فتتأكدى ان البنطلون هيقع , فتنظرى للأسفل علشان تشوفى شبكتى فى ايه فتلاقيها مشكلة جزمه لأن حد دايس على رجل البنطلون ...

البنت : تقول لشخص واقف بجوارها بصوت خافت يكاد يكون مسمعهوش : رجلك لو سمحت .
الرجل : بنظره حاده وقام رافع ايديه لفوق وصوت عالى يسمع الأتوبيس كله انا مجتش جمبك
البنت فى سرها : فضحتنى إلهى يفضحك .. طيب اقوله ايه وهو واقف دايس علي رجل البنطلون بتاعى اللي لونه بقى أسود من الطينه اللي فى جزمته , وبعدين بيعلى صوته قوى كدا ليه ؟!! هو انا اتهمته بشيء وحش دنا بقوله وسع رجلك شوية , امال لو كنت قولتله لو سمحت اوعى البنطلون !!! كان اللي فى الاتوبيس فهمو ايه ....
ومتمرش دقيقه وتلاقى فى شاب قام وقف من مكانه وقالك تعالى اقعدى , طبعا بما أنك خلاص نازله قريب جدا فتقولى بكل أدب : لا شكرا .
فيكرر طلبه اللى اتحول من كرم لأمر واجب تنفيذه وبصوت اعلى اكتر : بقولك اقعدى .
فتقررى تنهى مأساة فرجة الناس عليكى وتقعدى وانتى ميته من الغيظ ....
ودا درس نتعلم منه إيه ؟ ايون صح ... اننا نبطل لبس بناطيل بيضه
ونبطل ركوب أتوبيسات سواء سياحيه او عاديه لأنه كل مشوار بينتهى بمأساه أخلاقيه او فضيحه كاذبه .

هناك 42 تعليقًا:

ghorBty يقول...

السلام عليكم

مش هقول غير يبقي انت اكيد في مصر

وهي دي بلدي

هي ديه يقا حريه المراه اللي بينادوا بها

لا حول ولا قوة الا بالله

نفسي اعرف فين الحريه ؟؟

ربنا يعينا علي اللي احنا فيه

وبعد كدا ما تفقيش لحد بالذات لو في اتوبيس ولو قفتي هتكون دي النيجه اصلا احنا في زمن قل فيه الشهامه

نسال الله السلامه

كان الله في عونك وعونا

غربتي

SHAPE YOUR LIFE (ABOALI) يقول...

ههههههههههههههه
حلو والله السيناريو ده

مرة وانا راكب الاتوبيس وكان شخص قاعد على كرسى وانا ماسك فى الحديدة اللى امامه
فكل واحد معدى يخبط فى ايده او جسده لاءنه كان مليان شويه
فيقوم يقول يا عالم اللى يخرب بيتكوا
القميص مكوى وبالشىء الفلانى
بعد شويه يطلع ناس تانية تكرر نفس الماءساه
وهوب المعركة تشتغل وينقسم الاتوبيس بين المدافعين والمهاجمين

بس بتكون مواقف تستشفى من ورائها عجب العجاب

الفجوة اللى موجوده بينا والتفكير فى الاخر المستمر
ما ان تركب واحدة او تقف جنب واحد
او العكس
ويبدء شوشو الشيطان يعنى
ببث افكاره
خلى بالك ابعد شويه
هى حلوه ولا هى معجبه بيا ولا
ااقرب شويه
هو بيفكر بيا هو انا حلوه
وووووووووووو

بس فيه كوكتيل بيركب الاتوبيس يشكلوا
كل عناصر الحياه
والنفوس متقلبه

وكل واحد يحافظ على لغاليغوا


ولالالالا ايه

وميض ابتسامة يقول...

عارفة .. انا بأشفق على بناتنا واخواتنا من بهدلة ومسخرة المواصلات العامة .. الزحام كهرب الاعصاب وخلى الناس مش طايقة بعض .. واطياف الادب بتاع زمان وفروسية واخلاق اولاد البلد انتهت تماما الا قليلا ..
ياعزيزتى هذا قدركن .. والامر لله من قبل ومن بعد

الفراشة الصغيرة يقول...

ههههههههههههههه
معلشى يا بنتى

وبعدين كويس ان البنطلون كان ماسك كويس
الا وكان ...... راح فى خبر كان

الحمد لله يا بنتى انك نزلتى بالسلامه

هانى زينهم يقول...

فى الواقع هو الافضل ما نخرجش من البيت خالص !!حيث ان كله من ده ومش شرط فى الاتوبيس وبش ده ممكن يكون فى اى حتة وكل حتة على ارض المخروسة !!

mohamed ghalia يقول...

حلو قوى الدرس
احنا فى بلد العجايب
دمتى بكل الود أختى
حقا افتقدك من حين إلى أخر

blue-wave يقول...

ههههههههههههههههههههههه
فعلا كدا
تسلم دماغك:))

شمس النهار يقول...

ده كابوس مش اتوبيس
انت ليه بتغيبي في الكتابه كده

أكون أو لا أكون يقول...

ههههههههههههههههه
البسي بنطلون بني من لون الطين... حتعملي ايه بقى... وسيبي البنطلون الابيض للطلعات اللي مش مزدحمه...

انا عندي تنوره جينز طويله جدا نازله على الارض ... كل ما البسها ينزل المطر... حتى لو كان صيف برضو بينزل المطر... فتقوم التنوره ساحبه الميه كله من الارض... وتتبلل حد الركب... بطلت البسها... فمره كنت اسمع الاخبار... فكان الكلام عن نقص حاد في المياه في بعض الدول العربيه... قامت قالتلي اختي ماتبعتبلهم التنوره بتاعتك يمكن تحللهم الأزمه هههههههههههههههههه.


بس اللي أنا أعرفه أن فيه مواصلات خاصه للنساء في مصر مش كده؟  

موجة يقول...

والله يا اختشى ياريت تيجى على قد البنطلون يبقى لونة مطين بطين لكن ياختشى والله بيحصل اكتر من كدة بكتير
ربنا يحمى بناتنا وبنات المسلمين ويحمينا ما احنا بنات برضو بس انا نسيت انى بنت
ههههههههههههههههه

”*°•.˜”*°•..سونه..•°*”˜.•°*”˜ يقول...

السلام عليكم .
ازيك ياحجه نور هههههههه
هى دى مشكله فعلا بس مش فى الاتوبيس بس وميترو الانفاق كمان حاجه فظيعه
والخدمه الموميزهكمان قال مميزه قال
ولا السرفيس ده نصيبه مش مشكله
الحل الوحيد البنت ولا تروح ولا تخرج من البيت اصلا غير كده تبيع الى حلتها وتشترى عربيه 27 او حتى 20 لو فى عشان تعرف تحافظ على نفسها وعلى البنطلون ههههههههههههههههههههه.
سلام ياقمر وربنا معاكى تحياتى (سونه).

romansy يقول...

حلوه النصحيه دى قوليها بقى لكل البنات الشطار
بس انتى متاكده انك كنتى فى اتوبيس سياحى

موناليزا يقول...

بدل الاتوبيس فاضى البنت تقوم من مكانها اصلا ليه؟؟
وبعدين الواجب اللى يقوم الشباب مش البنات منعا للى حكيتيه وده يعتبر بالمقارنة باشياء كثيرة بايخة تحدث هين جدا

Unknown يقول...

اه
اقولك اية متركبيش اتوبيس
يابنتى الحالة كلها ركبه على بعضها ناس مش متحملة حتى نفسها وبتفهم غلط والخير بقدرة قادر يتحول لشر
حاجة تجنن

نـــــور يقول...

انا شايفه الحل المقنع هو اننا نمنع البنات تلبس بنطلونات

وان حكومتنا تخلى الاتوبيسات للرجال فقط
وتخصص لكل بنت من اول سن 12 سنه عربيه

وتعلمهم السواقه على حساب الدوله
اومال ايه؟

والله حاجه تقرف
بس تعرفى؟
حجبنى موقف الواد اللى قالها اقعد بالامر ده
حسسنى انه خايف عليها لدرجه احساسه انها حد يخصه
فين الرجاله دى دلوقت يااختشى؟
ازيك يامعلمى؟

(green eyes) يقول...

كلامك صح ميه في المية
انا اصلا كنت هقولك ابعدي عن البنطلونات البيضة ادام جايبالك الكلام هههه
وفي درس كمان مستفاد انك ادام قعدتي متبصيش لحد وخليكي باصة على الارض علشان متشوفيش حد كبير ويصعب عليكي وتقومي بدور الشهمة

تقبلي مروري

محاولة لكسر الصمت يقول...

بيتهيألي الأتوبيسات العامة دي أكتر مكان بيحصل فيه نوادر ومواقف غريبة, بس نعمل إيه قال ايه اللي رماك على المر, قال اللي أمر منه,,

نـــــور يقول...

كل سنه وانتى بخير ياقمر :)

mohamed ghalia يقول...

حاسس إنى فى حاجة شغلاكى
ربنا يسعد أيامك
أنا جيت تانى عشان أطمن عليكى

حياه بلا عنوان يقول...

نور عندك حق والله البوست كتير مفيد قوى وفعلا ممكن بتحصل احيكى يانور على البوست فعلا ده اللى بيحصل فى الحياه تحياتى ليكى

mahasen saber يقول...

نور بنتعلم منه انه ناخدها مشى

ربنا ينتقم من معدومى الاحساس

بسهم يبكى وهم يضحك كما يقال ضحكت على موضوع البنطلون الابيض شكلى مش هغامر بلبسه

mahasen saber يقول...

طب يمكن الميكروباص افضل اهه مفيهوش وقفه

ده اقتراح عبيط

غير معرف يقول...

ازيك يانور جميل جدا البوست دة من قنابل الحجة نور اللى كل افتح مدونتك دقلوقتى بلاقها الحمد لله معندناش اتوبيسات عالطول باخد تاكسى البوست ظاهريا دمة خفيف ؟؟ لكن عنوانه بقه كمان كان اسم فيلم شوفته زمانعموما بعد كدة خدى تاكسى افضل لكن الشهامة حتفضل على طول طالما بقى الخير فى الدنيا يانور دمتى بخير ودائما تكتبى كل اللى فى نفسك....

hasona يقول...
أزال المؤلف هذا التعليق.
ســـهــــر يقول...

امال لو كنت قولتله لو سمحت اوعى البنطلون

ههههههههههههههههههههه
اة يا مجرمة والله ضحكتينى يا بنوتة
وبيحصل كدة واكتر وخاصة بقا فى ايام الامتحانات وانتى مضطرة تركبى اتوبيس او ميكروباص فية يجى 30 / 40 شخصية
يا ساتر على دى ناس يا بنتى
عقولهم مرررررررررار
بوست دمة خفيف يا جميلة

ووحشتينى يا نور يا قمرة

PrInCeSS BeRy يقول...

هاازيك يارب تكون بخير

دة فضيحة اية دى يا ساتر ههههههه بس جامدة والله ربنا يستر عالكل اسلوبك جميل كتييييير

عاشقه الرومانسيه يقول...

انا هلكت ضحك على لو سمحت اوعى البنطلون
انتى بجد مشكله
انا عن نفسى بلت اركب اتوبيسات او البس بنطلونات لا بيضه ولا بنى حتى
هههههههههه
الحمد لله الذى عافانا

Unknown يقول...

يانووووووووووور
يانوووووووووووور
يانوووووووووووووور
ياكميلة ياأختى بتلبسى بنطلون
ابيض وتركبى مواصلات !!!ياحلاوة
دا أنا حرمت الابيض خالص لا جُيب
ولا بنطلون وأسمى بعدى الشارع الاقى
الشغل(الحمد لله ومن شر حاسد إذا حسد)
الا فى الحالات الطارئة او المضطرة لزم مقابلة الجناب العالى (الريس مثلا:)

Unknown يقول...

نسيت أقولك حركة الشهامة دى
بطليها أحسن لانك مش اشهم من
بردون يعنى(الشنبات)اللى قاعدة :)

Maha Shahen يقول...

ghorbty
.......
وعليكم السلام ورحمة الله وبركاته

والله مش شرط فى مصر يعنى بس هى جت كدا بقى هههههههههههه

الحريه اهى سايبنا نلس البناطيل البيضا هو فى اكتر من كدا حريه يا بنتى
بعدين بلاش الكلام الكبير دا الحيطان ليها سماعات

اللهم امين

@@@@@@@@@@@@@@@@@@@@@@@@@@@@@@@

ابو على
........
والله ليك حق ركوب الاتوبيسات عايز كتاب علشان تجمع النوادر اللي بتحصل في وما اكثرها والله
ومش شرط غير اخلاقيه يعنى ههههههههههه

ربنا يبعد عنا شوشو يا رب وينجينا من شركه
( كل واحد يحافظ علي لغاليغو )
ايون دا اهم ما فى الامر الله يكرمك ههههههههههههه

@@@@@@@@@@@@@@@@@@@@@@@@@@@@@@@@@

وميض أبتسامه
.............
اهلا استاذى العزيز
الله يهدى الجميع يا رب ونحاول نتحمل بعض مهى مشكلة الزحمه علينا كلنا بس الازمه مش زحمه احيانا بتكون قلة فهم او غياب ضمير
أسعدنى تواجدك ومشاركتك

@@@@@@@@@@@@@@@@@@@@@@@@@@@@@@@@

الفراشه الصغيره
...............
ههههههههههههههه لا مش تقلقى دا شيء اساسى انه يكون ماسك كويس جدا كمان
اماااال لا اماااال طبعا

نحمد الله الذى لا يحمد علي مكروه سواه

نورتى المدونه

@@@@@@@@@@@@@@@@@@@@@@@@@@@@@@@

هانى زينهم
.........
طيب نقعد فى البيت ومين يقضلنا مصالحنا
لالا مش حلوه الفكره دى برغم انى اتمنى يعنى هههههههههههههه
ومتقوليش لفريق تحرير المرأه ليجو يطربقوا مدونتى الصغيره


@@@@@@@@@@@@@@@@@@@@@@@@@@@@@@@

محمد غاليه
...........
والله منور المدونه يا محمد
بمناسبة بلد العجايب هفكر اغير البوست بدل البحث عن فضيحه الى أليس فى بلد العجائب ههههههههههه
والله انا كمان مفتقداكم جدا لكن الوقت ضيق معلش الله المستعان

@@@@@@@@@@@@@@@@@@@@@@@@@@@@@@@

blue-wave
...........
اهلا دكتور عمرو منوره المدونه
تسلم لينا يا رب
اسعدنى تواجدك ومشاركتك

@@@@@@@@@@@@@@@@@@@@@@@@@@@@@@@@

شمس النهار
..........
بعتذر عن الكوابيس بس الغياب مش بأيدى .. ادعيلى ربنا يبسطها علينا وانا ارجع ارخم عليكم زى الاول واكتر هههههههههههه انا ليا غيركم
والله وحشنى مطبخك عايزه اغش كام حاجه كدا بس متقوليش لحد اوكى
دايما منوره المدونه يا شموسه

@@@@@@@@@@@@@@@@@@@@@@@@@@@@@@@@@

أكون او لا اكون
...............
ما البس اسود بقى هو الطين بنى يا قلبي
يلا علشان خاطرك همشيها بنى بنى مش هنخسر بعض علشان لون ههههههههه

هاضر هخلى البنطلون الابيض لمشاوير السوق وبس اهو قريب برضوا

الله يكرمك خبيها بقى علي الاقل لما الشتا يعدى وانا بنفسى هاجى استلفها منك يومين تطرى علينا فى الصيف هههههههههههههههههه

اللي انا اعرفه ان الخاص بالنساء وبس فى المواصلات هى بعض عربيات المترو والله اعلم يعنى
انا اتمنى والله يكون فى مصر مواصلات خاصه بالنساء بس من كلمتك لباب السما يا رب يا اختشى يا رب

@@@@@@@@@@@@@@@@@@@@@@@@@@@@@@@@@

موجه
....
لا الحمدلله ربنا سترها معايا ووصلنا لمرحلة الطين بس ههههههههههههههه

اللهم امين حبيبتى
دا انتى اجمل النساء
دايما منوره المدونه

ذو الوجه المبتسم يقول...

السلام عليكم
فى البداية هاسالك سؤال وبعدها اكمل تعليق
بذمتك يا شيخة فيه بنت بتقوم من الكرسي بتعها وتقعد حد مكانها
يمكن لو قلت شاب . كان ممكن .. لكن بنت صعب ؟!
البوست جميل بجد وكوميدى وانا بجد ضحكت كتير وانا باقراه
- طيب ايه اللى بيوديكى تركبى الاتوبيس
ههههههههههههههههه
- تفتكرى ايه الحل فى مشكلة الاتوبيسات
بلاش الناس تركب اتوبيسات
- عارفة فكرتينى لما كنت باركب الاتوبيس وانا رايح مشوار القاهرة
واحيانا اقوم واقعد راجل كبير او ست كبيرة
عارفة ايه اجمل احساس حسيته بجد وقتها
لما الشخص اللى قعدته مكان بيدعى لى
رغم ان الواحد بيطلع روحه فى الاتوبيس والخنقة اللى فيه
- فكرة البوست جميلة
ربنا يسعدك وتفضلى دايما مبتسمة
انتى قلتى انتى منين ... منوفية اهااااا

تقبلى تحياتى

اسماء يقول...

سلام عليكم
ازيك يا نورا
دي اول زيارة للمدونة
وان شاء الله مش هتكون الاخيرة
طريقتك ف العرض حلوة اوى
وبجد عجبتيني في وصفك الواحد بيشوف كده واكتر مش ف الاتوبيس بس ده ف اي مواصله
المدونخانة زارتك بقا
وانتظري تدويناتك معانا في صفحة المدونخانة قريب ان شاء الله

الازهرى يقول...

ياااااااااااه
قلبتى علينا المواجع
انا شبه يومى فى الموضوع ده
وخاصة فى مينى باص هيئة النقل العام الضيق جداجدا

لكن تصدقنى انتى اديتينى فكرة حلوة جدا جدا
اكتبها عند شمس النهار
تحياتى دوما

life يقول...
أزال المؤلف هذا التعليق.
صفــــاء يقول...

لا متلبسش بنطلون ابيض فى يوم اغبر ولا فى اتوبيس اجرب
والاحسن متنزلش من بيتها احسن
ولو نزلت وكانت مصرة يبقى متنساش تاخد معاها درع وخوذة
.

rovy يقول...

اولا كل سنه وانتى طيبه يا قمر و عقبال 1000000 سنه ..

اما عن ركوب المواصلات عموما .. فاسأل الله السلامه لجميع بناتنا .. و ربنا يستر ..

دمتى بكل خير

تحياتى

Hossam يقول...

سلام عليكم
عندك حق بس سعات الولاد بيبقوا مظلوميين
انا مرة كنت راكب اتوبيس وكنت لابس شنطة كروس ومع الزحمة الشنطة بقت تروح وتيجى وبقت مزنوقة عن بنت لقتها من غير معملها حاجة بتوقلى انتى عمال تخبطنى وانا والله مكنتش اقصد خالص ان الشنطة تزنق نحيتها بس اتاسفتلها وفهمت الموقف وطلعت بنت محترمة
تحياتى
سلام

ليكوريكا يقول...

كل يوم الواحد بيتعرض لمواقف

في اللي بنتعلم منها وفي اللي مها نحاول نتفاداها بنقع فيها غصب عننا

هيا دي الحياه

حلقات من الاحداث ، دايما احنا ابطالها

دمتي كما تحبي ...

ليكوريكا

وفاء بركات يقول...

أحسن حاجه إجرى ورا الأتوبيس
لحد متوصلي للمحطه بتعاتك ...
حمدالله علي السلامه عاش من شافك ياقمر
تحياتي

هى فوضى يقول...

السلام عليكم ورحمة الله وبركاتة
ازيك يا نور
بصى فى كتير اوى رجالة بايخة ومش عندها دم وبيعملوا حركات وحشة جدا
ربنا يسترنا
وانتى حاولى تبطلى الاتوبيسات دى ههههه
ولا اية رأيك نطال باتوبيسات حريمى فقط؟


معليش يانور والله الناس بقى فى منهم كتير وحشين

EMMY BABY يقول...

ههههههههههههههههههههههههههههههه

بلاش تقومى لحد تانى بقى

بجد والله فعلا المواصلات دى بهدلة برغم انى بكره زحمة المترو الا انى برتاح انى فى وسط ستات بس

ربنا يرحمنا بقى

هههههههههه

تحياتى

ايمى

hasona يقول...

السلام عليكم
الحمد لله علي كل شئ
تباين المواقف واختلاف حكم الناس فيها

بعضها مشكلة ويحقق شهرة أكبر
بلاش الفضايح دي

بصراحة الاتوبيسات مش تتركب الايام دي؟
حاجات كتيرة ممكن تتسرق أو تتضيع فيها