2008/05/26

أهداء لقلبى


علمته رمى السهام أول ما صاب صابنى
كسرلى قلبى وجرحنى خنى وبعد سبنى
مسبش ذكرى حلوه ولا كلمة وداع
بأيديه جنى عليا سبنى بعد الخداع
حبيته ليه يخون ليه يجرح ما يصون
ويفوتنى للظنون يفوتنى للضياع
مسحتله دموعه فرشت طريقه ورد
كنت بخاف عليه من جرح أى حد
كنت بفرح لفرحه يواسيه قلبى في جرحه
يتمناله السعاده حتى لو هو جرحه
في قسوه بالشكل دا والحب يهون كدا
أتمناله الحياه ويسبنى اموت كدا

____________

خلاص بعتى وودعتى وفارقتى رافضه الرجوع
راح فين حبنا وفين سهر الليالى مش كنا لبعضنا مش كان في حب غالى
طب راحت فين وعودك وعملت إيه أنا , طب ليه اتخليتى عنى ورضيتى ببعدنا
طب اشكى ولا ابكى ولا اصرخ وانوح , لما يكسرلى حلمى ميسبش غير جروح
مش كنتى اغلى عندى من الدهب والماس كدا برخيص تبيعى وتنسينى خلاص
مش كان قلبى في ايديكى ووعدتينى تصونيه , ازاى يطوعك قلبك بأيديكى تموتيه
متحزنش يا قلبى دمعك غالى عليه , طلع غدار وباعك خساره دمعك فيه
والله خساره فيه
والله خساره فيه

هناك 10 تعليقات:

*الطالبة عفو الله *زوزو يقول...

ااااااااه يا قلبي قد ايه كلماتك مؤثرة
معلش يا قلبي ما تتندميش على الي فات
وصدق من قال لا تندم على حب عشته حتى و لو صار ذكرى تؤلمك
فان الزهور التي جفت و ضاع عبيرها لا تنسى انها منحتك في يوم مضى عطرا جميلا اسعدك
نور حبيبتي ادفعي عمرك لاحساس صادق و قلب يحتويك و لا تدفع منه لحظة و لو تفكير في انسان خائن
لكي من كل الحب و التقدير

Maha Shahen يقول...

عندك حق يا زوزو فعلا
ربنا يخليكى ليا يا قمرتى ولا يحرمنيش منك
نورتى الموضوع ببسمتك وطلتك الجميله

انسان وبس ! يقول...

جميل

بس ملكيه خاصه بقى

Maha Shahen يقول...

الحمدلله انه عجبك
وملكيه خاصه مش افكارى طبعا
لحد يفكر يسرقها كدا ولا كدا ههههه عم المهم أنا بقى
نورت يا محمود

محبة للحبيب محمد صلى الله عليه وسلم يقول...

جميلة اوى يانور مع ان كلماتها بتدل على مدى معاناة القلب المجروح

ربنا يفرح قلبك ياقمر ويحفظه من اى جروح

Maha Shahen يقول...

بيرو القمرايه

انتى الاجمل يا قلبي

وكتير اجمل الكلام بيجى من الالم
وتصنع الألام اعزب الالحان

نورتى بمرورك

غير معرف يقول...

مش كل حب انتهى تبقى انتهت بعده الحياه
الانسان بيقابل كتييير اوى فى حياته
لو كل حاجة يقابلها تجرحه وتكسره
هتبئا الحياة مستحيلة

غير معرف يقول...

مش كل حب انتهى تبقى انتهت بعده الحياه
الانسان بيقابل كتييير اوى فى حياته
لو كل حاجة يقابلها تجرحه وتكسره
هتبئا الحياة مستحيلة

Maha Shahen يقول...

نونا
.....
بما ان الحياه اصلا مش سهله
وبما ان الانسان مش بيقف ابدا ويفضل فى مكانه قدام شيء جرحه
وبما ان الحياه بتستمر غصب عنه
يبقى لازم اكيد الانسان حتى لو فقد الأمل بيرجع يلاقيه لأنه قدامه وقت كبير ومشوار طويل هيمشيه واكيد مهما فقده هيلاقيه
نورتى المدونه

حيـــــاه يقول...

كلامك جميل وكله الم واهاااااات ولا يهمك ولا يشغل تفكيرك الى يخون قلب فى مشاعر زى دى ميستهلهوش والى يخون لازم يتخان وبكره يا حبيبه قلبى تنسى كل لحظه الم لما تلاقى الى يصونه دومتى بكل ود