2008/05/26

بتبكى ليه يا عين


بتبكى ليه يا عين ماهو عالم بينا بتبكى ليه يا عين دا قدر مكتوب علينا
مكتوب علينا نسير نزاحم في الدروب مكتوب علينا نحب دا قدرنا دا مكتوب
مكتوب نشوف الشمس في شروقها وفي الغروب
وأن غاب كل دا يبقى اكيد مكتوب
هتشكى لمين يا قلب مهو رب العباد كتب علينا نحب ونفارق في معاد
هو اللى عالم بينا وفورقنا مكتوب لينا قدر ونافذ فينا متقولش غير يا رب
يا رب صبرنى وارحم قلبى الضعيف يا رب قدرنى يصبح همى خفيف
يا رب انصرنى دا انت سندى الوحيد لو حزنى يغمرنى برضاك اصبح سعيد
الدنيا تكسرنى واحبابى تخدعنى والأهل يفوتونى واصحاب تودعنى وانت بس يا رب حبك يرجعنى
وارجع اعيش تانى واحس بكيانى وارجع سعيد تانى حاسس بوجدانى
الحمد ليك يا رب والشكر ليك يا رب

هناك 3 تعليقات:

محبة للحبيب محمد صلى الله عليه وسلم يقول...

الحمدلله

اوقات مبنشوفش الخير لينا فين بس الايام بتثبتلنا ان اختيار ربنا لينا هو الخير الحقيقى لقلوبنا وحياتنا

ومااصابك ماكان ليخطأك وماأخطأك ماكان ليصيبك

Maha Shahen يقول...

اكيد يا بيرو كلامك صحيح ربنا بحكمته ورحمته اكبر مما نتخيل حتى سبحانه جل وعلا وتبارك أسمه

واحن علينا من اهلنا بجد

نورتى بمرورك العطر يا قلبي

حيـــــاه يقول...

لواطلعتم على الغيب لاخترتم الحاضر

تقبلى تحياتى يا نور القلب