مبروك لفاتيما اللى رجعتنا لأيام جميله

اول مره اكتب بفرحه , لآ واكتب وانا مش عارفه هكتب ايه , كنت دايما بفكر ان الواحد يبطل اعترافات وفضفضه نفسيه والمفروض دايما يشارك بشىء مميز شعر , قصه , حاجه تفيد الغير مش مجرد كلام بس , لكن المره دى لأ .. 

أولا ألف مبروك لفاتيما رجوع يوسف ليها .. وسعيده جدا بالتجمع اللى ان شاء الله هيحصل قريب

كل اللى يعرف فاتيما او ميعرفهاش معرفه شخصيه , كل انسان مر بصفحتها ومفهمش القصه , بس حب كلامها , كل انسان حب روحها وطيبتها , كل انسان ليه ذكرى بتجمعه معاها بمجرد ذكر اسمها استعاد وقت طويل فات عليه , رجعنا نفتكر ايام التدوين وزيارتنا لبعض ..

معظمنا ميعرفش بعض , حتى منعرفش اسماء بعض , بنميز بعض بالصفحات , قليل مننا اللى اتواصل بالفيس بوك وكلنا انتقلنا لهناك لكن مش كلنا اتجمعنا , بس جه الوقت اللى يجمعنا ..

وحشونى ناس كتير قوى . هنا اقدر اقول كلمة وحشونى منغير ما نتفهم غلط ^ـــ^ 

اخوات كلنا . مبيفرقش بنا شىء .. مبنفكرش فى السياسه اهم شىء .. فرحتنا صافيه 

ناس حبتهم بجد

فاتيما

شمس النهار

قصاقيص حبيبه ( نور )

شهرزاد 

محمد غاليه

نور الدين محمود ( محمد الجيزاوى )

وميض ابتسامه

فشكول

ساسو كافيه

موناليزا

ممكن

محمد متولى

وفاء بركات

نورهاتى

فارس بلا جواد ( احمد ) 

الفارس الملثم ( رحمة الله عليه )

سارة البحر

بنوته مفروسه

بنت مصريه

كيارا 

كيكى

نونو 

الملاك (حنان )

ذو الوجه المبتسم

الباحث عن الحب ( محمود )

لقاء الاحبه ( روفى هانم )

نهر الحب ( ايناس )

رئيسة حزب الاحلام

غنيم

بطوط حبوب

سونه ( حسناء )

شفقة هانم واحسان بك

 blue wave (عمرو )

اكون او لا اكون ( اميره )

مدينة الملائكه

Blue Nile

وطبعا مدونة زوزو حبيبتى .. الطالبه عفو الله 

وشخصيات أكتر

ناس اول ما اذكرهم الاقى لكل حد فيهم ذكرى ولو كانت كلمه صغيره قالها او موقف او مبارزه فى الخواطر 

ياااااااااه بجد كانت ايام مميزه جدا , لو كتبت ذكرى لكل اسم منهم فعلا مش هيصدقو قد ايه كلمه او موقف ممكن يسعد لسنين

هفكر اعمل بوست جديد قريب فيه ذكرى لكل اسم حبيته واتعاملت معاه , من باب الحنين للماضى اللى ممكن يتحول لمستقبل مبهج 

بيعرفونى لما بفرح

بيعرفونى لما بفرح .. يتجاهلو الدمع فى عنيا
تصرفات كتير بتجرح .. واوقات بقول دا فاض بيا
فى ناس ميهمهاش زعلك .. دول مش صحاب تبكى عليهم
وناس يهمها إنك .. تعيش سعيد وقريب ليهم
شوف لو تغيب مين يشعر بيك .. غير ناس حياتها فى وجودك
ومين لما ترجع يجرى عليك .. قال يعنى فرحان بصمودك
طب كنت فين وانا بتألم .. ممدتش ايدك ليا ليه
وجاى بتجرى وتسلم .. منتش صاحب افرح بيه
فى الفرح هجمع احبابى .. يستاهلو منى الاهتمام
اما اللى كدبو وقالو اصحابى .. ملهمش عندى غير سلام

لأنى احبك

اجتزت آلاف الأميال , وكتبت مئات القصائد , وبعثت إليك عشرات الرسائل تذف لك بشرى قدومى , وحين صرت امامك , عجزت أن انطق كلمه من أربعة حروف ..

أحبك 

جايز عشان كان نفسى اشوفك

لكل منا امنية يحيى لأجلها , وأنا امنيتى هى

لحظة لقاء تبصرك بها عينى وتتلاقى أيدينا بالسلام 

 لأتأكد انها لحظة واقعية 

وليس طيفاً يراودنى بأحلامى من جديد  ..

غير معروف " M "

وعدتك أن لا أعود ...وعدت ...

وأن لا أموت إشتياقا ....ومت...

وعدت بأشياء أكبر مني ...فماذا بنفسي فعلت ...

لقد كنت أكذب ...من شدة الصدق ..

والحمد لله ...

أنني كذبت ...

نزار قبانى 

بعد رجوعى من أسكندريه من العجمى , لقيت الكلمات بتخبط فى دماغى , حلفت لأرجع وانشرها 

هو انت حبتنى ؟!!

هو انت حبتنى .. عشان تسألنى ببعد ليه

ما تسبنى انا فى حالى وليه مستغرب اللى انا فيه

خلينى بقى ساكت .. مدارى فى قلبى اللى ماليه

متقولش كان بنا .. دا وهم انا عشته واعمل ايه

فكرت هتهنى وللجنه طريق همشيه

اتارينى انا بحلم .. بحلم فى اخره اموت انا فيه

وادينى اهو راجع .. طريقى مسيرى انا هلاقيه

وبدال ما تسألنى .. تجاوبنى جرحتنى ليه

متقولش حبتنى .. وانا عارف فى قلبك إيه

الحب مش كلمه .. دا احساس صعب تشعر بيه

الحب دا نعمه .. متقدرش عليه تداريه

وبقلبك الفاضى مكنش فى حب ظاهر فيه

نــــــ شاهين ــــور

نظرية البلاعه

رحلة طيران حافله بالكوميديا جمعت البعض من ابناء الدولة العائدين من الخارج , وعلى خلاف جميع الرحلات فهذه الرحله دائما متميزه , واكثر ما يميزها هم ابنائنا العائدين من الخارج , نعلم جميعا ان لكل فرد مكان يجلس به ويتم حجزه مسبقا , فهو مكان محدد ومعروف , ولكننا نحطم تلك القاعده " اللى يطلع الاول يلحق جنب الشباك " ^ــ^ ..

فترا سيده تنظم اماكن اطفالها هنا وهناك وعندما تجلس يأتى شخص أخر ليقول انها تجلس بمكانه , او يتخير ان يجلس بأى كرسى هو الاخر منعاً للاحراج , فيأتى من بعده شخص ثانى يخبره انه يجلس مكانه ويطالب بكرسيه ويصرعلي الجلوس به ...

فتذهلك الهرجله بين الطرقات وكأنها لعبه " مين فينا قاعد مكان مين "  وعلى من يصعد بأخر الصف الانتظار لتهدأ تلك الهرجله ..

وحين تستقر الرحله بالجو , ويتحرر الجميع من القيود , تجد من يغلبه النعاس ويشعر بالطمأنينه كأنه بسريره " ورجله تتمد لحد ما تظهر من الكرسى اللى قدامه " .. وبكل ذوق يتحمل من امامه هذا العذاب , مع نظره للخلف بين الحين والاخر , لعل النائم " يحس علي دمه ويلم رجله " ..

وتنطلق الاطفال " رايحه جايه " تتحدث مع البعض وتشاكس البعض " ومنهم اطفال عسوله بتتكلم عربى مكسر " فى محاوله لتطبيق كل ما تعلمته من كلمات باللغه العربيه للتواصل وصنع محادثه مع الاخرين ..

ولهنا نصل للراكب المسيطر وهو الذى ينشغل ويشغل من حوله بنظرياته العبقريه عن الكون , ويخرج لنا بنظرية البلاعه , الا وهى " ان الواحد مننا عامل زى الصرصار .. اللى بيطلع من البلاعه ( بلده ) ويلف فى اماكن نضيفه زى الصاله والمطبخ ( بره البلد ) وبعدين يقرر يرجع للبلاعه من جديد ..