هو انت حبتنى .. عشان تسألنى ببعد
ليه
ما تسبنى انا فى حالى وليه مستغرب
اللى انا فيه
خلينى بقى ساكت .. مدارى فى قلبى
اللى ماليه
متقولش كان بنا .. دا وهم انا عشته
واعمل ايه
فكرت هتهنى وللجنه طريق همشيه
اتارينى انا بحلم .. بحلم فى اخره
اموت انا فيه
وادينى اهو راجع .. طريقى مسيرى
انا هلاقيه
وبدال ما تسألنى .. تجاوبنى جرحتنى
ليه
متقولش حبتنى .. وانا عارف فى قلبك
إيه
الحب مش كلمه .. دا احساس صعب تشعر
بيه
الحب دا نعمه .. متقدرش عليه
تداريه
وبقلبك الفاضى مكنش فى حب ظاهر فيه
نــــــ شاهين ــــور
هناك 4 تعليقات:
يااااااااااااااااااااااة ازيك يانور عاملة اية يارب تكونى بخير اختك زهرة البنفسج الحزين
وحشتنى مدونتك اوووووووووووووووى
زهرة البنفسج :
................
انا بخير والحمدلله فى أفضل حال
انتى ازيك واخبارك ايه وفينك فى الدنيا يا بنتى
يا رب تكونى بخير وفى اتم صحه وافضل حال
واتمنى اشوفك دايما بخير يارب
غير معروف :
.............
متشكره جدا ,, انا كمان وحشتنى مدونتى وقصرت كتير فى حقها بس بقيت بنشر علي الفيس بوك
اصبح اوسع انتشار ومعظم المدونين بيكتبو علي الفيس بوك
ولكن من وقت للتانى بياخدنى الحنين لمدونتى وبكتب فيها
أذا تم البحث فى الفيس بأسم نور شاهين بتلاقى صورة طفل مبتسم بسماعات كبيره كدا علي ودانه دا حسابى
وشكرا علي الاهتمام والمتابعه
إرسال تعليق