2012/07/03

يــــــــا رب



اه بقوة كل حاجه باقيه فيا من اهات
اه بقلبى لو اقولها والله ما تكفى الساعات
اه غريبه معدش ليها اى دعوه بلى فات
حتى اللى جاى حطيته فيها لجل ما ابكى اللى مات
اه وعدتك انى اجيلك بس قدرك غصب عنى
قولتلى انى وحشتك قولت انا اكتر لأنى
حاسه انك حته منى
كان بودى اوعدك وزى كل مره اوفى بس الزمن
وبدال ما اشوفك ببدله بيضه جوه كوشه اصبح كفن
كل شىء بقى لونه اسود والمكان اصبح كئيب
مين يصدق ان كل الموجودين بيبكو علي نفس الحبيب
من كبيرهم للصغير نفسه ان عمره يقصر
ويهدى ليك لحظة حياه وبكل حب
بس حلم ومستحيل مش باقى الا نقول يا رب


هناك 6 تعليقات:

مروه زهران يقول...

ممتعة ومؤلمة أوى
تسلم ايدك واحساسك

شمس النهار يقول...

ليه السواد ده بس

انا انبسطت ان لاقيتك علي القايمة ناشرة بوست
اجي الاقيه حزين كده

غير معرف يقول...

كلمات كلها الم وبتصور كل الى حاسه بيه ببساطه ربنا يصبركم الله يرحمه ويغفرله ويدخله جناته ان شاء الله


doaa ali

Maha Shahen يقول...

ميروو:
......
تسلمى حبيبتى نورتى المدونه

Maha Shahen يقول...

شمس النهار :
............
بعتذر ليكى يا شموسه لكنه رثاء لشخص عزيز عليا
بكون سعيده بوجودك دايما وبعتذر لو الكلام سبب ضيق ليكى

Maha Shahen يقول...

doaa ali :
..........
اللهم اغفر للمسلمين والمسلمات المؤمنين والمؤمنات الاحياء منهم والاموات

متشكره جدا حبيبتى كفاية وقفتك جنبى دايما ربنا يباركلى فيكى يا رب