2011/02/03

حد من مصر


كفايه كدب وكفايا دمار

كفايه الظلم ولعها نار

كفاية بقى هنروح علي فين

عطلتو مصالح الملايين

أمن وامان محناش لاقيين

ولأمتى هتحمو فى الملايين

سبوها بقى خراب بخراب من ظلم لظلم

كفايا دمار قدتوها نار وحالها يغم

قولنا خلاص استجابو متتمادوش

سمعت خطابه بجد بكيت صدقو متصدقوش

سواء راضيين ولامعارضين متتظهروش متتظهروش

صبركم بالله نشوف

كفايا عشنا كتير فى الخوف

خوفنا عليكم وعلينا

خوفنا من الجاى لينا

بتتظهرو لصلاح سياسى والبلد خربت بجد

منا اللي مات واللى جاع ووقعنا م.السماء للارض

اللي يقول انا ضده يقولو عليه دا خاين

واللي يناصره يقول خليك يبقى عميل

اللي يقول كفايا بقى عايزين امان يقولو جبان

واللي يقول مش لاقى ياكل يقولو استنو خليكو صابرين

لو طفلك انت قالك جعان هتقوله ايه استنى قربنا نحرر البلد

ظلم وخلاص قدرنا عليه ارجعو كفايا هدد

.......................

انا مش معارضه ولا معاه انا مع حالة الهدوء اللي لازم تسود مهما كان ...

مش نتظاهر ونزيد الخراب بخراب وبجد اللي هيقول حال البلد مش عاجبه يبص لحالها دلوقتى !!؟

هناك 5 تعليقات:

باحث عن حب يقول...

اخيتى والله مخنوق وخايف جدا
جدا
جدا
على مصر
والله خايف
عليها
والله
مخنوق
يارب سترك
جزاكم الله خيرا
هستأذنك انى
هكتب البوست عندى
فى مدونتى
مع وضع رابطك

الفراشة الصغيرة يقول...

ربنا يحفظ البلد

من اى خونه او اعداء

غير معرف يقول...

اختي الكريمة

يسلم لسانك ويسلم عقلك
ربنا يهدي الحال ويثبتنا ويبعدنا عن الفتن وشرورها
اللهم لطفك بنا يارب العالمين

Maha Shahen يقول...

أزمة وطن .. فى ازمة وطن دفعنا اغلى من تمن ..فى أزمة وطن .. ماتو الولاد .. خربت بلاد .. ضاع الأمان .. ضاق العباد .. خربت نفوس وطمعها زاد ... حسبى الله ونعم الوكيل

(green eyes) يقول...

معاكي حق والله يا نور
ربنا يهديهم مش قادرين يفهموا انهم بكدا بيجيبوا مصر لورا