اللي تحبه ميحبكش واللى يحبك متحبوش
تسأل ليه ازاى معرفش قدرك كان ومتستهلوش
اللى تحبه توفى إليه تنسى الناس وتجرى عليه
يغدر بيك ويخونك ليه يمكن ذنب اللي مشفتوش
اللى يحبك يفرح بيك يهمل ناسه يعيش حواليك
وقت ما تيجى عنيه فى عنيك تمشى كأن متعرفهوش
تسأل ليه ازاى معرفش قدرك كان ومتستهلوش
اللى تحبه توفى إليه تنسى الناس وتجرى عليه
يغدر بيك ويخونك ليه يمكن ذنب اللي مشفتوش
اللى يحبك يفرح بيك يهمل ناسه يعيش حواليك
وقت ما تيجى عنيه فى عنيك تمشى كأن متعرفهوش
اللى تحبه ميحبكش واللى يحبك متحبوش
تسأل ليه ازاى معرفش قدرك كان ومتستهلوش
تسأل ليه ازاى معرفش قدرك كان ومتستهلوش
ذنبك ذنبه ميهمكش كل غلطه وليها أصول
بص بعينك شوف حواليك وقت ما تلقى حبيبك قول
قوله بحبك بص عليه وأسأله راضى بحبك ليه
وان قال لأ سيبه وخليه واوعى تعيش عاشق مذلول
اللى تحبه ميحبكش واللى يحبك متحبوش
تسأل ليه ازاى معرفش قدرك كان ومتستهلوش
هناك 10 تعليقات:
عادى هذه هى قوانين الدنيا اللى عايشيين
لاحنا عارفين احنا راحيين ولا جايين فيها
الحالة اللي بتتكلمي عنها هي السمة السائدة في الحب .. لكن انا ليا رأي في الموضوع ده .. ساعات بنحس ان شخص بعينه هو الحبيب وانه لو راح من ايدينا مش هنلاقيه تاني ومش هنصادف حب حقيقي مرة تانيه .. بس انا شايف ان الحب هو طاقة كامنة جوانا لو استحضرناها في حياتنا هنعيش سعداء .. يعني مش مهم نكون مع الشخص اللي بنحبه بس الاهم ازاي نحب الشخص اللي هيكون معانا .. ممكن تعتبري ان كلامي غريب لكن صدقيني الحب هو استعداد فطري داخل البني ادم .. وحسب درجة استعداد كل واحد بتختلف درجة السعادة
سلام عليكم
كلااامك صح الصح ياقمري ان شاء الله تكوني بخير
ربنا يهدي بجد حاجة تحير
دمتي بخير ياغالية
بوست جميل تقبلي تحياتي
فعلا هو دا القانون اللي ماشية به الدنيا في الحب، وقانون مزعج جدااا..
عشان كدا اتعودت إني لما أحب حد، أتأكد إن الحد دا هيديني في حياته نفس المساحة اللي أنا هديهاله، يمكن يكون منطق خد وهات، لكن دا المنطق اللي ينفع الإنسان يعيش بيه حاليا..
خصوصا إنه قليل أوي لما تلاقي حب نقي بدون مقابل..
استوقفتني كلماتك وعجبتني أوي..
دمتــي بود.. :)
جمييييييييييييييييييلة جدااا يا نور
وبجد بتتكلم عن الواقع ... لكن مش نهاية الحب تعني نهاية العالم
دايماً في جديد ودايماً الحب موجود
لكن إحنا اللي بنصعب الأمور على نفسنا احيان كتير
اسعدني مرورك بمدونتي المتواضعة
واتمنى دوام التواصل
دمتِ بكل خير
الفراشه الصغيره:
................
كلماتك تنفع مطلع اغنيه تمشى كخواطر والله بس دى مش قوانين عايشيين عليها لأن الدنيا مش غابه لسه والله بشوفها بعين حالمه لسه اتمنى تبقى فى يوم حقيقه
دى مجرد خاطره واسعدنى مرورك وتعليقك عليها
فارس بلا جواد:
.............
والله عجبنى رأيك جدا يا احمد بس انا كنت دايما بقول نفس الكلام بس عن الحزن او السعاده انها طاقه وبالذات الحزن فلو خرجنا الطاقه دى اعتقد يروح الحزن
صدقنى انا مش معتبره كلامك غريب ولا حاجه بالعكس عجبنى جدا
نورت المدونه واسعدنى مرورك وتعليقك
حور الجنه:
.........
وعليكم السلام ورحمة الله وبركاته
والله يا قمرتى متمناش يبقى صح
لأنها صوره حزينه جدا مش دايمه
نورتى المدونه دايما بمرورك
ساره sara:
..........
ليه خليتوه قانون ان كنت انا اللي كاتبه وانا مش مقتنعه
احيانا بنصادف حاجات سيئه جدا بس لو استمرنا بتفكيرنا انها سايده ودا المفروض يبقى مش هنقدر نعيش لازم نتفاءل . اكيد بيجى وقت ونحزن لكن لازم نرجع نلغى الشعور ونحاول نتفاءل
والله يا ساره انك تحبى بجد عمرك ما تندمى حتى لو خان اللي قدامك الشعور دا ومش معناه ابدا انك حد ساذج بينضحك عليه بالعكس
يا رب دايما تلاقى جنبك ناس بقلوب صافيه بجد تسعدك
نورتينى واسعدنى ردك ومروك اللي بجد مفتقداه
خابت بك ظنونى:
.............
الله يكرمك ويسعدك
انا متفقه معاك انها مش نهاية العالم
وبجد عجبنى ردك فعلا
وان شاء الله نفضل علي تواصل مدونتك تستحق كل الاحترام
إرسال تعليق