2010/05/01

الوحده


الوحده شعور فظيع ممكن يدق بقلبك بألم ملهوش مثيل , خليط عجيب بيجمع ما بين الحزن والشجن وصمت يخطفك حتى وانت فى وسط الناس , شعور يقطع كلامك ويعجز افكارك , يمحى البسمه من جذورها ويترك لمحه من الحيره على جبينك وتسائل ؟!! الجأ لمين اشكيله طيب هشكى من ايه , شعور غريب ساكن جواك بيخليك مخنوق .
تقول لازم اتكلم مش مهم هقول ايه بس المهم الاقى حد يسمعنى ويكون مهتم , طيب مين , تمد ايدك وتمسك موبايلك وتقلب بين الاسماء , اكلم فلانه لالا مش هتكون فاضيه اكلم فلان لا بلاش هيتخض اكلم دى محناش اصحاب قوى طيب صديقتى المفضله لا بلاش مقدرش اتكلم هتفكرنى بشكيلها مش هتفهمنى , وتفضل ايدك تقلب بين الارقام وتتوه عينك بين الاسماء وتنتهى بتركه جنبك منغير ما تكلم حد , كترت الاسماء وكتار جدا اللى قولنا عليهم اصحاب لكن مين فيهم فى وقت زى دا ممكن يلم شتاتك يريحك بكلامه لما يرتب افكارك ويهديك لبدايه الطريق من جديد ويمشيه معاك خطوه بخطوه ويحسسك بالامان , وتنصدم ان مفيش حد فعلا ممكن يسمعك منغير ملل او ممكن يبديك على نفسه او يخليك تشكى حالك لو هو حاله مش تمام , وساعتها هتقول يا ريت كان ليا حبيب هو دا الانسان الوحيد اللى ممكن يسمعك ويصبر عليك مهما قولت ومهما كنت متلغبط , لا هيفهمك غلط ولا هيزهق من شكواك لأنه بيتمناك تتكلم بيحب يسمعك حتى وان كان صوتك حزين , اكيد كل واحد فينا عنده اصحاب ويمكن يكون منهم الاوفياء جدا كمان وعنده اهل واخوات وجيران وحواليه العالم بأكمله , لكن لما يسيطر عليه شعور الوحده مش ممكن يبعده عنه الا حبيب , لو كان ليك حبيب متفرطش فيه بسهوله مهما كانت الظروف صعبه متحسش بيأس , ولو مكنش متدورش علي الحب لأنه مش عمله ممكن نجتهد للحصول عليها , لكنه عباره عن عمله مفقوده ممكن نلاقيها واحنا ماشيين علي الأرض , ودا مش لعدم اهميتها ولا لأهمالها ابدا , دا بس ممكن يكون لبساطتها وسهوله وجودها منغير جهد يمكن لصدق القلوب اللي كانت بتتمنى تقابل الحب .

هناك 43 تعليقًا:

كيكى عوووووو يقول...

متدورش علي الحب لأنه مش عمله ممكن نجتهد للحصول عليها , لكنه عباره عن عمله مفقوده ممكن نلاقيها واحنا ماشيين علي الأرض !!!!
والى يدور على الحاجة عمره مهيلاقيها!!
بس عارفة انه عملة صعبه الوجود فى الزمن دة
ربنا يفرح قلبك دايما ويسكنوا افراح
وعملات نادرة انا وانتى وكل الناااااس

الزهرة البرية (Joudy) يقول...

بجد إنتى وصفتى إحساسى واحساس كتيير منناالوحدة دى أصعب مايكون وأنا معاكى فى إن الحبيب هو اللى بيقدر يخرجك من اللى انتى فيه بس كمان وبصراحة أنا عندى صديقة بجد بلاقي نفسى معاها جداً أووى يارب بجد محدش يحس باحساس الوحدة ده أبدا وإن حد حس بيه ربنا يهون عليه لأنه بجد فظييييييييع

سورى بجد إن اتأخرت فى زيارتك بس إن شاء الله متابعة ديما

دمتى بكل الخير والحب والسعادة

*الطالبة عفو الله *زوزو يقول...

ميمي حبيبتي وحشاااني اوي جدا خالص

الموضوع طبعا قريته قبل كدة و اديتك رايي

المهم وصفك للحالة دقيق جدا

بس في حتة اننا بندور على الاصحاب فمش بنلاقي هو احساسنا في الحالة دي بيخلينا منشفش حد مش عارفة و الله

حاجة محيرة فعلا

المهم انا يا ستي بحبك و بموت فيك و مستعدة اسمعك ف كل وقت و حتى لو كان صوتك حزين اي خدمة يا باشا ههههه

على فكرة بقالي ايام و انا عايزة اعتذرلك من حاجة و مش بلاقيك

على العموم لما نتقايل فكريني عشان ممكن انسى

جوتاموووو

حياه بلا عنوان يقول...

السلام عليكم ورحمه الله وبركاته
ازيك يانور عامله يارب تكونو بخير كلمكم بجد موضوعك جميل قوى وفعلا محدش يدور على حب لان الحبه هيجه لوحده اما الصديق صعب لما يبعد عنك وتحسى انه غريب او حتى تحسى انك لما تكلمى يبقا بتكلمى علشان تشكيلو الصديق الكويس هو اللى بيكون مع الواحد فى اى وقت وقت حزنه ووقت فرحه وفى كل وقت بجد يمكن حسيت بيه فعلا مع انسانه اكيد انتى عارفها حسيت ان مش فى الفرح بس ممكن تكون معايا فى الحزن كمان ويمكن الصديقه القريبه قوى هى بتحس بيكى جدا وبتحاول تخرجك من اللى انتى فيه مترجعيش فى كلمك ابدا لو جالك الفكره انك محتاجه تكلمى حد فترفض تكلمى صديقه ليكى يمكن تعرفى تتكلمى معها اكتر ما هتتكلمى مع حد تانى يمكن مش هتجملك ولا هيكون كلمك غلط وتقولك صح بلعكس لو صديقه قوى هتكون معاكى فى الصح معلشى طولت عليكى
تحياتى

القمرالباكي يقول...

السلام عليكم ورحمه الله وبركاته

صباح الخير
بصي الوحده ده شعور بجد قاتل تحسي انك تايهه وملكيش حد ومجرد الشعور بيه بيزود الالم اكتر
ع اد مالحب مهم وكلنا بندور عليه ونفسنا نحس بالامان والونس مع حبيب لكن صعب نلاقيه وحتي لو لاقناه مبيكونش هو الحل السحري لمشاكلنا ده احيانا هو الي بيزودها
والصداقه لها دورها الاساسي فالحياه ممكن نعيش من غير حب لكن من غير صداقه مستحيييييل فربنا يهون علينا بقي
ويرزقنا بالصديق والحب الحقيقي
وانا بفضل لما اكون متضايقه ان الجأ لصديق عن حبيب ممكن تستغربي كلامي بس يمكن عشان مفيش حبيب ههههههههههههههه

دومتي بخير ياقمر

غير معرف يقول...

ههههههههههههههه عارفة بضحك لية علشان الشكوى لغير اللة مذلة وبدين فية حاجات مش ممكن تحكيا غير مع نفسك ؟؟؟؟؟؟؟؟؟؟بس وبعدين ياختى مانتى فية ناس بتحبك ومستعدة تسمعك اهية هتنهبى من المغرب ومن كل الدول الشقيقة ههههههي يالهو...يامماتى لية نفس اضحك سامحينى.........

just dream يقول...

هههههه ايه يانور ده شكلك بتقرأى أفكارى ومن جذورها عموما أنا مش هعلق لانك قلتى كل اللى انا عاوزة أقوله
عموما اللى انا اكتشفته ان مش لسه هستنى الحبيب يجى ويسمعنى انا بسمع نفسى وهيا بترد عليا اهو لحد ماربنا يفرجها من عنده ههههههه
بس بجد بوست ملوش حل
عاوزة دعواتك ليا معاكى وربنا يقدرنا على مشوار الصبر بتاعنا
تقبلى تحياتى وقبلاتى يانواره هههه

mohamed ghalia يقول...

أنا جاى أسلم

Unknown يقول...
أزال المؤلف هذا التعليق.
Unknown يقول...
أزال المؤلف هذا التعليق.
غير معرف يقول...

اتمنى انك تكوني بالف خير... اول شي موضوعك روووعة واحساسك جميل الوحدة مثل ماحكيتي بتخطفك من وسط العالم اللي انت بيه وانا كنت هيك اكيد .. كنت مثل طفل تايه بدور على مامتو او حضن حنين يضمه او مثل حدا بغربة وهو وسط اهلو واحبابو انا اسميه غريب ببلادو بس لما حبيت راح كل الاحساس الفظيع ده وصرت ما بهمني الا لما اسمع صوت اللي بقلبي بيملا عليا دنيتي. في سؤال الك يا نور انتي احساسك جميل وعوزة اسالك ادا شعور الوحدة ده انكسر ولا لسا بالنسبة الك وانتي بتاكيد تعرفي ازاي ينكسر?????? ياريت تردي على سؤالي  وشكرا على الاحساس الجميل.

باحث عن حب يقول...

السلام عليكم
الدنيا سجن المؤمن
وقليل هنا من نجده كمثل ابى بكر الصديق اوغيره من الكاملين
ولكن
نحاول نكون اصدقاء نفسنا
هناخد على كده
بس مش
هنطيق نفسنا
يبقى الحل ايه
نتكلم مع قلمنا وورقنا
هنتلهى فيهم شويه وبعدين
هيخلص الكلام من كتره الهموم
يبقى فاضل ايه

وضوء فى جوف ليل
وصلاه ركعتين
ورفع الادين
والشكوى لرب العالمين
مفيش حد هيحتونى غيره سبحانه
واحلى حاجه شويه دموع يطلعوا من النخاشيش الجوانيه
ياااااه
بالدنيا وما فيها
مدونه جميله
دمتى على وصل بالله

نور الدين (محمد الجيزاوى) يقول...

السلام عليكم
ازيك يانور افتقدنا جداً التواصل مع قلمك المميز وصدقينى اختنا العزيزة لظروف مرهقه
دعينا الآن مع خاطرتك :
....
ولنتخفف من العربية قليلاً ... شوفى يانور الوحدة شعور مؤلم فعلاً والمشكلة اللى بتتعبنا اكتر من الألم نفسه إننا منلاقيش حد يشاركنا الالم ولو بسماع قصتنا

والأهم من إنه يسمع إننا نحس إنه حزين لإجلنا وإنه يمتلك تلك العصا السحرية التى يحول بها الدمعة لبسمة والحزن لفرح
ودة لايكون إلا مع حبيب

لكن ما العمل وقتها يانور إذا كان الحبيب هو سر الألم ؟!!!

إلى الله المشتكى يانور
تحياتى لك متواصلات
اخوكِ
نورالدين محمود

غير معرف يقول...

نور انتى فين ؟؟؟؟؟؟؟؟؟؟؟يارب تكونى بخير

غير معرف يقول...

نور انتى فين ردى عليا طب انتى كويسة انتى زعلانة من التعليق اللى انا كتبتة مش قصدى واللة طيب معلش حقك عليا لية مش بتكتبى نور ...نور ردى

غير معرف يقول...

نور انتى فين ردى عليا طب انتى كويسة انتى زعلانة من التعليق اللى انا كتبتة مش قصدى واللة طيب معلش حقك عليا لية مش بتكتبى نور ...نور ردى

غير معرف يقول...

نوررررررررررررررررررررررر..ردىىىىىىىىىىىىىىىىىى

غير معرف يقول...

امممممم طيب مين بينده على نور كده وبطريقة ديه ??????????????????????????????????????????????????

Maha Shahen يقول...

كيكى عوووو:
...........
مش عارفه لما فكرت فى كلمتك اللي بيدور علي حاجه عمره ما هيلاقيها حسيت انها صحيحه وبعدين قولت ليه لا ممكن يلاقيها لو بيدور بجد عليها مهو كل شىء بنتمناه بيكون أمل نسعى لتحقيقه وممكن يتحقق وممكن لا..مين عارف
الله يكرمك يا كيكى دايما منوره المدونه يا قمرتى

Maha Shahen يقول...

الزهره البرية:
.............
انا معاكى ان صديق بجد ممكن يبعد عنك كل شعور بالوحده من كتر حبه فيكى وانشغاله بيكى هيخفف عنك كتير بس لو لحظه حسيتى انه انشغل بحياته عنك بالذات لما يسيطر عليكى الشعور المؤلم دا هتعرفى الفرق بين الصديق والحبيب
لالا ولا أتاخرتى ولا حاجه انا اللي اتاخرت كتير جدا فى الرد بس اعمل ايه عادتى ولا هشتريها ههههههههه
انا كمان معاكى وبدعى يا رب محدش يشعر بالوحده ابدا
نورتى المدونه

Maha Shahen يقول...

الطالبه عفو الله:
...............
انتى اكتر يا قمرتى , اخبارك ايه وعامله ايه
بعدين هتفسدونى من الدلع من نونا لميمى يا حياتى علي كدا انا مش هقبل اقل من كدا ابدا هههههههههههههه
يمكن عندك حق يمكن افتقادنا للاصدقاء هو اللي بيوصلنا للشعور دا
ويمكن مفيش رأى ثابت فى الموضوع دا كل انسان وعلي حسب الأحداث اللي في حياته
الله يكرمك يا قمرتى احبك الذى احببتنى فيه يا رب وربنا ميحرمنيش من صداقتك ابدا
عيب عليكى يا بنتى تعتذرى ايه وبتاع ايه مفيش بنا الكلام دا احنا اخوات
واى شىء مهما كان فهو مش مهم لأنى اكيد مش زعلانه منك
دايما منوره المدونه بطلتك الجميله

Maha Shahen يقول...

حياه بلا عنوان:
..............
وعليكم السلام ورحمة الله وبركاته
الله يسلمك يا قمر انا بخير والحمدلله ولا احسن ما يكون ربنا يبارك فيكى
يا رب تكونى انتى كمان بخير واختى بتسلم عليكى ههههههههه افتكرت الفيلم بتاع نادية الجندى خالتى بتسلم عليكى
هو اكيد الحب بيجى لوحدو بس احيانا بيجى بسعيينا ليه يمكن دا مخالف شوية للى فكرت فيه وقتها بس بيحصل مقدرش انكر
فعلا شعور ابتعاد الاصدقاء عننا شعور فظيع بالذات لما يكونو مش اى اصدقاء يكونو وصلو لمرتبة اعز الناس واقرب لينا من نفسنا وبيزيد الالم اكتر لو كانو اشخاص اوفياء بشخصيات رائعه فى التفاهم بيسمعو لينا يمكن اكتر من اهلنا ويمكن دا بيكون اكبر سبب فى تعلقنا بيهم , بجد المحبه فى الله شعور جميل
عجبنى فكرت اننا نحاول نكلمهم وقت ما نشعر بالوحده بس الشعور بيبعدنا مش بيقربنا منهم علي ما اعتقد محتاجه شوية من القوه علشان نوصل ليهم ونقدر نحكيلهم ومحتاجه اكتر شعورهم بينا منغير ما نحكيلهم
معادله احيانا منقدرش نوازنها
نورتى المدونه ودايما منورانى

Maha Shahen يقول...

القمر الباكى:
.............
وعليكم السلام ورحمة الله وبركاته
صباح النور
يمكن مش هو الحل بس بيساعدنا علي اننا نلاقى حلول كتير لمشاكلنا مهو اهم شىء لحل المشاكل اللي فى الحياه اننا نقدر نتحملها اولا ثم نفكر فى حلها او نسلمها لله واحنا راضيين بقضائه وبنطلب رحمته بينا وبيساعدنا كتير مساندة شخص بنحبه يمكن يقدر يساعدنا علي ايجاد بعض الحلول لأنه خارج دايرة المشاكل اللي بنكون فيها وبيفدنا كتير لو انسان صادق بيحب الخير لينا اما لو لا فبيكون سبب ألم فعلا وعذاب
ربنا يرزقك بالحبيب والصديق الوفى وبينى وبينك بقى بعيدا عن اللي كتبته الصديق برقبة الحبيب لو بيحبك بجد هههههههههههه علي الاقل مش هيزعل كل شوية منغير سبب وأقل كلمة تتقلب لخناقه مهو الحلو مبيكملش والكمال لله سبحانه وتعالى وكل عمله ليها وجهين
ربنا يرزقك الخير ودايما منوره المدونه

Maha Shahen يقول...

غير معروف:
.........
عارفه مش عجبتنى الضحكه ليه علشان فى غير محلها فعلا
زى ما بقول لا محل لها من الاعراب
يعنى تقدرى تقوليلى بتضحكى علي ايه علي كلامى اللي كتبته ولا علي ردود الناس
اكيد فى حاجات مش تخرج بره النفس لكن فى مليون حاجه ممكن تشاركيها مع الناس بالذات اقرب الناس او اوفى الناس
بتخفف عنك ومبتكونش شكوى لأن فعلا الشكوى لغير الله مذله
بس لما تكونى حزينه وصديقه تسألك مالك لازم تحاولى تقوليلها لو تقدرى عن ايه اللي مضايقك للعلم بالشىء اما لو مشكله فبيكون الكلام علشان تلاقى حل ليها وفى النهايه يفعل الله ما يريد
وبعدين اان بحمد ربنا فعلا ان فى ناس تسمعلى واصحاب بجد جنبى من المغرب ويسعدنى لو يكون فى كل العالم كمان ليه لا
الاصدقاء كنز فعلا ومين فينا ميطمعش يكون اغنى الاغنياء .. الحمدلله والشكر ليه
ولا يهمك اضحكى زى ما يعجبك بس انا لحد دلوقتى مش شايفه سبب للضحك برضو
ويا ريت اللي يعلق يترك فيما اسم بدل غير معروف ولو اى لقب يعجبه بس يبين شخصيه لكاتب التعليق

Maha Shahen يقول...

قول يا رب:
..........
ما شاء الله اول مره الاقى حد بيكلم نفسه وبترد عليه لا الاصح اقول بتفيده , علشان معظمنا بيكلم نفسه هههههههههه امال احنا هنتجنن من شوية
اتمنى اكون خففت عنك مش زودتها عليكى
ربنا يوفقك يا رب ويسعدك دايما وابدا
ويباركلك ويرضى عنك ويرضيكى وشوية وهشحت عليكى ههههههههههههه
دايما منوره المدونه وبيسعدنى جدا اهتمامك وتعليقك

Maha Shahen يقول...

mohamed ghalia :
..................
الله يسلمك من كل شر يا محمد
ومنحرمش من سلامك ابدا
ولا من سؤالك
بيسعدنى مرورك ولو للسلام

Maha Shahen يقول...

غير معروف:
.........
انا بخير والحمدلله فى احسن حال
الله يكرمك اتمنى يكون عجبك ومش آلمك
عجبنى تشبيهك فعلا الوحده شعور بالضياع وفقدان للأمان زى ما قولتى
ربنا يسعدك بالحب ويباركلك فى الحبيب
وبالنسبه لسؤالك !!
اعتقد ان شعور الوحده ضاع حاليا لأنى اصلا بخاف منه وبخاف اكون وحيده ودا مش معناه انى ادور علي اى حب لكن عندى صديقه حاليا ماليه علياالدنيا مش عندى اى شعور بالوحده ولا بفكر ارجع ليه وربنا بجد بيكرمنا بناس تقف جنبنا , ربنا ما يحرمنى منها ويحفظها من كل شر ويسعد كل انسان بصديقه مثلها بس معتقدش فى زيها معلش يعنى انا اخدت اخر نسخه هههههههههههه
مهو لو فى زيها اتنين فى الدنيا تخرب
وحتى لو فى زيها انا متمناش غيرها والحمدلله انى لقيتها
اتمنى اكون رديت برد وافى واى سؤال انا فى الخدمه
نورتى المدونه وشكرا ليكى علي التعليق الرقيق

Maha Shahen يقول...

باحث عن حب:
...........
وعليكم السلام ورحمة الله وبركاته
هو جميل نكون اصدقاء لنفسنا بس مش هتفيدنا دايما النفس محتاجين صديق يختلف عننا لأن جمالنا اصلا فى اختلافنا اللي بنكمل بيه بعض كأننا شخص واحد
وصعب اصلا نتكلم بس مع قلمنا وورقتنا يمكن فعلا يلهونا شوية لكن دايما لا هنشكى ممكن بالقلم والورقه لكن صعب تكون الصديق الوحيد لينا
وعجبتنى جدا الخواطر اللي كتبتها
ونعم بالله
بجد عجبنى التعليق وافادنى كتير جدا ومتشكره جدا لمروك وتعليقك بصدق

دايما مشرفنى بمرورك

Maha Shahen يقول...

نور الدين:
..........
وعليكم السلام ورحمة الله وبركاته
الله يسلمك من كل شر يا اخى العزيز انا بخير والحمدلله فى اتم صحه واحسن حال
ربنا يعينك ويقويك وشد حيلك مش تيأس ابدا ولا تكل ولا تمل من الحرب الدايره علي صفحاتك ربنا يجعلك دايما نور لطريق الخير ويجعل كل اللي بتحاول تفيد بيه الناس فى ميزان حسناتك يا رب

وضحت جدا لما كتبت ولنتخفف من العربيه قليلا والله بتفهمنى يا نور اعمل ايه ساقطه ابتدائيه هههههههه فلازم ولابد عربى سهل لائما كلام بالعاميه

اختصرت اللي كتبته انا فى صفحه بجملتين
هتوقفلى حال المدونه يا نور كدا الله يباركلك

فعلا ان كان الحبيب سر الالم معتقدش هيكون فى علاج الا رحمة ربنا , لأن وقتها بيكون الالم مبالغ فيه وحيره قاتله ازاى اوفى الناس يبقى اقسى الناس
لكن لازم نلاقيله عذر علشان ترتاح قلوبنا لحد ما ربنا يلطف بينا ويغير قلوبنا برحمته وكرمه

نور الله طريقك وجعلك خير لينا وربنا يسعدك يا اجمل اخ بالدنيا

واعذرنى علي تقصيرى بحقك

نورت المدونه وفعلا بصدق بيسعدنى تعليقك علشان تترك كل المشاغل اللي عندك وتمر وتقرأ وكمان تعلق فدا شىء بيسعدنى فعلا

Maha Shahen يقول...

غير معروف:
.........
انا هنا هنا يا ابن الحلال
هكون فين يعنى انا فى الدنيا
اما انى بخير فلله الحمد علي كل شىء
وانا بخير والحمدلله بس اقدر اعرف مين اللي بيسأل ولا ايه ؟!!

Maha Shahen يقول...

غير معروف:
.........
ادينى برد اهو انا هنا اهو وانا كويسه والحمدلله وازعل منك ليه وفى اكتر من حد كتب بغير معروف فمش عارفه تقصدى اى تعليق فيهم وبعدين مزعلتش من اى تعليق فيهم ورديت عليهم كلهم وعلي كل الناس , بس ايه سر الاهتمام يعنى . عامة بارك الله فيكى
بس احب اعرف مين يعنى ان امكن

Maha Shahen يقول...

غير معروف :
...........
امال انا طفشت من المدونه من شوية ايه دا كله ادينى رديت اهو
بس ايه هو السؤال اللي المفروض ارد عليه
لو علي انى بخير فدايما هقول بخير والحمدلله , فلو حصل غير كدا برضو الحمدلله الذى لا يحمد علي مكروه سوا

بس انا اعرف اللي مهتم يعرف اخبارى يبعتلى انا مش مختفيه بالعكس سهل التواصل معايا
وكمان اللى مهتم يعرف اخبار حد يعرفه هو مين

Maha Shahen يقول...

غير معروف:
............
المفروض اجابة السؤال دا عند اللي كتب تعليق بيسأل بيه وكتبه بغير معروف بعدين ايه هو ادمان غير معروف بتردو علي بعض من خلالى هههههههههههه

جميل ان الانسان يشعر انه مهم بس اللي مش جميل ان كلام مجرد كلام يتنسب لشخص تانى وميكونش وصل اى معنى ولا اى رساله ولا حتى ساب اى حيره

يعنى ببساطه مش حابه اعرف مين بيسأل لو مش حابب يكتب اسمه ومش حابه سؤاله لو مش حابب يقول هو مين

لأن لو الكلام مجرد كلام فعدم الاهتمام افضل
وشكرا لحسن استماعكم

*الطالبة عفو الله *زوزو يقول...

هههههههههههههه معلش حتستحملي ضحكتي دي و انتي اكيد عارفة ليه

انا جاية بس استطلع الامر عندك و اسلم و اروح

فشدوني التعليقات فقعدت اقرا و اتمعن
المهم خير خير خير

يلا اقلك تصبحي على خير

و نحن في انتظار جديدك

سلام يا قمرتي

وفاء بركات يقول...

أزيك يانور ياترى آيه أخبارك
وحشاني جدا ..
أقصي شعور أن تحس بالوحدة برغم وجود ناس كتير حواليك لكنك لا تجد من يخرجك من هذا الإحساس المميت . فأنت قلق أن تحدثت لأحد يستهين بمشاعرك ولا يعطيك أدني أحساس بالمشاركة أو يفضح سرك أو يشعرك انك أثقلت عليه.
عندها أجرى علي قلمي وأوراقي وأكتب
من فترة كتبت هذه الكلمات .
ربنا يزيل هم قلبك وهم جميع الناس
عندما تكثر همومك لاتقولي عند هم كتير ولكن قولي لي رب كبير.....
أتمني لك السعادة وراحة البال وأنيس يكون لك زوجا وحبيبا وصديقا وفيا يتقي ربنا فيك ..

غير معرف يقول...

نور انا ولا بضحك عليكى ولا على اى حد بيعلق لكن افتكرت لما كنت باشتكى كنتى بتقولى ليا الشكوى لغير الله مذلة وقولت لكى ان الواحد لازم يفضفض حتى لو بالكلام بس يعنى انتى راجعة تقولى نفس اللى كنت بقولة..وعموما مش حضحك تانى علشان مش تزعلى وطمنينى عليكى كل حاجة مقدور عليها طالما انتى بخير وبصحة اجتهدى اكتر بنفسك واعتمدى على الله وربنا يفرجها من عندة..

غير معرف يقول...

نور انا ولا بضحك عليكى ولا على اى حد بيعلق لكن افتكرت لما كنت باشتكى كنتى بتقولى ليا الشكوى لغير الله مذلة وقولت لكى ان الواحد لازم يفضفض حتى لو بالكلام بس يعنى انتى راجعة تقولى نفس اللى كنت بقولة..وعموما مش حضحك تانى علشان مش تزعلى وطمنينى عليكى كل حاجة مقدور عليها طالما انتى بخير وبصحة اجتهدى اكتر بنفسك واعتمدى على الله وربنا يفرجها من عندة..

Maha Shahen يقول...

الطالبه عفو الله :
.................
ماشى اضحكى يا زوزو ولا يهمك علي الله تكونى استوعبتى دلوقتى انا طفشانه من الناس ومن المدونه بالذات ليه
وانتى من اهل الخير يا زوزو احلام سعيده ليكى يا رب تشوفى كوابيس علشان تبقى تضحكى قوى هههههههههه مهى نقصاكى ماشى يا زوزو لما اشوفك بس

Maha Shahen يقول...

وفاء بركات :
............
ازيك يا فوفا منوره المدونه والله من زمان مش شوفتك ولا مريت عندك ولا عند ناس كتير والله زهقت من نفسى من كتر ما قولت انى مقصره بس فعلا تقصير ملهوش حل ولا ينفع معاه حتى اى اعتذار منى بس هنعمل ايه الله المستعان
جميله كلماتك يا استاذتى الكريمه بس يا عزيزتى شكلك حسيتى بالشعور دا من قبل لأنك وصفتيه احسن منى مليون مره والاهم انك اتكلمتى عن الشعور قبلى بوقت كبير , شكله شعور جماعى بين وقت والتانى بعضنا بيشعر بيه وبيألمه

بشكرك جدا علي دعواتك ليا ربنا يكرمك يا صديقتى العزيزه
ودايما تمرى وتسألى عليا وتنورينى بتعليقك ويكفينى سلامك قبل اى كلام اكيد يسعدنى ويحلى الايام

Maha Shahen يقول...

غير معروف:
.........
انا فعلا احتارت جدا فى الرد علي تعليقك
رجعت قريت كلامى كله اللي نشرته قريت الموضوع من البدايه
انا متأكده انى ممكن اكون فكره فى وقت معين وارجع اناقض نفسى فيها
يمكن لأختلاف الموقف او لأختلاف الاحداث نفسها
لكن انا دايما بقول الشكوى لغير الله مذله وكتبتها تانى فى الرد علي التعليق اللي كان بغير معروف
اما عن الضحكه فانا اخيرا فهمت سببها بس معرفتش مين صاحبها
بس عارفه انها ألمتنى بجد , الاول مكنتش فاهمه دلوقتى احتارت اكتر
دى شماته ولا بس استنكار ولا استغراب
عامة بعيدا عن كل حاجه الموضوع اللي كتبته دا ملهوش علاقه بيا لانى كتباه من زمان بس حبيت انشره دلوقتى
يمكن اكون وقتها كنت حاسه بالوحده لكن انا بوصف شعور ملهوش علاقة بالشكوى , الشكوى كانت جزء من خليط المشاعر اللي بتكونها الوحده
بعدين انا عماله افكر واقول ايه الفرق بين اننا نتكلم مع صديق واننا نشكيله
اقولك وصلت لأيه دا ان كان اسعدنى حظى ووصلت لشىء من التفكير
الشكوى لما رزقك يقل وتبدأى تحكى للناس انك بقيتى ذليله بعد عز مثلا دى شكوى وذل لصحابها لأن ربنا بيختبره او بيرفع مكانته بيشوف هيصبر ولا لا
لما نيجى للناس وتلاقينا متضايقيين هتسأل مالنا لو بيهمتوا بينا هنقولهم مثلا فى شوية ظروف وهتمر معتقدش دى شكوى انتى بتوضحى سبب لشعورك وعدم كلامك وتغيير الحاله لكن مش بتشكيلهم من الحال اللي حاصل
مش عارفه افهمهالك ازاى لكن انك تقولى للناس فعلا للعلم بالشىء والناس اللي يهمهم امرك بس غير انك تمشى فى كل الناس تقولى ان ربنا اختبرك اختبار ما بأى ابتلاء بقى
اعتقد انى كتبت موضوع كامل عن ان الشكوى لغير الله مذله
يمكن اكون مقدرتش اوصلك شىء ويمكن اكون قولت شىء مفيد مش عارفه فعلا
وبتمنى محدش يعلق ابدا بغير معروف لو حابب يقولى اصلك قولتيلى قبل كدا علشان اعرف ارد عليه ..وافهمه دا ان حب يفهم

غير معرف يقول...

اعوذ بالله يانور ان الضحكة دى تكون شماتة عمرى مافكرت افرح فى انسان انا اللىكنت بيتعمل فيا كدة وعلشان كدة مجربة يعنى اية حد يضحك ويشمت فى حد بيتعذب ادامك وبعدين الشكوى من المادة دى اخر حاجة ممكن اشكى منها افتكر مشتكتش من المادة لكى علشان تقولى كدةولا لاى انسان عمرهاماحصلت وبعدين ماتتفشيش من مدونتك ولا حاجةواذا كان حرف الهاء اللى جنب بعضة زعلك كدة معلش

غير معرف يقول...

مش هعلق تانى خالصصصصصصصصصصص علشان متزعليش وتسيبى مدونتك.....

Maha Shahen يقول...

غير معروف:
.........
انا كنت بهزر مع صحبتى الحكايه ملهاش علاقه بأى تعليق دا علي انى بسيب المدونه كتير

اما بالنسبه لكلامك انك عمرك ما شكيتى ليا عن الوحده تعليقى اعتقد هيكون لا تعليق لأنى معرفش انتى مين

وشكرا انها مش شماته لأن الكتابه مجرد افكار مش لازم تكون دايما واقع بيعيشه الكاتب

واللي انا مش فهماه لما انتى متابعه جدا كدا مش بتقولى انتى مين ليه بما انك بتقولى اننا كان لينا كلام مع بعض اعتقد بخارج المدونه

وبتاخدى بالك من كل حاجه وتتجاهلى السؤال دا

تقدرى تعلقى اى وقت او متعلقيش انتى حره انا برد علي ضوء اللي بفهمه من التعليق بعيدا عن مين صاحبه
وانا مش دايماذكيه ,,,