2010/03/26

تفاءل


التفاؤل إحساس رائع هو الأمل فى الوصول للسعاده , التفاؤل بدايه تقدر تسميها نور الطريق , التفاؤل هو الايمان بالقدر خيره وشره , التفاؤل هو التحمل فى وقت الأزمات أملين فى تغيير للاحسن بإقتناع رهيب أنه اكيد هيكون الجاى شيء مختلف هيرضينا , التفاؤل شعور بيغمرك ويصبح كهالة نور محيطه بيك وكأنك لو لمست أنسان ممكن تسعده زيك , مش بيقولو الضحك معدى والحزن معدى اكيد التفاؤل برضوا معدى , كمان يا اعزائي الابتسامة معديه ( الأبتسامه فى وجه أخيك صدقه ) يعنى خدمه متعددة الفوائد ممكن تقدمها بدون تكلفه لا منك ولا من مستقبلها , كل المطلوب منك انك تتفاءل وتكون صاحب قلب صادق , صدقني مش وحش انك تزعل لكن بعد الزعل تصفى ودا هيكون اجمل ما فيك , ممكن تبكى لكن بعد ما تجف دموعك وتعود الشمس تنور بعد أمطار الشتا .. أبتسم .
التفاؤل هو النغمه التي لا تمل شفاهك من ترديدها بحب وشجن وانت مطرب لسماعها وتتمنى ان تشاركها مع كل من حولك , فسعادة الانسان ليست فقط أسعاد نفسه ولكنها تكمن فى أسعاد كل من حولك أن استطعت , دايما بقولها فى نهاية الحوار
( تفاءل يا آخى ) , لقد قال الله سبحانه وتعالى فى كتابه العزيز" فأن مع العسر يسرا أن مع العسر يسرا " وهذا تأكيد من الله سبحانه وتعالى ان الفرج أت لا محاله فلماذا لا نتفاءل !!
ومع كل عسر يأتى اليسر فسبحانك اللهم وبحمدك
أشهد ان لا اله الا انت استغفرك واتوب اليك

هناك 10 تعليقات:

Phoenix يقول...

انا صاحية الفجر كلى امل و تفاؤل مبتسمة و حاسه براحة كبييييرة ..ايه السبب مش عارفة و مش عايزة اعرف كل اللى بقوله الحمدلله على الاحساس ده
و بالبوست بتاعك زاد الاحساس
بجد اشكرك عليه
(:

SHAPE YOUR LIFE (ABOALI) يقول...

التفاؤل هو النغمه التي لا تمل شفاهك من ترديدها بحب وشجن وانت مطرب لسماعها وتتمنى ان تشاركها مع كل من حولك .
وصف رائع حقا للتفاؤل فهو شعور مجسم عندما نتفائل نشعر بمذاق مميز ونشم عبير نقى ونحس براحه وسعاده فى القلب لا توصف حتى نظره اعيننا تصبح مختلفه وابتسامتنا تصبح اصدق واكيد هذا الشعور يؤثر على تصرفاتنا تاثير ايجابى وبالفعل ينتقل الى من حولنا فهو حقا شعاع من نور ينير لنا ولمن نقترب منهم ...والتفاؤل اذا كان غير مبنى على الايمان بالله والثقه فانه لا يعتبر تفاؤل لانه اذا بنى على الايمان سيكون على اسس ومن اهمها الاخذ بالاسباب والعمل الجاد والتوكل على الله والثقه بانه لا يضيع اجر من احسن عملا وان مع العسر يسر .

اما من يتواكل ولا ياخذ بالاسباب ويقول اناااااااا متفاااااااااائل وان شاء الله خير خير هذا الشخص عاجز ويتمنى على الله الامانى فهيهات ان يجد ما يتوقع بلا تعب وجهد.


تحياتى لمن كتبت كلمات تبعث روح التفاؤل الجميله والبسمه لمن يقراها.

نور الدين (محمد الجيزاوى) يقول...

التفاؤل هو أن نثق ان هناك يدٌ رحيمة تصرف اقدارنا
وان نثق أنه لاشيء يضيع عرض البحر ولا شيء يذهب سدى
التفاؤل أن ندرك اننا حين نفعل الصواب فهذا فى حد ذاته نعم الزاء فما اروع أن نكون فى الجانب الصحيح حتى لو كان الجانب الاكثر معاناة
...
كل تحياتى لشخصك وقلمك نور
....

نورالدين محمود

*الطالبة عفو الله *زوزو يقول...

التفاؤل ذاك الشعور الذي يجعل من الانسان لوحة من الابداع
عندما يبعث القلب نور يضيء له العالم من حوله عندما يبوح اللسان بكلمات الشكر و الحمد لله

انتي عارفة ردي على الموضوع طبعا فمش داخلة اننا اقول رائي

انا داخلة عشان اقولك قد ايه انت انسانة جميلة و قد ايه انا بحبك و بحبك اوي

ربنا ميحرمنيش منك يا حياتي

طيكيييييييييييرووووووو موووون اموووووغ

غير معرف يقول...

ازيك يانور اخبارك اية طبعا الواحد لازم يبتسم لان دوام الحال محال وكمان لازم يتفائل خير مختش حاجة من الزعل غير التعب والاكتئاب فهضحك حتى لو مش من القلب ...

Maha Shahen يقول...

Phoenix:
........
انتى صاحيه فى اجمل وقت اصلا والله يمكن انا بحس ان الوقت دا بتكون دايما النفس فيه صافيه ولازم تكون متفائله لأن دا بيكون اكتر وقت احنا قريبين فيه لله
ربنا يسعد قلبك دايما بذكر الله
انا اللي متشكره علي مرورك وبجد سعيده بتعليقك اللي أسعدنى ونورتينى

Maha Shahen يقول...

SHAPE YOUR LIFE .. ABOALI
الحمدلله انك كملت جزء انا كتير مشرحتوش
يمكن انا اكتفيت بالايمان بالقدر خيره وشره وشوفت ان كلمة الايمان ليها كل المعنى المطلوب بس الشرح لابد منه فكتير متشكره ليك
انا كمان متشكره ليك علشان شرحك اولا وثانيا علشان وصفك للتفاؤل من وجهة نظر جميله
دايما منور المدونه

Maha Shahen يقول...

نور الدين محمود:
...............
كتير استوقفتنى جمله كتبتها من شدة ما اعجبتنى وهى
"فما اروع أن نكون فى الجانب الصحيح حتى لو كان الجانب الاكثر معاناة"
اتمنى ومتأكده ان اللي ربنا يرضى عنه ويشرح قلبه للتفاؤل ميصبهوش اى معاناه ولو بسيطه
بيسعدنى دايما تعليقك يا نور ربنا يبارك فيك ودايما تكون نور لينا بسيفك الا وهو قلمك

Maha Shahen يقول...

الطالبه عفو الله " زوزو "
.......................
وصفك هايل يا قلبي وبالتأكيد كان حافز هايل انى اكمل كتابه عن التفاؤل ومتشكره طبعا ومقدرش انكر انك صححتى ليا جمله كنت خرباها لغوياً . امال الاصحاب موجودين ليه علشان نفيد بعض ونقف دايما جنب بعض ربنا يخليكى لينا , بلاش ليا علشان محدش يحسدك
انتى داخله تنورينى يا زوزو مدونتى منغير قرائة الناس الجمال اللي زيك ليست الا ورق مهمل علي صفحات الانترنت , الناس اللي ليها قلب زى قلبك هى اللي بتزينها وبترفع قدرها

احبك الذى أحببتنى فيه
دايما منوره المدونه وحياتى

Maha Shahen يقول...

غير معروف :
..........
الله يسلمك من كل شر انا بخير والحمدلله فى احسن حال , يا رب تكونى انتى كمان بخير وصحه
قعدت افكر فى كلمة فهضحك حتى لو مش من القلب
شكلك حاسه بآسى هايل ربنا يفرج كربك
وخلى يا عزيزتى الكلمه اللي قولتيها دايما قدامك وهى دوام الحال من المحال , تفائلى خير وكونى علي ثقه ان ربنا سبحانه وتعالى جنبك ادعيله
" ضاقت فلما استحكمت حلقاتها فرجت "
لا يكلف الله نفسا الا وسعها فلله الحمد علي كل شىء

مش عارفه اقولك كالعاده دايما منورانى لأن التعليق بغير معروف بيقلقنى ويحيرنى اكتر ما بيسعدنى . بس اقدر اقولك يا رب دايما اشوفك بخير