2009/10/10

بندهلك وحشتينى


وحـشـنـى حـضـنـك أنـتـى وهـمسـاتـك حـبـيـبـتـى
وحـشــانـى مـن زمــــان وبـتـرجـى الـحـنــــــــان
تـضـمـيـنــــى بـأمــان واعـيـــش ويـاكــى أنـتــى

وحـشـانـى يـا حـبـيـبـتـى وحـشـانـى يـاحـبـيـبـتـى
بـتـمـنـى تـرجـعـيـلــى ولـــو لـحـظــات تـجـيـلــى
وبـصـــــوتــــك تـنـدهـيــلــى انــا جـتــــلـك انـــا
لــو اعــرفـلـك مـكــان كـنــت اعـيــــد الـزمـــــان
وأوقـفـه كـمـان عـلـى لـحـظـه فـى حضـنـك أنـتى

وحـشـانـى يـا حـبـيـبـتى وحـشـانـى يـاحـبـيـبـتـى
تـعـالـى شـوفـى حـالى شـوفـى جـراح الـلـيـالـــى
عـايـش عـلـى وهـم غـالـى يـمـكـن تـيـجـى هـنـا
وتـضــمـيـنـــى أنــــــــــــــــــــا
تـعـالـى شـوفـى حـالـى بـعــد عــذاب الـلـيـالــــى
وبـعـــدك إيــه جــرالـى يـومـى يـعــدى بـسـنـــه
هـقــولـك إيـه كـمــان مــن هـمـى والـلـى كــــان
وحـشـانـى مـن زمــان يــا حـبـيـبـتـى انــا هـنـا
بـسـتـنـاكـى انــا بـسـتـنـاكـى انــا


لعدم الأستغراب يعنى انا كتباها لأمى الله يرحمها

لكن انتم تقدرو تهدوها لأى حد تحبوه غايب عنكم

هناك 22 تعليقًا:

حسن حنفى يقول...

ربنا يرحم والدتك يارب

نـــــور يقول...

الله يرحمها :(
ربنا يعوضك عنها خير يارب يانور
ويرحم بابا كمان :(

حياه بلا عنوان يقول...

السلام عليكم ورحمه الله وبركاته
ازيك يانور عامله ايه يارب تكونى بخير
بجد كلمات جميله قوى قوى وربنا يرحمها يارب ويرحم الجميع يارب العالمين
تحياتى

غير معرف يقول...

اللةعليكى يانور جميلة الكلمات انا عيد ميلادى 4 اكتوبر اصا انا برج الميزان العقل كلة والتوازن..معلش يانور انا بكتب لحد اعرفة وهو بيقرا من هنا علشان مش باعرف ابت فى مدونتة اى ايميل لا يقبل بقولة الكليب السمعى جميل وياريت يدينى فرصة اكتب لية فى مدونتة..........

romansy يقول...

الله يرحمها
كلام جميل
من ارق قلب لارق قلب

موناليزا يقول...

ربنا يرحمها ويغفرلها
كلماتك جميلة

yoyo يقول...

صباحك سكر يا نونو

كل دى غيبة
طيب المدونة مش وحشتك ولا حتى حسيتى انك عاوزة تزورى اصحابك واخواتك
انا عارفة انك مشغولة ربنا يعينك يارب
بس على الاقل طمنينا عليك
يارب دايما منورة البلوجر كله يارب

yoyo يقول...

بندهلك و حشتينى
ولا عمرى يوم هاقدر انساكى يا نور عينى
ازاى وانا حتة منك
انا حاسة قلبك معايا وروحك دايما جوايا
بس يا امى محتاجة حضنك يدفينى
محتاجة وجودك اكتر جنبى
من غيرك يسعد قلبى
من غيرك يشفى جراحى
آه يا أمى صعب عليا فراقك
صعب انى انساكى
دايما معايا و جوايا يا احن و اعز الناس
******************

تسلم ايدك يا نور
الله يرحمها يارب
و يجعلها فى جنة الفردوس يارب
يارب يبارك لنا فى امهاتنا يارب
ومش يحرمنا منهم ابدا يارب

حبيبة قلبى تعيشى و تفتكريها على طول يارب
ادعى لها يا نور وتاكدى انها حاسة بيكى
بلاش غياب عشان بتوحشنى
دمتى بالف خير
تحياتى
يويو

الازهرى يقول...

رحمها الله رحمة واسعة واسكنها الرفردوس الاعلى من الجنه

تحياتى وخالص دعائى

yasmina يقول...

السلام عليكم
الله يرحمها يارب
وبجد كلمات حضرتك جمييييييييلة اوى
لانها طالعة فعلا من احساس حضرتك فعلا
تحياتى
سلام

*همسة حب * زوزو يقول...

الله يرحمها يا رب

و انا احب اهديها ليكي

و فعلا وحشاني اوي اوي

mahasen saber يقول...

با حبيبتى ربنا يرحمها برحمته الواسعه ويتغمدها بوافر الرحمه والمغفره


وربنا يكتبك من الباريين بيها دايما ان شاء الله

ربنا يرحمها ويعوضك خير بزوج صالح يكون ليكى نعم الاهل والصاحب

رحمة الله عليها

محمد عبدالرحمن شحاته يقول...

كلمات رائعه
ارجوا تقبل مروري

Maha Shahen يقول...

حسن حنفى:
..........
ويرحم موتى المسلمين جميعا يارب
نورت المدونه

..............................

نور:
....
ربنا يرحمه ويغفرله يا رب وتشوفيه فى اعلى مكانه بالجنه
نورتى المدونه حبيبتى

................................

حياة بلا عنوان:
..............
وعليكم السلام ورحمة الله وبركاته
الله يسلمك يا قمر انا بخير والحمدلله فى احسن حال
فينك يا بنتى غايبه ليه
انا عيزاكى تتهورى فى مره وتيجى تزورينا شبرا هتنور بيكى والله
نورتى المدونه حبيبتى

Maha Shahen يقول...

غير معروف :
..........
الله يكرمك حبيبتى اتمنى مكونش تقلت عليكى بالكلمات اللي كتبتها
ولا يهمك اكتبى ليه هنا زى ما تحبى المدونه مدونتك والبيت بيتك
وانا بضم صوتى لصوتك يا ريت تخليها تقدر تعلق عندك برغم ان دا هيحرمنى من زيارتها بس معلش الاحسن ليها هو اللي يكون
بتمنالك التوفيق دايما
ومنوره المدونه فى اى وقت

...............................

رومانسى:
........
الله يكرمك اتمنى تكون الكلمات لاقت استحسان فعلا
دايما منور المدونه

...............................

موناليزا:
.........
البقاء لله وحدو
ربنا يغفر ويرحم كل اموات المسلمين يا رب
انتى الأجمل من كل الكلمات
نورتى المدونه

................................

يويو :
.......
صحبتشى حبيبتشى
ازيك يا صبحتى وحشتينى موووت خالص مالص
عايزه ارغى معاكى كتير واحكيلك يا اختى
مطولش عليكى
لا قولى طولى
ربنا يخليكى ليا يا رب ويكرمك يا قمرتى ولا يحرمنيش منك
وميرسى علي الكلمات الرقيقه بتاعتك قوليلى لا ميرسى علي واجب بقى ما احنا اصحاب مفيش الكلام الملزق دا بنا
يعنا احنا نجيب شومتين ونسلم علي بعض بيهم ههههههههههههه

Maha Shahen يقول...

الأزهرى:
.......
امين يا رب العالمين وانت وجميع المسلمين يا رب
نورت المدونه

...............................

ياسمينه :
........
وعليكم السلام ورحمة الله وبركاته
ويرحم موتى المسلمين جميعا يا رب
ويجعل قبورهم روضه من رياض الجنه
وميرسى علي زوقك فى وصف الكلمات انها جميله
ويا ريت بلاش حضرتك حتى لو فرق كبير فى السن برغم انى مش عجوزه قوى كدا
دايما منوره المدونه يا عزيزتى واهلا بيكى فى كل وقت

.............................

زوزو حبيبتى ونور عينى :
....................
دايما بقولك يا نور عينى علشان انتى اجمل ما فى الحياه لما تقع عينى عليكى اشوف الصفاء والنقاء واجمل ما فى الكون من مشاعر تجمعت بداخل انسان اخلاق وتدين ما شاء الله عليكى بقولها اهو لحد يحسدك ولا حاجه يا قلبي
انتى كمان وحشانى موووت والله
وبهديلك الكلمه الاخيره اللي علمتهالى بس صعب اكتبها اصلا مبعرفش انطقها هههههههههههههه

.................................

محاسن صابر :
............
اللهم امين يا قمرتى
متشكره جدا علي الدعوات الجميله دى ربنا يبارك فيكى حبيبتى
نورتى المدونه واسعدنى مروروك وتعليقك

..................................

محمد عبد الرحمن شحاته :
.....................
متشكره علي المجامله الرقيقه
منور المدونه بمرورك وتعليقك

غير معرف يقول...

مش عارفة اقول اية بتتكلم وتحكم من طرف واحد انا بفتح كدة فى صدفة لقيت حد معلق كام تعليق ورا بعض بقرا لقيت دة اسلوبك استغربت من الكلام المكتوب جدا فية كلب.... وكلام مش ممكن وكمل قراءة لقيت لك مدونات كتيرة جدااااااااااااقلت اذا كنت انا معملتش حاجة ولا حاعمل وبتكتب كدة امال لو عملت حتقول اية انا مش ممكن اعمل حاجة غلط انتة حد غامض وبعدين مش بتسمحلى اعلق لية فية ايةبتقارن نفسك بيا ازاى ليا ظروفى عموما انا مش بدخل اى مكان غير انى لقيت مدونتى ملخبطة دخلت مدونة خدمية علشان اسال وعموما ربنا يسعدك ويوفقك يمكن فى يوم تقول قابلت حد محترم كان ادامة فرصة يعمل غلط ومعملش.......

غير معرف يقول...

مش عارفة حتشوف رسالتى دى ولا اية الله اعلم

Maha Shahen يقول...

غير معروف :
...........
انا مش فاهمه فى ايه ولا لمين الكلام دا واصلا ذهلت لما شوفته وكمان عندى لأنه تقريبا موجه من بنوته لولد !!؟؟
بس افتكرت ان فى حد طلب منى انه هيسيب تعليقات هنا لشخص تانى وانا وافقت بس مش توصل لحد الشتايم ... كدا مينفعش
انا هسبلك التعليق يمكن الشخص اللي موجهه له الكلام دا يوصله بس هلغيه بعد فتره ومن فضلك متعلقيش تانى بشىء فيه شتايم او من فضلك تقدرى تعلقى فى مدونة الشخص دا بغير معروف معتقدش هيكون فيها مشكله وقتها لأنه هيكون التوقيع غير معروف

ريمان يقول...

ربنا يرحم والدتك يا رب

ويجمعك بيها فى الفردوس الاعلى ان شاء الله


كلماتك جميله

محبة للحبيب محمد صلى الله عليه وسلم يقول...

ربنا يرحمها يانور ويعوضك بكل خير يارب

Ahmed Fawzy يقول...

رحم الله أمك و أموات المسلمين أجمعين