2009/06/09

كـــــــدابـــــه



كـــــــــدابه .. اه كـــــــــــدابه .. لكن زى العسل يابـا

كــــــــــدابه .. اه كـــــــــــدابه .. لكــن بتحـب بطيابـه

ويشفعلك حنينى إليكى .. ويشفعلك اه خوفى عليكـــى

ولما بغيب كتير عنك واشوف حبـك دا فـى عنيكـــــى

واجيلك جرى وأضمك وأحس برعشـه فـى أيديكـــى

ولـو أسئــل أنــا وحـشتـك تـقـولى لأ بغـــرابـــــــــــه

كـــــــــدابه .. اه كـــــــــــدابه .. لكن زى العسل يابـا

كــــــــــدابه .. اه كـــــــــــدابه .. لكــن بتحـب بطيابـه

فى وسط الناس أشوف طيفك واسرح فيكى بخيالى

وفـجأه تظـهــرى جمبى وابوح ليكى بأســــــرارى

واقولـك اننــــا عشقـتــك وحبـك جنتــى ونــــــارى

وتـبـتـسـمـــى تـقـولـيـلـى وحـبـيـت ليه وانا مـــالـى

كـــــــــدابه .. اه كـــــــــــدابه .. لكن زى العسل يابـا

كــــــــــدابه .. اه كـــــــــــدابه .. لكــن بتحـب بطيابـه


واقـول لازم اعـلـمـهــــا وبـغـيـابــى راح آلمــــهــــا

ولـمـا تـعــدى وتــســلــم واقـول أبـــدا مــا اكلـمـــهـا

تـقـولـى لـيـه بـقـى زعـــلان كـأن القسـوه مش مـنها

كـــمـان بـتـقـولــى عــديـهــا يــا رب ازاى افـهـمهـا

واصــــــرخ والله بـحـبــــــــك تـقـولــى لأ كـمـلـهــا

هـــروح لأبــوكــى واقــولها وخطــوه لازم اعـملها

لـقـتـهـا قـالـتـلـى لأ طـبـعـا لـكـن مـمكـن نـــأجلـهــا

وقـــف قلبـــى وصدمتنـى وكنت خلاص راح اقتلها

بـقـــت تضحــــك اه يا ويلـــى من الحــب وعميلهــا

كـــــــــدابه .. اه كـــــــــــدابه .. لكن زى العسل يابـا

كــــــــــدابه .. اه كـــــــــــدابه .. لكــن بتحـب بطيابـه

هناك 42 تعليقًا:

غير معرف يقول...

حمد لله على السلامة...يانورررروعدتُكِ..

أنْ لا أعودَ .. وعُدْتْ..

وأنْ لا أموتَ اشتياقاً..

ومُتّ..

وعدتُ بأشياءَ أكبرَ منّي

فماذا بنفسي فعلتْ؟

لقد كنتُ أكذبُ من شدّة الصدقِ،

والحمدُ للهِ أنّي كذبتْ

nour shahen يقول...

الله يسلمك ومتشكره جدا علي الكلمات الرقيقه والجميله وكتير عجبتنى
بس كنت احب اللي يعلق يسيب اسم ولو رمز ليه
عامة المدونه نورت

ماء تشرين يقول...

جميل اوى بجد

تقبل مرورى

yoyo يقول...

مسائك سكر يا حتة السكر

و حشتنى جدا جدا يا نوارة قلبى
حمد لله على سلامتك يا قمر
نورت مدونتك و يارب دايما منور عالم التدوين كله يااااااااااارب

كدابة
اممممممم مرة واحدة كدا
بس قلبها طيب و زى العسل و كلها طيابه على رايك

بس ليه يا ترى كدابة؟!
هى خايفة تقول انها بتحب بصراحة ؟!
خايفة تعيش و تسلم و تخلى قلبها لوحده يتكلم ؟!
خاقفة تعيش فى الجنة و تحلم بنعيمها و فجأة تصحى تلاقى الجرح هو اللى باقيلها ؟!
يبقى لازم تكون على طول كدابة

بس الحب جواها هيكبر و الامان فى قلبها يسكن وقتها تجرى عليه و تقوله ايوه بحبك و بس خلاص من النهاردة مش هاكون كدابة


كلمات حلوة اوى يا نور من بعد غياب
مش تغيب علينا تانى يا قمر
انا عارفة والله ربنا يعينك و يقويك
دمتى اختى بالف خير وصحة
تحياتى
يويو

شمس النهار يقول...

حمد الله علي السلامه
نورتي البلوجر
الغيبه كانت طويله
بس العوده قويه

حلوه الكلمات وبسيطه جدا
ورقيقه

Sweet Violet يقول...

الكلمات حلوة

بس مافهمتش هى كدابة ليه بردو ^_^

صدفة جميلة يقول...

السلام عليكم ورحمة الله وبركاته
اولا:مرسى جدا على تعليقاتك الجميلة الرقيقه ان دلت دلت على شخصيه مجمله جدااااااا
ثانيا:ليه نكون كدبين منصارح حببنا بحبنا بدل منفقده ونرجع نقول هو السبب حاسسيه انك بتحبيه وانك زيه بلاش الردود الدبلوماسيه والخوف من اظهار المشاعر
احث اليكى الخطى والوذ بباحة دفئك
فانت مرافىء ايامى الجانحه وانت النمارق المصفوفه والزرابى المبثوثه
واقسم بالخبز والملح واقسم بالحب والجرح بان الطموح الى غير النظر الى عينيكى لهو ومضيعة للزمن
واقسم بان الطريق من دونك خوف
وان عيونك ليست ككل العيون وليس مثلك كل النساء وحين اصطفاكى القلب اصطفى الشجن المر والسهر المتطاول
فيامراة من عبير الورد ويامراة من نور .............................................................................................................................................
وحين ارى تعليقك اصاب بداء التمدد فى دفىء عينيكى شوقا
وداء تعاطى الارق خوفا من رحيلك
فاشطر نصفين نصف يراكى واخر يذوب على صفحات الورق.
دى مخصوص ليكى ياريت تقبلينى صديق اسف على اول تعليق بس بجد لحد الان مش عارف جه تلات تعليقات ازاى ياترى هاشوف ليكى تعليق تانى ولا هاتنسينى

ABOALI يقول...

الله على الكدب وحلاوته
الله عليه لما حروفه
تنادى ضمة وكسرة وفتحة
وتعيد تشكيل الكلمة بحرفة


كنت مستمتع وانا اقرء
حاسسس انى انا الحبيب وده اللى بيتعمل فيا

بس انا مستعذبه و وعاوزه

الحقيقة جميل
ياااااااااااااا كدابه
ليه مكدبتيش من زمان


تحياتى

غير معرف يقول...

مش عارفة انا مين بجد يانور ..صحيح اصل فية ناس علقت بغير معرف فى البوست اللى فات بس مش انا..لو اقدر اكتب اسمى ماترددت ..بس مينفعش ..

ماما يقول...

كلام جميل وواقعى
وبيحصل كتير
بس انت عبرت عنه بطريقه رائعه
تحياتى

خوروبق يقول...

كلام جميل ( وزن وقافية ومعانى )
بس صحيح هو الواحد ممكن يحب حد كداب ؟

أرجو قبول مرورى
وعايز أعرف رأيك فى الكلام ده :
فيها إيه لو يعشق قلبى ويعرف إنى بفكر
فيه
فيها إيه لو قرب منى وجرب شوقى وطول
لياليه
لو مرة ينادى عليا وقلبى يرد يقوله
شارييه
أو يسهر ليلة من لياليا يفكر فى اللى
ناسيه
يا حبيبى أنا قلبى بيعشق قلبك
وانت كمان مشتاق
مشتاق لحبيب يحس بحبك ويطفى الاشواق
يوهب لك عمره وكل حياته
وما يعرفش فراق
يا حبيبى أنا عارف إنك حاسس
حبى وشوقى لعينيك
ما تطاوع حبك واسأل قلبك
دور ع اللى شاريك
دا أنا كل ما احاول أبعد عنك
أرجع أقرب ليك
أرجو معرفة رأيك ...مع حبى واحترامى

وميض ابتسامة يقول...

انا مش بخاف الا من الحب ده ..!!

يعنى هى كدابة وانا عارف ومتأكد .. لكن لا املك الا ان احبها ..!!

عموما الحالة دى موجودة دائما وابدا ..

وبعيدا عن الفذلكة عاليه .. الكلمات جميلة وقد تصلح اغنية .. فاللهجة العامية فيها فيها موسيقى واسترسال

خالص تحياتى ومودتى

كيــــــــــــارا يقول...

كلمات جميله بس ازاي كدابة وبتحب بطيابة :)

التكعيبة للتنمية الفنية و الثقافية يقول...

مهرجان النشر الجماعى الاول

تقيم التكعيبة للتنمية الفنية و الثقافية مهرجان سنوي للنشر الجماعي للقصة و القصة القصيرة و الشعر بالعامية و الفصحى، سيكون موسمه الأول هو عام 2009.

و مفهوم النشر الجماعي هو مجموعة قصصية أو مجموعة شعرية لأكثر من مؤلف بين ضفتي كتاب واحد يجمع تلك الأعمال التي سيتم اختيارها عن طريق لجنة تحكيم في كل مجال على حدا، و يتم تحديد أعضاء اللجنة لكل دورة مهرجان.
و يصدر بتلك الأعمال مطبوع/ كتابين أحدهما للقصة و الآخر للشعر سيتم نشره في عامه الأول بالتعاون مع دار دَون، و يتم توزيعه و بيعه في الأسواق
لمساعدة الكتاب أصحاب العمل الواحد و كذا الكتاب الجدد الذين لم تتكون لديهم مجموعة قصصية أو شعرية بعد، في نشر أعمالهم المميزة بدون مقابل مادى

و ترسل الأعمال مرفق بها اسم الكاتب، عنوانه,رقم تليفونه,ايميله، وظيفته، سنه، سابقة نشره للعمل المقدم من عدمه او فوز العمل فى اى مسابقات ادبية
و ذلك في رسالة إلكترونية معنونه باسم المجال الذي يريد المشاركة في مسابقته مرفق بالرسالة العمل بصيغة وورد، و يفضل أن تكون تلك الأعمال مسجلة باسم أصحابها لكنه ليس شرطا لقبول العمل

ترسل الاعمال على ايميل
nashrgama3y@gmail.com

لمزيد من المعلومات حول المهرجان
http://eltak3eiba.blogspot.com
او
http://www.facebook.com/group.php?gid=94334335985#/group.php?gid=94334335985

مزيد من المعلومات حول التكعيبة
http://www.facebook.com/groups.php?ref=sb#/group.php?gid=29491316206

ملاحظات :
الاعمال المشاركة بالمهرجان هى فقط التى ترسل عبر الايميل او تسلم باليد
مسموح بالاشتراك بأكثر من عمل فى اى مجال
اخر موعد لتلقى الاعمال 15-7-2009

مع تمنياتنا للجميع بفرصة عادلة فى النشر
احمد حسن
0193953620
رقم محمول داخل جمهورية مصر العربية

همس الاحباب يقول...

رائع جدا
تسلم الايادى
كلمات رقيقة وبسيطه جدا لكن رائعة
دمتى مبدعة
الضاحكون
همس الاحباب

nour shahen يقول...

ماء تشرين :
...........
بتمنى تكون عجبتك ولقد تقبلته بس ابقى انثيها المره الجايه معلش اصلى بعتز جدا بأنوثتى ههههههههههه
نورتى المدونه

.................................
يويو
.....
حياتى المسكره وحشانى موووووت يا هرابه
ملناش ايميل يلمنا يا بت انتى ولا ايه
سؤال غريب مجاوبش عليه طيب اجاوب علي ايه وانتى جاوبتى يا اختشى قوليلى بس
ودومتى يا ريت لو رغيف معاها جعانه هههههههههههههه انا مش غايبه يا قلبي لكن مطحونه رفعين حالة طوارىء أ خ ج يا خراشى يعنى اخويا جاى وانتى عارفه بقى منورانى دايما يا سكرتى

..................................

شمس النهار
..........
شموسه ازيك يا قمر واخبار مطبخك ايه
كلها شهر وادخل زياره لمطبخك عملى بقى مش نظرى
ربنا يخليكى للغلابه اللي زيينا يا شموسه يا رب
نورتى المدونه يا قمرتى والحمدلله انها عجبتك

..................................


Sweet Violet:
.................
كدابه لأن الحب بقى جنان ومفيش شىء مضمون مينفعش معاه غير الكدب من ورا قلبك عامة مش مهم غير اللى فى القلب بالذات لما يظهر علي الملامح مفيش اصدق من كدا حتى لو كدابه

................................

صدفه جميله
......... وبالفعل كانت صدفه جميله وان شاء الله اتابع زى الاول بكل اهتمام
ومدونتك اول المدونات بالتأكيد انا اطول يا خراشى انا بجد بجد عجبتنى جدا مدونتك ومش ممكن اتنازل عن تواجدى فيها دايما وابدا
وبالنسبه لأنى بحبه فدى خواطر ههههههههه طلعت اوت معلش
برغم صعوبة الكلام علي عقليه مثلى الا ان كل اللي كتبته عجبنى ولو ان فى اكتر من كلمه معرفش معناها ومتشكره جدا علي الكلمات الرائعه وهحاول اتعلم منكم وابطل اكتب بالعاميه ونورت المدونه

................................

ابو على
........
الكداب بيروح النار يا ابو على
برغم ان ايامنا دى كتير بيروح مارينا بس اكيد فى يوم من الايام هيروح النار
وبشكرك للمسانده القويه والتشجيع ودايما منور المدونه بطلتك ورأيك اللي بنتظره بفارغ الصبر

.................................

غير معروف
.........
هو للدرجادى صعبه الحكايه ثم انا قولت ضيف ولو رمز مش لازم اسم صريح بس هو انا ليه دايما محسسنى انى عمله عمله كدا هههههههههههه كل الناس بتتعامل بغموض انا مش جيمس بوند هعرف واقعد افكر بينى وبينك انا كتير الفضول مش بيجيلى لأنه لو جالى الضغط بيعلى ولا عيزنى اموت بدرى يعنى ولا ايه
عامة نورت المدونه ولتانى مره بشكرك علي الكلمات الرقيقه اللي اهدتهالى

nour shahen يقول...

ماما
..... خير الكلام ما قل ودل ودايما منوره المدونه ويا رب افضل عند حسن ظنك فيا

.................................

خوروبق:
........
هو قبل ما ارد يعنى هو معنى اسم حضرتك ايه ولا بيتنطق ازاى صعبه الحكايه عليا قوى صراحه
تقريبا هرد اقولك نفس اللي قولتهولى كلام جميل وزن وقافيه ومعانى وتنفع اغنيه جميله جدا واكيد انت حد موهوب قوى بتمنالك التوفيق دايما ونورت المدونه

................................

وميض ابتسامه
.............
ليه بس يا استاذى العزيز
ويأتى بعد الخوف تشجيع يعنى استمر ولا ابطل دوشه ولا ايه ههههههههههههههه
ولو علي تنفع اغنيه فأنا متمناش تنفع ابدا الحكايه مش ناقصه ذنوب
بتمنى تكون عجبتك كلماتى ودايما مزدهره المدونه بتواجدك الغالى

.................................

كيارا:
......
عودنا للماضه امرى الى الله يا وحشانى موووت اقولك ازاى كدابه وبتحب بطيابه
وبعد كدا اللي يرفع صباعه ويسئل سؤال زميله ميعدش طرح السؤال تانى والا هشيل منكم ورق الاسئله بقى هههههههههههههههه مش بعيده
المهم شوفى يا قمرتى مش مهم تكون كدابه او لا لأن كدب اللسان يفرق كتير عن كدب القلب او الكدب فى المشاعر كفايا انه باين عليها انها بتحبه حتى لو بتحاول تنكر بأسرع وسيله وهى الهزار لكن من طيبتها يا اختشى مش بتعرف تكدب وهذا ملاحظ لأن طريقتها الوحيده فى الكدب هى انها تبعد عن الموضوع بضحكه اتمنى اكون اتفذلكت وتوهتك ومتوصلتيش لشىء ههههههههههه
نورتى المدونه يا حياتى

.................................

التكعيبه للتنميه الفنيه والثقافيه:
...................................
كلام جميل وكلام معقول مقدرش اقول حاجه عنه
لكن خيال عقلى الموهوم شايف خطر قدام منه هههههههههههههههههه
تقولى ازاى ... اقولك علي طول انا احب اللي يسئلنى
لما روحت الوك لكه عند حضرتك لقيت انك لسه عامل المدونه حديثا ومفيهاش غير نفس الكلام اللي منشور هنا ومش عارفه مدى صحته وبصراحه انا بخاف علي ابدعاتى ههههههههههههه لتنسرق ولا حاجه هو الخواطر بعزقه اتمنى الاقى اى شىء يؤكد صحة ما ورد بشأن هذا الاعلان ومن كل قلبى حد يطول يتنشر ليه يا ولاد

................................

همس الاحباب
.......... مصدقتش عنيا ففضلت افرك فيهم لما قربت اتحول والحكايه مش بعيده عليا وسألتهم
بتقولو مين يا ولاد همس الاحباب عندنا يا مرحلا يا مرحلا
وكمان بيشكر فى كلمتين الخواطر بتوعى مش قادره اصدق عنيا هغنى اهو هههههههههههههه
بجد نورت المدونه

كيــــــــــــارا يقول...

عااااااااااااااااااااااااااااااااااا


انا مث لمضه بقي

وبحدين كله انكشفن وبااااااااااان

محرفتيش تخبى حليا

هأهأهأهأ

كيــــــــــــارا يقول...

وانتي كمان وحشاني موت موت موت

nour shahen يقول...

كيارا
.........
فكرينى المره الجايه ابقى اتفذلك اكتر يمكن اتوهك ههههههههههههه
فينك يا بنتى مختفيه ليه ولا خلاص بعد ما انشهرتى قاطعتينا قولى ولا تخبيش يا مشهور

ميرام يقول...

(:
جميلة بجدد
(:
عجبتني ..
أنتظر جديدك ..
خالص تقديري ..
(:

كيــــــــــــارا يقول...

قاطعطكم ايه بس استني انزل الاسكاي بي ادعي افتكر المييييييييييييييييييل

وفاء بركات يقول...

الإحتياط واجب مهو برضه لازم تتأكد
حقها .. عجباني قوى البنت دى بنت أمها حوا بصحيح ..
يعني تصدقه هي وبعدين يطلع أنه بيضحك عليها وتشرب هي من كاس العذاب .
بس يعني خليها متسوقش فيها للواد يطير منها
تحياتي

غير معرف يقول...

عموما يانور انا حريحك خالص وعمرى ماحدخل مدونتك دى تانى ولا حاول اقرء ليكى وخليكى عارفة ان لو حد كتب من غير معرف تانى مش انا بكره اسلوب التجاهل والطريقة البايخة دى بس كان فية حاجة عايزة افهمك بس مش مهم ...مفيش داعى..انتى اصلا مش فاهمة حاجة اساسا ..برضة مش مهم

nour shahen يقول...

ميرام :
........
أنتى الأجمل يا قمرتى يسعدنا جدا انها عجبتك
ويا رب الجديد اللي اكتبه يعجبك
نورتى المدونه

..............................

كيارا :
.........
الله يكون فى عونك يا كوكى شكل منامينو عداكى
بس الحمدلله صبرتى وافتكرتى شطوره
لسه فى أمل هههههههههههههههه

..............................

وفاء بركات :
..............
فوفا الجميله وحشتينى وحشتينى
وكلكم وحشنى والله بجد بقولها من قلبى
وعيونى حاضر هقولها متسوقش فيها عشان مش يطير ههههههههههههههه
وكمان هقولها تقصقص ريشه اول بأول
ولا بلاش منه من اساسه بدل ما يجيلها انفلوزا الطيور
دايما منوره المدونه يا فوفا

nour shahen يقول...

غير معروف :
...........
والله انا لا عاملتك بتجاهل ولا شىء وعاملتك بكل أحترام بعدين انا كنت بهزر معاك او معاكى
أنا مش قادره اتوصل انت ولد ولا بنت
عايزنى أفهم وأفهم ايه بس هو انت قولت شىء يتفهم
انت اصلا مش عايز تفهمنى حاجه طيب كان أيه لزمت كل التعليقات دى مش عرفانى بجد ومقدرش اقولك انا مين
بعدين مليون حد بعرفه ومعرفهوش بيكتب بغير معروف من حقك تكتب لكن مش تفهمنى غلط أنا عمرى ما اتعاملت مع حد بتجاهل لأنه مش اسلوبى
ولو مش حابب تدخل المدونه صحيح انا هخسرك بس أكيد انت حر مش هفرض عليك تقرأ ليا فى اكتر من مليون مدونه واحسن الف مره من مدونتى
وبشكرك علي الشعر اللي سبته فى اول تعليق
وللمره المليون هقولك نورت المدونه

صدفة جميلة يقول...

السلام عليكم
ايه ياستى مفيش جديد
على العموم معاكى انا كمان بكره بقايا انسان بس دا شعور بيمر بيه اى انسان
كمان يعنى لو يعنى هاتزورينى وتشوفى اخر ماكتبت لانى بجد مستنى رايك لو تكرمتى

rovy يقول...

السلام عليكم
ازيك يا نور ؟ يارب تكونى بكل خير دائما حبيبتى .. وحشااااانى جدااا
البوست جميل و كلماته جميله و رقيقه
تسلم ايديك يا قمر

تحياتى

جريدة الصباح العربي يقول...

شارك معنا باختيار القصيدة او الخاطرة الافضل


عادل فاروق
صورة في برواز
http://sabaharabi.blogspot.com/2009/06/blog-post_3522.html

عبد الله العباسي
ألم بلا أمل
http://sabaharabi.blogspot.com/2009/06/blog-post_9605.html

د/ ايمان مكاوي
ابحث عنك
http://sabaharabi.blogspot.com/2009/06/blog-post_158.html

ايهاب سيد
خائن
http://sabaharabi.blogspot.com/2009/06/blog-post_6557.html

حليس حورية نصيرة
ذكريني
http://sabaharabi.blogspot.com/2009/06/blog-post_5130.html

انتصار طايل
اتوكأ بعصا الحب
http://sabaharabi.blogspot.com/2009/06/blog-post_6044.html

اسلام محمود
بتنساني وبتسبني
http://sabaharabi.blogspot.com/2009/06/blog-post_5269.html

اسراء حامد
لخبطة
http://sabaharabi.blogspot.com/2009/06/blog-post_7682.html

مصطفى محمود
عرفتِ اليوم آياتي
http://sabaharabi.blogspot.com/2009/06/blog-post_9758.html

sky angle
اترك لي هذا المكان
http://sabaharabi.blogspot.com/2009/06/blog-post_13.html

..........................................................................................
جروب جريدة الصباح العربي على الفيس بوك
http://www.facebook.com/groups/edit.php?success=1&customize&gid=78080770039#/group.php?gid=78080770039

تحياتي وتمنياتي للجميع بالتوفيق

صدفة جميلة يقول...

السلام عليكم ورحمة الله وبركاته
اين الجديد اتمنى ان يكون المانع خير يارب كذلك كنت انتظر تعليقك على اخر مكاكتبت لكن للاسف فاسال الله ان تكونى بخير
كمان انا لغيت التدقيق الاملائى علشانك ومستنى تعليقك

صدفة جميلة يقول...

السلام عليكم ورحمة الله وبركاته
اين الجديد اتمنى ان يكون المانع خير يارب كذلك كنت انتظر تعليقك على اخر مكاكتبت لكن للاسف فاسال الله ان تكونى بخير
كمان انا لغيت التدقيق الاملائى علشانك ومستنى تعليقك

صدفة جميلة يقول...

السلام عليكم ورحمة الله وبركاته
اين الجديد اتمنى ان يكون المانع خير يارب كذلك كنت انتظر تعليقك على اخر مكاكتبت لكن للاسف فاسال الله ان تكونى بخير
كمان انا لغيت التدقيق الاملائى علشانك ومستنى تعليقك

صدفة جميلة يقول...
أزال المؤلف هذا التعليق.
صدفة جميلة يقول...
أزال المؤلف هذا التعليق.
ذو الوجه المبتسم يقول...

السلام عليكم
حمدلله على السلامة
الكلمات جميلة
لكن قولى لى
هى مين دى الكدابة اللى زي العسل
هههههههههههههه

تقبلى تحياتى

حمادة زيدان يقول...

ماشاء الله عليك
اسلوبك حلو اوى
انا وانا بقراها حاسس انى سامعها والله او سامعك وانت بتلقيها
تسلم يا جميل

حياه بلا عنوان يقول...

السلام عليكم نور ازيك البوست جميل قوى بس هى ليه كدابه بقا علشان مش فاهمه قوى بس المهم انك نورتى البلوجر تانى وبقولك الف مبروك مقدما تحياتى ليكى

غير معرف يقول...

ليه لية كدة حرمتنى حتى من انى اعبر عن راى عايزنى اكتب اميل ليةكنت عايزة اوضح حاجات انتى كتبتيها غلط...عموما اتمنى لك السعادة ..والصحة ..دوما

غير معرف يقول...

كلمات الاخ غير معروف اللى فى الاول دى من قصيدة من اروع قصائد نزار قبانى

وبقتها وعدت بألا اقدم وردا والا اتلفن وألا أبوس يديك
وقدمت وردا على الرغم منى وتلفنت ليلا على الرغم منى وبوستك من بين عينيك حتى شبعت
وعدت بألاوألاوألا وعدت بأشياء أكبر منى فماذا بنفسى فعلت

وفاء بركات يقول...

إزيك يانور وحشتيني جدا
لك مني الف سلام

غير معرف يقول...

نور معلش التعليق دة لصدفة جميلة نفسى افهم قراءت ردك على تعليق بتقول ان القصة دى غير واقعية لكن اللى محيرنى..ان الحوار اللى بين هو وهى اعرفة..جيدا لسة بقرا باقى المدونة وقفلت التعليقات بغير معرف لية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ

نـــــــــــــور يقول...

ازيك يانووووووووووور

تصدقى كلماتك فكرتنى بمحمد منير مش عارفه ليه!!
حسيت انه ممكن يغنيها :)

يارب تكونى مبسوطه فى شغلك ياجميل