ليــــــــه سيرتك
لمـا تيجى بتلف الدنيا بيا
ليه اسمك لو سمعته
علي طول تدمع عنيا
واقـول كـــان
لى حبيب كان كل الدنيا ليا
وفرقنا النصيب
ولا اقـولــش غـدرت بيا
الجرح فى قلبى بان مبقتش قادره اخفيـه
وسألونى بملامــــه ليـه باقيه لسـه عليـه
فـــأكدب واقــول نسيته مبقتش افكر فيه
يعـــودو ويسألونى كـان أسـم حبيبك إيه
يــا ناس حــرام عليكــم سـبونى بلى فيا
جـايـيـن
تصبـــرونى ولا جايـيـن علـيـا
هناك 6 تعليقات:
بصراحة هما جايين عليكي وانا عارفة
بس مكنتش عايزة أقولك ع الحقيقة المرة دي هههههههههه
جميل يا جميلة :)
شعر عامى رائع
رومانسى رقيق
خالص تقديرى واحتراماتى
المشخصاتيه صولا :
................
رخامة معتمده يعنى هههههههه طيب مش تقوليلى ينفع تسبينى على عمايا كدا .. هى دى الصداقه يا ابو سوسو
بفرح جدا بتواجدك عندى
منورانى يا قلبي والله
مدونة الفرسان :
...............
متشكره جدا لذوق حضرتك , اعتقد دى اول مره تشرفنى لأنى مهما كتبت قليل مبنساش المتواجدين , واكيد منور المدونه وان شاء الله متكونش المره الاخيرة
السلام عليكم ورحمة الله و بركاته
ازيك يا نونو يارب تكونى بخير يارب
بزمتك مش ساعات بنفرح بالرخامة دى لأنها بتدينا فرصة نعيش لحظات أنتهت من جديد و نحس بيها نفس الإحساس القديم
دام قلبك بخير فى حفظ الله
الملاك :
.........
وعليكم السلام ورحمة الله وبركاته
بخير يا قلبى طول ما انتى كويسه وبخير , منورانى يا نونا وحشتنى طلتك والله
هو فى اجمل من اننا نرخم علي بعض هههههه ولا نلحق اول تعليق زى زمان يااااه والله كانت ايام جميله ربنا يعودها بخير علينا بقى
دومتى ليا اغلى صديقه
إرسال تعليق