غريبه قصه الدمعه ساعه تصبر على الالم واوقات تحيى الجراح والندم
مش عارفه ليه لقيت نفسى بقارن بين الدمعه والدم الاتنين طعمهم مالح ودافى
اوقات تشعر ان قلبك بيموت برغم ان انفاسك داخله وطالعه بتأكد انك حى
واوقات بتبكى وانت فاكر انك بتهون علي نفسك برغم ان صراخك وحرقتك باينه فى التنهيده
اضطراب انفاسك بصدرك زى صخره بيعصف بيها موج البحر
عيونك اللي بيصعب انها تركز علي مكان وكأنك فى طريق فقدانك لحاسه البصر
وبتلمح طيف من كل صوره كأنك بتودع ذكرياتك وبتعلن الرحيل
ومحاولاتك للسيطره علي الدموع وفشلك فى ردعها وكأنها سيل قرر يغرق مدينة الاحزان
اللى دايما تروى اراضيها بدمك , مدينة الاحزان اللي ساكنه بين ضلوعك
مدينة اخلتها من البشر لكن كل انسان حب يسيب ذكرى ليه بمكانه القديم
اللي حفر حرف اسمه بالنار علي الجدران , واللي كتب قصته بالدم علي بابها
واللي ساب ورقه طيرتها رياح الخوف , واللي زرع ورده داستها رجلين الظلم
مآسى ومدينة مهجوره هتطهرها امواج السيل
وتتركها تحى نفسها من جديد بأبهى صوره كانت عليها اول مره اتشكلت
غريبه قصه الدمعه لما تبدأ بهدوء وتشتعل زى ثوره ومع ذلك تنتهى فى سكون وصمت
مش عارفه ليه لقيت نفسى بقارن بين الدمعه والدم الاتنين طعمهم مالح ودافى
اوقات تشعر ان قلبك بيموت برغم ان انفاسك داخله وطالعه بتأكد انك حى
واوقات بتبكى وانت فاكر انك بتهون علي نفسك برغم ان صراخك وحرقتك باينه فى التنهيده
اضطراب انفاسك بصدرك زى صخره بيعصف بيها موج البحر
عيونك اللي بيصعب انها تركز علي مكان وكأنك فى طريق فقدانك لحاسه البصر
وبتلمح طيف من كل صوره كأنك بتودع ذكرياتك وبتعلن الرحيل
ومحاولاتك للسيطره علي الدموع وفشلك فى ردعها وكأنها سيل قرر يغرق مدينة الاحزان
اللى دايما تروى اراضيها بدمك , مدينة الاحزان اللي ساكنه بين ضلوعك
مدينة اخلتها من البشر لكن كل انسان حب يسيب ذكرى ليه بمكانه القديم
اللي حفر حرف اسمه بالنار علي الجدران , واللي كتب قصته بالدم علي بابها
واللي ساب ورقه طيرتها رياح الخوف , واللي زرع ورده داستها رجلين الظلم
مآسى ومدينة مهجوره هتطهرها امواج السيل
وتتركها تحى نفسها من جديد بأبهى صوره كانت عليها اول مره اتشكلت
غريبه قصه الدمعه لما تبدأ بهدوء وتشتعل زى ثوره ومع ذلك تنتهى فى سكون وصمت
هناك 25 تعليقًا:
بجد والله والله مش مجامله بس فعلا رغم قسوه كلامه ومراره تفكيرك بس قدرتى تعبرى عنها صح وكانك بتوصفى احساسى بيها بجد روعه مش مجامله ربنا يبعد عنك كل هم وحزن يا رب ويفرح قلبك دايما ويباركلك فى عمرك حببتى
بجد والله والله مش مجامله بس فعلا رغم قسوه كلامه ومراره تفكيرك بس قدرتى تعبرى عنها صح وكانك بتوصفى احساسى بيها بجد روعه مش مجامله ربنا يبعد عنك كل هم وحزن يا رب ويفرح قلبك دايما ويباركلك فى عمرك حببتى
أكيد فعلا حاجة صعبة جدا جدا وخصوصا لو بتحسي بيها من جواكي بعمني انتي الوحيدة الي حساها بحرقتها وحرارتها جواكي ومش قادرة تقولي لحد عنها
يارب تكوني بخير يا نور
كلا مك صعب للغايه
بس ما احلى الدموع
فى حضن
من
تشعر معه
بالامان
دمتى
بعز
فعلا غريبة قصة الدمعة
تسلم ايدك يا قلبي ابدعتي في الوصف
و ان كان شويا فيه نبرة نبرة حزن
ربنا ما يجيب احزان يا حياتي
على فكرة وحشاني اوي بجد
تحياتي
مالك يانور
قلقتيني عليكي اوووووووووووي
السلام عليكم ورحمه الله وبركاته
كل سنه وانتي طيبه
عامله ايه
كلامك صعب اوي وفيه قسوه بس واقعي بس ليه مجبتيش سيره دفعه الفرح هي طلبه كئابه والا ايه
ربنا يسعدك ويبعد عنك دموع الحزن والجرح والندم تكون دمعه سعاده ماشي
دومتي بخير
كلمات جبارة
ومنتقاه بعنايه من خضم احاسيس قويه
بس حتي الدمعه ساعات كتير بتعصي العين انها تفرط فيها
تحياتي
كلمات جميله رغم انها حزينه
الدمعه ساعه تصبر على الالم واوقات تحيى الجراح والندم
الله على كلامك
حياه:
.....
اتمنى اكون قدرت اعبر فعلا بجد كان نفسى اقول اكتر لأن قصة الدمعه قصه غريبه احيانا بتبقى مريحه اوقات تحير بجد
الله يكرمك يا حبيبتى يا رب ويباركلى فيكى وميحرمنيش من دعواتك ليا وارجوكى لبى دعوتى بقى وهاتى الولاد وتعالى
غير معروف:
.........
انا بخير والحمدلله واستغربت لتعليقك اكتر ما اعجبنى لأنها وصف جديد لشعور الانسان بقسوة الدمعه لما تصبح حبيسه جواه
بشكرك لتعليقك ومرورك
محمود.باحث عن الحب:
.................
اكيد قرب انسان بنعزه او بنحبه بيهون علينا كتير جدا بيضيع المراره والالم وبيواسى ويمكن يلغى اثر الدمعه من اساسها
اسعدنى مرورك وتعليقك
الطالبه عفو الله.زوزو:
....................
علي فكره انتى بت بكاشه وانتى شكلك اخرك معايا السنه دى يا زوزو هههههههههه لا اكيد بهزر معاكى
ربنا يديم بنا المعروف والمحبه فى الله يا رب
بس يا بنتى بتقوليلى على صفحات المدونات والفيس بوك وحشانى ومش بلحقك علي الايميل
ان شاء الله نتلاقى قريب
واكيد الموضوع فيه نبره او نبرات للحزن لأنه عن الدمعه ونادر ما بتكون الدمعه فى الافراح ولكنها كثيرا ما بتتواجد فى الاحزان
كيارا:
......
والله كنت بحاول اقارن بين الدم والدمعه فتغلبت عليا الدمعه فى وصفها فكتبت عنها اكتر
ربنا ما يجيب حزن ابدا
وبجد اسعدنتى تواصلك بعد غياب
دايما منورانى ومشرفانى
القمر الباكى:
..............
وعليكم السلام ورحمة الله وبركاته
انا بخير والحمدلله يا رب تكونى انتى كمان بخير وصحه وسعاده
هى فعلا كانت طالبه كآبه هههههههه
بعيد عن السامعين فكان لازم الكتابه عن دمعة الحزن اكتر من دمعة الفرح ربنا يكفينا الشر
اسعدنى مرورك وتعليقك واسفه لو اكئبتك
شمس النهار:
..........
عارفه يا شموسه اصعب معاناه تحجر الدمعه, يمكن احيانا بتريح الدمعه لما تتفجر بالعيون وتمحى الالم, لكن لو حسيتى انك حتى الشىء البسيط دا متقدريش عليه يااه شعور بجد مرير
يا رب محد يجربه ابدا
دايما منورانى يا اغلى شموسه
عمرو يسرى:
..........
سعيده جدا لتعريفى بمدونتك بجد ليك موضوعات مميزه فيها
بالتوفيق دايما ونورت المدونه
تعرفى يا نور
المشكلة الكبيرة إن قطرة الدم سهل تيجى
إنما الدمعة بتبقى صعب قوى تنزل مع إنها بتشفى جراح كتير
بس الكارثة إنن ا مش بنلاقيها وقت ما نحتاجها
تحياتى دوما
الأزهرى:
........
والله ما عارفه اقولك ايه فعلا عندك حق ,وبجد فوق تصورى ان حتى الدمعه تبقى صعبه والعين ترفض تفرط فيها او ندور عليها وما نلاقيها
والله شكلى غميتكم بالبوست دا بس نعمل ايه الله المستعان
دايما منور المدونه واسعدنى مرورك وشرفنى تعليقك
تعبير جميل والله
بس الدمع بيريح اكتر
وربنا مايجيب حزن ابداااا
وصف بديع احييكي عليه
والمدونه متميزه جدا
بالتوفيق
نوووور بجد بجد وحشتينى ووحشتنى موضوعاتك الشيقه والرقيقه بجد بغض النظر عن البوست ده يعنى
ربنا مايكتب عليكى اى حزن او جرح ياااارب
اما موضوع الدموع فللدموع اسراااار لا يعلمها الا الله
احيانا من كتر الالم وانتى بتحكيه لحد دموعك بتخونك وتنزل قدام اى حد لدرجه انك بتبكيه فمابالك لو كان الالم ده جواه
تسلمى يانور على الموضوع الحلو ده واللى فكرنا بحاجات صعب ننساها
المهم هتيجى عندى المدونه تشربى نسكافيه ولا ارجع ف كلامى هههه
جوجو:
.....
اوقات فعلا بيريح واوقات تانيه بيجرح يمكن بسبب الظلم اغلب الاوقات
بتكون شكوى فى ظل الصمت
ميرسى لتشريفك للمدونه ومرورك
قلم رصاص:
.........
الاجمل هو مرورك وتعليقك
متشكره جدا علي المجامله الرقيقه دى
قول يا رب:
..........
انتى وحشانى اكتر بدون مجاملات والله بعتذر عن تقصيرى
بوست نكدى هنقول ايه يوم لك ويوم عليك
اعجبنى تعبيرك فللدموع اسرار لا يعلمها الا الله ونعم بالله
ربنا ما يكتب عليكى عذاب ابدا ويريح قلبك
وانا مبحبش النسكافيه بس ممكن كاكاو ولا مفيش الا نسكافيه لو مفيش غيره نضغط علي نفسنا منا مش هفوت فرصه ابدا امال هههههه
نورتى المدونه والله
إرسال تعليق