الى اصدقائى وجميع المدوونين كلاً بأسمه
ستبدأ فترة غيابى الفعلى من اليوم واعتزر عن أنى مردتش على التعليقات في البوست الاخير
بس أوعدكم بأذن الله بأنى لما ارجع ارد عليهم واود ان اوجه اعتزارين
واحد ل zozo لأنى رديت عليها بعصبيه مبالغ فيها بسبب زعلى
والتانى لصديقه ليا ردت علي البوست الاخير بغير معروف
وعامة انا البوست دا او الكنفرنس دا كان قديم شوية بس لما نزلت موضوع احلام في مهب الرياح
محبتش اسيب المدونه لفتره وانا تاركه انطباع الحزن على المدونين والاصدقاء وحتى الغرباء او الزوار
وبالنسبه للجزء اللى زعلها وانا عرفاه منغير ذكره يا ريت لو انتظرتنى وانا افهمها
ومش هبرر لأنى مش هكدب فى شيء والحمدلله
رسالة لأى حد مزعل صديق حاول تصالحه الأصدقاء غاليين قوى ولا يمكن تعويضهم
ورسالة لصديقتى : أنا مش وحشه قوى وبرضوا مش ملاك "
وتكملة رسالة صديقتى أن كنتى تحبى تتكلمى في حاجات شخصيه فأعرضى الصوره كامله
مش معنى أنى اكون مكسوره واضحك يبقى انا مكنتش مجروحه او نسيت بسرعة الصاروخ
بس لازم نسيب بسمه على وشوش اللى حوالينا حتى لو مش قادرين نبتسم من القلب الناس ملهاش ذنب وكذلك الأصدقاء
لو وقفوا جنبنا فعلا , لازم منحسسهمش باليأس بأننا نفضل متضايقين , ممكن التظاهر يقلب في النهايه بصدق فعلا
وبوجود الأصدقاء جمبنا ننسى أى هم وأى حزن .
تقبلوا تحياتى واحترامى لجميع الأصدقاء والمدونين وهتوحشونى طبعا ويا ريت اكون قدرت اسبلكم بسمه بعد الأحلام اللي كسرتها
نور شاهين
هناك 49 تعليقًا:
ياريت ميكونش غيابك بسبب زعل
بصراحة مقدرتش اقرا موضوعك اللي فات لانه طويل اوي.
وياريت صديقتك اللي زعلت تستناكي لحد ما تفهميها وتتصالحو ان شاء الله
ربنا معاكي يا نور ومتضايقيش نفسك
ربنا ما يجبشي زعل ان شاء الله
ارجو قراة البوست الجديد لانه غايه في الاهميه
تحياتي
نور
مفيش زعل ان شاء الله
وان شاء الله ترجعى بالف سلامة
يارب غيابك يكون خير
تحياتى
اسير الجراح
ترجعى بخير ان شاء الله و الف سلامه
ان شاء الله مفيش زعل لانك انسانه جميله صعب حد يزعل منك ..
تقبلى مرورى و تحياتى وان شاءالله الغيبه ما تطولش ..
دمتى بخير فى حفظ الله
rovy
تيجى بالسلامة يانور ويارب تكونى بخير
وفعلا نصيحتك جديرة بالاهتمام والتنفيذ
الله الله...ليه كده ياحبيبى يعنى اجر عندك مرتين تسيبينى وتمشى؟؟
وده برضه كلام؟؟ لالالالالالالا مش هسمحلك بجد
ارجعى لمدونتك يانور وصدقينى الدنيا مش هتفضل وردى على طول لازم يكون فيها الحلو والوحش .الحزن والفرح ولولا ادحهم ما عرفتى للاخر طعم...نور ياجميلهع بلاش تختفى وارجعى حتى لو حزينه..صحابك لازم يشيلوكى فى حزنك زى مابيكونوا فى فرحك والا مايبقوش يستاهلوا صداقتك...مش كده ولا ايه؟
ازاح الله عنك همك وادامك فى رعايته وامنه
فى رعاية الله يانور
بس متغبيش علينا
جميل اوى اعتذارك المهذب
طمنينى عليكى اول ما ترجعى
نور الجميلة هتوحشينا جدا انتي فتاة رقيقة وطيبة
ومحدش هيزعل منك
تحياتي للقمر
مستنينك ترجعي بالسلامه
نــــــور
حبيبة قلبى اتمنى سبب غيابك يكون خير
متغيبيش عننا كتير
لأن بجد بحب اقرى بوستاتك اوى
وربنا يكرمك يارب
السلام عليكم
أهلاً بيكي ويارب تكون فترة الغياب دي لأسباب سعيدة وترجعي بالسلامة ان شاء الله
جميل بجد كتابتك وتعليقاتك عندي زي ما قولت قبل كدة بالرغم من حداثتها الا انها مؤثرة بالفعل
تحياتي ليكي ولمدونتك
بالتوفيق.......................
انا مش عارفه اصلا فيه ايه مش ممكن تكونى كنتى بتحولى تكلمينى علشان فى الاخر تقولى انى بسهر اكلم ...ده انا لما طلبتى مره نتكلم وانا مفكره انك نور يعنى هكلم بنت زى زيها رفضت وضحكت وقولت للك بتسهرى تعملى ايه فى وقت متاخر لا مش ممكن انا خفت منك بجد وايه اللى يع وايه الهندسه والكلام الملخبط ده وايه الطوب تكونى فاكره ان الكلام اللى بكتبه موجه ليكى لا والله مش كل حاجه ليكى انا اسفه بجد
حملة لرد الاعتبار
........................
حيوا معى العين الساهرة للحفاظ على المقدسات وعودة الحق لأصحابه عندما أعاد الدكتور/أسامة السعداوى صياغة التاريخ المصرى القديم لقد نصر العالم الجليل تراث الاجداد وقدمه للآحفاد لينهلوا العلم من أوسع أبوابه تعالوا يا أبناء مصر
نطرق باب النابغةالدكتور /أسامة السعداوى لنعرف منه الحقيقة
قودوا معى حملة الشرف والكرامة فى رفع الظلم عن أجدادكم وانتم أصحاب كلمة فلتكن فى موضعها فلا استقامة للمستقبل الا بتصحيح مسار تاريخنا واحياء علومنا وحضارتنا
ادخلوا الموقع الخاص بالعالم من على صفحة مدونتى الرئيسية
ولكم منى جزيل الشكر
مش عارفة اقولك ايه يا نوارة قلبى بس والله هتوحشينى جدا جدا جدا وهافتقدك على المدونة وكمان على الايميل يارب تروحى وترجعى لنا بالف سلامة ان شاء الله ومش تغيبى علينا يا قمر احنا مش نقدر على بعدك ثانية
صديقتــــــ(يويو)ـك
تروحى وترجعى بالسلامة
ان شاء الله
وميكونيش فى لازعل ولا سوء فهم
ولا اى شئ الباقى هو الحب فى الله
والاحترام وبس
لا تغيبى
نهر الحب
وانا كمان مدينة لك بأعتذار انى لم اقوم بعمل الواجب اللى مررتيه على
بعتذر بس فعلا لا املك ما استطيع التحدث عنه بالذات فى عالم الاحلام
كل الود فى الله
نور
كل ده غيااااااااااب
وحشتيني بجد اوي أوي
للدرجة دي مشغولة
لدرجة أنك مش قادرة تخطفي ثوان من وقتك وتطلي على المدونة
ربنا معاك يا رب
وترجعيلنا بالسلامة
أحبك في الله
تحياتي
نــــــــــور
وحشتينى اوووووووووووى
انتى فين غيتك طولت
اتمنى اشوف جديدك قريب
وليكى عندى واجب تعالى خديه
السلام عليكم
بصراحة انا مبتدأ لدخول المدونات
لكن بجد لقيت اللى انا باعشقه
وهو التلقائية فى التعبير
والانسيابية والارتجالية
بحد كده قووووووووى
تعليقى ان ربنا يوفقك
واشوف لك كتابات اكتر
اتمنى انك تفضلى على نفس خط السير
التلقائية ؟؟؟
الصداقة صدق
تمنياتى لك بالمزيد من التلقائية
باعشق بجد اسلوب التلقائية ده
حبيبتي انا مش عارفة انتي بتعتذؤي على ايه و الله انا مش زعلانة منك و لا اقدر على زعل
و بعدين انا لي لازم اعتزر اني طول الفترة دي معملتش تعليق في مدونتك بس انتي عارفة اكيد ليه مين غير ما افضح نفسي المهم يا ستي مفيش زعل و لا حاجة و خلاص ارجعي طولتي الغيبة وحشتيني اوي يا نور حياتي
جوتاموووووووو
انا zozo
نور
فينك يارب تكونى بخير
حاولى تطمنينى عليكى لو سمحتى
كل الشوق لك والقلق عليك
blue nile
لالا ربنا ميجبش زعل ابدا يا رب
انا مكنتش بقدر ادخل بس اخويا في مصر ومفيش وقت خالص ادخل للنت انا اسفه
وولا يهمك علي الموضوع اللي فات انا عارفه انه طويل كتير معلش
كنت اتمنى صحبتى تستنانى بس شكلها مستعجله ههههههههه وراحت
ربنا يحفظك يا قمر ونورتى المدونه ونورتى البوست بتعليقك
spower
اهلا اهلا زعيم الثوره عندنا يا مرحبا يا مرحيا
حاضر هقرا البوست بأذن الله في اقرب وقت
وبعتزر عن التأخير لظروف خارجه عن ارادتى
ونورت المدونه بمرورك
أسير الجراح
ولا زعل ولا حاجه مين جاب سيرة الزعل
راح الزعل ورجع الفرح ربنا يجعل ايمامكم كلها فرح يا رب
وادينى رجعت والحمدلله ومتشكره جدا لمرورك وتعليقك الجميل
ودايما منور المدونه
rovy
الله يسلمك يا قمر يا رب من كل شر
انتى انسانه جميله ورقيقه ربنا يبارك فيكى يا رب
ونورتى المدونه وبيسعدنى دايما مرورك وتعليقك
موناليزا
الله يسلمك حبيبتى يا رب
ونورتى المدونه يا قمر
حبيبه الحبوبه
انا اقدر اسيبك وامشى بس ولا اقدر هى بس شوية ظروف وراحت لحالها وادينى هنا اهو
طبعا لازم يكون في الحلو والوحش علشان نعرف طعم الحلو بس انا عندى شوية كتره في الوحش هههههههههه محدش ياخد شوية يا جماعه ولا بلاش ربنا يجعل ايامكم كلها سعاده وفرحه يا رب
ربنا يبارك فيكى يا حبيبه يا رب ويحفظك من كل شر يا قمر
دايما منوره المدونه بتعليقاتك الجميله
arsenalwy
ربنا يكرمك يا arsenalwy
انا بخير اهو وفي احسن حال والحمدلله
وادينى رجعت والحمدلله
ونورت المدونه بتعليقك المهذب واللطيف
شهرذاد الغاليه
وحشتينى جدا وادينى بحاول اتواجد اهو وهكون هنا كمان اسبوع بالظبط هكون دوام متواصل بقى بأذن الله علي قلبكم هههههههه بس محدش يشتكى منى بقى
والله وحشتينى ووحشتونى كلكم وكلامكم وتعليقاتكم ومواضيعكم وافكاركم كل شيء وحشنى قوى قوى
كنت بدخل والله تخاطيف اقا كاتبين ايه كلكم بس مكنتش بقدر اعلق وكنت بمر مرور الكرام لكن هزهقكم تعليقات دلوقتى
منوره دايما يا ارق زهور الربيع وحياتى
drpharma
الله يسلمك يا رب من كل شر
وادينى رجعت والحمدلله
اسعدنى مرورك وتعليقك
rara
العزيزه والرقيقه
خلاص راح الغياب والحمدلله وعودنا اليكم
ووحشتونى جدا جدا
ويا رارا متبقيش بخيله علينا اكتبي كتير بدخل كتير ومش بلاقي حاجات جديده شكلك انشغلتى عنا انتى كمان
ربنا يسعدك يا قمر ونورتى واسعدنى مرورك
ghoneem
وعليكم السلام ورحمة الله وبركاته
لا غياب بعد اليوم والحمدلله
وانا اتمنى يكون التعليق مش ازعجك هو رأى مش اكتر ويا رب اكون قولته بطريقة لطيفه
نورت المدونه وميرسى لتشجيعك وتعليقك اللطيف والمهذب
غير معروف
لو انتى مش عارفه انا اللي هعرف
بالله جننتونى فعلا بتتكلمى عن ايه
وجميل قوى مفكره انك نور دى .. لا انا بنت الجيران مش نور ههههههههه
وقلتيلى لا ليه انا طلبت ايه بالظبط هتشككينى في نفسى هههههههه .. انا بسهر لوقت متأخر اعد النجوم في السما الصافيه مصر كلها بتسهر هتيجى عليا وتبقى عيب وعامة مش دايما بسهر يا ستى ساعات بشرب اللبن وانام بدرى ومش تخافى منى انا مش عووو دنا حتى لطيفه اهو وبحب الاطفال ههههههههههه
ولما افهم فى ايه هبقى ارد بكلام جد لأنه دا كله كلام تهريج وخلاص
تحياتى واعتزراتى وسلاماتى
امل فتحى عزت
الموضوع شكله كبير ومحتاج تركيز هدخل واقرأ واشوف ثم اعلق لما افهم بأذن الله
في القريب العاجل
نورتى المدونه بمرورك
yoyo
يا حبيبت قلبي متقوليش شيء ادينى رجعت اهو وعدنا اليكم سمعينى بقى عود احمد
او ولكم باك صغيره حتى انتى بكاشه يا بنوته لو وحشتك كنتى اتصلتى يا بخلو هههههههه
وعامة نورتى يا قلبي والغياب لم يطول
وحشانى انتى كمان مووت وهنتكلم قريب خالص
صديقـت نورــــــــــــك
نهر الحب
طول فترة غيابى وانا بفكر كل اللي مرر البوست ليا وانا كتبته ومررته لغيرى وكل الاصدقاء كتبوا الا انتى دايما تقولى مش هكتب بستغرب واقول يمكن بتأجل وعايزه تكتب بوست تاني دلوقتى لكنك بتقولى مش هتكتبيه خالص
مش ممكن اسمك بس بيعبر عن كتير من المشاعر الجميله الي اتوصفت في كلمتين ازاي تقولى مبتملكيش احلام وهو مين فينا بيقدر يعيش بلا احلام
دعبثى كدا في دولايب الزكريات عن حلم جميل ولسه الاحلام جايه الحياه كل يوم احداثها ولا الاحلام عمر الاحلام ما كانت كلها مستحيله في احلام ممكنه والله بس دورى
مش هقبل الرفض وهفضل منتظره منك البوست بأجمل الاحلام يا رب ميطولش انتظارى
نورتى المدونه واسعدنى مرورك
شهرذاد الغاليه
مهما كنت مشغوله مقدرش اغيب عنكم وقلتلك والله كنت بدخل من وقت لأخر اقرا كاتبين ايه واشوف احوالكم من بعيد لبعيد لكنى مكنتش بقدر اعلق
وادينى رجعت وهعلق بقى واعلق لحد ما تقوليلى يلا غيبى شوية كمان زهقتينا
انتى كمان وحشانى جدا وساعات بحسك مصريه ليه مش عارفه وبعدين اقول لا شهرذاد من دوله عربيه بس مش مصريه جاوبينى بقى من حيرتى احسن ما افضل افكر ينوبك فيا ثواب
نورتى المدونه بمرورك يا ارق زهور الربيع
rara
انتهت الغيبه علي ما اظن قولى يا رب ههههههههههه
المهم انا قريت الواجب واجاباتك الجميله وهاخده واكتب قريب خالص
نورتى يا قمرتى واسعدنى مرورك
ذو الوجع المبتسم
وفعلا ليك حق مع الصوره تحط الاسم دا
اهلا بيك بين المدونين وانا قريت الخواطر بتاعت حضرتك جميله فعلا بالذات اتكلمى عجبتنى بجد مش مجامله
ربنا يوفقك انت كمان يا رب
ودايما تمتعنا بالاجدد والاجمل من كتاباتك
اسعدنى مرورك وتعليقك جدا ونورت المدونه
الطالبه عفو الله
زوزو يا قمرتى الاعتزار مش ليكى حياتى انا قدمت اعتزاري ليكى عملى الاعتزار دا لزوزو بنوته من المدونين انا اتعصبت في الرد عليها بلا وجه حق ولازم كنت اعتزر ليها
نورتى يا قمرتى ويسعدنى دايما تواجدك
نهر الحب
انا بخير والحمدلله يا قلبي وفي احسن حال بس اخويا في مصر علشان كدا مكنتش بدخل للمدونه اعزرينى
بس من هنا ورايح هتوشفينى كتير جدا بأذن الله
انتي كمان وحشانى جدا ومش تقلقى
ربنا يخليكى ليا ويحفظك من كل شر ويكرمك يا قمرتى
يا ميت مليون ولكم باك وعليهم ميت مليون عود أحمد بس مين احمد دى يا بت اخويا ولا فى حاجة من ورايا اعترفى ههههههههههههههههههههه يارب دايما منورة كدا على طول وزى ما قولت لك على الايميل
عوددددددددددددددددى للمدونتك يا هاميس قصدى يا نور هههههههه
وبعدين انت عارفة انى مزنوقة الايام دى وبالم تبرعات عشان اكمل موضوع الفستان بقى هههههههههههههه
ربنا مش يحرمنى منك ابدا يا قلبى
يويو
نور الجميلة
عودا احمدا معطرا بورد الياسمين
عندي لكي تاج يا ريت تجاوبيه وتاخديه من عندي
تشرفيني
تحياتي وحبي واشواقي
تروحي وترجعي بالسلامه
ان شاء الله
ويارب يكون خير
انا والله مش زعلانه ولا حاجه
انا كنت نسيت
انا مقدره موقفك
بجد مش زعلانه
اوكي
المهم ابقي طمينا عليكي
في رعايه الله
يا حياتي فينك انتي مش عاوزة تطل علينا و لا ايه يا قلبي
و الله وحشااااني موووت و عاوزين جديد بقى يلا يا قلبي
نورتونى جميعاً
yoyo ,العزيزه شهرزاد , zozo , zizi
بيسعدنى فعلا مروركم وتواجدكم دايما منورين حياتى كلها بأجمل تعليقاتكم وروحكم الجميله الي بتفرح قلبى كل ما اشوفكم منورين المدونه
شركة تنظيف فلل بخميس مشيط
شركة تنظيف كنب بخميس مشيط
شركة رش الدفان بخميس مشيط
شركة مكافحة النمل الابيض بخميس مشيط
شركة مكافحة بق الفراش بخميس مشيط
شركة مكافحة الصراصير بخميس مشيط
شركة مكافحة الناموس بخميس مشيط
شركة مكافحة الباعوض بخميس مشيط
إرسال تعليق