t3alo nfakr sawa

أمرأة من نور

2012-01-28T19:56:00.003+02:00

احياناً انيقه واحيانا رثة المظهر

فى كل الاحوال تلاحظها بسيطه لا تتغير

تتأقلم مع الازمات حتى وان كرهتها مثل اللون الاحمر

اعتادت البكاء حينما تفقد الامل ولكنها تصبر

دائمة الحنين لشىء ما وحين تجده تفتقده أكثر

تريد الاقتراب منها فترفعك إليها دون تكبر

تعتقد إنك فهمتها وسرعات ما تتحير

فإن اردت استغلالها حتى بأسم الحب تهجر

فأقترب دون شرط او ابتعد ولك أن تتخير

تكذب عليها فتصطنع تصديقك وهى منك امكر

فأن كنت تجهل المرأة فحاول ان تحذر

ملاك إن احبك بصدق لن ينكر

وبركان غضب ان ثار اقتلع اليابس والاخضر

حكم الأهل

2012-01-02T20:32:00.003+02:00

قـالـــــــو لـــه بتحبهــــا لازم تبعــد عنهــــــا
قـالـــــــو لـــه بتحبهــا ابــدأ أهــرب منهــــا
بيقولــو كــــلام كتيــــر منغيــر لحظــة ألــــم
و يـوافــق هـــو ليــه يكــون خصــم وحكـــم
أمــــروه فـقــــال مـوافــق بيعــوهـا للأغنــى
هلـــــم جراحــــى هبعــد عـن قلبـى هستغنـى
صوته ما كان له صدى ونزيف جرحه ابتدى
غلطــــان ليه ارتضى يرحـل وحامـل هـــــــم
وحضــر فـى يــوم زفافهـا وشافها قام ابتسم
وكـأنــه راضــى عنهـا مــش ميــت م.النــدم
قــرب يسلــم عليها لمحـت دمعـه فـى عينيه
سـابت مكانهـا وقامـت وبسرعه راحـت ليـه
قـالتلــه اتـنـيــن حبـايـب وقدرهــم الفـــراق
ازاى راح يبعــــدو ومــا بنــهــم اشـتيــــاق
وقـــت مـــا كنــت بتهرب فكرتـك خـنـتـنــى
لكـــن دمــــع عيونــــك بـيـقــــول بتـحـبنـى
امسح دموعك حبيبى وهات ايدى فى ايديك
مهمــا يحاولـو يقولولى مش هبقـى الا ليك

اللعبه

2011-09-05T21:44:00.003+02:00

أيخجلنا الارتباط بالماضى وهل لنا التخلص منه , من لا يملك ماضى لا يملك حاضر , لماذا يخجل شيخ عجوز ان يقول انه يحنفظ بلعبه أحبها فى صغره وحافظ عليها طوال حياته , لماذا نرغمه ان يهديها لحفيده , فأن كان ينوى التفريط فيها ما كان خبأها طوال تلك السنوات

لكن أبنه أشقاه حين استهزأ بماضيه وارغمه علي التخلص منه , بأهداء محتوياته لأحفاده , الا ينتظر بضعة أيام حتى تتوفاه المنيه ثم يحصل على ذكرياته , اتسائل هل قصر الشيخ بواجبه تجاه ابنائه , ايريدون ان يحصلو علي حاضره ومستقبله ومن قبلهم ماضيه , ااه من جشع بنى أدم

حينما انظر إليه وامحو عن وجهه الشيخ والتقاسيم والهالات السوداء المحيطه بعينيه , اجد طفلا ذا قلب من ذهب , امعنو النظر جيدا سترو هذا الطفل بكل ما يخاف ويسعد , احتفظ بلعبه اهداها له والده قبل أن يرحل , لم تعد تسعفه الذكرى ليستعيد ملامحه لكن تسعده اللعبه حين يذكر لمست يده وهو يأخذها منه , يسعده ان يتذكر ان اخر ما كان يشغل والده هو ان يلمح بعينيه نظرة رضا وتقدير , يسعده القبله التى طبعها علي خده تعبيراً عن حبه , تذكره اللعبه بكل ما أعطاه لأبنائه فيما بعد , بكل ما حاول أن يهديه لهم ليشعرو ذات يوم بما شعر به , لعل أحد ابنائه يحتفظ بشىء ما يتذكره به ذات ليله , أن جلس وحيدا يذكره ويترحم عليه ..

أئن كانت اللعبه عقد ماسى أكانو سيحافظون عليه لتتوارثه الاجيال , أكانو سيحترمون ذكرياته أن كانت باهظة الثمن , أم ان الاحترام يأتى بالاطمئنان ,انه فى اشد الاوقات ضيقا , سيباع العقد الماسى ليحل الرخاء , اما اللعبه ليس لها ثمن الا عند صاحبها ..

وذات يوم استيقظ الشيخ ليأخذ لعبته ويعطيها لمن يستحقها عسى ان يذكره شخصا ما يعرف قيمتها ..

مازالت تبكى

2011-07-22T18:39:00.002+02:00

بأحدى القرى الريفيه كان هنالك طفله صغيره تركض علي السلالم المدرسيه ثم سقطت فكسرت قدمها وحملها مدرس كريم الاخلاق ليذهب بها الى المستشفى ثم أخذ الاشاعات وذهب لأهلها ليبلغهم بما حدث , وسار يسأل اين منزل والدها فقابل سيدة تعجبت من سؤاله وتلك عادة سيئة لأهل الريف فالفضول يدفعها لمعرفة لماذا يريد اهل هذا البيت فقال لها ان ابنتهم كسرت ساقها بالمدرسه ويجب ان تبقى بالمستشفى واتيت ابلغهم , فسمع صرخه من قريب بصوت امرأة عجوز تطلب منه اعادة ما قاله , وعلم انها جدة الفتاة الصغيره فهدأها وطمئنها ان حفيدتها بخير انه فقط كسر بقدمها , وذهبت معه للمستشفى وانتظرت مع الطفله لأن والدها مسافر ولن يصل قبل غد ليأتى إليهم , تجلس الجده بجانب سرير الفتاه لتقرأ لها القرأن ثم تسمع خطوات قادمه ودقات متلاحقه علي باب الغرفه ثم تدخل للغرفه طبيبة شابه تطمئن على الطفله و ترا الجده فتعلم انها رأتها من قبل ولكنها متررده هل هى حقا ام لا , وقررت ان تسألها . هل انتى أم الطبيبة )...فلانه...) زميلتنا القديمه , فتغوض السيدة العجوز بأحزانها وتجيب بصوت منخفض يكاد لا يسمع نعم , فتعيد الطبيبة سؤال اخر , هل فعلا كما سمعت أبنتك انتحرت , فيألم السيدة السؤال اكثر واكثر وتتماسك كى لا تبكى امامها وتجيبها بلغة الايمان )الله يرحمها ) , فلا تتركها وتعيد اصعب سؤال سمعته يومياً كيف انتحرت , فتحاول العجوز صياغة لحظات سريعه للقصة فتقول لها كانت غاضبه وهى تسير بالدار وخبطت بقدمها النار فأمسكت بملابسها فحاول خطيبها ان يسعفها وكانت هناك مياه تغلى علي النار فسقطت عليها فماتت , اكتفت الطبيبة بالاسئله واستأذنت وخرجت , وفى لحظة واحده ارتمت السيدة العجوز بالأرض وهى تجهش بالبكاء المرير وتقول لماذا تسأل لماذا اتت الأن ... لم اكن اعلم انها تبكى عليها من آن لأخر حتى بعد مرور كل تلك السنين , تندم لأنها اخفقت فى اسعادها لأنها تركتهم يغصبوها علي الزواج من انسان لا تريده , ثم لم تساندها حين طلبت الطلاق من بعد كتب الكتاب مباشرة , نعم ماتت ابنتها واختلفت القصص حول كيفية انتحارها , لكن ما اعلمه يقينا انها لم تنوى الانتحار فقط ارادت الضغط عليهم لكى تنفصل عن خطيبها لأنها لم تكن تريده ,فأغرقت نفسها بالكيروسين وجلست تهدد بأحراق نفسها وما حدث بعد ذلك كان قضاء وقدر غير مرتب من أحد .. قلما تأتى بيدى صورة لها لأنهم اخفو جميع صورها من جدران البيت وحتى من اى البوم للصور حتى وان كان مهمل بداخل درج ما , كانت شابة رائعة الجمال وكانت شديدة الطيبة مثل والدتها , واتسائل كيف نغصب علي اولادنا وندفعهم للأنتحار اهذا ما يقال عنه ومن الحب ما قتل , ارادو ان تحيا فى حياة من اختيارهم دون النظر لرأيها دون ادنى اهتمام لأختياراتها .. فأخذ منهم الله الهبه التى اعطاها لهم ولم يحافظو عليها .. عادت من حيث جاءت . دائما ما تقول امها ان مت ادفنونى معاها , اللهم اعطها الصحه فهى ما تبقى لى وارح قلبها علي فقيدتها

رسالة الى مجهول

2011-07-10T01:37:00.001+02:00

قررت ان اتحرر من قيود المدينة واخذنى الشوق إلى بلدتى الصغيرة , حبث ذكريات الطفولة , وانطلقت مع اول خيط للنور , ثم بدأت السيارة فى التحرك وانا اقرأ آيات الله لتباركنى فى رحلتى , ثم استعنت بالنوم لأقلل من اوقات الملل وافعال اخرى تصيبنى حين اجلس بسيارة لفترة طويلة ...

اغمضت عينى وانا بين الاستسلام للنوم واليقظة آتى واذهب وانظر بساعة يدى لأرى كم تجاوزنا وكم يتبقى لأصل , عادة سيئة من احصاء الدقائق طوال الطريق , وحين اغفلت عينى قليلا , اذا بصوت يأتى من خلفى فأنتبه عليه يقول : أسترها يارب ) أعتقدت ان هناك حادثة على الطريق ولكن حين ابصرت ماحولى لم اجد الا غيوم تحيط بالسيارة , إنها شبورة الصباح , ولكنها كثيفة جدا , لم اعلم هل اخاف ام افرح والسيارة تسير وسط سحابات ناصعة البياض وكأنى فى حلم , ولا اخفى عليكم مرت بى لحظات من الرعب المخيف حين صرنا نتحرك ببطىء شديد حتى لا نرتطم بسيارة اخرى ....

الأن كل من فى السيارة يتجاذبون اطراف الحديث فى موضوع واحد متى سنصل وكيف نسير وما الى ذلك , الا شخصين يجلسون امامى , انهم شاب وفتاة , لا يشغلهم ابدا ما يحدث فهم يتناقشون فى شىء اخر ولكن يتضح انه مزعج للطرفين , فتارة يتحدثون وتارة يتنافرون فينظر كل منهم فى اتجاه مغاير , جذبنى حديثهم لا إراديا لمتابعة ما يحدث بينهم وكيف لا يقلقهم ما يحدث حولنا , وكأنهم يريدون الا تصل تلك السيارة حتى ينهو ما بدؤه , وبعد لحظات صمت طويلة , اعتقدت انهم انهو حديثهم , عاد الشاب ينظر للفتاة ويقول حسناً .. أنت مصممة على الأرتباط به , فليكن فى علمك انه لم ولن يجمعنى به مكاناً واحدا ابداً , فلتفعلى ما تريدى ولكن أنسى ان لك أخ !! واعتقد ان الفتاه صدمها ما قال فراحت تجهش بالبكاء وصار الأخ يتلفت حوله ولا يعرف كيف يسكتها , لحظات ثقيلة غابت بصمتها ثم قالت له : الم اقف بجانبك من قبل ؟! الم نكن مثل التؤام برغم فارق السن الذى بيننا , الم اساندك ولو مرة واحده بحياتك , فلماذا أذاً بالله عليك تتخلى عنى الأن ؟!! لقد تمنيت أن تصل فى اقرب وقت وكلى ثقة انك حين تعلم ستبارك تلك الزيجة وعندى يقين إنك الشخص الوحيد الذى سيقنع امى وابى , ولكن قل لى : هل هو شخص سىء فترفضوه ؟ هل هو غير قادر على الارتباط أم لأنه صارحكم انه ينوى السفر للعمل ويأخذنى معه , وهل عائلته يشوبها شائبه , فلماذا اذا تتمسكون بالرفض , إن لم يكن به شىء يعيبه واعلم ان الكمال لله وحده , ولكنى يا اخى لست اجمل الجميلات ولا انا بصاحبة العمارات حتى ترفضوه مرة تلو الاخرى وينتظر ثم يحاول . فنظر لها اخيها وكأنه يقول أنت تعلمين لماذا !! فأسطردت بكلماتها قائلة : نعم .. تعرفت عليه واحببته واحبنى وتلك ليست بخطيئه , وان كانت فبالله يا اخى وهو يعلم اننى لم افرط له سوى فى مشاعرى , وها هو يعلن انه جدير بها , حيث انه دخل للبيت من بابه , ماذا ينقص الأن ؟!! فمهما كانت الطريقه التى تعرفنا بها فتلك حال كل الفتيات والفتيان , اتريد ان اعترف لك انى مخطئة , إذا اعترف أنت الاخر انك لم تحب او تخرج مع اى فتاة , وانا اعلم انك ستكذب ان قلت لم افعل , ولا تقل لى انك رجل تفعل ما تريد ولا يعيبك شىء , فكان يجب ان تنظر لتلك الفتيات وتتذكر ان لهم أخ مثلك وأم وأب يرفضون تلك الحماقات , ولكنك تعلم اننى لم احب سواه ولن اتزوج بغيره فأن لم تساعدنى سيصبح ذنبى برقبتك كمثل أمك وأبيك , اعلم ان عدم ارتباطى بحبيبى ليس نهاية الكون بنظركم ولكننى سأسهر وحدى يتأكلنى الألم والهوان ولا أدرك بماذا أخطأت إلا إننى أحببت .

محاولة للصعود

2011-06-18T01:48:00.008+02:00

كم اكره الصفعات , فكلما حاولت الابتعاد ضاقت بيا السبل , فأهرب للسعاده او اتظاهر بأن السعاده تغلغلت بنفسى لتنهى مآسات الالم , فتوقف سيل الصفعات , لكن هيهات ثم هيهات ....
يقتلنى السأم فتعصف بى الافكار واعجز ان احقق معظمها , كم اكره العجز ايضا , ولولا ان المرض يخفف من الذنوب لكرهته هو الاخر , ولكنى احاول ان اتمسك بالجزء المنير بقلبى جزء الايمان فلن احتمل ان يحتل قلبى ظلام حالك للأبد ...
لا اعلم ان كنت اريد ان ابكى او اهرب من هذه المشاعر التى تتخبطى حاليا , اشعر اننى املك تغيير كل شىء ان اردت , اشعر اننى قادره علي محو تلك المشاعر السلبيه بقلبى ثم فجاءه اشعر انى اكذب حتى فى كونى استطيع ....
أين انا الان ومن اين ابدأ , امامى مختلف الطرقات , فكيف اخطو فى هذا او ذاك وانا لا اعلم أين سأمضى , يقينا لا اعلم ...
هل الأستسلام عنوان اليأس , اعلم أننى اعتدت الاستسلام لكننى ابدا لم ايأس , ولا اعرف لماذا ؟!! لكن هناك شىء بداخلى , شىء ينير امامى الطريق حين استسلم , وينجينى من الدخول بأرض الظلام , للوصول لساحات الانوار من جديد ..
أنه الأمل , نعم هو الأمل والتفاؤل , او الحلم , ما الحلم الا أمل يخجل بالافصاح عن كيانه علي أرض الواقع , فيستتر بعقلنا الباطن , ويجلس مترقب فى غرفته المغلقه بطيات العقل , ينتظر وقته , حين تغلق الجفون وتستسلم للنوم , حينها فقط يفتح لك أبوابه علي مصرعيها , مرحب بقدومك من جديد ..

براءة الحملان

2011-05-09T00:17:00.002+02:00

مش هتغير مهما كان مش هساوم علي الايمان
مهما حاولو يغيرونى مهما حاولو يحيرونى
حتى لو زادو جنونى هعتمد علي الايمان
ربى كبير قادر عليهم ربى مش هيسبنى ليهم
لو ايمانى فى قلبى صادق مش هتخدعنى عنيهم
لما تشوفها تلاقى طيبه بس جوه قلوب غريبه
حامله شر مش حامله طيبه رسمه براءة الحملان

تحت التراب

2011-04-20T21:23:00.003+02:00

بتتألم ليه يا قلبي

اعتبره حد مات

أخفى الاحزان ودمعك

وادفنها بالسكات

امبارح كان معانا

والنهارده اديه نسيك

انسى الأحزان ودمعك

اوعى يبان فى عنيك

حاسس ألمك وحزنك

بس هنعمل إيه ما راح

أفتح بابك للحياه

مش هتقتلنا الجراح

هو الخسران يا قلبي

خسر حد حبه كتير

اوعى تزعل يوم عليه

والله حد مفهش خير

واهو راح بخير وشره

لا هيضرك ولا تضره

زى ميت راح بسره

واندفن تحت التراب

أقرب تبعدى

2011-03-25T01:22:00.003+02:00

اقرب تبعدى وابعد بتقربى
طب عايزه منى ايه ليه منى بتهربى
واداوى جراحى وامشى وتعودى تفتحيها
طب اعمل ايه يا قلبي وازاى بهون عليها
واقرب تبعدى وابعد وتقربى
واقول خلاص نسيتنا الاقيكي تستغربى
وتقولي كلام لقلبى من شوقه اشفق عليه
واسيبه يفضل جنبك وفي لحظه تهجريه
واقول كنت فى حلم لازم اصحى من الخيال
والاقيكي في الحقيقه بتحنى ودا محال
نتواعد ع. السفر يجي وقت المعاد
واجى ارحل وتبكى تبقي رافضه البعاد
طب قولى انت يا قلبي عقلى خلاص احتار
بتحبك ولا نسيت متسبنيش في انهيار
واقرب تبعدى وابعد بتقربى
شريانى ولا بيعه ولا بتجربى
واقرب تبعدى وابعد بتقربى
شريانى ولا بيعه ولا انتى بتلعبى

نعم أم لا للدستور حيرانه

2011-03-18T00:13:00.003+02:00

بقالى فتره مش بتابع وبصراحه مش فاهمه ومحتاره اقول نعم او لا منا لازم اشارك ويبقى ليا فايده
سمعت اللي بيقول نعم وسمعت اللي بيقول لا وهقولكم وصلت لأيه
ويا ريت حد فاهم يقولى رأيه منغير انحياز علشان افهم علي الاقل
الرافضين بيقولو هنروح نصوت بـ لا علي التعديل الدستورى مطالبين بتغيير الدستور لأنه سقط ويجب تغييره ومش تعديله والمخاوف معروفه ومحترمه لكنهم مش بيذكرو ان لو قولنا نعم هيكون فى تعديل للدستور فعاليا بعد سنه وكأن الدستور الحالى هو لتسيير الوضع الراهن زى مثلا حكومة تسيير الاعمال من قبل
طيب اللي عايز يروح يستفتى بـ لا دا مش شبه أقرار منه انه ممكن يكون فى تعديلات للدستور وأنه لم يسقط فعلا وبالشكل دا مجرد انك تروح تبقى اقررت انه يجوز التعديل فيه
كمان فى رأى من الرافضين بيقول طيب نطلع ميدان التحرير من جديد ونقول لأ ودا اقتناعا منهم انه مينفعش التعديل فى دستور سقط ويجب تغييره

( علي هامش الحوار )
فى حديث للشيخ الشعراوى بيطالب فيه بالتآنى شوية ومش يبقى فى مظاهرات ورا بعضها لحد ما نشوف تحقيق للمطالب الاولى اللي طلبناها وهل اتحققت او لا

ممكن جزء كمان من الرافضين يروح يستفتى ويقول لا للتعديلات الدستوريه ودا اسلم من المظاهرات لأنها هتتقابل بكل شده وعنف فى الفتره الجايه
طيب هل صحيح اننا لو قولنا نعم للتعديلات الدستوريه هيكون فى تغيير للدستور كاملا بعد سنه
شوفت فيديو علشان افهم ليه نقول نعم او ليه نقول لا وحسيت ان الاتنين بيفرضو فكرتهم مش بيطرحو للناس بس ليه نقول نعم او ليه نقول لا ودا مش أساس طرح الفيديو الا وهو اننا نفهم فناخد خطوه صح
انا شخصيا لسه عندى أعتقاد ان اى ترويج اعلانى لفكره هي بالتاكيد فكره مشكوك فى امرها
بيطلعو اعلانات للمواد المعدله علشان تفهم ودا اقرار انه يجوز تعديل الدستور ومش لازم تغييره وفى النهايه يقولو القرار قرارك
http://www.youtube.com/watch?v=rNnYPjb1dV4
ليه نقول نعم
http://www.youtube.com/watch?v=9u9zm4RPWaY&NR=1
ليه نقول لا

خيال علمى

2011-03-01T23:05:00.006+02:00

تخيل معايا لو صحيت الصبح وقمت كالعاده بعين نص مغمضه ونص مفتحه وبتبص فى المرايه تلاقى نفسك مش انت , انت هو انت بشخصيتك وبس لكن الشكل مش شكلك شكل مامتك بقى بباك اختك اخوك حد من اصحابك مش هتفرق بس هتعمل ايه , طيب عمرك ما فكرت للحظه يا ترا شكل الدنيا ازاى بعين شخص تانى وبعقلك انت !!

طيب اتخيل تانى معلش تعباك معايا ॥ اتخيل كدا لو بتفتح عنيك لقيت قدامك اكتر انسان انت بتحبه وانت لسه فى سريرك بحالتك الغريبه فى نومتك بهدومك بشعرك اللي اشبه بالشمس الدهبيه !!

كلمه عجبتنى :
الحــــب كالقــــارب الصغيــــر ... لا يستطيــــع أن يحمــــل أكثر من
شخصيــــن ... لكــــن ... للأســــف ... عنــــد بعــــض النــــاس الحــــب
كالتايتنــــك ... حمل و لا يهمك

Dream With Me

2011-02-09T03:50:00.003+02:00

كليب يغنى عن كلام كتير ممكن أقوله

مش تغيير مفاجىء بس هى دى الحقيقه

معلش لو ضللونا وقالو ان سبب وقف الحال هو التظاهر

وللاسف صدقناهم , لكن السبب الحقيقى هو لوى الدراع

علشان نضغط علي بعض

واللي متضرر يرجع اللي هناك

... الأعتذار واجب ...

ومعرفش ليه بجد اتمنيت من قلبى

اكون معاهم حالا فى ميدان التحرير ولكن ...

حد من مصر

2011-02-03T20:03:00.003+02:00

كفايه كدب وكفايا دمار

كفايه الظلم ولعها نار

كفاية بقى هنروح علي فين

عطلتو مصالح الملايين

أمن وامان محناش لاقيين

ولأمتى هتحمو فى الملايين

سبوها بقى خراب بخراب من ظلم لظلم

كفايا دمار قدتوها نار وحالها يغم

قولنا خلاص استجابو متتمادوش

سمعت خطابه بجد بكيت صدقو متصدقوش

سواء راضيين ولامعارضين متتظهروش متتظهروش

صبركم بالله نشوف

كفايا عشنا كتير فى الخوف

خوفنا عليكم وعلينا

خوفنا من الجاى لينا

بتتظهرو لصلاح سياسى والبلد خربت بجد

منا اللي مات واللى جاع ووقعنا م.السماء للارض

اللي يقول انا ضده يقولو عليه دا خاين

واللي يناصره يقول خليك يبقى عميل

اللي يقول كفايا بقى عايزين امان يقولو جبان

واللي يقول مش لاقى ياكل يقولو استنو خليكو صابرين

لو طفلك انت قالك جعان هتقوله ايه استنى قربنا نحرر البلد

ظلم وخلاص قدرنا عليه ارجعو كفايا هدد

.......................

انا مش معارضه ولا معاه انا مع حالة الهدوء اللي لازم تسود مهما كان ...

مش نتظاهر ونزيد الخراب بخراب وبجد اللي هيقول حال البلد مش عاجبه يبص لحالها دلوقتى !!؟

مشروخ يا ناى متغنليش

2010-12-19T06:34:00.004+02:00

مشروخ يا ناى متغنليش
بتقول كلام ميهمنيش

حب وخداع هتفرق إيه
خاين وباع كدبت عنيه
حزين وضاع همك فى إيه

مشروخ يا ناى متغنليش
بتقول كلام ميهمنيش

غبى انا صدقت ليه
ببكى وقال خايف عليه
عزفلى لحن وفرحت بيه

مشروخ يا ناى متغنليش
بتقول كلام ميهمنيش

لا تندم

2010-12-05T20:05:00.002+02:00

لا تندم على خطأ ارتكبته واخبرت به شخص قريب لقلبك ثم استغله هو يوماً للسيطره عليك او حتى للتأثير عليك لتغيير قراراتك , لا تندم لأنك اعطيته حق ان يجرحك , اعطيته صلاحيه ليست من حق اي بشر , لقد سترك الله واخفى بعض مما اصابك ليقبلك الناس بدلا من ان ينفرون منك بسبب اخطاء قد تتجاوزها يوما لتصبح شخص اخر جديد ...

أرجوك لا تندم مهما حدث ولا تتسرع او تخاف وتحاول ان تتفادى موقف بشع بالسقوط فى الاسوء منه ...

ولا تندم لأنك ازلت حجاب الغموض عن شخصيتك واختصرت قصتك وصنعت ملخص صغير عن من انت فتضاءلت بنظر المستمع ...

لا تندم ان تحدثت معه بتلقائيه حتى وان ابتعد فأنت لم تخدعه ..

كن صادق القلب ولن تندم , كن كما انت لا كما يريدون , فهم احبوك كما انت بكل مميزاتك وعيوبك لا كما يتصورون ..

لا تترك لهم حرية تغييرك , فتفقد اشراقة نفسك بما كانت تتميز به حين عرفوك , لتصبح مسخ من احلامهم ..

ولا تندم لأن سبب كل هذا الندم انك اقترفت خطيئة الحب فأغمضت عيناك ثم استيقظت من اوهامك علي ضياع حلمك

يبقى كش ملك

2010-10-29T17:18:00.007+02:00

اتخنقت لا زهقت من الحياه ومن اللي فيها والبيت واللي فيه
حظى زفت لا قرفت هو ليه الفقر مصاحبنى وملازمنى ليه

شكلى كدا هلبس شكاره وامشى ازقل بالحجاره
والعيال يخافو منى بس اصل غصب عنى

لما المذيع يسأل الضيف .. دى بنتك ؟

ويرد الضيف اه بنتى أن شاء الله !!!

لما يبقى كيلو الطماطم يعمل دقيقة دولى بعد الرخص
وصنية البطاطس هتتعمل بالجوافا اوفر طبعا

لما اعرف واحده علي النت لسنين وتبقى من اعز اصحابى

وتنسى تقولى ان عندها تلات عيال وابوهم

الدنيا مشاغل بقى هههههههه

لما الدكتور يكتب الروشته بالعربى علشان اللي فى صيدلية
التأمين مش صيادله يبقى العيب فى عنيا

لما البرتقان يبقى بطعم الخيار برغم ان البرتقانه قد دماغى
يبقى عصير البرتقان هيصبنا بالبرد دا لو لقينا العصير

لما دكتور الاسنان يقولك تدخل جمعيه معانا
جمعيات الحكومه اضمن اكيد

لما نضحك نقول خير اللهم اجعله خير طبعا مش مصدقين
ولما نفرح نعيط من قمة السعاده اللي احنا فيها

لما يمرو علي البيوت يعملو استفتاء للمرشحين للانتخابات

كان لازم يكون اول سؤال .. هل تسمع عنهم ؟!!

وبخمسين جنيه

يكون ردك اكيد بسمع كل خير ان شاء الله

لما طفل فى تالته ابتدائى يبكى بعد المذاكره انه مش فاهم الدراسات
وتقوله اخته بالصف السادس امال لو تشوف الدراسات بتاعتنا ؟
فيرد يقولها ... ابقى قابلينى لو طلعت للصف السادس !!

لما قلة الادب تبقى شعر علشان مش عاجبنا الحج ابو علاء
يبقى ننشر علي الفيس بوك سلامتك يا ريس وسلامة *** أحمد فؤاد نجم

ضربو الاعور علي عينه قال خسرانه خسرانه

قصة دمعه

2010-09-12T11:50:00.002+03:00

غريبه قصه الدمعه ساعه تصبر على الالم واوقات تحيى الجراح والندم
مش عارفه ليه لقيت نفسى بقارن بين الدمعه والدم الاتنين طعمهم مالح ودافى
اوقات تشعر ان قلبك بيموت برغم ان انفاسك داخله وطالعه بتأكد انك حى
واوقات بتبكى وانت فاكر انك بتهون علي نفسك برغم ان صراخك وحرقتك باينه فى التنهيده
اضطراب انفاسك بصدرك زى صخره بيعصف بيها موج البحر
عيونك اللي بيصعب انها تركز علي مكان وكأنك فى طريق فقدانك لحاسه البصر
وبتلمح طيف من كل صوره كأنك بتودع ذكرياتك وبتعلن الرحيل
ومحاولاتك للسيطره علي الدموع وفشلك فى ردعها وكأنها سيل قرر يغرق مدينة الاحزان
اللى دايما تروى اراضيها بدمك , مدينة الاحزان اللي ساكنه بين ضلوعك
مدينة اخلتها من البشر لكن كل انسان حب يسيب ذكرى ليه بمكانه القديم
اللي حفر حرف اسمه بالنار علي الجدران , واللي كتب قصته بالدم علي بابها
واللي ساب ورقه طيرتها رياح الخوف , واللي زرع ورده داستها رجلين الظلم
مآسى ومدينة مهجوره هتطهرها امواج السيل
وتتركها تحى نفسها من جديد بأبهى صوره كانت عليها اول مره اتشكلت
غريبه قصه الدمعه لما تبدأ بهدوء وتشتعل زى ثوره ومع ذلك تنتهى فى سكون وصمت

افتح قلبك

2010-08-07T04:33:00.004+03:00

حين يعتريك الألم فتقرر ان تريح جفونك او تختبىء وراء نومك , حين تصير أحلامك كوابيس فتنتفض من مكانك وتبتعد عن سريرك , محاولا التخلص من الشعور بالفزع الذى أصابك وبعد لحظات تنتبه أن مخاوفك تكمن بعقلك وحدك وحين تبصر سكون كل شيء حولك كما كان تعلم أن خوفك أبعد ما يكون الأن ولكنه ينتظرك حين تغمض جفونك من جديد , فتهلل غير مبالي عندما تتأكد انه كان مجرد كابوس وليس واقع مرير تحياه , وتلتقط يداك أقرب كتاب لتسعد عقلك بالأفكار الجديدة لتختزن لنفسك كم هائل من رحيق الأمل , و تبحر بعيناك خلف سطور الكلمات , وتسبح وراء فكره , وحين تطمئن بأنك تجاوزت خوفك تعيد التفكير بكابوسك المخيف وتبدأ المقارنة بينه وبين الألم الذى كنت تختبىء منه بالنوم , ثم تتضارب الأفكار بعقلك , فتقرر أن تتخلى عن الخوف والألم وتتمسك بتلك الفكره التي أسعدتك حتى وان كانت ستدوم بضع لحظات فقط , فتستفيق من معاناتك ويتجلى الكون امام عينيك بجماله , وترتسم علي شفاهك ابتسامه خبيثه وكأنك تريد ان تصرخ انا من قهرت الاحزان والالم , وتسكن لحظه دون تفكير ويذهلك ان عقلك اصبح كصفحة بيضاء خاليه من أي شيء , فتعيد ترتيب أولوياتك بكل هدوء ممكن , حينها فقط تعلم أنك مجرد انسان يصيب ويخطىء يؤثر ويتأثر , لست قلعه حصينه ولا انت ببرج هائل من المستحيل إختراقه , تضعف بكلمه أمام جند من جنود الله سبحانه وتعالى , وتيقن ان ما كنت تهرب منه شيء محتمل يسهل التعامل معه فهناك كثيرا من الاشياء قد يصعب عليك تحملها , فلا تكتئب او تقف عند شيء وتعتبره المستحيل بعينه , ولا تتعجب لكن اصبر , حتى يقضى الله امرا كان مفعولا, واحتمى بالله وتضرع إليه بالدعاء , فأنه رحمن رحيم كريم قريب سميع بصير مجيب لدعوة الداع أذا دعاه , فلا تبخل علي نفسك بالدعاء

" كل سنه وكل العالم الأسلامى بخير وكلكم بألف خير يا رب "

دايرة الحب

2010-07-18T19:00:00.003+03:00

اللي تحبه ميحبكش واللى يحبك متحبوش
تسأل ليه ازاى معرفش قدرك كان ومتستهلوش

اللى تحبه توفى إليه تنسى الناس وتجرى عليه
يغدر بيك ويخونك ليه يمكن ذنب اللي مشفتوش
اللى يحبك يفرح بيك يهمل ناسه يعيش حواليك
وقت ما تيجى عنيه فى عنيك تمشى كأن متعرفهوش

اللى تحبه ميحبكش واللى يحبك متحبوش
تسأل ليه ازاى معرفش قدرك كان ومتستهلوش

ذنبك ذنبه ميهمكش كل غلطه وليها أصول
بص بعينك شوف حواليك وقت ما تلقى حبيبك قول
قوله بحبك بص عليه وأسأله راضى بحبك ليه
وان قال لأ سيبه وخليه واوعى تعيش عاشق مذلول

اللى تحبه ميحبكش واللى يحبك متحبوش
تسأل ليه ازاى معرفش قدرك كان ومتستهلوش

مقتطفات المصايف

2010-07-10T20:21:00.005+03:00

شىء من بعيد ندانى واول ما ندالى جرالى ما جرالى

الشىء البعيد هو البحر , ومين فينا مبيحبش يروحله , بس انا ليا احلام وكلام كتير معاه , دلوقتى كمان بقى فى احداث وضحك مبقاش يفارق الرحلات ليه والحمدلله

ومها اغيب وارجعله بلهفه برضو يلقانى واضمه فى حضنى واسمعله يقولى تانى وحشانى .. دا وصفى للبحر ..

لما بشوفه بحس ان موجه هيخرج من اراضيه علشان يرحب بيا بيروح ويجى زى طفل بيدور من شدة فرحته بزوار لبيته , ايه بقى مالكم مذبهلين ليه كدا المدونه مدونتى والاحلام احلامى واتخيل براحتى ههههههههه ايون هى بلطجه

طيب متزعلوش هبطل رغى واحكيلكم عن مقتطفات المصيف , اعيرونى انتباهكم , يا سلام علي اعيرونى دى جامده منى صح , انا مالى رجعت رخمه ليه كدا , اعوذ بالله , شكل الميه زى ما بهتت على شكلى بقيت شبه عبده وعثمان عارفينهم طبعا , انا اصلا اول ما رجعت اصحابى بقو يقولولى ادريس رجع هو اللي بيروح للبحر بيرجع اسود كدا , كان لونى ابيض او مكدبش عليكم اصفر يعنى قبل ما اسود فى المصيف , بينى وبينكم انا معرفش رجعت لونى ايه شكلى نسيت لونى الاصلى كان ايه , ديتها شهر ونص وشوية أريال وغسيل ومكوى وارجع كما كنت بأذن الله

طبعا انا سافرت يوم جمعه وكلنا عارفين رحلات اخواننا الاعزاء رحلات اليوم الواحد يوم الجمعه والاحد فيعتبر انى تنازلت عن حقوق اول يوم وتانى يوم كان جميل اما تالت يوم بقى وكان يوم الاحد نزلنا للبحر متأخرين , وبعدين فوجئت ببنت صغيره بتصرخ من ورايا , ففكرتها بتغرق لفيت ناحيتها لقيتها بتقولى يا طنط من فضلك ابعدى الواد دا عنى عايز يغرقنى , بصيت بعيد شوية لقيت فى شاب بيقولها طيب لما ترجعى بس فقمت عامله دايره كدا انا واللي معايا حواليها وكل ما يحاول يغطس ويدخل ما بينا نخرجه تانى , لحد ما بعد وقالها طيب ماشى , فسألتها مين دا قالتلى دا ابن خالتى وعايز يغرقنى فقولتلها طيب خليكى معانا ومتخافيش وشوية والاقى ولد تانى جاى وهى بتقولى الحقى الواد دا كمان عايز يغرقنى , فقالها تعالى قالتله لا فحاول يدخل ما بنا قام ابن اخويا زعقله فرجع , فبنسألها مين دا كمان قالت دا اخويا , فسألناها هو انتى جايه مع مين قالت مع امى وخالتى واولادها فقولنلها وفين مامتك وخالتك ولا يكنوش عايزين يغرقوكى هما كمان هههههههه , فقالت لا هما قاعدين بره ومن لهجتها قولنا شكلها من دمياط وسألناها هو انتى من دمياط قالت لالا انا من ديكردس باين كدا اصل الكلمه صعبه وانا عمرى ما سمعت عن البلد دى المهم قولنا نطلب شوية توضيح قولنلها فين ديكردس دى قالت في ميت مجاهد , فضحكت وقلتلها لا كدا عرفنا , قوليلى مكان مشهور طيب اكون سمعت عنه , فبصتلى كدا وكأنى جايه من المريخ وقالتلى فى مصر فى مصر , مقدرتش امسك نفسى من الضحك ساعتها وقلتلها منا عارفه انتى شيفانى من السنغال , فهى زعلت ولسه هتبعد عننا ظهر قنديل كبير فرجعت لينا تانى وابن اخويا راح يشيله ويخرجه , اه نسيت اقولكم ان المصيف كان فى راس البر , مكان كويس بس يا الله علي كمية القناديل اللي فى الميه , المهم بعد ما رجع ابن اخويا فبقوله لا فى اسكندريه مكنش فى كدا ولا حتى جمصه الاقى البنت بتقولى لا جمصه فيها وكتير قوى كمان , فقولتلها لا انا روحتها كتير ومفيهاش بالشكل دا قام صوتها على عليا وقالتلى بقولك فيها وكتير كدا كدا كدا وهى بتشاور بأيديها لقيت اختى خلاص ميته ضحك وبتقولى شوية وهتضربك بالقلم فيها فيها يا بنتى خلاص انتى ادرى وهنا خلاص البنت انسحبت من وسطنا وبعدت
منكرش عليكم انا حسيت انى الغبيه الوحيده فى مصر اللي مسمعتش عن ان راس البر فيها قناديل بالشكل دا كل اللي اقوله معقول كدا يقولى هو انتى متعرفيش , ولو كنت اعرف مكنتش عملت فى نفسى كدا , اه والله

الأنكت بقى فى يوم قولت مش هنزل وهقضيها علي الشط اسلم , اصلى قبلها كنا لسه هننزل وعلي ما مشينا شوية فى الميه وانا لسه بستعد اغطس لقيت فى حاجه تحت رجلى قولت زوباله عاتى بقى وهب بضربها برجلى علشان اشيلها اترفعت لفوق لقتها قنديل ملقونيش جمبهم جريت ههههههه , المهم جبت كرسى وحطيته علي حرف البحر قال يعنى البحر ليه حرف صنية بسبوسه هى ما علينا , ورميت رجلى فى الميه وقولت هيبقى لا عوم ولا استمتاع بالموج كمان , وقاعده بنفخ انى مش عارفه انزل شبعت قرصات من بيض القناديل علي ما اعتقد , هو فى حاجت بتقرص هى ايه الله اعلم بس بتوجع وبتعلم مش زى قرصة القنديل نفسه لالا دى حاجه كدا تفاريح يعنى , وفجاءه الاقى حد رزع كرسيه جمبى وكويس انه مجاش علي رجلى ولقيت الست بتقولى البحر عالى النهارده قولتلها اه فعلا وانا لا شيفاه عالى ولا واطى بس اهو تقفيل حديث وخلاص فقالتلى عارفه انا كنت جايه يوم واحد بس لما لقيت المكان جميل كدا قولت لجوزى يأخدلنا شقه ونكمل الاسبوع الف شمال يمين هو ايه اللي حلو , بقى نفسى اقولها تاخديش الشقه بتاعتنا وارجع انا هههههههه

وافتكرت فى اللحظه دى الديك لهيطه , هو المصيف دايما بيفكرنى بيه , فاكرين الديك لهيطه اللي كان فى فيلم اونكل زيزو حبيبى , انا شوفته حقيقى , بس مش بتاع الفيلم , دا كان ديك فعلا فعلا عملاق ما شاء الله حاجه كدا متتوصفش , بس بيخوف والله , تحسه بيشوفك عدوه لهيطه بقى وشايف نفسه , وبيخوف الناس تطلع فوق السطوح , السطوح سطوحه بقى , دا كان سطوح البيت اللي أجرنا فيه , انا شوفته بالصدفه طلعنا بنسأل صحبة البيت عن حاجه فهى دايما تقعد تتشمس اتاريها بتأكل لهيطه الله يحرقه قطع خلفى , وافتح الباب الاقى شىء مؤذى والله فكرته كلب لولا صوته قفلت الباب ونزلت جرى , قولت هو مصيف باين من اوله

اه نسيت اقولكم من البوست الاخير قررت احقق احلامكم اقصد احلامى انا واركب عجل , وركبت ويا رتنى ما ركبت ايه دا بتسوقوه ازاى رجلى وجعتنى منا خلاص حسن الختام بقى

لقيت اولاد اخواتى كلهم رايحيين قولتلهم طيب يلا احاسب انا بس اركب معاكم طبعا ما صدقو خدعتهم العزومه ميعرفوش انهم هيحتاسو بيا , واخويا يقولى معقول هتركبى عجل اقوله اه يقولى ولا عمرك عملتيها هتركبى ازاى , واغمزله انه يفهم ابدا , بيحرجنى قدام جمهور الاطفال , بعدين حطيت ايدى علي كتفته وقلتله ربنا يخليلنا العجل ابو اربع عجلات الله , امال هما عملوه ليه هههههههه
وبت ليله اجاركم الله اقول يا رجلى , ودى نهاية اللي يفكر يحقق حلم غيره , ويا رب يكون صيف سعيد عليكم وتقضو فيه اجازه حلوه زى بتاعتى

اه نسيت اقولكم انى زورت هناك مكان اسمه اللسان اخدته منه الصوره اللي فوق خالص وصور تانيه المنظر روعه هناك هبقى اعرض عليكم الصور ببوست تانى , سبحان المبدع دا المكان اللي ذكرت فيه الايه الكريمه , بسم الله الرحمن الرحيم ( مرج البحرين يلتقيان بينهما برزخ لا يبغيان ) صدق الله العظيم

حلم طفل كبير

2010-06-11T13:20:00.006+03:00

سألتها الطفوله جميله صح
طيب ليه مبنقدرش نعمل اللي كنا بنعمله زمان نسيناه ؟!!
قالتلى لا بس منقدرش نعمله ..
قالت كمان يعنى انا مثلا نفسى امشى اتحنجل فى الشارع زى ما كنت بعمل زمان
فأنا ضحكت قوى تتحنجلى قالتلى اه بس مش فاهمه ايه كان حبى فى المشيه دى ..
قولتلها انا كنت بمشى عادى بس وقت ما كنت احب اجرى بجرى
دلوقتى مينفعش ابقى ماشيه بعقل كدا وبعديها اقوم جاريه
هتلاقى الناس بتبص عليك وكأنك اتجننت
انا افتكر اليوم اللي كنت باكل مصاصه فى البيت وكان لازم اروح لصحبتى وخرجت ونسيت المصاصه فى بوقى وطول الطريق الناس بتبصلى بنظرة تجبنى من فوق لتحت كدا
دا علشان المصاصه , لا وانا بقى اول ما لقيت نظرات الناس كدا قولت يا ترا بيبصو علي ايه افتكرت المصاصه اللي فى بوقى قولت طيب ماشى مهى مش عيب مسكتها بايديى وبقيت الفها فى بوقى زى الاطفال , خليهم يتفرسو بقى
يلا خليها تكمل هما هيحرمونا من الطفوله كمان او حتى الحلم بيها
امال اشمعنا لما بنبقى فى رحله مبنشعرش بجمالها الا واحنا بنجرى وبنلعب وبالذات فى الجناين المفتوحه وتلاقى الصغير بيجرى والكبير بيجرى , امال انا بحب جنينة الحيوانات من شوية , مش بس بصور فيها مناظر طبيعيه مشوفتش حد صورها قبل كدا لا وكمان محدش بيبص عليك ويعلق لما يشوفك برغم سنك الكبير بتجرى ولا بتلعب , واى العاب بقى مبتفرقش , هو احنا علشان نستمتع بحياتنا لازم نروح مكان بتتفق فيه الناس علي نفس الفكره , زى المصايف انا بحب انزل الميه بكامل الملابس الرسميه هههههههه وتلاقى البلاجات اللي فيها ناس بتنزل كدا لو نزل حد بالمايوه يقلوله معلش روح البس هدومك او متنزلش زى بعض المدن اللي كلنا بنعرفها زى شرم الشيخ يقلولك معلش روح اخلع وبعدين تعالى انزل للميه ( حرر عقلك ) اما لو فضلت كدا متنزلش ...
يعنى احنا بنخنق بعض بأفكارنا وتعليقاتنا وان مكنتش تبقى بنظراتنا , شوفت فيلم بيعملو فيه اعلان للالبان وبيقولو ان الاطفال بتكره ريحة اللبن بسبب الزفاره بس عارفين انا مكنتش من الاطفال اللي مبتحبش اللبن انا اصلا فطمونى بالعافيه هههههههه ويمكن نسيو يفطمونى , يعنى انا لحد النهارده بحب اللبن جدا , بس عارفين ان اللبن اللي موجود دلوقتى هو اللي وحش انا اصلى شربت اللبن بخيره زمان مقصدش نوع اللبن اللي اسمه بخيره لا انا قصدت انى كنت دايما بشرب اللبن فى البلد عندنا يعنى من الجاموسه علي بوقى ههههههههه
بعد الغلى طبعا برغم انه بيجى من الجاموسه دافى يتشرب بس لا انا مشربهوش الا لما يتغلى الاول , مكنش عمرى اشم ريحه وحشه فى اللبن بالعكس كنت بستمتع جدا بطعمه وريحته المميزه اللي كنت بعرف بسببها اى نوع من الالبان حلو ولا وحش مغشوش ولا لا
يااه زمان كان فى مليون حاجه جميله مرينا بيها وحبيناها , يا ترا مش كلها بنقدر نعملها دلوقتى ليه , ودايما بنقول عيب علي حاجات مش حرام اصلا , الا هو احنا جبنا كلمة عيب منين بأفكارنا الغريبه دى , ان مكنتش حرام ومهياش غلط ليه قولنا عليها عيب
تصدقو المجتمع بتاعنا دا عايز فرمته واعادة ترتيب زى الكمبيوتر , مهو اللى فيه ده افكارنا وافكار اللي سبقونا ونقدر نغيرها بس عايزه دراسه علشان يبقى تغيير محمود ومدروس ....
كل واحد بقى يحكيلى عن حاجه كان بيحبها وهو صغير ولسه معاه او سابها علشان مكسوف منها برغم انها مش غلط ,,

الوحده

2010-05-01T21:31:00.003+03:00

الوحده شعور فظيع ممكن يدق بقلبك بألم ملهوش مثيل , خليط عجيب بيجمع ما بين الحزن والشجن وصمت يخطفك حتى وانت فى وسط الناس , شعور يقطع كلامك ويعجز افكارك , يمحى البسمه من جذورها ويترك لمحه من الحيره على جبينك وتسائل ؟!! الجأ لمين اشكيله طيب هشكى من ايه , شعور غريب ساكن جواك بيخليك مخنوق .
تقول لازم اتكلم مش مهم هقول ايه بس المهم الاقى حد يسمعنى ويكون مهتم , طيب مين , تمد ايدك وتمسك موبايلك وتقلب بين الاسماء , اكلم فلانه لالا مش هتكون فاضيه اكلم فلان لا بلاش هيتخض اكلم دى محناش اصحاب قوى طيب صديقتى المفضله لا بلاش مقدرش اتكلم هتفكرنى بشكيلها مش هتفهمنى , وتفضل ايدك تقلب بين الارقام وتتوه عينك بين الاسماء وتنتهى بتركه جنبك منغير ما تكلم حد , كترت الاسماء وكتار جدا اللى قولنا عليهم اصحاب لكن مين فيهم فى وقت زى دا ممكن يلم شتاتك يريحك بكلامه لما يرتب افكارك ويهديك لبدايه الطريق من جديد ويمشيه معاك خطوه بخطوه ويحسسك بالامان , وتنصدم ان مفيش حد فعلا ممكن يسمعك منغير ملل او ممكن يبديك على نفسه او يخليك تشكى حالك لو هو حاله مش تمام , وساعتها هتقول يا ريت كان ليا حبيب هو دا الانسان الوحيد اللى ممكن يسمعك ويصبر عليك مهما قولت ومهما كنت متلغبط , لا هيفهمك غلط ولا هيزهق من شكواك لأنه بيتمناك تتكلم بيحب يسمعك حتى وان كان صوتك حزين , اكيد كل واحد فينا عنده اصحاب ويمكن يكون منهم الاوفياء جدا كمان وعنده اهل واخوات وجيران وحواليه العالم بأكمله , لكن لما يسيطر عليه شعور الوحده مش ممكن يبعده عنه الا حبيب , لو كان ليك حبيب متفرطش فيه بسهوله مهما كانت الظروف صعبه متحسش بيأس , ولو مكنش متدورش علي الحب لأنه مش عمله ممكن نجتهد للحصول عليها , لكنه عباره عن عمله مفقوده ممكن نلاقيها واحنا ماشيين علي الأرض , ودا مش لعدم اهميتها ولا لأهمالها ابدا , دا بس ممكن يكون لبساطتها وسهوله وجودها منغير جهد يمكن لصدق القلوب اللي كانت بتتمنى تقابل الحب .

الريس مواطن

2010-03-29T16:00:00.004+02:00

قعدت مع نفسي كدا وفكرت وانتم عارفين طبعا ان عقلي تاعبنى شوية ومش بيبطل تفكير بعيد عن السامعين بالذات لما الموضوع يخص الريس متقال بذات نفسه , سمعت عن رحلة علاجه وزي باقي البشر كنت بتتبع الموقف بس فى لحظه جه علي بالى حاجه بتقول الريس مواطن ؟!! أه طبعا الريس مواطن زيه زيينا الفرق انه بيغنى لينا او علينا مش هتفرق , ما علينا من الفرق خلينا فى وجه التشابه اللي بينا وبينه , طيب لما يبقى الريس مواطن اكيد رحله علاجه كانت علي نفقة الدوله ؟!! مش هو مواطن برضو , تصدقو سؤال نفسى اعرف اجابته , طيب لو كان اتعالج علي نفقة الدوله ودا حقه مبقولش لا , هو برضو استنى الموافقه بعد ما قدم الاوراق وقعد فتره يا حرام مش جاله رد ولا اتمضاله بالموافقة الفورية , الا حد يقولى هو لما بنقدم طلب للعلاج علي نفقة الدوله الرد بيجى منين , مين فى ايده يقول فلان يسافر فورا وفلان لسه شوية خليه لما يستوى اقصد يموت اهو يبقى وفر , لما كبار الدوله بكل فلوسهم ونفوذهم ( اللهم لا حسد ) يتعالجو علي نفقة الدوله امال احنا نتعالج علي نفقة مين , هى الدوله هتتحمل تعالج مين ولا مين وكلنا خربانين , ما علينا من النفقه دلوقتى , فكرت فى حاجه كمان معلش تعباكم معايا ركزو شوية , هو ليه الريس متقال سافر يتعالج بره مصر هو ميقدرش يجيب اكبر دكاترة العالم لحد عنده (بفلوسي يا كلا.... ) ولا علشان جو بره يساعد علي الشفاء اسرع , نقى بقى بعيد عن السامعين لحسن حد من اخوانا البعده يقول احنا كمان سنطالب بجو نقى بعد الشر علينا منه , يلا ما علينا اصلا من كل دا المهم الحمد لله انه رجع بخير فلله الحمد علي السراء والضراء , وغنوا معايا أغنيته المفضلة .....
طويل العمر يطول عمره ويزهزه عصره فيخرب بيتنا وينصره علي مين يشتكيه هاى هئ .

تفاءل

2010-03-26T04:27:00.006+02:00

التفاؤل إحساس رائع هو الأمل فى الوصول للسعاده , التفاؤل بدايه تقدر تسميها نور الطريق , التفاؤل هو الايمان بالقدر خيره وشره , التفاؤل هو التحمل فى وقت الأزمات أملين فى تغيير للاحسن بإقتناع رهيب أنه اكيد هيكون الجاى شيء مختلف هيرضينا , التفاؤل شعور بيغمرك ويصبح كهالة نور محيطه بيك وكأنك لو لمست أنسان ممكن تسعده زيك , مش بيقولو الضحك معدى والحزن معدى اكيد التفاؤل برضوا معدى , كمان يا اعزائي الابتسامة معديه ( الأبتسامه فى وجه أخيك صدقه ) يعنى خدمه متعددة الفوائد ممكن تقدمها بدون تكلفه لا منك ولا من مستقبلها , كل المطلوب منك انك تتفاءل وتكون صاحب قلب صادق , صدقني مش وحش انك تزعل لكن بعد الزعل تصفى ودا هيكون اجمل ما فيك , ممكن تبكى لكن بعد ما تجف دموعك وتعود الشمس تنور بعد أمطار الشتا .. أبتسم .
التفاؤل هو النغمه التي لا تمل شفاهك من ترديدها بحب وشجن وانت مطرب لسماعها وتتمنى ان تشاركها مع كل من حولك , فسعادة الانسان ليست فقط أسعاد نفسه ولكنها تكمن فى أسعاد كل من حولك أن استطعت , دايما بقولها فى نهاية الحوار ( تفاءل يا آخى ) , لقد قال الله سبحانه وتعالى فى كتابه العزيز" فأن مع العسر يسرا أن مع العسر يسرا " وهذا تأكيد من الله سبحانه وتعالى ان الفرج أت لا محاله فلماذا لا نتفاءل !!

ومع كل عسر يأتى اليسر فسبحانك اللهم وبحمدك

أشهد ان لا اله الا انت استغفرك واتوب اليك

ألم المشاعر

2010-02-27T07:34:00.004+02:00

حيرنى التفكير فى احوال الناس وقلوب البشر , ايه القلوب الحجر دى ازاى قسيت كدا , طول عمرى بسأل نفسى ازاى نقسى علي حد بيحبنا , ازاى نجرح ونعذب ونقول أسفين دا قدر , بيبقى نفسى اصرخ واقول القدر مش ظالم احنا اللي بنظلم نفسنا , احنا اللي بنختار غلط , احنا اللي مبنحاربش , لأن الحكايه فى نظرنا متستاهلش , نحارب علشان مين وليه علشان مجرد صديق , وكأن سهل فى الدنيا دى تلاقى صديق ووفى , نحارب علشان حبيب , عريس مشى يجى الف غيره , الاستسلام تفكير سلبى ومحبط , دا احنا حتى مبنحافظش علي صورت الحبيب فى خيالنا وبننساه بمرور وقت قليل جدا , ازاى نكون النهارده بنحب حد ومتعلقين بيه وبكره عادى جدا مجرد انسان بيمر من جنبنا , ايه القلب دا , احنا بنهرب ولا بنتجاهل الذكريات , وبنخاف حتى تمر بعقولنا لحظات فبنختار ننساها للأبد , فى يقين جوايا بيقول اللي يخون حبيب هيندم أشد الندم , بس هل يا ترا وقت ندمه دا هيفكر دا ذنب مين ولا هيقول الدنيا جت عليا , يمكن مش شرط دايما ان الجرح يبقى تخليص ذنوب , بس اكيد فى ناس رحمة ربنا بتلحقها فى الدنيا يمكن لأنهم مكنوش وحشين قوى كدا زى ما اتصورنا , وساعات بقى بنريح عقولنا خالص ونقول مقلب القلوب هو الله النهارده بنحب فلان بكره مش حاسين اننا بنحبه يبقى من عند ربنا لا معلش معتقدش , يبقى انتم اصلا فى الاساس مكنتوش بتحبو فلان دا , واللي يحيرنى اكتر الناس اللي بتنسحب من حياتك بدون ذكر جمله لا خير ولا شر كدا بدون اسباب , ألم فراق الناس دى ملهوش مقياس علشان اقولكم مدى قسوته وعذابه من الحيره والحنين , عارفين لو شخص مات بنكون مرتاحين نفسيا اننا عارفين هو فين وعارفين بعد عنا ليه وساعتها بس بنقول قدر الكلمه وهى بتخرج من قلوبنا بتصحبها تنهيده تسليم للرحمن سبحانه وتعالى , لكن اللي بعد بدون سبب واضح لينا , بنمشى ندور بعنينا عليه فى كل طريق وكل مكان جمعنا سوا او حتى كنا بنفكر نروحه سوا بتبقى ذكرياته عذاب والتخلص منها محال , بنقول ساعات بينا وبين الناس لا خلاص احنا نسينا ومبنفكرش اللي بعد هو اللي اختار , مش عارفه بنحسن صورتنا فى عيون الناس ولا بنحاول نحسنها فى نظرنا احنا يمكن علشان نقدر نكمل قال يعنى قلوبنا قسيت خلاص وبقينا زى باقى الناس قلوب بتنبض علشان تعيش والسلام .
اعتقد مفيش غير اننا نقدم تحيه للناس اللي مشاعرها ماتت , الناس اللي اصبحت حجاره بتمشى بقدرة ربنا , الدنيا بتلف ومبتقفش عند حد وزى ما خونت هيجى يوم وتتخان هى كدا يا عزيزى يوم ليك ويوم عليك , نصيحه منى احتفظ بالذكريات ولو فى سرداب محدش يوصله ولا يتفتح يمكن الذكرى دى تصحى قلوبنا فى يوم تانى ترجع بتدق بأحساس يمكن وقتها تكون طوق نجاه لينا من تحول القلوب للاسوء , اسقى مشاعرك دايما بالطيبه وكون انسان مهما اتغير الزمن .

( انا مش هقول كالعاده اعذرونى انى مبردش علي التعليقات بس والله يا جماعه انا بفرح بيها جدا وبجد بتغير كتير فى نفسيتى كل ما احس انى قدمت شىء وعجب ولو انسان واحد , يمكن انا بطلت اعلق علشان زهقت من المجاملات والناس اللي بتمر وخلاص ويمكن بطلت اكتب كتير او اعلق فى المدونات التانيه علشان ميبقاش الرد مجرد مجاملات وبكتفى بالقرايه الا ما ندر يعنى انى اعلق , برضوا مش متأكده فعلا لكنى احيانا بحب لو ارد علي كل تعليق بس بحس انه واجب تقيل وانا طول عمرى مبحبش الواجب بقى برغم انى بكتبه ههههه بس هنا بقى فى مدونتى برخم شوية كتير عليكم لازم ارجع اقول اعذرونى *

كلمه واحده

2010-01-23T06:24:00.003+02:00

مهانش عليك تقولى كلمه واحده تطمنى عليك
مهانش عليك تريح قلبى مره دا انا قلبى دايب فيك
منايا اطمن بكلمه واحده حتى لو هتغيب سنين
ويوم ما ترجع هتلاقى قلبى زى ما هو دايب حنين
وبعتلك ولا ميت جواب ولا مره جالى رد السؤال
وازاى راح اكدب على قلبى تانى واقوله احلم بالمحال
طيب جاوبنى رد عليا خلاص مبقتش بتحبنى
طب حتى رد بكلمه واحده هقبل تقول كرهتنى
بس لا بلاش السكات إياك تسبنى للآهات
تجرحنى مره تقتلنى مره ومعاها أندم على فات
دا اللي فات من عمرنا أجمل سنين مرت بنا
ازاى نسلم نقبل تضيع ومعاها يدبل حلمنا

عذراً لا أذكرك

2009-12-29T15:44:00.005+02:00

حدثها قائلاً : اعذرينى يا اغلى الناس ان لم اعد اذكرك , لقد حاولت ان اتمسك بخيوط وجهك لكنه كان يتلاشى شىء فشىء حتى صرت لا اذكر الا عيناك , شرد لحظات ثم عاد ليسألها أتذكريننى بأسمك , فأقتربت منه وكلها آسى وندم علي ما فات وهمست له بأسمها فما فائدة ان يعرفه من حوله , فلن يتذكره احدا بعد الأن حتى أنه هو نفسه سينساه بعد لحظات بل أنه سينسى كل ما كان يعرفه عن الحياه نفسها

فبعد أيام او أشهر قليله سيمسى حياً ميتا سيصبح شبحاً لشخص كانت تعرفه

لم يعود ذاك الكاتب الذى جعلها بطله لقصصه ولن يعود الشاعر الذى نظم الكلمات لتتغنى بحبها , ولن يعود الكوكب الذى لطالما جعلها قبلته ليلتف حولها بل انه سيخرج عن مداره ليسبح هائما فى الفضاء

لقد اجادت لعبة الاختباء , ولكن تلك المره لم يعود هناك من يبحث عنها أو ينتظرها لتعود وتطلق ضحكتها الساخره , لأن بتلك المره لم تستطع ان تخضع قلبها , فعادت لتبحث عنه ....

كانت دائما ما تنسج الشباك وحين تستلم الضحيه تطلق سهماها لتصيب فى مقتل والأن ارتد السهم ليستقر بقلبها هى فما أعجب ضربات القدر.

حوار بين عقلين

2009-11-21T07:07:00.006+02:00

ادينى مساحه أقول الحقيقه كمان متهاجمنيش علشان مكدبش كنوع من الدفاع عن نفسى

عيزنى اقول الحقيقه متزعلوش منى عيزنى اقول دايما الحق يبقى لازم تتفهمو موقفى وتحاولو تسامحو لازم تفتح قلبك وتسمعلى علشان تقدر تسامحنى علي كدبتى ولولا خوفى مكنتش كدبت , مين فينا مبيكدبش ؟!! ساعات مش بنكدب حب فى الكدب لا بس بيكون هو اسهل الطرق اللي تخرجنا من موقف بشع او محرج او حتى ورطه , لو قولنا الحقيقه الطريق بيكون ميت متر لكن لما نقول كدبه بيبقى الطريق خلص بخطوه ..

زمان كنت بتكلم كتير لدرجة انى بقول كل حاجه وكانت أختى تشد فى شعرها تقولى يعنى قولتى طيب مش تقولى كل حاجه قولى شوية واسكتى وسيبى اللي قدامك يخمن الباقى ويبقى عرف لوحدو , مش لازم تندبى بكله , ولما اللي قدامى كان يزعل انى قولتله كل حاجه بصدق كنت اقوله يعنى مش عاجبك طيب اخبط راسك فى اتخن حيطه , تقولى يعنى تندبى وكمان قلة زوق , دلوقتى بقى معنديش اكتر من البكش , فى ناس مش بينفع معاهم غير كدا , اسكت وبكش تمر من قدامهم بسلام , لأن مهما قولت هيفضل اللي في قلوبهم زى ما هو , يعنى بنضحك علي بعض ومن جوانا عارفين احنا الاتنين اننا كدابين , بس مش بنواجه بعض .

حدثتنى صديقتى فقالت :

.................................

Moon: لا الناس ده متلزمنيش

Moon: انتى عارفانى

Moon: مبحبش اقرف نفسى

Moon: يعيش العقلاء بجهد الاغبياء

Moon: لولا الاغبياء لمات العقلاء

Nor: حلوه العباره بس مش فهماها

Moon: مهو العقلاء هيتفزلكوا على مين؟

Moon: اصل فكرى بجد

Moon: لو كل الناس عاقلة

Moon: هتبقى مصيبة

Nor: ليه

Nor: اخد دور الغبى شوية واتفزلكى يا عاقله

Moon: هيبقى فى منافسة

Moon: هيقتلوا فبعض

Nor: تقصدى هيملو من بعض

Nor: علشان محدش فيهم هيعرف يشتغل التانى

Moon: غير كته

Moon: مش معنى ان كلهم عاقلين

Moon: يبقى ارائهم زى بعض

Moon: ارائهم مختلفة

Moon: وصح

Moon: بس اكمن كل واحد عارف انه عاقل

Moon: هيتخانق مع التانى

Moon: لولا المغفلون لمات الاذكياء

Nor: ههههههههههههههههههه

Moon: وبعدين لو انا وانتى فضلنا نتكلم بعقل كته

Moon: وكلامنا كله جد

Moon: هنموت ناقصين عمر استغفر الله

Nor: ههههههههههههههههه

طب نكدب ولا نقول الحق !!

هنخاف ولا هننطق بالصدق !!

( اقولكم زى ما بقولها للأطفال يومياً )

خليك شجاع وقول الحق

لو جه الخطر على بابك دق

ربك ينجى المؤمنين الصادقين

والكدابين لأ

آآآآآخ نسيت أقولكم كل سنه وانتم طيبيين

وبالعيد معيدين وبرضا ربنا فرحانين ومبسوطين

بندهلك وحشتينى

2009-10-10T11:32:00.006+02:00

وحـشـنـى حـضـنـك أنـتـى وهـمسـاتـك حـبـيـبـتـى
وحـشــانـى مـن زمــــان وبـتـرجـى الـحـنــــــــان
تـضـمـيـنــــى بـأمــان واعـيـــش ويـاكــى أنـتــى

وحـشـانـى يـا حـبـيـبـتـى وحـشـانـى يـاحـبـيـبـتـى

بـتـمـنـى تـرجـعـيـلــى ولـــو لـحـظــات تـجـيـلــى
وبـصـــــوتــــك تـنـدهـيــلــى انــا جـتــــلـك انـــا
لــو اعــرفـلـك مـكــان كـنــت اعـيــــد الـزمـــــان
وأوقـفـه كـمـان عـلـى لـحـظـه فـى حضـنـك أنـتى
وحـشـانـى يـا حـبـيـبـتى وحـشـانـى يـاحـبـيـبـتـى

تـعـالـى شـوفـى حـالى شـوفـى جـراح الـلـيـالـــى
عـايـش عـلـى وهـم غـالـى يـمـكـن تـيـجـى هـنـا
وتـضــمـيـنـــى أنــــــــــــــــــــا
تـعـالـى شـوفـى حـالـى بـعــد عــذاب الـلـيـالــــى
وبـعـــدك إيــه جــرالـى يـومـى يـعــدى بـسـنـــه
هـقــولـك إيـه كـمــان مــن هـمـى والـلـى كــــان
وحـشـانـى مـن زمــان يــا حـبـيـبـتـى انــا هـنـا
بـسـتـنـاكـى انــا بـسـتـنـاكـى انــا

لعدم الأستغراب يعنى انا كتباها لأمى الله يرحمها

لكن انتم تقدرو تهدوها لأى حد تحبوه غايب عنكم

ساعدوا مريم ولو بدعاء

2009-09-19T02:57:00.010+02:00

القصه تتلخص عن أننا عرفنا عن حالة مريم بالصدفه وقررنا نتأكد مريم تستحق بجد المساعده ولا لا .. طلعت مساعدتنا مجرد نقطه فى بحر من أحتيجاتها برغم قرب معاد سفرها للعمليه , لكن لسه فى مصاريف ربنا أعلم بيها .. القصه حقيقيه وشهاده اتحاسب عليها

الوقت ضيق جدا حتى علي أنى انسق الكلام , لذلك هنشره زى ما وجدته مع أضافة اننا روحنا وشوفنا مريم بنفسنا وأنها هتسافر بأذن الله أول ايام العيد , مريم طفله عمرها 6 سنين لكن بعينى اللي شافتها مينفعش تديها اكتر من 3 او 4 سنين جسم نحيل لطفلة اول ما حست ان فى بيتها ناس غريبه مقدرتش اكتر من انها تخبى وشها بأيديها الصغيره خوفا من انها تزعجهم بمنظر الحروق الرهيب اللى ظهر على جلدها , يشهد ربنا انى قعدت جمبها مش قادره انطق بكلمه ليها ومقدرتش الا انى اردد فى سرى لا حول ولا قوة الا بالله , رحلة مريم موقفتش عند ركوبها الطياره وسفرها للعمليه لسه الرحله طويله يا ريت نفضل معاها ونحاول نوصلها لبر أمان ...

قصة مريم مش طريقة نصب جديده .. دموع جدتها مش لتعاطفك معاها دى دعاء لله .. ربكت والدها وفقده لبعض الكلمات اللي بيعوض عنها بذكر الله من خلال حديثه .. وتواجدنا فى بيت ملقناش فيه غير كل ترحيب وحب وكرم وأرتياح لاهله .. بتفرض علينا نكمل ونساعدها

دا لينك لمكان الموضوع بالكامل مع صور لمريم قبل المرض وبعده :

http://www.facebook.com/topic.php?topic=10816&post=53212&uid=21363814760#post53212

ودا ما يحتويه اللينك علشان لو حد مقدرش يدخل :

فى 14 سبتمبر، 2009‏ عند 08:19 صباحاً‏
اصعب حالة شفتها في حياتي مريم بنت فى عامها السادس اصيبت بمرض غريب و محتاجة مساعدة عااااااااجلة مننا, مريم انا اعرفها شخصياً يا جماعة , محتاجة للسفر لندن للعلاج ,المشكلة فى ضيق الوقت لو مر اكثر من عشرة ايام لا اعلم ما سيحدث لها ,هل ستعيش ام لا

صورة مريم قبل المرض مع اخوها

http://www.tamecom1.com/urpic/images/kvk8maw2j1mxucq9q.jpg

صور الحالة

http://www.tamecom1.com/urpic/images/mukb4mcg9t964q4yuez0.jpg

‎‎http://www.tamecom1.com/urpic/images/blp8a7b22q2dr0vgr9ml.jpg

‎‎http://www.tamecom1.com/urpic/images/6tgolxedkd94b4u26rnx.jpg

‎‎http://www.tamecom1.com/urpic/images/itu4gubnf2b8zrt7ystt.jpg

بالله عليكوا نهتم بالموضوع ده ..... مريم بتموت

كلمونى انا و اوصلكم لوالدها0100788389

دا كلام والدتها اللى نشر فى احد الجرائد لو فى حد منكم عايز يطلع اكتر**مريم, طفلتي التي لم تبلغ السادسة, زهرتي, التي لم يكتمل نضجها, فجأة, تذبل أوراقها أمامنا يوما بعد يوم, ونحن عاجزون, بلا حيلة, أو قرار!!.البداية كانت عادية, مجرد ارتفاع في درجة الحرارة, سارعت بعدها إلي الطبيب, الذي كتب أدوية ومضادات حيوية, ولكن لم تهبط حرارة مريم, ولم يحدث الدواء أثرا, بل زادت الحالة سوءا, وأصابت الطفلة رعشة غريبة.. ومن هنا بدأت المأساة.ثلاثة أيام طفنا فيها علي أربعة مستشفيات خاصة بالمهندسين, كانت ابنتي فيها حقلا للتجارب, بلا فائدة, حتي تطورت الحالة للأسوأ, وبدأت ابنتي تشعر بآلام غريبة, في جسدها, بل ببركان ثأئر بداخلها!!.البركان الثائر ظهرت آثاره سريعا.. فقاعات في حجم ثمار الليمون بدأت الانتشار في جسد ابنتي, من أظافر قدميها, وحتي منابت شعرها, وما هي إلا دقائق معدودة, ثم تنفجر, وتخلف وراءها آلاما مبرحة, وعذابا أليما للطفلة, حتي غطت الحروق معظم جسدها, وتاهت معالم مريم تماما, وانحبست أنفاسنا جميعا.. ما هذا, وماذا يحدث؟!.لا تستغرب سيدي إذا قلت لك, إننا حتي الآن لم نجد إجابة شافية عن هذا السؤال, ولا تندهش إذا أخبرتك أن مسئولا بأحد هذه المستشفيات, التي ذقنا فيها الأمرين, لم يمتلك الجرأة ليدخل حجرة ابنتي, وخشي علي نفسه من هول المنظر, ونصحنا بنقلها فورا إلي مستشفي أبوالريش, أو قصر العيني, فربما نجد هناك تفسيرا, فلم يسبق له في حياته أن رأي حالة كهذه!!.هدانا الله إلي نقل الطفلة إلي مستشفي الأطفال بجامعة عين شمس, وسبحان الله, وجدنا رعاية وحسن استقبال كنا في أمس الحاجة إليهما, وبعد تحاليل كثيرة, وسط آلام ودموع غزيرة, اتفق الأطباء علي أن مريم مصابة بأحد أمراض المناعة, ولا دواء له سوي في كورس علاجي بمجموعة من الحقن, تكلفة الواحدة, ألف وثلاثمائة جنيه!.. وعلي الرغم من ارتفاع ثمن هذه الحقن, فقد كان العثور عليها, أصعب من تدبير ثمنها, فهذه حقنة نشتريها من صيدلية شهيرة بالقاهرة, وأخري نسافر إلي الإسكندرية للعثور عليها, ولكن كان الجميع يتسابق لخدمة مريم, فالحالة لا تحتاج إلي توصية, حسب تعبير مدير المستشفي نفسه.لا تنزعج سيدي, أنت وقراؤك, من وصفي للحالة, ولكني أصر علي ذلك ليعلم الجميع كيف يكون الابتلاء, وليدركوا قيمة قول رسول الله صلي الله عليه وسلم:نعمتان مغبون فيهما كثير من الناس.. الصحة والفراغ, ويكفي أن أقول لك إن ابنتي قد وصل بها الحال إلي أن تفحم جميع جسدها تقريبا, وأصبحت لا تحتمل حتي ملاءة السرير التي تحتها, وبدأ جلدها يتساقط, حتي رموش عينيها, وحواجبها, بل إنها لم تعد تري, فعيناها, كستهما الحروق.. وأقسم لك سيدي أنها سمعت في إحدي المرات صوت أبيها, وهمت لتأخذه في حضنها, وتلمست ملامح وجهه بيديها, وهي تبكي وتقول أنا مش شايفاك يابابا!!.وجاء الأطباء من مختلف التخصصات, فهذا للجلدية, وذاك للتجميل, وآخر للباطنة, الكل يحاول أن يوقف ما ينهشه المرض من جسد الطفلة, وفي الوقت نفسه, علاج ما لحقه الأذي.. وبعد شهر تقريبا, واستقرار الحالة نسبيا, وأعني توقف التجمعات التي كانت تحترق بجسد ابنتي, دخلنا في متاهة أخري, فكثرة الأدوية والكورتيزون جعلت ابنتي تتورم وكأنها بالونة منفوخة!.. وطمأننا الأطباء, فما نحن فيه, أخف مما كنا فيه, وبدأنا في رحلة علاج الآثار المترتبة علي المرض, ويكفي أن أخبرك سيدي أنني ووالد مريم وجدتها وعدد من أقاربنا, قد أصابنا الإعياء والتعب, من السهر والمتابعة, فأحد المراهم كانت تدهن به عينيها كل خمس دقائق طوال اليوم, فهل هناك من يتخيل ذلك, خاصة أن الطفلة لم تكن تسمح لأحد سوانا بأن يدهن لها جسدها!!.تحملنا جميعا, وبشرنا أنفسنا بالشفاء, ولو طال انتظاره, ولكن جاءتنا الصدمة, فالمرض عاد بشدة مرة أخري, ووجدت نفسي في ساعة متأخرة من الليل, وإذا بنفس الفقاعات الملتهبة تخرج مرة أخري من جسد ابنتي, ثم تحترق, لتخرج أخري, أصابتني حالة هستيرية, وخرجت أصرخ بأعلي صوتي: يارب!!.كان لدي يقين دائما ـ ومازال ـ بأن الله تعالي يرعي مريم وأنه لن يتركنا, وبالفعل حضر مسئولو العناية المركزة خصيصا في هذا الوقت المتأخر, لمتابعة الحالة, وقرروا أن نعيد نفس الكورس العلاجي مرة أخري, هذا هو الحل الوحيد, لإيقاف هذا الوحش المفترس الذي ينهش جسد الطفلة البريئة!!.يا الله, نفس الحقن ونفس الدوخة مرة أخري!!.تحملنا, ويعلم الله وحده, كيف مرت علينا هذه الأيام, حتي بدأ المرض يدخل إلي جحره مرة أخري, ويكمن البركان الثائر داخل ابنتي.. ولكن أصبح لدينا بقايا طفلة, جسد مهلهل, وأعضاء أصابها الوهن!!.. كبد وطحال متضخمان, وأورام تملأ الجسد, وحروق في كل بقعة, وعينان لا يعلم ما بهما سوي من خلقهما, والمصيبة الأكبر هي حالة الرعب التي نعيشها من المجهول الذي نحن في انتظاره, هل سيعود مرة أخري؟.. وإن لم يعد فماذا نفعل بهذه الطفلة التي كانت؟.لم نترك طبيبا سمعنا عنه إلا وسألناه عن الحل, ولا مجيب, فماذا نفعل بالله عليكم؟كلما اقترب مني اليأس, وضاقت الدنيا في عيني, رحت في غيبوبة, لكني سرعان ما أفيق علي دعاء جدة مريم, وهي تصلي:يارب.. ليس لنا سواك , فلا تضيعنا

للى يحب يساعد مريم أو تقدروا تعملو زيى وتتصلوا بأستاذ أحمد وهو يوصلكم لبيت مريم ,لازم نفتكر دايما ان كلنا أخوات ...

( مكتب بريد كفر السلمانية _ الجيزة_ حى الوراق , رقم البريدى 12674 , اسم عمها: محمد مصطفى حافظ هندى )

زهره فى مهب الريح

2009-08-29T04:17:00.003+02:00

جلست أمام أحد الشرفات لتطلق لبصرها العنان وبين يديها كوب القهوه ولم تبدأ ترشف قطرة منه حتى علمت أنه أصبح بارد كليالى الشتاء التى جمعتها وأياه , فلاح بوجهها ابتسامه ساخره ووضعت الكوب بأستهتار علي المنضده المجاوره فسقط مسكوب فنظرت إليه وكأنها غير مباليه بما حدث وشردت لحظه وهى تنظر إليه قبل أن تنهض لتصلح ما افسدت ولم تكد تشرع فى التنظيف حتى دق جرس الهاتف فسارت إليه بخطى متثاقله ككهل فى الثمانين من عمره وما رأت اسم المتصل حتى وثبت فى الهواء من فرط السعاده , ولم يثنيها عن سؤالها التى أسرعت تردده " أحقاً أنت " حتى قاطعها صوته الحنون " لقد أشتقت إليك كثيراً " فتلعثمت محاوله ان تهدىء لهفتها دون جدوى لتقول له " أحقا أشتقت إلى " فشرع فى الضحك ليعيد كلمتها " نعم أشتقت إليك " فتهلل وجهها بعد أن كاد يفارقه رونق الشباب وشعرت ان الحياه بدأت تسرى بعروقها لتحييها من جديد بنور الأمل , وحين طال الحديث بينهم بدأ الأمل يتبدد شىء فشىء حتى تلاشى وأصبح يتردد بداخلها نفس التساؤل الذى لطالما عهدته مع كثرة مفاجأته لها " من انا بالنسبة إليه "
فكم من مرة ردد علي مسامعها كثيراً من كلمات الحب والاشتياق والحنين ثم يعود ويختفى , كأنها لم تكن إلا شىء يلهو به ثم يتركه حين يصيبه السأم , وما يلبث ان يعود إليه حتى يعاود الكره من جديد.
لقد تعلقت كثيراً بالأوهام منذ أن تعرفت إليه علي شبكة الأنترنت وظلت متعلقه به حتى بعد ان اكتشفت انه متزوج ولكن كيف تتركه وقلبها معلق بأوهامه حتى أصبحت أغلى امانيها
لقت استمعت لخبر زواجه من اخرى وكأن صاعقه اصابتها وما لبثت ان تفيق منها حتى علمت انها ليست بواحده ولكنهن أثنتين وكلاً منهن ببلد مختلفه , تزوج بأحداهن لمصالحه الماديه وتزوج بالأخرى لأنها حب عمره علي حد قوله , فمن هى بالنسبة إليه حقاً ؟!!
لا أدرى كيف تصدق اكاذيبه للنهايه كيف تضحى بكل شىء فى سبيل أرضائه وهو يستمر فى بناء صرح هائل من الأوهام يستطيع الأعمى ان يستشعره لمجرد النظر بأحواله وكلماته الغير مترابطه وهى لا ..
هل رأت فيه فارس الأحلام الذى اتى لينقذها من الامها بحبه , ام تتمسك به لتشعر ان بتلك الحياه من تريد ان تقاوم لتحيا من أجله .
لقد ادمانى خبر مرضها حتى أفقدنى توازنى , فصرت أبكى كما لم افعل من قبل , لم تكن معرفتنا وثيقه لتجتاحنى كل تلك المشاعر تجاهها , وهل تستحق اللعبه بنظره أن يخدع زهره فى مهب الريح , لقد عهدتها رقيقه صادقة المشاعر مرحه , لقد حباها القدر بكل الكنوز الرائعه التى يحتويها قلب بشر ووصمها بتلك العلامه لتحيا وتتذكر دائما ان الكمال لله الواحد الأحد .
لا اعرف كيف استقبلت خبر مرضها بنفس راضيه ولسان حالها يقول " قدر الله وما شاء فعل " حتى انها رددتها علي مسامعى كثيرا " مش ناقص من الدنيا إلا قلبه " فهل تحيا متعلقه بسراب وعووده ...
عقلى دائما يخبرنى بنهايات القصص حتى قبل ان اصل إليها يقيناً ولكنى اخشى عليها من أقتراب تلك النهايه المؤلمه .. والله المستعان

زهقت والله يامصر

2009-08-18T19:51:00.002+03:00

كسبت نص عمرك يلى ما شوفت مصر
لا عاد فيها سماحه ولا كرامه فى مصر
مصر مبقتش مصر
كل حته فى بلدى مفيهاش ملامح مصر
ونص الشعب فيها مبقاش من اهل مصر
ضاعت روحها الجميله ضاع كل شىء فى مصر
مصر مبقتش مصر
لا عادت مصر امى ولا نيلها زى دمى
شوارعها اتكسرت وترابها اصبح يعمى
وهقولها وانا مش خايفه ومراره فى قلبى تدمى
مصر مبقتش مصر
اه يا بلدى الحبيبه اه يا نبع الحنان
مبقتش احس فيكى الا بعدم الامان
مقدرش انطق برأيى ولا سمعت الادان
مهى شوية موسيقى غطت علي الايمان
ولما أحزن يا بلدى مقدرش اقول كمان
ولو اكتب بأيدى وانشرعلي الحيطان
يخدونى ويحبسونى ويقولى انى جبان
طب فين عدلك يا مصر
زعلانه انى بغلط وبقول رأيى فى جنابك
وانا مزعلش ليه وانا متهان من ترابك
قالو ليكى فيها ايه غير كلمه فى الشهاده
طب افضل فيكى ليه وازاى القى السعاده
زهقت والله يا مصر

" كفايا الحوادث اللي بتحصل كل يوم من اغتصاب وسرقه وأهانه علشان تخلينا نكتب اسوء من كدا .. لو حد مضايقه الكلام فأرجوه ميعلقش لأنى برغم اللي كتبته لسه بحبها لكن من حقى أزعل منها لما تأذينى .. وسكت الكلام

فاضى تحكى طيب قول جيت ازاى عندنا على طول

2009-08-12T02:21:00.004+03:00

جميل دخول الانترنت لما تكون محدد هدفك , والاجمل منه انك تدخل للعالم دا بالصدفه كدا , مش عايزه اقول بالعافيه لا نسميها صدفه
يااه مر يجى 8 سنين واكتر علي دخولى للنت بالصدفه البحته , وكنت لسه اصلا بتعلم ما هو الكمبيوتر , ومن عاداتى السيئه انى احب اتعلم كل شيء بسرعه , ولازم اتعلم مفيش شيء يرجعنى ولا حد يقولى بعدين أشرح ليكى , مبستناش انا ودا عيب كبير فيا بس يلا بقى ما علينا دلوقتى منه
حكتلكم انا دخلت للنت أزاى وانا مكنتش بعرف في الكمبيوتر اكتر من انى اشغل فيلم ولا أغنيه , لا ... طيب تعالو احكيلكم
طبعا مرحله الدخول كان يسبقها اعداد ايميل وقعدت بعدها سنه احاول الاقى حد يشرحلى الايميل بيتعمل ازاى ههههههههههه
وبيكون سؤال رخم لما حد يقولك لو سمحتى عملتى الايميل ازاى تقوله الله اعلم هو اتعمل لوحدوا كدا
احلى ما فيها لما تلاقى الناس بتكلمك وانت مش عارف فى ايه دخلت جوه !! ازاى ؟!! ضغطت انا علي ايه يا ربى
فى البدايه كنت بقعد بالساعات جنب أخويا واشوفه بيكلم ناس ونضحك ونهزر وعجبتنى الحكايه وطلبت منه يعلمنى لكنه مع شغله مكنش بيفضى كتير للأسف , وكان يقولى دايما اتعلمى بعنيكى , طبعا انا عرفت معظم الحاجات من خلال قعدتى جمبه لكنى مكنتش بعرف الأيميل بيتعمل أزاى وكنت مندهشه من شغل الكمبيوتر كله أصلا , كان بالنسبالى علبه سحريه كأنى لسه مكتشفه أختراع أسمه الكمبيوتر حالا وكنت أفضل قاعده علي الالعاب من ساعة ما أصحى لحد قبل ما يجى أخويا من الشغل علشان كان بيستولى عليه وأقعد انا فى دكة الأحتياطى
لحد متحولت والحمدلله وهبقى أحكيلكم موضوع الحول بقى فى يوم تانى ( وانا من منبرى هذا بقول للأطفال اللي أقل من سن ال 18 متقعدوش علي الكمبيوتر اكتر من 6 ساعات ههههههه مقدرش أقلل يضربونى )
مسبتش لعبه علي الكمبيوتر وقتها الا لما جبت أخرها , وحتى الالعاب الجديده اللي كان ينزلها مكنش حد فى البيت يعرف طريقة لعبها الا أنا , واقعد بغتاته أشرح ليهم بتتلعب ازاى وازاى يوصلوا لحد نهايتها , بس دا فادنى فيما بعد لأنى طبقت نفس الشعف دا علي البرامج
نرجع لموضوع الأنترنت تانى , أول حد اتعرف عليه كان شاب سعودى محترم جدا طبيب أعصاب فادنى لما أتحولت ايون اتحولت فعلا عنيا سلمت علي بعضها , بس النداله ليها ناسها أول ما علمنى كل شيء عن الأنترنت مبقناش نتكلم , أشوف نفسى بقى واتعرف علي العالم لوحدى , فى البدايه كنت زى الأطفال محتاجه حد يمسك أيدى علشان مقعش لكن أول ما ثبتت خطوتى جريت لوحدى , فى أقل من سنه كنت بعرف يجى 100 شاب وبنت ( خلوها فى سركم مكنش أخويا أنصدم لسه انى عرفت كيفية الدخول )
افتكرت دلوقتى كمان الأعلان اللي كنت بكتبه بأن اسمى كذا وعمرى كذا ومنين وبأن عندى ميك وعايزه اتعرف علي بنات , شكلهم كانوا بيفهمونى غلط ههههههههه , بس اعز اصحابى عرفتهم بالطريقه دي لقونى محتاسه وتايهه قالو يشوفوا مين التحفه دي وطلعت من قسمتهم , بس بجد كسبت أجمل اصحاب من هنا وذاد تعارفنا فى الحقيقه ودا كان هدفى الأول من دخولى للنت
اكتر شيء بيتغير عندى هو الكيبورد والسماعات وكرسى الكمبيوتر تقولولى طيب الكيبورد والسماعات وفهمنا مالك ومال الكرسى اقولكم معرفش يمكن علشان بقعد اتمرجح عليه فبقصر عمره الافتراضى بس اجمل شىء ان اللمسه الاخيره فى كسره مبتكونش علي ايدى ههههههههه ودا اهم ما فى الامر
يا ريت كل واحد فينا يدعبس كدا فى ذكرياته ويقولنا دخل النت ازاى وليه

شغل عفاريت ( قصه حقيقيه )

2009-08-06T21:01:00.002+03:00

عندما تزوجت لم تفكر هل ستستمر الحياه دون حب , لكن ظل الجميع يردد ان زال كل شىء ستبقى العشره الطيبه , فلم تتردد بقبول طلبه لاسيما انها رأت فيه الاخلاق الحميده ولامست بروحه الطيبه الشديده , كل المؤشرات كانت تنبأ بأنهم ستجمعهم حياه سعيده الى الابد , من اتحدث عنها سيده اعرفها معرفه شخصيه , من شدة انبهارى بما رواه وأكده جميع جيرانها واخوتها قررت ان اطلب منكم النصيحه , أري فى بادىء الامر اعطائكم نبذه مصغره عن تكوينها ولكن أن بدأت فى وصف ملامح شخصيتها لن اكتفى لكنها سيده تتمتع بقوه سبحان من صورها . لو كنت بمكانها برغم شدة أيمانى بالله لم أكن لأصمد يوميا بليله واحده ببيتها هذا , هل تسرعت ولم اقص عليكم ان بيتها يسكنه شىء ما , واعذرونى لا استطيع تصوير ما سمعت عنه الا بشىء ما , كم أضحكنى خيالى حين بدأ يصور لى كل ما اسمعه وكأنى كنت معهم لدرجة ان يتملكنى الخوف وانا بمكانى بعيدا عن بيتها , بدأت القصه حين تزوجت بهذا البيت لم ينصحها السكان ولم تكن تعلم ان العماره بالكامل ممتلئه بمثل هذه الاشياء , ما يدهشنى كيف يتعايشيون مع تلك الاحداث دون ان يدق بقلبهم شيء من الخوف , لنبدأ الاحداث وأرجو من الجميع ان يتمسكو جيدا قبل الانطلاق
بوسط أنشغالى الدائم نسيتها ولم اعد اتصل بها فتره كبيره وفى يوم وجدتها تقف ببابى تعاتبنى معاتبة الأحباء فرحبت بها وجلسنا نتجاذب أطراف الحديث حتى وصلنا لقصة شقتها فسألتها ما الجديد ؟؟ فتبسمت دون أن تجيب ... فذهبت لأحضر لها شىء تشربه وانا اتحرك بدأ يدور برأسى كيف بدات معرفتنا فى بلكونة شقتى حين أوقعت ما كانت تأكله على ملابسى فهى أخت الجاره التى تسكن فوقنا وكما يقال( ما محبه الا بعد عداوه ) فبعد فتره توطدت علاقتنا وحينها روت لى قصتها ولم أصدقها وتخيلت انها تتخيل مغامره لتزيد بهاء الحديث ليس اكثر
حين بدأت الخلافات تدب بينها وبين زوجها فى اول سنه للزواج قررت الانفصال وهى تحمل بداخلها طفلها الاول ولكن سرعان ما اجتمع الاهل واصلحوا بينهم وعادوا ولكن ما كان يدفعها للتفكير فى الانفصال من جديد عدم تواجده بالبيت الا من وقت العشاء لوقت الفجر ويقضى هذا الوقت بالنوم العميق فلا يرى ما يحدث بالبيت ولا يصدق ما تقصه عليه ويأكد لها دائما انها مجرد خيالات بعقلها المريض , وجاء للحياه طفلها الاول والثانى وحين أتى التالت تفجرت الكارثه بدأ الجميع برؤية ما كانت تراه وحدها من اطفالها الى اخوتها وكل زوار بيتها وخصيصا من يجلس بغرفة النوم او يدخل للمطبخ , فى اول معرفتى بالقصه كان الحديث يصل بيننا الى عدم التصديق فسألتها هل تصلى فكانت الاجابه انها لا تترك فرض والحمدلله , فقولت فلما لا تجعلين القرأن دائما يأنس وحدتك بهذا البيت فيبعد عنك تلك الأشياء ويحفظك فقالت لولا القرأن لكان ذهب عقلى ,فسألت هل قتل أو أحرق شخص ما بهذا البيت فقالت ان ما يظهر ليس شخص واحد بل عدة أشخاص سيدات ورجال واطفال وعندما فشلت كل محاولاتى فى عدم تصديق ما يقص على قررت ان استمع لباقى القصه دون تدخل , فقالت وبعد فتره هجر زوجى البيت وتركنى واطفالى وكان دائما يسئل علينا من وقت لأخر وذات ليله كنت جالسه مع أبنتى بغرفة النوم أذا بى أرى شخص بدون رقبه او أرجل يأتى ويقترب منا بدأت أقرأ ما احفظه من القرأن الكريم فبدأ يبتعد حتى أختفى بداخل شاشة التلفاز وبدأت تصرخ ابنتى وهى ترا الحائط ترسم عليه دوائر سوداء فسارعت بالاتصال بأخوتى ليأتو بشيخ ليخرج هذه الاشياء فلقد ضاقت نفسى وبالفعل جائو بشيخ فدخل للبيت ولكن سرعان ما خرج الشيخ وهو يقول بسم الله وابتعد وهو يقول سأتى لكم بشيخ أخر
فقرر اخوتها ان يظلوا معها حتى يهدأ الاطفال من الرعب الذى اصابهم
وحين جاء الليل بدأت تلك الاشياء تسطع من جديد فمنهم من يراها شيء أحمر يظلل الأرضيه ومنهم من يسمع اصوات تتهاس بدورة المياه ومنهم من يرا شىء اسود ضخم يقف بعيداً وانتظر الجميع بفارغ الصبر ظهور اول خيوط الصباح ومن ثم انطلقوا جميعا لبيوتهم واشغالهم متعللين انهم لن يفيدوها بشىء وجميعهم قرروا انهم لن يأتو لهذا البيت ابدا مهما حدث ..
لهنا لم تنتهى القصه فلقد سأمت تلك السيده الانتظار مع هذه الاشياء وقررت ان تترك البيت لزوجها وتنفصل عنه نهائيا ولكن الجميع طلبو منها التروى
ولكن عليها ترك هذا البيت فى أقرب وقت .
( كان نفسى ازور بيتها بس انا بخاف من خيالى هههههههه ) ( أريد حلا ) ...

سأعود لحياتى

2009-07-12T02:53:00.005+03:00

سأعود لأقرأ سأعود لأكتب سأعود ليعصف بى غضبى سأعود للحظات جنونى سأعود لكل شىء تركته من اجلك ليس أنتقاماً لكن هكذا كنت وسوف أعود ...
لقد حررتنى من قيودك لأعود واحيا ببساطه كما كنت قبل ان اعرفك
ولا تستوقفك عيناى ايها الحب الضائع لقد اعتادت ان تبكى ليزيد تلألأها سوف اعود وابتسم لأنى تعلمت ...
تعلمت أن اسامح ليهدأ قلبى ويطمئن ويكف عن الآنين , تعلمت ان اسامح لأعود للحياه واشعر بها من جديد , تعلمت ان اسامح ليغمرنى ذاك الشعور الغامض ويملأ قلبى بالسعاده حين أستيقظ واستبشر بيوم جديد تسطع به الشمس فتنير غرفتى من خلف الستائر الداكنه , تعلمت ان اسامح لأحياء ذكرى الأيام التى جمعتنا , وأستشعر شجن بعض اللحظات التى لن تعود برغم روعتها , تعلمت ان اسامح لأتعلم كيف أحب من جديد , تعلمت ان اسامح حتى لا تتملكنى الكراهيه , تعلمت أن اسامح لأغفر لقلبى إنه احبك , أننى لست من أعظم النساء لكن يكفينى انى تعلمت أن اسامح لكى أسامحك

**************************

هو دا الحب فى عنيك كلمتين قالهم لسانك
وانا اللى ال خايفه عليك ال وبتألم عشانك
راح زمان الحب راح .. سبلنا منه الجراح
والدموع والانهزام ضاع جمال الكون وراح
مش غريبه انك تخون ولا حبى عليك يهون
لما الحب يصبح كلام يبقى حبى ليك جنون
وبأيدينا كان اختيارنا نلغى صفحه من الكتاب
لما الذكرى بتبقى مره عشقها يبقى عذاب
معاه عرفت معنى الحياه وبأيديه كانت نهايتى
اصلى كنت مصدقاه واهو دفعت تمن سذاجتى
يبقى إيه معنى الحياه لو تموت قلوب البشر
نفسى احب مقولش اه ولا قلبى يصبح حجر
راح زمان الحب راح .. سبلنا منه الجراح

والدموع والانهزام ضاع جمال الكون وراح

كـــــــدابـــــه

2009-06-09T16:29:00.008+03:00

كـــــــــدابه .. اه كـــــــــــدابه .. لكن زى العسل يابـا

كــــــــــدابه .. اه كـــــــــــدابه .. لكــن بتحـب بطيابـه

ويشفعلك حنينى إليكى .. ويشفعلك اه خوفى عليكـــى

ولما بغيب كتير عنك واشوف حبـك دا فـى عنيكـــــى

واجيلك جرى وأضمك وأحس برعشـه فـى أيديكـــى

ولـو أسئــل أنــا وحـشتـك تـقـولى لأ بغـــرابـــــــــــه

كـــــــــدابه .. اه كـــــــــــدابه .. لكن زى العسل يابـا

كــــــــــدابه .. اه كـــــــــــدابه .. لكــن بتحـب بطيابـه

فى وسط الناس أشوف طيفك واسرح فيكى بخيالى

وفـجأه تظـهــرى جمبى وابوح ليكى بأســــــرارى

واقولـك اننــــا عشقـتــك وحبـك جنتــى ونــــــارى

وتـبـتـسـمـــى تـقـولـيـلـى وحـبـيـت ليه وانا مـــالـى

كـــــــــدابه .. اه كـــــــــــدابه .. لكن زى العسل يابـا

كــــــــــدابه .. اه كـــــــــــدابه .. لكــن بتحـب بطيابـه

واقـول لازم اعـلـمـهــــا وبـغـيـابــى راح آلمــــهــــا

ولـمـا تـعــدى وتــســلــم واقـول أبـــدا مــا اكلـمـــهـا

تـقـولـى لـيـه بـقـى زعـــلان كـأن القسـوه مش مـنها

كـــمـان بـتـقـولــى عــديـهــا يــا رب ازاى افـهـمهـا

واصــــــرخ والله بـحـبــــــــك تـقـولــى لأ كـمـلـهــا

هـــروح لأبــوكــى واقــولها وخطــوه لازم اعـملها

لـقـتـهـا قـالـتـلـى لأ طـبـعـا لـكـن مـمكـن نـــأجلـهــا

وقـــف قلبـــى وصدمتنـى وكنت خلاص راح اقتلها

بـقـــت تضحــــك اه يا ويلـــى من الحــب وعميلهــا

كـــــــــدابه .. اه كـــــــــــدابه .. لكن زى العسل يابـا

كــــــــــدابه .. اه كـــــــــــدابه .. لكــن بتحـب بطيابـه

علمنى الشيخ

2009-05-02T21:20:00.002+03:00

أستقليت أحد القطارات وكعادتى جلست وأطلقت عينى لخارج الشباك , اتامل الطريق , وعندما كان يتوقف القطار بأحدى المحطات كنت أنظر ناحية الباب , وكأنى منتظره لشخص أعرفه سيلحق بنفس القطار , وحين ينغلق الباب ثانية أعود لأنظر بالخارج من جديد

كان اليوم شديد الحراره فقد كنا بالصيف الا انه كانت هناك نسمه بارده خفيفه آتيه من الشباك فحين ينطلق القطار تجلس مسترخى بكرسيك تاركاً تلك النسمات تداعبك وتتناسى حر الصيف

وفى أحدى المحطات دخل للقطار شيخ عجوز , يرتدى جلباب أبيض وعلى كتفيه وشاح أبيض , من النظره الأولى تلاحظ النور الملائكى الذى ينبعث من وجهه , ولحيته البيضاء التى تزيد من بهائه , ينشرح صدرك حين تطيل النظر إليه فتجده باسم الوجه , وعندما أغلق الباب وأنطلق القطار من جديد وأستقر فى المسير قررت أن انهض من مكانى وأذهب إليه , واقتربت منه ووضعت يدى بلمسه خفيفه على كتفه من الخلف ليشعر أن هناك أحداً يريد التحدث إليه , فأستدار ورفع بصره عن الأرض وحين نظر تجاهى , اشرت الى كرسى وقلت له تفضل بالجلوس , وبنبره رقيقه وصارمه قال : لا والله , فتعجبت لجوابه , وذادنى تجهم حين أستطرد قائلا : لا والله لا أجلس بمكانك , فنظرت لمن يجلسون حولى وراجعت النظر لمكان جلوسى فلم أجد ما ينفر منه , فعدت أسئله لماذا لا تريد الجلوس ؟ تفضل لتستريح !!

فقال : يا بنيتى انا مستريح , هل تريدى ان أقبل ذنباً على نفسى فى اواخر ايامى وبعمرى هذا ؟

ولم أستطع التخلى عن الأمر وتابعت وما كان يشجعنى دائما هو بسمته التى تقوينى على الأستمرار فى الحديث وقلت : لا والله يا شيخ ولكن ما الذنب الذى تأخذه بجلوسك مكانى , فأنا شابه وأتحمل ان أقف أما انت فلا , فالأبدى ان اقف انا وتجلس أنت , فقال يا بنيتى : لم أرتضى علي نفسى بالأهانه يوما فلماذا تصرين علي أهانتى ؟ وقبل ان اجيب عاد يقول انا رجل يا أبنتى والرجل يتحمل مهما بلغ من العمر , ولو صعدتى أنت وكنت انا جالس لكنت وقفت وأجلستك لأن هذا واجب كل رجل , يا بنيتى الطريق ليس بطويل

فأكتفيت بكلماته وساد صمتى وعدت لأجلس بمكانى وأنا أفكر , الشيخ العجوز يقف والشباب يجلسون , لم يعلمنى الشيخ أنا وحدى بل أعطى درساً لكل ركاب العربه ..

تعجبت أشد العجب وانا أقص روايتى هذه علي أحد الاصدقاء , فقال تلك حكم واهيه , مجرد قصص تكتب لن تغير شيء , المثاليه لم تعد موجوده يا عزيزتى

فلم أجيبه وقلت لنفسى والله تلك لأخلاق وليست المحافظه على الأخلاق بمثاليه والا فكلنا الأن نستطيع ان نصبح فى قمة المثاليه ولكننا حتى لا نحاول أن ندعى اننا عليها .. أنها لمأساه يا صديقى

الشكوى لغير الله مذله

2009-04-24T05:30:00.012+03:00

قال جايه أشتكى فكراكى هتسمعى

وبكل قسوه قولتى بلاش تتصنعى

دايما مببرات وكلام ملهوش لزوم

بتقولى أن ظروفك أقوى من المقسوم

وكتير تتأسفى ودايما تختفى

ولما أزعل تقولى حرام بقى أكتفى

ادينى هكتفى وغيبى واختفى

مش هسئل ولا هسمع فبلاش تتأسفى

قالت كلام كتير وخنقتنى الدموع

حسيت انى فى طريق صعب ومفيهوش رجوع

وضاع منا الكلام ونهينا بالسلام

وأكيد هى كمان دموعها علي خدها

بس أعمل إيه يا ربى ظلمتنى جرحتها

_____________________________________

" انا منين .. من دنيا .. دنيا ليا وبس القلب بيها يحس . لكن مفيهاش بشر .. بينورها

القمر .. العمر ضايع فيها ضايع مع السهر .. ملهاش مكان معلوم والحب فيها غيوم .

مفيهاش غير قلب واحد عايش وسط الهموم "

أخرت المعروف كدمات على الكفوف

2009-03-30T20:01:00.003+02:00

أجمل ضحكه ممكن تقابلها هى ضحكة طفل تخطفك وتلاقى نفسك بتضحك علي ضحكه او بتحاول تسكته لأن قلبك بيتألم مع بكائه وأشد غضب لما يعصبك طفل وتقف محتار يا رب أضربه ولا احاول اتمالك اعصابى واعديها مهو ياما هيغلط ومغلطش غلط مميت يعنى وتكتفى تطفى ثورة غضبك بتهديد ليه بالضرب
أعتقد دلوقتى وصلتلكم فكره أنا شغلى الجديد مع مين بالظبط .. ايون مع جيل المستقبل اللي على ايدى هيكونو عباقرة أكيد .. امال طبعا .. وبلاش تريقه لأنى شبعت تريقه من أول يوم شغل لحد ما بدأت اكتب البوست دا
بينى وبينكم انا كنت يوم الخميس اللى فات بقول أنا ايه جننى ونزلنى اشتغل منا كنت فضلت فى بتنا معززه مكرمه ودا لما تشابكت الأحداث واترزع باب الفصل على أيدى علشان الحق أيد طفل , أدى اخرة الشهامه كدمات وألم وغيظ متقدرش تفرغه على حد
تصدقو انى عماله استرجع الأحداث واقول يا رب هو انا منحوسه ولا دا طبيعى , خدوا مثلا تانى يوم شغل حصل فيه أيه ....
اليوم كان جميل ومفيهوش دراسه كتير وتقريبا كنا هنقضيه فى أنشطه ترفيهيه وقعدت والأطفال حوليا ورسمت ليهم ولونا سوا وانبسطوا جدا وطفل صمم الون ليه بنفسى ويادوب قام من قدامى علشان يوصل للديسك بتاعه واذا بصوت طفله بتعيط والأطفال بتقول الحقى يا مس !!!
رفعت المس عنيها من كراسة الرسم وبصت لبعيد شافت الطفل اللى لسه قايم من قدامها حالا وكان بيضحك وسعيد واقف والكراسه فى ايده وعليها شيء أبيض مش فاهمه أيه هو , فبدأت اقرب علشان استوضح هو فى ايه ويا رتنى ما قربت مع كل خطوه كانت بتوضح الصوره اكتر ان معدة الطفل قررت تتخلص من كل الأكل اللي زلطه ولكن يا ريت الموقف وقف لحد كدا لا كان ينتظرنى الأسوء لما وصلت بالفعل للديسك وشوفت الصوره واضحه وكامله ولقيت ان الطفله اللي بتبكى دى كانت جنبه وغرقانه من فوقها لتحتها ببقايا الأكل ( يــــــــــــــــــع ) , آآآه يا ربى حطيت ايدى علي وشى من سخرية الموقف وانا بحاول اهدى الطفله واخرج الأتنين لبره علشان الداده تاخدهم تتصرف فيهم بقى ويجيبوا حد ينضف المكان , بس بينى وبينكم بقيت بضحك ان الطفل عمل كدا لما بعد عنى والا كنت هبقى مكان الطفله اللي بتعيط هههههههههههه
وبعد الحاجات اللي تقلب المعده دى هوريلكم صورة سيف كرمبو ويوم تانى أحكيلكم ليه أسمه كدا وبعتذر لو النوادر هتبقى معظمها بالنمط دا هههههههههه بس دا قليل من اللي بتعرض ليه يوميا واتحملونى بقى
كان معكم المس نور من خلف كمبيوتر البيت اللي بطلت ألمسه من شدة الأجهاد والمرض اللى أصابنى مؤخراً بسبب الأطفال أصل كل يوم كان فى بوسات من مجموعة أطفال ولكن بعد ما تعبت قررت السلام يبقى بالأيد .

شهيد الحب

2009-03-08T17:31:00.002+02:00

أولا وحشتونى جدا كلكم وبالخصوص الناس اللي عارفه نفسها أحبابى واصحابى من المدونين اوعى حد يقولى وانا لا , مش هقول أسماء المره دى علشان محدش يزعل
ثانيا : فكرة الخاطره دى اخدتها من صديقه عزيزه عليا أكيد هى عارفه لأنى عرضتها عليها فيا ريت متزعلش انى نشرتها
وأشوفكم علي خير واعذرونى لتغيبى فتره كبيره

أصعب حب
لما يكون مخنوق جواك اطيب قلب
لما تدق ايدين علي بابك
تفرح فاكره اعز احبابك
تجرى وتفتح تلقى عذابك
فجاءه وتبقى جريح القلب
اصعب حب
لما تأمن للى يخونك
تفرح بيه فاكره هيصونك
تكشف كدبه يزيد فى جنونك
ويقولك والله بحب
أصعب حب
لما تجمع كل احلامك
تبدرها فى طريق قدامك
تشربها الأرض العطشانه
تراعيها وبكل أمانه
فجاءه وتطرح غدر وكدب
كدبو عليك يا اطيب قلب
خدعوك تانى بأسم الحب
هتدور من تانى وتقدر

ولا فى ورطه غيرها تطب

ملحوظه : متغيبه وتقدروا تقولوا مختفيه لأنى مبقتش عاطله والحمدلله

بشتغل دلوقتى ولله الحمد ولينا نوادر اخرى مع مواقف الشغل قريبا أنتظرونا ....

البحث عن فضيحه

2009-02-22T05:50:00.001+02:00

أسهل شيء لما تطلعى اتوبيس ويكون فاضى فتعملى شهمه وتقعدى حد مكانك وتقفى انتى , أكبر مفجاءه لما الاتوبيس يتملى وتلاقى نفسك واقفه بتسبى وتلعنى فى فكرة انك اتخليتى عن مكانك لحد لأنك بقيتى واقفه ولا كأنك فى علبة سردين وتقولى اكيد مفيش شيء هيحصل اسوء من كدا , وأرخم شيء لما تلاقى كل ملابسك اتكسرت من كتر ازدحام الناس فوق بعضها , والأرخم منه لو لابسه بنطلون ابيض طويل .....
ويدور الحوار التالى
حينما تحاولى الالتفاف فتتأكدى ان البنطلون هيقع , فتنظرى للأسفل علشان تشوفى شبكتى فى ايه فتلاقيها مشكلة جزمه لأن حد دايس على رجل البنطلون ...

البنت : تقول لشخص واقف بجوارها بصوت خافت يكاد يكون مسمعهوش : رجلك لو سمحت .
الرجل : بنظره حاده وقام رافع ايديه لفوق وصوت عالى يسمع الأتوبيس كله انا مجتش جمبك
البنت فى سرها : فضحتنى اللهى يفضحك .. طيب اقوله ايه وهو واقف دايس علي رجل البنطلون بتاعى اللي لونه بقى أسود من الطينه اللي فى جزمته , وبعدين بيعلى صوته قوى كدا ليه ؟!! هو انا اتهمته بشيء وحش دنا بقوله وسع رجلك شوية , امال لو كنت قولتله لو سمحت اوعى البنطلون !!! كان اللي فى الاتوبيس فهمو ايه ....
ومتمرش دقيقه وتلاقى فى شاب قام وقف من مكانه وقالك تعالى اقعدى , طبعا بما أنك خلاص نازله قريب جدا فتقولى بكل أدب : لا شكرا .
فيكرر طلبه اللى اتحول من كرم لأمر واجب تنفيذه وبصوت اعلى اكتر : بقولك اقعدى .
فتقررى تنهى مأساة فرجة الناس عليكى وتقعدى وانتى ميته من الغيظ ....
ودا درس نتعلم منه إيه ؟ ايون صح ... اننا نبطل لبس بناطيل بيضه
ونبطل ركوب أتوبيسات سواء سياحيه او عاديه لأنه كل مشوار بينتهى بمأساه أخلاقيه او فضيحه كاذبه .

و عاد للحياه

2009-02-07T04:58:00.002+02:00

يتنفض جسده من أثر الصدام وتتدافع دمائه بخطوط متفرقه كشجرة تحزن لفراق أوراقها في فصل الخريف لتلون الأرض من حوله
ومضات تأتى وتذهب بعينه , فتاره يرا تجمع الناس حوله فيتذكر الحادث وتاره تعود به الذاكره لماضيه , والناس يلتفون من حوله يتهامسون , ترى سيعيش ؟!!
مما كان يهرب أم أنه كان متلهف للعوده لشيء ما , فى كلتا الحالتين لقد خاب سعيه وسقط الأن , بين غياهب الحياه والموت , لا تعلم أى مما ترا هى الحقيقه
تيقن فقط أنك كنت تهرول وراء شىء لا يستحق , فما هو الأن الا جسد ملقى على الطريق , ومن حوله هم من سيكملون القصه , أما بمساندته أو بأهماله
تتجرد أمام عينيه الحقيقه دون أى زيف , فيعرف قيمة حياته ومقدار ضئل حجمه أمام ضعفه , أمام من تكبر عليه وأقسم الا يلجأ إليه , ولكن ليس هناك سواه الأن , يطمئنه ويرعاه
كم أنت آثمة ايتها الروح المغروره , ولم تكونى ستعودى لرشدك الا بهذا الدرس القاسى
رحمتك يا من ليس لى سواك , يا الله
هل أنا من سعيت إليك لأجدك أم انك من وجدتنى بعد ان تهت ؟!!!
لا والله أنت من أوجدنى ووجدنى وسترنى رغم عصيانى , وهدانى بعد أن الهانى شيطانى
يا من أقسم بك , تقبلنى من التائبين

اللي ما يعرفك يجهلك

2009-01-15T19:01:00.003+02:00

وحشتونى قولت أرجع وارخم وارغى معاكم وأصدعكم شويه وبما أنكم انصدمتوا فى كلمتين الحب اللى كتبتهم فخلاص أرجع لقواعدى سالمه وتعالو نفكر سوا فى مثل كلنا بنسمعه مره واتنين ومليون وبنعرفه وبنقوله
اول مره دلوقتى يستوقفنى المثل دا

لما كنت مع واحده صحبتى وقريبيين من بعض احنا قوى وفى قعده كدا بهزار بنتكلم لقتها بتقولى علي فكره زمان مكنتش بحبك
ولا كنت بطيقك وكنت بقول مالها البنت دى , كنت حساكى مغروره او كئيبه ( على فكره هى تبقى اخت صاحبة اختى : لفه كبيره معلش )
البنوته كانت بتيجى عندنا هى واختها فبما ان اختها صاحبة اختى بخرج من الأوضه واسبهم يتكلموا براحتهم مش هكبس علي انفاسهم بقى , كل واحد بيحب يتكلم مع اصدقائه لوحدوا برغم انى واختى نعتبر توأمين يعنى كل شيء بنحكيه لبعض ودايما سوا الا اننا بندى لبعض برضوا مساحة حريه لكل واحده فينا
طبعا البنوته كانت بتدخل مع اختها واطلع انا بره مثلا اقعد قدام الكمبيوتر بعد ما سلمت عليهم , تتغاظ هى وتقول لأختها مالها دى مش بتتكلم معانا ولا تقعد معانا ليه بس تسلم وتمشى , لكن مع الايام فيما بعد بقينا اصحاب انا وهى اصلها كانت بتخرج بغلاسه تكبس علي قلبى قدام الكمبيوتر او التليفزيون
فبقينا اصحاب وبما اننا كلنا اصحاب يبقى دا يدينى حق اقعد معاهم لما ييجوا ( وجهة نظري بسيطه مالى انا هما اللي بيفهمونى غلط )
منكرش ان كلام صحبتى شوية ضايقنى لكن الأهم انى فى نظرها احسن دلوقتى على الاقل بقت تطيقنى ههههههههههه
تانى موقف ارخم ملى فات
واحده قريبتنا هى رغايه شوية وبصراحه مبحبش اقعد معاها بتصدع رأس اجدع حد تسول له نفسه ويفكر يقعد يتكلم معاها
المهم هى بيتها بجانب بيت عمتى فكنت في زياره لبيت عمتى ولقتها واقفه علي باب بيتها قولت اروح اسلم عليها
كنت ماشيه وال mp3 في ودانى كمان والضحكه مليه وشى وبقول يا رب سلم في سرى , قربت وسلمت عليها وقالتلى ادخلى قولتلها طيب اروح لعمتى وهعدى عليكم بليل بأذن الله , وبصراحه مكنتش سمعه هى فضلت تقول ايه لأن صوت البتاع اللي في ودنى كان عالى شوية
وفضلت اهز رأسى بالموافقه علي أيه معرفش وببتسم ليها ببلاهه كدا وبصراحه الابتسامه كانت هتتقلب ضحكه على الموقف اللي انا فيه
ورخامه منها ماسكه في ايدى ومش راضيه تسيب ايدى حتى اطفى ال mp3
واسوء شيء لو جيت تسلم على حد ويفضل ماسك في ايدك وكأن ايدك لزقت في ايده
بالعافيه سابت ايدى وطلعت لعمتى وذى ما وعدتها روحت ليها ( مرغم اخاك لا بطل )
وبعد ساعتين طلعت لعمتى وانا بعانى من صداع رهيب من رغيها اللي مكنتش برد عليه كله الا بهزار علشان احاول اقفل اى موضوع هى تفتحه
فوجئت بعديها ببنتها كانت عندنا وقالتلى علي فكره ماما بتحبك قوى وبقت تقول عليكى كلام غير الأول خالص
طيب لو حد في مكانى مش هيسئل برضوا هى كانت بتقول ايه قبل ما تحبنى هههههههههه
قالتلى كانت فكراكى متكبره ومغروره ( قولت فى سرى يا رب هو ايه الحكايه ) فجاءه بقيت بضحك منغير سبب وانا بقولها بجد
قامت البنوته قالتلى ما انتى دايما ساكته ( يعنى يا ربى هو انا لازم افضل ارغى علي الفاضيه والمليانه ثم مامتها مش من سنى هتكلم معاها في ايه اصلا )
تفتكروا بعد الموقفين دول بقى ايه جوايا , تعمل ايه لما تلاقى معظم الناس مش عرفاك وبتحكم عليك من الظاهر , بس لأنك مبتتكلمش
هل ليهم حق ياخدوا بالظواهر ويحكموا وخلاص منغير ما يعرفوا الانسان كويس , مش فى حكمه جميله بتقول تحدث لأعرفك , طيب لو اللي قدامك مبيتكلمش تبقى متعرفهوش , بتحكم عليه ليه بقى ؟!!
بقيت دلوقتى بتوقع ان فيا صفة من الصفات اللي بيشفوها , اكيد هى فى مكان ما منى يمكن انا اللي مش شيفاها , على فكره دا مش ضعف في الشخصيه دى مجرد افكار بتتخبط فى عقلى
اكيد انا حكمت قبل كدا على غيرى من المظهر الخارجى بس وعلشان كدا اتردت ليا وبقى الناس يحكموا عليا بالظواهر بس او يمكن دى عادتنا نحكم على الانسان ولو فى وقت نبقى نعرفه , لكنى برغم كل دا استفادت شيء واحد انى عمرى ما احكم على حد لا بأول ولا بأخر مره اشوفه , انا بسيب كل حد يحدد ملامح شخصيته براحته ولو اخدت معرفتنا شهور وسنين طالما انا مش فهماه ولا بتكلم معاه , محكمش عليه

أفتكرت وعدى

2008-12-26T03:53:00.004+02:00

بمناسبة السنه الهجريه الجديده اللى هتهل علينا بالخير بهديلكم الكلمات دى

وأهداء خاص للناس دى

( زوزو _ ساره _ ملك _ مى _ سها _ يويو _ نور _ اميره _ شيماء .. وكل المدونين

بحبـــــك مهما طال البعــد
بحبــــــك حـتى منغــير رد
حتى لو صوره فـى خيالى
حتــــى لو كان وهـم جالى
دا مهما تكونى يا حبـيـبتى
مفيش غيرك علـى بـــالى
بحــب عنـيـكى تـنـاديـنــى
وهمسك فى الفضا يجينى
ويخــطـفـنى مـن الدنـيــــا
يـدوبنى يـا نـــور عـينـــى
فـى كـل مكان انـا شايفـــك
بضحـك عـنيكى وشفايفــك
ولمـا اروح ازور البـحــــر
يـطمنــى عشـــان عارفــك
وابعتـــلك جـوابـى معـــــاه
ولمـا تـغـيـبــــى يـسـتـنــــا
ويـوم ما تعودى فى مكانـا
يقـول موجـه وحشـتـيـنــى
ورد جــوابــى بـيـجـيـنــــى
يـفــرحـــــنى يـهــنـيـنـــــى

ويـسـعـدنـى يا نـــور عينى

يوم التدوينه البيضاء

2008-12-25T02:04:00.005+02:00

ساعات وساعات

2008-12-23T13:38:00.005+02:00

معظمنا عنده المشكله ومنا اللي شاعر بخطورتها ومنا اللى مش منتبه ليها على الاطلاق , أدمان الانترنت او الكمبيوتر عامة
انا عنيت من المشكله دى كتير جدا , لكنى عارفه ومحدده انا عايزه ايه , انا بدخل للانترنت علشان اشوف ناس بحبهم , مبقدرش اتواصل معاهم بخارج الانترنت بحريه فبلجأ ليه علشان اشوفهم مده اطول , ولأنه أرخص كمان مقدرش انكر دا , وبما انى عاطله والحمدلله فعندى وقت فراغ هايل ودا اكبر سبب بيخلينى اسلى وقتى بالكمبيوتر , واخيرا توصلت للمدونه وحبيت اكتب واقرا لناس كتيره بيهمنى اعرف اخبارهم اكتر كمان ما أقرا هما كتبوا ايه او افكارهم ايه .
يعنى لو بطلت احب الناس ومش كل الناس طبعا منا مش مثاليه قوى كدا , مش هدخل للانترنت ولا اقعد علي الكمبيوتر , ولو هما كمان بطلوا يدخلوا للانترنت او بعدوا مش هيكون فى سبب يربطنى بالكمبيوتر , الا انى اكتب , لانى حاليا بستسهل اكتب علي الكمبيوتر بدل ما بكتب على الورق , بس تعرفوا انى لما رجعت امسك القلم تانى لقيت ان حتى الكتابه على الورق ليها سحر من نوع خاص , بالذات لو بتتمتع بخط جميل , هتشعر انك زى الرسام اللي بيتفنن فى أظهار جمال اللوحه اللى فى ايده .
الحكايه محتاجه اننا نقعد مع نفسنا فى حوار صريح وندور احنا عايزين ايه بالظبط وبندخل ليه وفين الهدف وهل وصلنا ليه او لا ولو لا طيب قدامنا قد ايه علشان نحققه .. فى مثل جميل عندنا بيقول كل شيء بيزيد عن حده بينقلب ضده .. مش هنقعد نعمل احصائيات علشان نفيد بعض ونعلم بعض ازاى نبطل أدمان .. عمر الاحصائيات ما بتغير لوحدها .. لازم نساعد نفسنا قبل ما نطلب مساعدة شخص تانى ..
أمبارح انا قعدت افكر مع نفسى .. بنقول معرفة الناس كنوز .. طيب لو الكنز زاد قوى وبقى اتقل من اننا نحمله معانا فى كل مكان .. هنضطر نحطه على الارض ونقعد جمبه نحرسه من الحاسدين والحراميه صح .. طيب والحل .. مش عارفه منا عقدتها بتصورى دا
محدش فاهم حاجه صح .. طيب متشغلوش بالكم بالتفكير .. كنت قريت مره لحد قال انه ندمان وحاسس بالغلط انه اظهر شخصيته قدام بعض الناس .. وامبارح كنت بتناقش مع صحبتى هل لو ظهرت نقاط ضعفنا قدام بعض الناس .. لازم نهرب ولا نواجه .. بالذات وهو بيحاول يستغل نقاط الضعف دى .. طيب مين فينا معندوش نقاط ضعف .. بتختلف من انسان للتانى .. لو حد تاه منى خلاص ميتمسكش بطوق نجاه يسيب نفسه مع التيار وزى ما تيجى وميخافش أبدا .. انا مش منتظره شيء دى بعض الفضفضات الملعبكه .. انا حتى مش متأكده انا كان المفروض هتكلم عن ايه وسرحت فكتبت إيه ....

ساعات أحس بشوق وساعات بالآهات
لكن اعرف طريقى .. يمكن ساعات وساعات
ساعات أسهر في ليلى اتآمل فلى فات
وساعات تجيلى ذكرى ممزوجه بالآهات
وأنسى بكره ايه .. يمكن ساعات وساعات
بفكر يحصل ايه لو روحت للأيمان
وأوقات تانيه افكر امشى ورا الشيطان
أفكار تقلب كيانى .. يمكن ساعات وساعات
بعينى شايفه حق والناس تقول دا باطل
واستغرب لكلامهم واسئل ايه اللي حاصل
وأوقات كتيره أسكت مهى ساعات وساعات
اوقات اكتب بقلمى واحكى عن الحاجات
واوقات اكسر قلمى وأفضل السكات
جايز ساعات وساعات
ساعات يخونى قلبى واشوف غلط ساعات
لكن لو صح فكرى تتبدل الحكايات
اهى دى ساعات وساعات

قرار تقسيم الأنترنت

2008-12-16T16:33:00.006+02:00

أعلنت العقول الجباره لمدمنى الانترنت بالذات اللى معندهمش غير كمبيوتر واحد

او اللى الكمبيوتر التانى خرب فمضطرين لأستخدام كمبيوتر واحد أنهم لابد وان يقوموا بتقسيم الأوقات
مما أدى الى نشوب خلافات عميقه بين الاخوات وبين الأمهات والأباء والكل كليله
فأعلنوا تقسيم الانترنت لفترات تتراوح بين ساعات و أيام علي حسب المخطط المجنون
وأصبح الكل سريعوا الحركه في تأدية كافة الاعمال الوظيفيه والمنزليه , للتفرغ بالوقت المتبقى لعدد الساعات

التى تقررت لجلوسهم علي الانترنت او للالعاب
وأدى هذا الانشغال الى أهمال الصحه العامه للفرد والأسره , هذا وبخلاف الأحقاد عندما ينقطع التيار الكهربائى عن المنزل

اوالنكد عندما يضطرون أسفين للذهاب الى الرحلات بخارج المنزل ولمدة أقصاها أسبوع ( زى المصيف )
ولتلاشى بعض الكوارث التى تنتج عن الأبتعاد عن الكمبيوتر , أخترعوا طبعا اللابتوب ( علشان ميبقاش لحد حجه )

مما أدى الى تداعى الأمور أكثر حتى وصل الأمر ببعض الأسر الى اللجوء للطلاق أحيانا والعلاج النفسى أحيانا أخرى

والأن اجتاز الأختبار لتعرف ان كنت من مدمنين الانترنت ام لا ( من الأخر علشان تلحق نفسك )

الاختبار يتكون من 10 أسئلة ، و الإجابة عنها إما ب (نعم) أو (لا) ، كالتالي :

1- حينما تكون خارج النت ، هل تشعر برغبة شديده لدخول الإنترنت ؟؟

( ) نعم ( ) لا

2- هل يتملكك شعور بالنشاط و النشوه حينما تبحر فى الإنترنت ؟؟

( ) نعم ( ) لا

3-تشعر بالآلام أسفل الظهر و في مفاصل أصابع اليدين ، أو بإجهاد فى النظر بعد تركك لجهاز الحاسوب أو أثناء جلوسك عليه؟؟

( ) نعم ( ) لا

4-إذا انتهى اشتراكك في الإنترنت ، هل تشعر بالضيق و العصبية لذلك وهل مستعد للاستدانة وقتها لإعادة النت؟؟

( ) نعم ( ) لا

5-هل تفكر بما جرى معك داخل الإنترنت من أحداث أو حوارات أو دردشات على الرغم من أنك تجلس خارجها ؟؟

( ) نعم ( )لا

6-هل يحدث منك إهمال لألتزامات أخرى كواجبات الدراسة أو العمل أو حدث تضرر لعلاقتك بمحيطك
كأفراد أسرتك أو أصدقائك بسبب النت؟؟

( ) نعم ( ) لا

7-هل تشعر بالميل للعزله و الابتعاد عن مخالطة اللآخرين؟؟

( ) نعم ( ) لا

8-هل تشعر بنوع من الاكتئاب بسبب منعك من الجلوس على الإنترنت؟؟

( ) نعم ( ) لا

9-هل تشعر بأنك تعيش أحلام اليقظه ، وبأنك غير واقعى فى بعض تفكيرك؟؟

( ) نعم ( ) لا

10-هل تأكل بشكل غير منتظم بسبب الإنترنت ، أو وجدت نفسك يوماً تأكل أمام الكيبورد؟؟

( ) نعم ( ) لا

وبعد أن تجيب عن هذه الأسئلة ، اجمع مجموع الإجابات بنعم ، و اضربهم بعشرة ، لتظهر لديك النسبة المئوية
لإدمانك على الإنترنت .
وبلغنى بيها ولنلحقك لمنلحئكش هههههههههههه ... وهتعلق يعنى هتقولنا النسبه لا مفر

واى شىء تانى تحب تضيفه ... وشكراً .

خروف العيد بين القيل والقال

2008-12-07T15:32:00.004+02:00

كلنا سمعنا طبعا عن انفلونزا الطيور بس أبدا انا بحب الفراخ عن اللحمه أذا هقضى العيد بالفراخ وليس باللحمه

وصلنى تاج من الجميله سالى صاحبة مدونه ( حاجات جوايا ) وبعتذر جدا لأنى هنزله في التوقيت دا بس أعمل ايه مشاغل قدوم العيد بقى فياريت تعذرنى

نقول بسم الله ونبدا التاج ..

ماذا يمثل لك العيد ؟ وما أكثر شئ يبهجك في مظاهر العيد ؟
العيد فرحه ماااء بيمثل ليا أجازه برغم ان كل أيامى اجازه اصلا ههههههه
أكتر شىء يسعدنى وقتها انى اسمع صلاة العيد واشوف الناس بتزور بعضها

اوصف لنا طقوسك في العيد .. من ليلة العيد لآخر يوم ؟
أحب انام بعد صلاة العيد واصحى الاقى البيت مش عايز يتروق ياااه فرحه كبيره ههههههههههه

احكي لنا أطرف موقف حصلك في العيد ؟
فى يوم قعدنا نشوى واللحمه طلعت مستويه من بره بس واتاكلت يعنى هتتساب انسو دا العيد

والموقف التانى لما سافرت اقضى العيد فى البلد ورجعت رجلى مجبسه بس دا كان موقف هباب

بتحرص على تهنئة الأهل والأقارب والأصدقاء بالعيد .. ولا مش بتهتم ؟؟
طبعا دا واجب وطنى بس فى الأونه الأخيره بقيت بستندل وابعت للى يبعتلى وبس

( الكلام طبعا على اصحابى فقط لا غير هههههههههه )

مين أول حد تزوره أو تكلمه في التليفون /الموبايل عشان تهنيه بالعيد ؟
أخواتى وبعديها أصحابى والأقرب فالأقرب وهكذا ولو خرجت يبقى جيرانى

إيه الفرق بين العيد الحالي .. وعيد (أيام الطفولة )؟
لا طبعا الفرق كبير حتى فى فرحة القلب
العيد الحالى بتدفع اما في الطفوله بتاخد ههههههه
طبعا العطاء ليه رونق جميل بس لما كنت باخد كان الرونق أجمل

كلمنا عن ذكرياتك في العيد ؟
كنت لازم وانا صغيره اول شيء اصحى عليه هو الأيس كريم والبمب وكان دا بيجبلى التهزيق طبعا
تفتكر الحياة من غير عيد .. هتفرق كتير ؟؟؟
يااه هيبقى الفرق زي بين السما والأرض العيد نبض قلب وفرحه بتضم الأمه العربيه

إيه أجمل رسالة تهنئة بالعيد وصلتك .. قلنا طبعااا بتقول إيه ؟؟ ومن مين ؟؟
أجمل رساله وصلتنى من لوله حبيبت قلبى ومرات أخويا

( مش بجاملها اصلا هى مبتدخلش للمدونه نداله بقى ههههههههه )

وانا بعتها لمعظمكم لأنى فرحانه بيها قوى اصلها مسخره بس بتظر للواقع الحالى

وكانت بتقول : كل عام وأنتم بخير .. نظرا للظروف الأقتصاديه وارتفاع الأسعار

هذه التهنئه صالحه لمدة سنه وتشمل: عيد أضحى _ تعيين _ ترقيه _ نجاح

_ سنه جديده _ مولود _ نقل _ زواج ... الخ

احم احم .. لسه بتاخد عيدية ؟؟ من مين ؟؟ وبتديها لمين ؟
والله الوحيد الذى مازال بيدينى عيديه هو أخويا وطبعا مبدهاش لحد لأنها بتكون محترمه

فبستأثر بيها لنفسى والفكه تطلع لأطفال العيله بقى هههههههههه

إيه رأيك في التاج ؟
جميل جدا بجد بس هيضيعنى ويبين جوانبى الشريره بس يلا كله بثوابه

تحب تمرره لمين من المدونين ؟ اذكر على الأقل 10
للأسف كنت هحب أمرره لناس كتيره بس مفيش وقت

نظرا لأن العيد بكره خخخخخخخخخخخخ .. كل سنه وأنتم طيبين

الدنيا ربيع فى عز الشتا

2008-12-05T12:45:00.003+02:00

أنا سعيده جدا جدا والسبب فى تاج السعاده من أستاذ محمد سكر زياده

انا مش بعاكسه عيب لا هههههههههه انا بس مبسوطه شويه أكتر من العاده

هذا التاج وصلنى من أستاذ محمد صاحب مدونة ( هل تبحث عن السعاده )

أكيد كلكم بتقولوا زيى كل ما تدخلوا عنده ردا عن سؤاله بكلمة طبعا وبسم الله نفتتح التاج

وللعلم بالشيء اللي مش هيقدر يكمل يتفضل يشرب شاى وقهوه وكركاديه علشان اللي ضغطه يرتفع ههههههههههههه

مهو مش أرغى انا وانتم تتعبوا لا برضوا انتم أخواتى واحبابى ولا يمكن أرضى بتعبكم

وأخيرا وليس أخرا أحب اشكره علي تاج السعاده وتعالو نرغى سوا بقى ونشوف ما هى السعاده من وجهة نظر الفلفسوفه نور

السؤال الاول : ما هى السعاده من وجهة نظرك ؟
السعاده هى أنى احس بالرضا أشعر انى مبسوطه منغير سبب , ووقتها أكون لا بفكر فى شيء ولا عايزه شيء من الدنيا بس راضيه وسعيده
السؤال الثانى : كيف تصل الى السعاده؟
صعب السؤال دا أصلى معرفش هى اللي بتصل ليا مش انا اللي بسعى ليها
يمكن لما ربنا بيكرمنا بحبه ورضاه وقتها نقدر نوصل للسعاده
السؤال الثالث : هل السعاده وهم ام انها حلم صعب ؟
بالنسبه ليا السعاده شيء قريب جدا أقدر اوصله بسهوله , لأن مليون شيء بيسعدنى وهى حاجات بسيطه بس لو نرضى بيها يعنى مهياش وهم ولا حلم صعب
السؤال الرابع : هل السعاده طريق للنجاح ؟ وضح ؟
بالتأكيد هى الطريق للنجاح لأنها هتخلينا نتقن أعمالنا وبسرعه أكتر ما كنا نتوقع
لما القلوب بتشعر بالسعاده بتزيد طاقتها وتقبل على الحياه بقوه
السؤال الخامس : ما هى اكثر اللحظات التى شعرت فيها بالسعاده ؟
كتيره اللحظات دى فصعب أتذكر موقف بعينه , لكن دايما اكتر شىء بيسعدنى اول ما عينى تلمح بحر أسكندريه وقدمى ترسى على أرضها
السؤال السادس : هل ممكن ان تحقق كل شيء ؟
اذا السؤال دا خاص بحياتى فأنا مش عارفه مفيش حد عامة بيقدر يحقق كل شىء بيتمناه , لأنه دايما بيكون طموح لأمل أبعد من كل اللي حققه .. وعامة مفيش شيء بعيد عن الله سبحانه وتعالى
السؤال السابع : السعاده تجعلك تقبل على الحياة أم لا ؟
طبعا .. تجعلك تقبل على كل شيء فى الحياه
السؤال الثامن : هل أحسست يوما انك وصلت لقمة السعاده ؟
كل لحظة سعاده بتمر بيا هى بالنسبالى قمة السعاده , كفايه انى أشعر بيها بوقتها او بعدها علشان اعرف انى كنت فى قمة السعاده
السؤال التاسع : لماذا تمر اوقات السعاده بسرعه ؟
لأن كل شيء جميل وقته قليل ودا سر جماله .. ودا اللى بيجعل الروح دايما متعلقه بيه لأنها بتخاف يمر وقته القليل دون ان تتشبع منه
السؤال العاشر : هل ترا السعاده فى التدين ؟
بالتأكيد كل السعاده فى التدين والا عمرك ما هتحس بالرضا ولا تشعر بلحظة سعاده حقيقيه .. لأن السعاده بجد فى رضا ربنا سبحانه وتعالى
السؤال الحادى عشر : هل انت متفائل وعندك أمل ؟ وضح ؟
بالنسبه لمتفائل فأنا متفائله جدا ومعنديش اكتر من الأمل لأنى مؤمنه بالله ومتأكده ان بكره أحسن .. أكتر شيء يخليك مطمئن ان بكره افضل أنك متوكل على الله وعارف انه خير من يرعاك
السؤال الثانى عشر : أذا شعرت بالحزن ماذا تفعل ؟
أكتب اى شيء يخلينى اخرج كل شىء جوايا وأبكى وأشكى لله فى مكان لا يرانى فيه الا الله
السؤال الثالث عشر : هل يستمر معك الحزن فتره أم ينقضى فى الحال ؟
أكتر حزن مر عليا فى عز كوارث حياتى كان أيام لكن الأحزان العاديه مبتاخدش وقت كتير يمكن سعات او دقايق او حتى لحظات وتنقضى بس فى أحزان بتخلف جرح فى القلب ألمه عمره ما بيختفى الا برحمة ربنا
السؤال الرابع عشر : ما رأيك في الافراد المتشائمين ؟
بجد مش عارفه أزاى نتشائم وفى ربنا سبحانه وتعالى مالك زمام الأمور , لو أحنا مؤمنين كان لازم نعرف ان ربنا سبحانه وتعالى مش ظالم ولا يكلف الله نفسا الا وسعها , يعنى مبيحملش حد اكتر من طاقته لأنه هو الوحيد الذى يعلم خبايا الصدور .. مينفعش أبدا نتشائم
لما تقابل أنسان متشائم بس فكره بأوقات السعاده علمه طريق الوصول إليها وهو طريق الرجوع لله

عروستـــــــــى

2008-11-24T09:34:00.002+02:00

تخيل لو دق جرس الباب وأنت بتفتح بكل سرور مرحب بأى ضيف سيأتى , تفاجىء ببنت هاديه بتتكلم بكل ثقه وعقل وبتطلب مقابلة والدك او والدتك او الأتنين سوا
تحاول كرجل أبداء شوية من السيطره على الأمور وتسئلها خير ؟!! حضرتك عيزاهم فى ايه؟!!
وبكل أدب وأحترام تبادلك أبتسامه خفيفه وترد تقولك كل خير بأذن الله , وتعيد صياغة طلبها بكلمتها , ممكن أقابلهم؟
فتعود أنت لطرح سؤال أخر , طيب أقولهم مين حضرتك ؟!! وبصمتها للحظات تسطرد قائلا أنهم بالداخل تفضلى !!
تزيد علامات التعجب بوجهك حين تدخل هى وكلها يقين أنهم بالداخل بالفعل وكأنها كانت تعلم وما سؤالها الا بمجرد شكليات , وتقف متحير ماذا تقول لأسرتك ؟ من هذه الضيفه التى رفضت الأفصاح عن شخصيتها الا أمام والديك !!
وتأتى المفاجأه بما لم تتخيل ...........
بعد أن عرفت عن نفسها , ومكانتها وسبب تواجدها
أنها تطلب أن تكون زوجتك , بمعنى أوضح تطلب يدك من أهلك
بعد أن سئلت الجيران والأقارب عن أخلاق أبنهم الوحيد
وتقف مذهول وتتسائل هل أنا أحلم أم انها حقيقه !!!!!!!!!!
والسؤال الأن هل تتخيلون ما هو رد فعل ذاك الشاب
هل يثور فيطردها , أم يضحك ويسخر منها
هل يقبل الأرتباط بها , أم يستنكر فعلتها بهذه الجراءه
هل يعتبرها وقحه أهدرت أنوثتها , أم يرا أنها ايقنت انه الرجل المناسب لها
أرجو ان لا يثير موضوعى هذا استياء البعض , فلقد طرحته لأنى قرأت جمله وأعجبتنى بشده
كانت تقول : عودوا رجالا ... كى نعود نساء .

كابوسى القديم

2008-11-14T09:44:00.004+02:00

كنت أعتقد ان ذاك الكابوس المرعب لن يراودنى من جديد , لقد انقضت عشرة سنوات , لماذا عادت من جديد تدوى صرخاتها بأحلامى , ماذا تريد منى ؟!!!
لماذا تركض ورائى ولما الأن ؟!! آآآه ألف سؤال يجتاح فكرى ليصيبنى بحيرة تزيد من جنونى .
حاولت أن اعتصر ذاكرتى لأستعيد صورتها الحقيقيه , فقد أستيقظت منهاره , وقد كان يساعدنى من قبل أن أتذكر ملامحها الرقيقه لأزيل أثار الخوف عنى .
قررت أن أنهى عذابى وأذهب لأراها من جديد , فمن الممكن أن تكون تغيرت بعد مرور كل تلك السنين .
لم أعرف يوماً لها أسماً فلقبتها بفتاة الشجره , لم أكن أسخر منها مثلهم , فقط كنت أراقبها من بعيد
لا أعرف لما كان يتملكنى الخوف حين أراها , لا أستطيع ان اجزم ان كان خوفً منها أم عليها
كنا أطفالاً نلهو ونمرح هنا وهناك وكان يتردد فى جلسات أهلنا سويا تلك القصه دائما , سر الفتاه المقيده بالشجره , ومن كثرة تلهفنا لنعرف خبايا ذاك السر , أجمعنا نحن الاطفال ان نذهب لنرا , هل ما يتحدثون عنه حقيقه ؟!!
وكانت الكارثه !! أن بذلك البيت فتاه بالفعل مقيده بالشجره , من النظره الأولى تلاحظ قدماها وتعلم أنها معاقه , لكن بعيناها نظره عجيبه , تبث الخوف بداخلك فلا تقترب منها , وكأنها تدافع عن نفسها بتلك النظرات .
أتذكر الأن كم كانت تثور وتصرخ حين يتجمع حولها الأطفال , وكأنها ترفض قيودها وسخريتهم .
كنت دائما أقف لأراها من بعيد , لا اعرف ان كانت تستطيع أن تتحدث مثلنا أم انها عاجزه حتى عن الأفصاح عما بداخلها , كل ما كنت موقنه منه إنها دائما ترانى , فلم أرا منها يوماً الا صراخها ونظراتها .
كانت تقاربنى بالعمر , أن تأملتها دون ثورتها ترا ملامحها الهادئه ويعجز العقل عن وصفها من فرط جمالها , فلا تقول الا سبحان الله , لقد حباها الله الجمال ولكنها مفتقده لنعم أخرى كثيره .
كنا نمر كثيراً من أمام بيتها , وذات يوم كنت أسير مع أبى وحين مررنا بها قال : لا حول ولا قوة الا بالله , فتنبهت إنه رآها , فبادرته بسؤالى : لماذا يقيدوها ؟!! فأجابنى بحزن : أنهم يخافون عليها أن تذهب فلا تستطيع العوده حين تبتعد عن البيت .
لقد كانت قيودها تمكنها من السعى بداخل أركان الحديقه , لكنها لا تصل للباب أبدا , وكنت أرا ملابسها دائما متسخه من محاولاتها للتأرجح هنا وهناك .
وذات يوم وقفت امام باب البيت أبحث بعينى هنا وهناك لعلى أراها , واذا بها تظهر أمامى أقرب من كل مره , ولم تكن مقيده , لا أعرف لماذا فزعت حيت رأيتها مقبله على , وأخذت فى الركض لمنزلى , وأنا أسمعها تصرخ وكأنها ترفض أبتعادى .
وحين وصلت لمنزلى أسرعت فى غلق الباب خلفى ووقفت ورائه أحاول أن التقط أنفاسى , لا أعرف لمذا تملكنى الفزع ولما كنت أركض بتلك السرعه برغم علمى أنها لن تستطيع اللحاق بى , ولكن صرخاتها كانت كشبح خفى يسعى للأمساك بى .
ومن يومها وأنا اعانى من تلك الكوابيس المفزعه , بأنها تركض خلفى وكانت ملامحها بشعه الى أقصى الحدود .
ومنذ هذه الحادثه توقفت عن زيارتها , ولقد زالت كوابيسى شيئا فشيئاً حين تركنا المنزل القديم وأنتقلنا لمكان أخر .
ماذا تريد بعد مرور تلك السنين ؟ لماذا عاد كابوسى القديم ؟
وقررت أن أنهى أحلام الطفوله وأواجه الحقيقه , فلقد صرت شابة الأن وبمقدورى أن استجمع شجاعتى وأذهب لهناك
وذهبت صوب بيتها وكل خطوه من قدمى على الأرض تشعر قلبى بالثقه وتؤيده , كم تمنيت ان ارا كيف أصبحت آية الجمال وكنت أرجو أن تسامحنى على خوفى منها وعدم زيارتى لها , دخلت من باب البيت فأذا بالشجره ذابله بمكانها بقلب الحديقه والهدوء يعم المكان , ولكن البيت خالى من أهله , أسرعت فى ذهابى للجيران لأعرف أين هم وأين هى , ودب الحزن بقلبى حين علمت انهم هجروا البيت وأنتقلوا بعد وفاتها , لقد ماتت منذ سنين واليوم ماتت شجرتها حزناً عليها , أنتهت قصتها ولكن هل ستنتهى كوابيسى .. حقا لا أعلم .

ملحوظة : سأتوقف عن الكتابه لفتره فلقد حاولت أن اقاوم لكنى لا أعلم هل سأصمد أم لا

وأعتذر عن تقصيرى فى زيارة كثيرا من المدونات التى لطالما أحببتها

أنا لا أبتعد بسبب موقف معين ولا حتى لأن أفكارى نضبت , أنا أملك الكثير من الموضوعات لكنى لا أريد نشرها فلقد صابنى شيء ما , أفقدنى توازنى , وسأحاول أجتيازه

كل سنه وانتى حبيبتى

2008-11-08T17:00:00.012+02:00

صحيح انتى عارفه انى بعانى من النسيان بفظاعه بجد

بس عمرى ما أنسى يوم عيد ميلادك

اذا انتى فى بالى وقلبى دايما

ولو نسى عقلى ... قلبى يفكره

صحبة ورد جميله من أول هدايا قلبى ليكى

تفكرنى دايما أنك أجمل شيء فى دنيتى

والشموع دى علشان تنور أيامك الجايه زى ما كنتى دايما منوره طريقى

والنهارده بعد السنه الجديده اللى أنضافت لأجمل سنين عمرى

وكبرت حبيبت قلبى سنه

بهديلها الكلمتين دول

( الطالبه عفو الله )

زينب

اعزب كلمة يقولها لسانى
لما تغيب
اكيد الحزن يهز كيانى
اه لو ترجع
تعود الفرحه معاها وتانى
تملى حياتنا امانى وشجن
تملي الدنيا سعاده يا زمن
احفظها خد بالك منها
اوعى الدمعه تمس عيونها
بدعي بقلبي وربي الحافظ
هتفضل غاليه عليها كحافظ
هيفضل حبك مالي كيانى
وأنتى وبس مش حد تاني
سهل كلامى .. اكيد فهمانى

دى بقى هديتى

منا مقدرش اهديلك الا شىء انا بحبه

انا عارفه هى قليله قووى عليكى

بس نعمل أيه بقى

وهنا نكون وصلنا للتورته بقى

شيفاكم عنيكم زغللت

ممنوع اللمس او الهمس او الأقتراب

ممكن التصوير مش هقولك لا

علشان منبقاش حرمناكم بس من حاجه

كل سنه وأنتى طيبه يا حبيبتى وبعوده الأيام

تفرحى وتتهنى و فى عيدك نغنى

بأجمل الألحان

وهنا وصلنا للنهايه

اللى عايز يسيب هديه يتفضل

انا عن نفسى اهدتلها قلبى

من زمان

رحلت أبحث عن السعاده فعدت بدمعه

2008-11-02T02:26:00.003+02:00

يبدو ان قلمى يأبى ان يكتب عن السعاده فلقد فشلت فى الحصول عليها لنفسى , نعم .. رحلت أبحث عن السعاده وعندما وجدتها أنتهت بدمعه حزينه , قبل أن تبدأ رحلتى طلب منى الاصدقاء الكتابه عن السعاده , فعزمت أن اجدها خلال رحلتى وكنت موقنه أننى سأصل , وبالفعل وجدتها وعدت ولكنها أنهدمت منى على أبواب الطريق .
أنهدمت حين رأيت بعينى اننا لن نسعد ونهنأ إلا اذا تغيرنا , ذهبت بذكر الله وعدت وأنا العن البشريه التعسه والقلوب الصدئه والعيون الذائفه , أعرف ان المسلم ليس بسباب ولا لعان , وأن كانت أمنيتى بينى وبين نفسى ستعد خطيئه فسامحنى يا اللهى فأنا لست بملاك , تمنيت أن أصرخ بكلماتى لتزلزل قلوب الناس , سحقاً لهذه الفئه من بنى أدم , سحقاً لقلوب فارقتها الرحمه وأذلها الكبر فلم تعد تميز بين حقوقها وحقوق الناس ودائما ترا انها فى المقدمه ومن بعدها الطوفان .
عندما جلست أستريح لكى أكمل نهاية طريقى , رأيتها وبرغم مرور السنين الا انها مازالت كما هى , تحمل بعينيها ذاك البريق الذى يجذبك لتطيل النظر إليها , وحينها فقط ستغلف فضولك بأبتسامتها فى تواضع يجعلك تنسحب ملقى ببصرك للأرض , أشرق وجهى حين لمحتنى وعزمت ان تصل الى , كم سعدت أنها استطاعت ان تتغلب على محنتها وعادت للحياه من جديد , وظل نظرى يسايرها حتى بدأت تعبر الطريق , وشيئا فشيئا بدأت أبتسامتى تختفى بين ظلال القلق فقد كانت السيارات مسرعه في جنون وعدم تنظيم , خفق قلبى بشده حين تعثرت , وقررت ان أذهب إليها واساعدها لكن أرجلى تحجرت فى مكانها حين فرملت سياره مسرعه , لا أعرف لماذا فعل السائق هذا برغم انه كان بعيداً عنها كثيراً , وأرتبكت هى بين دوى الكلاكسات من أكثر من سياره حولها , وتوقفت فى مكانها وهى تنظر ألى وكأنها تناشدنى أغاثتها , وسرعان ما توقفت بمحاذاتها سياره لتوقف باقى السيارات وتمكنها من اجتياز الطريق المتبقى , وقبل أن يطمئن قلبى ان تلك المأساه انتهت , أخرج قائد السياره رأسه ليكيل لها وابل من الأهانات وتجمع الناس وكأنه عرض لمسرحية كوميديه فمنهم من يضحك على ما يحدث ومنهم من يأيد لعنات السائق ومنهم من يشاور لها لكى تكمل طريقها ولا تهتم بكلماته ومنهم من يضحك ويزيد ألمها بكلمات السخريه , وقررت هى أن تصعد للرصيف وتغلق ستائر المسرحيه , وقفت أمامى ولم يعد بيننا كلمات تقال ثم أنصرفت مبتعده بعد ان رمقتنى بنظره حزينه وكأنها تقول لا مجال للمعاقين فى دنياكم ....

زهقان..طهقان..متضايق

2008-10-20T18:05:00.005+02:00

مش هقول كالعاده حاله من الأحباط صايبه المدونين ...لا

ناس من المدونين انقلبوا منافقين وزي ما بنقول عندنا في مصر ( كدابين زفه )

اللي معانا نهلل ليه واللي يفوتنا نلعن فيه

واللى بيكتب كلمه جميله نزهقه ونقضى عليه

المواضيع المهمه أصبحت تهمل لأن معليهاش تعليقات كتيره والمواضيع الغير مهمه نتهافت علي التعليق فيها

صحيح أن الانسان لما بيكون متضايق بيدور علي شيء يخرجه من شعوره بالأحباط ويقول هتفرج علي شيء كوميدى او أقرا شيء خفيف يرجعلى بسمتى من تانى يمكن أقدر أكمل

لكن مش كدا أبدا

انا دخلت للعالم دا وحبيته لأنه مكنش فى نفاق , عالم بسيط , غنى بالأفكار

أعتقدت ان كل انسان بيعلق , بيكتب تعليقه على اساس ان الموضوع عجبه او في الموضوع فكره حابب يناقشها

واتضحلى انى كنت مخدوعه في بريق العالم دا

والبريق خلانى اغمض عيونى فمقدرتش اشوف شكله كويس

لكن كل ما بنقرب للشيء ونبتعد عن وهج البريق والأنوار بنشوفه بعين تانيه

وانا شوفت العالم دا بعين ممكن تخلينى أكرهه واسيبه

يا جماعه ببساطه عايزه أقول يلا نبطل نفاق بقى في بعض

اللي عجباه الفكره او الموضوع ببساطه يقول كويس واللي مش عاجبه يقول وحش وأستمر يمكن تكتب شيء أحسن

نبطل ندخل علشان نقول كلام مجاملات مهما كانت بلاغته , فى النهايه ما هو الا كلام مبالغ فيه

وكل مدون بيشعر مين بينافقه ومين بيكلمه من القلب

انا مش بهاجم علي فكره الناس اللي بتكتب شيء بيدعو للابتسامه لا

لأنى بحاول اعمل زيهم واكتب شيء كويس يمكن مش متمكنه قوى من البلاغه لكنى بحاول ومبيأسش

أخر شيء هقولهولكم انا عن نفسى بطالب أى حد يعلق عندى يقولى رأيه بصراحه او يكتفى بمروره الكريم دون تعليق

ووالله وقسماً أحاسب عليه كل مدونه دخلتها وبحب ادخلها مش هتوقف عن زيارتها حتى لو صاحبها او صحبتها مدخلوش عندى أبدا

انا بس كان نفسى أسمع كتير من الناس كلامى دا

لأنى بجد مش عايزه أكره شيء حبيته لأن بعض الناس مش مقدره قيمته

يمكن النفاق من بعض الأسباب اللي بتزهق المدونين وتخليهم يقفلوا ابواب مدوناتهم

اللي ينافق ممكن يكون شخص جديد عايز يعلن عن مدونته لكن فى ناس أكبر من كدا مدونتها معروفه جدا طب بتعمل كدا ليه

كلمه أخيره أرجوكم راعو اللي بتكتبوه ومتعلقوش غير علي شيء حبتوه أو هتنقشوه ونبطل منفاقه او مجامله حتى

______________ وأدى البوست الجديد ____________

معقول يا قلبي تمشي الطريق وتكمله
آلمك عذابك بس مين يتحمله
شايف حبيبك بس قلبه معدش ليك
أسكت يا قلبي حاول تخبي دموع عنيك
أصرخ في صمتك واتحمل .. ابعد يا قلبي اوعي تكمل
ازاي هداري في الألام لما يبقي قصاد عنيك
ازاي راح اسكت والكلام عايز يقوله يبقي ليك
تشكي لمين ومفيش كلام يتقال عليه
متقولش خاين .. كل الحكايه انك يا قلبي مفهمتهوش
كلامه ليك مكنش حب .. متقولش باعك متظلموش
حظك يا قلبي مشيت طريق متكملوش .. متكملوش

مع خالص أسفى وأعتذارى .... نـــــــــــور .....

وصلك جواب يا قلبى

2008-10-08T20:56:00.004+02:00

فى ناس كتير بتسئلنى ليه سميتى مدونتك تعالو نفكر سوا , سؤال جميل لكنه محرج لما مش بيلاقو شيء نفكر فيه سوا كلها افكارى فقط لا غير , بس تعالو نشوف الجانب المشرق للحكايه , انا قولت انى عملت المدونه لغرض ما ولكنى مش وصلت ليه لحد دلوقتى بس بحاول والله المستعان , بس كل فكره بتطرح حتى لو من وجهة نظرى وبس بقبل النقد عليها أو حتى معارضتها خالص ودا بيكون موجود في التعليقات ( ديمقراطيه طول عمرى ) , لذلك بحب جدا اللي بيدخل يتناقش , طبعا انا مش بكتب افكار عظيمه بس اهى بدايه محموده علي الاقل يكفينى شرف انى بفكر ( بجامل نفسى ههههههههه ) المهم مطولش عليكم المره دي انا عايزه بقى أرائكم ومشاركتكم وتعالو نفكر سوا وبجد

عارفين اسعد شيء لو ليك حد بيكتبلك جوابات , والله ليها سحر خاص غير ال sms والكلام في الموبايلات او علي النت , ياه يا قلبي يا فرحان , المشكله بقى في وسط كل الفرحه دى ممكن تصبنى سكته قلبيه
مش علشان فرحتى لا ... لو ليك حد بيوصل الجوابات زي الاخ اللي الله يباركله اللي بيوصلى الجوابات ساعى البريد طبعا
بيسرعنى كل ما يجبلى جواب , ابقي قاعده في امان الله علي الكمبيوتر والاقي شيء بيخروش في باب الشقه اقوم مفزوعه من مكانى الاقيه جواب حبيبتى وحياتى وصديقتى زوزو , صحيح بفرح بس كدا هيموتنى هو كل ما يجبلى جواب يعملى فيلم الرعب دا
احلى موقف بقى يوم ما كان بيحط الجواب فدخله تحت السجاده , جيت امد ايدي اجيبه معرفتش كان لازم افتح الباب , وبفتح الباب والاقى ساعى البريد تقريبا وشى فى وشه قاعد فى نفس مستوايا على الأرض , وقام الراجل رافع راسه ومسلملى الجواب في ايدى , بس بصراحه كان موقف محرج قوى , غير انى اتخضيت أصلا .
نيجى بقى للعالم وسرعته والتكنولوجيا اللي سيطرت ولغت عالم من السحر وصنعت عالم وهمى من اللى بيغر كتير من الناس
منكرش انى بحب النت جدا واستفدت منه كتير لكن منقدرش نغفل عن الناس اللي مقدرتش تستفيد منه او استخدمته غلط
وكل شيء يزيد عن حده بينقلب ضده لازم رقابه شديده على انماط ناس كتيره بتدخل للنت
نرجع لموضعنا من جديد
كانت فكرة صحبتى انها لما تسافر مش هنقدر نتكلم على النت ولا علي التليفون طبعا , هتبقى تكلفه هايله لو نحسبها , يبقى انسب شيء للموقف دا ايه ؟!! وكان الحل هو الجوابات
فى الأول كنت بضحك زى كتير من اصحابنا ونقولها ما فى الموبايلات وفي الsms ومش هننساكى , بس هى كانت فكرتها ان مهما اتكلمنا فى الموبايل مش هنقدر نطول ولا نقول كل شيء ولا حتى في الsms وعلشان تقـنعنا بقت تقول ان الرسايل هتتكون من صفحات الورق الكتيره اللي نقدر نكتب فيها كل اللى بنفكر فيه وكل أخبارنا وسلامتنا واشواقنا ليها وبصراحه محدش اقتنع غيرى وقولت أجرب , فى اول شهر بعت ليها حوالى أربع او خمس جوابات , لقيت ان الكتابه علي الورق سهله جدا وفعلا ليها بريق خلاب بالذات بقى لما حاولت اكتب باللغه العربيه الفصحى مش بالعاميه . اقولكم علي سر صحبتى لسه متعرفوش انا عندي نسخ لأول 3 جوابات بعتهم , اصلى في حياتى كلها مكتبتش شيء جميل بالشكل دا . الجواب كان عباره عن كلام لكن في نطاق الشعر او التنظيم زي الشعر
وبعد فتره بعد ما كنت بفرح بس لما يوصلنى جواب بقيت بنتظر بفارغ الصبر يوصلنى منها جواب , عارفين يعنى ايه يكون ليكم بريد بأسمكم ومن صديق بتتلهفو تعرفوا اخباره بالتفصيل
( انا عندي جوابات بتوصل بأسمى من اماكن معينه مش فرحانه علشان أسمى علي الجواب علشان متتريقوش بس )
أقولكم على موقف طريف كمان بسبب الجوابات , صحبتى بتحب تعطر الجواب ( فنانه بقى ) وفى مره عطرت جواب زياده شوية ولما تقريبا ساعى البريد فتحه لأنه وصلنى كأنه مفتوح , المهم فتحته وفجاءه لقيت البرفان كأنه عطر المكان كله , كان عطر نفاذ فعلا بس جميل , بقيت قاعده أضحك واقول زمان ساعى البريد فهمنى غلط , ولما رجعت صحبتى ورجعنا نتكلم ونسهر نرغى كالعاده , أحتفظت بأخر جواب ومبعتهوش لحد دلوقتى , وقلت هى خلاص رجعت , لكنى بفكر من وقت للتانى ابعتلها الجواب أصل فى كلام مقلتوش ومتستغربوش الكتابه اسهل وأبلغ من الكلام .
ودى قصتى مع الجوابات أنتم بقى أيه رأيكم وهل حد فيكم جرب سحر الجوابات او جرب يتبادل جواب مع أنسان بعيد عنه أو حتى بيحلم بكدا , دلوقتى لما صحبتى تغيب هتوحشنى وهخرج جواباتها اللي محتفظه بيها هقراها من جديد لأنها بقت ذكرى مسجله زى ذكرياتنا اللي على شرايط الفيديو او صورنا مع ناس بنحبهم ... ودلوقتى اللي ليه تجربه يقولهالى واللي معندوش يغمض عنيه ويحلم وتعالو نسمع لبعض أفكارنا ..

تـحـيــــــــــــ نـــــــــور ـــــــــــــــــــاتــى

لحظه ساحره

2008-09-24T03:52:00.004+02:00

استوقفتنى الحيره فتأخرت عن اجابة هاتفى حين رأيت أسمه .. وجال بخاطرى عدة اسئلة .. ولكن لما الحيره لأجيب واعرف لماذا يتصل
تظاهرت بالتجاهل برغم انى احفظ نبرة صوته عن ظهر قلب . وسئلت من المتصل .. فأجابنى بنبرت صوته المميزه وبضحكه الا تعرفينى . فقولت اعتذر انى اعانى من اثار برد قاتل يؤثر على اذنى من انت ؟!!
لاحظت بصوته شجن لم اعهده من قبل لا انكر انه اسعدنى ..وللحظه اعتقدت انه عائد الى وان خبر خطبته لأخرى غير صحيح .. فسئلته ان يأتى لزيارتنا مع خطيبته المزعومه .. فأنا لما ارها ولكن خبرونى عنها
فأجاب انه لن يستيطع ان يأتى بها وطلب منى الدعاء لهم .. بصفاء نيه دعوت لهم بالتوفيق فهى لم تختطفه منى ابدا فلم أكن أحبه .. ولكنى حلمت كثيرا ان ارتبط بشخص مثله وما كان يشجعنى على هذا الحلم حبه لى الذى كان يعلم به كل اهلنا ..
ولكن للاسف كلهم كانوا يرون حبه الا انا فقد رأيته متأخرا جدا .. وكنت اظن اننى مثل اى فرد يتعامل معه فهو بطبيعته حنون ودائما تطغو ضحكته على كلماته وحينها لا تفرق بين الواقع والخيال
أنه شخصيه ملتزمه جدا والحديث معه له مذاق خاص , حين يحاول ان يقنعك بسلاسه وبرغم عنادك تتفق معه وكأن كل ما يقوله صحيح
كان يتصل ليطمئن علينا , هذا ما قاله ولكنه عادة يتصل على الهاتف الأرضى , او على هاتف اخر , لماذا اختار هاتفى انا هذه المره
لماذا لم يطلب ان يتحدث مع أخوتى مثلما اعتاد , بل اكتفى بحديثه معى واغلق بعد السلام
اسندت ظهرى للحائط وكأنى اطلب مساندته فى محاوله لصمودى , ويعلو شفتاى ابتسامه وكأنها ابتسامة الأنتصار .. ثم اخفيتها وقررت ان امحوها , فتلك تعد خيانه وهذا ليس طبعى , فأنا لا أخون شخص اعرفه او لا اعرفه حتى فى خيالى .
وظللت اخبر نفسى انى اخطأت الفهم وان اتصاله الأن ليس له غرض الا الاطمئنان علينا بصفته من الأقارب , فهو ابن عمى ومن الطبيعى ان نتبادل الاتصالات .
ولكن عقلى لم يتركنى وظل يعيد كل موقف لنا سويا منذ الطفوله , فى محاولة لتشكيكى فى غرضه .. وتذكرت حين جلسنا وسط الحدائق ولم نكن سوا اطفال وذهب الجميع وظل هو بجابنى يتجازب معى أطراف الحديث فى محاوله لكسر صمتى وأضحاكى بعد ان عنفنى أخى
وحين لعبنا فى صبانا لعبة الاختباء وكان يعلم اين انا ويتظاهر انه لم يرانى
كان دائما يتدخل ويساندنى مهما كلفه الأمر , وحين اغضبه لا يأتى لبيتنا الا ان صالحته من جديد .. كنت فى البدايه آراه الأخ المتواجد بجانبى الذى لطالما حلمت به .
فأخى دائما مشغول , واخر شيء يعرفه هو المشاعر بين الأخوان
لم أنكر انى احببت فيه الأخ والصديق الذى ابوح له بأسرارى فيرشدنى
واتذكر الأن يوم فرح أخته , والافراح عندنا نحن المصريين تاخد طابع خاص من اقامة اكثر من ليله يتجمع فيها معظم الأهل لأعداد المراسم النهائيه لليلة الزفاف , وكان يومها ليلة الحنه . وقد اعددنا للعروسين كرسيين للجلوس وسط بهرجة الأنوار . ولكن العريس لم يأتى وقررت العروس عدم الجلوس فوق كرسيها وصعد أبن عمى ليجلس مكان العريس وكنت اقف بعيدا وظل يدعونى للجلوس بجانبه , حتى لاحظ كل الموجودين , واصبح كل شخص بكلمه يتحدث عن قصة حبه , فتعللت بتعب مفاجىء ودخلت للمنزل .
ويوم الزفاف حين جلس بجانبى فى كل صوره تم التقاطها , وحين صعدنا للعربات وانا احاول ان انادى على أخى وهو الذى نبهه لأنه كان يتابعنى بنظراته .. كنت اعتقد انا ان كل هذا هو ما يحدث بين الأخوان فكنت افسر كل تصرف منه انه شيء طبيعى .. ولكن عندما أيقنت من حبه لا اعرف ماذا حدث لى لم اعد اتعامل معه كالسابق , لم اعد اقص عليه اسرارى او اتواجد بمكان واحد معه كى لا يتحدث عنا الناس , وقد شعر هو بتغيرى المفاجىء معه , كنت اعلم انه يريد ان يحدثنى ليفهم ولكنى دائما اهرب منه بكل الطرق ... حتى استسلمنا للصمت نحن الأثنان
وبرغم صمتى كنت انتظر ان يتقدم لطلبى حين علم انى شعرت بحبه
ولكنه كان ينتظر ان ابادله المشاعر , حاولت جاهده ان احس قلبى على التفكير به كحبيب وزوج ولكنى لم استطع ان ارسم بخيالى حياة نعيشها سويا , وايقنت انى لا استطيع مجاراته فى الخيال فكيف يكون الواقع
وابتعدت عنه بكل قوتى فى حين انتظاره لقربى , لا اعرف لما صدمت حين سمعت خبر خطبته فانا لم اعد اراه او اذهب لبيت عمى , وقد سمعت الخبر من بعض الاقارب , لقد اختار أنسانه لا تليق به , كم حزنت على هذا الأختيار , ليس لأنى احبه ولكن لأنه يستحق من هى احسن من تلك الخطيبه
أدعوا الله الأن من كل قلبى ان تكون خير زوجه له وان يصلح لهما الله الحال
ويكفينى انا ذكرياتى مع الأخ الحبيب وحلمى الذى لن يتحقق
ولكن يظل بقلبى سؤال يحيرنى ... هل عــــــاد ؟!! ولـــمــــــــاذا ؟!!

سارة البحر وzozo ونور الدين

2008-09-17T15:34:00.004+02:00

يا ترى الدور علي مين عليا ولا عليك ولا على ناس تانيين
هو حصل ايه للمدونين ليه بيستسلموا بسهوله وميبقوش صلبين
لو كلنا سبناها مين هيدافع ويقاوم ويطرح البسمه والأمل على وشوش الملايين
خلاص كلكم زعلانين ومحطمين
سارة البحر وzozo و نور الدين
ازاى نسبهم لليأس مستسلمين
دول أعز الحبايب وأغلى المدونين
ازاى يبعدوا ويسيبوا أحبابهم حيرانين
مش قولنا انها بتنا
ومش عملنا منها جنتنا
ازاى تفتوها عطشانه من قلم يرويها ويغتنا
أرجعوا وبلاش هروب
والمصير سبوه لله والمكتوب
هتخسروا ايه
بتخافوا عليه
لو هتتخلوا عن كل حاجه تبقى فايدة اقلامكو ايه
معقول مش حاسين قيمتها
معقول تهدروا افكار حبتها
معقول تتقفل مدونه تبقى عشقتها وفى لحظه نستها
هدتها واهدرت كرامتها
ازاى تتخلى عنها وتفوتها
أرجعولها يا ريت ترجعولها
بالهمه تانى تضيئوا ساحتها
بالكلمه الطيبه
اللي ياما زمان نورتها

______

بعتذر لو كلامى هيذعلهم بس فعلا المدونين محتجينهم

مينفعش نسبهم يقفلوا مدوناتهم لو احنا متفقين ان هنا كلنا اخوات واصحاب واسرة

وكتير منا اتكلم عن اننا لازم نكون كيان واحد

يبقى لازم منتخلاش عنهم نحسسهم بقيمتهم الحقيقيه

هما مش اى حد قفل مدونته ولا اقلام ملهاش قيمه .. لا

ومليون لا

دول ناس رائعه واصحاب أقلام عظيمه

دا غير قلوبهم اللي ملهاش وصف

خلص كلامى لكن باقى في قلبى حديث طويل

وضم صوتك لصوتى وحاليا انا هكتفى بسكوتى

أحسبوها صح وعيشوا ساكتين

2008-09-12T15:41:00.010+02:00

احسبها صح من الوقفات المصريه اللي كلنا بنشوفها في التليفزيون
يا شعبى الحبيب .. احسبها صح واتعلم واوعى تشتكى الغلاء يا معلم
العيب فيكم يا شعبى الحبيب , في ايديكم وعقولكم في ولادك واحوالكم
وانا بريء من ذنبكم في الايام الكريمه ديا والاوقات الصعبه الجايه هقولهالكم
عيشوا فى صمت , لموا الفتافيت مش عايز قمص , تاكل ليه وتشرب ليه صوم يا حبيبى وصوم على طول
صبح وليل مش عايز اقول , هتاخد ثواب عظيم ومهول .. وتموت شهيد وليك الجنه
يلا نغنى ونحفظ عيالنا بدل حلو يا حلو ورمضان كريم .. أحسبوها صح وعيشوا ساكتين

بخرف انا مش كدا بس هو الوضع مش متحمل غير كدا , بيقطعوا كل دقيقه اى شيء شغال علشان يقولوا للشعب المصرى اخيرا التزم بالدين والعيب فيك كل العيب في تصرفاتك المبزره سبب الغلاء والبلاء منك لوحدك

واحنا مظلومين غير مقصرين علاوه وصرفنا بس نقول لمين
صحيح العيب فينا واحنا مبذرين !! حسبنها صح وعيشنها صح يا مصريين
ولا العيب فى مين
نقول أراء محايده منغير تعصب منغير فايده ونتكلم ونناقش ونشوف
هل احنا السبب في الغلاء

نقطة الميه اللي بنسبها سايله من الحنفيه فعلا دا تبذير لكن هل كل المصريين حنفياتهم خربانه , طيب دا فى مناطق الميه بتقطع فيها فى الايام دى فى رمضان وتيجى بس ساعتين ولا تلاته في الليل زى منطقة مكرم عبيد خير مثال اهو وفى مناطق مفيهاش اصلا ميه , وانت جاى تقول حاسبوا على نقطة الميه يا جناب المعلن ... احسبها صح ....
الادويه بنشتريها لما نمرض على حسب روشتة الدكتور ولا بمزاجنا واكتر من احتياجاتنا ونستنى لما معاد صلاحيتها تفوت ونرجع نجيب غيرها .. دا فى ناس بتفضل تستعمل فى الدواء لحد ما يخلص هو فى ناس بالعقل هتجيب دواء وتركنه سنه كامله ولا اكتر منغير ما تمرض , طيب يا ريت .. دا احنا بنمرض اكتر ما بناكل ونشرب .. الحل الأمثل يصرف فوق كل دواء دكتور يخلى المريض ياخد الدواء علي حسب احتياجه بس يا جناب المعلن .. احسبها صح ..
اسئلوا اى صيدلى الناس بتدخل تصرف مش شريط ... لا .... حبه واحده
محناش عايشين في رفاهيه وبنصرف ادويه فوق احتياجتنا بلاش نتطرق لموضوع ان الادويه الرخيصه اللي فئه منا تقدر عليها فعاليتها مفيش .. مظنش انه يقدر يجيب دواء مستورد ويرميه يا جناب المعلن .. احسبها صح ..
" أن المبذرين كانوا اخوان الشياطين " بس انا واحده من الشعب مش مبذره فمتحرقش دمى بقى بأعلاناتك أحنا اصلا مبقناش عارفين نحسبها اصلها ولا حسبة البرمه ملهاش حل لا صح ولا غلط
أن كنت عايز نتحاسب بجد ونحسب صح يبقى خد نصيبك من الحسبه يا جناب المعلن مش ترمى الحمل كله علي الشعب وتقول اقتصدوا وبلاش تبقوا مبزرين .. بتسكت مين بالكلام دا !! الغلابه اللي خربت منهم ومبقالهمش غير ربنا .. ولا بتقلبنا علي بعضنا .. ونلف وندور ونرجع نقول العيب مننا أحنا .. احنا اللي ادينا فرصه لجناب المعلن يتحجج بينا .. كسرنا كراسى المواصلات ورسمنا عليها الأهداءات ومش فى بالنا اننا كدا بنهدم فى مالنا .. رمينا الزباله فى الشوارع وقلنا وماله مهى خربانه خربانه .. لكن مهما كان دى مش افعالنا كلنا .. نيجى لجنابك ..
اديك مثال : الشوارع الجميله اللى حضرتك بترصفها وتسفلتها وتخليها تمام جدا وبعد أقل من أسبوع ترجع تهدها وتحفر قال أيه هنركب خطوط تليفونات ونقول طيب وترجع تصلح الشوارع وترصفها وتسفلت وشهر يمر وتتهد من جديد بتعمل ايه يا سيدى بركب مواسير مياه طيب .. ونعيد الكره ولا مليون مره وتهدر فلوس شعبك الحبيب لأنك مش عارف تحسبها .. طيب ما تيجى نحسبها صح
لو مكنتش حسست شعبك الحبيب انها خربانه خربانه كان خاف علي ماله لا كسر كراسى ولا رمى زباله في الشوارع .. كل أنسان فينا بيحافظ على بيته ولو أديته فرصه مره واحده يحس أن البلد دى بيته أكيد هيحافظ عليه بحياته وهيلتزم ... لو فعلا عايزنا نحسبها صح أحسبها معانا وأفضل ويانا .. وسعتها هنعيشها صح بسعاده جوانا

ازواج بعد التعديل

2008-08-29T04:32:00.005+02:00

كتبت عن الازواج واحب اقول ان في كل شيء في نوعين حلو ووحش , احنا عملنا تريقه مش اكتر علشان المدونين يلاقوا ابتسامه , وزى ما فى ناس شريره كتبت عن الزوجات ادينى بهديلها بوست عن الازواج
_______تعالو نلقى ظلاً أحمر ( ههههههههههههه)______

قبل الجواز يرسم جنه , يحلف لراح اعيش واتهنا
يخطب ويقعد يتشرط , يطلب ويقعد يتمنا
تقع فى شره الغلبانه , قال ايه وهتعيش سلطانه
واهو كلام ياما سمعتوه واخرها ترجع ندمانه
قبل الجواز حبى حياتى بعد الجواز بس مراتى
وقليل ما قال غلطة عمرى , يا رب عجل بوفاتى
خدها وقال السنيوره , رسم وعنين اجمل صوره
بعد الجواز يشوفها شبح ويقول مراتى كعبوره
برغم من انها هى , نفس العيون العسليه
لبساله اجمل جلابيه , جابها وقال لأم العيال
قبل الجواز كان عضلات ايه , فارس رهيب ولا الخيال
بعد الجواز وساب نفسه ربى فى كرش من الأهمال
قبل الجواز يجرى ويرمح ولا الخيول وسط الادغال
تقوله نخرج نتفسح , يقولها كان ياما كان
تقوله يلا نتمرجح , يقول يا ست بلاها جنان
سنه ومرت من عمره كأن مر عليه زماااااااان
.........................
محبتش اكمل عن كدا لناس تزعل بس اهى صوره بسيطه من اللي بيحصل من بعض الازواج بعد الجواز
وتمنياتى ليكم برمضان سعيد يمر عليكم وكل ذنوبنا مغفوره يا رب
وللى مقبل على الجواز أحب اقوله خلى حياتك جنه ومتتأثرش بكلامنا

أربع كوارث مع الأعتذار

2008-08-24T03:16:00.006+03:00

بعتذر جدا لأنى اخرت اجابة التاجات واتراكم عليا اكتر من تاج لدرجة انى شاكه انى نسيت شيء , بس عامة جل من لا يسهو سبحانه وتعالى ملك الملك
انتم اخواتى واصحابى وهتعزرونى اكيد
انا هقولكم مين اهدانى التاجات وهلخبط الاسئله والأجابات
بعتزر طبعا لو مجوبتش على كل شيء لأن في تاجات انا جاوبتهم من فتره قليله بتحمل نفس الاسئله
متوجينى الاعزاء على ما أذكر ( مياده رفعت – zozo - أنسان بلا عنوان - Original Heart ) وبالله فليسامحنى من قد غفلت عن ذكر أسمه
التاجات اسئلها كتير هحاول اختصر على قدر أستطاعتى وربنا معاكم ويصبركم

من أنت
اجابة هذا السؤال تتلخص في القادم

البطاقه الشخصيه
الاسم : مها ... ( نور ) أسم من أشهر اسمائى يلقبنى بيه الأصدقاء
السن : 24
تاريخ الميلاد : 20 / 2 / 1984
مكان الأقامه : القاهره تحديدا ( شبرا مصر )
الديانه : مسلمه والحمدلله
الحاله الأجتماعيه : أنسه وخالية البال ( مش معناها أنى ببحث عن عريس )

متى بدأت التدوين ؟ ودخلت العالم دا أزاى ؟
بدأت تدوين من حوالى سنه أو اكتر بمدونه لن اتحدث عنها , كانت تجربه رائعه ولكنى بطلت اكتب لظروف معينه ورجعت تانى من حوالى شهرين ودى تعتبر بدايتى الحقيقيه مع عالم التدوين
ورجعت للتدوين بتشجيع من صديقتى العزيزه مى , لكنى منكرش عليكم مكنش الغرض من المدونه ما فيها حتى الأن , كان المفروض تاخد طابع تانى كتير منكم بيلاحظوه بسهوله بمجرد الدخول , ومش عارفه دا غلطتى ولا غلط اللي شجعتنى وفجاءة سابت ايدى وتركتنى اتخبط يمينا ويسارا .. واختفت تماما عن حياتى
ولها منى جزيل الشكر والمعزه حتى تعود او تصبح ذكرى مصيرها الخلود

وايه كان انطباعك في البدايه ؟
كنت خايفه ومازلت برغم حبى للتدوين وعالم المدونين

ايه أهم حاجة اتعلمتها من عالم التدوين ؟

اتعلمت انى اقدر اتكلم دايما كل اللى عليا انى امسك القلم واحطه على اول السطر

حاسس ان التدوين له تأثير ؟

بالتأكيد بس لو قدرنا نخلى كل الناس تقرى الافكار بتاعتنا , كدا هيكون ليه تأثير اكبر

مين اكتر واحد بتهتم بتعليقه علي بوستك الجديد ؟

والله ناس كتيره وطبعا مش هقدر اكتب كل الأسماء بس ناخد على سبيل المثال
( شهرذاد - حبيبه - rovy - نور الدين - غنيم – zizi - سهر - الملاك )

ايه أكتر حاجة كرهتها ؟
طيب انا هجاوب على اساس ان السؤال بيخص عالم التدوين لأنى بخلاف كدا مش بكره شيء والحمدلله
هغيرها شوية ونسميها مش بتحبه لأن كلمة الكراهيه بتحمل معنى شديد شوية
مش بحب اللي يدخل يعلق وكأنه معلقش ويقولى كتبتى كويس وخلاص
في ناس بتكتب انتى المره دى احسنتى وبكون مصدقاها وناس تانيه لا بحسها مجرد مجاملات , كان احسنلى ميعلقش خالص عن انه يجاملنى بكلمات هو شخصيا مش حاسسها ... دا غير اللى مبيقروش اصلا وبرضوا بيعلقوا

أذكر ثلاثة من مدوناتك المفضلة
هما اكتر من تلاته والله وانا ضايفه كتير منهم هنا علشان ادخل ليهم بسهوله
وعامة نقول مثلا
Zozo.... صاحبة مدونة نبضات قلب
ميادة رفعت .... صاحبة مدونة نداء الى الحياه
نونو .. صاحبة مدونة 8 بنانيت ( ط . ا . ل. ق )
بنت مصريه ... صاحبة مدونة مين فين ليه
رئيسة حزب الأحلام , مدينة الملائكه , blue Nile ........ وكتير

أعطيتك ثلاث وردات .. من هم الثلاث أشخاص اللى هتعطيهم الورد اللى معاك..؟
اطلع فى أعلى مكان في العالم واحدفهم واللي ياخدهم يبقوا من نصيبه بقى
انا لو عايزه اهدى مينفعنيش 3 وردات عايزه جنينه بحالها ههههههههه

لو أعطيتك ورقه فيها 3 سطور وقلتلك اكتب فيها اللى انت عاوزه هتكتب ايه..؟
لو حصل وحد أدانى ورقه وقلم هرسم مش هكتب حاجه الرسم ابلغ من الكلام
ممكن لو لازم اكتب ضرورى يعنى اكتب لا اله الا الله وهتوحشونى أو للذكرى

ما هو هدفك فى الحياة؟؟
إذا لم تعلم أين تذهب , فكل الطرق تفي بالغرض
الهدف الرئيسى انى أرضى ربى لكن لو بتسئلوا عن شيء لنفسى فعلا مش عارفه بس اللى بيجى على بالى بحاول انى احققه

المقولة" إن شاء الله بكرة هيكون أحسن من النهاردة" هل تصدق هذه المقوله ولماذا؟؟
مش بصدقها بس لا بحبها جدا وهى اللي بتدينى سبب للتفائل , والسبب لأن ربنا رحمته واسعه وكريم قوى سبحانه وتعالى

أجمل مقوله سمعتها فى حياتك..
كتير أهمهم : ضاقت فلما استحكمت حلقاتها فرجت وكنت احسبها لن تفرج
وان الشيطان بيمنينا بالمفقود لننسى الشكر علي الموجود
وفى مقوله مش عارفه بتاعت مين تعتبر رمز ليا بتقول
قالوا البعيد عن القلب هو البعيد عن العين , والله بهذا المثل ما أمنت انا ساعتين , انا قولت هوفى لحبيبتى حتى ولو كان فين
بعتزر عن التغيير فيها لأن الروح ملك للى خلقها

من هو افضل رئيس عربى برأيك برر بسببين
حاليا مفيش ولا واحد كويس ودا يدينى حق مبررش لأنى اصلا مش لقياه
اما لو سابقاً يبقى الرسول عليه افضل الصلاة والسلام ومن بعده الصحابه

من المغنى اللى بتحبه أوى ؟ و إيه أحلى أغنية بتحبها ؟؟
بحاول مسمعش اغانى خالص بس بحب الأناشيد جدا وبسمع لمختلف من المنشدين

غزه..تمثللك ايه فى حياتك..؟
وطنى التانى بعد مصر , حبه جزء من شخصيتى بتمنى وبدعى من كل قلبى يتحرر فى اقرب وقت

إعطى لانتمائك لوطنك درجه من مائه..
لو علي حبها هاخد 100% اما لو علي قدمت ليها ايه يبقى هاخد صفر كبير قوى
هههههههههههههه

لو تزوجت وانجبنت..بنتين وولدين..هتسميهم ايه..؟
البنات : ملك , أميره , مريم , ساره واسماء كتير بموت فيها
الأولاد : مروان , سيف , محمود , أدهم

عمرك غشيت فى امتحان وانت صغير..؟
طيب ينفع كدا هو اللى ربنا ستره يسيح لنفسه يعنى وبعدين واضح انه سئل وانت صغير انا هفتكر ايه ولا أيه بقى هو انا عقلى دفتر

لو أتعرض عليك رشوة كبيرة و انت فى زنقة مالية هتعمل إيه؟؟
مش هقبلها طبعا ... وهدعى لله يفك الكرب

شئ فعلته وندمت ؟ شئ لم تفعله وبردو ندمت ؟
مش فاكره والله ولكنى مبعرفش أندم انا اتاثر شوية واقول خلاص ربنا عايز كدا بقى او لو شيء وحش بقول اهو حصل وخلاص ويمكن دا بيجى نتيجة التسرع لأنى ممكن افكر في سنه وفي لحظه اغير كل دا واختار شيء تانى وربنا ما يجيب ندم يا رب

قول 3 صفات بـ 3 كلمات بس توصف بيهم شخصيتك؟؟
شوفوا بقى انا مبعرفش اوصف نفسى مش تواضع لا بس هقول ايه عليها منا مش فهماها وكأنى برضوا مش شيفاها فلازم كنت ابص في مرايه ومرايتى اصحابى
وهما حاولوا يجاملوا ويدونى الصفات الاتيه
طيبه : بس لما بتقلبى خلاص عليا وعلى اعدائى وكرسى في الكلوب يا ريس
عاقله وصريحه وحالمه تقولولى ازاي حالمه مع عاقله اقولكم اسئلوا اللي قالت
بنت حلال ومش عارفه مصلحتك
وفى بقى مرحه وجدعه وخجوله وواحده صحبتى قعدت تغنى زي الملايكه وعامة كله كلام مجاملات متصدقهوش ما علينا بقى من السؤال دا

صفه عاوزاها فى شريك حياتك..
متدين وعلى خلق وبشنب بقى مليش دعوه , ابويا قالى زمان الراجل اللي ملهوش شنب مش راجل وعذراً دا كلام ابويا هههههههههههههه ويا سلام لو دقن وشنب يبقى ربنا أكرمنى بيه ( ادعولى الاقيه بقى )

إيه اللى غير دراستك وشايف نفسك فيه قوي ؟
للأسف هما طفوا النور فمبقتش شايف وعامة هى متغيرتش لأنى اصلا محلمتش بشيء

بتحب السفر ؟؟
طبعا

طب دلوقتى حالا ايه المكان اللى نفسك تكون فيه ؟
نفسى اكون في العجمى فى أسكندريه على شط البحر

من اقرب شخص ليك؟

كان والدى رحمة الله عليه

اية معنى السعادة من وجهة نظرك ؟ حاسس انك سعيد ؟
السعاده هى الحب وهو احساس جميل بيغلف قلب الأنسان يخليه راضى بكل شيء
بيجى من رضا الله
طول ما ربنا راضى عنى و قلبى بيدق بالحب بالتأكيد هكون سعيده

امتى حسيت انك ظلمت انسان ولية ؟ محتاج للحظة غفران منة ؟
مش عارفه بس لو ظلمت حد يا رب يسامحنى , لكن اللي لازم يكون الشخص اللي ظلمته متاكد منه أنى مكنش قصدى , لأنى لو زعلت حد , شوية وبسارع اصالحه فلا يمكن اكون قاصده اظلم حد وأسيبه

بتعمل اية لما تكون مضايق بعد ما تصلى ؟
لا يمكن افضل متضايقه بعد ما أصلى ابدا .. امال انا كنت بعمل ايه في الصلاة
لو فيا شيء وصليت وشكيت لله ونزلت دموعى بصدق .. مهما كان فيا هخلص صلاة وقلبى مرتاح

امتى حسيت انك اتظلمت ؟ ولية ؟
احس بالظلم لو اللي ظلمنى منعنى من حقى في الكلام , لأنى لو اتكلمت وسمعلى حتى لو منصفنيش هسامحه , لكن لو منعنى اتكلم هحس بالظلم الرهيب
وأكتر وقت حسيت فيه بالظلم لما يبعد حد بحبه منغير ما يقولى سبب

اية اكتر احساس بيراودك هذة الايام تجاة نفسك والاخرين ؟
احساس خوف بأن كل الناس اللي بحبهم هيضيعوا منى , وانى هتوه منهم
وأحساس بالخوف من ان ربنا ميتقبلش أعمالى وأصبح من الأخسرين

امتى ممكن تتنازل عن حق من حقوقك ؟ والسبب ؟
أتنازل لو اعترف اللي قدامى انه فعلا حقى وانه غلط , ساعتها مطالبش بيه
اتنازل لو أنسان بحبه أو بحترمه والسبب لأن حقى مش هيكون أغلى منه

وهنا تكون خلصت الاسئله ومقدرش أهدى كوكتيل التاجات دا لحد لأنه كارثه في حد ذاته برغم انه قاعده جميله مع النفس وكشف الخبايا
أتمنى مكونش زهقتكم بالكلام عن نفسى , واللى مش هيقدر يقراه عزره معاه , انا هتفهم جدا , لانه طويل قوى قوى

أطلالة أمل

2008-08-14T07:52:00.007+03:00

حالة اكتئاب وحزن مخيمه على المدونين قولت ابدأ انا بأضفاء أطلالة أمل لعل وعسى .. معلش هتلاحظوا حبه ان الكلام ملخبط بس من فرحتى مبكونش قادره اسيطر على القلم .. ومنغير تفكير وتسائل زي ما قلبى بيزعل لوحدوا برضوا بيفرح لوحدوا والحمدلله

سكوت ونسمع القلب الفرحان بيقول إيه

صعب تفتح باب ذكرياتك ومتدخلش الامل , بالذات لو الذكريات جميله وسعيده , يمكن الامل والابتسامه تضفى روح السعاده علي قلبك
غيرت مكان الكمبيوتر بتاعى ومن هنا الاطلاله اجمل , وبدل ما كانت اللوحات معلقه بجانبى أصبحت امامى , واصبح ظهرى متكئاً على كرسى وخلفى مكان استطيع ان استند برأسى إليه , وقبل ذلك كان خلفى فراغ , على الرغم بأن نفس المكان مازال بيتى , الا ان تغير المكان من الخارج الى الداخل جعلنى اشعر بانى في امان ...

للوصول للسعاده اتبع الأتى

1_ جرب تبتسم فى طريقك لحد متعرفهوش هترسم ابتسامه علي وشه هو كمان هيمشى يسئل نفسه هو انت فعلا تعرفه ولا بس انت حد سعيد هتخطفه من تكشيرته لدنيتك السعيده

2_ طيب بص للشجر شيء بيسعدنى عن نفسى ومين مينبهرش بجمال الطبيعه في ارق تكوين سبحان المبدع المصور شيء باللون الاخضر الجميل

3_ طيب اصحى بدرى وغير حياتك وشوف هتحس بشيء جديد فرحه تدخل قلبك لما تستقبل نسيم الصبح وانت مغمض عنيك , طيب بص من شباكك علي الشارع وهو فاضى لسه مغسول بندى الصباح او يا سلام لو عندك شجره بتطرح ورد بيعطر الشارع ويجعل المنظر خلاب لما يتناثر على الارض وكأنك هتخطى اول خطواتك في الجنه طبعا بلا اي وجه للتشبيه جنة ربنا شيء تانى فيها ما لا عين رأت ولا أذن سمعت , بس الارض هى جزء من الجنه اكيد , كل ما اشوف شيء ويعجبنى قوى اقول سبحان الله اقل شيء بيسعد القلب لو قلبك سليم معافى ومقولتش بأنه خالى من الهموم , اصل الهم جند من جنود الله شيء وصابك فأصبر انا قصدت بقلب معافى قلب علي الفطره طيب ورقيق كريم ووفى لو حب يخلص قوى لو زعل ميكرهش ابدا .. قلب من دهب .. مش مهم اذنب قد ايه يقدر يتوب وربنا غفار الذنوب بس يسارع ويتوب لأن اساسه صحيح .. في تلالأ الالماظ مش انعكاس الصفيح

رتوش بسيطه ممكن تغير حياتنا , نفسى اسئل سؤال للجميع كتتير سئلته لنفسى , امتى غيرت شيء في حياتك , وقت النوم والاستيقاظ مواعيد الخروج , هل عدى عليك وقت ملتزمتش بالقوانين , اصلى كان عندى عاده سيئه قوى انى التزم بالقوانين بالظبط وكأنى روبوت , لكنى لاحظت ان معظم اللى حوليا مبيلتزموش بشيء متهمهمش القوانين , فكرت ليه مجربش وبقى كل فعل قبله سؤال , يحصل ايه لو معملتش كدا , طبعا مكنش قصدى من كدا انى اغير حياتى للاسوء , لا طبعا , بس فى حاجات كتيره بنعملها بتكلف في حياتنا وسهل نستغنى عنها ومنفكرش الناس هتقول علينا إيه , طالما الحاجات دى مش غلط ولا هنجرح بيها حد , مجرد افعال واحنا حطينا أطار لنفسنا علشان منخرجش عنها , يبقى لازم احنا اللي نكسر البرواز الدهبى دا ونخرج نشوف هيحصل ايه بره البرواز يمكن ننجرح في الاول بأشلاء الزجاج اللى اتسببنا في انها تتناثر , لكن جرح طفيف هيزول مع الوقت وممكن نعدى بسلامه , ونبقى استفدنا نظره جديده من خارج البرواز لشيء عمرنا ما كنا هنشوفه . صحيح نور الشمس كان بيتخلل الزجاج ونشوفه لكننا مكناش بنحس بجمال لمسته بره البرواز مع النسيم الهادى , دى دعوه منى علشان نكسر البراويز ونخرج بره لنور الشمس عمر ما الدنيا بتفضل عواصف لو قلبك شديد قوى بالايمان الخوف مش هيدق فيه , ربنا سبحانه وتعالى هو اللي مسير الكون , كل شيء بأمره متخافش واكسر البرواز وشوف الدنيا بعيون طفل منبهر بكل شيء فيها , عمره ما كان هيخاف الطفل من صوت عالى الا لو احنا حطينا في عقله من البدايه ان صوت الرعد مخيف , لو قولنا لأطفالنا متخافوش دا صوت ربانى سبحوا لله لقدرته وجلاله هيرتبط عندهم صوت الرعد المخيف بذكر الله ويصبح القلب مع الصوت العالى وفى وسط ما بعض الناس خايفه , انت معاك اقوى قلب عامر بذكر الله

السعاده ملهاش ناس وناس السعاده حق لكل الناس بس اعرف طريقها واكتشف اسرع طريق ليها من قلبك ورضا ربك , صدقنى حاول وهتوصل للسعاده
افتح قلبك للسعاده تعرف طريقها للدخول

افتح قلبك وشوف دا الحب يلغى الخوف

كلام فى سرك

2008-08-06T00:20:00.003+03:00

كنت أسير فى تلك الأيام اتنقل من مكان لمكان

مع حرارة الصيف الشديدة والزحام فى كل مكان

قررت ان استريح واستظل بجانب بيت به حديقه سبحان من ابدع

تطلعت بعينى لأجد شاب متمدد على أرض الحديقه فخشيت ان يكون مغشى عليه فتوجهت نحوه

واقتربت منه وامسكت بيده فقام من مكانه وهو ينظر الى نظرات بدت لى حزينه

وكأنه كان على وشك الأنتحار وانقذته .. فطلبت منه تفسير لما أراه بعينيه

وبدأ يقص على وكأنه كان ينتظر سؤالى وحتى ان كان بدافع الفضول وكأنى صديق يعرفه منذ زمن

وقررت ان اتركه يتحدث ولكنه افصح عما بداخله واحرق قلبى , فلقد أخفى كثيرا حتى بات لا يستطيع الكتمان

فــقــــــــــــــال

كنت بلا هويه حين أتيت والأن ايضا اصبحت بلا هويه

مسافر بلا عنوان في رحلة النسيان

لا تنظر الى هكذا يا سيدى فأنا حطام لما كان

او شبحاً او ظلاً لشيء قد اطلق عليه قديما انسان

اعزرنى لتهكمى بالله احاول ان انتقى عباراتى قدر الأمكان

فلقد أمسى عقلى اقرب للكفر عن الأيمان

لم أشكو يوما ظروفى برغم ذلى والحرمان

نعم قد كنت اقص عليهم مختلف الروايات الا روايتى لأشتت الأذهان

كيف اصرح عما يجتاحنى وكيف اطلب منهم الحنان

بحثت في كل مكان يا سيدى حتى ادميت قلبى وضللت طريقى واضعت العنوان

كل الأبواب غلقت بوجهى حتى ابواى تناسو انى جزء منهم وبمشيئة ربى اصبحت كيان

فلما لم يطبقوا على انفاسى منذ ولادتى ليعيدونى الى الجنان

مع اول صرخة دوت لى يا سيدى في تلك الحياة كانت صرخة استغاثه الى الرحمن

وها انا يا سيدى ضائع شريد وايضا وحيد برغم كل من حولى فما العمل الأن

_________________________________________

( ليس اليتيم من مات والداه ولكن اليتيم حقاً من انشغل عنه امه واباه )
لم تأتوا بهم لتلك الحياة يا ساده ليعذبوا بوجودكم بجوارهم ولا تشعرون بهم وكأنهم غير موجودين
لقد انعم الله عليكم بطفل فأحسنا إليه حتى اذا قابلتم وجه الكريم تجدان ما تقولاه
وتجدوا من يدعوا لكم بالرحمه ويشتاق إليكم حتى تلقياه
وانتم الأن احياء يا ساده فحاولوا ان تستغلوا تلك الفرصه التى لن تعوض وعوضاه
عن انشغالكم عنه وتقصيركم في حقه استغلوا الفرصه قبل ان يضيع الوقت يا ساده
فالمال يزول والصحه تزول والجاه يزول
ولن يبقى لكم غير ابناء قد احسنتم تربيتهم
ولتذكروا جيدا الجمله التى نحفرها بعقول صغارنا" ازرع تحصد "
فأحسنوا الاهتمام بما تزرعون حتى لا تصدموا وقت الحصاد مما ستجدون

دفوار ووصلنى " شفتونى وانا بتكلم لغات "

2008-07-28T16:58:00.006+03:00

واجب ووصلنى واتأخرت شوية في عمله لكن ادينى بقدمه اهو فسامحونى

من اجمل زهرتين فى بستان المدونين ( شهرذاد و rara ) حبايب قلبى

الواجب :عبارة عن سؤالين ..

السؤال الاول ؟ أذكر 16 صفة من نفسك !!

والسؤال الثانى ؟ مرر الواجب لمن أحب !!

نقول بسم الله الرحمن الرحيم

واتعدل على الكرسى بتاعى واقولكم بقى على الصفات واستحملوا بقى انتم اللي عايزين تعرفوا

( 1 ) عصبيه جدا لكن لو الشيء او الشخص اللى معصبنى بعد عنى بروق بسرعه جدا

وان مبعدش بسيب انا المكان علشان مبحبش الصفه دى فى شصيتى

وبزعل جدا لما اتعصب على حد وارجع احاول اصالحه

( 2 ) بيقولوا طيبه باين بس انا شكلى شريره علشان تكونوا عارفين

واللى بيشفونى لأول مره بيفكرونى متكبره لكن بينصدمو بالهيافه فيما بعد

( 3 ) بحب الناس جدا واحب اساعد اى حد لو اقدر , بس بزعل قوى لما الاقى حد عايز يستغلنى

ويبقى جنى على نفسه ساعتها ( مش بقولكم شريره )

( 4 ) من طبعى الهدوء والسكوت وكتير من الناس بتضايق منى بسبب كدا , لكن لو مفيش كلام اقوله هخترع يعنى

( 5 ) بهزر كتير وبعمل قفشات بس ساعات بتجلى منى واقع في مطب وحش بسبب التهريج الزياده ,

ولو اقولكم بتصف بالوقار بعد اللى قولته دا مش هتصدقوا ههههههههه

( 6 ) لو حد بيحكى قصه قدامى لازم يكملها والا اقعد ازن عليه لما ازهقه , بموت في الحكاوى

اقصد القصص طبعا ( مش اجيب في سيرة الناس )

( 7 ) بحب النظام وبحترم دورى في اي مكان وعندى صبر والحمدلله استنى ليومين

بس اكون شايفه ان في الاخر هيكون في فايده للشيء اللي بستناه والا ازهق بسرعه وامشى من المكان

( 8 ) بحب ربنا قوى قوى واتمنى يكون راضى عنى ودلوقتى بقيت في كل حركه أو كلمه افكر هل ترضى ربنا

( 9 ) بحب استكشف اى شيء جديد ولكن لما اعرف كل شيء عنه خلاص بيكون زى اي شيء عادى تانى

(10) بزهق بسرعه لو بكلم حد ويفضل يطلب منى اعيد عليه الكلام مره تانيه , واعرف انه مكنش مركز

معايا وساعتها ابقى مش طايقه اكلمه اصلا

(11) مبحبش حد يغير مكان حاجات بتاعتى او يحرك شيء من مكانه علشان بنسى كتير وساعتها افضل ادور لما اغلب

(12) مبحبش حد يعمل ذكى عليا , لأنى شكاكه شوية فأقل غلطه بتكشفه

(13) مبحبش الكدب ومبسامحش بسهوله حد يكدب عليا الا انى بينى وبينكم منغير ما نسيح يعنى بضطر اسفه اكدب احيانا

(شريره بقى )

(14) مش اجتماعيه الى حد كبير ومبحبش الاماكن اللي بيكون فيها صخب وناس كتير وبتوتر كل ما اضطر

احضر فرح ( شكلى مش هحضر فرحى ), لكن اليوم بيعدى عليا عادى بمجرد ما بروح واكون فى وسط الناس

ببدا اتحرك ويزول التوتر وارجع مبسوطه جدا , وبرغم انى مبحبش اكون موجوده في اماكن زي كدا الا

انى بحب الم اصحابى ونخرج يمكن لأن اصحابى عرفاهم كلهم مش عارفه بقى , شكلها حالة جنون يمكن عالجونى بقى

(15) خجوله شوية ومبحبش ابص في عنين حد مباشرة , وممكن يكون حد بيكلمنى وانا عامله مش معاه لكنى بكون منتبهه جدا ليه

(16) بخاف من الملاهى ومبحبش اركب اى لعبه ولو بسيطه بتوقع قلبى , شكلى قلبى ضعيف ( مقدرش اقول جبانه عيب )

لكن لو شوفت حد تانى خايف بحاول اخليه ميخافش برغم انى بكون ميته من الرعب اصلا بس بتظاهر قدامه بالصمود

وجينا للسؤال التانى : امرر الواجب لمين

طيب ممكن ادبس مين يا ربى في الدفوار دا مين مين آآآآآآه

الطالبه عفو الله

yoyo

انى احبكم فى الله

miada ref3at

بطوط حبوب

ولهنا نكون وصلنا لنهاية الدفوار انا حاسه ان دمى تقيل فيها بس هعمل ايه بقى مهو محدش يقعد يقول 16 صفه عن نفسه
ويكون دمه خفيف وبيهزر دا بيسيح لنفسه في كامل قواه العقليه بس علشان انتم غاليين عليا فمش خساره فيكم تعرفوا الفضايح ديا

مع أرق تحياتى وربنا يديكم الصبر وانتم بتقروأ اصلا هههههههههه

اعتبره عوو وراح اعتبره قصر اشباح وانهد ع.اللى فيه

2008-07-24T05:13:00.004+03:00

أوقات بنحب ونخلص قوى ونعيش فى قصة حب جميله , اوقات تكمل ونفرح وأوقات تسبب لينا احزان طويله

في وقت من الاوقات كنت بحب اسمع اغنية صابر رباعى بتاعت ضاقت بيك , وكان بيعجبنى الجزء اللى بيقول

قالوا ان اللي يحب بجد لو فاض بيه ملى يحبه ميحبش بس ميكرهش وانا فاض بيا تعبت بجد قد ما بتعب لكرهتك

ولا عارف حتى محبكش

ضاقت بيك تبقى عايزنى اكون حواليك ضحكت ليك اخلاصى يكون حمل عليك فى الحالتين ساكت لا بنساك ولا عايز انساك

بس في حكايتى هخلى الحبيب ينسى ويعتبرها قصه وانتهت وعوضه على الله بقى ههههههههههههه

وتعالو نقرأ سوا كتبت إيه وبعدين افجعونى برأيكم وكل واحد يقول اللى يجى على باله ( نرحب بالرأى والرأى الاخر )

وبعتزر لأن في ناس بعتالى تاج وواجب وانا بأذن الله هجاوب واكتب الاتنين لكن شوية بس

__________

علي ايدي كان في طير بديع وقلبه اخضر
علمته ازاى يطير كان جمبى يتمخطر
وكان بيخاف يغيب أنساه او اتغير
حاول يعلي ويعلي رفرف فرد جناحيه
خد السما في احضانه بعد ما قالى ليه
قولت اكيد هيعود دا بس بيجرب
فضل يغيب ويغيب بقي منى يتهرب
عليت صوتى وناديت من بعده ما سمعنى
وتفوت ايام كتتير وقولت قاطعنى
صحيح بكيت عليه وحزنت لفراقه
قولت اكيد دا نصيب لحباب بيتلاقوا
فضلت استنى يوم يعود يطمنى
فاتت سنين وسنين والحلم تاه منى
فجأه رجع مغلوب بجراحه متأثر
رمي نفسه بين احضانى وجناحه متكسر
صعب عليا حاله واخدته داويته
معرفش في ايه وماله وفي حضني ضميته
صحيح حنيت عليه وداويت بأيدى جراحه
لكن ولا يوم يعود تانى زي اللى راحوا
استنيتك كتير يا طير يا متغرب
متقولش انك راجعلى ولقلبى تتقرب
وادينى داويت جراحك عود تانى وطير بعيد
رفرف افرد جناحك خليك عايش وحيد
وهنا تكون انتهت قصتى الصغيره يارب تكون عجبتكم
والسلام اجمل ختام

" أعلان هام "أو " الى من يهمه الأمر

2008-06-30T11:14:00.002+03:00

الى اصدقائى وجميع المدوونين كلاً بأسمه

ستبدأ فترة غيابى الفعلى من اليوم واعتزر عن أنى مردتش على التعليقات في البوست الاخير

بس أوعدكم بأذن الله بأنى لما ارجع ارد عليهم واود ان اوجه اعتزارين

واحد ل zozo لأنى رديت عليها بعصبيه مبالغ فيها بسبب زعلى

والتانى لصديقه ليا ردت علي البوست الاخير بغير معروف

وعامة انا البوست دا او الكنفرنس دا كان قديم شوية بس لما نزلت موضوع احلام في مهب الرياح

محبتش اسيب المدونه لفتره وانا تاركه انطباع الحزن على المدونين والاصدقاء وحتى الغرباء او الزوار

وبالنسبه للجزء اللى زعلها وانا عرفاه منغير ذكره يا ريت لو انتظرتنى وانا افهمها

ومش هبرر لأنى مش هكدب فى شيء والحمدلله

رسالة لأى حد مزعل صديق حاول تصالحه الأصدقاء غاليين قوى ولا يمكن تعويضهم

ورسالة لصديقتى : أنا مش وحشه قوى وبرضوا مش ملاك "

وتكملة رسالة صديقتى أن كنتى تحبى تتكلمى في حاجات شخصيه فأعرضى الصوره كامله

مش معنى أنى اكون مكسوره واضحك يبقى انا مكنتش مجروحه او نسيت بسرعة الصاروخ

بس لازم نسيب بسمه على وشوش اللى حوالينا حتى لو مش قادرين نبتسم من القلب الناس ملهاش ذنب وكذلك الأصدقاء

لو وقفوا جنبنا فعلا , لازم منحسسهمش باليأس بأننا نفضل متضايقين , ممكن التظاهر يقلب في النهايه بصدق فعلا

وبوجود الأصدقاء جمبنا ننسى أى هم وأى حزن .

تقبلوا تحياتى واحترامى لجميع الأصدقاء والمدونين وهتوحشونى طبعا ويا ريت اكون قدرت اسبلكم بسمه بعد الأحلام اللي كسرتها

نور شاهين

كرسى الأعتراف في حوار صريح جدا جدا

2008-06-29T05:55:00.002+03:00

بعد استأزانهم قررنا نذيع ... قعدة تهييس غير معتاده
قررت انا واصحابى نلعب لعبة جميله كلنا بنعرفها واحنا بنلعبها من وقت لأخر كل ما بيكون في نفوسنا شيء من بعض , مبنقصدش شر طبعا لا , بس مجرد رتوش بنخاف تسيب جرح في القلب وبنعترف بيها ما بين ضحكتنا وعتابنا لبعض بتدوب الرتوش اللى ذادت على الصوره الجميله وترجع الصوره لأبهى ما تكون لامعه مضيئه براقه بها من كل تعبيرات الجمال كل الحروف وكل المعانى
بدأت اعدل قواعد اللعبه وقولت هيكون لكل منا سؤالين , كنا تلات افراد( بوبا وشهرتها في وسط الحديث عبده المعقد, يويو وشهرتها حريقه.. اصلها عسوله بس المره دى كانت بتهدى النفوس بزياده ) , بحيث لو جه الدور على حد مش هو اللي يتسئل لا هو اللي يسئل الطرفين التانيين سؤالين وهكذا
وبدأت انا وفي وسط سيل من الضحك والتهريج جه الاحوار الاتى

نور : قوليلي بقي يا يويو دعينى اقتبس السؤال المعتاد
طبعا اكيد عرفاه بس مجوبتيش عليه قبل كدا وهو

يويو : متقوليش انتى حبيتى قبل كده ؟

سؤالى هو : ايه بيضايقك فيا او منى
( بصراحه كنت بسعى من اللعبه للوصول لحد بوبا وابطلها تعمل برب وتبقى قاعده قدام الكمبيوتر ومتعبرش )

يويو : انتى بترديلى اسئلة امبارح؟
نور : جاوبى يا قلبي

يويو : ممممممممممممم
بسم الله الرحمن الرحيم

بوبا : هههههههههههههههههه
( قضتها ضحك بس استنوا لما الاسئله توصل عندها .. هتشوفوا اللى بتضحك دى هتعمل ايه )

نور : يلا يا يويو هتقرى القرأن كله

يويو : بأختصار
أما بعد

بوبا : هههههههههههههههههههههههه

يويو : اللى بيضايقنى من الاخت نور
انها دايما ............
وساعات ببتبقى ............
واخيرا

نور : يا مصبرنى يا رب

يويو : ههههههههههههههه

نور : يعنى انا حياتى كلها نقط
كدا ينفع

بوبا : هههههههههههههههه

نور : طيب ركبيلى جلده
علشان ابطل انقط

يويو : يا حبيبتى
هو الأنسان ايه غير شوية نقط فوق الحروف

نور : اه يا انااااااااااااااااا
هتتكلمى جد ولا اسبكم وامشى

بوبا : هههههههههههههههههه

يويو : ههههههههههههههههه
لالا خلاص , اوكى
مقدرش على بعدك ثوانى

بوبا : يويو اتكلمى بجد عيب بقى
( اخيرا بطلت ضحك ونطقت كلمتين )

يويو : طيب اقول ايه

نور : انا مالى
يويو : انا مفيش حاجة فيكى مبتضايقنى

نور : شوفى بتتضايقى من ايه وقوليه
( يا رتنى ما بدات هتيجى علي راسى حالا )

يويو : غير انك بتتكسفى منى لما بتكلمينى فى التليفون
ولما قابلتك

نور : لا انا قولت قولى مش تحدفى طوب
هههههههههههههههه

يويو : بحس انك بتكلمينى غصب عنك ومستنية المكالمة تخلص بفارغ الصبر
مش عارفه

بوبا : هههههههههههههههه

يويو : علما انى اقصد تليفون البيت
الموبيل بتكلمينى فيه عادى

نور : لا عيب يا قلبي ازاي تقولى كدا
طيب وهل هناك فرق
الاتنين تليفونات
اكيد احساس مشوش دا اللي بتحسيه

بوبا : يمكن عشان الموبيل ملكية خاصة
و تليفون البيت ملكية عامة

يويو : انا قلت اللى بحسه وخلاص

نور : والتليفون بتاع البيت في ميدان عام يعني ولا ايه
ههههههههههههههههه

يويو : ويا بوبا مكانتش بتبص فى وشى يوم ما اتقابلنا
حسستنى ان فيه حاجة غلط؟

نور : خلاص بقى
( أصله موضوع قديم وكنا اتكلمنا فيه وربنا ستار حليم بقى هههههههه )

بوبا : مفكراكى عريس يمكن

نور : اتريقى يا ام سحلول انتي راخره بقى

يويو : دا لو عريس هتبص فى وشه

بوبا : ههههههههههههههههههههه
( شغلتها في الحياه بتضحك , زي اسماعيل يس شغلته علي المدفع برروم )

بوبا : لا هتقف جنبو وتفيس الطول
هههههههههههههههههه

يويو : هههههههههههههههه

نور: ماشى ماشى
أهو دا اخرة اللى يحكى لصحابه

وبدأو الاتنين يضحكوا بهستيريا لمدة دقايق بلا انقطاع , وبصراحه انا اتنرفزت قوى بقى

نور : يا سلام عجبتكم قوى
بتتسلوا عليا يعنى , أوكى

يويو : هفطس من الضحك مش قادره
أصلى متخيله الموقف
لو سمحت قوم اقف

بوبا : هههههههههههههههه

نور: لو سمحتى هو كان خارج أصلا

يويو : لا متنفعش
بطنى وجعتنى خلاص

بوبا : مسخره وربنا

نور : انكد بقى شوية
خلاص اسئل بوبا بقى بقى

بوبا : اسئلى يا اختى

نور : مش بتفكري في اصحابك ليه لما بتعملي برب مش يمكن يزلعوا منك ومن كتر زعلهم تخسريهم وانتى مش حاسه

بوبا : يابنتى لما بعمل برب اكيد مش بكون موجودة او مشغولة وبعدين سعات بكون مش قادرة اتكلم مع كل الجمهور الاون لاين فابتكلم مع حد او حدين والباقي يبقي المرة الجاية بقي يعنى اقطع نفسي

يويو : ايوه ايوه
وعامة بيبقوا المزز

نور : عذر اقبح من ذنب

بوبا : وبعدين السنة دة انا كونت بقعد اشتغل علي الثري دى مكس والاتو كاد وبفتح اميلي فمابشوفش الناس الي موجودة اية

يويو : البت مشهورة يا عينى
والناس هتموت وتكلمها مثلا
امشى امشى

بوبا : طبعا يا بنتى
دا الطبيعى بتاعى
وبعدين مفيش مزز
المزز عندك كلهم اكوام اكوام
خلينى ساكته

يويو : مكنتيش لقتينى معاكى
ههههههههههههههه

بوبا : ما انتى طفشتيهم

يويو : كان زمانى متجوزه ومعايا 2 نونو
طب الحمدلله
يعنى مفيش

نور : اوكى كملوا كملوا

بوبا : يويو انتى اخرك تجيبى اتنين كيمو كونو

يويو : والله احسن من اتنين لوليتا

نور: انا كدا هسقع منكم
يلا يا يويو معاكى سؤالين بقى

يويو : نور
انتى ايه اللى مبعجبكيش فى بوبا

نور : ايه التوريطه دى هههههههههه
حد يسئل كدا في الدنيا

بوبا : جاوبى يا اختى

نور : مهو مفيناش من زعل

بوبا : عكى عكى

نور : دا حوار صريح جدا جدا

يويو : عك عك ربك يفك

بوبا : صرحى صرحى
اخرتها اية هجيلك بيتك اتغدى معاكم وتمام التمام واشدك من شعرك وامشي

وبدأت اقول تانى موضوع برب ( brb ) في الياهو والهوتميل
وبدأت تتعصب وتزعل قوى .. اقرب تشبيه ليها زي الطفل الصغير لما يقف يخبط برجله في الارض ويقول لا

وبرغم ان الكلام دا انا قلتلها قبل كدا ولا مليون مره يعنى بقت حفظاه عن ظهر قلب الا انه زعلها
حتى انى سئلتها قالتلى برغم انى عرفاه زعلت ليه مش عارفه ( ان كانت هى مش عارفه هعرف انا ههههههه )
ومن زعلها بدأت اوضح ليها ان السؤال كان ايه اللي بيزعلنى منها وبس ودا مش معناه انى مش بحبها
ويويو تقولها انها لعبه وكلامنا صريح اه بس هزار يعنى متستاهلش تزعل قوى كدا
وبدأت تقول قد ايه بتحبنا وبتتكلم علينا ازاى في غيابنا ( بصراحه قلبها مفيش منه وفعلا بتحبنا بس عليها حركات اطفال تغيظ )
وبعد ما خلصت عتاب لينا قامت مسيحه انى بمعرفش اطبخ , وردت عليها يويو بكل فخر كلنا عارفين ان نور فاشله في الطبيخ , وانا فاشله في الطبيخ , وبوبا اعترضت انا مش فاشله ( شكلها نسيت الكنافه امو موز , اللي طعمها كان يععععع , بس يلا ربنا حليم ستار )
وجه الدور علي بوبا تقول ايه مضايقها منى

وسئلتها يويو وكالعاده جريت
وتفوت دقايق وبوبا مردتش , وعمالين ننادى فينك.. روحتى فين ..بتكتبى ايه , وقامت حدفالى الكلام كله مره واحده

بوبا : الي مدايقنى في نور انها بتفهمنى غلط معرفش لية مع انها سعات بتبقي فهمانى اكتر من نفسي ونفسي العبيطة دى تعرف انى بحبها موت بس طز فيها طبعا يااامى بس بجد نور كلها علي بعضها شخص مميز بالنسبالي جداا وحد بحب اخد رأية وبثق في كلامة بغض النظر انى كتير مكونتش بسمع كلامها هبل بعيد عنك بس برجع اندم بقي بس مش شايفة ان فيها عيوب بتضايقنى بس الي بيزعلنى سعات لما بتكون مضايقة ومقوقعا مع نفسها بخاف لتجن ولا حاجة ووقتها مبتسمعش كلامى ولا حتى بتففضفض ليا بسهولة عايزة ضرب الدزمة راسها صعيدى

وحاولت اعترض على الكلام لكن يويو قيدتها للأسف , وبدأت تعمل شغل عبدو حريقه وتقولها وبكده احنا منحكلهاش اللي مضايقنا احنا كمان

نور : مين قال انى مبفضفضش هنكدب بقى
بوبا : ايون انتى مش بيفبفضف
وللو فضفض
بيكون بطلوع الروح
بعد تحايل شهر ولا حاجة
واياك تنطقي بقي
( طبعا ملاحظين ان حتى نطقها للكلام زي الاطفال مكدبتش انا اهو هههههههه )

نور : قولت بضحك ... ايون لازم تعزمى بقلب

يويو : ايون مش بتفضفض
انسانه كتومه

نور : بس مش تسخنيها يا حريقه

بوبا : هسئل انا بقى نور
ايه اللي بيضايقك في يويو

نور : الحساسيه الزياده والرقه الشديده اللي هتخليها تنكسر قدام كتتير من المشاكل
بوبا : اه هى روهيفة كدة , تحسيها غوريبة وبتيفور

نور : وكنت بقولها مبتسامحيش بسرعه علي ما اعتقد لكنى مش متأكده من دى
بس اللي اكتشتفه امبارح بقى انها مش متفائله

بوبا : يا نهار ودا علاجه ايه
اقراص ولا شرب

نور: تاخد حبتين احلام من بتوعى ههههههه
( وفي وسط كلامنا وضحكى انا وبوبا كانت يويو اختفت خالص مالص , وقلنا كالعاده مصدومه من الكلام , اصل دى عادتها تسكت خالص لفتره لو قولنا شيء وصدمها ) ثم ظهرت وقالت

يويو : نو كومنت ( لا تعليق , مهى قعدة تهييس بقى عك )
وفجاءه ضحكت وقالت لبوبا يا بنتى
ده عندها بلكونه وانا شباكى فاتح علي المنور
( بوبا استغربت وبدأت تدينا في كلام عن فنون العماره والهندسه , انا فاهمه يويو بتقول ايه لأنه تشبيه قولناه امبارح عن التفائل والاحلام , بما انى احلامى كتتير وكنت متفائله قوى فقالتلى انتى على البلكونه وانا شباكى علي المنور )
وللأسف بالعافيه على ما سكتنا بوبا وبطلت كلام في الهندسه المعماريه , وقالت انا غلطانه انى عايزه افهمكم بس انتم اللي فتحتوا السيره . خليكم جهله .
نور : الجهل نعمه يا بنتى وكل واحد حلو في مجاله

وبدات بوبا تسئل اخر سؤال ليويو
ايه اللي بيضايقها منها وقالت نفس كلام نور بس مش بنفس الدرجه
وبدات تحدف طوب بقى
يويو : على الاقل البنوته ( بوبا ) لما بتتضايق بتيجي تحكيلى وتشكيلى مش زى واحده صحبتنا ( الكلام ليكى يا جاره وانا منفضه ههههههههه )
نور : طبعا الاختلاف في الأراء لا يفسد للود مشروعيه او قضية
وبصراحه بوبا فرحت فيا قوى وقعدت تضحك
وبما انهم كانوا مطبقين ومش نايمين بدأنا ننسى حروف واحنا بنكتب والكلام بقى غريب الشكل ( انا شخصيا كنت قاعده في الضلمه ومش شايفه الكيبورد )
وقعدوا الاتنين يغنوا اصلهم كانوا بيكلموا مزز ( شباب ) قبل ما ادخل وبما انى مهيسه ( لسه صاحيه من النوم ) فمكنتش مركزه بيقولوا ايه , وكل ما بوبا تحاول تقولى يويو تسكتها , وفجاءه قومت وسبتهم ودنى تعبتنى ( مش من رغيهم ههههههه دى لظروف صحيه عاديه جدا )
ولما روحت ورجعت قعدت يويو تقولى اعمل ايه في ودنى ( دكتوره شطوره ) والحجه بوبا تفتى ( اسئل مجرب ولا تسئلش طبيب )
وبعدين قولتلهم الحلقه دى اتسجلت لو تحبوا تتذاع قولولى ذيعى , في الاول بوبا اعترضت لكنها عرفانى كنت هعرضها برضوا ههههههههه , فقبلت برضاها احسن برضوا ولكنها طلبت حذف بعض المقاطع وقد قمت بحذف بعض الاجزاء ( اصلها كانت هتبقى فضايح قوى ) ودى فايدة كرسى الاعتراف يدوب الخلافات ونفضل حبايب واصحاب
وسلمنا على بعض وروحنا ننام كلنا وتصبحوا على خير جميعا

" كلامنا كله حتى لو كان صريح وصحيح فهو من القلب للحب مش للتجريح "